|
خطيبها لا يكلمها بعد ما أرسلت له رساله على الإيميل
السلام عليكم جميعا
رفيجتي في مازق واستشارتني في موضوعها وانا حابة اخذ رايكم فيه قبل اسبوعين انخطبت وقامت تتواصل اهي والخطيب الايميلات والتلفون قبل امس ارسلت له الايميل التالي الرجال : 1. إذا تجادلتي معه قال عنك : عنيدة 2. وإذا جلستي صامته قال انك : كئيبه 3. إذا لم تحبيه يحاول أن : يمتلكك 4. وإذا أحببتيه سوف : يتركك 5. إذا أخبرتيه عن مشاكلك قال عنك : مزعجه 6. وإذا لم تخبريه يقول : انك لا تثقين به 7. و إذا لم تفي بوعدك : مراوغة 8. أما إذا أخلف هو وعده فحجته : أنه كان مضطرا لذلك 9. إذا نجحتي في عملك يقول أنه : الحظ 10. وإذا نجح هو فيقول أن السبب : ذكاؤه 11. إذا جرحتيه فأنتي: : قاسية 12. وإذا جرحك فأنتي : حساسة جدا 13. بآختصار : 1..الرجال دائماً مشغولون! 2.ورغم أنهم مشغولون، إلا أنهم يجدون وقتاً للنساء ! 3.ورغم تخصيصهم وقتاً للنساء، إلا أنهم يهتمون بهن كما يريدون! 4.ورغم عدم اهتمام الرجل بالمرأة، إلا أنه دائماً يريد واحدة إلى جانبه ! 5..ورغم اختياره واحدة إلى جانبه، إلا أنه دائماً يفكر بأن يرتبط بامرأة أخرى! 6.ورغم ارتباطه بامرأة أخرى، إلا أنه يغضب إذا تركته الأولى ! .7 ورغم غضبه من إهمال الأولى، إلا أنه لا يتعظ ويرتكب نفس الخطأ ويفكر في أخرى، وهكذا! ومن بعدها غط ما قام يبين قلت لها ان يمكن الايميل قوي وهو زعلان عطيه فترة جم يوم ولا تغلطين نفسج سوي المساله عادية ولا كانه شي حصل واهي حدها خايفة ومرتبكة شنو رايكم اخواني واخواتي؟؟ |
هي ايش قصدها من معنى الرسالة ؟
هل كانت تقصده بتلك الصفات ؟ يمكن فهم انها تقصده بهالكلام وان الكلام هذا عنه؟ او يمكن فهم ان كلامها هذا عن كل الرجال وقال لنفسه كيف عرفت ومن وين لها هالخبرة بيهم الا لو كانت تتكلم معاهم وعارفة تفكيرهم ؟ في رجال كده يفكرون . يمكن هو من هالنوعية وقاعد يراجع تفكيرها ويراجع نفسه؟ تستنى شوي الغايب عذره معه .........وهي ربنا يهديها في انسانة تبي تبدا حياة جديدة مع انسان وتبعتله هالكلام هذا يدل انها تكره الرجال ومالها ثقة فيهم وانهم كلهم مثل بعض وان كلهم مثل هالايميل اللي بعتته له تحط نفسها مكانه لو هو ارسل لها هذا الايميل بس على البنات ايش كان هتكون ردة فعلها ؟ اكيد هتزعل وما حترضى بهذا الكلام لانه بصراحة مضمون الايميل يزعل وغلط والكلام اللي فيه كبير |
مخطوبه من اسبوعين وترسل ايميل زي كده
اكيد زعل طيب تتصل عادى وتسال عنو تشوف ايشبوا زعل او لا او يمكن عندوا مشكله لاسمح الله بالتوفيق |
السلام عليكم
شوفي يا أخت انتي استعجلتي شوي في مزحك معاه بس لا تشيلي في بالك ممكن يكون هو مشغول ويمكن يكون في الاساس حتى الحين ما قرأ الرسالة لا تفكري في الموضوع كتير ولا تشغلي بالك مافيها شي يزعل لو هو شاريكي والله ما راح يزعل ويعدين يقلك المثل ( الثقل صنعه ) مو من اسبوعين الله يصلحك :) |
ماشاء الله تمون هذي
|
مال امه داعي هاالايميل !!!!!
والله يحطم وماينلام تلقينه استغرب وفسره على كيفه خليها تبين له انها رسلته لكل القروب الى موجود عندها وبالغلط ارسلته له لاتطوف السالفه لانه اكيد اخذ بخاطره والله غريب تلقينه مسكين ينتظر ايميل كله حب ورومانسيه وفاجاته الاخت بهالايميل |
الايميل ماله داعي بصراحه خصوصا في الفترة هذي او حتى بين زوجين لكن انا عندي حل .. مثل ما جابت ايميل شرشحت فيه الرجل تدور على ايميل فيه شرشحه للمراة وترسله له من باب الدعابة واتوقع ان شاء الله انه يكون كفيل بحل المشكلة هذي
|
شكرا جمميعكم على تفاعلكم معانا
اهي الله يهديها خفيفة شوي يبيلها هرمون الثقل سعاد 2000 شكرا ويعطيج العافية، باوصيها باللي قلتيه بنت مكة مشكروة يا عمري على تفاعلج barakah22 جزاج الله خير طموحي غير وشبيه السيل يعطيكم العافية باقولها عن اقتراحاتكم وان شاء الله الله ييسر الامور شاكرة لكم جميعا على مساعدتكم وراح اطمنكم بالاخبار الطيبة |
والله يا أختي كل بني آدم خطاء ...أنا ما أشوف فيه يستاهل..
يمكن خطيبها مشغول شوي.. هي تسرعت قليلا في إرسال الإميل..لازم تثقل شوي... |
ربنا يوفقها وبانتظار الاخبار الحلوة بأذن الله
|
هلا اختي
بصراحه اشوف الايميل جدا ً عادي وهو لو انه واثق من نفسه ما راح يزعل وعلى قولة المثل " واثق الخطوه يمشي ملكا ً " لو خطيبتي ارسلت كذا ابضحك بصراحه :d وخليها ترسل له مسج ابيات شعر " حب " وصور ورود وكذا على بريده اتوقع راح يرضى :) بس قولي لصديقتك تركد شوي هي انفلتت بالرجال وصايره تمون وهو يمكن خاف قال اشفيها هذي تونا خاطبين :d الا المسج عادي بس علشان الخطوبه توها يمكن لها دور بزعله <--------- :d |
مثل هذه ما تعدي على خير , لأن ذلك من سوء الأدب
|
وش هالإيميل؟
الله يهديها غلط في غلط في غلط في غلط كأنها تقول خلاص انا حكمت عليك انت كذا كذا كذا ولا تحاول!!!!!!! عموما مثل ماقال الكل يمكن فعلا مشغول بس لا اكثر وخليها تدق عليه من باب الإطمئنان ..وحتى لو شايل بخاطره خلاص امداه ما برد الزعل |
لا تشيل هم وأكيد بأذن الله راح يتواصل معها لاكن شكله مشغول بتجهيزات العرس أو مشغول بالعمل
عطوها هرمون الثقل وكثروا الجرعة شوي هي ماغلطت لكن مزحت معه مزحة ثقيلة شوي بس ماتضر وإن شاء الله خير |
اشكر الجميع على تفاعلهم
فعلا اهي الله يهديها زودتها حبتين دعواتكم لها |
| الساعة الآن 09:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©