|
استفسار عن شعور الرجل بعد رفضه
السلام عليكم ورحمة الله وبركاته كيفكم جميعا دايم مانسمع عن حالة البنات بعد الشوفة الشرعية لما يرد الخاطب بعدم الراحة وهذه الفتاة ليس بها مواصفاتي و و و لكن السؤال هنا لما البنت تخرج على خطيبها ويكلمها اويسالها ولاحظت انه مارتاحت لكلامه او مجرد انه شافته مااعجبها بعدين رفضته تتوقعون هل الرجل يتأثر نفس تأثر المرأه ويتحطم ام لايتأثر؟..........دايم يطري على بالي هذا السؤال حبيت أشوف اجاباتكم
|
اكيد ياثر خصوصا اذا البنت عجبتوا وهو ماعجبها
برضوا الرجل لي مشاعر واحسايس دا من وجهة نظرى بالتوفيق للجيمع |
الرجل لا يختلف عن المرأة بل قد يتأثر أكثر منها و بدون شك راح تتأثر نفسيته اذا رفضته العروس بالتوفيق ان شـاء الله |
اقتباس:
|
حلو موضوعك
وبصراحه لو احط نفسي هالموقف ابد ماتأثر واذا ماخاب ضني الاغلبيه ماحيتأثرو الا اذا شخص يحب بنت عمه مثلا او حالات مثل كذا ممكن يتأثر بس بما اني جيت اخطب وحده وتم الرفض منهم والله جدا عادي لأن ياكثر بنات الناس وزي كذا بس البنت تتأثر واغلبهم يتأثرو لأن ماتضمن هل يجيها شخص ثاني او لا اما الرجل عادي يروح بعد اسبوع يخطب ثاني وثالث ورابع وعادي مع احترامي للردود الي يقولو يتأثر وبرضو له مشاعير واحاسيس طيب بس مشاعره واحاسيسه مو زي المرأه المرأه تخاف من بعده ماحد يجي اما الرجل متطمن من هالناحيه وبرأيي مثل ماقلت مايتاثر الا الي يحب وحده ويتم رفضه منها تقبلو مروري |
افضل يكن اولا كل منهم يشوف سرا والثاني مايدري واذا اقتنعوا ببعض يشوفو بعض علنا
|
ايـه يتأثرووووون .. شخص يقربلي خطب بنت وعجبته مررره .. وقالوا اعطينا فرصه نسأل عنك .. وعقب اسبوعين وهو كان جالس على ناااااااار ومتحمس ومتعلق .. رفضووه .. ! تحطم .. ومره انقهر بالذات انه مواصفاته كويسـه بس شكل البنت مارتاحت له .. لدرجـة انه قعد فتره مافكر يخطب اهتزت ثقته بنفسه .. الله يررررررررررزقه يارب بالبنت الصالحه .. :: اما من ناحيـة البنت .. انا والله ياكثر الي يخطبوني ... احيـانا يكون الرفض مني واحيانا من اهل الشاب ولاجبت خبرهم الحمد لله .. السبب اولا واخيرا اني متوكله على الله .. والأستخاره دااااااائما معي من اول مايجون بيتنا الى ماينتهي الموضوع .. وارتاح اذا راحـوا بعكس غيري .. لأنه اعرف انه خيره .. واكيد ربي صرف عني الشــــــــــــــــر ... وعمري مافكرت انه ماراح يجيني احد غيره .. بالعكس اطنش ويجيني واحد مواصفاته احسن من الي قبله الحمد لله .. والآن في مرحلة السؤال عن شاب تقدملي .. والموضوع تطور والله يكتب الي فيه خير سوري عالأطاله .. :: |
أنا بالنسبة لي أتوقع الرجل يتأثر فزي واحد دخلت عليه خطيبته وقعد يسأل ويتكلم فلما تطلع وترفضه مسسسسستحيل ماراح يشك بنفسه ويقول أنا يمكن قلت حاجه ماتنقال او او والله أعلم
أشكر من تفاعل معي |
طبعآ . ويتاثر اكثر لو كان شايف البنت من قبل وكان يحبها ومعجب بيها . وبكل الاحوال صعبة على الرجل حتى لو كان مو
معجب بيها ما يحب الرفض يجي من الطرف الاخر مهما كانت . واعتقد حتى مايحب احد يدرى انه راح يخطب ورفضوه |
أخي الحبيب:
أكلمك من واقع خبرة.. أنا تقدمت عند ناس لخطبة بنتهم وبعد فترة جاء الخبر بالرفض.. قلت الحمد لله ما في نصيب وعسى أن تحبوا شيئاً وهو شر لكم... ويعلم الله إن الأمر عادي جداً خصوصاً إذا علمنا أن الزواج قسمة ونصيب. بل والله إني دعوت الله أن يرزقني زوجة افضل منها ويرزقها زوجاً أفضل مني. ولكن تأثر البنت كبير لأنها ستنتظر خاطباً آخر وما تدري متى سيأتي؟ أما الشاب فإنه من ثاني يوم سيبحث عن عروس ثانية والحمد لله على كل حال.. |
اشكرك اخي ابو ناصر لكن المقصود هنا بعد الشوفة الشرعية مو خطبة بس يعني اكيد لما ياتي الرجل لرؤية البنت يكون متلهف لرؤية خطيبته وكذلك البنت تكون متلهفه لان كلا الطرفين بنا احلامه على الاخر ثم بعد الرفض السؤال هل يقع شي بالنفس لما يرفض الرجل من قبل البنت
|
الأمر سيان
|
من وجهة نظري على حسب شخصية الرجل وعلى حسب ظروف كل واحد
فمثلا مثل ما قالوا الاخوة والاخوات من قبل إذا كان مثلا يحب البنت او عجبته بعد ما شافها ورفضته بتتأثر نفسيته لانه هو يريدها زوجه له او ممكن يتأثر في بعضهم حساسين ويحط في باله ليش فضته ويطلع ويلف ويدور وممكن ما يتأثر إذا كان واثق من نفسه وعارف ومتيقن إن الزواج قسمة ونصيب وانها مو من نصيبه وربي بيرزقه خير منها يعني على حسب النفسيات لكن الشي اللي مافيه خلاف غنه يوجد رجال يصير في بالهم هذا الشي والبعض الاخر متوكل على الله وراضي بنصيبه |
والله انا اشوف انو كلاهما يتاثر
بس اللي يفكر بعقل ماراح يتاثر يعني يقول خيرة ان ربي ماراد هالشي وان شاء الله ربي مايريد لك الا كل خير |
ياخوات الحين انتو ادرا مننا..!
والله العظيم اتكلم وانا صادق مو تحيز او لاني رجل ,,كل الاخوات قالو ايه يتأثر صدقوني مثل ماذكرت لكم مايتأثر الا شخص يحب وحده يعني بحالات استثنائيه وبالعقل الرجل ماتشغله العاطفه مثل البنت ومايشغله موضوع الزواج وقت ماجا بباله الزواج بيروح يطرق الابواب اما المرأه تخاف من العنوسه وهالامور وهي عارفه لو رفضته بيروح يدور غيرها اما هي تضمن احد يتقدملها بعده..؟ وهذي الاسباب الي تخلي المرأه تتاثر والرجل لا وسلامتكم |
اقتباس:
ثاني شي هذي حصلت لاخوي تم رفضه هو شافها من دون قصد طبعا ً وتصير هذي بنت خالتي ولكن الرفض ما جاء من البنت لا جاء من ابوها وما ودي اقول السبب لان بتفتح موضوع ثاني غير اللي احنا فيه اخوي تأثر نفسيا وبحكم ان هو اصغر مني بسنه وتقارب العمر بيننا افهمه وافهم شعوره وعرفت انه تأثر مره وكلمته عالموضوع وقالي ما راح اتزوج غيرها خلاص ماعاد ابغى اتزوج لكن الحمد لله طلعته من حالته النفسيه وتجاوزها ولكن لازال يذكرها لي :( الف شكر لصاحب الموضوع |
أنا رأيي مثل الأخ FOR EVER ...
|
عفوا الاخوان هنا اتوقع انهم يردون قبل مايتخيلون الموقف يعني انت يااخي الكريم جلست مع احد اتركنا من خطيبه وتلاحظ انه مارتاح لك مهما كان راح تحز بنفسك وتعيد حساباتك مو معقولة لما تشوفك الحرمة وتقول مااعجبني هذا ومو هذا فارس احلامي وطريقة كلامه مااعجبتني ورفضتك البنت وتقولي عااادي ماادري مااقتنعت بكلامكم ياشباب وحتى البنت يكون قدامه طريق وراح يجي نصيبه زيك زيه وحتى لو انت ماارتحت وجاك الرد وسبقك من البنت وايضا راح يكون فيه اثر بالنفس والله اعلم اعذروني على الاطالة
|
اقتباس:
اللي بالون الاحمر ياختي ,, نفس الشي منطبق عليكم وانتو وشلون تردون بشعورنا اصلا مو تتخيلو موقفنا..! وثاني شي لما يرفضوه شي طبيعي بيجي بباله كم اسئله ليش تم رفضي ايش فيني عيب ماعجبتهم بايش هذي اسئله بديهيه بابسط موقف تحصل ,, اضربلك مثل لما تدخل على راعي سوبرماركت وتطلب منه سلف دين وقلك لا ممنوع ويجي واحد بعدك يطلب دين ويسلفه عادي شي طبيعي بيجي لاي انسان ليش سلفه وانا لا ومن هالاسئله... بس التأثير هو الي بيكون شاغل الانسان فتره ومتاثر كل ماذكر الموقف وزي كذا الرجل اليوم يرفضوه بيطلع من عندهم وهو يسئل نفسه ايش فيني ويسئل نفسه كم سؤال ومن بكره تلقيه يروح لبيت أخر يطلب بنتهم ولا كانه شي حصل,, اما المرأه بتتأثر لأن موضوع الزواج ماهو بيدها مثل الرجل وكله بيد الله بس الرجل هو الي وقت مابيتزوج بيبحث اما المرأه..؟ وصحيح كل انسان بيجيه نصيبه بس فرق الشعور يأختي شعوري كرجل ضامن اني وقت مابي اتزوج اببحث وفرق شخص ماهو ضامن بيجي أحد بعده ولا هذي فرصه ماتتكرر مرتين..؟ وانتي احكمي بعقلك من اي ناحيه حيتأثر الرجل دام هو بيبحث بعدها وبعدها وبعد بعدها..! والي يعجب بوحده ومايبي غيرها ويتم رفضه منها بيتأثر اكيد وهذي حالات استثنائيه بس اتكلم بشكل عام لما يتم رفضه كأي خطبه تقليديه وبصراحه نادرا البنت تقتنع لما يقولو لها الزواج قمسه ونصيب بتقعد تقولها وهي حازه بخاطرها اما الرجل بيقولها وهو طبيعي لأنه بيبحث ثاني وثالث ورابع..كمثال عالموقف هذا: شخص مربطه يدينه وينتظر احد يأتي ينقذه ولاجا شخص وطل فيه واذا مأنقذه بيتأثر مايدري بيجي شخص بعده ولا لا وهذا الشخص المحبوس مثل المرأه الرجل يأتي يبحث عنها ولو رفضته عادي يروح لبنت ثانيه وهكذا بس قلت يتأثر بحالات استثنائيه اذا يحب المرأه وحالات استثنائيه يعني ويشرفني اكون بينكم واناقشكم سي يو |
اكيد بيتاثر خاصه اذا شافها وعجبتو او كان يحبها من بعيد
وبرايي حسب الشخص لان الناس مش كلهم مثل بعض |
اقتباس:
:) |
اقتباس:
وطيب واحد من اخوانك يمثل بنسبة كم من الشباب ..! وانا ممكن اسئل اختي وتقولي ماتتأثر الحكم عالاغلبيه وصدقتي بعضهم يهتزون وبعضهم مايهتزون والشخصيه اكيد لها دور بس اغلبيه الرجال شخصيتهم معروفه والبنت كذلك وتشكري عالموضوع الرائع وننتظر منك مثل هالنقاشات الي تخلي الواحد يتفلسف على راحته :) |
إكمالا للفلسفة التي بدأها for ever :28:
أعتقد إن البنت تعتبر الجمال شيء أساسي في مظهرها ... وأي خاطب يرفضها معناته ...ما أعجبه جمالها ممكن .. وهذا يجعلها تتأثر لأن أهم شيء عند المرأة مظهرها .. أما الشاب فلا يعتبر الجمال شيء أساسي .. أهم شيء عند الشباب الشخصية والرجولة والأخلاق .. فلما ترفضه البنت .. لن يتأثر لأن معايير الرجولة ما يقدر يحكم عليها الواحد إلا بعد عشرة طويلة وسفرات معاه أما الجمال فهو شيء لحظي تقدر تحكم عليه من الرؤية فقط ..لذا تتأثر البنت وغير كذا مثل ما قال صديقي اللي فوق .. إذا كانت شخصيتي رائعة وواثق من نفسي .. أقدر أخطب عشرة في شهر واحد ما تفرق .. أما البنت إذا كانت رائعة ولا يعيبها شيء ممكن تطول ما جاها النصيب الشاهد ...لن يتأثر إلا من كان يحب :25: يازين الفلسفة بسسسس |
وأنا أوافق الشباب الرأي
|
8
8 معطينكـم جوكم ! طيب وش فيكم متنرفزين كذا ! خلاص انتـوا الوحووش الأقوياء الي قلوبكم قصدير يؤ اقصد حديد .. ماتأثرون ! طيب انت تخطب عشر مرات بالشهر فله .. حتى البنت يجيلها عشر خطاب بالشهر ض1 .. ماصار شي .. عـاد احنا البنات مساكين .. مرره ياحرام ننرحم اذا راح الخاطب .. ركضنا عالسرير الوردي وجنب الدبدوب وقعدنا نصيح ونرفس برجولنا .. لا لا لا مابي .. ابي امي ابي ابوي ..ابي اعرس ! ليش راح ؟! ياكرهه الكخـه انا احلى منه ومن خواتـه ! وتقعد تصيح لين يجيها عريس آخر ! الحمد لله والشكر .. مير .. ! كن مافي بهالبـلد الا هالـولد !!!!!!!!!! تفلسـفو الجو جوكـم .. :: |
طيب اخواني ترى الحاجه كلها نصيب يعني انت ممكن تخطب من عشر بيوت بعد البنت اللي رفضتك وبعد تنرفض ويوافقون عليك البيت العاشر ايضا البنت ممكن يجيها عشر رجال بعدك وتوافق على العاشر:dياحليلكم فيكم ثقه زايده
|
الحكم للأغلب نادرا البنت يجي لخطبتها عشرة رجال
كما أنه من النادر الرجل يتاثر لو رفضته البنت عموماً الأمر بيد كل شاب بعد الله عزوجل في البحث عن عرووووسة أما البنت عاد تنتظر في بيت أهلها إلى أن يأتيها الخاطب رجااااء من البنات لا يتنرفزوا من كلامنا لأن هذي حقيقة لا تخفى |
اللي تقول ..عشر خطاب يرفضووون خاطب بشهر واحد
وش ذا المسكين الكريه اللي حظه خايس !!! إذا صار لي ذا الموقف ... ممكن بعدها أبدأ أشك بنفسي أما الأصل ما تفرق معاي ...وشكرا وأي سؤال حاضرين >> الجو جونا |
المايك للشباب الجو جونا محد قدنا ههههههه
اخت دنتل ايش فيك الله يهديكي متنرفزه يمين بالله كل الي قلته هذا هو الواقع ماهو تحير ولا شي وهذي كلها نقاشات واراء مايحتاج لها نرفزه يعني تبغونا نتأثر عشان مانرفزكم ههههه وثلاث شباب للحين ردو وكلهم متفقين على نفس الشعور والموضوع واضح استفسار هل الرجل يتأثر او لا وكل الشباب الي ردو مايتأثرو طيب وعلى ايش متنرفزه...! واذا كان ردنا بينرفزك لها الدرجه خلاص انا اسحب رأيي ومابقول رأيي عشان لاضايق احد وأظن ان الي قلته افدت صاحبة الموضوع عن شعورنا بس الظاهر اني زعلتكم عالعموم حقكم علي واسف طيب ياجمال الروح تقولي كلها نصيب ممكن حتى الرجل يخطب من عشر بيوت ويتم الرفض طيب مو هذا موضوعنا موضوعنا يتأثر من الرد ولا لا..! اخت دنتل لاتزعلي علينا وربي انه هذا الواقع مو تحيز للرجل او احنا الاقويا واحنا واحنا وشباب المايك لايفلت مننا ههههه |
اصلا مافي رجل راح يعترف بالشي هذا الا قليل لان معروف الرجال عندهم كبريااااااء ماتهون عليه يقول انه حزت بنفسي ان فلانه شافتني ورفضتني هههههه على العموم ماصار الا الخير
|
اقتباس:
ولاكبرياء ولاشي وعلى ايش الكبرياء ياحظي خخخخ في مواضيع يتأثر منها الرجل مثل اذا وحده مدحت شخص ثاني قدام الرجل هذي ابصملك عالعشره انه يتأثر وباشياء كثيره يتأثر وعندي استعداد اعددلك الاشياء الي تاثر عالرجل بس بما ان موضوعك خاص عن هالاستفسار قلتلك ان هالموضوع ماياثر ولا كبرياء ولاهم يحزنون بس يعني انتو الحين منصدمين ليش احنا مانتأثر وانتو تتأثرو...! او مستغربين ومنتو مصدقونا وتقولي كبرياء..؟ يأخت جمال الروح شعور الرجل غير عن شعور المرأه في اشياء تأثر عالرجل وماتأثر عالمرأه والعكس صحيح كلنا لنا مشاعر واحاسيس بس اختلاف الشعور هو الفرق الرجل يتأثر اكثر من المرأه لما يقدم على وظيفه ويتم رفضه والمرأه مابتتاثر مثل مايتأثر الرجل هذي هو اختلاف الشعور,, ولا تبغيني اقول الا اغلب البنات يتأثرو لما يتم رفضهم من وظيفه لأن احنا نتأثر خلاص احكم عليكم انكم مثلنا تتأثرو ومو معقول ماتتأثرو..! وصحيحتتأثر البنت لما يتم رفضها من وظيفه بس تأثير بوقتها ويروح اما الرجل بيجلس يشيل هم وينتظر وظيفه ثانيه ويدعي ليل نهار مثل ماتسوي المرأه بها الموضوع لما تدعي ليل نهار يتقدملها ابن الحلال وعلى ايش فهمتو ان ردنا كان تحيز للرجال وكبرياء والله العظيم مثل ماقولك اخت جمال الروح ماهو كبرياء ولا ثقه ولاشي بس الموضوع بيدنا تم رفضي من بنت اليوم بكره اشوف بنت ثانيه |
كبرياااااااااء !!!!!!!
ليش ؟؟؟ ليه مافيها إهانة أصلا حتى أسوي نفسي متكبر .. الشيء الثاني طبيعة المرأة تختلف عن الرجل .. من ناحية الحساسية الرجل يتحسس من أشياء والمرأة تتحسس من أشياء أخرى مغايرة خليني أضرب لكم مثال .. عندنا في البيت أخواتي وأخواني يختلف تعاملي معهم مثلا واحد من أخواني الدلوخ ..شفته ماسكة معاه غلط ولابس أصفر (( موعشان النصر )) قلت له وش ذا كأنك عامل بلدية ..قام يضحك بكل بلاهة ويرد علي ويحش ويقطع فيني أما أختي ... مستحييييييييييييييل أعلق على لبسها أو أمزح معاها مزح دفش ..خصوصا في ناحية المظهر لأن بكل بساطة كل واحد له طبع مختلف عن الثاني .. |
الحمد لله لقد انتصر الشباب
هههههههههههههههههههه |
والله نقااش ولا ارووع
مااتوقع الرجال بيتأثر الا ادا كان بنت يحبهااا وكان متأمل انها توافق ورفضته |
ايوا يابو ناصر ومبروك لنا هههه
ياليت الكل يفهمك ياجرحني زماني صدقتي والله |
يتأثر بس أقل بكثير من تأثر البنت
البنت تتأثر جدن ورح تنهز ثقتها بنفسها خصوصا لو كان الموضوع يمس شكلها |
جرحني زماني أكيد ماراح واحد وخطب من ناس وراح يشوف بنتهم ومسويلي فيها ومرتز بمجلسهم الا هو متأمل انها توافق
|
صادقه بس لما يكوون الولد يحب هالبنت وتكون قريبتو
ويكوون حاط في راس انها موافقه ومستحيل ترفضني غير لما يخطب بنت مايعرفهاا بيكون محطي في راسه ممكن توافق وممكن لأ |
لااااااااااا
عادي جدا البنات كتيييير .. واحدة لم أعجبها و عشرة أعجبهم .. الموضوع عادي جدا جدا .. |
| الساعة الآن 04:52 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©