|
خطبتي بكره وتوجد مشكله
السلام عليكم
كيفكم عساكم بخير ياجعلكم ماتشوفو مكروه بحياتكم,,, مشكلتي مشكله, بكره باذن الله الخميس موعد خطبتي والمفروض كانت الاسبوع الي فات بس أجلناها لان ضرسي ملتهب ومنتفخ ومن الاسبوع الي فات للحين والله منتفخ زي ماهو وبكره موعد الخطبه...؟ ماينفع نأجلها ماهي حلوه اجلناها قبل كذا وناجل الحين خلاص بكره بكره الله يعينني بالله عليكم مين يعرف علاج يخلي الانتفاخ يخف,, للعلم رحت دكتور الاسنان يوم الاثنين وعطوني ابرتين ومضاد حيوي ووصفلي ادويه وقلي كم يوم ويخف واستعمل الادويه بانتظام بس ماخف ولاشي وللحين لحيتي ماهي مرتبه وكثيفه شوي ومقدر اخففها وازبطها لان الانتفاخ بيئلمني لو احد مسكه بس مو مشكله ابخففها وخليه يئلمني ماعلي بس الحين ابغا الورم يخف كيف اروح لموعد مثل كذا وضرسي وارم ومنتفخ ..! وتمضمضت بمر ودهنت بالمر عشان يفش الضرس ومافي فايده قولو ايش في علاجات شعبيه يخفف الورم تكفون ساعدوني ابغاها اليوم وبكره موعدي بانتظاركم على احر من الجمر وماستشرتكم قبل كذا لان على بالي حيخف قبل الموعد بس الحين باقي يوم واحد فقط عالموعد وماخف عالاقل لو تدلوني على علاج يخففه شوي وسنتين وماجاتني هالحاله ويوم خطبتي تجي :) هذا قدر الله وانا راضي فيه تمام الرضا |
اختي صار لها مثلك
وحطت كبو والحمدلله خف شوي والله يشفيك |
ايش الكبو هذا
وكيف استعملته |
غريبة أسبوع ولا خف ؟ تاخذ المضاد بإنتظام ؟
أبتعد عن العطورات والبخور من الحين لبكره وملح + مسمار ( قرنفل ) تمضمض فيهم ... ومافدامكم إلا العافية ... |
والله للحين ماخاف اصلا قلي التهاب فيه قوي وبعد مايروح الورم تعالي نسويلك عمليه نخلع الضرس
الحين بجرب الملح والقرنفل والله يعافيكي ويدوم عليك الصحه يارب |
الله يعينك اجتمع هم العرس ووجع الضرس ...:d الله يبارك لك ويسهل امرك ويزيل ألم ضرسك ... إن شاء الله يفيدوك الإخوان والأخوات لأن ما عندي حل لحالتك وفقك الله عزوبي:22: بس:d رجل:30: |
[QUOTE=for ever-1;2351766]ايش الكبو هذا
وكيف استعملته[/QUOT الكبو تلقينه بالمزارع وهو بالاصل اسمه اثل بعدين تكبين فيه ضرسك وذا ماعرفتيه اسالي احد يعلمك اياه |
بالله كم مرة عدت كلمة انتفاخ:d حاول تحط عليه كمادة دافية وأعتقد يحتاج وقت علشان يروح الله يكون بعونك ماتشوف شر
|
تسلمو جميعا عالردود
واخ عزوبي هو ياليته ألم كان تحملته بس مافي لا ألم ولاهم يحزنون الحمدالله بس مورم وابغا شي يخفف الورم وتسلم على ردك جمال الروح بلا تدقيق والسطر الي فوق مافي ولا كلمة انتفاخ هههه .. اسبوع وهو مورم ومعقوله للحين ماخذ وقته وحطيت وحطيت ومنتظر منكم اشياء ثانيه |
هههههههه
لا بأس طهور إن شاء الله, وأسأله سبحانه أن يجمع بينكما على خير |
الف مبرووووووووووك اقولك خذ مسمار او ابره واغرزه بالـخد كود يفش .. هههههههههههه << نذلـه ! والله مانيب طيبيه شعبيه بس بدعيلك الله يتمم لك يارب ! |
جرب تمضمض قد ما تقدر بالماء الدافئ وشوية ملح ( لا تكثر من الملح) :18:عسى ربي يشفيك ويعافيك وان شاءالله بكرة تقوم وانت بخييير ومزاجك فوق العالي ومبارك عليك الزواج :14: |
اقتباس:
هههههه يعني مافي غير هالحل الله يهديك طيب يان.. ماقلت شي من عندي الاعتراف بالحق فضيله ويسلمو عالمرور هههههه ابو ناصر امين يارب الله يسمع منك وبدون شماته هااا |
والله يا اميرة تمضمت بقرنفل مع ملح على كلام احد الاعضاء تووي ويارب يخف
وبعدها رحت العطار وشريت صبره قلي واحد عليها ودهنت خدي بالصبره شكلي اليوم بخترع بوجهي اختراعات والله يسمع منك ويسعدك دنيا واخره |
ليست شماتة يا أخي ... لكن موضوعك فيه نوع فكاهة وطرافة... وأحسن شيء فيه أنه سيبقى يوماً مخلداً في الذاكرة
|
الكمادات البارده كويسه مره
مضمضه بماء مع ملح خشن وقرنفل ومره . الله يعافيك. |
اقتباس:
تسلملي هالطله اخت بعيده هناك,, والله تمضمضت بقرنفل مع ملح العصر والمر تمضمضت فيه قبل كذا واخر شي حطيت المر على خدي وفوقها حطيت صبره من عند العطار وللحين بوجهي بس للحين ماجا مفعول عسا الله يعين على قول اختي بتدخل التاريخ اول خاطب يخطب ويروح وهو ضرسه مورم هههههه |
يارب جيب العواقب سليمة ان شاء الله يفوت يوم الغد على حسب ما تتمنيه فيه كل خير وانت اروع العرايس وخلي اتكالك على الله فهو خير الشافي .والف الف الف الف مبروووووك.
|
الله يشافيك ويخفف عليك
وألف مبروك أخوي |
أسأل الله أن يشفيك ويخفف ألمك
اجعل العلاج الشرعي مع العلاج الطبي ضع يدك على موضع الألم وقل (بسم الله) 3 مرات ثم (أعوذ بعزة الله وقدرته من شر ما أجد وأحاذر) 7 مرات والله هو وحده الشافي ومبارك عليك الخطوبة والله يسعدكم |
الف مبروووووووووووووك والله يتمم على خير
جرب الفقس اذا جيت تنام دهن خدك والله يشفيك |
الله يسعدكم جميعا يارب دنيا واخره
والله فرحتوني بردودكم وعاد الله يستر الحين الساعه 12 وهو مورم والحين بنام وبدهنه بفكس ومرهم اسود وكل الي يخطر ببالكم هههههه عسا بس اقوم ويجي احسن والله يبارك للجميع ان شاء الله اليوم الثاني ابشركم ايش حصل دعواتكم بكره خلاص مابدخل يوم كامل لانهم بمنطقه ثانيه يعني مسافرين اشوفكم على خير |
ناطرين الاخبار اللي تسر ...:30:
الله يسعدك ويوفقك .... |
الله يسعدك
والله للحين متهوجس انسدح وربع ساعه اقوم اشوف بالمرايه كيف خف عن اول ولا لا |
ألف مبرووووووووووك
والله يتمملك على خيير ياارب |
اقتباس:
عادي يا رجال لا تهوجس ولا شيء بكره في ملكتك ،،،، إذا جو يسلمون عليك ويهنئونك الرجال حط لوحة صغيرة على خدك المنتفخ واكتب مقفل للتشطيبات ،،،:23: بالنسبة للعلاج ذكرتني إذا جرح اصبعي وحطيت عليه شاش ، أقول لبنت اختي تعالي بوسيه ويطيب الوجع وتجي هي - الله يخليها لأهلها - وتبوس اصبعي،،، شوف وأطلب هذا من خطيبتك بكره ،،،،:25: ومبارك مقدماً عزوبي:22: بس:d رجل :30: |
السلام عليكم صبااااااااح الخير يالله نتظر الاخبااار الحلووووووووووة بس فعلارااااح تكون ذكرى حلووةانت رايح تخطب وخدك موروم وانشاء الله تذكروها في يوم انت وزوجة المستقبل وتضحكوووا ,,,قولوا امين الف مبروك ,,,بارك الله لك وبارك عليكم وجمع بينكم في خير ... |
طهور ان شاء الله
تمضمض بملح ومويه ان شاء الله تتحسن |
وش صـــــــــــــار ياعريس !! تمت الخطـبه !! نقــــــــول مبروك عليك !!؟ |
الحمدالله والشكر لك يارب والله الموضوع مر زي الحلاوه اسهل من الساهل الحمدالله
وابشركم تمت الخطبه والشوفه .. وياويلي على شعور الشوفه وربي ماتوقعت انا الجريئ دايم اكون بذا اليوم مثل كذا وربي جاتني رجفه ثواني وراحت بس احلى موقف والله والموضوع يبغاله موضوع جديد بس ان شاء الله لالقيت وقت انزله وتسلمو جميعا عالردود ويسلمو الجميع الي يتطمن عسا ربي يكتب للجميع كل التوفيق وخلاص ياليت يقفل الموضوع من الاشراف لانه انتهى |
ماشاء الله تبااارك الله بارك الله لكم وبارك عليكم وجمع بينكم على خير الف مبرووك |
اقتباس:
ما شاء الله بارك الله أنا حسبتها ملكة وعقد قران ، عموماً الله بارك الله لكما وبارك عليكما وجمع بينكما على خير عزوبي:22: بس:d رجل:30: |
اقتباس:
بناء على الرد السابق يغلق الموضوع.. أسأل الله العلي القدير أن يتمم لك على خير وييسر لك أمرك.. |
| الساعة الآن 10:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©