شبكتي زيركون
 

نصيحتكم ..

الاسبوع الي فات ملكت والحمدالله زوجي كان مبسوط واهله مبسوطين هذا الشي خلاني مبسوطه وطمني كثيير ..

ولبسني الطقم حلو ابيض مع دبله ..

الولد يقول كلام كثيير وكله حلو يعبر عن انه مبسوط وانا عادي الشعور بس شعور الطمئنيه لاني حسيت اني شاغلته ومعجبته على كلامه من ايام الشوفه ..

اهلى اعلى مستوى مادي من اهله .. لكن الولد يشفع له انه سنع وخلوق وراعي دين ونسب والكل يمدح وابوي منهار عنده يحسه مثالي ..

الصاعقه ان امي اليوم بعد مادرا اسبوع على الملكه بدينا نجهزه خلصنا الملابس الداخليه على قولت امي عشان نرتاح وقلت لها اليوم ابي اشتري ساعه رولكس بيضاء بألماس قبل مايطير المهر بالخرابيط قالت لي ايه ايه .. وشوي تقول لي ترى الطقم مو الماس قلت وشو قالت مو الماس زيركون ما انتبهتي له . قلت لها وش دراك قالت طلعت سوق طيبه وشيكت عليه .. اصلا كان واضح من اول ما شفته عليك دريت طيب ليش ماقلتي لي من اول .. الولد سألني الطقم عجبك قلت له ايه .. ليش ما قلتي لي عشان بوقتها اقول له .. قالت احسبك داريه ...

قالت لي انتي ليش ماتكلمينه وتقولين له غير الدبله وجبها الماس وبالمره قولي له غير الطقم قلت لها لا انا قايله لكم مستحيل اكلمه (( مبداء خاص ما اكلم وقت الخطبه ولا المكله ..)) يعني انا رافضه اكلمه وهو مافي شي اطلبه تبين الحين اطلب ...
انتي قولي لأمه قالت لا انا مالي شغل وابوك يقول بكيفهم احنا نشتري لك طقم ..


انا هنا اسودت الدنيا بوجهي ولاعاد قمت اشوف عيوني زغللت وكملت بياله الشاي الي معي وطلعت لغرفتي وصحت وبردت خاطري وجاء وقت التفكير الصح ..

الحلول المتاحه :
اطلب منه يجي للبيت واتفاهم معاه على موضوع الزيركون ..

اصر على امي وابوي يكلمون امه ..<< زي ما بدأو بالموضوع يكملونه ..

اسكت ولا كأن شي صار .. واكسب الولد واخلاقه واعيش على ستر الله معاه ..


اي استفسار غامض او حلقه مفقوده انا متابعه .. اهم شي اوصل لحل سليم ..

هذا مو ذهب ولا الماس .. شي ما ينباع زي اكسسوار

مدري انا ما اعرف .. بس صدق اذا ذهب طمنتيني شوي

الله يوفقكم على ردودكم والله ودي اتأكد وبطلع ذهب ماودي بعوار الرأس والمشاكل

برد لكم إن شاءالله

يابعد عمري الله يوفقك يارب ويتمم لك على خير وانا اشوف انك توقفين بوجه المظاهر واهم حاجه الرجال باخلاقه ودينه مو بفلوسه والحل بعددددين لما تتزوجين إن شاء الله تسالينه ولا مو بطريق مباشر بعد لان الرجال دايم مايحبون المره صاحبة المظاهر وهذا الصح أهم حاجه التوفيق والاشياء الباقيه ثانويه والله يوفقك مره أخرى

ودي اسمع واطنش بس ما اقدر وضعي الاجتماعي صعب جدااا

كيف يعني زيركون اول مره اسمع به

ع العموو مبرووك ع الملكه انتي غلطتي انك ماتكلميه ايام الخطوبه شلون تعرفين اخلاقه وتفكيره قبل لا تتززوجين لو انك تكلميه كان الامر عليك اهون كان ع الاقل تسألين شنو هذا ذهب ولا ايه

يمكن بعاداتكم ماتكلمون الله اعلم

ومبرووووووووووك عقبال مايزفونك عليه

ايه والله مو وقته

روحي مجروحه انا للأسف ما اقتنع بفكره المكالمات لاتقولين لي ليش لكن كذا سبحان الله

هذا هو التصرف السليم بارك الله لكما وعليكما وجمع بينكما في خير

حبيبتي مثل ماقالت دانتيل

الطقم ذهب بس الفصوص زيركون


اما لو اكسسوار والفصوص زيركون فأول شي تأكدي يمكن عادي عند اهل الولد هالشي

لا تفهمينها مشكله وانتي لسا مو متأكده

ولما شيكت عليه امك في المحل ما قالت لك اذا هو ذهب او فالصو؟


لأن مهما كان طقم الاكسسوار جميل الا انه يفرق عن الذهب ويبان.......... حاجه ثانيه .. واضح ان مستواكم راهي ماشاء الله فمستحيل يجي رجل او اهله ما يعرفون ع الاقل انه عيب تقديم اكسسوار كألماس .. متأكده انه ذهب



اما من ناحية انها ليه مو الماس فيا اختي لازم تحطين في بالك زوجك غير عن اهلك
اللي يجيبه حياه الله .. مدي ارجولك على قد لحاف زوجك وانسي اهلك .. ومن ناحية المكالمات ماراح اقنعك تكلمين لأن صعب تغيير القناعات لكن انتي بطريقتك هذي جالسه تضيعين اجمل ايام عمرك بسبب انك فقط مو مقتنعه كذا سبحان الله .. يمكن هو بعد مو مقتنع يجيب الماس كذا سبحان الله .............ترى هذا زوجك.. بعد الدخله مين بيكلمه انتي والا اهلك؟ اكيد انتي .. طيب وش فرق قبل الدخله او بعدها؟

من الاخير الله يجعلها اكبر المصايب

ليتك تتلكمي مع خطيبك بشكل مباشر و تحلي الموضوع معه افضل من تدخيل الاهل و تكبير المشكلة ,,
انا ارى ان المكالمات بين الخطيبين و بالذات في حالتك ضرورية جداً ..

.. انا مع رأي الاخت ( مشكلتي أصدق ) ..


والله يتمم لك على خير .. ويوفقك ويسعدك ..

طيب انا شبكتي لا زيركون ولا الماس دهب وبس :D
يعني مو لهدرجة مهم او بالاحرى مش مهم اساسا هاي كلها مظاهر يااختي مو معقول تاخدي الموضوع بالجدية هاي
من وين ابن الناس يجيب الماس حقيقي حرام مساكين الشباب عنجد
انسي الموضوع لانو مش مستاهل ابدا بكل معنى الكلمة
بس ملاحظة ليش بتقولي عن خطيبك الولد كزا والولد
يعني مو زوجك ورجال طويل عريض مابنفع تقولي ولد حبيبتي قولي الرجال طلع زين الرجال ماقصر:) بس ملاحظة انا عارفة مو قصدك بس حبيت انبهك تحكي عنو بطريقة الطف اكتر من هيك واكرر مو قصدي ادايقك :) والف مبروك

اسعدك الله انتبهي تجبين سيرة الشبكة له اكسبي زوجك ولاتنكدي على نفسك وعليه

واذا كان قدرتك المادية تشتري طقم الماس اشتري

ولاتنسي ان هذه قدرته المهم الشاب ودينه واخلاقه

ضروري تعرفين أنه بخيل أو لا

و ضروري يعرف أن هالمظاهر تهمّكِ

و هذا لن يحصل بدون ما تكلمينه

اااخ يا قلبي انتي اللي مبرده قلبي

اذا فعلا الطقم اكسسوار فهذا دليل انه الرجل مش مزبوط ومحتال

لانه معروف عند الواطي والعالي انه الشبكه لازم تكون ذهب واللي ما عنده قدره يقول مو يلبس ويضحك عالعالم انه ذهب اصلي..


يعني معليش يقول انا ماقدر اجيب او يجيب شي بسيط اصلي اهون الف مره من انه ينصب عليا وعلى اهلي.. انا اعتبرها نصبه وسوء في الاخلاق ..

لكن انا بصراحه مستبعده انه يكون اكسسوار اصله مو معقول الوقاحه توصل للمرحله هذي..

وبعدين الل يقولو ما عنده قدره يجيب طقم كويس اذا يروح يخطب من مستواه ليش يطالع البنات اللي ماهم من ثوبه !!!

سألت عن الزيركون قالولي ذهب عيار 18 بس أنتي تأكدي ياحبيبتي قبل ما تفتحين مع خطيبك شي الله يوفقك وروحي شوفي وتأكدي من محلات الذهب وخبرينا وش صار

زين بسأل شكرا جمال الروح

يا شيخه ذهب

اكيد مستحيييييييييييل فالصو

المعذرة يا أختي ولكن أضحكتني هذه العبارة!

يعني ساعة رولكس بيضاء (بألماس) ليست خرابيط؟!!



طيب..

البنت شكلها معتادة على الألماس لذلك هي لا تعرف الزيركون والرعب الذي تعيشه جعلها تنقل لكم صورة خاطئة أن الطقم فالصو ;)

لكن الطقم ذهب فعلاً بدليل أن والدتها تفحصته (!) .. والبائع لم يذكر شيئاً عن الفالصو .. يعني الطقم حقيقي.





عزيزتي..

لا أدري ما أقول لكِ! .. كبري عقلكِ بارك الله فيكِ .. ولا تسمحي للوضع الاجتماعي الذي تتحدثين عنه أن يتحكم فيكِ لهذه الدرجة.

الشبكة هدية للعروس .. نعم صحيح ... وما دامت هدية فيجب أن تقبليها كما هي لأن الهدية في النهاية يجب أن تكون حسب ظروف المهدي وليست حسب الوضع الاجتماعي للمهدى إليه.


بل إنني أزعم أن ذات الأمر ينطبق على المهر .. بمعنى أن مقداره يجب أن يكون حسب ظروف العريس المادية أولاً وأخيراً.

وما دمتم قبلتم به وبدينه وأخلاقه ونسبه .. فلا يجب أن تكون الأمور المادية مشكلة وعائقاً بهذا الشكل.


بالطبع لا يقول أحد أن يتلاعب بكم ويقدم لكِ شيئاً ويدعي أنه شيء آخر .. وهو ما لم يحدث أصلاً .. وما دام قد قدم لكِ ذهباً فيجب أن تقبلي وتسكتي .. وعيب أن تتحدثي في الموضوع أو أن تطلبي من والديكِ ذلك.



وبصراحة إن كان وضعكِ الاجتماعي يفرض عليكِ الخضوع للمظاهر هكذا .. فالأولى الا ترتبطي بمن هو دونكِ من الناحية المادية .. حتى لا تتعبي ولا تتعبيه معكِ مستقبلاً.

انا متأكدة انه ذهب عليه فصوص زيركون

الوالدة ما سامته في طيبة ؟؟

انا مع كلام الاخت دانتيل

فقط توضيح اكثر لردي

اذا تبين انه ذهب + زيراكون فلا ارى ابدا ان الموضوع يستدعي قلقك .. اذا كان الرجل ممن ترضون دينه وخلقه فلا ينبغي ان ترفضيه لهذا السبب .. وهذي فوارق مادية .. حتى الذهب مع الزيراكون ترى مو رخيص ... غالي جدا في ظل ارتفاع اسعار الذهب الان ... لي قريبة اشترت طقم بقيمه 15 الف وهو ذهب بزراكون .. والله ان الطقم جدا صغير ولا يسحق هذا المبلغ .. لكن السبب هو ارتفاع الاسعار

وبعدين الذهب لك وللزمن .. الالماس لا يحتفظ بقيمته الشرائية


اما اذا تبين انه فالصو .. وهذا امر استبعده .. فهذا غش وتدليس .. وفي هذا كلام اخر ..