|
ما أعرف أتكلم مع خطيبي ولا أرد على اتصالاته
السلام عليكم و رحمة الله و بركات
كيفكم يا أعضاء و إن شاء الله بخير هذا أول موضوع لي و بتمنى إنكم إتساعدوني القصة هي إني إتقدملي ولد عم بابا و انا ماأعرفه لأني ببلاد وهو ببلاد و أنا رافضه أتزوج أحد يقربلي و طبعا لأني ما أعرفه وافقت و إحنا بمجتمعنا قبل الخطبة لازم نتعرف على بعض و نعرف شخصية بعض و إلخ و بعدين إذا عجبني أو عجبته إنسوي الخطبة و مشكلتي هنا انا أستحي كثير و ما أقدر أتكلم معه و كل ما يتصل علي ما أرد عليه أو لما يتكلم مع بابا على المسن و يخلص أبوي يناديني عشان أتكلم معه و أروح و طول الوقت لما هو يتكلم أنا ساكته وهو عارفني إني مستحية بس قالي لازم اتحاولي و تتكلمي معي عشان نتعرف على بعض و أنا ماني قادره أحس إني خائفة بس ما أدري من إيش هو شخص طيب و متفهم و حلو و كل الصفات إلي أبغاها في رجل فيه أنا في الثانوية و هو أخذ الماجستير أحس نفسي قدامه ولاشئ في العلم و بما إني في بلد مسلم و لابسه الحجاب وهو في بلد كافر فدائما يسألني عن الدين و بعض الاشياء أنا ما أعرفها فما أجاوب و ما أقدر أقوله ما أعرف لأنه هو إتقدملي في البدايه عشاني متدينه و لابسه الحجاب أحسه يتوقع مني أشياء كثيرة صديقتي قالتلي لا تقليلي من شأنك قدامه من ناحية الثقافة تقدري تتعلمي في أي وقت و أنا مشكلتي أكره الدراسه و هو يعشقها و أناكنت أفكر بسافر و أكمل دراستي بفرنسا وين مولود هو و عايش طبعا تفكيري هذا كان قبل لا يجي هو و أبوي قاله هذا الكلام فقالي إنو في جامعة حقة شريعة تقدري إتكملي فيها و تأخذي الدكتوراه في فرنسا أنا طبعا جاتني صدمة قلبية بكلامه لأني بكره الدراسة كنت شوي وبصرخ في وجهه و بقوله الشئ الوحيد إلي في تفكيرك الدراسة و التعلم و بجد أحس إنه إهتمام بالدراسة كبير المهم سامحوتي لأني طولت عليكم بس ما لقيت لمين أحكي مشكلتي أنا زي ما قلت أستحي كثير و هو أحسه يبغى بنت جريئة و بصراحة أنا بجرائتي أجرح و اهلي إخافوا منها هو أكبر مني بعشر سنوات و دائما يتكلم على العمر و كأنها مشكلة ففي يوم سألني إذا كان عندي مشكلة في إني أكشف وجهي و طبعا انا عن نفسي عادي بس من كثر ما يسألني عن العمر و يقولي إني أصغر منه بكثير وأنا كنت دائما أبي خطيبي يكون اكبر مني بكثير بس مو اكثر من 10سنوات حسيت إنه خلاص مايبيني بس مو قادر إقولي فقلتله لا ما أقدر أكشفه و بما إنا مختلفين في هذا الشئ هو يبغي وحدة وجهها مكشوف و أنا لا فقلتله إيش رأيك كل واحد يمشي في حاله و بكذا أنهينا إلي بينا و من بكره أبوي سألت عنه و أنا عاد كنت إمعصبه لأنه من أول كان يعرف إنوا عمري 16 فقلت لأبوي تبي تعرف شئ ولد عمك راح مع السلامه أبوي إتفجع فحكيتله كل شئ و راح إتصل عليه و فهمه و بكذا رجعنا بس لسه لما يتصل ما أرد عليه لأني ما أعرف إيش أتكلم معه و أخيرا أبي أقوللكم ساعدوني و أرشدوني لأنه شخص على قولة الكل مناسب لي و لعائلتي و انا عاجبني و عاجبته _هو قالي كذا فأرجوكم أرشدوني قبل لا يضيع مني لأني كثير حاسديني عليه من أهل بابا و أنا بصراحة ما أبيه يروح مني أنتظر ردووودكم و شكرا |
وعليكم السلام ورحمة الله وبركاته
اختي انتي قلتيها فترة الخطوبه عشان تتعرفو على بعض بس مشكلة الخوف هذه اعتقد تصير عن اي بنت مافي بنت ولا شاب ما ارتبكو ببداية الخطوبة شوفي اختي تصرفي على طبيعتك وكلمية على طبيعتك لاتحاولي تصطنعي انك فاهمه وانك دارسه ومدري شو تصرفي مثل ما انتي بس طبعا ً لابتدين له سيئاتك من البداية با البداية راح تستحين لكن اذا كثرتي من الكلام معه والنقاش معه راح ينكسر حاجز الخوف اذا هو عاجبك قولي له انك عاجبني بس استحي منك مافيها شي وهو دامه عاقل ومتعلم اكيد بيتفهمك واكيد بيساعدك على التغلب على خوفك ,, انصحك بطريقة الرسائل انو ترسلين له رسالة على ايميلة تعبري فيها عن مشاعرك اتجاهه اعتقد با الرسالة راح تعبري اكثر عن الي بداخلك مو مثل لما تكلمينه مباشرة الله يوفقك ان شاء الله ^_^ |
مرسي كتير على ردك
و بجد شجعتيني ومرسي مره ثانية |
اختي لازم تكلمية ولازم تكوني علي طبيعتك
لان هذي فترة خطوبة يعني تعارف |
فيه نقطة مهمة جدا .. مو لا لازم جريئة لكن لازم عالاقل تكوني بوعي عشان تعرفي اذا شخصيته تناسبك !!!
هو يحب الدراسة وشكله يحب البنت المثقفة اللي تناقش وتفلسف :) وتخلي اولاده متميزين بالدراسة وجريئة بالنقاش وتدرس كثير .. الخ يعني تأكدي انه يحب بيئة العلم كثييييييييييييييييير واغلب الناس ينجذبوا للداراسين بس مو ضروري اتزوج انا على ذوق الناس !! وبعدين لاتجي تقووولي انا طفشت كله مع الكتب جالس !! شكله من النوع اللي يقرا كثيرر .. رأيي تنتبيهين كثير وعليك بالاستخارة وطولي الخطبة .. وشوفي ترا الاعجاب بالشكل والفلوس مؤقت لكن الشخصية هي اللي تبقى موفقة |
حياتي انتي مثلي
انا ماحب الدراسه اكرهه مآطيقها هعـ وخطيبي يحبها حييل واهم شي الدرآسه !! عآد آنآ ماقوله انا ماحبها وكذا يعني عارف اني طفشانه منها ومن كثر الاختبرآت بس مو اني مآحبهآ !! وكله اقوله انا ابي اكمل بعد الثانويه لاني ناويه اكمل غصب خخـ مابي اصير اقل منه وبعدين يجلس لي يتحلم بالمثقفه هههههآي عاد هم مآيصدقون على الله يعني تخيلي شهادتك ثآنويه فقط وهوآ مجآستير نصيحه كملي درآستك مو عشآنه لـــ نفسك ! وعادي لاتستحيين لازم تتعرفون ع بعض زين |
مرسي كتير على ردودكم
و أنا ما وافقت عليه عشان حلو أو غني و انا من اول كنت أبي أكمل دراستي بس جاتني هذه الفترة و كرهتها بطريقه غريبة و تبو الصراحة حتى لو ما وافقت عليه رح أتزوجه غصبنا عني فعشان كذا لازم أحاول أتعود عليه و إحتجت لأحد ينصحني لأني ما أقدر أتكلم مع أقاربي بهذا الموضوع و شكرا مره ثانيه |
يا أختي بالنسبة للتعارف قبل الخطوبة
أصلا إنت ما تقدر تعرف أحد على حقيقته إلا إذا عاشرته فطبيعي كل واحد منكم بيحاول يطلع الزين والجميل اللي عنده لأنكم في بداية علاقة فمسألة إنك تتعرفين على شخصيته هذه ما تكون إلا بعد العشرة والزواج وراح تعرفين أشياء بعد الزواج ما كان يظهرها في الوقت الحالي فنصيحة يا أختي إذا كان هو جاد في الزواج فيجي في بيتكم يشوفك النظرة الشرعية وإذا حصل في هذه النظرة توافق بينكم تسوون الملكة (كتب الكتاب) وبعدها تقدرون تاخذون راحتكم وتتعرفون على بعض أكثر أما حاليا يا أختي فإنت أجنبية عنه وبالتالي لا يحل أن يكون هناك كلمات عاطفية بينكما فأهم شي أحب أوصله أن معرفة شخص ما بحسناته وعيوبه لا تأتي إلا بعد العشرة والعيش مع هذا الشخص والله أعلم أسأل الله للجميع السعادة |
مرسي كتير على ردك
بس هو شافني نظرة شرعية و عجبته لكن إحنا عندنا قبل الخطبة لازم نتعرف على بعض و نفهم بعض و إذا ناسبني و ناسبته و تفاهمنا يجي و يخطبني و كمان مافي كلمات عاطفية بينا بس نتعرف على بعض و مجتمعنا غير عن مجتمعكم من الناحية الدينية |
ايتها السجينه يوجد تناقض في طرحك لمشكلتلك ولكن يبدو ان هذا التناقض بسبب نقص خبرتك في الحياه وانا هنا استطيع ان ادلي بما لدي من توجيهات اختي السيجنه اجعلي دينك نبراس حياتك ومسيرتك في كل خطوه من خطواتك تفقهي في دينك اما من ناحية الحجاب فزينة المرأه وفتنتها هي في وجهها وبالتالي غطاء الوجه شئ مهم وان اختلف العلماء في فروع هذا الحجاب ولكن الاصل تغطية الوجه ومحادثة الرجال من وراء حجاب اما من ناحية خطيبك فهو رجل طموح ويرغب بأمراه طموحه في كل شئ ولكن لا تطيعيه في غير طاعة الله وتأكدي ان خطيبك يحب الله ورسوله يأمر بالمعروف وينهى عن المنكر يمتثل لاوامر الله ورسوله وينتهي عن ما نهى الله ورسوله وبما انه في المستوى التعليمي وعلى قدر عالي من الجمال من المؤكد ان كل فتاه تطمح بأن تكون زوجةً له ولكن جمال الروح في طاعة الله اذاً طاعة الله اهم من المسوى التعليمي وجمال الشكل هذه مجرد كماليات وحب الله ورسوله من اساسيات كل مسلم مؤمن فإ اجتمع حب الله ورسوله مع ما حصل عليه خطيبك من علم وجمال فتوكلي على الله ولا تفرطي فيه والسن ليس مؤثرأً مع الادراك ومعرفة امور الحياه تحيه طيبه لك
اخوك قسوره قسوره |
كيف ماعندك جراة وانتي تقولين انك تكلمتي معه وقلتي لة خلاص
وبعدين ابوك زيط الامور لكن ليس مشروع لك ان تتكلمي معه الابعد الكتب ( كتابة عقد الزواج) |
إلي اعرفه ان الرجل مايحب المرآة تكون افهم منه وتجلس تقرقر فوق راسه وتتفلسف
الرجل يحب المرأة إلي تسأله وتبين له انو وواااو وماشاء الله ذكي دايم اغلب الازواج إلي حياتهم ماشيه هما إلي يكون بينهم اختلاف زي انا والدتي مو متعلمه اميه ووالدي مدرس وحياتهم كانت من اجمل مايكون وجارتنا موجهه وزوجها دكتور واثنيناتهم مثقفين بالمره بس زوجها تزوج عليها عزيزتي خليكي على طبيعتك اهم شي تكوني مثقفه بالحياه تعرفي توجبي الضيف وتعرفي كيف تتعاملي مع زوجك وعيالك بعدين إذا جوو إن شاء الله واهم شي تكوني متابعه للأوضاع إلي بتصير للدول < الرجال يحبو الحرمه إلي تتابع الاخبار اول بأول :d والله في كثير مثقفات ودكتورات ومايقدرو يرصو كلمتين على بعض وفي اميات يامشاء الله وترآ مستواك التعليمي بالمره حلوو وشي حلوو انو زوجك يبغى يخليكي تكملي لانو من صالحك قبل كل شي ونصيحه مني حجابك حافظي عليه ولا تتنازلي عنه مثلا اليوم طلب منك تكشفي وجهك وكشفتي بكرا يطلب منك تشيل حجابك وصدقيني بتشيليه وبعد بكرا يطلب منك تلبسي زي لبس الكافرات وتخرجي انتي وياه للمطعم وبتطاوعيه لين يمحي شخصيتك وتصيري لعبه بيده |
بصراحه اناتعجبت اسلوبك رائع جدا على عمرك انا كنت اعتقد الي عمرها16 بتكون ثقافتها بلايستيشن
انابصراحه مثل وضع خطيبك خطيبتي اصغرمني بعشرسنوات مع انه عمرها20 بس كنت اعتقد تفكيرهاصغير بصراحه انتم يالبنات بتنضجوا قبلنا ههههههههه ماشاء الله عليك اناانصحك ماتكوني حساسه بزود يعني الي انتي تمرين فيه عادي جداجداجدا وبكرا راح تتذكري انتي وزوجك هذي الايام وتضحكوا عليها وراح يقولوك ياليتك بقيتي على كذا ههههه صدقيني كل الي ذكرتيه طبيعي جدا واكيد هو مقدر هالشي فهو خاطب وحده عمرها16سنه وحتى لوعمرك30 ايضاطبيعي الحيا والتهرب من المكالمات والسكوت بس لاتزويديها حاولي تسولفي بالاشياء الي تعرفيها وانتي اطرحي الاساله الي في بالك يعني وش تحب في البنت وايش تكره ووو وبنصحك بالرسايل عبر الجوال لانها تكسر الحواجز وتقدري تعبري في اشياء ممكن ماتقدري تقوليها مباشره وقبل كل شي لاتتنازلين عن اي شي في الدين مقابل الدنيا اتمنى لك التوفيق وحياة زوجيه سعيده |
عزيزتي لايجب ان تظهري ضعفك باي مجال خطيبك يهتم بيه حتى لو كان عنده ماجستير وانتي ثانوية انتي اساليه بيني له انكي تهتمين بدراسته ومجال عمله يعني لاتظهري عدم اهتمامك وبهالطريقة تكسري حاجز الخجل بينك وبينه وهو قريبك يعني ممكن تفتحي معه مواضيع نقاش عن العائلة عن دراستك طموحاتك لاتقولي له انك تكرهي الدراسة انا متاكدة انه سوف يشجعك ويخليكي تحبيها
|
الله يكتبلك مافيه الخير
دائما استخيري ولا تقولى راح تتزوجي غصبن عنك لو استخرتى وكان مو مناسب مستحيل راح يتم شي عن تجربه كثيييير وانا منهم بالتوفيق ياعسل |
طبعاً أهم شي الأستخاره ماتتركيها وماتتهاوني فيها صدقيني ماحتعرفي قيمتها إلا بعدين حاولي تستخيري بشكل يومي لين مايرتاح بالك وتأكدي الي حيصير هو الي فيه الخير ليكي يعني إذا تمت الأمور على خير يعني هذا نصيبك وإذا لاسمح الله لأ بيكون ماكان فيه خير وماراح تضايقي إذا ماصار نصيب. أما بعد الأستخاره حاولي تتكلمي معاه بطبيعتك لأن هذا الأنسان ممكن بكره يكون زوجك انتي وهو رح تتعبوا إذا أكتشف بعدين ان شخصيتك تختلف عن الشخصيه الي كنتي تتصنعيها قبل الزواج مو ضروري انك تكوني كامله الشخص الي بترتبطيه فيه لازم يعجب بصفاتك الحلوه ويتقبل عيوبك بالنسبه للدراسه حاولي تسأليه شو الي بيحبو بالدراسه وخليه يحكي يمكن لما تحكوا بهالموضوع تقدري تفهمي وجهة نظرو ويمكن بكلامو يحببك بالدراسه بالتوفيق إن شاءالله طمنينا عليكي ولا تتأخري لو أحتجتي أي مشوره أعتبريني أختك الكبيرة |
مرسي كتير على ردودكم
بس أبي أوضح مسألة الحجاب أنا مارح اشيله لأنه قالي شيليه أنا فكرت أبطل الدراسه عشانه لأن في بلادي ممنوع بس بعدين إكتشفت إنو في مدارس في فرنسا تسمح الحجاب بس النقاب لا و كمان الشيخ الألباني أجاز كشف الوجه و بالنسبه لشخصيتي أنا إنسانة جريئة بس مشكلتي مع الرجال و مرة صارتلي مشكلة مع أحد ومن هذيك المرة إتعقدت منهم عشان كذا أخاف منهم |
| الساعة الآن 09:41 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©