|
إحدى قريباتي تهددني بإفشال خطبتي(حُلت ولله الحمد)
السلام عليكم ورحمة الله وبركاته
اخواني اخواتي محتاج مشورتكم ومساعدتكم لي انا شاب مقبل على الزواج حصل لي مشكلة واتمنى تساعدوني لما كنت في بدايات دراستي الجامعية كان يجيني اتصالات كثيرة من بنات وانا بصراحه ماني راعي هالحركات بس كانت الاتصالات غريبه ومزعجه جدا وكنت اطنشها جلست فترة طويلة على هالحال ومرة من زيادة هالشي زعلت وقررت اعرف من هذي ؟؟!! وفعلا رديت وجلست اتكلم لين عرفتها طلعت وحده من قريباتي تبغى تتقرب مني بس انا جلست انصحها واطنشها ومااعطيها وجه بس كمان ماتركتني اتصالات كثيرة ونفس الوضع .. هذا الكلام قبل 5 سنوات في اخر سنة من دراستي قررت اخطب وحده من قريباتي والبنت اللي تزعجني تقرب لها كمان يعني كلهم يقربون لي ولما خطبت وكتبت عقد القران جلست انا وخطيبتي فترة كانت بدايتنا حلوه مره بس بعد فترة حسيت بتغير من جهتها وانا كنت صريح معاها من البداية وقلت لها ان هالبنت كانت تزعجني زمان وسلوكها ماهو كويس .. المهم انا حسيت ان خطيبتي متغيره وكانت تدور المشكلة بأي وسيلة جلسنا سنة اغلب وقتنا زعل وانا متحمل وكنت اقول في نفسي يمكن الوضع جديد ع البنت ولازم اتحملها لكن زاد الوضع مره لين حصل بيننا مشكلة وطلبت الطلاق وهاجمتني بكلام ماينقال .. لكن انا كمان ماتسرعت وجلست شهر احاول الموضوع يتعدل لكن مافيه امل وفعلا طلقتها .. بعد طلاقي بأربعة اشهر خطبت قريبه لي ثانية والبنت اللي كانت تزعجني زمان تعرفها لسوء الحظ .. وبعد ماخطبت بشهرين يعني وقتنا الحالي بدأت تجيني رسايل تهديد بإفشال خطبتي وتغيير خطيبتي عليه وكان في الرسايل اعتراف منها انها هي اللي خربت خطبتي الاولى وراح تسوي نفس الشي مع خطيبتي الحالية ... انا الحين وش اسوي والد هالبنت يقرب لي والعائلة داخله في بعض كيف اتصرف وصعب النقاش معهم لان الموضوع حساس ومحد راح يقبل هالكلام على بنته فأنا وش اسوي الحين عطوني حل يا جماعة الخير ... |
الرسايل احتفظ فيها بجوالك
وصارح خطيبتك .. وراويها الرسايل باعترافات هذيك البنت علشان تفهم وتكون على بينه وتقطع صلتها فيها نهائيا الله يوفقك |
يجب أن يوقفها أحد عند حدها يا أخي .. فالموضوع ليس مجرد شقاوة .. بل هو خراب بيوت.
أقترح عليك أن تخبر والدتك بالموضوع وهي تتحدث مع والدتها .. واحتفظ برسائلها كدليل حتى لا تتهمكم والدتها بالكذب وتلفيق الموضوع. |
الله يعينك
من رأي بكر الشايب أو انت هددها بأنك ستقول لأبوها أ و احد اخوتها ,,تهديد الله يعوضك بخطيبتك الجديدة |
انا فعلا اخبرت الوالدة لكن الرقم المرسل منه مجهول وليس معروف لدى العائلة
وتقدر انها تنكر هالشي لانها جدا بجيحة |
طيب انا اقولك ليش ماتدق عليها بطريقتك وتسجل صوتها اذا تكلمت معاك وبكذا انت مسكت عليها دليل قوي
لازم توقفونها عند حدها مايصير هالكلام الله يهديها ويصلحها |
اقتباس:
|
حسبي الله ونعم الوكيل
ماتخاف الله يجيها يوم تشوف فشلها بحياتها من اللي تسويه ارسلها رسالة طويلة وادعي عليها إما ربي يهديها ويفكك من شرها أو ربي يشغلها في نفسها .. |
أنا مع رأي الأخت بكر و الأخت مهره .. يعني لازم امك او اختك تدري و كمان خطيبتك .. يعني( شين و قوي عين).. الله يهديها و يوفقك .. آآآمـــــــــين .. |
اقتباس:
خلهم يأدبون بنتهم يا اخي لا تقول حرام وبيضربونها ان شاء الله يذبحونها وش هالبنت قسم بالله تدمر بيوت وماحد داري عنها وديها بستين داهية يا اخي خلها تندم وتنطق مكانها ولا انك تسكت لها وتخليها تدمر حياتك للمرة الثانية ما تضمن وش تقول لخطيبتك مهما انت بلغت خطيبتك فيها يمكن تدّخل الشك عليكم وفعلا تخرب حياتك انتبه اقلبها عليها تكفى |
والله إنت مشكلتك بسيطة جدا جدا و من العار إن رجل لا يقدر علي فتاة صغيرة مثل هذه ..
إسمع مني يا أخي و تعلم .. أولا : تصارح خطيبتك بحقيقة عداء قريبتك لك و عذرا فستكذب (لا اعرف ان كان هذا حلالا ام حراما) و تخبرها أنك كنت متقدما لها لخطبتها ثم أعرضت عن ذلك لذلك فهي تريد الإنتقام منك . ثانيا : تخبر خطيبتك بمصارحتك بأي شيء غير جيد تسمعه عنك و أنك مستعد أن تثبت لها عكس ذلك بالأدلة القاطعة . ثالثا : تخبر قريبتك الشريرة تلك أن رد فعلك ضدها سيكون قاسيا جدا و لن تحتمله و سيدمرها تماما و ذلك بالآتي : * أنها لو أفشلت خطبتك هذه أيضا فبكل بساطة ستخطب من خارج العائلة و حينها لن تستطيع هي أن تفعل شيئا . * تخبرها أنها لو أفشلت خطبتك الحالية فستنتقم منها بمثل ما فعلت و تشوه صورتها في العائلة كلها و كذلك عند خطابها و ستشعلها نار تحرقها و تجعلها عانس لا تتزوج و حتي إن رضي بها أحدهم فستشككه في سلوكها و أخلاقها و ستغيره عليها (طبعا كل هذا مجرد تهديد لن تفعله طبعا و لكنه كافيا لردعها و إرهابها ، لان حياة البنت في سمعتها فإذا تلوثت ضاعت) . |
ردودكم جميلة جدا وبصراحة اعجبتني اقتراحاتكم وسأبدأ ان شاء الله في التحرك القوي وسأبلغكم بالنتائج ان شاء الله
الله يخليكم ياااااااااارب والله ماقصرتوا |
أنا أنصحك تعطيها ياها كاش
قول لها رح أفكر فيكِ زوجة لما يدخل الجمل في جحر الضب يعني ما في أمل تفكر فيها كزوجة وصارح أهلك من النساء وخلهم يتفاهمون معها ويسببوا "مشاكل" وبالتالي قدام خطيبتك تحكي لها إنه أهلي سوو مشاكل مع فلانة وأهلها بسبب إنها وقحة وسيئة الأخلاق معي ومع أهلي وهي كانت السبب بإفشال خطوبتي الأولى بوقاحتها وبجاحتها وقلة حيائها .. بمعنى إنك تخلي المشكلة بين عائلتك وعائلتها بحيث إنه ما يصير فيه شيء يمسك مس مباشر وإنه الموضوع عائلي أكبر منه شخصي متعلق فيك .. وبهذي الطريقة إنت بتطلع من إطار الشبهة .. طبعاً هذا الحل إن ما نفع معها الأسلوب الحسن ومثل هالأشكال المتعفنة ما ينفع معها طيب ولا ذوق ولا ترضخ لمثل هذي الأشكال وخلها على هامش اهتماماتك وربنا يوفقك أخوي |
اوهمها انك رح تتزوجها الين تكلمها قدام اهلك وتسجل صوتها
وياسلام سلم مانوصيك بالباقي |
افا يارجال بنت وتهددك ...! الي اعرفه الرجال يبتزو البنات
بس تعرف والله امرها بغاية البساطه اول شي كلمها وقلها انتي على ايش رامية نفسك هو الزواج بالقوه...؟ اعطيها تهزيئ عالحركه الي تسويها وبعدها قلها انا لو بخرب حياتك بخربها بابسط شي اقلها لو الفق موضوع بين العائله عنك ومن غير لاحد يدري من طلع الموضوع يعني انت تلفق موضوع وتقوله لاختك واختك توصله لكم وحده والكم وحده هذي توصلها لعشرين وحده و..الخ هههههههه بس قلها مثل كذا هددها ياخي اذا ماتبغا الموضوع يوصل للعائله وتسبب مشكله كبيره وهذي لا محبه فيك ولاشي مجرد حسد او انتقام من نفس عائلتكم استغفر الله العظيم عالعموم الله يوفقك ويتمملك على خير وصدقني والله مايحتاج لها حل من ابسط شي تحل الموضوع البنت راس مالها شرفها وسمعتها لو تهددها بها الشي بتبلع لسانها وموفق ان شاء الله |
اقتباس:
تظل بنت ضعيفة !! ماهقيت يطلع منك هالكلام يامشكلتي ,, وبعدين حنا مانعرف وش السبب اللي خلاها تسوي كذا ؟؟ افترض وجود سبب خفي نجهله ؟؟ هل من المعقول أنها تسوي تصرف زي كذا وبدون سبب سابق ؟؟ هل يمكن أن تصارحنا ياصاحب الموضوع بكل شيء ؟! يمكن نقدر نساعدك من هذا المأزق ! ولكم احترامي ,, ! |
اقتباس:
فيه وحده اعرفها كذا يا سميتي على قولك :d والله والله والله كانت العن من كذا ولا خلاها تكفي خيرها شرها الا انها انفضحت وام عيااااااااااااااااااااااااااال يا ناس ام بنااااااااااااااااااااات واولاد ما هجدت شياطينها الا لما فعلا تم استدراجها واعترفت قدام حريم بالغلط و لا حست بنفسها الا الجماعه كلللللللللللللللللللللللللللللللللللللهم حاقدين عليها تدرين وش سوت ؟ شالت قشها هي وعيالها وسافرت هجت من كل المنطقه وراحت سكنت في بيت وربي فيه جن ... بس قابله بالجن ولا بالفضيحه قلعتها الله لا يردها حقوده هذي تقولين عليها ضعيفه؟ والله ماضعيف الا انا وانتي يا فديتك بس |
لاااازم اهلها يعرفوا! لانها لازم تتربي!! عشان حياتك متدمرش و هي كمان لو فضلت كدة هتضيع نفسها... اهلك لازم يقولوا لاهلها!!!! و اول شئ لازم خطيبتك تعرف عشان تحافظ عليها
|
اخر التطورات ياشباب ويا بنات
انا ارسلت الرسائل لجوال الوالدة وراحت لبيت البنت وجلست معاهم ولا كأنه فيه شي بس قدرت الوالدة تاخذ البنت على انفراد وخلتها تقرأ الرسايل للااااااخر تقولي الوالده والله انها صارت تنتفض وتغير لونها وبعد ماخلصت قرايه قامت تسأل امي من راعي هالرسايل ؟؟ قالت امي وحده واعرفها زين مثل مااعرفك (( خخخخخخخخخخ )) بس والله لو ماتكف شرها عنا وتصون نفسها لأعلم اهلها واعطتها كلمتين بس مو موجهه لها مباشره كله كان رمي من بعيد الوالده تبغاها تفهم بدون فضايح المهم اعطتها من الكلام اللي يبرد الصدر وابشركم انقطع كل شي ومرتاح هاليومين وباقي خطيبتي واهلها بعطيهم خبر .......... ومشكورين لاهتمامكم ومتابعتكم لي يا شباب وياصبايا الله يخليكم يااااارب |
حلو
الله يوفقك ادعي الله وقل بالسجود اللهم اصرفني كيدها وشرها والللللللللخ بإذن الله راح يحميك الله من كل شر وفقك الله لكل خير |
اقتباس:
|
امك داهيه خطيره رااااااااااااااااااااااااااااااااااااائعه
الله يسعدها ويخليها لك ويبعد عنكم عيال الحرام |
يــغلــق مع ارسال نسخه لعالم المشاكل المحلوله.. |
| الساعة الآن 06:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©