|
خطيبتي طلبت الطلاق فجأه
شباب وبنات ربي يخليكم مشكلتي كبيره بحاول اقولها بختصار انا حبيت بنت حارتنا قبل اكثر من سنه انا املك محل في نفس الحاره وكانت تترد على المحل مثل اغلب اهل الحاره وايضا كانت صديقة اختي يعني تقريبا كنا معجبين ببعض ونتبادل النظرات كل ماصارت فرصه ..انا جبت رقم خطيبتي من اختي وقلت لها في ماسج انا ناوي اتقدم اخطبك البنت طبعا بكل ادب ودلع ردت علي بماسج وقالت احنا نتشرف فيكم وحيكم الله ..المهم خطبنا وملكنا قبل 3 شهور وعشنا في حب ليل نهار كنت اروح لها بيت اهلها واطلع اتمشى معها ووناسه ووساعة صدر ..تصير بينا اشوي خلافات عاديه بس معروفه بين اي خطيبين مو مشكله ..المهم في يوم اختلفت وياها على موضوع عادي يعني جاها ماسج وقلت لها من مين هذا ماردت علي وراحت مسحته قلت لها اشدعوه ليش مسحتيه انا زوجك قالت اختي (اختها الاكبر منها متزوجه ) راسله ماسج ومابيك تقراه لانه اختي جريئه اشوي قلت لها عادي يعني الى هالدرجه انا غريب عنك حتى ماسج تخبينه وتمسحينه عني ..المهم اخذت عخاطري وطلعت زعلان من بيتها ..المهم قلت زعل عادي وبرجع ارضى .بس عشان تعرف ان اللي سوته غلط انا ماعمري قلت لها جيبي اشوف ماسجات اللي توصلك بس ليش سوت هالحركه ماعجبتني الصراحه ..المهم بعد يومين شفتها تقول كلام زي اللي انت تشك فيني ومدري شنو قلت لها مااشك فيك انتي زوجتي بس اللي سويتيه ماتسويه زوجه تحب وتثق بزوجها انا ماعمري قلت لك منو يرسل لك ومنو ماسجه هذا ..ليش هالمسج بالذات قمتي ومسحتيه وبعدين جيتي جنبي تقولين اختي راسله رساله جريئه ..المهم بعد يومين اسمع انها منتحره ..ياربي انتحااااار معقوله بلعت اكثر من 20 حبة من ادوية مختلفه وطاحت بالبيت وقربت تموت لو مالحقها الدكتور بالغسيل ..بعد يومين طبعا انا دريت لانها كانت قافله جوالها ..من 4 ايام ..طيب الحين اروح لها تقول ماببيك وماحبك وطلقني انا انصدمت شلون بنت تقول كذا لخطيبها وماباقي الا 5 شهور على الزواج ...وين الحب وين الغرام وين العشق اقولها انا حبيبك اشفيك ..تقول احنا مانصلح حق بعض اقولها انا وانتي اخذنا بعض عن حب وانا اخترتك من بد البنات وقلت لاهلي خطبوها لي ..المهم راحت تقول حق اهلها مابيه خلاص وربي مو مصدق جيت بعد يومين ايضا شفتها تغيرت ااشوي وقالت انا احبك بس مانصلح حق بعض قلت لها انتي متأثره بالمسلسلات التركيه شلون تحبيني وماتبين تتزوجيني قالت مادري [...طيب قلت لها ليش تسوين كذا قالت انت تقولي سوي رجيم نامي بدري عشان لايصير سواد تحت عيونك ..قلت لها وهاذي اسباب للطلاق حرام عليش اي خطيب يقول لزوجته كذا قالت لا انا ماتحمل هالضغوط ... المهم جبت اختي وكلمتها وجبت امي وبعد انا رحت لها ثالث مره قلت لها اذا جرحتك بكلامي مع انو عادي انا اتأسف لك وحقك على راسي وبعد بكيت وانا اتأسف لها واترجاها ترضى علي (لا احد يقول لي شلون رجال وتتأسف وانت ماغلطت مالك كرامه ) انا احبها مووووت ولا في كرامه بين المحبين مو مشكله ...بس اهي ولا على بالها ..مصره على الطلاق للاسف ...بعدين اختي كلمت اختها قالت لها خلاص اخوي تقبل الموضوع وقلنا له خلاص البنت ماتبيك ندور لك بنت ثانيه بكيفها ...اختها قالت لها الكلام فجاه اتصلت علي خطيبتي قالت بسرعه تنازلت عني ..انا بدال مااصير ثقيل خقيت للاسف وقلت لها لالا هذا اختي تقول انا مابيك الا انتي ..بعدين اشوفها قلبت علي بعد نص ساعه بس وقالت انا احبك بس مانصلح حق بعض ...والله احترت معاها انا اموووووووووووووووت فيها وماب يغيرها وهي 24 ساعه تقول ابي طلاااق طلقني ...اقول لها والحب تقول اول احبك .. وبعد ساعه تتصل تقول لا تتخلى عني اذا تبي تطلقني طلقني بس بعد كم شهر ..يعني كل اشوي كلام .. كل خواتي يقولون طلقها لا نك تاسفت لها رغم انك ماغلطت عليها ورحنا احنا والوالده ولا قدرتنا وقالت مابي ولدكم .....الحين مر على اخر مره كلمتها اسبوع وقالت طلقني .. اختي تقول ان هذا بعض تفكير البنات تبي تسيطر عليك يوم شافتك شخصيتك قووويه اتركها كم اسبوع وهي بترجع لك واذا مارجعت طلقها لان اللي تنتحر وتسوي كذا بايام الخطوبه مايندرى شتسوي بعد الزواج ...وانا ابي خبراتكم ومشورتكم هل مريتوا بنفس التجربه او سمعتوا عن بنت تسوي كذا بسبب زعل خفيف تطلب الطلاق وتنتحر ....مع انو ماخذين بعض عن قصة حب |
اقتباس:
اقتباس:
لان ما فعلته اما دلع بشكل مبالغ فيه جدآ جدآ وتريد ان تسيطر عليك او يوجد سبب اخر نجهله والله به عليم خليك مع رأي اختك لانه رأي سليم جدآ . ويكفي انك ستعطيها فرصة بعد كل اللي صدر منها |
اقتباس:
[COLOR="Purple"] والله يا اختي سعاد انا مستغرب من تصرفات خطيبتي اهي متأثره كثييييير بالمسلسلات التركيه اغلبها البنت تقول لحبيبها احبك بس مانصلح حق بعض وانا بضحي عشانك والظروف اقوى منا وهالكلام التافه ...نسيت اقول انا عمري 30 سنه وخطيبتي عمرها 24 سنه ومتخرجه حديثا يعني المفروض تصير فاهمه الحياه بس مادري انا اللي قاهرني انو كانت تصرفاتها قبل الزعل غييييييييييييييييييير حب قوووي وفجاه في ظرف اسبوعين يصير كره وانا ابي الطلاق طيب انا رحت لعندها وقلت لها اذا جرحتك بشي انا آسف وترجيتها تبقى معاي وهي تقول لا مابيك اول احبك الحين لا مااحبك .. المشكله اني بجد احبها وعشت معها قصة حب قووويه وايام الخطوبه كنا احسن اثنين بالدينا ...مشكلتها اهي انو مو عاجبها شخصيتي القويه لانو في بيتهم تقول اهي انها صاحبة الرأي الاول والاخير حتى على امها وابوها واخواتها ايضا ( عندها3 اخوات 2متزوجات واخت على وشك الزواج واخو بعمر 14 فقط يعني مافي رجال الا ابوها وهو مغلوب على امره لللاسف ) اختي تقول اتركها كم اسبوع اذا حست انك قوووي راح ترجع وانا محتار وربي قلبي يتقطع عليها باليوم مليون مره لا عارف اشتغل ولا انام ولا اكل دوم افكر فيها ومقهووور شلون تقول تحبني قبل والحين الحب يصير كره وابي الطلاااق كيف يعيني هلى الطلاق صار عند بعض البنات زي شرب الماي ولا شنو ..[.الحين مر اكثر من اسبوع وماكلمتها وهي ولا على بالها ..وكلمت امها تقولي وهي تبكي مسكينه انت تستاهل وحده احسن من ينتي بنتي عنيده وراسه يابس وماتطاوع احد ...يعني حتى امها متحسفه على كلام بنتها .. على فكره انا اخذت استخاره مرتين بسبب اصرار خطيبتي على الطلاق وطلعت نهي يعني مو زينه هذا مازاد من اصراري على عدم الطلاق الى الان ..غير اني اموووووت فيها وربي .../COLOR] |
ياأخي اعانك الله على ماانت فيه ارى والله اعلم ان هذه الفتاة لاتصلح زوجة لك واظن انها مريضة ربما نفسياً فهذه الفتاة لا اظنها قادرة على تحمل الزواج وتبعاته اذا كانت الفتيات الناضجات يشتكين ويتذمرن من أعباء الحياة الزوجية من رعاية للزوج والبيت والابناء فكيف بهذه ؟ لو لا قدر الله حصل الأمر هذا مع أخي كنت عارضت زواجه بكل ماأوتيت من قوة الانسان يتزوج يريد الراحة الجسدية والنقسية فكيف ستسعد مع واحدة كانت تود الانتحار ؟ انسانة يائسة من نفسها ومن رحمة الله عزوجل وهذ يدل على ضعف ايمانها ابحث عن فتاة عاقلة ومتدينة ( فاظفر بذات الدين تربت يداك ) واترك هذه الفتاة وشأنها وبما انها هي من تطلب الطلاق فمن حقك استرجاع مادفعته من مهر واسأل الله ان ييسر لك مافيه خير |
اقتباس:
لكن انا مافهمت قصدك وضح لو سمحت |
انتحار !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من كلمه ؟ وبكره بعد الزواج كلااااااااااااااااااااام كيف بتتحمل؟ وطلقني طلقني اللي زي كذا ياخي ماعندها تقدير للحياه الزوجيه مالك فيها نصيب مو قالت طلقني ؟ خلاص اديها طلبها شويه وتنسى حبك لها لما تلاقي ست ستها اللي فعلا تقدرك انت واهلك وما تيبس راسها وتقعد تتحسس من الكلام وتبلع في هالحبوب يعني يا يمشي اللي براسي يا تتحملون اموت نفسي تعيش اللي معها بخوف دائم من رفض طلباتها ليه يعني؟ اللي خلقها خلق غيرها .. وهي خلها للزمن يدق راسها الين تعرف ان الله حق متناقضه برضو ولازم انت تتحمل تناقضاتها!!!!!!!! وش لك بهذا التلويع كله وانت لسا تحبها لأن باقي ما طلعت العيوب فلا تتعلق فيها المفروض من اول ما تبلع الحبوب تقول لها باي باي ياقمر انتي غير متزنه نفسيا ولا عقليا بكره تخلف ويصيح ولدكم طول الليل يا تبلع حبوب تموت نفسها اول تكسر رقبته هو لأنها ماتتحمل شي يجي مو على كيفها اتركهااااااااااااااااااااااااااااااااا والله يخلف عليك واذا تزوجتها تحمممممل مايجيك |
اقتباس:
[COLOR="Purple"] بالضبط هذا كلام 3 من اخواتي جميعهم نفس رأيك يقولون مدام اقدمت على الانتحار والعياذو بالله ماتصلح زوجه وام واهم يقولون لي اتركها وتنساها لا تذل نفسك زياده اقولهم المشكله اني انا اخترتها مو انتوا يعني انا احبها موووت ومو قادر اني اتخيل بعد كل هالحب الكبير والعشق لها اني اتزوج غيرها ...خصوصا لمن اتذكر لحظات كثيره وذكريات حلوه معاها ...والله يااخواني واخواتي اني متعلق فيها بشكل موطبيعي وهل يهون على الرجل انو يتأسف لخطيبته من غير ذنب اكثر من مره وابكي بين يديها واترجاها تشيل سالفة الطلاق عن راسها وهي تقول لا ابي الطلاق ... انا بجد مستغرب حتى امها يقولون حق امي واخواتي [..كانت تحب ولدكم مووووت فجاه انقلبت كذا بلا سبب مقنع ..هل اتركها كم اسبوع ممكن تعيد التفكير ويرجع الحب في قلبها انا كلمتها اخر مره قبل اسبوع وقالت خلاص ماابيك اول احبك الحين ماحس ناحيتك بحب زي قبل ..لا وتتجرا تقول انا بخطب لك بنت اذا طلقتني في بنت تقول كذا غير بالمسلسلات المصريه والتركيه ..!!/COLOR] |
اقتباس:
يعني الاستخاره اني متردد اني انفذ طلب خطيبتي وتطلع الاستخاره مرتان لا تقدم على فعل الطلاق ..عشان كذا انا صابر على عناد خطيبتي رغم انها زودتها كثير ...بس شسوي وربي الواحد اذا حب بصدق صعب يفارق بسهوله حتى لو كان الطرف الثاني يبغي يتخلى عنك بكل بساطه ... |
اقتباس:
اقتباس:
وهذا حقك لا شك فيه . بس هي مااتعودت على كده لا اعرف كيف تقول مازلت احبها وهي تطلب الطلاق وانهاء كل شئ بينكم ؟ . اعتقد انك تعودت وجودها لا غير لان الحب لابد وان يكون هناك طرف اخر يعطيك هذا الشعور الصادق ويغذيه بتصرفاته المماثلة لتصرفاتك ماذا لو تصرفت هكذا بعد الزواج ؟ عند اول خلاف تافه انتحار وطلب طلاق .............اعتقد انك لن تشعر وقتها بحبها بل كل ما تشعر به هو عدم الاستقرار وانعدام الراحة اسبوعان ولا مجيب ؟ ماذا تنتظر ارى ان تجلس معها جلسة مصارحة تضع فيها النقاط على الحروف لان هذا البعد ليس في صالحك لانها بهذا الشكل عرفت طبيعتك تزعلك بعدين تبعد انت كم اسبوع وترجع تصالحها . وبالسبة لك انت مرتبط بها ومتمسك بها لهذا الحد لانها اول حب بحياتك بعدها لما تلاقي اناسة تقدر مشاعرك وصدقك وتصرفاتك العقلانية راح تنسى طيش الاولى وخلى المسلسلات تنفعها بعدين 99% من البنات اللي بشخصية خطيبتك يظلو يطلبو الطلاق طول ما لاقية خطيبها رافض ومتمسك بيها وبيموت من فراقها واول ما تلقاه صار مو فارقة معاه وبدا يفكر يطلقها او اذا قلها خلاص مثل ماتريدي تلقاها رجعت وقالت سامحتك بس هذي مو تصرفات انسانة عاقلة يرجى منها فتح بيت وتحمل مسؤلية زوج وعيال ..الا لو كنت ناوي تتحمل هذا شي تاني |
المشكلة انت تستخير وفي قلبك تريد الفتاة
والدليل الفتاة تقول طلقني وانت مصر على عدم الطلاق ليس هكذا استخر وانت على يقين بأن العليم الحكيم سيختار لك ما فيه خير وانت لاتعلم اين الخير ثم يااخي كلامك عن حبها وعدم صبرك على فراقها فهذا شي طبيعي لانك تعودت عليها فصعب تنساها من يوم وليلة لكن متى ماابدلك الله خيراً منها فستساها وتنسى اسمها |
اقتباس:
تقول اذا فترة خطوبه وانتحرت بعدين شنو بتسوي بس المشكله اختي مدري شقولك اذا صار حبها ملأ قلبي كله ..واذا تذكرت كلامها عن حبها لي واني انا امها وابوها واخوها وكل شي وزوجها وكلشي بالدنيا لها وكلامها الحلو قبل لا تتغير انقهر اقول شلون الحب سنه كامله وبهالقووه فجاه يصير كذا وطاري الطلاق على لسانها 24 ساعه ....الحين دخلنا في الاسبوع الثاني وانا احاول اصبر نفسي مااتصل عليها قلت يمكن تخس بذنبها وتتصل او تتأسف على كلامها عن الطلاق وهالخرابيط اللي مخربه عقلها .. |
بعض الأحيان أشعر أن الفتاة التي تطالب بالطلاق فجأه بالرغم من الحب القوي الذي كان بينها وبين حبيبها بأن هناك مصيبة عظيمه تخفيها
هناك الكثير من الحوادث والقصص أثبتت ذلك لهؤلاء الفتيات يجب أن تتبع وتعرف لماذا هي فعلت ذلك ,, وخصوصاً مسألة الإنتحار فهي مسألة تحتاج إلى تمعن وتدقيق ,, السبب قد يكون أي شيء لاعلاقة لك أنت به ,,, وقد تكون هي لم تخطيء بشيء لكن في كل الأحوال عليك معرفة الأمر بنفسك وبالمواجهة ووضعها تحت الضغط ,, فأي ضغط يولد الإنفجار ,,, |
اقتباس:
والله يا أخي تعبت معاها وأنا اقولها شنو صار شنو فيج ايش اللي يخليكي تسوين كذا ..انتحار وطلاق واحنا مانصلح حق بعض بس عشان اني اتناقش وياك في بعض الامور يعني حتى اخواتي راحوا لها وامي وقالوا لها مايصير بس خلافات تافهه تسوين كذا . ولدنا شاريك وانتي بايعته ..مادري يعني مع ان خطيبتي رايحه الحج ومحافظه على صلاتها ..بس بصراحه مو شرط يعني عند المواقف يختبر الايمان ومعرفة التعامل والا كمان وعمرها 23 سنه يعني مو مراهقه بس وربي بجد في بعض البنات تفكيرهم سطحي يعني اقل نقاش طلاق وانتحار لا واذا اقولها انتي تحبيني تقولي ايه بس مانصلح نكمل مع بعض وانا اهم شي عندي راحتك وبضحي عشانك (كلام مسلسلات وربي ) شلون تحبيني وماتبين نكمل مع بعض ...اهلها واقصد ابوها وامها فقط منحرجين كثير معاي خصوصا انو اهلها يعرفون اهلى من اكثر من 30 سنه وعيال حاره وحده انا اشك في اخواتها واو قريبه لها يعني قلبت راسها بس هذا مو مبرر اطلاقاااااااااااا اللي يحب شخص مايتنكر لحبه بين ليلة وضحاها .... انا قلت بصبر اشوي مو متخذ قر ار رغم اصرارها عليه ...بعض اللي عندهم خبره يقولون اتركها شهر وشوف اذا حست انك صج بتطلقها يمكن تحن وتحس بغلاك ولا براحتها .. ادري البعض بيقول خل عندك كرامه ومدري شنو ( والله ساعات الحب يخليك تصبر على من احببت اكثر من كذا وانا شاري البنت وربي وميت فيها .خصوصا اني ماخذها عن قصة حب وانا مختارها من بد البنات المفروض تنبسط وتعرف انو ال.شاب اللي يختار بنفسه ويحب غير اللي مختارين له اهله ...والله حطمت احلام كنت راسمها وبعد ترى ماني مقصر معها من رومانسيه وهدايا غاليه وضحك ووناسه يعني الحمدلله دمي خفيف ورومانسي وشكلي وسيم والحمدلله بس مادري شنو غيرها فجاه .. |
اخي لاحظت انك كررت جملة ( كلام مسلسلات ) و ( متأثرة بالمسلسلات ) و ( تقلد اللي بالمسلسلات )
وكأنك تجد العذر لتصرفاتها اللا مسؤلة طيب سؤال : هل بعد الزواج ستخرج قصص المسلسلات من رأسها وينتهي تأثرها بهذه المسلسلات. وهذا التأثير قد اخذ منها هذا المأخذ . وهي متاثرة بهذا الشكل للدرجة التي تجعلها تنهي حياتها سواء اكان بالطلاق او انهائها للابد بالانتحار ؟ صحيح انه يصعب عليك انهاء حبك بهذه الطريقة الفجائية والغريبة . لكن الم تسأل نفسك ماذا يعني هذا الحب لها ؟ وما مكانته وقدره عندها ؟ انت تحب فهل تستطيع فعل هذه الاشياء التي فعلتها هي في حقك ؟ |
اقتباس:
انا مادافع عنها او اجد مبرر لها لا والله بس اقولك الواقع ...وانا بجد مقهور من اللي عملته معاي يعني حتى اسف وبكاء ما جاب معها نتيجه ولا حتى قدرت جيت اهلي خواتي وامي ...بس شسوي ماني قادر اتركها اقول يمكن ابليس موسوس لها وان شاء الله الله يهداها وترجع زي قبل بس اهي مزودتها اشوي ا |
قال صلي الله عليه وسلم
( أيما إمرأة طلبت من زوجها الطلاق من غير بأس فحرام عليها رائحة الجنة ) * طلب الطلاق * تعتبر هذه الوسيلة من أخطر الوسائل التي تلجأ إليها بعض الزوجات أثناء الخلافات الزوجية ... فهذا الأسلوب الخاطئ يهدد كيان الأسرة ويحكم عليها بالفشل ... فقد تأخذ الزوج الحمية في لحظة غضب ويطلق زوجته عندما تطلب منه ذلك وتكون الزوجة بذلك قد تسببت في تمزيق الأسرة و إحداث شرخ عميق في جدار بيتها الأمن في لحظة طيش و تهور منها ... |
خلك حازم ورجل
بلا متأثره من المسلسلات بلا كلام ماله داعي هذي بكره بتصير أم وحتى سالفة الانتحار تأكد منها الله العالم إنها حبتين بندول أو تسمم غذائي وانقلبت انتحار البنت بتفرض شروطها وطريقة تعاملك معاها من الحين تحبك وتبيك وتوافق عليك وبعدين يبدأ شغل الحريم انتحار مره وحده من كلمه شر البلية ما يضحك خذها بالطيب يعني لا تشد معاها كثير بس بين لها إن الحياه الزوجيه أكبر من كذا ومشوار حياه لا الدموع ولا الانهيارات وطريقة تحقيق الرغبات بهذا الشكل فهمها إن التفاهم يجيب نتيجه معاك أكثر من الحركات البايخه هذي اعطها تصور عن عقليتك خلها تعرف مع من تتعامل الله يكتب لنا ولك التوفيق |
أخي العزيز :: أنا مررت بنفس ما مررت به انت
لا تتردد روح لأهلها وقابلها وقولها تبيني او تبين الطلاق اذا قالت الطلاق قلها خلاص اوك هذا طلبك .. وانتي تتحملين نتائج طلبك .. أخي الم تلاحظ انها لم تبالي فيك ولم تسأل عنك كيف ترضى بأن تكون هذه هي زوجتك المستقبلية التي تبني احلامك الوردية عليها .. في البداية سوف تكون فكرة الطلاق صعبة وتجد انك تحبها ولكن اقولها لك وانا مجرب بعد الطلاق ابحث عن زوجة معروفه بدينها واذا وجدت فيها الصفات التي تريد ارتبط فيها ... سوف تجد نفسك تنسى طليقتك وكأنها لم تكن في حياتك ادع الله ان يلهمك الصبر والسلوان ولا تنسى أن تقول هذا الدعاء (( اللهم أجرني في مصيبتي وخلفني خيراً منها )) والله سوف تجد الخلف بإذن الله تعالى اسأل الله ان يهون عليك في مصيبتك اخوك المحب أبو عبدالله |
اقتباس:
الله يسامحك اخوي قلت خلك حازم اوكي حلوه بس خلك رجل ..!! يعني كانك غلطت علي بس ربي يسامحك...محدثك رجل بكل ماتعنيه الكلمه وذو شخصيه مثقفه وقوويه وعقليه متفتحه ....ولكن قاتل الله الحب حلووو بس في اشخاص ماادري ايش فهمهم للحب ...اما عقليتي فليس بمادح نفسي عارف من انا ..ولكن اول مره احب وناوي اتزوج وصار كذا معي واحترت بجد قلت يمكن احد مار بنفس التجربه يفيدنا خصوصا هناك بنات وشباب وامهات واباء اعضاء في هذا المنتدى الطيب يمكن يفيدونا بتجاربهم .. يا اخي الطلاق تجربه صعبه صج على الرجل اسهل والبنت اهي المتضرر الاول والاخير بس برضوا لمن يجي الطلاق من شخص كنت راسم له شخصية المعشوق الاول والاخير في قلبك وعقلك اشوي مو سهله انك تبيعه من اول طلب له بالطلاق .. |
اقتباس:
ربي يسعدك على هالكلام الطيب انا رحت وكلمت ابوها وامها احس منحرجين وويلومون بنتهم على اللي سوته ويقولون بالعكس ماشفنا منك انت واهلك الا كل خير بس بنتنا مادري شنو فيها ...انا قلت بصبر بعد اسبوع وبشوف الحين الاتصالات مقطوعه بيني وبينها لانها مصره على الطلاق ...قلت بصبر اسبوع زياده وبشووف .. |
ربنا يهديها ويثبتها على الحق وترجع لصوابها ويحليك بعينها ويهدي سرها وترجع المياه لمجاريها وتعود اموركم كسابق عهدها
ولو ربنا كاتبها لك بتاخدها حتى لو صار اكتر من كده ولو مافي نصيب بينكم بتتركوا بعض حتى لو كانت موافقة عليك اتمنى ربنا يوفقكم وخطيبتك تعقل وتكبر عقلها وتفهم الامور صح |
اقتباس:
هذا الرد عين العقل ... معك 100% |
اعتذر بشده يا أخي
المعرف لأنثى ولست رجلا لكن قصدت أن تكون حازم أكثر اكرر اعتذراي أما الطلاق فلم اذكره بتاتا بالعكس تأنى جدا وفقك الله |
والله الطلاق صار مثل اللعب ...
وين أبوها وأهلها يعقلونها ... |
ما عليها حسافة
هذي شكلها سفيهه |
عندي احساس يقول إن فيه شي غير اللي أنت ذكرته وأنت ما تعرفه ولا لك دخل فيه
طلبها للطلاق بهالسهوله ومشكله تافهه يضع أكثر من علامة استفهام يجيها مسج وتقوم وتقراه وتمسحه وتسوي مشكله وتحاول الانتحار !! مابي أشكك فيها وأزيدك هم لكن هذا اللي تبادر لذهني وأنت ابحث وبتشوف وش صاير أتمنى أن يكون ظني مخالف للواقع وأتمنى إنك فهمت وش أقصد .. |
ربي يسعد كل من شارك برأيه والله يااخوني لو اني مااموت فيها وبايعها كان
من تكرارها لطلب الطلاق طلقتها بس بجد شاريها بجد احبها من كل قلبي والله يهديها وبشوف شنو آخرة عنادها والله الواحد اذا احب بجنون مشكله.. واللي يشور علي انو احد من اهلها يعقلها المشكله خطيبتي بجد بجد عندها ابو بصراحة ضعيف شخصيه الى درجه يخاف منها يعني مايناقشها بشي واخواتها اللي اكبرمنها شخصيتتهم ضعيفه جدا رغم انهم متزوجات واكبر منها ..والمشكله ماعندها اخو كبير الواحد يتفاهم وياه يعني كل العايله صايريين خاتم باصبعها .....والله ياخواني واخواتي مو عارف لا اشتغل ولا أنام ولا آكل زي الناس ...هذا الحب وهذا بلاويه ... |
انا قريت سالفتك وجد تعاطفت معاك
انا ماخذه خطيبي عن حب واستحالة افكر بموضوع انو انفصل عنه ماصدقت ع الله ان حنا نكون لبعض اخليه يطلقني يمكن احد لعب براسه من صحباتها ولااي احد قالها شاك فيك ومن هالحكي او انو المسج اللي وصلها ومسحته مكتوب كلام عنك من اي احد بس الحين اتركها ع راحتها ولاحتى تعاتبهابشي اولا اخوي استغفركثر من الاستغفار وقول لاحول ولاقوة الابالله اكثر من 100 مره واقرا كل يوم سورة يس والواقعه وصل قبل ماتنام ركعتين وان شاءالله مايصير اللي اللي تبيه توكل ع الله بس وصدقني هي بتندم قد شعر راسها تقبل مروري |
اقتباس:
والله يا أختي انا مستغرب منها اول مره اشوف بنت زوجها يحبها كذا تنقلب عليه فجاه ..تبين الصراحه صرت افكر في الطلاق من كثر طلبها\\ للانفصال ...وبعدين انتحار وكسرت الجوال ومتقلبه كل يوم براي ماادري والله مشكلتي اني لسه بحبها بس خايف لو رجعت زي قبل بعد كم شهر من الزواج ترجع نفس الموال وتقول ابي انفصل مع اقل سوء تفاهم ... |
يااخي التمس لها العذر
اصبر عليها شوي اتركها فتره بس لاتطلق يمكنها متخوفه وتمر بظروف زي اي بنت قبل الزواج حالتها النفسيه تتعب وخايفه من مابعد الزواج نصيحه نصيحه اصبببببببر ابصم على المليون هي تعبانه نفسيتها شوي اصببببببببر الين تهدى |
اقتباس:
اخوي تعرفون احد من صحباتها اختك ماتعرف صحباتها تخلي صحبتها تكلمها وتسالها عنك شوف شنو بتحكي عنك وبتعرف ردها من صاحبتها اسالوا اختها اذا هي اللي كانت راسله المسج ولالا وخل احد يفهمها شوف يمكن اختها ماارسلت هالمسج اواحد رسلها مسج عنك ترى والله فيه عيال وبنات حرام مايخافون من الله يحاولون يفرقون بين اي اثنين مع بعض والله يااخوي جلست سنتين وانا كانوا يبون يفرقوني من خطيبي وكنت مطنشه بس انا الحمدالله واثقه من خطيبي زين وكنت صريحة معاه وقلت له علشان مايوصله مسج عني موحلو (عسى ان تكرهو شي وهوخيرا لكم وعسى ان تحبوا شي وهو شرا لكم) ترى بعض البنات والخوات يوسوسون تراه شاك فيك ومن هالحكي وبدوا يخوفونها بالزواج وعلاقتك معها انا بنت واسالني عن هالشي والله ان فيه ناس يخوفونك تقول كاانك داخل ع حرب وهو كل زواج لاتستعجل قبل اي شي وصدقيني ادع اذا فيه خيره لك ربي يجمعها لك واذا لاربي يبعدها عنك ويبرد ع قلبك يارب تسحرها فيك سحر حلال اللهم ياجامع الناس في يوم لاريب فيه اجمعني انا وفلانه بالحلال عاجلاغير اجلا يارب ياجامع بين اسمائك وصفاتك اجمعني انا وفلانه بالحلال دايم قوله جد حلوه ودل قبل ماتنام تصلي ركعتين والله تحس براحه موطبيعيه |
معقوله فيه احد مثلك في الزمن هذا ,,,,,,,,,,,,,,ياحظ الي بتاخذك :24::24::24: |
اقتباس:
صحيح مثل ماتفضلتي بعض الصديقات يفعلون فعل الشيطان في الوسوسه وحتى بعض الاخوات ترى مو بس الصديقات ....انا صابر من اول ماصارت المشكله الى الان تقريبا شهر ونصف وانا صابر لاني بجد احبها رغم كل اللي سوت واعرف ان الطلاق ماوراه الا الخراب ...بس في بعض الحالات يعني يصل الواحد مع الطرف الثاني الى طريق مسدود يعني وربي انا لو مو باقي على الحب والذكريات الحلوه كان نفذت رغبتها بس قلت ياولد اصبر خصوصا انو من نويت اتزوج الله مسهل اموري حيييييييييييل وانا مثل ماقلت من قبل انا اللي مختار البنت عن حب وهي كانت طايره فيني بس للاسف قلبت علي قلبه مو طبيعيه يعني هذا اللي قاهرني مع اني محافظ عليها بعيوني واغير عليها ومدلعها ومدللها ...بس ابليس وهله مأثرين على تفكيرها فجاه ...الحين رسلت لي رساله امس تقول انها بتروح المدينه تزور الرسول انا قلت لها برالة طبعا الله يرجعك سالمه ان شاء الله و يمكن الله ياخذ بيدها وزيارة الرسول تطرد عنها وساوس الشيطان وتعرف من اللي ترك كل بنات الدنيا عشانها .... اما من ناحية الصلاة قبل النوم اي وربي صادقه انا جربت اصلي قبل انام كذا يوم احس براحة نفسيه عجيبه خصوصا اذا الواحد يتذكر ذنوبه ويطلب من الله المغفره والتوفيق ... وايضا الصلاة على النبي محمد عليه افضل الصلاة والسلام تذهب الهم والغم وايضا قراءة القرآن قبل النوم احس هدتني اشوي خصوصا اني اعاني بفقدانها كثير (خطيبتي اقصد ) والله يوفقنا ان شاء الله لما يحبه ويرضاه ..ويهدي قلب حبيبتي وترجع لي ان شاء الله ..ومرسي خيتو مجنونه على كلامك الطيب |
اقتباس:
ربي يخليك اخوى د كيف ...اي وربي بجد تحملت عشانها كثير ودوووم اقولها تذكري مو اهلى اللي اختاروكي انا اللي اخترتك وحبيبتك وكل لبنات من احلامهم قبل الزواج انو اللي بيتزوجونه اهو اللي يختارها بنفسه مو خطوبه من قبل اهل ام او اخت ..بس شقول الله يفرج عنا ان شاء الله انه سميع محيب |
انا اختك يأخوي ,,,,,,,,,,,,,!؟
:25::25::25: |
الله يهديها يارب
ويرجعكم حق بعض ويالف مابينكم وصدقني لازم الواحد يمر باشيا موحلوه بحياتها بس الواحد يصبر ويحط في باله انو ربي راح يعوضه ان شاءالله باللي يصير خل تواصلك مع ابوها بدون ماتحس وتعرف وياليت تحددون الزواج وهي تخلص وتتقضى وتريحون اعماركم لان صدقني اذا قدمتوه يمكن تتغير اشيا كثيره ومدام ارسلت مسج لك اعرف انك باقي لقلبها يعني كيف بتسافر وبدون ماتعطيك خبر ويمكن كانت تبيك تتصل اومن هالحكي ترى حركات البنات لوتسمعها تنصدم الله يوفقكم يارب |
اقتباس:
أختي مجنونه للأسف أبو خطيبتي ماعنده شخصيه بتااااااااتا يعني مدري شقولك ماكل مايعرف يقال يعني ..وبصراحة انا جلست معاه كذا مره يعني للاسف ساعات الاب اذا صار مو متعلم وزياده اتكالي في كل الامور مشكله ..اقولك شي من عدم اهتمامه بعد ماخطبت خطيبتي ماقالها مبروك وديت الهديه ماقالها مبروك وديت الشبكه هم نفس الشئ ..حتى في يوم عقد القران تصدقين بالموووت بعد عقد القران (الملكه ) قالها مبروك يعني اشوي غير اجتماعي او غير مبالي ....فمن ناحية ابوها مايستفاد من الحوار معاه اما من ناحية تحديد موعد الزواج احنا حددناه وانا رحت حجرزت قاعة الزواج معاها واخترناها سوى يعني كل شي جاهز ان شاء الله ..بس اهي الله يسامحهها تغيرت فجاه ليش ماأدري ..بس ان شاء الله اذا جات من المدينه المنوره ترجع تعقل وتحس بالغلط اللي عملته في طلب الطلاق ومعاملتها اللي اختلفت معاي كثير ... |
اقتباس:
[SIZE="5"][COLOR="Purple"] والله انا بنطر الى ان ترجع من المدينه وان شاء الله ربي يهداها وترجع حبيبتي اللي امووت فيها...عندي اختين متزوجات يقولون لي خلاص مدام حاولت وياها اكثر من مره واحنا حاولنا ومافيها فايده ..خلاص خلك ثقيل عليها وراح اهي اللي تجيك ..يقولون احنا بنات ونعرف اذا البنت حست انو زوجها خلاص راح بيتخلى عنها جد ...تلين وترجع عن عنادها ...وانا فعلا صار لي اكثر من اسبوع ماسئلت عنها اخر مره طبعا قالت لي خل ننفصل خلاص ..وبعدها رسلت لي ماسج قالت ترى بروح المدينه ابي اذن منك قلت لها روحي ... ومشكوره اختي مجنونه على اهتمامك |
اقتباس:
آسف خيتو د .كيف بس النك مو واضح انه حق انثى ولا ذكر ربي يسعدك خيتو د.كيف ويعطيج الف عافيه على مداخلتك الحلوه .. |
خطيبتك عمرها 24 سنه و يفترض انها تكون ناضجه فكريا و عاطفيا .. لكن تصرفاتها تدل على عدم نضوجها ... انتحااااار مره واحده ؟؟؟ هذه مو طبيعيه ابد .. بعدين انت واضح انك تبين لها انك ما تقدر تستغني عنها .. يا اخي خلك ثقيل .. لا ترمي نفسك عليها بزياده عشان كذا ملت منك .. رأي ان هذه لا تصلح ان تكون زوجه و ام و لا تستطيع ان تأمنها على بيتك و اولادك فاي مشكله تعمل لك مصيبه .. بعدين انت يا اخي تحكم في عواطفك شوي ... لا تلهث خلفها او خلف اي وحده تريد ان تتزوجها .. |
| الساعة الآن 01:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©