|
طفلي عنيد جداً عمره عامين أفيدوني
السلام عليكم
ابني عمره عامين و خمس شهور و اخته خمس شهور المشكلة في عناد ابني الشديد و عدم تنفيذه ما أطلبه منه .. هل طبيعي ان يقوم الطفل كل دقيقتين بشي ممنوع يعمله رغم تنبيهي له كل مرة :29: مثال: الحمد لله انه لا يؤذي أخته بقصد لكن أحيانا يقوم بأشياء ممكن تؤذيها بدون قصد احيانا و هي بكرسيها (الهزاز) يقوم بوضع قدمه عليها و يهزيها بقدمه أو يجلس بحضنها و يهز الكرسي !!!! علماً انه تعاقب على ذلك عدة مرات و لكن مصر على تكرار الأمر كل يوم أكتب الموضوع و ابني محبوس بسريره عقاباً على رمي المكعبات على شاشة التلفزيون !! بعد رمي المكعبات قام يدرج سياراته (الالعاب) على طاولة الزجاج و يخبطهم بطريقة مزعجة جداً يحب الضجة و كل ما يصدر الاصوات ((يستمتع بالضجة)) يغار كلما عملت طعام لأخته على الرغم من أني أطعمته قبلها كي لا يجوع (الجوع الفجائي) كالمعتاد يغار اذا أكلنا انا و أبوه و يريد ان يأكل معنا مع انه شبعان و طبعا انحرمنا الاكل الحار و الكولا.. لأنه لازم ياكل معنا.. و لا تقولولي امنعيه لأنه إذا منعناه معناها رح يصرخ كمان مرة... و مو معقول النكد كل يوم و كل دقيقة المشكلة أنه لا يتكلم أعتقد انه قادر على قول خمس كلمات فقط و لهذا فإنه طوال اليوم كلما يريد أي شيء يطلبه بلغة الصراخ و المصيبة اني لا أفهم (دائما) ماذا يريد مني فهذا يزيد عدد "اعتراضاته" اليومية أستيقظ صباحاً الناس بتدعي أدعية الصباح .. انا برتفع ضغطي من اول النهار :29: لأنه جوووووووووووعان و لازم اخلق له الفطور خلال ثانية :( اصعب شي عناده يحب فعل كل الممنوعات و بشكل يومي !! أرجو النصيحة من الأمهات المجربااااااااات و رجاءًا تبشروني متى يخف عناده ؟؟؟ ربما بعضكم يجد مني مبالغة و لكن صدقوني حياة الأم المغتربة مع أطفالها صععععععبة.. الحياة الاجتماعية (صفررررررر) !!! و الخروج من البيت حلم !!! مع طفل عنيد و طفلة تخاف الضجة و الرجال :29: أشعر احياناً اني بحاجة لأخذ استراحة من أطفالي و لكن كيف و ما عندي أهل بهالبلد (من غير شر) و أخيراَ الحمد لله على كل حال :21: |
السلام عليكم
والله يا ماريا لا تشكي لي لابكيلك:d ابني عمره سنتين و9 شهور ونفس الكلام اللي حكيتيه بحس حالي بحكي مع حيط بنفذ عكس ما اقوله ولما اصرخ وافقد اعصابي بخاف مني وبعمل اللي بقوله عليه وبس ابطل زعلانة بترجع ريما لعادتها القديمة.. وزي ما قلتي انه المشاوير نادرة جدا وما في طلعات ولا زيارات ف بحس انه ابني زهقان وبتفشش فأكيد ابنك هيك بتفشش مسكين .. يلا الله يؤجرنا على تربايتهم ويرزقنا برهم.. بس سدقيني بس تكبر بنتك شوي بتلاقي انه انسجم معها بالعاب وصار اهدى.. الله يعينك ويعطيكي العافية |
ماريا واضح جدا
انك و زوجك ما عاد صرتوا تهتموا بالولد مثا ما كنتوا تهتموا فيه قبل ما تشرف البنوتة لذا كل هالتصرفات لاجل (لفت النظر-انا موجود يا امي ويا ابي فما لكم لم تعيروني اهتماما) المطلوب احتوائه ومحاولة تقريبه باخته مثلا تجيون له العاب يحبها وتقولون هذي هدية من اختك والدليل على كلامي ضعف اللغة يعني حتى الحكي ماتحكوا معه استغلي وقت نوم بنتك واقعدي مع الولد وسولفي معه والعبي معه راح تلاحظي تغير مفاجئ في تصرفاته لاهتمامك به وتغريغ الطاقة التي يحتاج الطفل الى تفريغها بشكل يومي |
اقتباس:
و الله لاحظت انه كل اللي بعمره بشبهوه بهالطباع لكن الفرق انه مو كلهم ما بيحكو متل ابني و كل الناس قالولي لو حكى بتخف عصبيتو الله يفرجها شكرا كتير لردك و يخليلك ابنك يا رب |
اقتباس:
بس فعلا الحكي مو متل النظر لو تجي تشوفي قدر محاولة العدل بينهم و الله نص الوقت اختو بالكرسي و مطنشينها مشان ما يزعل هو و الحمد لله بنتي حبابة ما بتبكي لو قعدت بالكرسي (بعكسه لما كان بعمرها كان طوال الوقت بالأحضان) و زوجي كل يوم بوصيني و بيوصي نفسه و بقلي (لازم تعدلي بينهم حتى بالبوسة ) تخيلي !! و انا صدقاً انه بلعب معه اكتر منها اقتباس:
ابني ما بيفهم اذا هيك قلتي هو يا دووووووووووب يفهم توجيهاتي إلو (سكر الخزانة - ارميها بالسلة ... ) مستحيل يفهم هيك جملة (للأسف) اقتباس:
بالنسبة لضعف اللغة صدقيني انه بحكي معه متل الكبار بقلو تعال ناكل بركض على المطبخ بقلو اجا بابا بركض عالشباك يشوفو فهمان عليي بس استحالة يردد وراي ... اشتريت كتتتتتتتب عليها رسوم و اخترعت ألعاب كلها بهدف تعليمو الكلام و كأني ما عملت شي بحكي معه كتير لأني مالي غيره احكي معه أصلاً خلال النهار بس صدقيني انا لو ما شفت أطفال تانيين كنت قلت يمكن الحق علي و انا مقصرة بس لااااااااااااا انا شفت أطفال بعمره و أصغر منه كنت قول الكلمة يكرروها وراي يحفظوا الكلام و يرددوه بدون اي عناء لكن ابني استحالة يردد كلمة بعدي استحاااااالة :29: جربت معه اسلوب تكرار نفس الدرس بشكل يومي جرت علمه يعدّ (1 - 2- 3 ) النتيجة انه حفظ نغمة العد فقط بعد تكرار الدرس عشرات المرات صار يقول (تا - أو - تي) :( جربت كتيييييييير علمه أنف - عين - فم .... الخ اخترع كلمة من راسو و صار يأشر على كل عضو بوجهه و يقول ( أوتّو ) حاولت اذا اختلط مع اطفال من عمره و أكبر منو يردد أحيانا كلمة تعلمها منهم و بعدين ما يقولا مهما رددتها بحس حالي بكلم الحييييييييط و الله موضوع الكلام صدقيني موهبة و انا والدتي طبيبة أطفال طمنتني و قالت لي في كتير أطفال بتأخروا بالكلام حتى هي حاولت معو و يئست :d لما رحت سورية كلللللللل أهلي و أهل زوجي كانوا يحاولوا و ما طلع معهم نتيجة عنيييييييييييييييييييييييييييد |
احنا نحسب الاطفال مايفهموا
وهما اذكى مما نتصور والله من ناحية الهدية الى الحين كانسيت هذي الحركة لي وانا صغيرة ساعتها مارديت لكن فهمت وكمان وانا صغيرة ماما تقول اني ما احكي ولا اتذكر انك تقولي غير ماما وبابا وهذا طبعي الى الان "على الصامت" فانت طولي بالك ولا تهتمي كثير تقبلي ابنك مثل ما جاك من رب العالمين ولا تقارنيه باحد<<<<<<انتبهي ترى تتعبي كثيــــــــر الاطفال قدرات ومواهب موفقة |
وعليكم السلام حبيت أنقلك هذا الموضوع يمكن يفيد--------------------------------------------------------------------------------
الطبع نحن جميعاً نتمنى أن يتمتع أطفالنا بأخلاق طيبة وأن يتعلموا الفرق بينن الصواب والخطأ، ولكن ليس ذلك دائماً سهل، خاصةً إذا كان الطفل عنيداً ويقابل كل ما تقولينه بكلمة )لا( لا شك أن التعامل مع الطفل العنيد شئ صعب وأحياناً ينفذ صبرك قبل أن ينفذ صبره هو، ولكن هناك طرق فعالة للتعامل مع العند حتى يكون بيتك مكاناً هادئاً بدلاً من أن يصبح ميداناً للمعارك! هل من الطبيعى أن يكون طفلى عنيداً بهذا الشكل؟ إن العند صفة طبيعية جداً فى الأطفال، وكل طفل عنيد إلى حد معين، لأن من طبيعة الطفل أن يختبر البيئة المحيطة به لكى يعرف مداه. لكن الأطفال لا يعرفون حدودهم ومن مهمة الأبوين أن يضعا لهم هذه الحدود. الطفل منذ صغر سنه يكتشف أنه شخصية مستقلة وله القدرة الذاتية على التفكير واتخاذ القرارات لنفسه، وكذلك القدرة على الاعتراض على أى شئ لا يعجبه، يبدأ ذلك عندما يبدأ الطفل فى اكتشاف العالم من حوله ويقابل كثيراً بعبارات مثل، )لا، لا تفعل ذلك( أو )لا تلمس هذا( عندئذ يبدأ الطفل فى الاعتراض ويحاول أن يفعل ما يريده بغض النظر عما يقوله أبويه. هنا يبدأ دور الأبوين فى تهذيب طفلهما، فكلما كان ذلك مبكراً كلما كان أفضل. ما هو الحل؟ إن التربية الفعالة هى أفضل طريقة للتعامل مع العند ومنعه ولها ثلاث قواعد أساسية فى التعامل مع الطفل. القاعدة الأولى: وأول قاعدة من قواعد التربية هى )الثبات على المبدأ عند تعاملك مع الطفل( هذا يعنى أن يتفق الزوجان مسبقاً على ما هو مسموح به وما هو غير مسموح به للطفل وماذا يفعلان إذا تعدى الحدود الموضوعة له، فلا تقبلى شئ يرفضه زوجك والعكس صحيح. أيضاً لا تتغاضى عن شئ فعله طفلك اليوم ثم تعاقبينه على الفعل نفسه فى اليوم التالى. القاعدة الثانية: هى أن تكونى هادئة ولكن حاسمة في نفس الوقت عندما يعند طفلك. إذا طبقت هذه القواعد فسيفهم طفلك حدوده جيداً. القاعدة الثالثة: إن إدخال روتين معين فى حياة طفلك سيقلل من المواقف التى يحدث فيها الصدام بينكما وسيساعده ذلك على معرفة ما هو متوقع منه، فكرة جيدة أن تحددى مواعيد للطعام، الاستحمام، النوم، والأشياء الأخرى التى تعتبرينها هامة. لذا يجب أن تضعى فى اعتبارك أنه تماماً مثلما تتوقعين من طفلك اتباع النظام دون مساءلة يجب أيضاً أن تسمحى له بمساحة من الحرية لاتخاذ القرارات الخاصة به، أن يعلم الطفل أنه يستطيع تكوين رأى وأنه قادر على اتخاذ قرارات خاصة به ذلك يمثل جانباً هاماً فى نمو شخصيته. تنصح بأن يقرر الأبوان الأمور القابلة للنقاش والأمور الغير قابلة للنقاش. على سبيل المثال، لن يضر السماح لطفلكما باختيار فيلم الكارتون الذى يريد مشاهدته أو اختيار الxxxتى شيرتxxx الذى يريد ، فهذا سيعطيه شعوراً بإشباع رغبته فى الاختيار. لكن إذا صمم طفلك على فعل شئ خطر مثل اللعب بسكين، أو إذا أراد أن يفعل شيئاً لا يناسبك وأصر عليه مثل زيارته لجدته فى وقت يكون لديك فيه الكثير من المشاغل فى البيت، فى هذه الحالة يكون القرار النهائى لك. إلى أى مدى أكون حازمة؟ لا يجب أن يكون الأبوان متراخيين أكثر من اللازم أو حادين أكثر من اللازم، فالمبالغة فى كلتا الحالتين ستؤدى إلى نتائج غير طيبة. فإذا قوبل كل ما يريده الطفل بالرفض دائماً دون إعطائه فرصة اتخاذ أى قرار، سيؤدى إلى عدم قدرته على اتخاذ أى قرار أو تكوين أى رأى، فتحكم الأبوين الدائم فى الطفل، يحجم شخصيته. على الجانب الآخر، إذا لم يوجه الأبوان طفلهما وتركاه يفعل ما يريد بصفة دائماً؛ أياً كان ما يريده، فستكون النتيجة طفل منفلت ليس لكلام أبويه أى تأثير عليه. إن أفضل طريقة للتعامل مع الطفل الذى يصر على فعل شئ ترين أنه غير لائق تتضمن ثلاث خطوات: - أول خطوة هى أن تقولى لطفلك بهدوء وحسم أنه يجب أن يتوقف عن ذلك السلوك وأنك لا تريدينه أن يكرر هذا السلوك حيث أنك لا تقبلينه. - ثانياً إذا لم يتوقف الطفل عن سلوكه، ذكريه أنك قد طلبت منه من قبل التوقف عما يفعله وقولى له أنه إن لم يتوقف فى الحال فسوف يعاقب. - وأخيراً إذا استمر الطفل فيما يفعل بغض النظر عما قلتيه له، فيجب أن تقومى بمعاقبته حتى لو أغضبه ذلك. يجب أن يعرف الطفل أنك تعنين ما تقولين، وأنه لن يستطيع تحت أى ظرف من الظروف الاستمرار فى اتباع السلوك السئ. العقاب المناسب هو حرمان الطفل من شئ يحبه، مثل مشاهدة التليفزيون، أو الذهاب إلى النادى، لكن ليس من المناسب أبداً ضرب الطفل أو سبه بألفاظ جارحة. من الطبيعى أن يحدث بينك وبين طفلك أحياناً تضارب فى الرأى، أن السر فى التعامل مع عناد الطفل هو أن يتسم سلوكك معه بالهدوء ولكن بالحسم والثبات فى نفس الوقت ... ك |
اقتباس:
شكرا لمتابعتك jolie شكرا كتير مقال جميل تقريبا كل شي فيه بنفذه |
ماريا حبيبتي اتزكرت اشي قلت اكيد بتستفيدي منه
ابني الو ابن عم قده بالزبط ابني اكبر منه باسبوعين بس ابن عمه ماشاء الله من صار عمره سنة ونص صار بلبل لانه عنده اخوان اكبر منه 4 ما شاء الله،، اما ابني بما انه البكر كان باعتبار وحيد وما في الا انا وابوه وازا اجا عنا حدا زارنا كل فترة بيحكو معه فضل كلامه قليل لحد عمر السنتين ونص وفجأة وبدون سابق انذار بلش يبرم ويحكي كلمات استغربت انه بيعرفها!!:15: وزي ما اتقولي زي اللي كان صايم وافطر مسلا يعني صرت مش ملحقة عليه كلام يعني تقريبا بشهر 6 او 7 من هالسنة لما بلش يحكي وكلمات كتير وبعدها بسرعة بلش يكون جمل من كلمتين و3 كلمات وهلأ بحكي كل اشي وبترجاه يسكت:25: يعني يمكن ابنك هيك فجأة يحكي ما تقلقي |
طيب ماريا حطيلوا قنوات الأطفال متل طيور الجنة وكراميش كتير بيتسلوا الأطفال عليهم
والله أنا بنتي كل نهارا ونحني حاطيلا المحطة وما شاء الله عليها صارت تحفظ بعض الكلمات من الأناشيد شوفي انا بعرف الطفل البكر كتير بينظلم لان ما في حدا اكبر منوا يتعلم منوا ما في عندك جيران يلعب معهم |
الله يعيييييييييينك و الله بنتي جننتني بعنادها , هيدي مش بس عنيده و عنيفه كمان. انا اعتقد السبب هو وجودهم في البيت يعني لا حضانه و لا روضه, انا هلاء في الدنمارك خليت صارلي كم شهر بعتت بنتي بمكان متل الحضانه ما بتعرفي اديش تغيرت صارت هاديه و تسمع الكلام و كتيير مبسوطه مع الاولاد و الله حامله همها لما ارجع لبريطانيا مع البيبي الجديد شو راح يصير فيها..!! خايفه ترجع متل قبل. |
يا ماريا
خليها على الله احنا الكبار ناسين الحكي و الضحك بلعربي حياتنا كلها بالصامت الله يعين الاطفال ابنك الغيره مخليته لا يعرف يتكلم ولا يستوعب بيقلد اخته بكل شي لسه انت الحمد لله بتسافر ي لاهلك ويشوفو اهل و اقارب و اطفال بعمرهم خليكي على هلعاده وتدريجي بيتغير ابنك من النوع الحرك الملول و انت شكلك بيتوتي اشتري عربه اطفال من النوع الي يتحمل المشي jogger twin pushchair و لفي فيه حتى لو الجو بارد مع المشي و تشمو هوا نقي و تغيرو جو و انت كمان نفسيتك تتحسن لسه مثل ما انت ما اتغيرتيعايشه ببلد و عقلك وطريقتك ببلد ثانيه |
اول شي حابه اطمنك ابنك الحمد لله طبيعي ميه بالميه
الغيره الهااثر والفرق الي بينهم لمااجت اخته كان بادي يستوعب واكيد الين ماحملتي كنتوا مدليلينه على الاخرولماشفتوا اصغر منه حولتواتعاملكم معاه من طفل الى راشد وعاقل من غير ماتحسوا ولاتنسي انكم عايشين في بلد اجنبي يمكن ماعندكم قنوات عربيهشاهداته تخليه يتعلم انجليزي وكلامكم بالعربي بسوي حيره وايضا كلام الناس معاه بالشارع وحتى عمرسنتين وخمس شهور في كثير من الاطفال بتكون كلماتهم قليلله جدا وغير واضحه بعد الثلاث سنين تبداي تلاحظي الفرق الله يحفظه ويحميه وعناده طبيعي بهاالعمر وبظروفه فقدوم اخت له ومشاركتهالوالديه له اثر على تصرفاته فهو يريد لفت الانتباه وحتى ان كان موجود الاهتمام فيه لكن هو يريد ان يكون الاهتمام فقط فيه لوحده دعيه كماهو ومع الوقت راح يتوقف وانامع الاخت الي نصحتك بتركيب قنوات مثل طيور الجنه وكلميه هددي واوعدي كوني واثقه بانه يفهم كل شيء ونسبة الذكاء عندالاطفال كبيره جدا تكاد تكون اكبر من نسبة ذكائنا فكلاما يكبر الانسان بالعمر ينخفض ذكائه ولاتنسي الحديث اليه اثناء نومه(اول مايغفى) بالاشياء الي تحبي انه يسويها لكن اياك وان تتكلمي بالنفي ابدا(لا-ما) الله يحفظلك اياه وحبيت اعطيك من خبرتي عقبال يارب تفرحيه فيه وباخته |
اقتباس:
الف شكر لك يا زينة و اي نصيحة بتتزكريها لا تبخلي علي فيا الله يجزيك الخير |
اقتباس:
و اصلا اطفالهم كبار مشان القنوات ما بتطلع عندي الا قناة براعم بس مو مقصرين معه جبنا له فيديو بحب يشوف الكرتون بس بمل احيانا و بفش خلقه فينا |
اقتباس:
بس ظروفي المادية حاليا ما بتسمح نحطو بالحضانة لأنه غالي شكرا كتير حبيبة علوش الله يحفظن من كل شر و يكبروا و يريحونا و لا قولة أمي ما رح نرتاح |
اقتباس:
و كل يوم بقول يمكن لما يصير كذا بتأقلم.. و يمكن لما يكبروا أطفالي اتأقلم و كل يوم مبرر الله يعين قولي آمين |
الله يعينك ياماريا لسة ماوصل ابني للمرحلة العمرية هاي
بس هوة بموت في اصدار الضجة بمسك لعبة او غلاية المنيوم كبيرة وبقعد يخبط في الطاولات والمطبخ و طاولة الصالون اكتشفت عدة خدوش بسبب الافندي:( ولكن بدي اقلك لو انت او جوزك كنتو عنيدين او فيكو طبع العناد فهوة بكون متورث الصفة منكو بكل تاكيد بدك تتحملي:) معلش ردي مش مفيد باشي بس لانو كتير شفت بشكو من العناد ويطلع وراثي بالاخر الله يهديلك اياه استغفري كتير بنية الله يهديه وان شاءالله يتغير للافضل |
ماريا العبي معاه العاب حركة خليه ينط ويجرب ويتعب ويفرغ طاقته
بالله انت مابتزهقي من البيت كيف هوة طفل صغير ومو لاقي حد بسنه الله يعينه |
ماريا <<< ابنك بذكرني بعبودي شو جنني لحد ماوصل الاربع سنين
كان نفس الشي بس انا بطبعي صبورة يعني ماكنت اصارخ في ولااعاقبه لما يبدا يصارخ احضنه واقوله بهدوء شو بدك لحد ماافهم عليه كنت كتير خايفه عليه لانه بالنسبه الي كان الشي غريب بنتي الكبيره كانت بعمر السنه تحكي وحكيها واضح وانا ساكنه مع اهل زوجي يعني الكل بكلمه فليه ماتكلم وديته عن دكتورة تخاطب وتابعته بعدين انا قطعتها فتره شهرين وكان موعدي معها فجاءة لقيته بتكلم وياماريا لليووووووووووووم وانا بعاني بقوله حبيبي لو تسكت شوي بس تبارك الله كلامه كتير <<<<<<<< حبيبتي انت هدي اعصابك عليه وماتفكري الموضوع غيره انت جيبي بنتك وخلي يلعب معها والحين هو كبر ليه مابتخليه ياكل معكوا انت وزوجك انا ابني الصغير عمره سنه و8 اشهر تقريبا بقعد على السفره معنا وبنمسكه المعلقه وبياكل لحاله وبعدين لما تلاقيه معصب احضنيه ولما تطلبي منه مثلا يلم العابه اصري قوليله يله نلم الالعاب مارضي امسكي معه ايده وشيلي الالعاب بيده يعني حطي ايدك على ايده وخليه يمسك اللعبه ويحطها مكانه اذا كب الشبس مثلا امسكي ايده وخليه يلمه شوي شوي بصير يلم بنفسه عارفه انا شو بعمل مع ولادي احيانا بقوم العصر من النوم بتكون غرفتهم ياسلااااااااام شو نظيفه طبعا قصدي العكس بقولهم من اشطر واحد بنظف اكتر شي اله حلاوة مع انه عندي شغاله بقوموا يركضوا خلال عشر دقايق الغرفه بترجع نظيفه انتي اعملي هالشي بينك وبينه ولاتصري على الكلام كتير اتكلمي معه طبيعي ان شاء الله مابصير عمره 3سنين وبنلاقيك حاطه موضوع كيف اسكت ابني بس انت هدي اعصابك كتير لانك ان كترت صراخ بتعلم هو وبصير اسلوبه كله صراخ << صحيح انه ابني دايما بصارخ على العالم لكني بحاول معه اخلي صوته واطي قدر الامكان الله يخليك ولادك ويحفظهم يارك تحياتي |
ماريا جبتلك تردد قناة طيور الجنة عبر قمر atlantic bird 3 فى مدار 5 درجات غرب والتردد هو: 12543 H 27500 |
اقتباس:
لأني ابن عمته نسخة عن ابني يشهادة الكل من طرف أبوه يعني مو من عندي :d انا حبابة :30: مشان الالعاب بلعب معه أكتر شي لعبة التخباية و كاسري ظهري بلعبة اني احمله و امشي فيه و هو راكب فوقي و كل شوي بيوقع بستمتع بالوقعة و مااااااااااااا بمل فعلا كانت نفسيتو احسن بكتير ايام الصيف كنت اطلع كتير و يوم اللي ما بطلع بلبسو البوط و بطلعه للحديقة بلعب قد ما بدو و انا عم براقبو من المطبخ و الغرفة كتير كان يفرح بس يا حسرة درجة الحرارة هلأ 1 و كل يوم مطر حتى الحدايق العامة لما رحت عليها شفت المطر مكوم عالسلايد (زحليقة ) خليها لربك الله يهديه |
اقتباس:
الله يسلمك يا رب و شكرا كتير على النصائح الحلوة و الله يعينا على تربيتهم و يرزقنا برهم بصفن أيام بابني و بسأله (و لو انه مو فهمان) بسأله رح تبرني لما تكبر ؟ ولا بدك تطنشني متل كل هالشباب ؟؟؟ |
اقتباس:
شكرا كتير الطير الازرق تعبتك معي بس القمر عندي هو الـHOTBIRD |
ما أنصحك بقناة طيور الجنة
لان كلها موسيقى |
ماريا لا تقلقى انا ولدى عمره الحين 4 سنوات وكان مثل ولدك ماتكلم الا عند 3 سنوات عاد ى فى اطفال تتاخر المهم انه
يكون سامعك تمام ويفهم اذا طلبتى منه شئ |
اقتباس:
قبل قليل كان عم بيعطيني الموبايل و يريد ان افتحله شي فيه انا مسجلة على موابلي كرتون يشوفه بس كان ما بده الكرتون جربت الاناشيد ما عجبو ما عدت عرفت شو بدو و اعطيه الموبايل و هو مو عاجبو يرجع يعطيني ياه بس هو شو بدو مني اعمل ما بعرف و الله :29: و بعدها قعد بالأرض يصرخ عصبت منو لأني احتررررررررررررررررت و بالنهاية حرمته من الموبايل هالموقف بصير كل يوم و بتكرر كتير :( الله يهديه و يصبرني |
هلا ماريا آسفه على تأخر في الرد بس والله صارللي فتره ما فتحت المنتدى:29:
انا بحب طمنك بنتي نفس الحاله و انا كمان عايشه ببريطانيا متلك و مافي لا طلعه و لا شي..بنتي هلء رح تصير عمرها 4 سنين و ما حكت لصارت 3 و نص..لأن كانت تلخبط بين انجليزي و عربي..برامج اطفال كلها انجليزي و انا و ابوهم بنحكي عربي..بس الحمدلله صارت تحكي انجليزي و عربي :22:و خاصه بعد ما دخلت مدرسه بس كلامها بدو مترجم شوي..اختها يلي اصغر منها هلء طبقت 3 بتحكي اكتر منها...كل طفل و طبيعته..و كانت بنتي الكبيره نفس ابنك ماتقعد ماشاءالله تمشي على الحيطان..:30:ههه بس من بعد ما بدت تحكي الحمدلله كتير خفت حركتها و صارت تفهم علي اكتر...ابنك عم يساوي هال الحركات لأن ما عم يعرف يعبر عت يلي بدو ياه..طولي بالك عليهم و كلنا بالغربه سوا شو بدنا نعمل بس صدقيني بس يكبر شوي و يبدء يحكي رح تشوفي الفرق...تقبلي مروري |
اقتباس:
شكرا كتير لردك طمنتيني الله يخليلك بناتك ليش حاسة اني بعرفك :11::30: جزاك الله خيراً |
أخـتـي الكـريـمـة وش رأيـك تـجـربـي أنـك تجيـبي لـه مثـل الصندوق الخشبـي وتمليـه من الطيـن أو التـراب او ألـعـاب صلصال ويـلـعـب فـيـهـا،،،، حـتـى يـفـرغ شحناتـه ويـهـدأ من العـصبـيـة.... وبما أن الأجـواء عندكم جـداً بـاردة وما فـي إمـكـانيـة للخـروج برا البيـت... فـهـذا أنسـب لـه.... والله يـحـفـظ لك أولادك عزوبي:22: بس:d رجل:30: |
هههه و انا كمان حاسه حالي بعرفك:d...مو بعيده نعرف بعض...الله يخليلك ولادك و مع هال الثلوج:21: مافي امل بالطلعه:(
|
| الساعة الآن 08:42 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©