|
نهاية مسلسل غايتي الرضا ... وكما كانت قناعتي
ألم أقل لكم أنني مقتنع بالطلاق وأنني أرى مالاترون وأجد مالاتعلمون هاهي .. قد وضعت الضحية وكانت الحلقة الأخيرة من المسلسل بأنه كما بدأ .... ...انتهى ولاجديد نهائيا حتى أنه تم رفض مقابلتي بعد الولاده فحسبي الله ونعم الوكيل ولاحول ولاقوة الابالله |
من جد الله يعييييييييييييييييييييييييييييييييييييييييينك
|
لاحول ولاقوة الابالله كنت حابة النهاية تكون مفرحة وسعيدة..وكلنا كان يترقب ان تكتب انه زوجتك رجعتلك وحلت والحمدلله...الله يعوضك خير يااخي
|
لاحول ولا قوة الا بالله
ومبرؤك المولود ويتربئ بعزك اما عنها فلطقاق من باعنا بعناه للاسف والله ماتوقعت انها لهدرجه اجد ناس بايعه لكن مااقؤل الا الله يعوضك وصدقنيَ:\ \\بيجيها يؤم وتندم علئ فراقك وبيجيها يؤم وتندم وتتمنئ انها رضت هي متئ ولدت ؟؟؟ وكم لها يؤم ؟؟؟ الله يعوضك ..........بصراااااحه قلبها قاسي وبقؤه. |
نسيت ابارك بالولد غصب عنك بعد بنبارك لك فيه
وغصب عنها هو ولدك وولدها ورح تظل مشاركها فيه مدى الحياه الله يجعله قرة عين لك وماتدري ياخي ... يخرج الحي من الميت .. اكيد فاهمني وهي .. احنا قلنا لك ... اول ماتولد لا تشوفها هي ... شف الولد ومالها لا هي ولا كل قبيلتها ولا الكره الأرضيه حق انهم يمنعونك تشوفه .. لو تمشي على رموشها خلها اسبوعين ثلاثه ... هانت يا بيي هااااااانت .... وتجمل للأخير .. انت بس ليتك ما حرقت ورقة اشاعة الزواج لأنها هدت مابنت اصبر عليها وشيع مثلا انك فسخت .. يوم شفت الولد تراجعت ... ماهي افلام في افلام... فلم ياخي .. وخلها اسبوعين زمان امداها ما ارتاح ... وبعدها خلاص فعلا يا تطلقها غير مأسوف عليها ... والا ترجع لك وهي تعض اصابع الندم |
اكثر الاستغفااااااااااااااااااااااااااااار............
|
الله يبارك فيكم
وخبر الزواج ماوصل لها وعن قريب بيوصلها وراح يكون حقيقة عالواقع ها وش رايكم غايتي الرضا موسوس ومدقق ولا طلع كلامه صحيح |
الله يعوضك يارب
ومبروك على البيبي الله يحفظو الله يكتبلك الا في الخير |
هي توها والده؟
والا كم لها ياخي ضيعتني !!!!!!!!!! |
يومين
ها وش رايكم غايتي الرضا موسوس ومدقق ولا طلع كلامه صحيح |
لا مدقق هذي خالصين منها والله مدقق اقدعها ماليه مو هيك :d
انا عند كلمتي خلها اسبوعين بس بسسسسسسسسسس بعدها شف موضوعك وخذها من ناحيه ايجابيه ... بصراحه اذا هي كذا واصرارها بس على تبرج وقلة حيا فربك فوق يمهل ولا يهمل بيعطيها واحد يجيب خبر اخلاقها هذي ويخليها تعضضضضضضضضضض اصابعها ندم على تفريطها فيك انسانه مو كفو انها تكون مربية اجيال ... خلاص الله فكك منها ... وبيرقك بست ستها اما اذا رجعت ... فلكل حادث حديث يبغالكم تأهيل من اول سؤال ... توك تدري انها والده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لأن لو توك تدري فعز الله ان العيله كلها مافيها عاقل يعلمك |
اجلس جلسة جادة مع أبوها و تكلم و حط النقاط على الحروف
ما عندهم سبب لطلب الطلاق ، خلاص يرجعوا لك اللي خسرته على زواجها الزواج مو لعبة و الله يعوضك ، إنت صبرت بما فيه الكفاية |
صحيح...فعلا انسينا نبارك لك...بورك لك في الموهوب وشكرت الواهب ورزقت بره..بس اناشايفة انه زوجتك الها بس يومين والدة صعبة ترضى تقابلك اوتفكر بأي موضوع...الهرمونات تكون ملخبطة..وممكن يصيب المرأة اكتئاب....اصبر يااخي اسبوعان عالاقل...وبعدين لاتحسسها انك راكض وراها وميت على رجعتها..خليها تحس انك مش سائل غير عن ابنك..ومش سائل برجعتها.....يمكن تلين وتهدأ وتتحسن الامور...الله يجيبلك اللي فيه الخير.
|
الله المستعان
هو ردة فعل طبيعية للإشاعة اللي صارت انه ماتبي تشوفك بس يمنعونك عن طفلك صعبة عموما الحمد لله على سلامتها اليوم ادعي لها الله يهون عليها مادريت انها الحمد لله ولدت الله يتمم عليها وتأكد أصعب شيء انها بتعيش بعيدة عن أبو طفلها ، وراح تعرف هالشيء ويمكن متأخرة أصعب شيء لما يسافر زوجي رغم ان اهلي مايقصرون بس ماللأطفال إلا ابوهم ويصعب علي اني اطلب من اخواني ولو انهم كريمين معي الله يخليهم لنا بس مهما كان صعبة جدا تبي تعرف ان الحياة ماهي لعبة وعمرها ماجت كاملة ولا على الهوى ومو كل العلاج الكي بيجيها يوم بتحس بالوحدة والألم يمكن الحين تكابر وعلى بالها اللي تسويه الصح بس راح يبان لها الحق راح تعرف انها آثرت الهروب على الإصلاح وانه مافيه زوجين على طول مشوا بالخط أتمنى يعوضك الله بصبرك بس ارجوك خلك اكثر دقة بالاختيار وأكثر تأني وسالفة مدقق مو انت الوحيد بالعالم مدقق وماهي من خوارم الرجولة والمرؤه هي طبيعة لا أقل ولا أكثر وأخيرا حط فبالك ان سالفة الزواج أكيد أثرت كثير على الموضوع الله يكتب اللي فيه خير لكم جميها |
وضح
لو سمحت كلمتها كلمت اهلها وش سؤيت؟؟؟؟؟ خلها اسبؤع والكلام مع الكبار واذا رفضت علئ طول طلق. وشكلها معنده والله انها غريبه اذا اصرت ........ |
انا اعتذر اني ما كنت متواصله معك على لمووضوع من اوله لكن عندي بعض الالمام به لكن اسأل الله لك العون والصلاح واختيار الافضل اعذرني على الاسئله ,,, من خبرك بالخبر ....؟؟ ايش موقف اهلها من رفضها لك ...؟؟ من اللي مانعك تشوف ولدك ...؟؟؟ كم عمر زوجتك ..؟؟ صح نسيت ابارك لك المولود الجديد الله يخليه لك وعساه يتربى في عزك |
مبروك على المولود
اقولك الله يصبرك من ر أيي اصبر اشوي وتركها مده لا تسال فيها وبعدين جرب مره ثانيه الله يعينك |
ماحبيت ارد قبل اقرا مواضيعك كامله
لكن هل تزوجت بالثانيه حقيقه ام تهديد فقط؟ اذا حقيقه 00اسمحلي راح يضل قلبها محروق لفتره ليست بسيطه يكفي مامرت فيه من حمل وتعب وولاده بحد ذاتها الاربعين تظل تعبانه جدا وخاصه انها بكريه لكن في هذي الفتره النفاس اللي هي بعد الولاده تشتاق المراءه لزوجها بصوره غير طبيعيه فاذا لم تتزوج فاضمن لك عوده المياه لمجاريها اما اذا استمرت تصرفات زوجتك بهذي الطريقه فالطلاق افضل حل راح تلقى اللي تشيلك على كفوف الراحه وتسعدك وتنسيك التعب صدقني مو كل البنات بنفس تصرفاتها كلنا عشنا في بيت اهالينا ولله الحمد في راحه ودلع وماقاصرنا اي شي وتزوجنا وعشنا ضروف صعبه ماديه ونفسيه وماسوينا اللي سوته زوجتك فيك اذن انتظربنفس راضيه وشوف بعد فتره وش موقفها والافضل تجلس مع امها لانها الاقرب لها وتعرف شعورها واذا مازالت الله يوفقك مع غيرها |
هلا بك اخوي
الله يبارك لك بالمولود الجديد ولا يحرمك بره وخيره بخصوص الطلاق اذا انت متخذ هالقرار بقناعة تامة ومرتاح .. فاعتبر جزء من المشكلة انحل لانك انقذت نفسك من حياة كئبية مع هالاانسانة الان اخوي غايتي الرضا .. تسوي حاجتين اول شي تراجع علاقتك بربي سبحانه وتعالى وتشوف صلاتك وثقتك بالله اذا فيها اي قصور عشان تصححه .. هذا اول شي لازم نسويه كلنا باي مصيبة تصير ويمكن يكون تكرار المصايب علينا لهالهدف : تذكيرنا باهمية الثقة بالله وشكر نعمته وعدم نسيانها حتى في حال المصيبة .. ومراعاة اهمية الصلاة في وقتها والدعاء حتى في الرخاء ثاني شي اخوي لازم تعطي نفسك فترة راحة من هالموضوع تاخذ اجازة من العمل وتسافر لاي مكان تحبه راح ترجع بنفسية حلوة وتفكير صافي وقبل لا تتزوج مرة ثانية تفكر وش الاغلاط الي سويتها من جهتك وخلت مرتك توصل هالمستوى .. علشان ما تكررها بزواجك الثاني .. ضروري هالشي اخوي لازم نتعلم من هالتجارب أسأل الله العلي القدير ان يبدلك زوجة خيرا منها ويرزقك خير الدنيا والاخرة ويجعلك من عباده الصابرين على ابتلاءه الشاكرين لنعمائه .. دمت بود |
اول شي مبروك على المولود الجديد
عن سابق تجربه مررت فيها فأني اجد ان الولادة شي تعب النفسيه جدا وانا الحين عمر ولدي سبعه شهور ومازلت اتذكر الظروف اللي مريت فيها بعدين بعد مرحلة الولادة المراه تمر بعض الزوجات بمرحله كأبه وما تطيق زوجها بس بعد دي الفتره ترجع الامور جدا طبيعه بعدين بما انها في مرحله جديده تعشيها حاليا وهي مرحلة الامومه راح تفكر بعواطفها اقوى من تفكير عقلها تفكر دائما في مستقبل ولدها وكيف توفر له جو الامان والراحه في نظري بعد ما تتخط مرحلة النفاس هي الي بتتطلب منك ارجاعها حاولت ابحث عن مواضيعك السابقه لكن مشاركتك كانت كثيره وانا الحين في مقر عملي ماقدرت اشوف مشكلتك من البدايه ارجو انك تضع الرابط فقط |
الله يعوضك خيرأخي غايتي ..ويكتب لك الزوجه الصالحه التي إذا نظرت إليها أسرتك وإذا أمرتها أطاعتك ..وإذا غبت عنها
حفظتك في عرضك ومالك الله يوفقك لما يحب ويرضى |
معليه ، شر البلية ما يضحك
الحرمة حامل من 9 أشهر و نحن كل شوي نقول له أصبر ،، وحام .. و دحين بعد الولادة .. نقول له أصبر فترة نفاس ...؟؟؟؟؟ الواحد مو للدرجة هذه كمان ؟؟؟؟ عقلها بيطير يوم تحمل أو تولد ؟؟؟ ربنا ما جعل الحامل و لا الوالدة من المرفوع عنهم القلم ،، يعني عندها عقلها تفكر ياخي استخير ، و خذ قرارك الصائب ، إنت صبرت بما فيه الكفاية و الله يوفقك توحمنا على أزواجنا ، بس راعينا مشاعرهم و ضغطنا على أنفسنا يعني جربنا كل شئ ،، بس البنت ما تبغاه واضح جدا من كل مواضيعه السابقة |
احتفظ بما تبقى لك من كرامة ..
|
خلاص يااخوي شوف حياتك والله يعوض عليك
|
ياخووووي شف حياتك وكافي اهااااااااااااااااااااااااانه
|
الحمدلله على سلامة ابنك وأن شاء الله يتربى احسن تربية
الآن وبعد هذا الصبر اجتمع مع والدها واضع حد للوضع اما الرجوع مباشرة بعد النفاس او الفراق وكل واحد يبدأ حياته من جديد اعانك الله وكتب لكم الخيرة |
الف مبروك الطفل نسيت اباركلك
|
اقتباس:
|
حياك الله غايتي الرضا
أول رد على روايتك الطوييييييييييييلة نهاية في نظري سعيدة و متوقعة بس ما عرفت تمثل دور البطولة صح و الحمد لله أنك افتكيت منها بس الي مشغلني يالحبيب أنت في هالدنيا ما عندك همّ غير حرمتك راحت جت طلعت و سوت ،، خانقها حتى و هي في ذمة أهلها و إذا تبي الرأي طالما أهلها ما طلبوا الطلاق خلّها عندهم و ولدك مر عليه كل أسبوع ، تسلم عليه و تعطيه مصروفه و أنت شف حياتك |
اقتباس:
عارفه يا روح ما االومك انك قلتي اللي قلتيه انا قلت مثلك والله اذا مو بالحرف بعد لكن الصائمه لله جت وكتبت معلومه الى الآن ترن رنننننننن في راسي ان مخ الحامل يتضائل وينكمش .. تصدقين والا لا؟ وانه يبدا يرجع لطبيعته بعد سته شهور من الولاده عاد احنا مابنقول للمسكين اصبر سته شهور عشان لا يتجنن بس بجد خرب على نفسه بسالفة الزواج من الثانيه ... وايش عرفك ان الكلام ما وصلها ؟ عموما خلاص الحين ماعاد فيه الا كبار العيله وياليت فيه رجال وحريم ... مو بكيفهم الشغله قالت لا يعني لا ولو ان النفس عافتها خلاص |
حبيبتي مشكلتي أصدق
معاك حق بس يعني يصبر 6 أشهر كمان ؟؟؟ :D الله يعينك ياخوي ،، ليلك طوييييييييييل |
اقتباس:
أتفق تماماً مع الأخت الفاضلة روعة المعنى هذا اول شيء تعمله .... لا أحبذ ان تبدأ الزواج والبحث عن زوجة وانت بهذه النفسية ... ابتعد شوي عن الجو العام الذي وضعت نفسك فيه ... وفقك الله وكتب لك الخير عزوبي:22: بس:d رجل:30: |
بورك لك في الموهب لك ورزقت بره
استخير وفوض امرك لرب العالمين واذا ما شفت اي تجاوب خلال فترة النفاس الله يعوضك بخير منها بس لا تستعجل بمسألة الطلاق |
الله يعوضك خير
نصيحه إذا تزوجت لا تعامل الثانية بشده حتى تربيه كن لطيف معهاوأحسن الأختيار |
كنت متوقع بذخل وبقرأ انها قامت بالسلامه ...
الحمد لله على سلامتها ..ومبروك عليك الابوة .. وربي يجعله من البارين يارب.. اما بخصوص مشكلتك ..انت الوحيد اللي في محورهـأ وانت الوحيد اللي مأكل المر منها فأنت اللي تقرر هل تقدر تكمل ..في حياة تفقد اهم الاركان ؟؟!!! هل تقدر تستغني عن ابنك ..على الاقل سنتين؟؟!! ولا بالنسبه لك كافي هم وغم ..واخترت طريقك .. على العموم استخير رب العالمين " أشكيه همومك ..تقرب منه ..وراح تشوف العجايب :) ورب العالمين بيطلعك من كل المحن وفقتَ |
لا شك أن نهايتك بالنسبه لي متوقعه !
ولقد تداخلت معك كثيرا و نصحتك مره ومرتين ثم بعدها توقفت عن التداخل في الموضوع .. لأنني وجدت تركن لأراء الاخوات الاتي يقلن لك اصبر و اصبر ! !! وهانحن اليوم نعيد الماضي ! فهاهو نفس الوضع اصبر اصبر! وأيضا من قال ان الحامل عقلها يتضائل - مع كل الاحترام و التقدير - فأنني أريده ان يحيلني لتك الدراسه و النتائج فأني كما هم الاخرين هنا شخص جامعي ولا احمل تخصص أعلى منه ولكن .. ما أعرفه أن العلم يثبت بالادله و البراهين و التجارب و الاحصاء وليس بالكلام العام و السوالف !! فلم تتغير الحامل ألا في عصرنا الحديث !! ولم تتغير المرأه في النفاس ألا في عصرنا الحديث !! أين كانت المرأه عندما كنا أمهاتنا وجداتنا و الجيل السابق ! هل اختلفت الجينات !! ام اختلفت المكونات البشريه و النوعيه !! حدثوا العاقل بما يعقل !! فلسنا جهالن تحدثونهم فيصدقون !! المرأه خلقها الله عز وجل و خلق لها الرحم وهو مستقر النطفه و مقر الحمل بإذن الله .. وقد هيأ الخالق عز وجل لها كل السبل من صبر وتحمل على شده الحمل و تعبه و نحوه .. ثم تلد المرأه وتمارس حياتها بعد فتره من الولاده .. ولم يأتنا الدلع ألا الان .. هذا جانب !! :: أما الجانب الاخر .. فأني أعيد و ازيد أتمنى ان اعرف كم عمرك يا غايتي الرضا ! فأني اضنك صغير و قليل التجربه و قليل الخبره و أيضا لا تعرف الكثير من الامور التي يرتكز عليها الرجال في حل المعضلات من الامور .. وكما قال لك علو النفس فكلامه مختصر ومفيد .. لا تهدر ما تبقى لك من كرامه ! و أيضا اقول لك .. لقد تابعت موضوعاتك الاولى اما الاخيره فلا و السبب .. هو أنني اعطيك الحل من وجهة نظري فتتركه و تستمع لأراء اخرى تمجد لك الصبر و الاكتفاء بالفرجه !! لو رأت زوجتك منك منذ أول يوم الجد و القوامه و الكلمة الواحده و الشخصيه القويه لم صار معك ما صار .. لذا فمشكلتك الاساسيه هي أنت و شخصيتك الضعيفه ! وألا بصراحه .. لا أدري لماذا تسعه اشهر صبر للحمل و تريد الان سته اشهر صبر للولاده .. !! هل تريد أن تكون أحلم من الاحنف ابن قيس ! !! يا أخي الحل باختصار ( الرجال ) وليس النساء .. انت و والدك و والد زوجتك .. وسؤال واحد .. هل تريدون ارجاع زوجتي لعصمتي أم لا !! الجواب بعده يصدر من قبلهم وبعدها يا أما ان يرجعونها لك .. وألا فان كنت مقتدرا فسرحها باحسان و تزوج غيرها و احسن الاختيار .. وان كنت غير مقتدر فاكمل مسلسلك كما اسميته حتى النهايه فقد تكون البطل في صبرك و تصل لخط النهايه كماه في السلحفاه و الأرنب .. اثار موضوعك شيء في نفسي و قسوت عليك بكلماتي ولكن هي صراحتي .. فاعتذر منك مقدما لأنني قسوت عليك و اعتذر من كل الاعضاء هنا .. لأن بصراحه اجد ردود لا تمت للموضوع بصله و تتعذر بأعذار واهيه .. ومن الاجدر ان نضع انفسنا محل صاحب المشكله و نورد الحل له وليس ان نقدم له اعذار ونحابي مع الجنس وليس مع الحق !! هذا و الله اعلم .. |
^
:22: 100 % |
اخ السيف المهند
انا هنا جبت سالفة ان مخ الحامل يتضائل ولا يرجع الا بعد سته شهور مو اني موافقه ............. لكن هذا اللي سمعته من الصائمه لله في موضوع سابق للأخ ........... كلنا قلنا انه فعلا الحمل صاير غريب هالأيام ولا يبيح كل قلة الأدب هذي والسفور والعصيان .. البنات اول ما يتزوجون صاير شي طبيعي انها ماتعرف ولا تسوي شي بالبيت ... مو كل البنات بس كثير منهم ولازم يصبر عليها سنتين ثلاثه الين يالله تزبط طبق.. والرجل صاير عادي يكون له ماضي اليم ... بس يبي زوجته تكون ملاك منزل من السما ... وفي نفس الوقت يكرهون جهل البنات بالحياه .. يبونهم مثل امهاتنا اول .. وهم ابعد مايكونون عن ابائنا اول اشياء كثيره اختلفت واختلت ... ومنها الحمل ... ومنها بالضبط الشيخه محور هالموضوع ... اللي يخلينا نقول اصبر .. انه صبر شهور الحمل .. يصبر له كمان اسبوعين ويكمل جميله ويقطع عرق ويسيح دم يمكن سبحان الله حملها هي غير عن كل البشريه ؟ يظل فيه حالات نادره ... ولو ان واضح من اول ومن قلة ادبها .. ان البلا في التربيه مو في النونو الله يرحم حاله... |
اقتباس:
|
مساء الخير......
السلالام عليكم
انا حبيت ادخل واشارك بأخر مشاركه لي بهلموضوع وهو انا متابعه موضوعك وانا اكثر وحده كانت تحفزك علئ الصبر بدافه انها حامل واحتمال الوحم لانه بصررراحه تكلمت من واقع حياتي وكرهي لزوجي فقلت يمكن والاكيد انها متوحمه...ولكن صدمت بأصرارها ولكن لي يومين افكر بموضوعك و اتابعه وقد اخبرت زوجي بقصتك ونهايتهاوقال الرجال ماقصر والله ماقصر خلاص ماله الا يطلقها ويشؤف حياته ...هي اظنها باعته...!!! وقرت مواضيعك السااابقه واستنتجت الاتي!!! حاولت بشتئ الطرق.... كلمتها بلجوال.....!!!! ارسلت لها ......!!!!!!! رحت لهم وماطلعت ....!!!!!! ارسلت الهدايا ..!!!!!!! حااااااااااولت ........... وحاااااااااااولت.......... طنشتها شهور....... عدت لها لاأرضائها وهي باقي مصره علئ رئيها ........ تحملتها كثييييييييييير .... صبرت علئ الوحده ......!!!!! عشت بتوتر ونكد ..... وامك بعد وابوك حاولوا!!!!! والنهاايه طلعت عليك اشاعه بأنك مريض نفسي .......!!! ووووو.......! وللاسف اهلها مساااندينها ........!!!وهذا الغريب اهل نادرين بلاسلؤب...وما همهم حياة بنتهم .. وهي معنده بنت امها وابوها بحجة مااقدر انسئ .......!!!!!!!وكان بأستطاااعتها الموافقه بشرؤطها .....وغالبا المتزوجين بهواااش وتوصل لاقدر اللله للضرب والزعل والنهايه يترااضون بمبلغ او شرؤط صارمه هذا اذا كانت المشكله ذاك الكبر...ومع الوقت بينمحي الزعل مع الوقت بلحظات حب وسعاده.. اما عن قصتك فما تستاهل الطلالالالالالالالالالالالالالالالالالالاق!!!!!!!! ! خلالالالالالالالالالالالالالالالالالالالالالالالال الالالالالالالالالالالالالالالالالالالالالالالالال الالالالالاص!!!طفح الكييييييل:19: وعافها قلبك من بعدها وجفاها.... انت ماقصرت والله ماقصرت... وتستااااااهل تاج علئ راااااااااااااااااااسك صبرت ثم صبرت ثم صبرت ....... والله يجازيك علئ صبرك بزوجه فاهمه وواعيه وبأذن الله يعوضك ربي بزوجه تحبك جزء صبرك هذا..... طلقها .....!!! وشوف لحيااااتك ... والافضل لك لاتتزوج الا وقد هيئت نفسك للزواج ...من ناحية نفسيه وكذا ....واكيد نفسيتك بتكوون تعبانه من أثر الطلاق وشوفة ولدك والاجراءت ... ماابي تظلم ال2 تروح معها وانت متضايق ...وللاسف البعض يتزوج علئ طول بعد طلالاق الاؤلئ بأيام او اسبؤع والسبب!لاجل اقهرها وبس ويكون هذا بتحريش من الاهل وتحفيز لولدهم بقصد هذا ولدنا تزوج وتوفق ....انتبهه بتجيك ضغوطات من الاهل وغيرهم ,,,,ويطلع كلالالالام وتجرييييح ....لكن ردد لايهم السماااااء نبح الكلالالالالالالالالالالالالالالاب! انت لاتتسرع وعلئ مهلك ...!!!والله يعوضك بلي احسن منها ... لاتتزوج الا ؤقد انتهيت من المشكله ....واستفد من تصحيح الاخطاء الي حدثت بزواجك الاؤل. وبلتوفيق همس 2009. |
| الساعة الآن 03:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©