|
زوجي يتحكم بلبسي (( حُلت ولله الحمد ))
السلام عليكم حياكم الله ابي نصيحه الله يخليكم وشلووون ارضى بالواااقع
انا كنت انسانه البس اللبس اللي يعجبني بس اهم شي يكون ساتر الحمد لله ومن ضمن اللي احب البسه البنطلون لاني البس معاه بلايز طويله اقصر شي البسه نص الفخذ وبصراحه اغلب بلايزي تصل الى اطول من نص الفخذ بشوي زوجي يرررررررررفض وكم مره تهاوشنا ومايفيد انا ادري بتقولون احمدي ربك عندك زوج يخاف عليك ووو لااااااا اللي ابيه تقولون لي وشلون اتقبل الواقع احس لبسي مب حرام بديت اشك بنفسي بصراحه احس النوعيه هذي من الملابس تليق لي بالمره فأيش الحل صرت اكره اروح للعزايم عشاني عارفه انه بيشوف لبسي وبيرفض وانا بصراحه عناااديه ومابي احد يتحكم في لبسي خصوصا اني اشوفه مب عاري ولاساخر وشكرا |
انتي قلتيها عناديه
بطلي عناد ترتاحين واستغليها فرصه وروحي اشتري لك كم قطعه جديده وغاليه ومحترمه وشيك على ذوقه هو خليكي ايجابيه في تفكيرك وانتي الكسبانه |
يابنت الحلال توني داخله السوق وشريت بلايز طويله وبناطيل والحمدلله انا تفكيري ايجابي خلاص لبسي مب حرام ليش يعااند يعني
:25: |
|
ياااااااارب الاااقي حلول تعجبني ولاتصيرون بصف الرجل دايم خلوكم مع الحق لو سمحتوا
|
أختي ،، زوجك لأنه يغار عليك و يخاف ربه فيك ويبيك تطلعين بأحسن صوره واللي يفضلهآ هو يطلب منك لبس الشي السآتر وهذا دليل على محبته القوية لك الله يخليكم لبعض "
لآتكسرين كلمته ولآتخلينه أبدآ ياخذ فكره مو كويسه عنك قولي له (حآضر ، من عيوني ، أبشر مالك إلآ اللي يرضيك ) وتكبرين بعينه لآنك مآكسرتي كلمته وخلي عنك العنآد مايفيدك بشي الحين تعاندين وتسوين اللي برآسك وباكر بتتحسفين على روحك ...! الله يكتب اللي فيه الخير |
البرنسيسه شكرا حبيبتي بس اللي اشوفه لبسي مو حرام وبعدين لو انه يحبني كان خلاني على راحتي باللبس انا ماراح البس الا اللي يرضي ربي
|
هههههه طيب ليش انتي معصبه هدي نفسك اشووي سؤاااااااااااال كيف لبس اخوات زوجك |
وعليكم السلام ورحمة الله وبركاته يااختي والله أعرف زوجة كان زوجها مانعها من ملابس معينة لدرجة حتى فتحت التنورة الطويلة من الخلف يمنعها وطاعته وصبرت حتى مل وتركها والأن تلبس كل اللي تبغاه حتى العريان:25: زوجك يبغى يستفرد عضلاته ويحس انه ملك في مملكته ويبغى يستخدم صلاحياته فاشبعي غروره واطيعيه لين يمل ويتركك وبعدين عندك السوق فيه لبس طويل وأنيق ومودرن وحركات رائعة ولاتنسي يااختي قال عليه افضل الصلاة والسلام ( لو كنت آمرا أحدا أن يسجد لأحد لأمرت المرأة أن تسجد لزوجها). اخرجه الترمذي وقال رسول الله صلى الله عليه وسلم: "إذا صلت المرأة خمسها وصامت شهرها وحفظت فرجها وأطاعت زوجها دخلت من أي أبواب الجنة شاءت" وفي رواية قيل لها: "أدخلي الجنة من أي أبواب الجنة شئت". وعن حصين بن محصن قال: حدثتني عمتي قالت: أتيت النبي صلى الله عليه وسلم في بعض حاجة. فقال: "أي هذه، أذات بعل أنت؟" قالت: نعم. قال: "كيف أنت له؟" قالت: ما آلوه إلا ما عجزت عنه. قال: "فأين أنت منه، فإنما هو جنتك ونارك" رواه مالك والحاكم وغيرهما همسة أخيرة: بالعناد ستهدمين بيتك ولن تكسبي شيئاً وسيزداد عنادا تعلمي فن معاملة الزوج واجذبيه لكِ بحسن تبعلك وطاعتك عندها سيكون لكِ كما تتمني بإذن الله. |
انا كنت مثلج
كنت البس عباية كتف وزوجي كان يمنعني بالتدريج - اسلوبه كان جدا محترم- وقصبني ان البس عباية الراس وانا ما اعرف اشلون اتحرك فيها حسيت ان العناد ما راح يفيد قلت امري لله بس كنت دايمة اتمر من العباية خصوصا اذا عرقلت حركتي بس صدقيني العناد ماراح يفيد جم شهر لين يمل ويخليج تلبسين اللي انتي تبينه واكثر |
اختي انت بتقصدي لبسك هادا خارج المنزل في الشارع ولا امام النساء فقط؟
ازا بتقولي مو حرام البنطلون في الشارع و بلايز لنص الركبة ومش حرام مشكلة |
هو ماذا طلب منك؟ هل منعك من البنطلون نهائيا ؟ أم ماذا ؟؟
|
هههههه طيب ليش انتي معصبه هدي نفسك اشووي
سؤاااااااااااال كيف لبس اخوات زوجك اختي دنيا الوفا بصراحه مب شي يعصب مشكلتي مثل ماقلت الله يهديني عناديه فقط بالامور اللي احس انها لامشكله فيها |
وعليكم السلام ورحمة الله وبركاته
يااختي والله أعرف زوجة كان زوجها مانعها من ملابس معينة لدرجة حتى فتحت التنورة الطويلة من الخلف يمنعها وطاعته وصبرت حتى مل وتركها والأن تلبس كل اللي تبغاه حتى العريان زوجك يبغى يستفرد عضلاته ويحس انه ملك في مملكته ويبغى يستخدم صلاحياته فاشبعي غروره واطيعيه لين يمل ويتركك وبعدين عندك السوق فيه لبس طويل وأنيق ومودرن وحركات رائعة ولاتنسي يااختي قال عليه افضل الصلاة والسلام ( لو كنت آمرا أحدا أن يسجد لأحد لأمرت المرأة أن تسجد لزوجها). اخرجه الترمذي وقال رسول الله صلى الله عليه وسلم: "إذا صلت المرأة خمسها وصامت شهرها وحفظت فرجها وأطاعت زوجها دخلت من أي أبواب الجنة شاءت" وفي رواية قيل لها: "أدخلي الجنة من أي أبواب الجنة شئت". وعن حصين بن محصن قال: حدثتني عمتي قالت: أتيت النبي صلى الله عليه وسلم في بعض حاجة. فقال: "أي هذه، أذات بعل أنت؟" قالت: نعم. قال: "كيف أنت له؟" قالت: ما آلوه إلا ما عجزت عنه. قال: "فأين أنت منه، فإنما هو جنتك ونارك" رواه مالك والحاكم وغيرهما همسة أخيرة: بالعناد ستهدمين بيتك ولن تكسبي شيئاً وسيزداد عنادا تعلمي فن معاملة الزوج واجذبيه لكِ بحسن تبعلك وطاعتك عندها سيكون لكِ كما تتمني بإذن الله. ياااااااااحبيلك والله شكرا على النصاايح الحلوه وبأذن الله ربي يهديني واترك العناد ادعي لي |
انا كنت مثلج
كنت البس عباية كتف وزوجي كان يمنعني بالتدريج - اسلوبه كان جدا محترم- وقصبني ان البس عباية الراس وانا ما اعرف اشلون اتحرك فيها حسيت ان العناد ما راح يفيد قلت امري لله بس كنت دايمة اتمر من العباية خصوصا اذا عرقلت حركتي بس صدقيني العناد ماراح يفيد جم شهر لين يمل ويخليج تلبسين اللي انتي تبينه واكثر شكرا اختس جزاك الله خير ويارب تهديني وتهديه بعد |
اختي انت بتقصدي لبسك هادا خارج المنزل في الشارع ولا امام النساء فقط؟
ازا بتقولي مو حرام البنطلون في الشارع و بلايز لنص الركبة ومش حرام مشكلة لالالا اعوذ بالله انا اقصد امام النساء فقططططططططط اصلا ولله الحمد انا البس عباية راس ومستحيل البس حتى الكتف وحتى لو طلب مني |
هو ماذا طلب منك؟ هل منعك من البنطلون نهائيا ؟ أم ماذا ؟؟
هلا اختي زوجي يمنعني من لبس البلايز اللي فوق الركبه بقليل مع البنطال |
تدرووووووووووووووون الحل انكم تدعون لي وله بترك العناد اللي مايودي الا للمشاكل ولا ياكثر مانتعاند على اشياء تافهه الله يقلع الشيطان بس ومشكلتي الاشياء اللي مب حرام ماودي يمنعني عنها ليش فرد العضلات على اشياء جائزه ومثل ماقلت لكم حمدلله انا اخاف ربي ومتحجبه بالكامل وشكرا لكل من تفاعل معي ونصحني الله يجعله بميزان حسناته
|
اقتباس:
و اصبري عليه ما ممكن تعانديه لأن الرجل لما يصر على أمور تتعلق بالغيرة و هو مقتنع لا يمكن تتغير قناعته |
اذا قصدك ع الاشياء الحلال ليه يمنعك منها فاللائحه تطول بتصرفاتهم هذي
واقري المواضيع اللي في قسم المتزوجين والله بيصيدك من دنياك العجب فلا تعاندينه علشان الملابس لأنه بيطلع لك بشغلات كثيره وانتي بتعاندين فيها وبيشوفك نكديه ولا تزعلين مني بقول شي وجزاي عند ربي حتى من نبرتك في كتابتك هنا واضح انك حاده جدا وما تحبين تسمعين الا اللي تبين ولو انك اعترفتي بخطأك في الاخير .. والرجل مايحب اللي كذا ولا يتحملها .. فإنتبهي على نفسك |
ماريا ومشكلتي اصدق شكرا لكم وبأذن الله اتغير للافضل ادعو لي وانا ماحب احد يتحكم فيني عشان كذا معنده وانا جديده على الزواج وان شاء الله اتعود على الوضع
|
يختي زوجك وله الحق أنه يمنعك من الشي اللي يشوفه غلط
بعدين بناطيل تلبسينها في الطلعات والعزايم وتقولين لبسك ساتر !! شيلي من راسك فكرة العناد ولاتخسرين زوجك |
يختي زوجك وله الحق أنه يمنعك من الشي اللي يشوفه غلط
بعدين بناطيل تلبسينها في الطلعات والعزايم وتقولين لبسك ساتر !! شيلي من راسك فكرة العناد ولاتخسرين زوجك المهمومه الله يفرج همك والمسلمين شكرا اختي ولاتنسيني يالغلا من دعاك |
ما طلبه زوجك من حقه وماتحبين من لبس البسيه امامه ولكن دون الخروج به وتأكدي رضاء الزوج سبب لدخول الجنة
واصبري فسوف تتعودين على ذالك |
السلام عليكم ،،
فما تعوت عليه في بيتكم ليس هو الوضع في بيت زوجك .. فبارك الله في هذا الزوج الذي يغار عليك .. ولعله صادق .. فلا نستطيع الحكم على مشكله أصلا ليست مشكله ... فما يراه زوجك غير منا سب هو رأيه و هو الأدرى منا بذلك فهو من يراك و يرى لبسك .. لذا نصيحه اطيعي زوجك .. وانسي دلال والديك .. وانسي كل شيء في بيتكم ،، فبيت الزوجيه مختلف .. ونعم .. لماذا تلبسين البنطال ؟؟ وتقولين ساتر .. :: قد هالتنا التقليعات الجديده وملابس الموضه حتى اجبرت الكثيرين على لبس بنياتهم للقصير و نحوه .. ومع ذاك فلا اعذرهم أبدا ... لا بد لك اختي ان تستري نفسك .. وسترها بالجلباب الواسع الفضفاض و العباءه التي على الرأس و واسعه .. وأن تتفرقي بين لبسك عند زوجك ولبسك عند الخروج من المنزل .. فليس من المعقول بنطلون و زياره عائليه ...!!!!! البسي ما يناسبك و يناسب كونك زوجه .. فلا أيد لبس البنطال بالبته خارج المنزل ... وقد ابتليت الاسواق الان ببعض من تلبس العباءه على الكتف ومفتوحه من الوسط و البنطال ظاهر و قد يكون من انوع ضيقه و قصيره ونحوها .... فهل ياترى هذا حال بعض بنات المسلمين ؟؟ أيته الاخت الفاضله كوني قدوه صالحه و لا تكوني عكس ذلك ! وفقك الله للخير .. |
سحابة صحراء شكرا لك
اخي السيف المهند يعلم الله ان عبايتي فوق راسي وساتره وليست مخصره ولا افكر البته بلبس الكتف ومانراه بالاسواق فعلا شي يدمي القلب حمانا الله وعموما انا البس البنطال عند النساء ومعاه بلوزه طويله بس من الردود الظاهر ان لبسي حرام وانا حاطه في بالي (الله يخزي الشيطان) انه حلاال فخلااااااااص لاعودة للبنطال ويااااااااااااارب اكون قد كلمتي واهم شي رضا ربي ثم زوجي وادعوووولي بالثبات ويارب تكون نصايحكم لي بميزان حسناتكم اقسم بالله اني كرهت البنطلون |
اقتباس:
شخصياً لا أرفض لبس البنطلون .. وأرى أنه بشكل معين يصلح أن يندرج تحت بند اللباس الشرعي الساتر .. ولا أرى بأساً في ارتدائه عند النساء. ولكن أنتِ تريدين الحق ... والحق يا عزيزتي أن تطيعي زوجكِ. نعم لبسكِ ليس حرام .. ولكنه ليس فرضاً حتى تعاندي وتجادلي. نعم قد يكون زوجكِ يفرد عضلاته عليكِ ليرى مقدار طاعتكِ له .. وبدلاً من العناد لماذا لا تفحمينه أنتِ وتطعينه وتنهي المسألة .. فحتى لو خسرتِ لبساً تحبينه فستكونين كسبتِ رضا ربكِ الذي أطعتِ زوجكِ فيه. والا يعني لازم انتي اللي تكونين منتصرة؟ لا أقول إنني أؤيد الرجل المتسلط .. ولكن هناك أمور بسيطة لا تستحق كل هذا التضخيم. يا عزيزتي الدنيا ما بتخرب إن لم تلبسي بنطلون .. وملابس النساء أشكال وألوان وستجدين فيها الجميل والأنيق ... فلا تحبكينها. ونصيحتي.. اتركي العناد على الأمور التافهة والبسيطة .. ولا تحولي علاقتكِ مع زوجكِ إلى حلبة منافسة وصراع وترفعي لافتة (مين اللي كلامه بيمشي فينا) .... فهذا معول من معاول هدم الحياة الزوجية ... فاحذري. |
اختي مهره جزاك الله خير يالغاليه وتوني شاريه بلايز للبناطيل وغاليات والحين بضطر اصرفهم عالعموم كلام سليم ميه ميه وانا حبيت ردك واقتنعت فيه مره انتي اول وحده تكونين بصفي ولاكن تنصحيني بطاعة زوجي وبأذن اتبع نصايحك الحلوه ياقمر وربي يخليلك عيالك وزوجك يالغاليه
|
حبيبتي اخذيه بدبلوماسيه
اي شي يطلبه قولي له من عيوني فديتك ماطلبت شي .. بس ممكن تقول شو السبب ؟ وحتى لو قال مزاجي قولي ان شاء الله وصدقيني بعد فتره ان طلبتي تلبسين هالملابس باذن منه راح يوافق والله اغلب الرجال اللي يمنعون زوجاتهم فالبدايه فقط ... |
اقتباس:
تصرفينهم يعني ترمينهم؟؟؟ لا طبعاً .. الله يهديج حرام الخسارة .. البسيهم عند زوجك. |
مو خسارة البسيها لزوجك في البيت
الله يعطيك الرضا والقناعه |
اقتباس:
أنا لا أحلل و لا أحرم فلست مفتيا بارك الله فيك ... ولا أعرف الحكم الشرعي و لكن بامكانك البحث بالفتاوي او سؤال من وثق دينه وعلمه من الفقهاء .. أما عن اللبس فأنا قلت لا أقبله عند النساء .. وذلك نظرا لأنني اختلف عنك بالمفاهيم و البيئه و المجتمع ! :: أما عن البلايز فلا تصرفيها بل البسيها عند زوجك واسعد بها ... وسيأتي يوم و تعرفين أن المهم ليس اللبس ... بل التنازل من أجل ان يسير المركب و لا تعصف به الرياح العاتيه ... وفقك الله ... |
حبيبتي اخذيه بدبلوماسيه
اي شي يطلبه قولي له من عيوني فديتك ماطلبت شي .. بس ممكن تقول شو السبب ؟ وحتى لو قال مزاجي قولي ان شاء الله وصدقيني بعد فتره ان طلبتي تلبسين هالملابس باذن منه راح يوافق والله اغلب الرجال اللي يمنعون زوجاتهم فالبدايه فقط ... اعجبني ردك موفقه اختي |
جزاكم الله خير انا قصدي بكلمة اصرفهم اي اعطيهم خواتي لأن ازواجهم ماشاء الله عادي عندهم يلبسون كيذا
|
طيب انتي البسيهم امام زوجك ..
وانا بالنسبه لي لااحبذ لبس البنطال للمرأه نهائيا ... وفقك الله ويسر امرك .. |
شكرا يارسوله المشكله ان البنطال احسه احلى علي من التنوره وانا احبها لان اذا طلعت وركبت سياره ونزلت يكون ساتر مايبين الرجول التنوره تطير ويطلع كل شي ماحبها عموما الله يعين
|
انتي قلتي توك حديثه الزواج وزوجك باقي يحب يفرض رايه حتى على لبسك انا نفس حالتك والى الحين لبس البنطلون برى البيت عيب عند زوجي والصراحه اقتنعت من مبداء لايصير لنا لاقدر الله شي بطريق حادث او غيره كيف بيكون موقفي قدام الله وخلقه انتي قلتي صار لبس البنطلون عندنا حرام موب حرام قدام النساء وخاصه مثل ماقلتي بلوزه طويله بس ازواجنا يشفونها عيب وخاصه اذا كان متربي مع عائله محافظه مايلبسون بناطيل قدام احد انا سالتك كيف لبس اخوات زوجك ومارديتي علي00 على اساس ان زوجك كان عايش معهم اتركي عنك العناد وصدقيني راح يخليك على كيفك بعدين تقبلي مروري |
اهلين دنيا الوفا اخوات زوجي عادي يلبسون احيانا خصوصا بالطلعات والعزايم بناطيل مع بلايز طويله وهو عارف هو يقول بلايزك انتي مو طويله مره ع العموم نصبر والله يهديني واترك البناطيل
|
اقتباس:
هههههههههه اصبري وتصبري يااختي توك في بداية المشوارر00 ههههههههههه انا صارلي 12 سنه وزوجي ماقتنع في لبسها برى البيت وماعتبرها شي مهم الصراحه0 الله يوفقك ويهديك |
الله يسعدك يارب هذه الزوجة العاقلة والا بلاش :22: ربي يزيدك من نعيمه
أنتِ رائعة بإقتناعك وتغيير نفسك واستفادتك من الآراء وهذا يدل على رجاحة عقلك وانك تبحثي عن الصح صدقيني فترة ويمل واشتري بلايز طويلة إذا كان موافق أما القصيرة لاتصرفيها لأحد خليها البسيها في البيت بدون بنطلون:25: ولاتنسي خذيها درس في الحياة التعامل مع الزوج يحتاج فن وذكاء ودبلوماسية لتكسبيه ويكون لك كما تحبي وليس بالعناد وأنت جديدة على الزواج ولاتعرفين التعامل مع الزوج لذا اقرأي مواضيع المنتدى لتستفيدي وإذا لاقدر الله احتجتي لمشورة ستجدي هنا الأعضاء حولك كعائلتك ينصحونك ويوجهونك مبرررروك انحلت المشكلة ونرجوا من المشرفين نسخها لساحة المشاكل المحلولة ألف مبرووووك:14: |
| الساعة الآن 09:00 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©