|
مشكلة صديقي زوجتة خارج الرياض
مشكلة صديقي
اسعد الله مساكم ياخوان وياخوات وان شاء الله كل عام وانتم بصحه وعافيه عام جديد وان شاء الله عام خير وبركه وصحه وعافيه على الجميع -------------------------------------------------------------------------------------------------------------------------------- أما بعد ياخوان فمشكلة صديقي كالتالي: تزوج قبل فتره وزوجته موظفه ومن منطقه خارج الرياض وهو يعمل بالرياض واستأجر بيت وأثثه من إلى واثاث لا بأس به يعني (جيد جيداً) المهم - فكر يسلم الشقه ويقبلها الى شخص أخر الا ان الزوجه رفضت ذلك -المشكله: ان الشقه مدفوع أجارها بمبلغ 24الف ريال ومغلقه الآن بحكم أن الزوجه بوظيفتها. -ويقولي الأخ بأنه يدفع الأجار ولا يستفيد منه ماذا أفعل؟ --مشورتي له: قلتله قبل الشقه واذا جت زوجتك خذ شقه مفروشه واذا رجعت زوجتك سلم الشقه المفروشه واقعد عند اهلك حتى يتم نقل زوجتك. ------------------------- أرجو التفاعل وجزاكم الله خيراً |
يعني هو مو عامل حسابه على هاللي يصير؟
الله يعوض عليه عموما حرام يدفع اجار كذا للهوا يعوض خسارته ويحلها بعدين مع زوجته زي ما ا نت تفضلت بس ياليت توضح اكثر يعني الحين زوجته كل كم يوم يقابلها؟ علشان نعرف اكثر نفكر |
اقتباس:
كل اسبوعين ويذهب لها عند أهلها |
كل عام وانت بصحه وسلامه مثل كلامك يسلم شقته ويسكن عند اهله واذا زوجته تجي كل اخر اسبوع ياخذ شقه مفروشه باليوميه او يروح عندها بس اذا زوجته في احد المدن القريبه ماتقارب ساعه على الرياض ليش ماتاخذ سواق ثقه وتداوم من بيتها وترجع له |
اقتباس:
|
اقتباس:
|
الفلوس اللي يدفعها للسكن ، ربي راح يسأله عن فلوسها اللي يدفعها بدون فايدة
بس أنا حاسة بها ، هي نظرتها إنها تبغى ( مملكة خاصة بها ) حتى لو إنه كل أسبوعين بتشوفه و عشان الناس ما تتكلم و لا أهلها و يقولوا ، تاركها في بيت أهلها كأنها مسيار او شئ زي كذا الحل / إنه يستأجر شقة صغيرة ، لو ملحق ،، بأخرص قيمة ،، فيه بحدود الخمسة ألاف أو بالكثيييييييييير 10 ألاف منها هي تحس إنه عندها بيت و إنها متزوجة مثل كل الحريم و منها ، هو ما يخسر مبالغ كثييييييرة و وقت ما ربي يفرجها و يسهل لها النقل ، يجيب لها أحلى بيت و مثلا نقول قيمتها 6000 ، لإني قريت مرة اعلانات في الووسيط عن شقق بهذه الأسعار و تكون صغيرة ، بس مو مشكلة ،، أفضل من الشقق المفروشة ، يعني تخيلوا نفسكم أخذتوا شقة مفروشة و زي كذا |
اقتباس:
وان شاء الله بقوله يطلع على جميع ردود الاخوان والاخوات لكن انتظر مزيداً من الردود لكي يقتتنع بذلك شكرا وجزاك الله خيراً |
وصديقك هذا يوم يخطب البنت مايدري انها تشتغل برا الرياض؟ ومايدري ان النقل للرياض من اصعب المعاملات وممكن تقعد سنين وهي مانقلت؟؟ ليه ماخطب وحده عايشه بالرياض طيب هذي مشكلة عدم التنسيق في اختيار البنت..
اشوف انهم لازم يجلسون ويحطون حل واضح.. انا اشوف انه يدفع اجار لشقه هي مو ساكنه فيها هذا حرام وضياع فلوس وفاهمة ان وظيفتها جدا تهمها بس لازم يعرفون ان نقلها للرياض قد يستغرق سنوات وقد لا يتم لانه اشبه بالمستحيل انا اعرف ناس لهم سنوات يحاولون وماقدرو.. لازم يفكرون بحل طويل المدى والله يعينهم.. |
اقتباس:
أشكرك على الاهتمام الله يوفقك |
اشكر من رد ووفقكم الله
|
انا من راي الاخوان ياخذ له شقه صغيرة تكون على قدهم افضل من الشقق المفروشه
|
رأيي من راي الشقة الصغيرة لأنه في اجازات تسكن فيها وتطول وما في زي بيت الانسان الشقق المفروشه قرف اثاث مولهم
مطبخ ومواعين ما تساعد اذا بغت تطبخ انا ضد انه ما يكون لهم سكن والله يفرج همهم ويقرب نقل زوجته |
اخي والله انا اشوف مشورتي انه يبني ملحق صغير عند اهله ولما الزوجه تنقل عنده يروح ياجر له برى بس انا اقول لو ملحق كبير ومعزول عن بيت اهله افضل توفيرا للمال وبنفس الوقت خصوصيه كبيره للزوجه وزوجها
|
اقتباس:
|
اقتباس:
|
اقتباس:
|
اشكر جميع من رد وجزاكم الله خيراً
|
نصيحتي اذا تحب زوجها وله مكانا عندها ويعنيلها الكثير تحاول تنقل وذا ماقدرة تفصل والرزق علي الله الزوج هو اللي وراه الجنة موالوظيفة والدعوه موبلعبه بكره في اعيال ومسولية وحرمان من شوفت الاطفال يعني صار مجتمعنا مادي لبعد الحدود ليش ماتعيش وزوجها يصرف عليها وذا في وظيفة بالرياض كان بها وذا مافي بيتها ورجالها احق واليوم اللي يروح مايرجع وانتم شباب .......... انا لااحرض ولاكن هذا العقل والمنطق اليس رجل اليس له حقوق شرعية
|
اقتباس:
لكن ياختي مصاريف السفر لها + الأجار + مصاريف الشقق المفروشه في مدينتها+ مصاريف السياره+ مصاريف المطاعم والمغاسل اذا غابت + مكالمات بالجوال كل يوم + الحرمان + الخ ما قدر يلحق الرجال. قال ماني ممانع من وظيفتها بما أنها مصره على ذلك لكن بيسلم الشقه عشان يوفر على نفسه والباقي مع الصبر يجي وسبق ان عرض عليها ترك الوظيفه لكن هي رفضت ولا يقدر يجبرها على تركها |
الله يهديها بس
والله اقولها مادنيا الا متاع الغرور وش بيصير اذا ساعدة زوجه وريحته نفسيان بتركها الوظيفة
والله ياناس الزمان هذا يخوف ولا حتاء فقرة تتنازل علشانه اقول تراء المشوار طويل خل وحده من الداعيات تكلمه وتذكره بانه الزوج وحقوقه ابداء |
فبه قصة نفس قصة صاحبك
اخوي الفاضل دامك تقول طلبة منها ان تتنازل عن وظيفتها ورفضت يعني انه الوظيفة كل شي بالنسبه لها وهل مسكين يعني عادي يتشحطط وذا بقاء يجامع زوجته الله لايهينه يصبر لنهاية الاسبوع ياخي وش هل تخلف هذا زوجك واليك القصة
كان واحد متزوج من وحده معلمة وهو في منطقة وراتبه اكثر من عشر الاف ريال وهي في منطقة اخر الزبده تزوج وجابو اطفال وبعد فتره من الزمن طلب منها ان تجد حل متغرب عن اولاده وعن زوجته وبعدين وش الحل قالت وظيفتي مالك امل اتنازل عنها طيب يابنت الناس وش الحل قالت نصبر بعد 3 اطفال وش بقاء صبر ياخي مل الرجال ومع العلم ان والدها ومها يصرون علي وظيفتها والرجال مشاف تقدير وكلن عند اعياله نايم وعادي ولاحد حاس فيه ........ وش سوي قال لزوجته شوفي انا احبك واحترمك وانتي ام عيالي بس حبيبتي انا ابي اتزوج لن الشرع سمحلي اربع قالت لا ونفعلت قال انا اذا اتزوجت موبعناته اني ماحبك بس انا في حاجات ارغب بها وانتي اذا لقيتي نقل بتلقيني ماني بطاير ومع الايام خطب الرجال ودفع مهر الاوذا المراءة تدق تترجاء زوجها خلاص ابي افصل وابو البنت ياولدي انا بعطيك المهر اللي دفعته بس وقف مولازم الوظيفة وامها ياولدي موبلازم الوظيفة .......... سبحان الله وينكم من اول وفعلنا الزوجة قدمت استقالتها عن الوظيفة ورجعت لزوجها وعاشو احلي عيشة الحل هذا بعد الاتي وانا اخوك ارفع برقية للامير سلمان طولالله عمره وشف الرد وعلي فكره وزير التربية والتعليم طيب وساكن بحي الربيع مخرج 5 بالرياض وانا مقابله شخصين انسان بقمة التواضع والاحترام ياخي صل معها بالمسجد القريب من بيته وكلمه لاتقول مايسمعني والله يسمعك وبعد يطلب منك انك تسامحه اذا في موضوع صعب قمه بالاحترام والتقدير ياخي قله انا عائلتي علي وشك التفكك والحل بيدك من بعد الله ونشاءالله انك تدعيلي والفكره الاوله بعد ماتفقد المحاولات |
اقتباس:
كيف اعرف بيته من مخرج 5 الله يحفظك وصفه لي وجزاك الجنه |
ابشر خذ الوصف
طريق الدمام السريع وجهك الي القصيم مع مخرج 5 يمين وخلي كارفور يمين وكمل شمال كنك رايح الي مستشفي المملكه اول دوار عديه شمال هو بالحارة اللي يسار بس اسال اي احد من اهل الحاره يدلك
|
اقتباس:
|
الله يكتب لصديقك الخيرهو وزوجتة
فعلا ياخذ شقة صغيرةبسيطة لحد مايجيها نقل باذن الله وهذا ماحصل معي في وظيفتي ونقلت ولله الحمد بعد سنتين وانا مستقرة الان ولله الحمدمع زوجي |
اقتباس:
وسيمت منه بخساره 39 الف ريال خلال خمسة اشهر يعني باستخدام اربعة اشهر فقط خسر 39 الف ريال اقول عسى الله يعوض عليه -- لأنه تمم بيع الشقه اعتباراً من 16/1 السبت وهدفه أن لا يأخذ شقه ااجار أبد الا بعد الاستقرار عسى الله يعوض عليه أشكر جميع من شارك بالموضوع أشكر من قدم المشوره أشكرجميعاً اخواني -- فنحن في هذا المنتدى الراقي اسرة واحده حفظكم الباري ووفقكم في دنياكم واخرتكم واصلح لكم ذريتكم |
اقتباس:
يـُـــــــــــــــــــــــغلق ،،،،، |
| الساعة الآن 05:05 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©