|
زوجي والمكياج
هلا في كل موظفه او حتي غير موظفه خلونا نتبادل الحديث شويه عن المكياج بصراحه زوجي كل مره يقول لي اريدك اربعه وعشرين ساعه متمكيجه وانا احاول قدر استطاعتي التزين واتمكيج ولكن انا يوم اتي من الدوام اغسل ويهي بالصابونه واكون تعبانه مالي خلق اتمكيج تلك الحظه اتميكيج بعد المغرب واحيانا بعد صلاه العصر الوقت اللي انا ما اكون فيه متمكيجه كيف اتصرف مع زوجي اللي يريد المكياج احسه احيانا ما يقدر باني تعبانه
وفي الليل اريد انام وهو يكون خارج البيت انتظره بمكياجي ويتاخر يعني تقريبا الساعه تكون 12 اضطر اغسل ويهي من المكياج وانام وطبعا انام بملابس النوم البيجامات او اي شي شتوي يدفئ جسمي وريلي يريدني انام بمكياج وانا بشرتي حساسه ما اقدر انام بمكياج حاولت اتفاهم معه بانه ينضم رجوعه من خارج المنزل ولكن ما منه فائده ينضبط يومين وعشره لا انا من النوع اللي اهتم الحمد الله بنفسي وايد يعني لو تاخرت علي المكياج اكون متلبسه ومتعطره ولكن ريلي ما يكفيه هذا ما ادري ليش يحب المكياج كان اول عادي بس الحين لاحظه وايد مهتم شوه الحل مع زوجي ومن مثلي زوجها هكذا من هوايات المكياج |
الله يعينك بصراحة !
يعني وضوء وغسيل وجه وتعب وارهاق ونوم ومكياج ومسح وحط ! مافي نفس امرأة تتحمل هالشكل يا أختي اجلسي معه وقوليله على عيني وراسي احط لك مكياج اللي تحبه لكن بعد صلاة العشاء . .وقبلها حطي كحل ومسكارا مضادة للماء علشان الوضوء.. وكل ما غسلتي حطي بلش وروج خفيف يعني فهميه بكل صراحة انه هالشي تعب وارهاق عليك .. وبعدين المكياج الكثير يرهق البشرة ويكبرها قبل أوانها انا زوجي يموت بالمكياج لكن يكره احمر الشفايف.. وانا مثله بصراحة ما اطيق الروج كثير واتضايق منه اذا حطيته مدري ليش.. علشان كذا اتفنن بالعيون والباقي سهالات .. لكن 24 ساعة باليوم !؟ مستحيــــل ! |
حبيبيت روحي ع الصيدلية و خذي مكياج طبي
في ماركة اسمها binift بتلقينها في باريس قلري او اريج تجنن وطبيعية ... عندهم قلوس وفي نفس الوقت ينحط بلشررر حاولي تخلين مكياجج نعووووومي ... مرات انا احط كحل ..وبلشر ...وروج ...الخ لكن ما احط فونديشن هذا لو في حالة ان بشرتج اوكي وصافيه يعني لا تكثرين من الايلاينر وهالسوالف شي خفيف تقدرين تنامين فيه اسستبدلي الكحل العادي بأثمد والله يحنن... اتمنى لك السعادة |
اذا راح تتزينين له كل يوم ماراح يكون فيه طعم اذا كان فيه طلعة خاصة او كذا ...
حاولي تكونين تحطين مكياج خفيف فقط ... وخلي الثقيل لوقته .. يعني فقط كحل من جوا ومسكارا وقلوس وبلشر فقط ملاحظة: حتى يحس انك مبدعة لاتحطين دايم كحل اسود ..حطي مرة ازرق ، اخضر ودعجي فيه عيونك ..يعطي شكل وماياخذ وقت الله يعينك من جد |
ماسكرا + روج خفيف + بودرة خدود
ما راح تاخد وقت ؟؟؟؟ مو لازم مكياج ثقيل ؟ وقت الدوام ، ريحي بشرتك و لا تحطي شئ ثقيل و في البيت تزيني لزوجك ، لإنه الأهم ؟ |
اللي اخترع المكياج إنسان غبي
|
والله مافي احلى من الطيبعه
بس الله يعينك يبغالك ميكاج ثابت على الاقل الجلوس |
اقتباس:
رأيي من رأي اختي روح الطير بس ما عرفنا اذا زوجك يبي مكياج ثقيل ولا خفيف ؟؟ اذا عادي عنده الخفيف فهالشيء سهل .. واذا المكياج يضر بشرتج حاولي تفهمينه وتشرحين له اضرار المكياج الزائد على البشرة.. والله يسعدكم ويحفظكم اختك --- لمني بشوق |
مو شرط تحطين مكياج كامل وانتي في الدوام
يمكن زوجك يشوف الفرق بين مكياج الدوام والبيت انتي اخذي علبه وحطي فيها كحل اسود وكحل ملون وروج خفيف وماسكر وخليها في دورة المياه قدام المرايه اول ماتردين من الدوام اخذي شوووور واذا خلصتي قبل تطلعين سوي مكياج خفيف 00 من ناحية انتظاااااااار زوجك اخر الليل سوي اضاءات خفيفه علشان مايشووووفك انتي حاطه مكياج ولا :) والله يكون بعووونك وموفقه اختي 00 |
[read]حبيبتي الغالية : مادام طلب منك زوجك حاولي كما قالت الأخوات الفضليات أن تلبي رغبته ولكن ليس على حسب صحة بشرتك حاولي ان تبحثي على ماكياج هادئ لا يثير بشرتك ويسببله أضرار لا إفراط ولا تفريط أتمنالك الخير[/read]
|
انا رايي من راي روح الطير
زوجك اهم يعني حطي المكياج لزوجك مو لدوام بالدوام ريحي بشرتك |
الاخوات كفو ووفو ..
بس حبيت انبه لشي قالته الغاليه بكر الشايب .. وقبلها حطي كحل ومسكارا مضادة للماء علشان الوضوء.. حبيبتي الوضوء لا يصح اذا في شي يمنع وصول الماء لجزء من الوجه .. ت ح ي ا ت ي.. |
اقتباس:
:22: |
غريب ؟؟
وين ردي طار ؟؟ مااتذكر اني قلت شيء خطأ ؟؟ هي كلمة وحده قلتها بس ( مشكلة والله ! ) ؟ |
امكن انتي عودتيه من البداية فصار بس يحب يشوفك بمكياج__
|
يختلفون الرجال ودام هذي رغبته لبيها له وبطريقة ماتتعبك،،،
لماتتلذذين بوضع الميك أب بالبيت خاصة انه لزوجك حبيبيك ماراح تلاقي تعب صدقيني بس لماتتكلفين وتحسين ان طلبه مايحق له راح تتعذبين ويصير صعب عليك تلبية رغبته،،، شكلك من النوع اللي ماتحبين الميك أب وتطفشين منه ،،،عودي نفسك ترى زوجك أبدى من الكل وفيه أنواع حلوة وراقية من أدوات التجمل ماتتعبك وتحليك ومع الوقت تحبينها ،،، شوفي الغالية،، الفاونديشن هوالمتعب ابتعدي عنه واكتفي بكريم مرطب ملون خفيف والبلاشر مايتعب نوعي بألوانه ومثلها الكحل موشرط الا رسمة عين وتعب اكتفي بالكحل الملون نعومة وجمال ،،أما الشفاف فاصبغيها بنعومة بقلوسات فواتح ماياخذالأمر دقايق وبكذا تتجملين لنفسك ارضاءا لأنوثتك وتلبين رغبة زوجك وتملين عينه ربي يوفقك ويسعدك ويجملك بعينه |
ماقصروا الأخوات بالأفكار فعلاً ماله داعي الميك آب الكامل للدوام زوجك أولى
ولاتحطي أساس كثير كفاية مثل ماقالوا الكحل الملون كل يوم بلون مع احمر الخدود والروج وتقدري تنامي به ولكن حبيت انبه لنقطة مهمة لاتغسلي وجهك بالصابون لانه يضر البشرة اشتري مزيل مكياج جونسون رااائع وخفيف على هيئة ميلك سائل وامسحي المكياج بقطن من الصيدلية ناعم حطي فيه من مزيل المكياج علشان ماتتجعد بشرتك. والله يسخر لك زوجك ويسعدكم واكثري من الإستغفار والدعاء. |
زوجك ..زي زوجي يحب المكياج ..بس أنا أحاول أحط مكياج خفيف خالص
قلوس ..أحمرخدود ..كحل حسب لون اللبس والله المستعان |
اقتباس:
|
السلام عليكم
ممكن اختي تستخدمي كريم اولاي بالتوت البري بديل عن المكياج وبنفس الوقت مفيد للبشره اوي اي كريم يقوم بمقامه مثل غارنييه او حتى فير اندلفلي بس طبعا من الصيدليه حتى ماتوقعي في التقليد وبعدها استخدمي فوقه احمر الخدود ع شويكحل داخل العين واما الروج تقدري تاخذي الروج الثابت من نكتار لونه وردي وهو خفيف ع الشفاه ويدوم وقت طويل والله يسهل امورك يارب |
المكياج ليس مهما للرجل في كل الأوقات لسبب بسيط جدا و هو أنني عندما رأيت زوجتي لأول مرة لم تكن تضع مكياج (لأنها محجبة حجابا شرعيا) و أعجبتني هكذا ، ثم خطبتها رسميا و جلست معي بدون مكياج لأنني أجنبيا عنها و أعجبتني أيضا بل همت بها حبا و قررت إتمام الزواج و الإرتباط بها لباقي عمري إن شاء الله ، و تجارب أصدقائي المتزوجين تؤكد أنهم لا يهتمون كثيرا بأمر المكياج هذا لأن المكياج يتم مسحه تماما و تختفي آثاره في أول خمسة دقائق من بداية تقبيل الزوج لزوجته .. إذا فلا فارق إذا بين وجهها بالمكياج و بدون مكياج .
|
| الساعة الآن 11:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©