|
مشكلة زوجي يكذب واكتشفت انه يدخن
السلام عليكم ورحمة الله اسعد الله اوقاتكم جميعا ... انا متابعة لاغلب مايدور في المنتدى منذ اكثر من ست سنوات ... مادعاني وشجعني للكتابة صفاء القلوب الموجودة والترابط فيما بينهم فجعلها الله في موازين حسناتكم ... لدي مشكلة :( انا متزوجة منذ مايقارب السنة .. اسكن مع والدة زوجي في نفس البيت ... وايضا ادرس ... هذا الزواج الثاني لي ولي طفل وزوجي ايضا الزواج الثاني له وله اطفال من قبل... هو اكبر مني بـ 16 سنة تقريبا حياتي مستقرة تقريبا ولله الحمد ...زوجي اخلاقه كويسة تقريبا ومتعاون الى حد ما .... المشكلة من وجهة نظري ان زوجي يكذب احيانا كثيرة واكتشف هذا الشي (احس اني محققة دايم اكشفه ) وهو عارف اني اكتشف كذبه ... هذي المشكلة الاولى الثانية وهي الادهى والامر ... اني اكتشفت انه يدخن ولا قالنا عن هذا الشي ...انا سألته ايام الملكة وقال انا ماادخن وابوي ايضا سأله وقال لا ... انا ابوي شيخ وعلى مرتبة عالية ولم اشم الدخان في حياتي لامن قريب ولا بعيد ...حتى محيطي الاسري مافيه احد يدخن ... (كان زوجي متاكد انو راح نرفضه اذا قال انو يدخن فعشان كذا ماقال) طبعا هو ماتجرأ وقالي ... بس انا اكتشفت (قلتلكم محققة :d ) يعني هو يحاول يتعطر دايم ويبعد ريحة الدخان بس طبعا مايقدر !!! وانا لاحظت بقايا سجاير ورى البيت يعني يغيب له عشر دقايق ويرجع ...او يقول بروح اشغل السيارة ويروح يحميها ويتأخر ويدخن ..وبعدين يجي بكل بساطة متعطر وكاشخ ويالله بسرعة خلينا نطلع ... هو علباله اني مااكتشفت ..بس انا داريه وساكته ... او بالاصح اخاف اذا صارحته في الموضوع يصير يقول لي : ترى بروح عشر دقايق وادخن وارجع لك ... ااحسه اذا قال لي في وجهي بمووووووووووت ..:29: المشكلة اني عندي حساسية من الدخان شي مو طبيعي من يوم كنت صغيرة احس اني انكتم لما اشوف واحد يدخن او لما اشوف ريحته ... بزيادة :29: ملاحظة مهمة : احسه مخبي سالفة الدخان عن الناس كلهم ... لانو لما كنا نسأل عنه الكل قال مايدخن (بس قالوا مدخن سابق وهو بعد قالي نفس السالفة ومخترع لي قصة كييييييف ترك التدخين <<< الله من النصب ) :18: المشكلة الثالثة مثل اغلب الرجاجيل فيه انانية زايدة ... يعني لما اشوفه تعبان انا من نفسي اروح ادلكه و و و .... والمشكلة اكون في احيان كثيرة اترك دارستي بس علشان مااحسسه انو مو مقصرة ... وبالاخير ليته يقول يعطيك العافية ( ماتجي الا بعد التلميح ) لأ يقول يووووووووه كملي الله يعافيك تراني تعبان <<< ياخي احمد ربك اني جايتك وتاركه دراستي علشانك ... يعني يخليني اقول في نفسي ليتني ماجيت احسن لي (فهمتوا قصدي) :( .... وليته لما يحس اني مشغولة يقدر ظروفي لأ .... ليش ماتسوين كذا .. وليش مانظفتي كويس ....فيه دقة بزيادة (طبعا علي انا مو على نفسه ) الله يعين بس ويفرجها ... كلماتكم كالبسلم الشافي فلا تحرموني منها عفواً تم تعديل العنوان ليتضح المضمون/ الاشراف |
اختي هونيها تهون وربك يفرجها والشباب هالايام الله يهديهم قلما تجدي شخص بجميع المواصفات التي تطلبيها والكمال اولا واخيرا لله سبحانه وتعالى والصبر هو سيد الموقف في مثل هذه الحالات وتؤجرين على صبرك وكفاحك مع زوجك واذا كانت اخلاق زوجك طيبه وتعامله طيب معك ولم يقصر عليكي بشي فلعلكي تكوني سببا في هدايته حتى يترك الدخان ويستقيم حاله باذن الله وهل يااختي قبل زواجكي من زوجكي الحالي ارملة ام مطلقه وزوجك ايضا هل هو مطلق ام توفيت زوجته السابقه وهل لديه اطفال من زوجته السابقه وكم اعماركما لان كل هذه الاسئلة مهمه لمعرفة دوافع المشكلة بالتحديد0
|
الله يجزاك الخير على تواصلك يااخوي ...
زوجي مدخن من كان عمره 17 سنة والحين عمره 45 سنة ...وانا عمري 27 سنة ... جميعنا مطلق سابقا وكما ذكرت لديه اطفال من زوجته السابقة وعايشين معاها اما طفلي فعايش مع اهلي ... مشكلة زوجي ماعنده عزيمة ...يعني لو اصارحه حتى اخليه يواجه المشكلة ماراح ينفع ...لانو يحاول يتهرب من واقعه ... يعني تخيل يستخدم السكر بزيااااااااااااااااادة في الشاهي ... يعني احس لو يترك الدخان راح يجيه سكر علطول ودايم انبهه لها المشكلة انو قلل من السكر علشان صحتك مو راضي ... وكل شي انتي ساعديني واذا قللت السكر يقول ليش "شوي شوي علي مو مرة وحدة " يعني ماعرفنا له .... والله اني افكر في سالفة التدخين كل يوم واحس انو هو عارف اني عارفة بس ساكت ... تخيل حتى ماصار يهتم انو يخفي الريحة ...هو حاس اني داريه ... واحس اني بتطنيشي للمشكلة هروب منها وضعف مني ... يعني تخيل اليوم عندي اختبار ومع ذلك مصلحه له عشاء وجيت ودلكته لانو تعبان وبالاخير لما قلت له : شيل الصحن من الطاولة علشان احط الاب توب قام وعصب ... احس انو مايستاهل الواحد يتعب علشانه .... وبكل بساطة راح ينااااااااام معليش تحملني قمت اطلع اللي بقلبي ...من جد مقهورة منه :( :( الله يوفقك اخوي ويفرج لك ... |
أختي
إنت مضغوطة مع الإختبارات ، علشان كذا النفسية تتعب وقت الإختبارات و تبغي أي شئ علشان تحطي حرتك فيه :) 1 - حكاية التدخين ، لا تبيني له ،، لإنه راح يدخن قدامك و ما راح يهتم 2 - كل الرجال أو أغلبهم ( يكذبوا على زوجاتهم :D ) .. فلا تدققي علشان لا تتعبي حالك .. طبعا كل كذب متفاوت عن التاني ، فيه كذب أبيض ، فيه أصفر ... فييييه :24: <- خليني أسكت ، زوجي جاء قرأ ردي و طالع فيا بنص عين و ابتسم :25::d 3 - حكية إنك تدلكيه أو تهمزيه أو تمرخيه .. إلخ من المصطلحات .. فهو يبغى يتدلع عليك .. و إنت يا شاطرة استغليها فرصة لك ، إنك تدلعيه و تحصلي على اللي تبغيه .. شغلي ( كيد النساء يا دبة ) .. :d 4 - يوم قلتي له مثلا ، شيل الصحن ،، لو أعطيتيه قبلة ، و قلتي له ( حبيبي .. ممكن تشيلها معاك ؟؟؟؟ ) تتوقعي بيرفض طلبك ؟؟؟؟ :11: 5 - زوجك سهل التعامل معه ، بس ( زودي عيار الدلع + قللي من التدقيق ) |
الله يسخرة لك يارب
|
مشاكل بسيطة
|
وعليكم السلام ورحمة الله وبركاته
والله بصراحة يا اختي جبت مشكلتك وقلبتها يمين ويسار وما طلع معي مشكله ابدا! بالنسبة للتدخين لا تبيني له وبما انه محد يدري انه يدخن هذا معناه انه مو مدخن شره ويشتاق للسيجارة ويمزمزها كل فترة والثانية وباذن الله بيقطعها من نفسه لانه رح يمل من هالحال! بالنسبة للامور الاخرى والله انك مكبره السالفة ! يعني واذا قطعتي دراستك وسويتي له مساج !؟ طيب هو اهم من دراستك واهم من الدنيا لا تمنني عليه بخدمتك له .. بصراحة يا اختي احس ودك تربي زوجك من اول وجديد .. خلي عنك عاطفة الامومه وعامله كرجل وزوج وليس كطفل :) فاهمتني ؟ لاحظي كيف تتأمرين عليه وتطلبين منه الشغلات (شغلة السكر بالشاهي) يختي هو رجال واكبر منك بـ 16 سنه يعني ادرى بمصلحته منك لا تنبشي وراه.. ولا تزني على خراب عشك الله يخليه لك ويسخره لك يا رب |
اتوقع الي ذكرتيه فوق مهنا خلاف فيه ولافيه اي مشكله.
كلها مجرد فضفضه لا اكثر ولا اقل. ما ابغى اقل الرجل حر يسوي الي يبيه ولكن فعلاً اذا انتي تبين تساعدينه على ترك الدخان فيه 1000 طريقة لحل ها المشكله، وهو ايضاً موب مقصر يوم انه مايدخن قدامك او على الاقل ببيته. روقي وتعوذي من ابليس ولا تتمننين عليه بخدمتك الي هي واجبه عليك شرعاً. اما مسأله السكر با الشاهي وشيل الصحن كان بالامكان تقولينه بأسلوب افضل واكثر لباقه وخلينا نقول كلام حلو تخلينيه يشيلك ويشيلك اللاب توب والصحن والبيت كله، حتى مع كبر سنه او الفارق العمري الي بينكم. ترى الرجل بها السن يكون مستقر نفسياً، حتى لو كانت تحيط فيه مشاكل كثيره، لأنه بيكون مستعد انه يواجهها ويتحملها بسهوله.ولكن صدقيني افضل سن للفله والبسطه للرجل ها الوقت. واخذي الكلام مني وجربي وشوفي. الله يوفقنا ويوفقكم. |
وفقكم الله وادام السعادة بينكما مشكلة الكذب حاولي تجاهلينها
اما التدخين خليك لاتعرفين وادعي الله انه يتركه سمعت مرة اخصائي اجتماعي وحده تساله عن تدخين زوجها وهو ايضا يخبئه عن زوجته قال لها خليك كأنك لا تعرفي ويجيء يوم ويتركه اهتمي يالاوليات في حياتك واترك الباقي الايام كفيلة أن شاء الله بحلها |
يعطيكم العافية على تفاعلكم ...وجزاكم الله خير روح الطير اكييييد من احد الاسباب ضغط الاختبارات علشان كذا ...:25: حسيتك فهمتي وش اقصد ... والحمد لله زوجي من الناس اللي يقتنع اذا اقنعته .. بس باله طويل وبااااااارد واحس اني احترق بسرعة من بروده :29: مرررررررة شكرا حبيبتي اخوتي الامل الباسم tunisian مررررة شكرا ..والله يقبل دعاؤكم ... بكر الشايب والله مو متمننة عليه ابدا .... بالعكس مررررة انبسط لما اشوفه راضي علي ...بس مافيها شي الاسلوب الحلو ... الله عز وجل قال للرسول "وانك لعلى خلق عظيم " يعني ليش هو مايشكر زوجته اذا ريحته ... وليتها على هالاشياء ... يعني تخيلي لما البس واكشخ له ويدخل مايقول : اييييييييييييش الحلاوة هذي وش هالزين ...لأ ..." وش عندك مكشخة :29::29: " امووووووووت انا على الرومانسية يعني بالله عليك الظهر الساعة 2 وين بروح يعني ؟؟ اكييييد لك .. ولما اقوله باسلوب حلو كله علشانك ياقلبي ومن هالكلام ... يسكت مافيه ردة فعل ... والله انقهر يمر علي اسابيع مايقول كلام حلو مو شي يقهر ... وبعدين انا ماأتأمر عليه لما احاول انه يمسك نفسه في السكر لأ ... هو قالي ابي اسوي ريجيم حاولي تساعديني ...طيب لما اقلل السكر يقول :" يالللللللللله ليش كذا ؟" طيب :" مو انت تبي تسوي ريجيم ؟" يقعد يصرف ... تخيلي من ايام الملكة وهو يقول ابيك تسوين لي برنامج حتى انحف .... ولما سوينا يقول اصبري مو الحين >> راح اكمل سنة وهو على هالحال :( الله يجزاك خير ويقبل دعاك |
تركي العالمي
ياليت اذا عندك طرق لترك الدخان تفيدنا فيها .... يعني تتوقع يتركه بعد حوالي 20 سنة تدخين ؟؟؟؟ راح ارسلها له على الايميل مع مجموعة رسايل حتى مايشك اني دارية .... بس على الله يتحرك ويطبقها .. " ترى الرجل بها السن يكون مستقر نفسياً، حتى لو كانت تحيط فيه مشاكل كثيره، لأنه بيكون مستعد انه يواجهها ويتحملها بسهوله.ولكن صدقيني افضل سن للفله والبسطه للرجل ها الوقت." الحين هو لما يغلط علي يقول تحمليني عندي ظروف خاصة .. بدون مايقول ...وطبعا هذا العذر اللي جاهز دايم " يعني اعتذار بطريقة غير مباشرة " ومافيها شي عادي اتقبل هالشي ...بس عاد مو دايم وانت ماتفضفض اللي بقلبك !! جزاك الله اخوي وكثر من امثالك سحابة الصحراء من جدددددد احس مالي الا اتجاهل هالامور والله يفرجها ان شاءالله جزاك الله خير جزاك الله اخوي |
اختي
زوجك كأنه يقرب لزوجي :D بس الحل معاه تعرفي إيش ؟؟؟؟؟؟ اعملي اللي براسك يعني لا تستني شئ منه ،، لإنه راح يشيب شعر راسك و هو ما راح يتغير أبدا و خليك أبرد منه في كل شئ |
ياحبي لك روح الطيييير
تدرين صرت اسوي كذا ...دايم اذا بغيت شي اسويه من دون مااشاوره وارتاح كثير ... بس المشكلة ساعات احس اني عايشة لحالي وهو لحاله ......عارفة كيف ؟؟ يعني مانتشارك بكل شي ... الله بس يعين هو يمووووووووون في شي اسمه كمبيوتر يجلس بالساعااااااات وانا ياعند التلفزيون او اجلس اذاكر ... مافيه نشاطات مشتركة :( الله يوفقك ياقلبي اسعدني تواصلك |
أختي (قلب الماما)
مشكلة الكذب عند زوجك و التدخين أعتبرها مشكلة حقيقية لكن باقي ما ذكرت لا يعتبر مشكلة على الاطلاق حاولي تتجاهلي اذا كذب عليكي لكان لما تكشفي الكذبة و هو يعرف انك كشفتيها عاتبيه بطريقة فيها شي من المزاح حتى ما يزعل منك و بنفس الوقت تكوني فشيتي قهرك و أظهرتِ عدم رضاك عن الكذب أما موضوع التدخين فهي بصراحة مشكلة لكن احمدي الله انه مخبي الموضوع و حاسس بالخجل منه و لسا عم بحاول يخفيه عنك حاولي انتي تتجاهلي و اذا حصل و انفتحت سيرة التدخين قولي الحمد لله يا زوجي ان الله تاب عليك و تركت التدخين (لعل و عسى تحرك شي بداخله و يشعر بالذنب ) شغلي دهائك بهالموضوع أما موضوع التدليك أكيد لو دلكتي لزوجك سيطلب منك المزيد و المزيد و هذا شي جميل لأنه دليل انه هو مبسوط و حابب انك تبقي بقربه (فكري بايجابية الأمر ) و مسألة الشكر هو موضوع متعلق بالطباع والتربية يظهر انه زوجك لم يعتد على الشكر و المديح و المجاملة فوجدتِ أنه قليل الرومنسية و الغزل بامكانك ان تلمحي له أنك بحاجة للكلام الجميل و المديح عن طريق عدة أمور: 1- كوني مبادرة في هذا الأمر و امدحيه دائما 2- حاولي بأوقات الفراغ تتكلمي له عن الفرق بين الأنثى و الذكر و ان المرأة بحاجة لكلام الغزل دائما 3- اعملي حفلة بسيطة أغرقيه حباً في ليلة جميلة ثم اطلبي منه ان يعطيكِ رأيه بما فعلت له وقتها بالتأكيد لن يقول إلا الكلام الجميل و عندما يمدحك قولي (حبيبي أريد ان أسمع منك هذا الكلام دائما ) أما موضوع الريجيم و الشاي ذكرتيني بزوجي لما طلب مني تنظيم أكله وقت خطبني و الآن صار لنا 4 سنوات و ما قدرت غيّر عاداته لكن معقولة نكد حالي لأنه زوجي مثلا بياكل حلويات الساعة 12 بالليل ؟؟ طيب أنا بحب آكل حلويات كلما شرب قهوة ... !!! كتير شي مزعج لو زوجي كلما أكلت قطعة حلويات يذكرني بالريجيم (بصراحة نكد !!) الانسان أحيانا بيجيه شجاعة و بقول لازم اعمل ريجيم لكن التطبيق العملي صعب مو معقولة كل ما ضعفت نفسه و أكل شي تذكريه بالريجيم بالنهاية هذا جسمه و هو يعرف الصح والخطأ و لا يمكن ان أتصرف انا بطريقة أم له !!! لأنه ليس طفلاً !!! حاولي تحلي هالأمر بالمزاح و المرح لا تتوتري من أجل قطة سكر :) (( الله يجعلها أكبر المصايب قولي آمين)) لو بقيتي بتدققي عليه بهالطريقة رح تخنقيه و انتي الخسرانة لأنه رح يدقق عليكي بالمقابل همسة أخيرة : لا تقارنيه بطليقك و كلما خطر ببالك أي مقارنة استعيذي بالله من ابليس لأنه يريد تخريب حياتك |
هلااااا اختي ماريا
يعطيك العافية ... من جد اللي مو عايش في وضع انو قريب لك احد يدخن تكون بالنسبة له مشكلة كبيرة .. حبيبتي انا زوجي مايوقف على قطعة سكر .. على قولة اخواننا الكويتيين " اسكتانة شاهي وحدة تكفي " احنا يالسعودين لازم ترامس شاهي ..... يعني زوجي في اليوم لازم يشرب ترمسين شاهي ومو بالبيالة لأ .. بالكوب... والسكر والله العظيم يمكن احط نص كوب متخيلة الوضع !!! بس من جد ماعاد صرت ادقق اللي يصير يصير ....... المقارنة بطليقي ابدا مو على بالي وبالعكس هو افضل منه لانو مميزاته اكثر من عيوبه ... الله يجزاك خير حبيبتي ويوفقك |
آخر التطورات
صاير معبس واسلم عليه ولا يرد ... ولما طلبت منه يوديني لاهلي مثل العادة رفض وقال مالي مزاج قلت : ليش عندك شغل ..؟؟ قال : لأ بس ماابي :29: من جد شي يقهر ...قمنا تناقشنا وهو يحاول يتهرب مايرد على كلامي واكلمه وهو مايطالعني بس جالس على الكمبيوتر ويسوي نفسه متحمس وهو يقرا <<<< يعنني تراني مو هامني وش تقولين :29: بالاخير قالي : انو اسلوبك غلط ليش تقولين لي شيل الصحن المفروض تقولين : حبيبي شيل الصحن انا ماني خدامة عندك حتى اودي الصحن للمطبخ .... قلت له : ومين طلب منك انك توديه ؟؟؟انا اقصد زحفه شوي ... قال لي : انا فهمت كذا ...قلت له فهمك غلط قال انتي قاعدة تصرفين علشان مايصير الغلط عليك ...قلت: على العموم اذا كنت غلطانة فانا آسفه وقمت وتركته ولين الحين مبوزين :(:( من جد سخافة حسيت عقله صغير .....يعني انا لازم اقول حبيبي بس علشان يزحف الصحن شوي .......... لكن انتي تتعبين وتكرفين وتصلحين ولا تسمعين كلمة شكرا ... والله مدري وش يبون ذا الرجاجيل الله يفرجها |
أختي
لا تكرهي الرجال فيك ؟؟؟؟؟؟؟؟ لا تكوني كذا ( جافة معاه ) مشكلتك ما تعرفي تدلعي زوجك ؟؟؟؟؟؟؟؟؟؟؟؟؟ هو يوم قال لك كذا ، كان بيتدلع عليك ؟؟؟؟؟؟ كان المفروض ( حضنتيه ) و قلتي له ( يوووووووووووه ؟؟؟ من جددددد زعلت ؟؟؟؟؟ كنت أمز معاك .. أو ما قصدت ؟؟؟؟؟ أو كنت بأتدلع عليك ... أو أو إلخ ) يعني لا تقلبيها إنت كمان نكد ؟؟؟؟؟ و هو معاه حق ،، ما قلت لك في ردي الأول ؟؟؟؟؟ لو قلتي له بطريقة حلوة ، ما كان قال لك ( لأ ؟؟؟ ) إنت معاملتك معاه ، كأنه طفل و تبغيه يمشي على كيفك ؟؟؟؟؟ الأسلوب هذا ، بيخليك تخسريه |
أختي هونيها وتهون
والدخان أهون من غيره الله يفرجها عليك |
مرحبا فديتج .. حبيبتي لاتكبرين الموضوع على نفسك لانها راح تصير كبيرة بجد .. فديتج تقدرين تخلينه يشكرج بس مو بالتذمر او الشرهه .. تقدرين لما تسوين له شي مثلا مساج تقولين له رحيتك ؟؟ اذا قال اي قوليله ما يبان مثلا او مافي يعطيج العافيه بس لاحظي كلها بمزح ودلع مو عتاب في فرق .. بعدين الريال كبير وتره الكبير يحب الدلع اكثر من الصغير وبعضهم ياخذون التأمر والطلبات نوع من الدلال وتنفيذها دليل حب .. وعن التدخين وايد اللي يدخنون ودامه خاش الموضوع عنك خليه حاليا وحاولي تعرفين بطريق الصدفه اقصد مو بسؤالك له لكن انك تشوفينه واهو يدخن عشان يكون عندك نقطة البدايه وتقدرين تكلمينه بالموضوع بس بعد خلي بالك مو تقولين له انك كذبت علي او ليش ماقلت او ليش وليش اهم شي تسوينه حسسيه انك تحبينه وتخافين عليه وهالشي يضره وانتي ماترضين عليه .. هونيها وبتهون انشالله .. امورك دامها طيبه انشالله ربي يبقيها طيبه دوم .. تحياتي
|
| الساعة الآن 09:55 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©