|
هل صحيح عندما أبين لها مشاعري؟
السلام عليكم ورحمة الله
راح ادخل بالموضوع على طول ,,, أنا خاطب لكن محتار كيف الطريقة الصحيحة لتعاملي مع خطيبتي :27: يعني انا الحين مدلعها وكل يوم اكلمها واسمعها كلام حلو واسئل عنها دائم ومحسسها انها اهم شيء عندي في الدنيا .... حتى اقول لها ان كل شي اسويه بس لأجلك وتعبي وشغلي عشانك انا ما اكذب عليكم البنت عادية وجمالها عادي بس انا اشوفها ملكة جمال الكون ودايم امدحها وابالغ في مدحها وابين لها اني اموت فيها واذا زرتها في بيتهم اجيب معي هديه ووكذا عموما هل ما اقوم به صحيح لأن كثير انتقدوني خاصة امي يقولون لا تدلعها وخلك رسمي مع البنت ولا بتطيح من عينها :( ابغى رائيكم خاصة البنات !!!! انتوا كيف تشوفون الخاطب اللي مثلي ؟ هل صحيح اني ابين مشاعري لها ولا اكتمها :( ابغى رائيكم بصراحة وبدون عاطفة وشاكر لكم جدااا |
اخي الفاضل بداية الف مبروك على الخطوبة
اخي ماتفعله مع خطيبتك شي حلو جدا ولكن لاتخليك كذا على طول يعني خليك وسط لاتدلعها زيادة ولا تحرمها من هالدلع عشان تشتاق لك دائما واذا انتو ماصار لكم فترة من مخطوبين اعطيها فرصة عشان تحبك وتتعلق بيك اكثر دلعها سمعها كلام حلو اسال عنها دائما حسسها انها اهم شخص بحياتك بس بحدود يعني لاتبالغ كثيرا بهالشي الاعتدال حلو وبكل شي |
كل شي بحدود يكون حلو
انا ماشوف شي غلط انك تعبر عن مشآعرك وتدلعها بس في نفس الوقت تكون جآد معآهآ بحيث انوو تحترمك .. موو تصير ميآنه مررررره وبعدين عادي لو تغلط عليك انا خطيبي يعبر لي بالقطاره وهذا انا منقهره منه ومطنشته عشآن يحس خخـ وبعدين الخطوبه احلى فتره استانسووو فيهاا ولا عليكم والبنت غالبا تستحي من الرجل الرسمي وماتكون مره صريحه معاه فـ مادري واتوقع الحين حتى لو قلنا لك قلل وكذا ممايفيد لانها تعودت وراح تحسك متغير بس انا ماشوف فيه شي غلط |
haya_85 + ملامح قمر
شكرا على تفاعلكم معي اللي فهمته منكم اني اقلل من كلامي لها !! البنت مستحية مني الى الان لكن في البداية كانت اكثر لدرجة كانت تتم ساكتة واسحب منها الكلام سحب يعني مع الوقت بدت تتفاعل معي ولكن طبعا ما اسمع منها كلام حلو خخخخ بس تسال عن اخباري وتتحمد لي على السلامة وتتشكر : ) طيب الحين انتوا تبوني اقلل زيارات ومكالمات !! واثقل عليها زي ما كل الناس اللي حولي يبون :( لاني اذا كلمتها ما اقدر اكون رسمي .. الكلام يطلع غصب اذا سمعت صوتها او شفتها مشكورين |
أخـي دع مشاعـرك تخرج كما هـي ولا تـحـجب شيئاً وأقـصـد بذلك أنـه لـو أعـجـبك شيء منها فامدحه وأبدي إعجابك بـها وإن ضايـقـك منها شيء فأبدي مشاعـرك تجاه ما يضايـقـك وهـكذا..... فـكـن على طبيعتـك ولا تتكلف بمنع شيء أو تقديـم شيء فكـل مشاعـر لها ظروفـها ودوافـعـها.... وكـل شيء بحـدود وبدون مبالغـة في المشاعـر - أي كانت - وعلى البركـة أخـوي والله يتمم لك على خيـر ويـكـتـب لكما السعادة والسرور عزوبي:22: بس:d رجل:30: |
عادي لاتحاول تمنع مشاعرك او تقللها خلها على طبيعتهآ .. هذي احلى فتره راح تعيشوها وبتبقى ذكرياتها طول العمر
لذالك لاتتغير زي مانت معهآ .. وكذا بتتعود عليك اكثر وبيكون ووصولك لـ قلبهآ سريع .. وبتسهل عليها اشياء كثيره معآك .. |
بالطبيعة وبالعرف لازم الرجل هو من يتكلم لان ايضا البنت من طبيعتها خجولة وخصوصا مع خطيبها
فانت اذا بتكلمها كل ثلاث ساعات او اربع مش مشكلة ولا هي عيبه واذا اتعبرلها عن مشاعرك كتير كمان مافيها اي خطا بالعكس انت تعطيها فرصة اكتر من اجل ان تعبر لك مابداخلها وحتصير تقول طيب هو يعبر ويتكلم وحيجي معها وقت وتقول كل الي في قلبها لك اعرف انا تعليقات الناس اثقل ياولد عشان تحبك ولا ترخي لها الحبل من اولها ومن هالكلام .... انا بالنسبة الي اول ما انخطبت كنت جدا خجولة من خطيبي ولكن الآن ما احس في حواجز وذلك لان خطيبي من النوعية الي عودني عليه ترا خطيبتك من جواها مبسوطه وتحمد ربنا ع طووول لا تحرمها من اي شي عوتها عليه انا شايفتك صح وابدا مش غلط الله يوفقكما |
مافيه أي مشكلة من اللي بتسويه.. بالعكس عيش أحلى أيامك.. لكن الإعتدال أفضل.. خوفاً من حدوث فتور في المستقبل لا قدر الله. أتمنى لك التوفيق في الدنيا والآخرة. |
زوجتك وتستاهل كل الخير منك دووووم
أنصحك ما تدخل اي كائن من كان بخصوص حياتك حتى لو كانت امك لان حتى من الحين بدات تغار فانبته لاتعطي امك التفاصيل اذا سالتك موفق |
بالعكس اخوي انت الصح وهذا المفروض الواحد يعبر عن مشاعره
وترا حتى وهى ساكته وهالشي بيكون طبيعي خاصه اذا توكم مملكين بس صدقنى كلامك الحلو الى انت تقوله راح تلاحظ هى شوي شوي بتاخذ نفس اسلوبك بدون ماتحس الله يوفقكم ويسعدكم ويتمم لكم على خيرررررر |
بالعكس اللي تسويه صح في صح .. وبرافووو عليك
انت جذي تخليها تتعلق فيك وتحبك اكثر واذا حبتك وتعلقت فيك .. ماراح تشوف منها الا كل خير مستقبلا..!! استمر على مانت عليه والله يوفقك..!! |
مشكورين كلكم ..... بصراحة شجعتوني لاني لقيت انتقادات كثيرة اخرها من اختي
|
بالعكس هذا احلى شي استمر صدقني بتكسب حبها على طول حتى لو مابينت لك هالشي راح يطلع منها مشاعر ماعمرك توقعتها بس لازم تستمر معها على طول ولاتسمح لاي احد يتدخل بحبك ومشاعرك عبر عنها بكل حريه واستغل ايام الخطوبه لان الكل يقوووول انها احلى ايام العمر انا مومجربه بس كوني فتاه حبيت ابدي راي والله يسعدك مع زوجتك ويرزقكم بالذريه الصالحه ويديم الحب بينكم
|
اخي هذه احلى ايام العمر فافعل و قل ما تشاء طالما انه لا يتنافى مع الدين او العادات
|
أخي في الاسلام من طبيعه الانثي الخجل ومن حقها انك ادلعها وتقول كل مشاعرك بس في ايام جايه يعني بأقتناعي بالمثل الشئ أذا زاد عن حده انقلب ضده والحب والمشاعر الزائدة بين الطريفين شئ جميل ولكن بالمعقول يعني لاتزيد كل الزيدة ولاتنقص كل النقصان علشان تشتاقو لبعضكم ونشاءالله يارب ينظر اليكم الله بالرفق والحنان ولايفرق بينكم مهما طال الزمان وشكراً
التوقيع :-اللهم اجعلني من التوابين المتطهرين |
انشاءالله ربي يوفقكم بأذن الله وانا اري انك صح الصح بس بالنسبه ليا انا مقتنعه بالمثل الي يقول الشئ اذا زاد علي حده انقلب ضده يعني لاتزيد كل الزيادة ولا تنقص كل النقصان علشان تشتاقو لبعضكم وتحبو بعضكم اكثر واكثر وانشاءالله ربي يحفضكم ويرعاكم امين ويارب ينظر اليكم بالرفق والحنان ولايفرق بينكم مهما طال الزمان امين يارب العالمين :22::14::14::14::14:
:14::14::14::14::14::14::14::14::14::14: ألف الف مبروك |
والله ما اقول غير يا بختها
عادي اخوي خلك طبيعي وبس انا خطيبي انا اللي ادلعه ههههههههههه |
خليك طبيعي
لا إفراط ولا تفريط يعني عبر باللي تحس فيه وهذه من الفترات الحلوة اللي بتمر عليكم وامدح وقول اللي تبغاه في حدود المعقول والواقع لكن لا تعبر وتبين أشياء وتمدح فيها وهي أساسا غير موجوة يعني تجامل وتضغط على نفسك كذا انتو الاثنين بتتعبون ونصيحة ما بينك وبين زوجتك وطريقة تعاملكم وكلامكم الخاص مع بعض دائما بينكم لا تطلع أحد عليه حتى أقرب المقربين وبالتوفيق |
بالعكس يآخي اسلوبك جداً رائع
وتتمناه كل فتاه والبنت تملكها بالصدق والكلام الجميل الصادق بس عاد انتا لاتبالغ وتزودها تقولها انتي ملكة جمال لانو كل واحد يعرف قدر نفسه قولها انتي احلى البنات بعيوني وكلام يكون اقرب للواقعيه عشان ماتحس انك بتستخدم معاها أسلوب الغش والبكش وفقك الله |
| الساعة الآن 08:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©