|
كيف أتخلص من قهر هالخطبتين ؟
السلام عليكم ورحمة الله وبركاته ياجماعة الخير انا عندي موضوع بيفجرني من القهر فجاء ببالي اسدحه هوون يمكن تفيدوني ياطويلين العمر انا شاب عمري 20 ـ 21 سنه والحمدلله باقيلي ايام بسيطه واخلص الكليه مع العلم انه تخصصي حاسب آلي ـ برمجيات مالكم بطوالها بقولكم موضوعي : كان فيه بنت براسي وناوي اخطبها هالبنت تصيرلي بنت خالي وقبل اخطبها كان دايما خالي لاشافني قال هلا بزوج بنتي المهم راحت الوالده وطلبت يدها لي وبعد اسبوعين جاء الرد بعدم الموافقه بحجة انه البنت تبي تكمل دراستها وماتفكر بالزواج مع انه امها وخالي تمسكو بهالخطوبه لابعد درجه وقالولي اصبر بنقنعها مانبي نخسرك وقلتلهم خلاص النفس ماعاد تبيها بعد مارفضتني . المهم بعد فتره تقريبا 3 اسابيع قالتلي الوالده فلانه حلوه وفيها وفيها واخلاق وادب قلتلها خلاص اخطبيها لي ونفس الشي بعد ايام ردو بعدم الموافقه وانه البنت بتكمل دراسه . مع انه امها واخوانها قالولي لاتتسرع نبي نقنعها ولانبي نخسرك تقريبا نفس سالفة الاوله ابي اعرف ياجماعة الخير وش صار ببنات هاليومين كلهم يبون يكملون دراسه ...؟ وانا خلاص بديت اشيل فكرة الزواج من راسي كرهت سالفة خطوبه مع انه الوالده مصره علي وتبي فلانه وفلانه ونا رافض ابي نصايحكم ياجماعه اش اسوي كيف اتخلص من قهر هالخطبتين ...؟ وآسف على الاطاله وشكرا تحياتي |
لاتضايق ولاشي ماتدري وين الخير يمكن مالك خير في الاولى ولا الثانيه وبعدين اذا البنت تبي تكمل دراستها قول لاهلها ان عندك استعداد تخليها تكمل حتى بعد الزواج ولاتعقد ولاشي غيرك يدخلون 10 بيوت ولايصير نصيب
الله يسهل امرك ويرزقك بالزوجه الصالحه |
اخي الكريم
الزواج قسمه ونصيب ولن تأخذ غير نصيبك بالدنيا مهما طال الوقت لكن ما شدني للدخول هنا هو الاسم الذي اخترته لنفسك ! يعني بدل ما تختار اسم يعبد الله سبحانه ويحمده تختار ان تكون ابليس زات نفسه ؟؟ راجع نفسك جيدا .. وراجع مبادئك بالحياة فالاسم الذي اخترته يعكس الكثير عن شخصيتك الله يهديك ويصلحك |
اخوي بغض النضر عن اسمك
انااعرف واحد وماناقصه شي تقدم لثمان عائلات وتم رفضه وصدقني شيء طبيعي وبالاخر تزوج من كان سيندم لو لم يتزوجها الزواج قسمه ونصيب قسمه ونصيب والمشوار لسى قدامك انامابغى احبطك بس لازم تعرف ان اي شي يبغاله صبر وطولة بال اسال الله ان يوفقك الى كل مافيه خير في دينك ودنياك واخرتك |
عااااااااااااااادي خيوو
المفروض ماتتاثر ابد لانه شي عااااااااادي غيرك يتعب كثيييير على مايلقى مو لانه فيه شييي بس النصيييييب انا اخوي بنفس عمرك خطبنا له ووافقو بس سبحان الله قبل لايطلب انه يشوفها غير راييه وقال انا مابعد اتوظف شلون اخطب هههه تووه ينتبه وجااااااه وسواس عالبنت ككيف انه بيقهرها ويكسر بخاطرهااا بس ماقدر يكمممممل واعتذر لهم هذا بنت مقالت شييي مع انه تصرف اخوي غلط في غلط انت ولد عاااااادي |
يا جماعه انا ما اشوف ان لقبه فيه شئ اهو يقصد ان مكان ابليس النار وما قال غير االا شي حقيقي يعني ابليس وين مكانه مب النار اهو يقصد ان ابليس والي يتبعه يكون مكانه النار بلعكس لقبه حلو ... واما موضوعك اخوي ف لازم تصبر لا تستعجل اخوي بعدك ف اول الطريق وعادي اذا الاولى والثانيه ما وافقن ما معناته انك خلاص ما بيكون لك نصيب لا ف بعد الثالثه والرابعه والخامسه و و و واجد بنات ف الدنيا الله يوفقك اخوي وان شاء الله نسمع قريب انك خطبت ووافقوا عليك وعايش احلى حياة مع خطيبتك امين يا رب العالمين |
اقتباس:
شكل الأدارة غيرت اسمه اول ما سخل وكتب الموضوع كان مسمي نفسه "ابليس بحد زاتو" اما الأخ صاحب المشكلة كله نصيب مثل ما قالو الاخوان ومهما صار ما بتاخذ الا اللي الله كاتبها لكز حط في بالك رفضهم لك خير لك. الله يوفقك ويرزقك الزوجة الصالحة اللي تتوالف وياها |
اصبر قليلا فلعل زوجتك ونصيبك لم تصل إليها بعد
وإياك من وساوس الشيطان.. بحيث تمسح فكرة الزواج من راسك الحين مدام عندك القدرة ... ابحث وابحث... فإن أغلق باب في وجهك ستفتح لك أبواب أخرى واخيراً همسة في أذنك (اظفر بذات الدين تربت يداك) |
هذه صدفة
((وعسى أن تكرهوا شيئا وهو خير لكم)) ومن وجهة نظري الدراسة مهمة جدا جدا للفتاة في عصرنا إذا كانت حسب الضوابط الشرعية لكن بشرط ان تكون دراسة تفتح العقل وليس فقط تلقين وتضييع وقت |
اقتباس:
;) هداك الله يا أخي .. حتى الدراسة مستكثرها على البنت؟!!!! يعني هي ستظل تدرس العمر كله؟؟ .. كلها سنوات قليلة وتتفرغ لك ... فلماذا الاستنكار والاعتراض؟!!!! طيب .. هل عرضت أنت أن تتيح لها استكمال دراستها؟؟ .. فبعضهن يؤجلن الزواج لأن بعض الرجال هداهم الله يرفض السماح لها بإكمال دراستها. ثم.. هل أنت مستعد للزواج أصلاً؟ تقول إنك ستتخرج في الكلية قريباً .. يعني أنت تريد أن ترتبط ببنت الناس قبل أن تحصل على وظيفة؟!!! |
عااااادي لا تتاثر ولا حتى تفكر في الي راح جرب واخطب مره ثانيه وخلك واثق من نفسك وان شاء الله بتلاقي بنت الحلال الي تسعدك
|
طيب ياأخي أخطب وحد ة مكملة دراستها أو ماخذة الثانوي وجالسة بالبيت
بعدين توك صغير على الأرتباط لو في وحدة من اللي خطبتهم داخلة مزاجك مافي مانع تنتظر كم بتنتظر 2أو3 مدة كافية لكي تكمل البنت دراستها وكمان أنت تكمل وتتوظف وتكون نفسك موفق |
الله يعطيكم الف عافيه جميعا وجعله الله بموازين حسناتكم فيه شغله حاب اقولها للاداره ..................... الرسائل الإدارية تكتب في قسم مراسلة الإدارة وليس في المواضيع http://www.66n.com/forums/forumdisplay.php?f=29 .. بجاوب على بعض الاسئلة اللتي وردت بالردود السابقه ياجماعة الخير انا مو معارض انها تكمل بالعكس شي حلو انها تكمل دراستها بس ماوافقو لانه ماتبي تتزوج وهي تدرس وماتبي تشغل نفسها بامور الزواج وهي تدرس << الله من العلم الزايد :) وفيه اخت تقول انه انت جاهز للزواج اصلا ..؟ ايه ياخيه جاهز وفل اوبشن بعد بيت وموجود ووظيفة وموجوده بس تاركها موقتا لانه اخر ترم وبرجع لها بعد ما اخلص وواحد من الاخوان يقول توك صغير على الارتباط ..؟ طيب ياخي مافكرت ارتبط الا انه معاد اقدر اصبر ابي ارتاح ابي افتك من هالعزوبيه تحياتي جميعا |
اخي الحبيب
الحرية الشخصية لا تعني ان تضع اسم لا يرضاه المسلم أيضا خليك مكاننا لو راينا أسمك القديم الذي غيرته الإدارة (مشكورة) هل يعكس أننا نتكلم مع رجل ناضج يبحث عن الزواج أم مع مراهق يلعب أو على الأقل شخص بلا إلتزام ولا دين يخاف أي مسلم أن يزوجه أبنته أرجو أن تكون فهمت قصد الإدارة والرسول عليه الصلاة والسلام كان يغير الأسماء القبيحة أو التي تشير إلى أشياء غير مرغوبة و يبدلها بأسماء حسنة |
الدراسة من ضروريات للحياة وكل زوج يتمنى تكون زوجته منهية دراستها الجامعية وايضا مثقفة لكي تتكيف معه وتربي ابناءه التربية الصحيحة
ورزقك في زوجة لم يحن وهذا مقدر ومكتوب لذلك ابحث من جديد ولا تيأس عند طرق باب او بابين بل اطرق ابواب حتى توفق واحرص على الدين فهو الأساس |
أنـا مـع نصـائـح الأخـوة إنـك تـبـحـث عن فتاة أخـرى... والله يـوفـقـك... لـكـن بالـفـعـل هـنـاك تساؤل هـل الزواج بيـعـيـق دراسـة البنـت،،،؟؟ على الأقـل البنت تـضـع من شروطـهـا إكمـال دراستها الجامعـيـة، ومن عـارض فليس من نصيبها وستجد غيره بإذن الله... لـكـن أستـغـرب من بـنـات هـالزمن أنـها تتقمـص دور الرجـل لاشعـوريـاً ، وكـأنـها هـي من ستجـمع المـهـر وستكـون البيـت وعليها ما عـلى الشاب وبـعـدها يجيها العـريـس...!!!! فـالمـفـتـرض أنـه متـى ما تقـدم لـها الكفؤ في دينه وخلقه ومقتدر ماليـاً...تفكـر فيه جديـاً وتـعـطـي الأمر جدية وتـشتـرط عليه إكمال الدراسـة....!!! عزوبي:22: بس:d رجل:30: |
لاتياس ياخوي
اللي خلقهم خلق غيرهم وبعدين الخطبه قد تمتد سنوات ووانت تخطب وناس احيانا يرفضون بس خل صدرك رحب واعرف ان في كل تاخيره خيره الله يوفقك ويسمح امرك ياخوي |
من باب الواقع بأحكي عن تجربتي ..
أنا كنت أدرس و تقدم أكثر من شخص ، لكن ما كانوا كفؤ الصراحة ،، و كانوا أهلي موافقين و كنت استخير و أرفض بحجة الدراسة و الحمد لله ما ندمت حالتهم المادية كانت فوق المتوسط ، يعني عوائل ثرية لكن كنت أبحث عن الدين + الخلق و الحمد لله ما ندمت ، لإنه واحد منهم سمعنا بعدين إنه ماله مو مال حلال و انسجن بتهمة و كذا و الثاني كمان زوجته تعيسة معاه و زي كذا و تزوجت أنا و الحمد لله عن قناعة ( صح واجهتني مشاكل في بداية حياتي الزوجية ، و شئ طبيعي في أي حياة زوجية ) لكن يكفي إنه زوجي يخاف الله و بنتعلم من أغلاطنا ، و بأكمل دراستي ألحين و زوجي يشجعني ------------------------------------------------------ و وحدة أعرفها ، زميلتي المقربة مني كانوا يتقدموا لها ناس و ترفض بحجة الدراسة ، لإنها تبغى شخص ( طبيب يكون ) مو أي وظيفة و كنت أقول لها ، إذا واحد أخلاق و دين لا ترفضيه و ما تقتنع بكلامي المهم ، تزوجت و الحمد لله بعد ما تخرجت ،، لكن ماهي مبسوطة في حياتها و حالة زوجها المادية و وظيفته بسيطة جدا بس هي كانت ترفض بحجة إنه مو دكتور ،، --------------------------------------------------- فالزبدة : إنه ممكن الوحدة ترفض بحجة الدراسةة ، لكن الحقيقة شئ تاني .. يا تبغى خلق و دين ، زي ما كنت أفكر يا تبغى منصب و مال و وظيفة ، زي ما زميلتي كانت تفكر في الأخير ، هو نصيب مو شرط العريس تكون فيه عيوب ، لكن لو تم الموضوع ما كنا اتفقنا و نفس الشئ أخوي يوم كنا نتقدم و نخطب له ، اللي ترفض بحجة و اللي ترفض بحج تانية و الحمد لله تزوج أخوي من زوجة رائعة و تتفق معاه ،، و وحدة من اللي تقدم لهم أخوي تزوجت واحد مطلع عيونها و تعرفت بالصدفة على أهلها ، و يقولوا ليتهم قبلوا في أخوي لإنهم شايفين زوجة أخوي مبسوطة بس هم كانوا يبحثوا عن ( الفلوس ) ، و أخوي الحمد لله حالته المادية ممتازة بس يبغوا ( الثراء ) و لقيوا اللي يبغوه ، لكن بنتهم متبهدلة مع زوجها ---------------------- يعني مو شرط يكون فيك عيب ،، لكن النصيب لسى ما جاء |
اقتباس:
اسمح لي أخي عزوبي.. لعلك تدرك أن بعض الرجال لا يلتزمون بمثل هذه الشروط .. إن لم يكن بشكل صريح فقد يكون بشكل ملتوٍ وغير مباشر. أختي قررت إكمال تعليمها .. وأبدى زوجها ـ طليقها حالياً ـ موافقته وتأييده .. ولكن تصرفاته كانت عكس ذلك تماماً ... فكان لا يحلو له أن يطلب شيء .. أي شيء .. إلا عندما تمسك كتاباً لتذاكر!! هذا غير التعليقات المحبطة!! ثم.. الزواج مسؤولية .. والدراسة كذلك مسؤولية .. وهناك من لا تستطيع الجمع بينهما بشكل جيد .. خاصةً إن كانت ترغب في التفوق وليس مجرد النجاح (عاد لا يحد يقول مب لازم تتفوق) وفي كل الأحوال الدراسة في النهاية هي فترة محددة لها وقت وتنتهي ... فلماذا لا يحاول الرجل أن يكون متفهماً قليلاً. عودةً لصاحب الموضوع .. أنا لا أستنكر عليه رغبته وتعجله في الزواج .. وما دام مستعداً كما يقول فبالبركة والله يوفقه .. ولكنني لا أريده أن يسخط على البنتين اللتين رفضتاه لمجرد أنهما رغبتا في أمرٍ من حقهما. |
اقتباس:
طيب ياعسل حتى تكملة الدراسة حرية شخصية ليش زعلان :25: |
اقتباس:
ثـم الأن كثير من الشباب اخواتهم يدرسن أو درسن بالجـامـعـة وبعضهن متزوجـات.... فليس غـريـب عليهـم مثل ذلك .....!!! عزوبي:22: بس:d رجل:30: |
اقتباس:
|
اقتباس:
أنا تحدثت عن الشروط الشفهية .. لأن بعض البنات يخجلن من كتابة شروطهن في العقد. ولكن إن رأت البنت أن تشترط إكمال دراستها في العقد .. فلها ذلك .. لأن بعض الرجال كلامهم غير مضمون. |
لا تعب نفسك وتعقد نفسيتك راح تتعب
|
مرتين و طفشت من الزواج؟؟
يا الحبيب أنا ما أعرف أحد تزوج بعد أقل من ثلاث أربع خطوبات عالأقل :d كمان محاولتين أو ثلاث بعدين اطفش على كيفك, وقتها حتكون خلاص صار عندك مناعة أصلا ومارح تضايق من الرفض :22: |
خيره من الله ان صرفهم عنك .. لاتشك في ذلك ابدا
|
| الساعة الآن 03:53 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©