|
زوجي خانني و يشرب خمر وعيوبه كثيره ساعدوني؟
--------------------------------------------------------------------------------
السلام عليكم ورحمة الله وبركاته اول شي انا عمري 19 سنه وزوجي عمره 38 لم يسبق له الزواج متزوجه من سنه ونصف احب زوجي جدااااااا وهذي سبب مشاكلي الي ما تنحل في بداية زواجي لقيت عند زوجي رسايل في جواله صباح الخير ياعريس ومن هالحكي كثير رسايل وعرفت انها بنت رحت لاهلي صارخت بكيت وكنت حامل وتنومت بالمستشفى 5 ايام وكله من التعب النفسي والصدمه الي جاتني حاول يراضيني كثير وانا تجاوبت معه لانو قلت يمكن انها من الماضي وبيتركها كانوا بيجون هو واهله بالليل ويكلمون ابوي وكلمني الصباح وضحك علي بكم كلمه ورحت معه البيت واهلي ماهم دارين صحيوا صارخوا عصبو زعلو مني يعني ما قدرت استنى لليل ندمت بس حبه غطى عيوني مرت الايام وكنت شاكه فيه بشكل فظيع لكن هو يصارخ ويزعل اذا اتهمته بهالشي وكلت امري لله وطنشت وكل ليله اتحلم انو الاقي جوال معه قدر الله واجهضت حملي وكانت حالتي النفسيه سييييئه جدا رجعت عنده البيت وبكى وصراخ وحاله ع فقد طفلي يعد كم يوم رحت لاهلي ع اساس انام عندهم دقيت عليه بالليل قلت له تعال خذني قال لي ما يمديني برد وانا توني متحمم ومدري وش تخاصمت معاه انو ليه وكلام عتاب بس وقفل التلفون وقال ابي انام ادق عليه قفل جواله ما ارتحت قلبي يعورني وحاسه انو مخبي شي لبست وكشخت وسويت شعري الساعه 3 بالليل وصحيت اخوي ووداني بيتي دخلت البيت لقيته نايم وبجانيه جوال ثاااني اخذته وطلعت ورحت المجلس قريت الرسايل وكانت الصدمه يترجاها ترد عليه يقول لها ليه تعلقيني فيك وتتركيني كلام يذبح والله ما قدرت انساه ويبين انه يعشقهااااااااااااا خلصت الجوال كله ونقلت الرقم ودخلت عليه هالمره صحي <<سبحانك ياربي<< وع طول قام يدور بجنبه يبي يخبيه اقول له تبي هذا قام يصارخ علي من وين جبتيه ومدري وش انا انهبلت قمت انفخ عليه باعلى صوتي وعطيته كف على صوته علي وقلت له انو ليه بدل ما تراسل زوجتك التعبانه تراسل هذي الصايعه المهم طلعت من عنده ورحت غرفه ثانيه وبكيت بكيت بكيت لييييييين وربي حسيت روحي بتطلع وجلست افكر ورحت له الغرفه وكان كل شوي طالع داخل يدخن ويرجع جدا متوتر دخلت عليه لقيته منسدح بالبطانيه لا شعوريا ضمييييييييته وبكيت بكيت قام هو عاد وظمني وانا اسف ومدري وش وحب رجولي ويديني وقال والله ما اعيدها واخذ الجوال وارسل لها انتي وحده حقيره وتافهه وانا ابي اعيش حياتي مع زوجتي حلي عني وقام يراضيني وانا اشاهق من البكا وقام حلف عالمصحف وقال يارب يصير لي حاددث سياره اذا كلمت مره ثانيه وكسر الجوال وسكت عالموضوع ما تكلمت لاحد عنه بس نفسيتي اندمرت من ذاك اليوم الا هاليوم لي اكثر من سنه وانا اصحى من النوم ابكي وكل ما يوصلني احد اخواني بيتي احس اني بلاقي مصيبه قبل فتره تخاصمت معاه وقررنا طلاق و بعد يومين طلعت معه السياره ولقيت شريحه اقول له وش ذي ويحلف ايمان انه لاقيها بالارض تخيلو لافها بفاين ويقول لقاها بالارض وبعدها لقيت شريحه بجيب ثوبه وراح يحلف انها لزميله وقلت له اتصل ع زميلك واساله قدامي قال لا ومدري وش ونفخ علي وطلع وطنشني ورجع الليل واتصل ع صديقه وقال له اسمع ترى شريحتك عطيتها فلان قال له ياكلب ليش تاخذها اصلا وباين المكالمه كذب في كذب وبعد فتره اكتشفت انو الي كلمه زميله الروح بالروح وكان يبي يغطي السالفه علي ياعالم انا عايشه بحاله نفسيه زي الزفت لاني عرفت من هذي الي يكلمها من اخته الكبيره طلعت وحده اجنبيه عندها اربع عيال مقيمه بالسعوديه وانه كان يموت عليها وكشفتهم الهيئه اكثر من مره طالعين يتمشون ومره جابها البيت والبنت شكلها ساحرته (رحت عند شيخ اتعالج من العين 3 مرات وقرا علينا انا تأثرت وهو لا)) الله لا يوفقها مشكلتي الان اني فاااااقده الثقه بنفسي زوجي يحبني ويموت فيني وصار ما يطلع من البيت الا نادرا ويجيب لي هدايا ويهتم فيني وبالجنس اكثر من مره يطلب <<وهذا من بداية الزواج << وكريم علي وحنون وطيب جدا ومع ذلك شااااكه فيه انو كيف بهالسهوله يتركها ياناس رسايله لها رسايل انسان عاااااااااااااشق ومتيم كمان وحكي اهله عنها وسرحانه معي بالبيت مره في حملي الاول قال باسمي بنتي ....... قلت لا مو حلو وقديم وانت تبي تسمي بامك صح قال لا مو شرط بامي هذا الاسم رفضت وللاسف طلع اسمها ياناس هو جدا متعلق بامه وانا الان حامل وباسمي باسم امه غصب عني لانو حالف على هالشي وكيف في لحظه قرر يغير عشانها والله مالي شهر مسكته وحلفته ع المصحف قلت له يافلان والي ياخذ عمرك ولا يهنيك بشبابك اذا انت تكلم او تغازل انك تطلقني وتريحني لا تضحك علي اخذ المصحف وقال والله انو اخر مره كلمت لما كشفتي الجوال عندي وبامكاني اكلمها من تلفون الدوام لو ابي لكن والله ما عاد كلمتها وانا ما اصدقه مره لانو الحلف ببلاش عنده + انو احس انه ما يحبني ولا يموت علي بس يرحمني لاني متعلقه فيه بشكل فظيع ولانو اهله يحبوني وامه تحبني وكمان لانه خايف من اهله انه يطلقني لان اهله ما بغو يزوجونه بس دايم اقول له يرحم ابووووك اذا ما تحبني لا تتركني ع ذمتك ومع ذلك يحلف انو يحبني تعبت يا عالم تعبت احس اني زدت ميه سنه من الهم الي انا فيه وبرضوا عنده مشاكل ثانيه زي اني كشفته كم مره يشرب خمر وهالسالفه بدت من بعد ما ترك المكالمات بناء على الي اشوفه بس طبعا كان يشرب قبل الزواج وانا ما ادري كشفته تقريبا 7 مرات يشرب واول مره شرب شرب فظيع وقام يتكلم عن هاذيك انو يحبها ويموت فيها وانه سوا معاها كل شي وانه تبع بنات وانه ما يحبني وكلام كثير وطاح واغمى عليه من زود الشرب وتركته لين صحي باليوم الثاني واجهته بكلامه طبعا نااااسي كل شي قاله واخذ المصحف وحلف انه ما سوا شي معاها وانه توووووبه ما عاد يشرب وظل طول الليل يبوس ايديني ورجولي ويقول اسف اسف والله اني حقيييييير ادخل عليك سكران وكلام كثييييير حسيته استحقر نفسه مررره ورحمني كمان وبعدين صار يشرب ويجي عندي يبكي زي الاطفال ويقول سامحيني انا خربت لك حياتك انا ما استاهلك ويبكي ويقول احبك ويصاااااااااارخ في البيت احبك وانا ابكي ع شكله لانه يكون جدا مقزز وهالسالفه ما علمت فيها احد حتى اهلي ياناس تعبت منه مدري يحبني ولا شلون كل ليله احلم في يخون بس صرت ما افتش وراه ما ابي اصدم نفسي شلون اخليه بترك الخمر زوجي فيه الخير الكثير يصلي ومستقطع صدقات من راتبه شهريه بس مدري وش الله بلاه بهالشغله احس زوجي مشكلته نفسيه صح ؟؟ انا والله تفكيري انه من كثر ما يحب هذيك ومفارق لها يشرب صح ولا لا؟؟ وفي شي حابه اقوله ((قبل اسبوع كلمني حسيته شارب حلفته حلف انو مو شارب )) وقال لي انو شلون اقول له شارب وهو بطله وتاب عنه وكلام كثيييير بس صوته شااااااارب انا الحين ابي موقف صااااارم اذا كشفته مره ثانيه يشرب المكالمات ما اعتقد يعيدها لكن ان عادها رح يكون فراق للاسف اانا الان عند اهلي بسبب ضروف حملي من اسبوعين تقريبا وهو كل يوم يجيني بيت اهلي شلون اخليه يترك الخمر ومستحيل اخبر احد بس كيف اقنعه تكفون ساعدوني الله يساعدكم ويرزقكم الف شكر |
والله مشاكل
ياما عالم تشرب وتطلع مع بنات والله ساتر عليها، فممكن تطلقين وتطيحين في واحد منهم لكن رأيي المتواضع مع أني منيب خبير اجتماعي انه اذا يحترمك وتحبينه اجلسي معه مهما صار |
اخوي
كلامك صح وهو ترك المعاكسات لكن انا اخاف من اثم الخمر علينا و ع حياتنا اتمنى يتوب منه بس شلون |
فديت قلبك ..
والله اني شايلة همك وانتي حامل اسأل الله العلي العظيم أن يزيل همك ويفرج كربتك ويهدي زوجك ويتمم حملك بالسلامة غاليتي ( إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ ) فديتك .. زوجك عاش حياته بالطول والعرض قبلك .. شرب وعرف بنات وطلع وسوا وصدقيني يحتاج شوية وقت علشان يصير لك مثل ما تبي لكن ابغاك تسوين كم شغلة ولا تنقطعين عنهم. 1- الصلاة الصلاة الصلاة الصلاة ... لا تقصري فيها .. لا تؤجلي وقتها .. وتقربي من ربك بالنوافل 2- الدعاء في جوف الليل وتحري اوقات الاستجابة .. وادعي له بالهداية والصلاح وكرري (اللهم اني استودعك قلبه وفرجه) 3- لا تفتشي من وراءه .. ولا تسأليه تشرب او لا تشرب .. واعطيه الثقة لعل احساسه بالمسؤولية يشعره بالذنب ويردعه عن افعاله 4- كوني له "الملجأ".. كوني له العون والاخت والحبيبة والواحه التي ينشدها (اذا كررتي الصياح والبكي والنواح والشك) رح يهرب منك ورح تقدميه على طبق من فضة لغيرك .. صدقيني بيرجع لك ولبيته وبيصحى باذن الله من اللي هو فيه. غاليتي.. اعلم كم هو صعب ان تعيشي بهذا الوضع ولكن يا حبيبتي زوجك فيه بذرة الخير.. وباذن الله ربي يهديه كوني مؤمنه بهالشيء والله عورني قلبي عليك وما قدرت إلا على هالنصائح.. اذا في حد ثاني عنده حلول اكثر فعالية اتمنى يسديها لك كان الله بعونك.. |
اقتباس:
قسم بالله بكيت من ردك الله يخليك ويحفظك يارب ياقلبي انا الحمد لله محافظه عالصلاه و كل ليله بالقيام ابكي و ادعي انو ربي يهديه ويصلحه وينسيني همي ياااارب وانا ترى جداا قريبه منه حتى لو ما طلبني يلاقيني قباله دايم يقول احس اني ظالمك معي دايم يقول وين الاقي زيك وزي طيبة قلبك وحنانك علي ومن الحين يقول لي اذا جا النونو بتنسيني انا مدلعته ومحتويته بشكل مبالغ فيه اداريه مثل الطفل والله اني الاعبه ونلعب زي الاطفال ويستاااانس مره معي والحمد لله الغالب على حياتنا ضحك ووناسه بس هو فيه مشكله من جواته انا ما ادري عنها شلون احلها شلون اقدر اعدي الفتره هذي شلون ارتااح والله الهم ذبحني اتمنى اكون لا مباليه يمكن شوي ارتاح الله يفرج الهم شاكره لك ومقدره |
اقتباس:
اللي جواه يا غاليه الزمن كفيل باخراجه (ماهو بالضرورة يكون سحر ابدا.. يمكن عقدة نفسية تكونت فيه بسبب واحدة خانته أو صدمة عاطفية قوية ) شكله زوجك حساس مره والتفاصيل الصغيرة يتذكرها وتأثر فيه فكري شوي ليش طول على ما تزوج !؟ ليش اختارك وما تزوج واحدة عاشقها ؟ يا حبيبة قلبي.. صدقيني زوجك يحبك ويحس بالذنب انه يظلمك .. ويحب يتدلع اتمنى تظلي على عهده بك بعد الطفل باذن الله لانه رح يحس بالوحدة اذا تركتيه لكن يا قلبي ابغاك تتوقفي عن التفتيش وراه مو عدم مبالاة منك .. لكن كبري عقلك شوي وخلك فوق هذه الحركات باذن الله ربك قادر على هدايته.. استمري بالدعاء |
اقتباس:
طيب مو قهرررررر يختي انا بانهبل بانجن كيف كان يحب وحده قبلي انا عندي قاعده ببالي ومقتنعه فيها ((ما الحب الا للحبيب الاول)) ما ابي يكون بقلبه احد وش ذنبي اتزوج واحد عقله مو معي وش ذنبي اتزوج واحد جرب الحب قبلي اش معنى انا فتحت عيوني بالدنيا عليه ليش ماهو مثلي ؟؟ وليش اختارني انا وما تزوجها لانها متزووووووووووجه ياقلبي هذا الي اعرفه غير كذا او انه يحب وحده ثانيه غيرها مدري عن هالحكي ابببببببد الي اعرفه انه تعرف ع متزوجه مقيمه وحبها وانسجن كم مره عشانها الله المستعان وفعلا احيانا يقول ليتني ما تزوجتك عشانك مو عشاني يقول احيانا ابي اهج من الدنيا اقول له وانا يسكت ويقول انا خربت حياتك وش اسوي فيه هالانسان يحبني ويموت فيني ع تصرفاته وكلامه بس عقله مشغووووول شلون تجي وعن التفتيش خلاص انا بأبطل تفتيش ان شاء الله وباتركها على الله دعوااااااااااااااتك |
ياعمري والله اني اكثر وحده حاسه فيك بس انتي صغيرة على هالبلاوي لكن الحياة مدرسة فيها امتحانات من الله يختبر صبرك وانتي ضروري تكوني قدها عشان تنجحي وتعيشي بسلام
من كلامك يالغالية انه يحبك واكيد مو قاصد يأذيك ولكن نزواته معاندته والله ان أغلب الرجال اللي يسوون كذا يكونوا في صراع مع اهوائهم وشيطانهم قوي لكن الصبرالصبروالله آخره الفرج ولعل الطفل اللي بيجي بيشغله عن البلاوي مع انه لازم تكون عنده عزيمه وارادة يس ادعي له كثييييير وانا ودي اتعرف عليك اذا ممكن اعطيك الإيميل ونتواصل واذا موافقة ردي لي والله اني حسيتك قريبة للقلب وانا محتاجة كذا الله يفرج كربتنا ويخارجك بالسلامة |
اقتباس:
سؤال محيرني .. كيف وافقتي على رجل بضعف عمرك ؟؟الفارق بينكم كبير جدا .. السؤال الاخر .. لماذا زوجك ظل الي ان وصل الي عمر 38 و لم يتزوج ؟؟ الم تسألوه هذا السؤال؟؟ الم تسألوا عنه جيدا عندما خطبك ؟؟ |
عزيزتي والله اني بكيت على حالك لاني عايشه تقريبا نفس الوضع
انا زوجي الي يشوفه يقول هذا يعشق تراب الي تمشي عليه زوجته ما يقصر عني بشي ومدللني لكن من فتره الخطوبه اكتشفت انه يكلم بنات وعلاقات بس في حدود النت والتلفون بكيت وتألمت وسكت وظليت ساكته الى في يوم كلمته ووصارحته وحلف وبكى قدامي لكنه ما تاب ول ترك الا فيه تزوجنا وقلت بكره يتغير واكتشفته وصارحته ونفس القصه ورجعت اكتشفته وسكت ورجعت صارحته الى اخر مره اكتشفته وكلمته وقررت بعدين اني ماادور وراه ول شي واذا شفت شي عليه اسوي نفسي ماادري صح تعب نفسي لكن اريح صدقيني هو بدا يتغير انا تعبت من مهمه المحقق والمفتش واذا اكتشفت شي بصدفه انصدم لكني الحين اقول ذنبه على جنبه اهم شي اني مو مقصره عليه في شي وعاطته كل حقوقه واكثر زوجي من الناحيه الدينيه ملتزم جدا مستحيل يطوف وقت الصلاه ول تتطوفه صدقه ول علم خيري ول له سمعه سيئه بين الناس لكن مادري احسه شغله نفسيه لما تركت التفتيش والبكاء والحاله النفسيه السيئه هو بنفسه تغير وصار افضل من قبل صرت المراه الوحيده نصيحتي خليه بيوم بحس بذنبه وغلطه بشوف انج مو مقصره عليه في شي وانك مراه كامله وزوجه محبه بيستحي بس يبي لها صبر عشان انك تحبينه وعشان الطفل الي جاي قرري اهتمي بحياتك لا تحسسينه انه محور حياتك لا اهتمي بنفسك عشانك مو عشانه وببيتك مو عشانه عشانك خلك مبتسمه ومتفائله كوني على ثقه ان ما يروح لها عشان يحبها لا بس تعود على وجودها من داخله عنده عقد ذنب وتأنيب ضمير ليش يسوي جذي والدليل بكائه واسفه انتي كوني مثل الفراشه تملي حياتك فرح وسعاده تناسي انه خانك وعيشي على انه الرجل الوفي وكرري على مسامعه وقولي له احب فيك وفائك لي لاتحسسينه انك للحين تشكين حسسيه بالثقه وان شاءالله يتغير وبالنسبه الى الخمر ربي يهديه مااقدر افيدج في هذي الناحيه |
لاحول ولاقوةالابالله ..
أختنا الكريمة ,, قدر الله وماشاء فعل .. أتفق مع أميرات .. فارق السن كبير بينكما .. لايهم الآن .. وقد تزوجتما .. أختي الكريمة ,, قوي الوازع الديني عند زوجك .. حثيه وعاونيه وشاركيه الطاعــــات .. أجعليه يحافظ على الصلاة .. أن شاء الله أنك قادره على تغيره .. رغم صغر سنك الذي ينقصه بأعوام .. ولكن الصبر .. زوجك يحبك ,, ولكن الشيطان متمكن منه .. أتعبي معه قليلاً ,, وتري النتائج بأذن الله .. دعيه فترة من الزمن .. وراقبي الوضع .. لعله يتحسن .. أختنا الكريمة .. أصدقاء السوء لزوجك .. هم أعوانه .. فحاولي معه ان يتركهم .. وأخيراً .. الدعـــــــــــاء .. الدعــــــــــــاء .. فله تأثير باذن الله .. |
الله يفرج همك
الله يفرج همك الله يفرج همك عاااااااااااااجلا غير آآآآآآآآآآآآآآآآآآآآآآآآآآآآآآآآآآآآآآآآآآآآجل الاهم حبيبتي الان زوجك بأأمس الحااااااااجه لك !!!!!ليش انتي عند اهلك حاؤلي حبيتي مهما كان ظروفك انك ترجعي مع زوجك هو بأأمس الحااااااااجه لك !!!! اخاف من وقت الفراااااااااااغ ببيته يرجع للعادات السيئه وانتي بتكوني ببيت اهلك تعبانه نفسيا !!!!/ن كثر التفكيييييييييييييييير حبيبتي نصيحه ارجعي مع زوجك واهتمي فيه وقوميه للصلؤات علئ وقتها ولازمي عليه ان كلها بلمسجد اكثري الاستغفار كلميه الان وهو بعيد عنك سمعيه كلام الحب والشؤؤؤؤؤؤؤؤؤؤق دقي عليه فجاءه وقؤلي اشتقت لك ودي اسؤلف معك اشتقت للبيت ووو.......وخليه يجيء ياااخذك والله حرام تتركينه وهو بأأزمه نفسيه عاونيه علئ ترك المنكراااااااااات قؤلي له غير زملالالائك واذا حتم الامر علئ انك ماتتركهم فلا تسهر معهم تعال معي واسهرك ليله مجنونه !!!!!!!!دلعيه فااجئيه الاهم قؤلي حسن من وضعك اترك الشرب وخلنا نعيش مع بعض ابيك لي ونعم الزوج واسمعيه هلكلام انا افتخر فيك لأنك تركت المنكراااااااات احبك وضميه !!!!! وهذا كافي باأنه يعتز بنفسه امامك وابتعدي عن انك تحلفينه كل شؤي !!!!!!!وانا ماالومك من العذاب الي شفتيه لكن هالشيء يحسس زوجك بأنك مو مصدقته وبيحس ان شخصيته مهزوزه وانك زوجه تحب ان تكون كلمتها مسموعه وبيبدء يبتعد عن عاطفيا وشخصيا !!!!!!!!وتنصدمين ليش ابتعد !!!! الاهم ارجعي له وعاااااااونيه علئ الصلالالالالالاه حتئ لؤ محافظ لكن قؤمي يؤتر اذا صار بكره الراتب قؤلي ابي منك تتصدق بمية ريال لاجل الله يبارك بلرزق خلنا نطلع مكان نتمشئ فيه ارسلي له بدوااااامه فقدك حبيبي ! ارسلي له وهو عند زملالالالائه اشتقت لحضنك وكلالالامك حبي !!!!وراح تعجبه هلاشياء !!!! خصصي له يؤ بلاسبؤع اؤ الشهر تفاجئينه بليله رومانسيه ولبس حلو تغزلي فيه مثلا اذا تكشخ !!!!! يعني حببيه فيك اكثر اشغليه عن التفكير بلماضي والندم عليه مثلا اذا قالك انا ظلمتك معي !!!سكتيه قؤلي الماضي مات وحنا اولاد اليؤم خلاص انا ناسيه ماضيك ابيك الان تكون حبي الاؤل والاخير لكن سؤال انا الان وش بلنسبه لك!!!!وهلاسلؤب يخليه يرتاح لانه يحسسه انك مرتاحه معه !!! الاهم انتي ابتعدي عن تحليفه كل شؤي ....... اذا سئلتيه وش في صؤتك متغير وانتي شاكه انه شارب !!!!قؤلي صؤتك مايطمني !!!!بدل ماتقؤلين احلف انك مو شارب وووو..... اذا اجاب لا قؤلي صدق بيقؤل لا قؤلي مصدقتك لكن ارجع عندي اشتقت لك ......ؤانتي بترتاحين ..... لاتفتشين وراااااااااااااااه بتتعبين كذا ....... عززي ثقته بنفسه عيشؤا عرساااان من اؤل وجديد مجرد تحليفك له انت شارب اؤ لا انت تعاكس من ورااااي انت وانت ؟؟؟؟؟؟ هاذي ترجع له افعاله بلمااااااضي وتهز شخصيته من ناحيتك انك ماتصدقينه وانه شخص بلنسبه لك شخص كاااااااااذب ... اذا حلف لك انه مافعل او يبي يحسسك انه ظلمك قؤلي انسئ الماضي وخلنا نعيش لليؤم انت وعدتني ماترجع لهلشي ء وخلاص ان شاء تمشي علهلوعد وماترجع ابد. |
اقتباس:
هلا يالغاليه طيب شلون ابعده عن نزواته هذي شلون يتركها عشاني ووالله اني دايم ادعي له انو ربي يهديه ويعصم قلبه عن هالخمر وثقتي بالله كبيره انه رح يتغير وياليت ياقلبي نتواصل بالايميل ما عندي مشكلله الف شكر لك اقتباس:
هلا ياقلبي انتي ما شفتي زوجي شكله يديه 22 سنه لا اكثر .. انا نفسي انصدمت من عمره حتى شنبه خفيييييف واول ما جو يخطبون قالو عمره 29 وقال لي اخوي عمره 29 بس شكله اصغر من كذا فعشان كذا مرررررررررررره ما اهتميت بالعمر توقعته صدق عمر ما احد كذب بالعمر ولما اكتشفت بعد الزواج من بطاقته ولا هو ما جاب لي سيره وانا ماسالته سألته قال لي تو اخوي الي اكبر مني متزوج من 4 سنين وم بعدها وزوجي يخطب ودايم ما يصير نصيب لان زوجي الله يهديه يتشرط بالشكل كثير يعني يدخل يشوف يرفض مره وحده متينه ومره نحيفه ومره سمرا ومره ما عجبته يعني مررررررره متطلب بالشكل فعشان كذا لو احسب له اكثر من 20 عايله دخل عليها حتى جماعته كل البنات يعرفوهم من كثر ما خطب وشاف منهم الف شكر اقتباس:
ياقلبي مصيره يتغير بس متى انا حامل الان يعني بأذن الله بعد اربع شهور يكون اب شلون يربي وهو يشرب الله المستعان وعن المكالمات عندي احساس انه تركها بس احساس مو اكيد لانه لما كان يكلم كان ما يعطيني وجه وبس يسوي مشاكل الحييييييين بالعكس تماااااااما الحمد لله وعن انو امرأه كامله ما اخليه يروح لغيري ياقلبي في اشياء كثيره دايم ينبهني عليها وانه يبيني اغيرها بس هذي اشياء بشخصيتي مثل القلق البكاء الكثير الحساسيه والزعل ع طول بس مو قادره اغير هالاشياء الله المستعان الف شكر لك والله يفرج همك اقتباس:
شلون يترك اصدقــاء السوء ياربي ما عنده الا هم وما يحب جلس الا معهم منحطيييييييييييييييييييييييين الله يهديهم حتى رسايل الايميل منهم منحطططططططه وكلهم اباء عيال وفي الاربعين مراهقه متأخره في منهم ملتزمين بس القريبين الثلاثه منحطين للاسف وعن تقريبه للطاعات ان شاء الله بأذن الله هذا مشروعي القادم مع زوجي ان شاء الله الف شكر اقتباس:
اااااااااااامين ياحي ياقيوم وانا ما اقدر ارجع البيت ياقلبي انا رابطه عنق الرحم وتوني رحت لاهلي من فتره قريبه لان الدكتوره منعت علي الحركه لان لي سوابق بالجهاض وترى لعلمك زوجي هو الي ترجاني عشان اروح لاهلي ولا كنت ابي اجيب شغاله واظل ببيتتي هو جداااا خايف عالطفل يقول تكفييييييين ابي ولد لي عجزت وانا ما عندي عيال وش اقول له اول ما ربطت رحت لاهلي اسبوع ورجعت له مع انو ممنوع وجلست عنده شهرين والحين رجعت بامر من الدكتوره انا لو علي ما اخليه ولا دقيقه بس وش نسوي مجبورييييييييييين عشان البيبي الله يتمم ع خير ونشوفه وبأذن الله يغير لنا حياتنا كلها يارب انا متفائله كثير لانو زوجي يعشق الصغار واتوقع يبي يككون بصوره حلوه قدام عياله وينسونه كل شي يارب //////// ولما اقول له الماضي مات خلاص يقول لا تضحكين ع نفسك مات عندي بس بقلبك ما مات دايم يقول اتمنى اني مت ولا كشفتي علي مكالمات دايم يقول ذليتيني اني كلمت انا رجال وكل الرجال كلمو قبل زواجهم وانا ناويه بأذن الله اتغير من ناحية الاسئله والتحليف بس سبحان الله اسلوبه يخليك تحلفينه وعن الرسايل كل ازملائه يتريقون عليه يقوولون خبرنا بالرسايل ايام الملكه وانت 24 ساعه رسايل مع زوجتك حنا ع طول نتراسل ما نقطع بعض نهائي يارب يصبرني وبسسسس |
اقتباس:
يا جماعه كيف يجي الخاطب و يقول لكم عمره من دون من تتأكدون من هويته ؟؟؟؟ من خلال كلامك عن زوجك و خلال خطباااته الكثيره شكله زوجك يحب البناااااااات .. الله يعينك .. زوجك على مشارف الاربعين و المفروض انه يكون اعقل من كذا .. ادخلى على زوجك من مدخل الدين و ربي يهديه .. |
اقتباس:
ياقلبي وربي حناااااااا مساكين وع نيااااااتنا عيلتهم معروفه ونعرفهم وبعدين ابوه صديق ابوي من زماااااان بس ما يقابلو امي وامه بس ابوي وابوه فهمتي شلون يعني صدييييييق ابوي مره وابدا في حياتنا ما احد كذب بالعمر نهااااااااااااااائي وفعلا للاسف زوجي يحب البنات مرررررره حتى يقولها يقول نفسي عندي اخوات ويحب يمشي بنات اخوانه ويطلعهم مدري ايش فيه يموت بجلسات البنات يقهرررررررررررر وان شاء الله ربي يقدرني يارب |
لا حول ولا قوة الا بالله
الله يستر اخاف اتعقد من الزواج بسبة هالقصص انا مع رأي اختي بكر الشايب وازيد اقولك لحالك ممكن ماتقدرين تغيرينه وخصوصا مشكلة الادمان لابد تروحين معه طيبب نفسي لانه يحتاج علاج وعلى فكرة فيه مراكز اسرية تهتم بعلاج حالات مثل حالتك الجيء لهم بعد الله لديهم علم ودراية بهالامور |
انتظار الفرج
لا ياقلبي لا تعقدين الرجال موب زي بعض بالتووفيق |
صدقيني ياقلبي بيتغير اذا جبتي نونو
وعن تجربه اتكلم ........ انتي اصبري وحببيه في النونو المنتظر ودائما تكلمي عن الحاضر والمستقبل والماااضي خلاااص انتهى بحلوه وبمررره كل انسان له ماااضي وحاولي ماتفتحين اوراقه القديمه حتى مع اهله ولاتسمحين لهم يتكلمون عن حبيبته الاوله اذا جابوا سيرتها قولي الله يستر علينا وعليها كانت صفحه في حياته وانتهت ولاتحسسينه ابدا انك تشكين فيه وفيه مثل شعبي قوليه له ااذا شكيتي في شي اللي هو (من طق باب الناااس طق بابه ) الله يفرج كربك ويوسع عليك وطنشي حبيبتي ترا كله من صحتك |
الله المستعان وضعك صعب جدا و انا حزينة اشد الحزن على حالك و الاحظ الاغلبية يصبروك على وضعك مع انه يفوق الوصف مو جاية ازيد النار حطب بس بسأل كل وحده قالت لك اصبري هل ترضى تكون في مكانك ؟؟ الصبر عبادة واجبة بلا شك بس شرب الخمر و الخاينة و عدم المسؤولية و الله لا تتحملها امرأة في سن الخمسين فكيف بشابة في سن المراهقة لم تبلغ العشرين من عمرها !! كان الله في عونك و انار دربك و انهى همومك على خير الله يعينك على بلواك ممكن الوحده تصبر على تدخين , عصبية , و اشياء من هذي بس خمر و خيانة و الله كبيرة الله يعينك |
حبيبتي صراحة ما عندي شي اقوله بس والله تاثرت جدا من قصتك
والله يفرج همك ويهدي زوجك ويطهر قلبة من المعاصي و الله يجعلك اجمل النساء في عينه واحبهم لقلبه آآآآآآآآآآآآآآآآآآآآآآمين |
| الساعة الآن 07:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©