|
وشـ رايكمـ اطنشها والا لا ؟؟
السلآم عليكم
انا شفت مواضيع متقاربة لمشكلتي . وكثير نصحوو اصحاب المواضيع انهم يثقلون :d المهم بقولكم مشكلتي وانتظر رايكم . انا مملك واكلم زوجتي بس تلفون وكنا نتكلم بالساعات لدرجة احيانا توصل المكالمة الوحدة لـ 6 ساعات واكلمها بشكل يومي . طبعا بينت لها حبي وهيا نفس الشئ حسيتها تحبني ومن قلبها . بس قبل كم يوم اتصلت عليها اعطتني مشغول وتركتها قلت يمكن ترجع تتتصل لاكنها ماتصلت :( قلت يمكن ماعندها رصيد والا كانت بجد مشغولة وانتظرتها اليوم الثاني تتصل لاكن نفس الشئ ماتصلت :( قمت انا اتصلت عليها وقامت اعطتني مشغول :( وش ذا الشغل الي يجلس يومين :25: المهم ارسلت لها ايش السبب انها ماترد على رسايلي وماردت :( انا متاكد اخر مكالمة بينا مازعلتها بشئ ولا اتوقع انها زعلانة مني بس ايش رايكم بالتطنيش حقها اسوي مثلها واطنشها :29: والا ارجع اتصل عليها :22: |
تطنيشك ما راح يجيب نتيجة
تصارح معها و بين لها إنه الشئ هذا ضايقك و افهم منها ليه عملت كذا و قول لها لا عاد تعمل كذا و اشرح لها بس التطنيش في حالات تانية |
السلام عليكم
أخي العزيز انت ليش ماخذ الموضوع على أنك داخل في حرب يعني اذا هيا غلطت ترد عليها بغلط أقوى هذا زواج والزواج موده ورحمة انت زعلان أنها تعطيك مشغوووووول طيب أبغى اسئلك قبل لا تزعل منها تذكرت انت هيا كم مرة فرحتك ممكن يكون حصل لها ظرف من الظرووووف الخارجة عن ارادتها ويمكن تتدلع دائما أحسن الظن اذا حاب تعمل شئ فأنا أنصحك اذا كنت قادر تزورها في بيتهم ففاجئها بزيارة على بيتهم ومعاك هديا وورد بس تقابلها لا تعاتبها قلها أني خفت عليكي وجيت اتطمن عليكي بنفسي يا عالم هذا زواج مو حرب وشكرا |
وعليكم السلام ورحمة الله :d مبارك مقدماً طيب أخوي انت تقول عنها وش ذا الشغل اللي يجلس يومين....:25: وأنا أسأل بعد وش المكالمة اللي بتجلس 6 ساعات ...:25: بالتوفيق لك عزوبي:22: بس:d رجل:30: |
8 8 عزوبي ياأخـوي نشوووفك بكرا اذا ملكت وش بتسـوي اخاف تصير انت والجوال نوؤم سيـامي هههههههههه :: اخـوي خذ الموضوع بسهاله .. واتركها يومين بس .. وارجع اتصـل اتوقع بترد ! الرسول قال عليه الصلاة والسلام التمس لأخيك المسلم 70 عـذرا ! مو عذر واحد !!!!!!!!!!!! لا 70 ؟! يعني ماتدري وش صاير عندهم يمكن احد تعبان ولا هي نفسيتها تعبانه وماتبي تضايقك معاها ! الله اعلم عالعمـوم طمنـا ..! |
أتوقع والله أعلم مدامك تقول انك مازعلتها شكلها تغلى عليك طيب أنت ارسلها مسج وقلها وش فيك ماتردين واذا ماردت عاد اتركها براحتها اتوقع هي راح ترجع لك ومعها عذرها ومادري بالنسبة لمكالمتك ام 6 ساعات هذي اللي يبيلها ثقل:dانتبه لاتمل منك والله يوفقك ويجعلها ترد عليك عاجلا غير اجلا
|
اقتباس:
اقتباس:
لا ما اقدر اشوفها ماعندنا روحات وجيات بس تلفون وبالعافية . بس انا لما قريت المواضيع الي قبل شفت كثير يقولو اثقل يعني الي اقصدة من تطنيش يعني اثقل عليها ولا اكلمها والا ارجع واكلمها بعد ماسوت معايا كذا ؟ وبعدين انت الي داخل الموضوع تحارب هههههههههه و اقتباس:
انت تركت الموضوع كله وجالس تفكر في المكالمات لوووووول ان شاءالله لما تملك تعرفها لساعك صغير هع |
اقتباس:
<<< يقول في نفسه ياليت تفهمون قصدي . اقتباس:
بقولك سر المكالمات الـ 6 ساعات احنا اذا كلمنا بعض تاخذنا السوالف ولا نحس الا الوقت راح ههههههههههههه ماتوقع تمل منها ولا انا لان احيانا اقولها انا بقفل وتقول انتظر شوي خخخخخخخخ |
أخوي اولاً احب اقولك معلووومه انا مريت بنفس الظروووف واذكر اهلي كانوا شديدين علي شوي في موضوع المكالمات مع زوجي الله يحفظه واذكر ادخلت امي علي وقمت علقت المكالمه بعد ماستأذنته ينتظر شوي ومن خوفي من الوالده الله يحفظها قفلت الجوال بدون ماأعطيه خبر وخبيته كمان نمت وقتها لان الوقت كان شوي متأخر واليوم الثاني كان بالي مشغول عليه ودي اعتذر منه وصدري ضايق من الحركه رحت الدوام وكلمته هناك وللاسف مارد علي ودقيت اكثر من مره وانتظرت يومين نفس الحاله مايرد لحد ماكنت راح اتجنن واظطريت اخذ موبايل وحده من صديقاتي الله يجزاها خير ورد علي لمن دقيت واكتشفت ان زوجي كان زعلان مني وماوده يكلمني وتفاهمنا وكان وقتها صعب ارضاءه وظلت المشكله يوم كامل لحدة ماأنحلت ولله الحمد بس خلا هالفتره ماقلت له عن خوووفي واسلوب اهلي معاي ونظرتهم للجوال او المكالمه وهذا الغلط >>>> ادري بتقول وش ابي بقصة حياتك خخخخخخ بس انا ذكرت لك هالقصه لان ردة فعلي كانت قويه مع زوجي بصراحه وقتها حقدت عليه وعلى اسلوب تطنيشه وهو مايدري عن السالفه وانا كمان غلطت لمن ماشرحت وجهة نظر اهلي ورايهم على المكالمات بس ظلت بصمه ماأنساها وتتعبني كل ماأتذكر هالمشكله لحدة مااجتمعنا تحت سقف واحد والحمدلله نستني الايام اخوووي اتا اقول لاتطنشها ولاتقسى عليها ماتدري عن ظروفها اتركها يوم او يومين ثم ارجع دق وشوووف واذا ماتجاوبت معك دق على والدتها لانها اكيد اقرب شخص لها وبين انك خايف وقلقان عليها وبس تحب تطمن عليها والله يوفق بينكم يارب ويديم عليكم المحبه اسفه على الاطاله |
أها ، يعني مو أول مرة تطنشك يا مطنش الكل :D
طيب ، إذا مو أول مرة و كلمتها قبل كذا فأعمل نفسك ماخد على خاطرك لحد ما تشرح لك السبب |
حقيقة لدي مشكلة مشابهة لمشكلتك مع خطيبتي كنت اكلمها يوميا لمدة ساعتين و اكثر لشهور قريب لسنة ....مؤخرا طنشت ما ترد ما تسال ...حتى انو صارلها شك في انها احبتي عبر الهاتف رغم اننا تقابلنا .....اخي 6ساعات كثير ربما هي تجاريك لكي لا تجرح شعورك و انت تزيد ي ساعات المكالمات حتى بلغت 6 ساعات ......
من الاحسن تروح بيت زوجتك حترتاح و هي ترتاح و الله احسن من التليفون .... مستحيل تسوي حل لاي مشكلة بالتليفون بل بالعكس تزيد تتعقد و هذا ماهو حاصل معي ..... روح لبيت زوجتك و خبرنا بعدين بالتوفيق ان شاء الله. |
أجل اكيد عندها ظروف التمس لها العذر والولد والبنت بالفترة هذي يكونون حساسين من بعض عاد اذا ردت خبرنا او بالاصح طمنا:)
|
يمكن جد مشغوله او انها تعبانه ولانفسيتها زفت
حط كم عذر علشان تقدرون تعيشون مع بعض موع طول سوت حركة اردها ماتدري عن ظروفها والله يخليكم حق بعض يارب |
دونت وري خيو هالازمة مرت على الكل بس باعذار مختلفة :d
صح لازم تعذرها بسسسس كونك زوجها الاحترام واجب اولا و سالفة المشغول تحز بالخاطر و يومين احس مبالغ فيها نوعا ما بالنسبة لي اشوف التطنيش و لاااااااااااااااااااااايس الزعل هو الحل ،،،، يعني انتظر هي تتصل و تبتدي مو انت وبعدين وضحو الامور بينكم بالتفاهم واظن انها سامعه شي عنك و مزعلها هذي حركة زعل و دلع و تغلي مو شي شاغلها : ) الله يهنيكم |
هالحركات هذي حركات ناس زعلانهـ
تذكر يمكن دقيتها بالحكي اللي إمتد 6 ساعات :) بالتوفيق |
اقتباس:
بس باين زوجك زعول لووول . ويعطيك العافية على النصيحة . اقتباس:
صار شئ شبية وقلت لها اذا صار لك اي ظرف وماتقدري تردي قولي لي لو برسالة . اقتباس:
وتسلم على مرورك اقتباس:
انا كتبت اني عاذرها لاني متاكد مستحيل تطنش الا بسبب .. اقتباس:
يسلمو على المرور والدعوة الحلوة . اقتباس:
بس ترى ماسمعت عني شئ خخخخخخ اقتباس:
مو زعلانة .. |
ياحبي لكم وربي ردودكم بلسم للجراح وانا وربي هذا الي خلاني اسجل في المتدى عشان استفيد من خبرتكم ونصايحكم ..
طبعا الي صار انا شكلي استعجلت . بعد ماكتبت الموضوع وجالس شويا انتظر الردود وارد على موضوعي جاني اتصال منها . رديت وقلت لها ليش مارديتي عليا المرة الاولى ماكانت تدري اني اتصلت اصلا لان الجوال كان يلعب فيه اخوها وهيا صادقة لانو ماكملت رنة الا جاء مشغول والمرة الثانية كانت في السوق مع امها واخواتها ماقدرت ترد قدامها وهيا اصلا تستحي ترد عليا قدام اهلها بس بعد مارجعت من السوق اتصلت وهوا الاتصال الي صار بينا تقريبا الاتصال كان الساعة 1 وقالت لي اعذارها وانا صدقتها لاني اعرفها مستحيل تكذب وانا اثق فيها ثقة عمياااء .. والحمدلله صار كل شئ تمام وامتدت المكالمة من الساعة 1 الى صلاة الفجر بعد الفجر نمت ودقت عليا الساعة 8 عشان تصحيني للدوام وكلمتها من الساعة 8 ونص تقريبا الى صلاة الظهر خخخخخخخخ <<<<< عشان الناس الي مستغربين من 6 ساعات وشكرا لكل الي ردو ع الموضوع .. |
الحمدلله على السلامة شفت العجلة مافيها خير والوساويس الزايدة:d
|
ترى البنت طفشت!!!!!
وش 6 ساعات وما 6 ساعات!!!!!! والله لو اني مكانهااا مااارد عليك!!! بصرااااحه انا ماااحب الرجل الثرثااار <<<<<<بربره احب الرجل الهادي السااكت الرومنسي اللي يكون كلامه قليل وموزون وبنفس الوقت يقول كلمتين يخليني افكر بهااا يوم كااامل<<<<<<مثل زوجي يسعده ربي ومو اي كلمتين لا!! اما الللي يتصل ويسولف بكلام رومنسي شوي بسوالف ايش سوى اليوم شوي ايش صاار مع خويه شوي يقول بطولاته بالعمل شوي موقف صارله بالشااارع وووووووووووو الخ بصراااحه مغثى <<<<<نشبه عز الله مسجل!! <<<<<<اتوقعهاا نفس شخصيتي |
اقتباس:
اقتباس:
يعني مع احترامي لرايك غلطااانة . |
لا انا بالنسبة لي ماحب الكلام الزايد احسه ملل قبل الزواج بالعكس خلها تكتشف فيك اشيا وتكتشف فيها اشيا بعد الزواج
|
حتىا أنا أحس أن 6 ساعات مبالغ فيها .. :d
الحمد لله انها طلعت مشغوله يامطنش الكل :d الله يسعدكم ويخليكم لبعض .. |
اولا الحمدلله على السلامة ثانيا خذها عبرة لا تستعجل ثالثا حصن نفسك و حصن زوجتك على 6 ساعات ( ؛ الله يسعدكم |
اقتباس:
بناء على الرد السابق.. يـغـلـق المـوضــوع.. |
| الساعة الآن 07:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©