التواصل مع خطيبي نصائحكم
 

اخباركم ياحلوين انا عندي موضوع ياريت تشاركوني بأرائكم0000
انا توني مخطوبه لي ممكن شهرين ولسى ماسوينا لاملكه ولا شبكه ولا حاجه وهو طلب مني انو اكون متواصله معاه على المسنجر ووافقت ودخلت معاه رغم اني احسو مالو داعي وبعدين مو عارفه اش اتكلم معاه اسولف يعني وانا بديت اخفف من دخلاتي معاه00000
اش تنصحوني اكون معاه اذا ايوه اش المواضيع اللي تكلم معاه فيها ومشكورين 0000

افضل شي انك ماعاد تدخلين على المسن او تعتذرين انو راح تنشغلين اذا تخافين يزعل
افضل شي بعد الملكه يكون بينكم شي رسمي
وصدقينى راح تكبرين في عينه

الله يبارك فيك ياعسل يعني لازم اخفف تصدقين سالتو وبعدين هوا يقولي كل يوم ادخلي 0000عشان كذا كلامي قليل معاه ومو عارفه اش اتكلم

والله احاول لانه اذا مادخلت يجلس يدق علي ويقولي ادخلي بحاااااااول إن شاء الله
مشكورين على الردود الله يخليكم000

إن شاء الله قد ماقدر اخفففففففففف بس هوا عاجبه الحال .........
بس مااااااااادري بشو اتكلم معاه وررطه 000هههه

يرجى كتابة لفظ ( إن شاء الله ) كما بين الأقواس ..
الإشراف

في البداية السلام عليكم

انا بصراحه استغرب من اللي يفتي ويقول ما يجوز وان الخاطب شخص غريب مع انه جاي مع الباب واهل البنت يعرفون ان الشخص هذا يخطب بنتهم وشافها الشوفة الشرعية. مع انه اكثر من شيخ ثقة افاد بجواز المحادثة بين المخطوبين اذا كان الكلام مافيه فحش .. انا كشخص خاطب ابغى اتعرف على خطيبتي وتتعرف علي ونعرف شخصيات بعض اهتمامات بعض ايش اللي نحب وايش اللي نكره مو بكره اذا تمت الملكة وصارت زوجتي رسميا وشرعيا اكتشف ان مافيه توافق بينا وبيقعد الواحد يجامل ويعدي ويمشي لين ما نتزوج وبعدها نصير نكتب في قسم المتزوجين عن المشاكل اللي بينا وان مافيه ود وانه ما فهمنا بعض ..

وبالنسبة للمواضيع ماراح اقول تكلموا في كذا او كذا خلوا الامور هي اللي تمشي لكن حددي محاور رئيسية تبغي تعرفيها والاشياء هذي راجعة لك شوفي انتي وش تبغي تعرفي عن زوجك مستقبلا .. مثلا انا ابي اشوف تفكير البنت في تكملة دراستها الحالية أو الأعلى ، ذوقها في الاكل ، الأماكن ، اللبس ، الأثاث والاحلى انه خلال الفترة تكون فيه مشكلة مثلا بسيطة مثل سوء تفاهم بينك و احد صاحباتك تشاركينه في الموضوع وتحكمين على رأية هل يعجبك أو لأ واشياء كثيرة يقدر الواحد يسولف فيها
وماراح اقولك تكلمي مره في الاسبوع ولا اقولك كلمي كل ساعتين خلي الوضع حسب اشتياقه لك واشتياقك له وخليكي من العالم اللي يقولون خليكي ثقل لانه فيه ناس يقولون له خلك ثقل ..
بالتوفيق للجميع

اختي انتي قلتي انك دخلتي قبل كده


طيب هو بأيش كان يكلمك يعني ايش نوع الحوار اللي يكون بينكم عشان نقدر نساعدك


لان كلامك هذا يكون لما تكوني اول مرة بتدخلي تكلميه لكن انتي كلمتيه خلاص


وعلى اسا س المرات السابقة تقدري تعرفي انتي ايش بتقولي المرة الجاية


واكيد كلام المقبلين على الزواج يكون كله بهدف اكتشاف شخصيات بعض

يعني مايحتاج تسألينا . هذا الشخص بتقترني بيه عمرك المفروض .

يعني تخيلي انتي شو راح تسأليه

يا اخوان ليش العصبية ؟! ليش ندخل الدين في العادات والتقاليد ؟! ليش الواحد يحرم شي من راسه ؟؟ اذا كان ماحد يعرف الحكم في الشي ياخي يقول ما ادري مو يحرم ويحلل على كيفه .

على العموم هذي فتوى للشيخ بن باز واعتقد انه من المشائخ الثقات عند الجميع

حكم المكالمة الهاتفية بين الخاطب والمخطوبة، والقصد -كما يقولون-: هو التعارف قبل الارتباط بالزواج، وإذا كانوا صائمين هل يتغير الحكم، وهذا يوجد بكثرة في مجتمعنا الإسلامي، والمكالمات بريئة في ظاهرها وحسب كلامهم، وهذا السؤال نابع من الرغبة في التمسك بتعاليم ديننا؟


لا نعلم حرجاً في الكلام بين الخاطب والمخطوبة إذا كان كلاماً بريئاً لا يجر إلى شر، وإنما يقصد منه التعرف منه عليها ومنها عليه؛ لا بأس بهذا، تسأله عن حاله وعن أعماله وعن ديانته ونحو ذلك، وهو يسألها عن مثل ذلك لقصد التوثق من الإقدام على هذا النكاح فلا حرج في هذا، أما إن كان القصد سوى ذلك من التمتع بصوته وصوتها أو المواعيد التي قد تجر إلى الفاحشة؛ فهذا الذي لا يجوز، فالواجب على الخاطب والمخطوبة أن يتحريا الشيء الذي لا بد منه في المخاطبة، للتعرف فقط أما ما يخشى منه فتنة فالواجب اجتنابه.
وهذي الفتوى الصوتية
http://www.binbaz.org.sa/audio/noor/034202.mp3

وهذا موقع الشيخ
http://www.binbaz.org.sa/mat/20220

وبرضه هذا الشيخ صالح الفوزان

ما حكم مخاطبة الشباب للفتيات عبر الهاتف أثناء الصوم؟ وبالذات إذا كانوا مخطوبين لبعض؟

مخاطبة الشباب للفتيات عبر الهاتف لا تجوز؛ لما في ذلك من الفتنة؛ إلا إذا كانت الفتاة مخطوبة لمن يكلمها، وكان الكلام مجرد مفاهمة ولمصلحة الخطبة، مع أن الأولى والأحوط أن يخاطب وليها بذلك، أما المخاطبة بين الشباب والفتيات في غير حالة الخطبة؛ فإنها لا تجوز؛ لما في ذلك من الفتنة الشديدة، وخشية الوقوع في المحذور، وإذا كان ذلك في حال الصيام؛ فإنه يؤثر على الصيام بالنقص؛ لأنه مطلوب من الصائم المحافظة على صيامه مما يخل به وينقصه، وكم سبب الاتصال بين الشباب والفتيات بواسطة التلفونات من مصائب خلقية وجرائم اجتماعية؛ فالواجب على أولياء الفتيات منعهن ومراقبتهن من هذا الخطر.

مصدر الفتوى: المنتقى من فتاوى فضيلة الشيخ صالح بن فوزان بن عبد الله الفوزان - (ج 3/ ص 162) [ رقم الفتوى في مصدرها: 248]

معاك اخي بكل حرف



ولكن هذا الشئ اخذه ضعاف النفوس لاجل المتعة فقط


الخطوبة لم توجد لهدف المشاوير والكلام المخل والخروج كعاشقين بل لدراسة كل منهما الآخر بما يرضى الله وفي وجود الاهل


تفاديآ لانفصال الفتاة بعد ان تصبح مطلقة

مشكورة اختي على ردك وبالفعل بعض الشباب والبنات ياخذوا الفتوى كجزئين ويغفلون الشرط فهو جائز ولكن بشرط عدم الفحش والكلام اللي يجر لمعاصي واحنا الله عطانا عقل نميز الصح من الغلط فيه كلام واسلوب القصد منها التعرف على الشخصية فيمكن يصير اعجاب مما يعجل بالزواج ويمكن يصير نفور وانفصال بدون طلاق ويدخلوا انفسهم في مشاكل رجعوا المهر والهدايا والشبكة فاذا كان فيه انفصال قبل الملكة مايكون طلاق لكن المشكلة لما يكون انفصال بعد الملكة وقبل الدخول هنا تحمل البنت لقب مطلقة والرجال يكون مطلق .. وما ودي اطلع عن الموضوع الرئيسي لاختنا وبالتوفيق للجميع

اسأليه:

عن ماذا يحب من صفات في شريكة حياته بإذن الله و ماذا يكره؟

عن أحلامه؟ و خططه بعد الزواج؟

عن عدد الأطفال المرغوب من جهته؟

عن عمله؟

عن هواياته؟

ماذا يفعل بالويكند عادة؟ هل يخرج مع اصحابه في استراحات و خلافه؟

عن سفراته السابقة؟

هذه تعتبر مرحلة تقييم أساسية من طرفك فاستغليها بذكاء

اول شي مبروك اختي مقدما

ثاني شي بما اني مثلك خاطب واتواصل مع خطيبتي,, بس شوفي انا مابفتيلك بالدين بس الي نعرفه انه عرفي بين مجتمعنا مايرضون بها الشي وانا معهم اشوف هالشي غلط بس اتواصل معها بامور حياتنا ونتناقش فيها

وانا اقولك ايش تقولي اول شي تتطمني عليه وكيف كان يومه وبعد كذا ادخلو بتفاصيل حياتكم مثلا وين نروح شهر العسل وليش تبي هالمنطقه بالذات يعني شوفي نظرته وشخصيته وانتي نفس الشي وريه عقليتك وشخصيتك وتكلمو ايش الشي الي من نظرك يفسد الزواج اذا كانت البنت مثلا ماتطبخ لزوجها وزي كذا وناقشيه وافتحي معاه موضوع عشان تعرفي عقليته اكثر وشخصيته ومنها لو كنتي تعانين من مشكله وقلقانه انه يعرفها قوليه عليها وايش رايه بالموضوع وزي كذا تكلمي طبيعي جدا

وهذا الي اسويه مع خطيبتي,,, وارجع واقول عسا الله يثبتنا عالايمان ويبعدنا عن المحرمات وانا اشوف هالشي غلط بس الله يغفرلنا ويعطينا على قد نياتنا

مشكورين على ردودكم بس بالبدايه انا تكلمت معاه بالضبط اخبارك اش مسوي وزي كذا وهو بيعبير عن اشتياقه لي وانا موووووكثير 000هو الاكثر 000
ويسالني اش سويتي واش ماسويتي وزي كذا يعني 0000بس بعدين مافتحت معه اي موضوع لانه تونى لسى مسوينا شيء وما عارفه اش اتكلم 0000فهمتوا00000

بالله كيف يجوز اكلم واحد مابيني وبينه شي رسمي وشرعي يعني لو مو مقتنع ليش يتقدم
المفروض فتره بعد عقد القران يصير المكالمات والماسنجر وكل شي بالشرع اما كذا لا مايصير
وش المانع ماتكتبوا كتابكم الا اذا كنتي من دوله عربيه عادي عندهم التعارف قبل الزواج

اهلين ميلاف هو إن شاء الله ملكتنا بالشهر هذا باخره وانا مو دايم ادخل معاه كل يومين وادخل بس ..........تحياتي

تنبيه : يرجى كتابة لفظ ( إن شاء الله ) كما بين الأقواس .
الإشراف