|
ما رأيك بهذا الخاطب
مطلق من اشهر قليلة ولديه بنت
متدين يعمل بوظيفة جيدة وعند السؤال عنه الكل يمدح بأخلاقه لكن سبب الطلاق غامض لا احد يعرفه ولايريد الاخبار عنه في اول زيارة تكلم بكلام لم ارتاح له ومن خلال معارف احدى صديقاتي تبين ان البنت التي طلقها ملتزمة وخلوقة وان الرجل شديد وعسر وغريب الاطوار وعندما سألوا أم البنت عن سبب الطلاق لم تذكر شيء ( خوفا من حدوث مشاكل ) لكنها ذكرت ان البنت لم تكن تريد الطلاق وفي يوم اتصلت البنت على والدها تبكي تريد منه المجيء لان زوجها يريد ان يطلقها ولكن الاب رفض الذهاب خوفا من ان يقول شيء فيقع الطلاق فأرسل اخوها فلما جاء الاخ قال الزوج اريد ان اطلق بالمحكمة استغرب الاخ لماذا في المحكمة فهو يمكن ان يطلقها في المنزل فلما ذهبوا للمحكمة كلم الزوج القاضي لوحده ثم وقع الطلاق وبعد ذلك اكتشفت البنت واهلها ان الزوج جعلها تخلعه حتى لا يدفع المتعة واخت البنت تقول كيف كنتي صابرة وحدة غيرك ما تتحمل ومع ذلك ام البنت تريد ان يرجعها ! ما رأيكم؟ |
لا اعرف
احس الموضوع الاول لسه معلق يعني الزوجة الاولى تبي ترجع ولسة راغبة في العودة وفي اشياء كثيييييييييييييييييييييرة عليها علامات استفهام وفي اشياء فعلها الزوج مبهمة وتحتاج لتفسير وحكاية قال كلام ما ارتاحتلا هذه مقلقة ؟؟؟ بس مانقدر نحكم عليه لالاننا لا نعرفه اللي يقدر يحكم اهلك والعروس ادرسوه جيدا ولو مو مرتاحة بلاها احسن وما تستعجل يمكن ربنا يعوضعها بواحد مواصفاته احسن لها خاصة انها من اول جلسة ما ارتاحت بعدين ارى انكم سألتوا من جهة الزوجة الاولى ارى الان ان تبحثوا من جهة الزوج المتقدم للاطمئنان ولا تنسي السؤال ثم السؤال ثم السؤال جميع من يعرفه حتى اللي يعملون معاه لو استطعتم عشان تعرفوا شخصيته وتتلافوا الخطأ الاول وماتنسي الاستخارة والله اعلم |
اتوقع الموضوع يبي له تروي وحذر واستخاره قبل فوات الأوان وبالفعل الزوجه لها رغبه بالعوده وهذا الظاهر
وبالاستخاره تحل الأمور & |
انا ارى انه قمة الخطاء سؤال طليقة الرجل المتقدم للزواج لانهم في كل الاحوال لن يجيبوا سيرته بخير وبيطلعون في الرجل جميع العيوب حتى لوكان الخطاء منهم هذا شي طبيعي للاسف في مجتمعنا وبالاخص في مجتمع النساء
فمن باب اولى السؤال عن اخلاق الرجل المتقدم وعن عائلته والاتكال على الله سبحانه وتعالى والموافقه عليه لانه بالنظر لتفاصيل تجربته السابقة التي فشل فيها يدخلون في دوامة من المخطى ومن المصيب والرجل مايعيبه شي في كل الاحوال بعكس المراءه وفق الله الجميع لما يحبه ويرضاه0 |
سعاد
سألنا عنه من اصدقاءه وواحد يعمل معه والكل يمدح فيه همس الأصيل فعلا الموضوع يبيله تروي وحذر |
بندر السالم
لكن لما نجهل سبب الطلاق ونعرف ان البنت اللي ماخذها متدينة وخلوقة من قبل ما نسأل اهلها يجعل الموضوع محير وهذا يخوف خاصة لما اسمع انه شديد وعسر وهذا ما احسست فيه من اول لقاء |
اهلا جوهره مافى شى اسمه قال اشياء للقاضى فخلعها منه حتى لاتحصل على متعتها الخلع يقع بطلب صريح من الزوجه ولا يمكن للقاضى ايقاعه من نفسه ابدا ابدا تانى شىء.....اعتقد الزوج المخلوع ينخاف منه ، انا لو مكانك ارتعب خلعته .......لم؟ ما العيب الفظيع الذى يجعل الزوجه تخلع زوجها .......؟ التروى ثم التروى ثم التروى الكويت صغيره ......ومنفتحه راح تلاقون الف مين يدلكم على الحقيقه مطلق من شهور لاتتعجلى فالمسأله تحتاج لوقت ، ان جاءك مطلق لا تقبلى به الا بعد مرور عام على الاقل على طلاقه حتى تبرأ جراحه وتهدأ نفسه ويبان المستور هذه نصيحتى لك والله اعلم |
حبيبتي جوهرة اول شي اسأل الله سبحانه وتعالي ان يكتب لك الخير والصلاح وان يرزقك بالزوج الصالح التقي النقي اللي يسعدك ويستر عليك وويعوضك بالحنان والمحبه يارب ’’’’’’’اللهم اميـــــــن ’’’’’’’’ تالي هذا زواج ومسيره حيااه مطلق له اشهر هذا يعني ان جرحه بعده طري وراح تعاني معه في بداية زواجكم وكل المجربين يقولوا كذا _ ما اعقدك بس احطك في الصورة _ يعني المده المفروض تكون اطول من كذا بعد زوجته بعدها تبيه واحتماليه انه يرجعها قايمه حتى بعد زواجكم عاادي مو كانت زوجته وام بنته ويبي يردها .. بس اهم شي انه يقدر يعدد ! اما مساله انه عسر وشديد هذا شي ما يعرفه الا شخص عاشره وليس اي شخص مؤهل للجواب على طبيعته وسلوكة اانا انصحك خلي اهلك يسألووا عنه اكثر في عمله يسألو مديره وزملاااااه وفي معلومه سمعتها ممكن تفيدك في معرفه طبعه ! اللي ,,,,هي اسألو عنه الحارس في عمله او اللي يقدم الشاي والقهووة مثلاً او اللي هو مسؤل عنهم تدرين ليه ,,,,,,,,,,؟! لانهم اقل منه وبطبيعة الحال له امر عليهم وحكم وسلطة فاحسن الناس اللي يتعامل مع الطبقه البسيطة معامله طيبه ويعتبرهم بشر ولا يحتقرهم لا سمح الله ! هذه معلومة اتمنى انها تفيدك وتقلل من شكوكك وخوفك ويارب يسعدك ويهنيك بولد الحلال وبشرينا عن اخبارك ؟ انت اكثري من الصلاه والدعاء في جوف الليل واهم شي يا عمري الاستخاره ثم الاستخاره ,, لانه ما خاب من استخار ’’’’’ولاندم من استشار واثناء السجود .......انه اذا فيه خير ربنا يسيره واذا عكس ذلك ..يصرفه عنك ويعوضك بالخيــــــــر يارب وانصحك لوجه الله استغفري ترى مفعول الاستغفار انا مجربته بنفسي قبل زواجي بفتره والله اموري صارت زينه وتيسيرت لدرجه اني ما اعجبتني قااااااااااااعه الا قبل الفرح بعشره اياااااااااام ......تخيلي ! لان فرحي كان سريع وزوجي يبي نتزوج ونسافر برا سوا .. فكان كل شي على عجل بس الحمد لله عدت على خير وعقباااااااااااااالك يارب نفرح فيك |
اقتباس:
|
فتوشي
مادري يا فتوشي المسألة غامضة هذا اللي ذكرته ام البنت انه جعلها تخلعه فعلا انا متخوفة ولا اريد الاستعجال والام تتصل كل فترة تسأل عن رأيي مادري ليش هذي العجلة |
اقتباس:
|
أختي الفاضلة أولا لا تجعلي استعجال وإلحاح الأم يجبرك على القبول.... مثل هذه الأمور لا تتخذ فيها قرارات مستعجلة وغير مدروسة... أما عن وضع هذا الرجل ،،، فهل بإمكانكم السؤال والبحث عنه في المحكمة ... وسؤال القاضي او من يعمل بالمحكمة ويملك معلومات عن القضية .... وصراحة استغرب من هذا الشخص ... كيف يريد أن يتزوج وهو يضع على نفسه مليون علامة استفهام واستفهام ثم يريد من الناس أن تقبل به لبناتهم ... الزواج أوله وضوح ......:22: غير كذا إلى الأن هو مرتبط بزوجته الأولى ولم ينهي مشاكل ويبدأ حياة جديدة <<< إن كان يريد ذلك الله يكتب لك الخير ويرزقك بالزوج الصالح عزوبي:22: بس:d رجل:30: |
بصراحة انا مارتحتله يعني حكاية طلاقه او خلعه مثير للشك وللتساؤل .. يعني بصراحة انا مو شايفه فيه مزايا (حتى لو الناس قالوا عليه انه زين وطيب ) يعني بالأول والأخر الناس مالهم غير الظاهر وياما رجال نشوفهم نقول مافي منهم بتعاملهم وذوقهم مع الغرب بس داخل البيت يقلبوا اشخاص ثانين .. انا ما أريد أخوفك بس ماريدك تتعجلي استخيري مره واثنين وثالثه وادعي ان رب العالمين يهدي بصيرتك ويدلك على الخير .. ولو هم مستعجلين كيفهم الزواج مافي عجله إذا مابيصبروا عليكي خليهم يروحوا لغيرك :( وفي الأول والأخر مابتاخذي إلا نصيبك ... هذي عشرة عمر وقرار مصيري ماينفع الواحد يتعجل فيه يعني الوحده لو خطبها ابن عمها او قريبها لازم تاخذ وقتها عشان تفكر :25: فما بالك لما يكون واحد بعيد وظروفه معقده بهالطريقة؟! بصراحه حتى استعجالهم يشكك الواحد فيهم بزيادة يعني انا برأي مايستعجل إلا الي وراه سر أو عله مايبى الوقت يمر وتنكشف !!!!! ولا شو رايك |
اقتباس:
وثاني يوم هم اتصلت تسأل عن رأيي وبعدها بجم يوم اتصلت!! |
اقتباس:
|
جعلها تخلعه...........؟؟؟؟؟!!!!!!!!!! ألف خط تحت هذه الجمله ارجو ان ترفضيه الرجل الذى يطلق على الابراء بعد سنوات العشره او يتم خلعه او يجبر الزوجه على الخلع انا اسفه لاخير فيه وليس هناك مجال للقول بالظروف او البحث فى الامور بثمارها تعرف الاشجار كما تعلمين لا امان مع رجل مخلوع او مطلق على الابراء من وجهة نظرى فأنا فى نفس موقفك مطلقه كما تعلمين واتكلم من منطقى الخاص ان تقدم لى من هو مثله سارفضه خوفا ليس الا....... أرجو الا اكون اشجعك على رفض نعمه وكذلك لست مع قبولك نقمه فليذهب لغيرك ممن ترتضيه......لست حمل مشاكل او وجع قلب وكلنا كذلك وفقك الله لما يحب ويرضى |
الله يكتبلك مافيه الخير استخيرى الله
بس احس الناس المستعجلين وراهم شي مدرى ليش |
الامر غامض جدا وهناك امور مخفية لذالك اسالوا عنه جيرانه اصدقاءه وزميلائه
بالاضافة للاستخارة والدعاء وشكل قلب زوجته معه اعانك الله ووفقك لاختيار الصواب |
اختي انا من رايك انك تستخيرين والارجل يلف ويدور علشان يخلع زوجته لا ولاقال عن سبب المشاكل كان بامكانه يقول مشاكل عائليه او ماتحترمني اي شي بس كانه يلمح على شرفها اي رجال احد يسئله ليش مطلق فلانه فيحاول يسكت او يغير السالفه او يقول هذا شي خاص تحسين انه يلمح على شرفها وانتي سئلتي عن البنت انها خلوقه يعني افهميها الرجال هذا مافيه خير لو فيه خير ماسوى حركت الخلع وشكل الاهل مخدوعين فيه بس الغامض ينخاف منه
|
اقتباس:
|
بنت مكة
سحابة الصحراء جزيتم خيرا الموضوع بالنسبة لي منتهي لكن الله يستر من اهلي عسى مايضغطون علينا كريمة بيضاء لا مو ممكن تكون مسألة شرف لأنه صار لها اكثر من ثلاث سنين معها وعنده بنت منها وبعدين البنت متدينة واخلاقه عالية .. وهذا اللي يحير |
اتصلوا علينا بعد مارجعت من السفر
واخبرتهم امي مرة ثانية ان مو مرتاحة لكن مو راضيين يقتنعون وعندهم اصرار عجيب حتى ان الخاطب كلم امي وسألها عن سبب رفضي فقالت له اني خايفة وماابي اتزوج واطلق فقالها انا مريت بتجربة وصار عندي خبرة اكثر وقالت له اننا عرفنا ان طليقتك بنت ملتزمة وخلوقة واحنا متخوفين ليش وقع الطلاق فقال ان فيها عيب وانا مابي اقول عشان لا اجرحها واعطانا رقم ام البنت حتى نسألها عنه ثم بعد فترة اتصل وقال اكيد ام البنت مارح تقول شي عن بنتها واقسم لامي انه لايمكن ان يرجعها وطلب من والدتي ان يكلمني وامي الله يهديها قالت ماعندي مانع تكلمها وامه كل ماتتصل تقول ابي اكلمها لكن انا رافضة والحين مو عارفة اذا تصلوا شنو ارد عليهم شلون اتزوج واحد مو مرتاحة له وليش هالاصرار ! يقول لامي انا مارتحت إلا لبنتكم |
الموضوع غامض وطالما انه حديث الطلاق فرغبته في الزواج ردة فعل لطلاقه وفي الآخر انتي الضحيه لا سمح الله ::
لا تتسرعي بالموافقة واستخيري الله وربنا راح يعوضك بالاحسن منه .. |
يمكن صح كلامه ؟ ما يبغى يغتاب طليقته ؟ و لا يبغى يجيب سيرتها لا بخير و لا بشر ؟
استخيري و لا تستعجلي |
الموضوع صار له تقريبا شهر
ولكني الحين في مشكلة وهي اني صايره افكر في الخاطب واتمنى عودته مع اني كنت اريد الموضوع ينتهي لاني ما ارتحت له بعد ما عرفت عنه ما عرفت وحتى بعد صلاة الاستخارة ما ارتحت لكني الحين مادري ليش افكر فيه ومتناسيه العيوب اللي سمعتها عنه |
اهلن جوهرتنا
الله يعوضك احسن منة ان شاءالله صراحة ناس غريبين الصراحة راحة وكل شيء الامورتتيسر عليك بالاستغفار وربي يخلف عليك احسن منه من بدايتها بدوامة ربي يعوضك ابرك منة الله يووفقك ويسترعليك ويرزقك ماتتمنين آآآآآمين |
السلام عليكم
انا مطلاق(مافيه تفاهم لا مني ولا منها) اقسم با لله العظيم لو يسئلوني عن سبب الطلاق بقول نفس الكلام وغيره ماعندي ولي الله كاتبه بيصير انا ماخذ بنت ناس ونفصلناالله يستر علي وعليها الله يعوضني بخير منها ويعوضها بخير مني ان شاء الله عاجبهم كانا بها ماعجبهم بسلامتهم يسئلون عني في العمل يسئلون جماعة المسجد يسئلون الي يبون هذا من حقهم |
اقتباس:
اقتباس:
ترى ياجوهرتي ياقليبي مافي انسان من غير عيوب انتي قيسي حطي حسناته بكفه وسلبياته بكفه وفكري واستخيري وترى ميزة الدين ماتتفوت احس قليل الشباب المتدين وانتي شايفه بعيونك الله ييسر امرك ياعيوني ويرزقك بالزوج الصالح اللي يسعدك ترى هذي نصيحتي لك وانتي ادرى بالأصلح يمكن يكون كلام صحيح وممكن لا بس عاد هذا اللي اشوفه يانظر عيني وتراني احبك حييييل في الله |
فلها وربك يحلها
آمين يارب جزاج الله خير انا من البداية مو مرتاحه لكني مستغربه الحين ليش صرت افكر وودي يرجع مع انه ماتغير شي يمكن حاجتي للزوج والهم اللي يزداد كل يوم usd الله يعوضك خير لكن لو كان فيه توضيح منهم عن نوعية المشاكل يمكن الواحد يرتاح شويه خاصة لما اعرف ان الرجل متدين والبنت متدينه استغرب ليش وقع الطلاق لانه المتدين يكون صبور وما يقع منه الطلاق بسهوله حتى لو كان في المرأة عيب يصبر عليها طيب انت في نظرك متى يصلح للمطلق ان يتزوج يعني اللي عرفته انه كان يودي زوجته لبت اهلها وهذي ما اعجبتني يعني مهما كانت المشاكل المفروض تنحل بينهم ومو حلوه يقطها بيت اهلها اذا صار زعل بينهم |
هلا بأختي الغالية انتظار الفرج
ما عرفت اسوي اقتباس لمشاركتك لكن ردي باللون الازرق عسى الله لا يحرمني منك ومن نصايحك ترى الدين أعظم ميزة بالرجل ويقول صلى الله عليه وسلم: (( إذا رأيتم الرجل يعتاد المساجد فاشهدوا له بالإيمان )) وبعدين ياعمري شوفي حال الشباب هالايام حتى اشكالهم اعوذ بالله ماكأنها اشكال رجال الشعور منفوشه والسروال طيحني شي يندى له الجبين فميزة الدين ماتتعوض صح الدين مهم لكن مو كل المتدينين اخلاقهم حسنة وحتى لو كان تعامله مع الناس حسن تكون اخلاقه في بيته سيئة جدا وانا اعرف من هالنوعية لذلك خفت يكون هو منهم كيف ماتبينهم يصرون وهم طايحين على جوهرة بنت حافظة للقرآن ومتعلمة وخلوقة الناس تفهم تعرف البنت الصاحية من المصرقعة يا عمري والله اذا انا جوهرة فانتي جواهر الله يجزاك خير ويجعل باطننا خير من ظاهرنا اصرارهم كان في نفس اليوم اتصلوا اكثر من مره وبالعصر اتصلوا وباليل لكن قلت لامي لا تردين عليهم ومن بعدها ما اتصلوا ونرى هذي بعد ميزة انه عرف اخطاؤه بالزواج والأول ويبي يتلافاها بالزواج الثاني لا ما اظن ان هذا قصده بالعكس ما حسيت انه شايف نفسه غلطان كان يضع اللوم على الزوجة الطلاق وقع لأنه انتهى نصيبه معاها ماتوفقوا خلاص فقال ان فيها عيب وانا مابي اقول عشان لا اجرحها وهذي بعد ميزة انه حفظ العشرة ومايبي يطلع اسرار الله اعلم يمكن .. ومرات اقول يمكن ما في سبب بالاساس عشان يقوله طيب ليش ماتكلمينه وتسألينه بنفسك عشان ترتاحين في البداية كنت رافضه اكلمه او اكلم امه لأني كنت مو مرتاحه والموضوع عندي منتهي لكن الحين اقول لنفسي ياريتني كلمتهم يمكن يتضح شي من كلامه طيب انتي شنو بالضبط مو مريحك بالعريس؟ اللي مخوفني ذكرته في بداية موضوعي اللي عرفته عنه من خلال صديقتي تعرف صديقة طليقته فذكرت ان البنت ذهبه متدينة واخلاق ومتنقبه وانا الرجل عسر وشديد وغريب الاطوار واللي عرفته ان البنت ماكانت تريد الطلاق وانه جعلها تخلعه وقول اختها لها : كيف كنتي صابره عليه وحده غيرك ما تتحمل وقول البنت نفسها بعد الطلاق : منزمان مانمت مثل هالنومه .. يعني ماكان مريحها |
والله ونا خوك
كل واحد وطبعه انا ان شاء الله بتزوج بعد مرور سنه ونص من الطلاق هذي رغبتي (احاسيس) وفيه رجال مايقدر يتحمل الحياة مندون زواج تعود على الأستقرار والزوجه ماعنده مشكله ويتزوج والله يوفقه صدقيني امشي على احساسك ولا تسمعين كلام احد مره الله يوفقك ويسعدك ان شاء الله |
| الساعة الآن 05:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©