|
ساعدوني زوجي يطلقني مارايكم؟ (تم الطلاق)
مساء الخير يااعضااء المنتدى الكرااام
انا من قبل فتره عرفت موقعكم وعجبني وعجبني كلام بعض الاعضاء الكرااام لانه من عقل وااعي سجلت باسم حبيبه من حوالي6شهور وللان مش راااضي المعرف يتفعل ماادري الغلط من ايش اتمنى الاداره تلاقي لي حل ثانيا قبل فتره تعرفت على فتاه الله يجزيهاا الخير دلتني على موقعكم مره ثااانيه وقلت لهااا اني سجلت ومش قاادره اكتب ولا ارد على اي موضوع اعطتني النك حقهاا وقاالت انا مااابغاه خذيه وانا الان لستو بصااحبة النك انا الان صديقه لهاا وهي تعرف بموضوعي ندخل بالموضوع انا تزوجت من رجل مطلق لديه ولدين انا كان عمري 20 سنه وهو 40 سنه ولده الكبير عمره 19 سنه المهم بدااية زواااجي كان طيب وانسان حنوووون بليلة زوااجي وانا بتااااج ولابسه الابيض اكتشفت انه على علاقه بمراه سيئة السمعه وراااسل لهااا راااح اشتااقلك وهي كاااتبه له زواااج الهناا ياحبيبي يعني تعرف!!!!! المهم عديتها له لان بيوم فرحي مقدر اسوي مشاااكل طنشت بعدهاااا اكتشفت انه كذااااااااااااااب مراااوغ ماعنده شخصيه كرااامته ممسوووحه يخاااف من عياااله اناااني ثرثااار زي الحريم والله كانهم هم الاب وهو الابن يقولني اسكتي لاتردي عليهم وووووو الخ بعدهاااا حملت وربي مارزقني الحمدالله ومن بعدهاااا زوجي تغير كلياااا طلع حسووود مايحب الخير لاحد يسبني قدااام اختي ويشتكي لهااا ويقول سوت فيني كذااا عضتني ضربتني وووووو والله انا كاارههااا نفسي اطلقهاااا تكره عيااالي مو بس اختي حتى يروح لابي وامي ويشتكي لهن ويقول عني كلام مش كويس ابدددددددددددددددن يروح لـأختي يقول لهااا خلي زوجتي تباات معك اليوم يروح لخاالته يقولهاااا خليهااا تجلس عندكم اسبوووع كااان يطفش مني ومن مصااريفي واكلي وشربي وكمان عشااان العيااال ماكانو يبغوني وانا ماادري كل هذا اختي تتصل تقول تعالبي عندنااا بدون ماتقولي شي اروح عندهم خالته تتصل تقول تعالي عندنا بدون ماتقول شي اروح وانا زي الغبيه الحمدالله بس المهم من كثر مااروح هنا وهناااااك خلاص مليييييت مايبغى يوووم نجتمع مع بعض غريب هالادمي!!!! لين جااه اليوم اللي قالي ولده كلمه وصخه وقال والله لاضربك وابوه يمسكه وهو يقوله اتركني ياابوي والله لادبهااا!!!!!!! والله ووووووو الخ لين زوجي اتصل على اختي وزوجهاا وقال تعالو الحقي اختك شيليهااا قبل العيااال مايضربوهااا!!!!! والله اني ماااكذب جاه زوج اختي جري وشالني وجلست عند اختي طلبت الطلاق ابوي راااح له قاله طلق البنت خلاص قال ليش قال ابوي ماتعرف تمسك ولدك ونرمي مرتك وتقول الحقوهاااا وووووو الخ قال لا انا ماابي اطلقهااا انا احبهاااا قاله ابوي اذا تحبهااا سكنهااا ببيت لوحدهاااا قال طيب وجلس يمااااطل شهر كااامل وبيت اخني ضيييق وعندهااا عياااااال لين ابوي اجر لي بيت تخيلو بس!!!! وقاله انا بدفع النص وانت ادفع الباقي قال طيب ودفع ابوي ثلاث ارباع المبلغ وهو ربعه فقط وسكنا مع بعض انا وزوجي ببيت لوحدنا مستقل يروح بيت عياله يزورهم كل يوم وانا وهو ببيتنا من يوم سكنا البيت صااار الرجااال غير متكبر ويتكلم من خشمه واذا تخاااصمنااا يترك البيت!!!!!! ويروح بيت عياالهااا طبعااا انا ابغى عيااال رحت المستشفلا وتعااالجت كاان عندي شوية التهابااات قالت الدكتوره جيبي زوجك قااال مااااروح غير المستشفى اللي انا اشتغل فيهاااا اعااالج نفسي هنااااك قلت طيب رحنااااا طبعااا الكل يعرفه كشفنااا يومة النتيجه قالو لي اني عندي شوية التهابات واخذت ادويه ويوم جااه نتيجته الدكتورخ قااالت لي اطلعي من الغرفه بكلم زوجك شوي!!!!!!!!!! لان هنا عندنا اذا الواااحد عنده مرض ولا عقيم محد بيفضحه قدااام احد خرجت يوم خرج قااال ماعندي شي قلت طيب ليه طلعتني قااااااال وووووو وصرفني جلسنااا فتره لايجااامع ولا يدري عني يتركني يالاربع شهور وخمس شهور ملييييت بعدهااا شكيت لي ابوي قااال ابوي انا بعااالجكم وداانااا مستشفى بفلوس طبعااا زوجي مايدفع شي كله من راااتبي هو بس يزود شوي رحناااا قالو لي جيبي زوجك قلت طيب يوم قلت له قال طيب بنروح بكره قلت اوك بموووت فرح بعدهااا راااح وخلاني ترك لي البيت وغاااب اسبوووووع<<<<<<مايبي لاعلاج ولا اطفاااال يحق له عنده مايدري عني شي اببببببببببببببببدا وماسبلي بالبيت ولا لقمه كنت اكل مع ابوي وختي وقفل كل جولاته بعدهاا رجع ولا كانه صاار شي قلت طلقني قااال طيب ونرك البيت وبكره بيطلق الحين انتو ايش رايكم بانساان زي كذااا و الله اني ماااكذب وهذي هي حياااتي اهلي كلهم كاارهينه ابوي امي اختي زوجهااا محد طاايقه الكل يقول تتطلقي وانا نفسي بعياال واستقرااار وهو مايبي يعني لا عيااال ولا حق شرعي يتركني بالخمس شهور مايقرب لي بالله انا ابي اتطلق والله اليوم قبل بكره بس اخاااااف اكون غلطااانه شورو علي الطلاق هو الحل صح ؟؟؟؟؟ اتمنى من الاعضاااء اميراااااااااات واحاسيس منتااثره و عاااشق الجواهر وفاتوشي والسيف المهند وعزوبي والمتنهندم مايبخلو علي بردودهم لانهااا سوفىى تطبق والله واالاعضا البااقييين لي الشرف يردو على موضوعي واي تساؤلات انا حاااضره وفقكن الله |
ياحياتي احسك عانيتييييييييييييي وعمرك صغير ليه استعجلتي
ماعلينا بعد كل ذا ومتردده بالطلاق ؟ ياختي العيشه مع هالنوعيه موووووووووووووووووووت بطيئ انسان غير متوازن ومتوفره فيه كل الصفات القبيحه .. كييييييييييييييييف تحملتيه وكمان ودك تحملي احمددددددددددددددددي ربك مارتبطتي معاه بطفل .. تتعقد المسإله اكثر وتكبر المعانااااااااه .. توك صغيره والمستقبل قددددامك ليه تدفني نفسك معآه ؟ والله ماينسى عباده .. ان شاء الله يفرجها عليك ويعوضك .. |
الله يعوضك خير الطلاق هو الحل
|
يا اختي الله يهديكي يعني الكتاب باين من عنوانه أولا أنت من ليلة العرس لمن شفت المسج كان بصراحة تاخدي حذرك من زوجك. لكن يمكن صغر سنك ما يخليكي تاخدي موقف قوي. ثانيا بعد اللي شفتيه منه من معاملة وسوء عشرة منه ومن اولاده وراميكي عند أهلك هنا وهنا, وبعد هادا كله لسة تبغي منه الخلفة؟؟؟ مع احترامي ليكي يا أختي واعتبريني زي أختك, إنت إذا ما همك كيف يتعامل معاكي وعادي وراضية بنصيبك وتبغي الخلفة منه كمان فاستري على زوجك ولا تشتكي منه. لكن إذا مو راضية عن وضعك فاطلبي الطلاق لأنه من كلامك شكله مريض نفسيا والكلام واللف والدوران ما راح يجيب نتيجة. واحمدي ربك أنك ما خلفت منه وصغيرة . لأن الوحدة مننا لمن تخلف تحسب ألف حساب وتاكل من زوجها ما لا يعلم إلا الله عشان خاطر العيال. هذا اللذي عندي وسامحيني إذا رأيت طلاقك أحسن وشوفي أراء الأعضاء يمكن يكون أحد رأيه أحسن من رأيي. أعانك الله وصبرك |
اقتباس:
اقتباس:
بس حبيت استشيركم تعرفون الناس يخلو الواحد يحس بذنب اقتباس:
هو مررريض فعلا بس ايش؟؟ الله يعلم اما مرضه النفسي فاكيد نسيييت اقولك اختي وربي اني صادقه انا تزوجته وانا عمري20 وجلسنا مملكين 3 سنين لانه كااان يكذب ويماااطل ويوم اقوله خلاص طلق يقول لا احبك بعدهااا تزوجته والحين لنااا ثلاث سنين يعني الان عمري26 وهو46 ومحد غصبني بزواااجي له بالعكس انا اللي اصريت عليه الله يصلحني ايش الفايده؟؟؟ وقصة العياااال امي الله يخليهاا كانت تقول لو جبتي له ولد ولا بنت يتغير ويصير متعلق بك وبيبتك عشااان كذااا وعشااان اني احب الامومه:) جزاكي الله خير في انتظااااار البقيه |
يااختي والله الصراحه عيشه زي كدا صعبه جدآ
وانتي تزوجتي وانتي صغيرررووونه وماشاء الله عليك تحملتي هدا كله مااقول الا الله يعينك ويسهل امووورك والخيره فيما اختاره الله ريحي بالك وخليه يطلقك وان شاء الله ربي بعوضك بواحد احسن منه بكثير وانتي ادرا منى بمصلحتك |
موضوعك صعب
|
ياحبيبتي.. ليش تزوجتيه من الاساس كبير بالعمر وعنده عيال!!!
اهلك غلطوا في حقك!! انا اشوف انه الحمدلله والشكر مو صاحي!! تطلقي قبل ماتدبسين بالعيال!! الله يعينج!!! |
كل هالبلاوي ومتردده ولسا حاولتي تجيبي منه عيال؟
وابوك هو اللي فتح لك بيت وعالجك ؟ زوج اختك هو اللي يحميك من عياله؟ اقول تطلقي والله يبدلك بأحسن منه |
أختي الغاليه .أبغى أسألك سؤال هو لما أتقدم لك ماعرفتي الفرق الشاسع بينك وبينه في العمر ..وثاني شئ إنتم
ماسألتم عنه .. عن أخلاقه ..هل يصلي ..يخاف الله ..كيف كان تعامله مع زوجته الأولى. وبعد كل هادي الأشياء وإنتي لسع جالسه عندو لو إنه إنسان تسترجي صلاحه نقولك إصبري عليه وأدعي ربك ليل ونها واستغفري كثير..بس دا من البدايه والعياذ بالله إنسان سئ الأخلاق وماعندو شخصيه ولابيخاف الله إيش تنتظري ..إيش إللي جابرك على العيشه معاه فكي نفسك قبل ماتتورطي بالأطفال ..وهل تضمني إنه يتعلق فيكِ لو جبتي عيال ..ممكن يهملك أكثر ويخلي أبوكِ هو اللي يربيهم الله يعينك |
فإمسك بمعروف او تطليق بإحسان
وجوزك ما بيعرف الاحسان ولا المعروف لو وصلت تفتدى روحك منه افتدى اليوم ابنه يضربك بكره يعتدى عليك ربك له حكمه فى عدم انجابك سبحانه وتعالى علام الغيوب لا اله الا الله ، المهم اليوم اللى تتطلقى تطلعى صدقه وياريت لو تقدرى تذبحى فداء لنفسك وتسجدى شكر لله |
أهلا بك بين أخوانك وخواتك
أختي الكريمة أنا لن ألومك وأحسسك بالذنب لقبولك بهذا الشخص كزوج لأن البكاء على اللبن المسكوب لايفيد . من خلال سردك لمشكلتك لاحظت التالي :- لن أتطرق لأخلاقة وضعف شخصيته وعجزه عن حمايتك وتصرفاته الصبيانه فهذه كفيله بطلبك الطلاق لكن سأتطرق لنقاط ذكرتيها جعلتني أستفهم وأتعجب ؟ ! 1/ أنه رفض تطليقك قبل الكشف 2/ بعد الكشف لم يمانع هنا علامة تعجب كبيره !!! 3/ تركك لم يجامعك خمس شهور بعد الكشف أيضا علامة تعجب كبيرة !!! 4/ رفضه القطعي لتواجدك عندما يكشف أيضا علامة تعجب كبيرة !!! هذه النقاط تقودني لسؤال مالسبب ؟؟؟ !!! هل هو مصاب بمرض معين ويخبيه عليك سواءا مرض جنسي أو مشكله بالإنجاب ؟ تركه لك خمس شهور يولد الشك وأكيد فيه شي بس شوفي وش يكون أختي الكريمة كما قلت لك سابقا أخلاقه وضعف شخصيته وعجزه عن حمايتك هذه كفيله بطلبك الطلاق كيف لا وهي مجتمعه جميع المشاكل السابقه لاأنصحك بالإستمرار وأعتقد أن الطلاق هو الحل واحمدي ربك إنك ما خلفتي منه ورب العالمين إن شاء الله بيعوضك باللي يسعدك رأي شخصي قد يتحمل الصواب والخطأ تحياتي |
أين المشكلة غذا
استخيري الله و اطلبي الطلاق ولازلت صغيرة والله سيعوضك بالخير بأذن الله, خاصة ان اهلك معك |
الله يخليكم لي
ارتحت كثيييير والله كلامكم نفس كلام اهلي راااح اتوكل على الله بيجي بعد شويه من اول يتصل فيني ماادري ايش يبغى!!! ماراح ارد اعرف يجلس يكذب ويبغى يضيع عمري على فااااضي ماراح يتغير انا عااارفه هو اناااني |
اقتباس:
كذا بسوي ببطلق |
اقتباس:
امي كااانت موافقه لاني انا كنت مواافقه وقفت معي اهلي مالهم ذنب كنت غبيه هو اكيد مو صاااحي ابدن راااح اسوي كذااا قسم بالله محد قالي غير تتطلقي:) |
اقتباس:
|
اقتباس:
سالنا عنه كااان ادمي طيب بس الكل قااال انه كذاااااااب وثرثااار وابوي ماكان راااضي بس انا قلت لازم اخذه وقلت بعد الزواج يتغير واللي خلاني اتمسك فيه زياااده اياام الملكه جنني بهداايه وانا كنت صغيره يجيب لي كل شي اتفخشر به قدااام الناااااس اي شي بالعااالم يجيبه استغلني بكذااا كل كلامك صح راااح اسوي كذااا والحين ماابغى منه لاعيااال ولا شي انا من طريق وهو من طريق |
طلقني زوجي الان
الحمدالله دعواتكم لي اختكم الهااام |
ان شاء الله انه خيره
تصدقي لله .. واحمدي ربك على قضاؤه وماتدرين وين الخير بس واضح انك ماكنتي فيه .. الخير جاي بإذن الله لسا قدامك اكثري من الاستغفار والدعاء .. خصوصا اللهم آتني في الدنيا حسنه وفي الآخرة حسنه وقني عذاب النار .. عقبال موضوع زواجك من سيده ان شاء الله |
أجـــــــارك الله في مصبيتك و أخلف لكي خيرا خيرا خيرا منها .. ومحد يدري فين ربي رايدلو و كاتبلوا الخير .. ووفقنا الله و إيا كي لما يحب و يرضى .. آآآآآمـــــــين.. |
عوضك الله بخير منه وعند الاقدام على زواج جديد اسألي جيدا عنه
|
الحمد لله الحمد لله الحمد لله كما ينبغى لعظيم وجهه ولجلال سلطانه
لو مو عيب كنت زغردت وقلت لك مبروك والله ان الله اراد فك اسرك اسجدى شكر لله لا تعتبريها مصيبه فوالله لو انك امضيت الباقى من حياتك وحيده لهو اكرم واشرف واعز من البقاء مع اشباه الرجال افرحى فانت قد خرجت من السجن اليوم ومهما ان قست عليك الايام وشعرت باحباط او زعل او وحده او مقارنه تذكرى فقط تهجم ابنه عليك تذكرى انه كان يرسلك لكل من كان حتى يعيش وحده تذكرى وتذكرى وحينها سيخبو الحزن ويحل محله الرضا |
الله يعوضك ويرزقك |
اقتباس:
انا اثق برايك كثييير تعجبني ردودك عشااان كذااا طلبتك:) الله يسعدك ياربببب اقتباس:
فعلاا كلامك صحيح والله اختي كااانت تقول يا انه مريض مرض بالانجااااب او انه ماااخذ ابر ماتخليه ينجب ليش كااان يتهرب من العلاج الحمدالله اتفكيت منه ردودك جميله جعلهااا في ميزان حسناتك |
ناداه ابوي جاااه وقاله ابوي البنت خلاااصمااهي قااادره تتحمل اكثر من كذا وتقول انهااا تبي الطلاق فانا راح اعطيكم وقت تتفااهمويا طلاق يا عشره بالمعروووف قاله زوجي سابقا لالالالالا ياعمي مايحتاااج تروح راااح البي لهااا طلبهااا ابوي خرج وطنشه انا قلت له ليش هربت وخليتني لوحدي ليه هرب من العلاااج ليه خليتني اسبوع مااعرف عنك شي اكل مع ابوي ولاتركت لي شي حتى لقمه بعدين قااال عشااان انا ماعندي فلوس وانتي تصرخييين قلت الفلوس مايهم سكت وقال راااح اسويلك اللي تبين
ودق على ابوي وقال تعااال خلاص تفااهمنا ونهينا الموضووووع وكااان مررره متكبر كان احد معبيه وااااضح وبعد ماجاه ابوي طلق الحمدللله وراااح وابوي وامي واخني فرحو وانا كمااااان فرحت الحمدالله |
أسأل الله ان يبدلك زوجا خير من هذا .. عاجلا غير آجل ...
|
الحمد لله ربي خلصك منه. بس كنت حابة أوضحلك نقطة: إنتي قلتي إن الناس قالوا عنه ثرثار وكذاب وإنتي أقنعتي نفسك إنك بتغيريه. أو بيتغير.... أولا الرسول صلى الله عليه وسلم قال:" إن جاءكم من ترضون دينه وخلقه فزوجوه". أبوكي كان على حق يرفض والأب لما بيرفض يكون لمصلحة البنت. وبعدين أبدا لا تحطي في بالك إن والله أنا بطير عقله فيني وراح يتغير معاي ومن هذا الكلام. الطبع ما يتغير إلا إذا صاحب الطبع جاهد نفسه وياخد وقت كتير ومجهود منه. فانتي اللي يجيكي أولا لا تعارضي رأي أبوك لأنه يريد مصلحتك وثانيا الراجل إن أعجبك اقبليه وإن وجدتي عليه شي فارفضي. واستخيري كثير ولا تستعجلي. وتوكلي على اللع والله يرزقك من فوق سابع سما أمين |
الحمدلله هم وانزاح
الله يعوضك بالافضضضضضضل ويرزقك السعاده وراحه البال |
الله يعوضك برجل كفؤ ...
|
زين والله بس إن شاء الله ربي يعوضك بالزوج الصالح
بس عندي سؤال اخت الهام انتي من الرياض وهل زوجك موظف بمستشفى الملك فيصل التخصصي ؟؟ |
الف ألف ألف ألف مبرووووووووووووووووووووووك الحمد والشكر لله اللهم أفتح نصيب الهام وارزقها بالزوج الصالح والولد البار واستر عليها وعلي وعلى جميع بنات المسلمين وأصلح حال شباب المسلمين اللهم آ ميين |
الحمدلله على كل حال أختي العزيزة
انتي لسه صغيرة وان شاء الله رح يجيك اللي يستاهلك الله يوفقك |
زين والله بس إن شاء الله ربي يعوضك بالزوج الصالح
بس عندي سؤال اخت الهام انتي من الرياض وهل زوجك موظف بمستشفى الملك فيصل التخصصي ؟؟ |
| الساعة الآن 02:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©