هل مصطلح راعي سفرات يعني ان الخاطب مش ولابد (تم الرفض..الرد 38)
 

السلام عليكم.. باختصار اشد من الشديد...!!
لما يتقدم للبنت واحد
ولما تبدأ رحله السؤال عن الخاطب!!
ومن ضمن ماقيل عن الخاطب..!!
زين لكنه راعي سفرات..!!
يعني شنو راعي سفرات هل بالضروره تعني انه شخص غير كفؤ!!!
يعني كل شاب يسافر ماهو زين!!!

اشرايكم؟؟؟

بصراحة في مجتمعنا ... الكلمة مو حلوووة ابدا

وتعني : راعي سفرات للحرام - عياذا بالله -

بس انتوا اسألوا ممكن يقصدون راعي سفر..يبالغ بهالشيء ممكن !! مع اني ما اظن ..

راعي سفريات معناها واضح ولكن رجل اعمال ويسافر لها معنى ويسافر مع اهله لها معنى

ولكن راعي سفريات الصراحة انا افهمها انه مو مضبوط

حلوة موضوعك يمكن راعي السفريات يستحي ولاعاد يسافر

عندنا بالكويت هالمصطلح غير محمود نهائيا

معقول كل واحد يسافر.. لازم يخربط!!
مادام جذي ... كل شبابنا .. مــولي!!!

صج عاد...!! هذا معناته .. حتى الدواوين والمجالس والاستراحات(مثل ماتسمونها) ..... ماتخلى من الفساد ولو كان صغير!!!
الله يهدي كل ضال!!

انا شاب وابقول الحقيقه

مهما كان الشخص منضبط قدام الناس ومسوي فيها عاقل

لكن يسافر فهو راعي خربطه لا محالة - انشدي واحد يعرف اخوياه زين -

يقولون سياحه - نشم هواء -- نغير جو - خرابيط شراب وبنات- والعياذ بالله

هذي نسبة شبابنا الي يسافر 99.9% هكذا

-الله يرحمنا برحمته

كلنا نفهمها شئ ثاني لان راعي السفريات يفعل اشياء محرمه وهو يحس انه كان مسجون في بلده ومحروم من الملذات وعند سفره يعوض ذالك وطبعا مستحيل احد يزوج راعي سفريات الا اذا قال انه تاب او لم يعلموا عن سفرياته وانغشوا فيه وراحت الضحية الزوجة وبدأت المشاكل لانه لا يقتنع بالزوجة التي تزوجها من كثر ماشاف وعاشر وقد يتتنتهي زواجه بالانفصال والدليل انتشار المشاكل بشكل كبير لدى راعي السفريات

الله يستر علينا ويهدي شبابنا

حبيتي نااني

في بعض الشباب - وخصوصا عندنا- قبل لا يتزوج تلقينه طايش وراعي سفرات ومخيمات وسمرات وسهرات بس معظمهم بعيد عن الحرام

بس من يتزوج تلقينه استقر وهد هالخرابيط

انتوا سالوا عنه اكثر

سالوا وين يسافر وين يروح

اي الدواوين اللي يقعد فيها

واذا كنتوا من الكويت ترى الكويت صغيرة بسرعة راح اتييكم الاخبار

سالوا امام المسيد اللي يم بيتهم

سالوا رئيسه بالدوام

والله يوفقج

وبالنسبة لرايي الشخصي اذا كان عمره 30 فما فوق صدقيني يبي الاستقرار و100% باذن الله راح يهد هالسفرات واعتبريها ماضي وانتهى

وبشرينا بالاخبار الطيبة

للاسف صار الي يسافر برى يشفونه انه راعي حركات وخرابيط عندنا في السعوديه للاسف كلهااااا عوايل00 المطاعم 00 المنتزهات00 والملاهي000 والشاليهات000واكثر الاسواق بعد

اختي قلم مبدع :d أقصد سحابه لو كان كلامك صحيح بنسبة 70% كان على الدنيا السلام

كان المحاكم الشرعية فاتحة وتداوم 24 ساعه بس تستقبل طلبات قضايا الطلاق :29:

وجهة نظر ..... تحياتي

اخي22 -ASA

المقصود في كلامي ان راعي السفريات يكون متفتح اكثر وشاف وعند زواجه يكون غير مقتنع بزوجته بدليل مقارنته بما رأى

وادخل الى قسم المتزوجين لترى العجب والعجاب هذه تشتكي من سفر زوجها واخرى من مشاهدة زوجها للافلام الخليعة وتلك من سوء سلوكه وخيانتة لها وتلك وتلك واغلبها من آثار السفر للخارج من غير سبب

وانا لا اعمم كل من سافر بل شباب سافروا للدراسة وواظبوا على دينهم وشباب ذهبوا مع عائلتهم ولكن عندما يذهب شباب للسياحة وهو غير منضبط في دينه من حقنا نشك في سلوكه

وفعلا انتشار الطلاق بصورة كبيرة عما سبق ولكن لماذا تدافع عن الشاب راعي السفريات ؟

اختي انا صاحب سفريات لكن يعلم الله لم اقرب للحرااام وسفراتي لم تكن للحرام ، لان الشئ هذا معصيه لله عز وجل، وثانياً انو لذة ساعه ممكن تكلفني عمري كله فأنا اسافر لسياحه وتغيير الجو والتعرف على الأماكن الحلوه فقط لاغير ، مع انو الحراام يكون متهيأ لي وبدرجه كبيره الا اني ولله الحمد والمنه لم اقربه ولا ابغاه ولا ابغى الا الحلال وانا متأكد انو مافي الذ من الحلال ، فلذالك مو شرط انو صاحب سفرات يعني انو راعي خرابيط . حبيت ادلو بدلوي لعي افيدك.

لا لااسمحلي اخوي كلامك غلط مين يقول هل انت تحكم على الناس وهل سويت مسح واستطلاع رأي وشفت انو النسبه 99.99 .
حرام علك وربي ظلمت ناس كثير ما تحب الكلام هذا ايش شراب وبنات ،طبعاً اكيد انت تتكلم عن نفسك لكن لا تحكم على الناس .
وبعدين إذا الولد لما يسافر يسافر على شان الخرابيط ليش يتزوج اكيد راح يقول ايش لي ووجع الراس والزواج والارتباط خليني كل شهر اطلع مره مرتين وارجع وانا مرتاح من الزواج ،لكن الشخص اللي ناوي زواج اكيد ونسبة 80%،انو موراعي خرابيط.

صدقت

لا اعرف احد يسافر الى ويبحث عن هذه الاشياء مهما ادعى غير ذلك .

احنا نشوف الشباب برا وش يسوون!
بس اسألوا عن الرجال اكثر.

معليش مخك نايم وبعد لا أحد ما عرفتي زين

انا ما عممت اطلاقاً

صدقيني هذي النسبه ليس مبالغ فيها وقولي لماذا

- لأني تاجر وراعي سفر ربما بالاسبوع اسافر وكل شوي رايح معي واحد

جميع الي راحوا معي اليا وصلنا الديره الي نبيها يقولي بضحكه كنه يمون:

- وين محل البنات وكيف اخذ بنات-- وقسم بالله بديرتنا احلف انه ما يسوي الامور هذي

وصدقيني شخص واحد فقط الي سافر معي ولا سواء الأمور هذي لا وبعد عزابي ووحليق اللحيه

وقلتله غريبه يافلان ماتسوي كذا وكذا قال بالحرف الواحد ((( عندي خوات))) واخاف من رد الدين

سبحان الله

ناني يا حبيبة قلبي

صارلي يومين امر على الموضوع واقرا العنوان وما دخلته إلا الآن

شوفي يا حبيبتي


بصراحة كذا


اللي يبي يسوي الحرام .. بيسويه وهو في بيته

واللي تقي ويعرف ربه ويخافه .. مهما زادت المغريات حوله ما رح يقرب الحرام



المملكه برغم التشدد اللي فيها لكن فيها الحشيش والمسكرات وشقق الدعارة والمجالس الفاسدة صح ولا لا ؟

يعني .. كان راعي سفرات او لم يكن .. ماله علاقة بسلوكه واخلاقه


كل ما هناك انه يحب السفر ويمكن انه غيابه الطويل عن بيته يأثر على نفسية اختك !


انا زوجي "راعي سفرات" .. اسميه ابن بطوطه

فجأة يتصل بي يقولي انا بسافر قطر ، ولا بسافر الامارات عندي سباق هجن ولا اي شي ثاني

تعودت على كذا منه .. صعبة جدا الحياة مع شخص مرتبط بأصدقاءه وبالرحلات.. لكنها متعة بالنسبة له ولا تعني ابدا ذهابه لفعل المنكر ..


خليها تراجع نفسها .. وان عجبها العريس.. تشترط عليه يسفرها ثلاث مرات بالسنه دامه راعي سفرات وبكذا .. تستانس وتستفيد من خبرته بالسفر والسياحة :)

الله يوفقها يا رب

انتي :22::22:

اخواني واخواتي هناك احكام صادرة من بعض الاخوة غير صحيحة ابداااااااااااااااااااااااا .

والحكم على الشئ فرع من تصوره فكيف بأخ او أخت جالس في بيته ولم يسافر ولا مرة ويحكم ان من يسافر يسافر للفساد اشققت عن قلبه !!!!!!! .


اود ان اوضح ان اي حكم يصدر منك وينطقه لسانك او تكتبه يدك سوف تحاسب عليه يوم القيامة فلا تجعل خصومك كثر وحسابك شديد يوم لاينفع مال ولا بنون .

اخواني اخواتي

دعوني اسئلكم سؤال بسيط .
هل السفر حرام ؟

وهل كل من يسافر يسافر لفعل الحرام ؟

وهل لايوجد رجل واحد ممن يسافرون لايعشق السفر لاجل السفر والسياحة ؟

اسمحوا لي ان اقول لكم رأيي الذي أدين الله به ومن خلال تجربتي للسفر .
انا الرجال في السفر انواع :

1 ـ منهم من يسافر لاجل السياحة والاطلاع وتغيير الجو وهذا من علاماته انه يسافر في كل مرة الى دولة (وليس شرطا) . ولا يسافر لبعض الدول المشبوهه المعروفة لدى الجميع .

2 ـ ومنهم من يسافر لاجل الفساد لاغير وهؤلاء لهم علامات واضحة وبينة لاتخفى على الجميع وهؤلاء على فساد ايضا داخل بلادهم لامحالة .

هذا ما أردت توضيحة للجميع اما بالنسبة للموضوع الا ساسي فالسؤال الجيد عن الخاطب للاخت صاحبة الموضوع هو الحل الشافي لأي الفئتين ينتمي .

وفق الله الجميع للحق والصواب .

سؤال أصحابه بالعمل
سؤال امام مسجدهم
وجماعة المسجد واحد واحد
واذا بتلقون احد بحارتهم اسالوه

هذولا بيقولون كللللل شي عنه