|
مشكلة صديقتي مع خطيبها
صباحكم ورد جميعااااااااااااا ماراح اطول عليكم بس حبيت تساعدون صديقتي الصدوقة اللي زي اختي ،،، هي مطلقة ومتطلبة بس تستاهل ربي يحفظها شخصيتها توب ومظهرها حلوووو ماتوفقت لأنها تبحث عن رجل مميز ترتاح له وتتفق معاه ،،، تقدم لها واحد ومع التعارف توافقت شخصياتهم ماشاءالله وتقولي وهي فرحانة هذاهوالشخص اللي انتظره ربي يتمم لي ،،،كنت فرحانة لها من كل قلبي لأنها طيووووبة حيل بس اليوم كلمتني وهي تبكي ..... تقول اكتشفت فيه صفة وماادري هل ممكن اعيش معها اوممكن اتجمل وبعدالزواج افشل في التعايش معها ،،، هي عاطفية بزيادة وتحب كل صباح تصبحه بتحية رقيقة وهوماشاءالله يرد بأجمل منها وكذلك المساء ،،، اليوم صبحت وماردعليها وارسلت تبي يطمنها مارد والمغرب ارسلت مارد وبعدالعشاء دقت ومارد،،، كانت خايفة عليه بس تفاجأت بالليل بعد مابلغته انها خايفه عليه ارسل لها انه كل اليوم مشغووول تقول صديقتي يوم قال مشغول انصدمت صدمة عمري وين اهتمامه فيني وين صباحاته الجميلة هل هومتعمد يطنشني ،،، كلمها بالليل وخبرها انه مشغول ولماقالت له احنا تعودنا نصبح على بعض ليه اليوم قال الجوال نسيته ((مخصص لها جوال))تضايقت وقالت له لوانا مثل ماتقول اهمك كان اخذت الجوال،،، المهم تقول قام يزيد ويعيد عن برنامجه وكيف مالقى فرصه ولماقالت له انا تفهمت بس لازم تعرف اني عاطفية ومااتحمل اسأل عنك وماالقى جواب مااتحمل تخليني جوال احتياط وممكن تنساه ،،، عصب عليها وتقول والله يا....ماتوقعت اسمع منه اللي سمعته قال لها انا بصراحة مااحب المحاصرة وانت كذا تحاصريني ((ماادري وش قصده هالرجال)) حاولت تفهمه انه الحب رعاية اهتمام وقلق وخوف وشوق بس اصر على رأيه وقال لها لابد كلنا نراجع حساباتنا...................... طلبت نصيحتي وبصراحة قدمت لها اللي ربي قدرني عليه وياليتكم تساعدونها بالاجابة على هالاسئلة... - هل كان فعلا يتصنع الرقة معها وانه عاطفي واليوم طلع على حقيقته ام ردة فعله طبيعية ؟؟ - هي ماتتحمل احد يطنشها اويهملها خاصة اذاهي تراعية وذوق معه فهل لابد تغير من اسلوبها وتتنازل قدام صفاته الحلوة والاصعب عليها مستقبلا؟؟ - هل كل الرجال كذا مايحبون تنتقديهم في الوجه والا ؟؟ هل موقف خطيبها عادي ولازم تتخطاه خاصة انه وجه لها كلمات قاسية(للامانة ماغلط بس تقول كلمات قاسية يذكرها انت سويتي كذا وكذا ويعدد لها مواقف شبيهة بمو قف اليوم ويقول هذي ظاهرة عندك وماتعجبني....؟؟؟ واشكركم سلفا لتكاتفكم واي نصيحة ممكن تساعد صديقتي الصدوقة لاتبخلون فيها ... |
ما أدري !!!
أنا أشوف أنها حساسة بزيااااااااااااااااااااادة.. يعني ماعذرت زوجها وهو يقولها مشغول!!!!!! وبعدين نسى .. الواحد حرام ينسى!!! إذا كانت بهذي الحساسية عمرها ماراح تلقى اللي تبيه.. واللي أشوفه أنه ماغلط ولا تصنع الرقة.. وبالنسبة لتقبل الإنتقاد .. سواء إمرأة ولا رجال محد يحب الإنتقاد بالوجه.. ولو أنها اكتفت بتبيان خوفها وقلقها عليه وفقدانها له كان أفضل.. |
هي فعلا حسااااسة
وعشان كذااستغربت منه هالتصرف مومعودها الا ع الرقة والذوق تسلمين يالطيبة |
بصراحه أحسها حساسه بزياده ومهما كان زوجها عاطفي بالنهايه بيمل وبيحس نفسه محاصرالرجال مايتحمل الأسلوب هذا ابداً ومهما كان يحبها بيمل من الأسلوب هذا وبيخليه يكرهها
نصيحه أذا كان الرجال كويس لاتخرب على نفسها وتبعد عنه شوي عشان يشتاقلها لكن أذا ظلت كذا راح يمل الزواج والرجال بشكل خاص ماتنفع معاه الحساسيه الزايده |
قولي لها يا حبيبتي غلط اللي تسويه
بيجي يوم هي تتعب وتتمنى انه ما يحاصرها هي بعد بطلباته قولي لها قبل لا تزعلين حطي نفسك مكانه ايه تحاصره .. كل ما اعتذر طلعت فيه حل احسن... وطلعته ما يعرف يحل الموضوع وغلطان انه نسي وانه مايقدرها وانه وانه وانه وبدل ما تفهم انها في جوال لحالها بشكل سلبي وانه جوال وينساه ليش ماتفهمها بشكل ايجابي انه من زود ماهو حابب يميزها خلاها بجوال لحالها فرق في المفهومين.. واللي بيدور ع الشقا ما بيروح بعيد لا يختي غلط .. هو بعد رجال .. يعني بعد تعمل حسابها هالاهتمام بيروح نصه بس تجيه البيت ويجي وقت الجد .. على قولة امي الزواج مهو طول الوقت حبحبه .. جمع كلمة حب يعني اصلا مع كثرة هالصباحات وانتظامها تصير روتين ممل وبتكرهها بعدين خليها تعيش كل يوم بيومه ... مره رومانسي ومره جد ومره تعبان ومره ينسى الله يصلح بالها لا تخرب على نفسها |
اقتباس:
صح لسانك حبيبتي اي والله لا تخرب على نفسها .. بصرااااااااااحه وبدون زعل .. صديقتك دلوووووووووووووووووعه .. واذا ما خلت عنها هالدلع من نفسها .. الدنيا راح تعلمها .. الله يهديها .. ت ح ي ا ت ي.. |
بصراحة انا مخالف للاراء مهما كانت هي حساسة لابد منه يراعي شعورها ولا يكذب عليها عشان مايتعود على الكذب وبالعكس وين الحرمة اللي بزمان هذا تسوي كذا لزوجها الى هو بالبداية كان طيب وبالاخر تبين اساسة انه غير رومنسي صحيح انه ما من احد لا ينسى او ينشغل ولاكن لاينشغل طوال هذا الوقت .
اعتقد والله اعلم انه طفش منها واذا هي ما مبعد ملكت عليه يحاولون يلقون لحل لمشكلتهم قبل لا يطيح الفاس بالراس . ودمتـم . |
أختي الفاضلة هي حساسة أكثر من اللازم ، والرجل بطبعه ما يحب يحس أنه ملاحظ دائماً وكأنه مراقب ، ولذلك لاتشيل في قلبها عليه ، ولتحاول أنها تكون قوية أكثر من كذا ، ولتجعل للرجل مساحة خاصة فيه لبعض الوقت ، وليس كل لحظة ترسل له أو تشغله و بعد فترة راح تتوازن العاطفة بينهم وتكون حياتهم أفضل بكثير هذه ليست عثرة حتى تكبر الموضوع ، لأن موضوعها بسيط ولكن لاتجعل العاطفة هي من تقودها ، ولكن لتجعل عقلها هو يحكم تصرفاتها ، و ما أحسن التلميح لو كان الموضوع بسيط ، أما لو كان الموضوع يتعلق بالحياة الزوجية ككل فالصراحة أفضل |
الله يجزاه الخير يوم انه صارحها بعيوبها وقالها ما يعجبني اللي تسويه :)
خل الحساسية عنها .. والحياة حلوة وما تستاهل الزعل وكل شي اذا زاد عن حده انقلب.. يعني عسل عسل عسل كل يوم تلوع الكبد ولا !؟ بعدين يا اختي.. المفروض تعرف انه الرجال ما يحب اللي ترمي نفسها عليه حتى لو كانت زوجته خليها تتدلع وتجرب غلاها .. مو لازم هي اللي تبادر دائما .. خليه يشتاق لها ... كذا هي فعلا خانقته وما خلته يتنفس والحين دامه صارحها فرصه لا عاد تتصل ولا ترسل مسجات له .. وخل تصبر شوي الين يروق ويشتاق كلهم كذا .. يشتاقون للي متعودين عليه :) انا زوجي يبين لي عدم اهتمامه باتصالاتي اليومية اذا كلمته (يلتهي بأي شي قدامه علشان يسكر بسرعة) .. ولما اقرر اوقف اتصالاتي .. يتصل علي : ها وينك اليوم هاملتني ؟ !!!! بالله هذه شسميها ؟ :) معليش تتحمل . والرجال دام مافيه عيوب كبيره لا تفرط فيه وتخلي حساسيتها تخرب حياتها |
المفروض تعرف انه الرجال ما يحب اللي ترمي نفسها عليه حتى لو كانت زوجته
خليها تتدلع وتجرب غلاها .. مو لازم هي اللي تبادر دائما .. خليه يشتاق لها ... كذا هي فعلا خانقته وما خلته يتنفس والحين دامه صارحها فرصه لا عاد تتصل ولا ترسل مسجات له .. وخل تصبر شوي الين يروق ويشتاق الاخت بكر الشايب كلامها صحيح وهالجزء بذات فيه الحل الجذري لمشكلتها خليها تثقل شوي وتسوي زعلانه ولا تكلمه ابد لين هو يكلمها ويشتاق لها ولا كيف بيشتاق لها اذا ماعطته فرصه وثقلت شوي ؟؟؟:29: وبعدين اذا دق لاترد وهي زعلانه لا تسوي نفسها طبيعيييييه وترد بكل حب هلا حبيبي :27: وكذا عشان مايحس انه محاصر وتصير حتا صباح الخير موطالعه من قلب بس تأديت واجب عشان يخلص منها .. خليها تقرأكتب عن تفكير الرجل والفرق بينه وبين تفكير المرأه عشان ماتنصدم بعدين وافضل كتاب الرجال من المريخ والنساء من الزهره .... ومعليش عندي سوال لقااافه\\\:d اش سبب طلاقها بس لايكون حساسيتها السبب :25: وبراحتك اذا ماتبين تردين:) |
الصراحة صعب تتعامل مع الحياة كذا فالدنيا لها ظروفها مو رومانسة
قد يكون مشغول وقديكون تعبان وقد يكون --وصعب تربطه معاها طواال الوقت وهي حساسه ورومانسية وعليها ان تعرف ان الرجال مايحبوا الي يتتبعونهم طواال الوقت ووضحي لها ان تحاول تكيف نفسها للظروف وكل شئ وله وقت وفقها الله وسخرهما لبعض |
السلام عليكم ...
لي اسئله .. 1- هل هذا الرجل خطبها رسمي ؟؟ 2 - هل تم العقد أم لا ؟؟ لأن إذا كانت الاجابه على السؤال الثاني بلا .. فكيف نحل مشكله لعلاقه ليست زواج ؟؟!! مهما اختلفت مفاهيم المجتمعات تبقى الثوابت الشرعيه راسخه على مر الزمن ومحفوظه في كتاب الله وسنه رسوله صلى الله عليه وسلم .. لذا أتمنى الاجابه على السؤالين السابقين حتى ننصحها بما يفيدها .. |
لازم صديقتك تفهم إن الحياة مش دايماً حب و رومانسية و أحاسيس رقيقة و صباحات و مساءات
أصلاً لو الحياة كلها هيك كان ملينا و مثل ما بيقولوا الخلافات هي ملح الحياة الزوجية يعني الزعل و الصلح بعد الزعل له طعم خاص و لذيذ مثل لذة الرومانسية بس لما تكون بوقتها و إذا صديقتك ناوية تترك هالرجل و تدور على غيره إلي يكون بيحمل متطلباتها فبشريها إنو ما رح تلاقيه لإنو هالشخصية موجودة بس بالمسلسلات التركية و مثل ما هي بيمر عليها أوقات بتكون بنفسية معكرة أو مزاجها مش ولا بد كمان هو بتمر عليه هيك أوقات و مافي إنسان كامل و مستحيل زوجة تلاقي كل الصفات إلي ببالها موجودة عند زوجها بس الزوجة الذكية هي إلي بتفتح عيونها على حسنات زوجها و بتغمضها عن سيئاته و بتحاول تسعد حالها مع كل الظروف حتى تصل إلى بر الأمان |
نقل للمقبلين على الزواااااج مكااانة الانسب ،،،،،
|
ههههه
تصدقين عآد عندي نفس المشكله مرهـ جآ يوم ولآ سأأل ولآ حتىآ رسسل زعلت وطنقرت وآنت مآتحبني آصلآآآ ومن هآلكلآم .. عآد حده تضآيق وقال انتي على كل شي تزعلين .. مصآرت > عصب يمه خخـ عآد خذت فكرهـ ( آنو جد مآيحبون الي كذا ويحسونهآ تطفش ونكديه ) وقسم تندمت حيل الحين لوو اموت مآبقول ليش وماليش لاني صرت احسه قام يسآل .. مو لآنه يبي لآنه خآيف اطنقر مرره ثانيه هههه خليهآ تخليه برآحته وبعدين هو قال لها انو مشغول المفروض تقدر ! |
اقتباس:
لا هي مومثل ماانت اعتقدتي ماهي مربوشة عليه لا بس تموت بالعواطف ،،،ولمايصبحها تحبه اكثر بس لماهي تصبحه ومايرد تتألم والظاهر كذا فعلا كل الرجال ماتنفع معهم الحساسية الزايدة تسلمين أختي لتجاوبك |
اقتباس:
اي والله اللي يدور ع الشقامابيروح بعيد وسلمي لي على أمك الغالية كلامها درر هي حست بغلطها بس كمان تحمله الغلط وانه ماراعى مشاعرها تسلمي عزيزتي لتعقيبك الجميل |
اقتباس:
الف شكر لنصحك وتعقيبك |
اقتباس:
هوماكذب عليها بس شكل ظروفه اجبرته ونسى اللي عودها عليه انا مااشوفها مشكلة هي مجرد تصادم طبائع فطبيعة الرجل تختلف كثييير عن طبيعة الأنثى وهذااللي احاول افهمها اياه،،، تشكر أخوي لنصحك وتجاوبك |
اقتباس:
بس تعتقد انه يتوجب عليها الاعتذار له والا تطنش الموقف وتتكلم معاه عادي؟؟ يهمني رأيك ،، الف شكر لنصحك الطيب |
اقتباس:
تسلمين لي طيوبة على هيك رد وخطيبها ماشاءالله على كلامها مافيه منه بس هي مارمت نفسها هواللي لومايسمع صوتها اويقرا ردلها ينجن بس هوهذاك اليوم اللي تخبلت بعقلها ووزتها رومانسيتها الزايدة تصبح عليه شكلها بتتوب بعدها،،،،، هذااللي حصل بعد ساعات بس راسلها وقال لها تصبحين على خير هي اعترفت انها غلطت بحقه بس ماتدري هل تعترف انها تعبانة لذلك والا عادي كأنها ماسوت شي هذا سؤالها الحين،،، موعشاني احبها امدحها بس هي ذوووووق وقلبها رائع وماتتحمل تخطي على حد سعدت جدا بتشريفك عزيزتي واكيد بردك |
اقتباس:
لا حبيبة قلبي ماله داعي تعترف وتعتذر خلاص .. بعض الاشياء مو حلو نخوض الحديث فيها ولكن تصرفاتنا تدل على فهمنا واعتذارنا هي دام تابت من اللي سوته ذاك اليوم ورجعت تراسله عادي خلاص هو بيفهم انه الرسالة وصلت وانها راضية (انا ضد ان تكون المرأة كتاب مفتوح كليا للرجل) خلي شوية غموض محبب علشان الطرف الآخر يظل يبحث عن ما يرضينا يعني تنسى الموضوع ولا تكبره خلاص |
اقتباس:
وكتاب الرجال من المريخ حلوفعلا واعطيتها اياه هدية علها تستفيد بس للعلم هي بعد المشكلة بيوم قالت لي انها خلاص موزعلانة لأنها ببساطة تعترف انها غلطت ولأنها تقدره كثيييير تسلمين حبوبة لنصحك وتجاوبك |
اقتباس:
هذا ماوعدت انها تسويه تتكيف مع طبيعته الرجالية جزاك الله خير لدعوتك سعدت بردك ونصحك |
اقتباس:
اجل للسؤال الأول والثاني وجزيت الجنـــــــــة لاهتمامك وتجاوبك |
اقتباس:
كلامك حكم اختي وفعلا مافيه منهوكامل الف شكر لإلك ولتشريفك |
اقتباس:
اكيد حنا نسميها حساسية وهم يسمونه نكد وتطفيش عالمهم مخالف لعالمنا بس الاهم نكتشف هالعالم ونعرف كيف ندخله بذكاء تسلمين حبوبة لردك ونصحك |
اقتباس:
الشكر لك مجددا ياغاليــــــــــة طيب لوهوفتح الموضوع معها كيف تتصرف؟؟ هل تصمت والا تقول انها راجعت نفسها وتعترف بغلطها والا كيف |
يا أختي
قوليلها ، دا إنتي لسى ما شفتيش حااااااااااااااااااااجة أذكر أول ما أتخطبت ، قالت لي زميلتي ، هذه بداية الصدمات :D ما أبغى أصدمها من دحين ، بس غريبة إنها عاشت مع رجال و ما عرفت لسى عن طبع الرجال ؟؟؟؟ ياختي قوليلها ، عاااااااااااااااااااااااااادي ،، حتتعودي .. داااااااااااااااااايما :D من جد لا أكذب عليها ، :D المهم ، خليها تقرأ الكتاب ( رجال من المريخ و نساء من الزهرة ) مكتوب فيها إنه الرجل زي المطاط ،، يبعد يبعد يبعد ،، و كل مابعد كل ما قرب منك أكثر لكن كل ما بعد و لحقيته ، راح يهرب منك فلا تلاحقه كثير ، خليها تعطيه مجال لنفسه |
اقتباس:
الله يعين يالغالية هي عاشت مع رجل ولكنها لازالت مثالية حالمة وياخوفي تتحطم وهي ماتستاهل الكتاب واعطيناها وياويلها لوبوزت تاني تسلمي لتعقيبك الجميل |
لا البنت حساسه وادا تبي تعيش لازم تتعايش مع هالوضع لانة ادا قمات تسوي كدا وانا مجربه راح يبتعد تدريجيا ومارح يحس بالحب هو الاخر خلها تقعد مع نفسها وتشوف هل صحيح اللي صار بس اتوقع المراه من طبيعتها نها هي ماتتغير وتحسب الرجال مايتغيرون حبيبتي الرجال لما يكون باول الخطوبة غير يوريك الحنان والحب والدلع لانة يخاف انة مايخسرك لانة شافك احسن وحده بس لما يتعود عليك ويحسك موجوده ومطمن انة انتي وياه وتحبينه وبتواصلين معاه الطريق يخلي الامور ريلاكس يعني عاديه ومافيها صباح الخير ومن هالكلام انا نصيحتي لها من تجربتي انة هي ماتوقف الرسايل وادا مارد عليها ترسل له الكلام اللي كانت بتقول له وصدقيني رح يرجع واتمنى اكون افدتكم وشكرا |
اقتباس:
الأفضل من وجهة نظري أنها تمرر الموضوع وكأن شيئاً لم يكن ، ولتعدل من حالها وتعاملها مع زوجها ، وبعد فترة راح يحس زوجها بتغيرها مما يجعله يستفسر إيش اللي يتغير؟ وهذا كله في صالحها تعامله بثقل وإحترام وما تكون حساسة زيادة أو تفسر تصرفاته وطريقة تعامله معها أنه غير راغب فيها أو يتهرب منها لتفهم طبيعة الرجل و راح تكون حياتها في سعادة وخير |
الأعزاء
سينيورة عبدالعزيز1425 جزاكم الله خيرا لإفادتكم ونصحكم |
ياقلبو عليها هي حساسه وبزياده بعد وانا كنت زييها بس صدقيني الرجال مو رومنسيين زيينا احنا نبي كلمه احبك تنقال كل شوي انا احيانا ارسله رساله اصبح عليه مايرد وصرت اسوي زيه مره ارسلي مارديت وبعدها كلمني مارديت اتصل الظهر مارديت اتصل المغرب رديت لازم امثل اني ثقيله شوي مع اني زي صديقتك ابيه يرسلس ويكلمني بس لما حسيته يقول مشغول وكذه ثقلت نفسي شوي وخليته يحس بغيابي وقام يدور علي هو ويعرف انه لو بعد انا كمان ببعد عرفتي خليها تهتم فيه بس ما تحاصره لانهم مايحبون اللي وراه وراه بشكل مزعج في موضوع عجبني بس مدري بهذا المنتدى او غيره عنوانه كوني كالفراشه ولاتكوني كالذبابه وان شالله فهمتيني
والله يوفقها بحياتها |
الرجل لايحتمل المحاصره خل تحط ف بالها هالشي
النساء عاطفيات بس الرجال لايهمهم من الزواج العاطفه فقط لااا يهتمون لكل النواجي ولكن نحن نرتبط رباط وثيق بالعاطفه وهذا الشي خطا ان زدنا فيه الامر جدا طبيعي والرجل لايعيبه شي خليها تثقل عليه شووووي خل يشتاق لهاااااا |
شكرا لكم
عسل الطائف al3ion وفعلا المحاصرة لايقبلها الرجال ،،الله يحنن قلوبهم على بنات حواء الله يجزاكم خير جميعااااااااا |
| الساعة الآن 12:36 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©