|
خلاص!!.. صدقني تكفي الكلمة..
السلام عليكم ورحمة الله وبركاته
:21: :21: :21: شرايكم بالزوج اللي مايبرد خاطره إلا المحاضرات لو تتأخر زوجته عنه دقيقة بتحصل محاضرة 10 دقايق ولو تنسى شيء بتحصل برضوه محاضرة 10 دقايق ولو غلطت بكلمة كمان بيكون لها نصيب... وهلم جرا طيب إذا هي خلاص عارفة الخطأ،وتستوعب من كلمة وأحيانا مايحتاج تنبيه مثل لما تنسى شيء ماله داعي كل هالمعلقات والصمت أحيانا ابلغ من الكلام.. سبحان الله أتضايق من هالنوعية طيب هل تكون فقط بسنوات الزواج الأولى وإلا تستمر وإلا تزيد:( وهالنوعية من الأزواج هل يحبون الزوجة تكون راعية محاضرات مثلهم:d!!ومايخش مزاجهم الا معلقة:27: كيف الزوجة تتخلص من محاضرة قادمة:25:؟؟ وكيف تأقلم نفسها على هالطبيعة الشينة:27:؟؟ أنتظركمـ |
اختي العزيزه حبيت اوضح لك ان الازواج انواع
وزوجك من النوع اللي بيته كانها جامعه وهذا النوع يحب الروتين يبغى كل شئ يمشي بااصول وضوابط ويكره التغيير وصدقيني اذا كنتي في بدايه زواجك الحين تتذمرين بعد كم سنه راح تتعودين على الوضع وهذا اذا ماكنتي بعد فتره نسخه منه لانه بالعشره تتطابق الصفات اقول هالكلام بدافع الخبره انا اعرف زوجه تلقى محاظراتها على زوجها ليل نهار وكا يتذمر ((وهو اخوي)) بعد سنوات من الزواج اصبح هو الملقي للمحاظرات على كل شئ وانسجم مع الوضع تماما وصدقيني حبيبتي هذي مو مشكله وياما عشت وشفت وبعد سنوات راح تتذكرين كلامي اتمنى لك السعاده الزوجيه |
اهلين حبيبتي
انا صراحة يمكن ماقدر افيدك لان زوجي من يوم تزوجنا وهو محطوط على الصامت بس الحمد الله فيه هزاز:24: يعني يحرك راسه =نعم او لا او يله روحي:11: يطير عيونه ويرفع حواجبه = يعني الله ياااااااااااااحلوك كذا مبسوط يقطب حواجبه و يغز فمه = يعني في شي مو عاجبة يستعمل اصابعه واحيانا لسانه يأشر على حاجه يصلح بيدة حركه دايم العجايز يصلحونها = يعني وااااااااااو وش ذي الكشخة يعني لو ينطرم ما تفرق معه:17: ويبيني افهم على طووووووووول ولو يحصله اسوي زيه |
الله يعينك يااااااااااااااارب
قسم المتزوجين يسببلى احباط من الزواج بعض الاحيان كل مشكله احط نفسي فيها |
:)
رد بياعة الورد ضحكني الله يسعد قلبها حبيبة قلبي مثل ما قالت اختي ذكرى الازواج انواع وفي غيرك زوجات يتمنون المحاضرة والاهتمام هذا حتى لو كان يستمر عشر دقايق صدقيني كل حياة زوجية لها طعم خاص وتجربة خاصة لا تنسي انتوا شخصين جايين من بيئتين مختلفتين تماما وتربيتوا تربية مختلفة فلازم شوي نتحمل بعض علشان تمر الأيام بسلاسة لو هو عطاك محاضرة قوليله حااضر وما يصير خاطرك إلا طيب وانت صح وانا غلطانه .. وشوفي كيف رح يتغير موقفه معك بعدين مع الأيام رح تتعودي على طبعه واللي يزعله واللي يبسطه ورح تحاولين جهدك ارضاؤه وبيصير هالشيء اسهل واسهل مع الأيام ربي يسعدك ويهنيك .. ويخلي لك زوجك ويخلي لك اهتمامه فيك |
اقتباس:
هو فعلا إنسان شرقي متزوجة من ست سنوات للآن مانسجمت مع هالطبيعة فيه لأنها بجد تطفش من قلب أحيانا أول ماأركب السيارة من الدوام أسمح محاضرة بس لني تأخرت دقيقة طيب فيه شيء اسمه تغاضي ولكل مشكلة حجم عموما شكل مصيري مصير اخوك:d بقلب أنا يمكن يستانس:11: اقتباس:
الله يسعدك زوجك مثل ابوي تجنن هالطبيعة علمنا نفهم من نظرة الله يسعدكم يارب اقتباس:
أنا ماأعتبرها مشكلة هذي مجرد طبايع ماتوافقت وصدقيني كل اختلاف بيصير على خير إن شاء الله بتعتبريه تحدي لقدراتك:18: غير انك راح تتعرفي على شخص مختلف بيعرفك على نفسك أكثر من خلال الفروقات الله يسعدك ويهنيك يارب اقتباس:
تكفي هالنظرة الحلوة اللي شايفة الموضوع فيها:28: انا ماقولك بعد هالست سنوات تغير شيء كثير سواء بشخصيتي او شخصيته بس هالطبيعة اكرهها مو لشيء إلا لأنها ساعات تكون ع الطالعة والنازلة وتتكرر على أشياء غصب تكون يعني مافيه تغاضي أو تلمس عذر عموما انا فعلا شايفة ان الموضوع شيء لابد منه ولابد أمشي حالي مع هالطبع وبجرب انا استخدم هالطبع لأنه سبق وقالي خير الكلام ماقل ودل:22:لعله يشوف نفسه.. |
زوجك يعمل مدرّس ؟؟ خخخ لا تزعلي امزح ..
بصراحه الله يعينك على الحنّه و الطحنه و الهذره .. لازم تتأقلمي مع طبعه و لكن وقت ما يكون رايق بعد ما يكون سمعتي منه محاضره قولي له يا قلبي انا خايفه عليك من كثر ما تلهج و تتكلم انه يجيك تضخم في القلب او يرتفع عليك الضغط و الكولسترول و السكر ..انت كلامك على عيني و راسي بس انا خايفه على صحتك .. يا ليت تخفف من خطبك و محاضراتك شوي ..انا خلاص صرت افهمك من نظرة عيونك يعني لا تتعب نفسك و تتكلم .. |
ابتسمي وقت المحاضرات
.. |
اقتباس:
وربنا يهديه ويهدي شباب وبنات المسلمين يارب |
يووووووه ابوي كذا
يقعد 3 ايام يطري الموضوع الغلط اللي صار وكيف كان بالإمكان تفاديه الله يعين امي وخواتي احمد ربي اني ابتعدت |
اقتباس:
والله انك خطيره :d:d:d:d:d:d:d:d:d:d:d:d:d:d:d:d:d:d:d:d:d:d الله يسعدك مثل ما اسعدتني بكلماتك الرااااااااااايقه :17::17::17::17::17::17::17::17::17::17::17: |
الله يعينك مالك الا الصبر فعلا شي متعب جدا وحاولي تاقلمي نفسك معه وتتعودي على هذا الاسلوب في التعامل انت حاولتي تكلميه او تفاتحيه ان هذه مشكله تحتاج لحل واذا حصل وش كااااااااان رده الله يعينك فعلا صعب ! |
اقتباس:
فعلا صعب :18: عندي وعندك خير :d الله يعين الجميع يارب :17: |
اقتباس:
هذا من ذوقك يالغالية بااااااارب تدوم سعادتك على طووووووووووووووووووول |
الازواج اشكال وانواع وكل وحده وحظها في الدنيا
والغالب في الرجال الصمت والرجل الصامت لايعبر عما في داخله ويضل كتوم اي مبهم وصعب فهمه والرجل الذي يتكلم ويحاضر يطلع الي في خاطره وتفهمينه بس المهم يساير عند القاء المحاضرات ولا يرد عليه الافي حدود السؤال والحمد لله على كل حاااااااال |
اختي الكريمة موضوعك سهل وبسيط ورد الأخت ذكرى الصمت أعتبرة رد وافي وكامل. الله ييسر أمورك |
اكيد شي يضايق وخصوصا اذا كنتي طالعه من الدوام يكون مالك خلق وتعبانه
بس على الاقل احسن من الرجال الي يسكت ويخزن ويخزن ويخزن وبعدين ينفجر على شي تافه وانتي وحظك يمكن مخزن حق يوم ويمكن اسبوع ويمكن شهر وياويلك اذا كان شهر :30: يعني محد مرتاح لاكذا ولاكذا |
اقتباس:
سبحان الله كأنك تتكلمين عن الوالد الله يطولي بعمره محاضرات لأمي لأمور تافهه مثلاً جلي الصحون يبيها تغسل الصحون دون صوووت مايبي صوت قربعة الصحون بالمجلى وغيرها من الامور التي لا تستحق المشاكل وبالنسبه لبداية الزواج كانت ببداية الزواج وبعد الزواج ثم لحقنا الدور انا واخواني بمحاضرات طويلة تستمر احياناً لمدة ساعتين و3 و4 و5 احياننا على قولة الوالده الله يحفظها هذي هوايه عند أبوك لازم يسويها مثل التمارين لو ماسواها يحس بضيق لكن نصيحه حاولي تغيرين هالطبع لو تقولين له ما احب المحاضرات حدد النقطه وقول لاتسوينها وخلاص ولا ترا ابنائكم بيجيهم نصيب بأدنى غلطه محاضره ويتعقدون اخوي الكبير انحاش من البيت اول ما توظف وسكن برا البيت ويقول افتكيت من محاضرات ابوك يجي يزور اهلي مرتين بالاسبوع يجلس ساعة ساعتين ويروح نصيحة انتبهي لا يتفاقم الوضع انتي الان تتحملين المحاضرات غداً سيفيض بك الكيل وتصرخين او تنفجرين كالقنبله وتحدث كوارث الافضل تكلمينه بما انك الى الان عندك كنترول على نفسك وتقدرين تتكلمين بهدوء |
اقتباس:
قلتله اكثر من مرة لاتحط كل شيء على بالك انت اللي بتنهد صحتك يقول شسوي مااصبر وعلى فكرة هو عارف اني مااطيق هالصفة فيه واني افهم واعرف اخطائي بس مصر صرت الحين أدقق عليه لاجل يحس انه مو كامل اقتباس:
هي لو محاضرة وبس اوكي بس بعصبية ومعها عتاب كأنك غبية وعبيطة وماتفهمين وطول عمرك غلطانة بيصير لها وجه ثاني طبعا اقتباس:
ولك من مثل مادعيتي يارب اقتباس:
بس للحق زوجي بس ساعة الخطأ ينفجر وخلاص بس 3 ايام يارب يهديه |
اقتباس:
مرة زعل وعصب وصارت مشكلة ليش نسيت المفتاح على الباب الداخلي من الداخل يعني قفلت الشقة وتركت المفتاح على الباب وانا داخل ولما جاء يدخل مادخل مفتاحه طق الباب وفتحت على طول وصارت مشكلة كبيرة لأني ساعتها انفجرت بعد ماخلاني قليلة ادب ومغفلة واتذكر ارسلت له ان مافيه إنسان كامل ولافيه انسان مايخطي ابدا ولو بنضل على هالحال ماراح نعيش بسلام ولا أولادنا والتغاضي مطلوب أرسلي كل شيء ولا المفتاح تنسينه على الباب:25: اقتباس:
بس يقهر:) لأنه ساعات يصير شيء مايستاهل وانتي تصيرين مالك نفس فتولعين اقتباس:
اقتباس:
حتى هو يقولي شيء تافه اللي زعلتي منه وإذا عطيته اللستة يقول وش يقربلك الجمل:29: اقتباس:
بنتي 3 سنوات لها نصيب وافر:15: ماتطلع اصوات ماتأكل ع الأرض ماتنثر ألعابها حتى ألعابها ساعات نفقدها يرميها وهو طالع بالزبالة وانتم بالكرامة والغريب ان ابوه نفس الطبيعة وهو متضايق منه وعلى قولتك ماصدق يتزوج ويطلع عن محاضراته بس صار يمارس نفس الدور الله يهدينا يارب |
مشكورين جميعا على إجاباتكم الوافيه وافكاركم الحلوة
انا كتبتها مو قصدي اني اعيش بمشكلة عارفة انو طبع وشي لابد من تواجد أمثاله بالبيوت بس فيه أشياء ممكن الواحد ينتبه لها ويصلحها فحبيت أجمع شوية أفكار لعلي أتخلص من هالطبيعة السيئة ولو بالمناورة من غير محاولة تغيير مباشرة شكرا لكم مرة أخرى |
| الساعة الآن 04:56 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©