|
من جرب عصير التوت البري لتطهير المسالك البوليه ؟
السلام عليكم ورحمة الله وبركاته
سمعت انه غصير التوت البري (الكرنبيري) يعمل كمطهر للمسالك البوليه ويساعد في التقليل من الاصابه بالتهابات المثانه والكلى.. ياليت احد يفيدني من الاخوات والاخوان اللي كان لهم تجربه معاه وهل اشتريه جاهز من السوبرماركت؟ او لازم اجيبه طازج واعصره في البيت؟ وماهو المقدار الموصى به يوميا؟ |
انا يا غالية جربته
التهاب المجاري البولية عندي مزمن من مراهقتي وجربت الكرانبيري الجاهز من السوبرماركت .. في يجي منه مخلوط بالتفاح وفي منه مخلوط بعنب وكله لذيذ .. من ماركة oceanspray كل يوم اشربي حوالي كوب واحد واذا في حرقان .. اشتري من الصيدلية فوار اسمه ural بطعم الليمون .. ممكن تاخذي مقدار نصف كباية ثلاث مرات باليوم وتحسي بالراحة على طول طبعا الكرانبيري ما ينقطع عندي من البيت .. واعتبره ايضا وقاية فآخذه على طول رحت مرة طبيبة نسائية تحب التعامل بالطب البديل وصفت لي حبوب فيتامين اسمها Acidophilus Plus هذه تاخذي كبسوله واحدة يوميا بالفم .. وكبسولتين تفتحيهم وتاخذي البودرة منهم وتستعمليهم كمرهم خارجي ويسويلك وقاية فظيعة ضد التهاب المجاري البولية والفطريات ايضا. انا فادت معي كل هالطرق .. وتظل احسن من المضاد الحيوي اللي ذبحني :) |
ياااه بكوره
انا وانتي بنفس المركب متسلط عليا التهاب البول مؤخرا تقولي مافي غيري بكوكب اللارض .. الحمدلله طيب يعني قصدك اقدر القاه في علب مثلا بكارفور زي عصير التفاح او العنب ؟؟ لاني سمعت انه اللي بالعلب مافيه غير نسبه قليله من التوت البري الطازج والباقي سكر ومويه ! بالنسبه للفيتامين سجلته عندي بس متاكده انه ماله اضرار جانبيه عالمدى البعيد على الكلى والكبد؟؟ والبودره لما افكها من الحبه اخلطها بمويه ولا زي ما هي ادهن بها منطقة البول ؟<<< كل يوم اعملها؟؟ معقول يالعصير والفيتامينات تعتبر علاج لالتهاب البول ولا وقايه فقط يعني لو رجعلي الالتهاب لازم مضاد؟ انا البكتريا اللي عايشه عندي اسمها ستربتوكوكاس وانتي؟ سامحيني ازعجتك.. |
ما دورت على اسمها ولكن يعطوني اوغمانتين لها وبكميات مهوله اذا زاد الامر عن حده .. واكره المضاد واكره سيرته
الفيتامين لا تكملي عليه إلا لما ترتاحي من العوارض والماركة اللي اقولك عنها من اوشن سبراي مافيها سكر نهائي علشان كذا نصحتك فيها .. في طبعا منها سادة ولكنها مره علشان كذا قلتلك في مخلوط بعصير تفاح وهذا اللي انا افضله لانه ايضا بدون سكريات الكبسولات اي مثل ما هي بودره ادعكيها واتركيها .. واشطفيها بعد ساعتين تقريبا. الله يشافيك والله حاسة فيك .. انا هالالتهاب بالذات يسوي لي قلق .. وادري لازم اشرب مويه كثير واحاول اتجنبها علشان الحرقان وانتي بكرامه لكن رح ترتاحي على يورال .. الفوار اللي قلتلك عنه . . رهيييب بكل معنى الكلمه |
|
كريستالا .. رح أذيك
سبب استخدام الكرانبيري للعلاج هو انه يحتوي على كمية كبيرة من الاسيد اللي يقتل البكتيريا المسببة للالتهاب لكن اذا ما لقيتيه ممكن تستخدمي عصير برتقال طبيعي .. رح يفي بالغرض مع الكثير والكثير من الماااء وابعدي عن القهوة والشاي والكولا واي شي فيه كافيين لانه يزيد الالتهاب انا دخلت الآن على مقال انجليزي وقاعدة اقرا فيه ولقيت هالنقطة Take acidophilus with each meal if you are on antibiotics. It will help maintain and restore normal bacterial growth. سبحان الله نفس الحبوب اللي كتبتها لك فوق :) |
يجزااك ربي كل خير
اقولك على شي انا تجيني من دون عوارض!! تخيلي ؟؟ يعني ممكن الم بسيط باسفل البطن ونادرا.. لكن لما اعمل تحليل يطلعلي انه فيه التهاب شديد ويكتبولي اوقمنتين زيك... طيعا هذا خطير اني ما احس بعوارض لانه ممكن البكتريا تفتك بيا و ابدا ما احس بيها الا بعد ما تكون عملت العمايل.. لذلك فكرت بالعصير من بااب الوقايه .. طيب رح ادور بالسوبرماركت على نفس الصوره اللي حطيتيها وان شاء الله القاها و خليكي متابعه معايا:) |
الظاهر انه مزمن عندك مثلي ولازم كل فترة تشيكي عليه حتى لو ما حسيتي بشيء
الله يشفيك حبيبة قلبي .. وخلي الكرانبيري بثلاجتك واشربي كوب كل يوم كوقاية وعلاج :) |
ان شاء الله وربك هو الحافظ
الله يديم علينا نعمة الصحه والعافيه.. |
يمكن اكون دخلت عليكم عرض
انا ساعات يجيني حرقان في البول .. تلقيني بموت ودي اروح الحمام بس ماتنزل الا قطره وتحرررررقني واول ما اشرب الشاي .. تقولين عني صرت كذابه .. يروح كل شيء |
والله اني اعاني من المسالك البولية
متعبتني مره بس الفوارات ماأحبها بجرب العصيرات بس بسأل صحيح البرتقال يريح اولأ,, |
عصير الكرانبري...كتير ممتاز للالتهابات...وبتقدري تشتري عصير جاهز متل الصورة اللي حططتها بكر بس حاولي تنتبهي يكون طبيعي مية بالمية افضل...وبشكل عام الاكثار من شرب الماء يغسل المسالك البولية والالتهابات منها.
|
الاطباء هنا في بريطانيا اذا حللتِ و طلع معك التهاب دغري بيوصفوا لك المضاد الحيوي و شرب كوبين من العصير يومياً
انا بشتريه من السوبر ماركت حصل معي الالتهاب مرة و استخدمت العصير و الحمد لله شفيت العصير متل ما سمعتِ كريستالا له دور في الوقاية و العلاج و هو يوصف لعلاج للالتهابات البولية منذ زمن و هناك عدة دراسات حول فائدته لكن إلى الآن لم تثبت تماماً الفعالية التي يعمل بها الكرانبيري في علاج الالتهابات هذه و لكن احد الفرضيات هي احتواء التوت البري (ألكرانبري) على ما يدعى A type proanthocyanidin و الذي بدوره يمنع التصاق البكتيريا المسماة (E. coli) على النسيج المبطن لسطح المثانة البولية (الابيثيليوم Epithelium ) |
طب ما ينفع الكركديه
انا سامعه انه الكرانبري الاجانب يستعملوه مثل ما يستعمل العرب الكركديه استعملته لاني كنت باعاني من انيميا حاده و فادني كثير |
استعملت الكرانبري ما عندنا كركديه
|
شكرا خواتي على التصايح
غربه مره فعلا معلومتك صح مرت عليا وانا اعمل بحث على الكرنبيري بس ان شاء الله القاه باسواقنا.. بالنسبه للكركديه اعرف انه مهبط للضغط بس ماعرف اذا له فعاليه في تطهير المسالك البوليه ياليت احد يفيدنا. |
| الساعة الآن 08:53 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©