|
زوجتي لاتعرف تطبخ وسببت لي أحراج ومشاكل
السلام عليكم
يا أخوان ويا أخوات انا متزوج قبل 8 شهور تقريبا ومشكلة زوجتي انها ماتعرف تطبخ نهائي لا كبسة زي الناس ولا اكلة تعرف تتقنها الا سندوتش بالجبن ! سببت لي احراج مع كل الناس اقاربي اصدقائي اهلي لدرجة اني ماصرت اعزم احد عشان لا اتفشل من طبخ زوجتي واهلي انحرجوا مني خل زوجتك تطبخ لك لانهم عرفوا اني اشترى من المطاعم وصار لي نزلة معويه من اكل المطاعم يا اخوان وش الحل !!!! |
كم عمرها؟
ساعدها انت امدحها اشتريلها كتب طبخ خلها تدخل المنتديات وتتعلم شجعها كلنا كذا في بداية زواجنا والحمدلله تعلمنا حرام عليكم تكسرون خاطر البنت اكيد هيا مو متعمدة تسوي طبخ مو حلو بعدين الناس تختلف في حريم مايفلحون الا في الطبخ وفي بعضهم بالتنظيف وبعضهم بالخياطة وهكذا لكن في بعض حريم ماشاء الله عليهم كل شئ يعرفونه بس اكيد مع الخبرة يمكن زوجتك صغيرة ومامداها تتعلم في بيت اهلها |
وعليكم السلام اخوي الكريـم 8 أشهر طويلة وانت قـاعـد تشتري من المطاعم.... هـل شراءك بسبب رفضها، أو أنك ما تبغى تحرجها ؟؟، أو أنك ما تصبر على محاولاتها وتعلمها ؟؟؟ ومع ذلك من الآن شجعها واصبر عليها حتى تتقن الطبخ ... وممكن تخليها تسجل هنا وتشارك الأخوات في ركن الطبخ والنفخ...:d وفقك الله عزوبي:22: بس:d رجل:30: |
الم تكن تعلم عندما خطبتها انها لا تجيد الطبخ ؟؟ |
الطبخ جدا سهل ما يحتاج وقت كبير لتعلمه
وعليها أن تتعلم الطبخ ولا أفضل أن يتم ذلك عن طريق كتب الطبخ بل عن طريق المنتديات لأنها توضح خطوات الطبخ بالصور فتكون أسهل عليها في التطبيق أختار لها كل يوم طبخة من النت وخلها تطبق واصبر عليها مو شرط تظبط من أول مرة مرة مرتين وبيمشي الحال وفي العزايم لا تطبخ إلا الأشياء إللي أتقنتها وبتلقها تعلمت الطبخ في وقت قصير أقل من 6 أشهر |
الطبخ نفس
والا هو مو صعب الظاهر ماعندها نفس اصلا في الطبخ ...كثير يطبخون بس سبحان الله ما يتاكل عموما جب لها كتابين سهلين ... مثلا منال العالم ومريم محمد عبدالله رائعات هذول وكان الله في عونك وانت غلطان ياخي تعزم وانت عارف انها ما تعرف تطبخ ... اصبر عليها لاحق ع الرسميات رساله لكل ام ............. خافي الله وربي بنتك عدل ... لا تقولين دلوعه وبكره تتعلم.. |
اقتباس:
عندها تقريبا كل كتب الطبخ ماقصرت معها مدحتها وطولة بالي معها كثير والنت ما تعرف له |
اخي الكريم انا لم اتقن الطبخ الابعد مرور سنة او اكثر لاني كنت ادرس عندما تزوجت فلم اكن اجد وقت لتعلم الطبخ
المهم انني تعلمت عن طريق اخذ الوصفة بدقة وتطبيقها عدة مرات الى ان اتقنتها ولن اكذب واقول ان الحين طبخي خطير لكن على الاقل لما اعزم حدا بيمدح باكلي لاني وقت العزايم اعمل كل شي بالحذافير حتى لاانحرج وياما انحرجت بسبب نسيان الملح او تخبيص الرز على العموم جيب لها كتاب منال العالم انا جبته هدية لاختي الصغيره الحين ماشاء الله عليها اشطر مني بالطبخ خليها تجرب لاتحبطها امدح اكلها رح تحب تعمل ثاني اما اذا تميت تنتقد بتمل وبتكره الطبخ نصيحة لما تعزم حاليا جيب الاكل من مطعم الى ان تتعلم زوجتك الطبخ يعني مو حلوه تعزم ناس وزوجتك مابتعرف تتطبخ تحياتي |
اقتباس:
انا اشتري من برا اليوم فيه ثلاث وجبات الفطور سندوتش وخلصنا منه الغدا كبسه تسوي ولا تعرف له العشاء تسوي مثلا مكرونه وتخبصه بكذا اظطر اني اروح من حالي واشتري لي عشاء الساعه 10 الليل !! ونا والله ماقصرت معها ومتفهم ومخليه ماخذ الوقت كله ولا ماصبرت 8 شهور |
اقتباس:
ولكن بعد الزواج طلع العكس وتقولي ماتدري وش صار لها بعد الزواج ماصارت تعرف تطبخ !!!! |
خليها تتعلم الانترنت و تدخل منتديات فيها اقسام طبخ فيه شرح للأطباق خطوة بخطوة مع الصور
و في حلقات برامج الطبخ متوفرة فيديو على اليوتيوب منال العالم وغيرها بتقدر تشاهدها زوجتك و توقف المقطع كلما أرادت ذلك الأطفال بعمر الابتدائي صاروا يعرفوا يستخدموا النت ليش ما تعلمها ؟؟ و تشتري لها جهاز كومبيوتر خاص فيها و لا تعزم حدا إلا تجيب من المطعم لحتى يفرجها رب العالمين و تتعلم زوجتك انت امدح الطبق اللي بنجح معها و خليها تعيده وقت العزايم ما تقول أحرجتني كل الناس بتعذر العروس :30: |
اصبر عليها مسكينه شكلها مرتبكه ومستحيه مره
بعدين فيه تشبيه دارج بين الناس لما الحرمه اللي لها مثلا خمسين سنه تطبخ.. تجي في يوم تطبخ اكله وتزيد فيها الملح مثلا او تنقصه يقول لها زوجها .. اشفيكي رجعتي عروس مره ثانيه؟ :d او وش طبخ العروس ..:d او اليوم امكم عروس :d معناها ان الاكله فيها إن .. وملخبطه |
اقتباس:
|
أحس أنكم تحسسوني بالخطاء !
هل امي وامكم تعلموا من النت ! واريد حل عاجل مسألة أني أصبر عليها انا الحمد لله صابر عليها وفيها خير مسألة أنها تتعلم انا معطيها كافة الوقت بس 8 شهور بدون نتيجه |
وش اللي ماتعرف ماتعرف!
علمهااا يعني انتي كنت تعرف النت يوم كنت صغير؟؟لا اكيد تعلمت واحنا ماكنا نعرف وتعلمنااا!!!!!!!!! |
اقتباس:
معقوله 8 شهور ما أدخل بيتي أحد :( |
اقتباس:
وش تبي نقولك مثلا!!!! طلقهاااا؟؟؟ ولا كيف؟ 8 شهور ولا 8 سنين؟؟؟؟ |
اقتباس:
............ مسألة النت هي مالها رغبه ولا تدانيه يعني يا تتعلم من النت يا تصير طول عمرها ما تعرف تطبخ ! انا ادور الحل والنت ليس حل مناسب لها |
مو شرط تعرف تدخل النت أنت تعرف خلاص إختارلها طبخة وخلها تطبق
وإحنا قلنا النت لأنه أسهل في التعليم من كتب الطبخ لأنها مصورة بالخطوات وأنت بعد ما قصرت تقول أنك جبت لها كتب طبخ وأمي وأمك ما كانوا يعرفوا يتفننوا في الطبخ مثل بنات العصر هذا نعم أكلهم لذيذ لكن الطبخ كل ماله في تطور مستمر |
اقتباس:
|
أصبر عليها وبتصير ست بيت إن شاء الله
|
مالنا إن شاء الله إلا الصبر وانا متفائل فيها وهي فيها خير وانا أحبها
|
وديها عند اهلها شهر
واشتكى لامها وابوها وقالوهم انك مش هتاخدها من بيتهم الا بعد ما تتعلم في شهر دة الطبيخ بس ما تتعصب او تتنرفز كلمهم بهدوء وقولهم انا تعبت من اكل المطاعم وعلموا زوجتى عيشان اعرف اعيش مثل الناس :25::25: |
اقتباس:
إن شاء الله راح أخذ أجازة من العمل وأتفرغ لها الطريقه لان يبي لها وقت ادخل منتديات الطبخ واطبع لها الاكلات بالصور |
اقتباس:
بوديها زيارة فتره واخليها تتعلم من امها بدون ما احد احس |
اقتباس:
اخي ما ممكن تقارن بين أمهاتنا و بين بنات جيلنا لأنه أمهاتنا كان المطبخ والخياطة و التنظيف هي شغلهم الشاغل أما جيلنا اختلف صارت البنت تقضي عمرها بالدراسة و أمها ما بتسمحلها تدخل المطبخ طالما عندها دراسة و امتحانات !! و كل الأخوات نصحوك بالانترنت لأننا كلنا استفدنا من الانترنت طبعا أمهاتنا لهم دور عظيم بتعليمنا لكن تعلمنا منهم أطباق محلية و بالنت تعملنا أطباق عالمية و متنوعة جداً و فائدة النت شرح الخطوات بالصور اوالفيديو ممكن تستفيد و تنفذ الخطوات بشكل حرفي تفضل هالرابط http://www.66n.com/forums/forumdisplay.php?f=80 |
اقتباس:
غلطانين نعطيك من وقتنا وآخرتها قلة إحترام وسخرية أين الحلم وأين الطيب الذي تدعيه؟؟ هذا وأنا لم أُسأ لك في ردي أرجو عدم حذف ردي وفي حال الحذف أن يتم حذف رد الأخ علي لأنه البادي والبادي أظلم |
أخت اطياف الرياض
أنا أتكلم من جدي ما أمزح لاتفهمي خطأ !! |
أجل ليش الأجازة ؟؟ ما أعتقد أن الموضوع يحتاج له إجازة إلا إذا كان على سبيل السخريه؟؟؟؟؟؟؟؟؟؟؟؟؟
|
تأكد ستجتهد وبتنور وجهك
كلنا كانت بداياتنا كذا الله يسعدكم |
اقتباس:
الاجازة لآني لااستخدم النت إلا في العمل ولا عندي نت بالبيت فيبيلي اخذ اجازة واخذ كونكت للبيت واتفرغ لهالموضوع اتمنى تتفهمي ونا موقصدي السخريه بردك لا حشاكي |
حصل خير
|
انتهت السالفه لا تكبرونه هذا نت
الله المستعان بس قول لزوجنك انك متضايق وانك تبي اكل حلو وترى الكبسه مافي اسهل منها معقوله انت ما تعرف للكبسه وترى يمكن زجتك صادقه انها كانت تعرف تطبخ انا بعد زواجي بفتره طفشت من المطبخ وصار اكلييي حلو بس مو لدرجة طبخي الاول والكل يقول صابك عين ع طبخك يمكن صابتها عين ع طبخها انا في سن زوجتك واعتقد انها ما تتدلع ولا شي لكن هذي حقيقه وواقع تعيشه |
اخى الكريم انا فى بداية زواجى كان زوجى يدخل معى المطبخ
ويشجعنى ونقرأ مع بعض كتب الطبخ ويقرأها لى والحمدلله نجحت واتقنت بعض الاكلات ممكن تساعدها فى البداية علشان تحببها فى الطبخ وان شاء الله يصير خير |
الله يوفقك ويعطيك الصبر والحلم
عموما هى مشكلة مو سهلة وان شاء الله تكون اخر مشاكلك |
اولا عليك ان لاتشتري من المطعم بتاتا ضعها تحت الامر الواقع
ثانيا اكيد أول الامر يصير الطبخ فاشل ولكن كل مرة عطها نصائحك وماذا تريد ثالثا اعرض عليها آكلات من النت واطلب منها عملها وانك تتمناها من يداها وحتى لو تساعدها اطلب منها مشاهدة والدتها في الطبخ وتطبيق ذالك اعانك الله واصبر عليها وسوف تكون من اطهى الطهاين |
انت عليك المباااادره بلاؤل
شجعها قؤل لها حددي طبخه اليؤم وانا اجيب طلبتها وادخل معها المطبخ خلك علئ هلحاااااال 3 ايااااااام بعدين قؤل لها بيكون هذا تحدي لك ابذؤق طبخه حلؤه اما عن الكبسه فسهله قؤل لها اذا حطيتي ملح لاتكثري بلبدااااايه خفي يدك بعدين ذؤؤؤؤقي الملح قليل فزييدي وكذا البهارات علئ ملعقه تدري ليش زوجتك ماتعرف تطبخ مثل اؤل !!!! السبب وهو ان مثلا عدد الاشخااااااااص عند اهلها كثييييييييييييررررررررررر 8 اشخاص مثلا وراااحت معك فما عرفت تحكم الغداء ل2شخصييييييييييييييييين فتلقئ الرز كثيره مويته ملحه كثير اؤ قليل عليك بس بعض التوصيات تجيب لها الطلبات واطلب منها تسؤي لك كبسه حلوه وانت سااااعدها لاتكثر ملح تقلل بلبدايه او تحط مقدار معقؤؤؤؤؤؤؤؤل وكل شؤي خلها تذؤؤؤؤؤؤق جيب طلبات حلئ وخلها تسؤي مثله بلضبط اوصيك بكتاب اطباق النخبه هالكتاب فيه كل انواع الاكل من كبساااااااااات وانواع الحلئ للقهوه والسفره وانواع الكيك وانواع العصييييييييييير وانواع السلطات والمقبلات ....... هالكتاب بيخليها طبااااااااااااااااااااااااخه والله ماتندم اذا اخذته .... هي بس يبغلها احد يشجعها علئ الطبخ وبس ..... والله يعينك علئ الميزانيه لكن انت جيب الطلبات ومع هالكتاب راح تدعي لي بأذن الله لان حتئ المقدار حاطينه. |
احس بالك مو طويل
كل شي بالدنيا يحتاج وقت والا كان طلعنا من بطون امهاتنا خلال اسبوع بس الله يسهل لك |
هذي مافيها طب اللي
الكبسة ماتعرف تسويها اجل وش تعرف تسوي ,,,لاتسكت لها اتصل على امها وقلها بجيب لك بنتك وابيك تعلمينهاالطبخ ومن هالكلام كان الله في عونك ,, |
خليها توقف مع الوالدة كل يوم وتتعلم
وبتتعلم ان شاءالله وفي بنات سبحان الله بعرفو يطبخو لكن زي مقالت الاخت ماعندهم نفس وماتعرف ليش اكلهم مو زاكي خليها تتعلم من امك اكيد بتساعدها |
| الساعة الآن 12:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©