|
هل يتأثر الخاطب عند رفضه؟؟
طبعا معروف ان البنت إذا تقدم لها خاطب
وشافها وبعدها قالوا ما في نصيب تتأثر نفسيتها خاصة إذا كان عاجبها وفيه المواصفات اللي تبيها لكن إذا العكس الولد شاف البنت وعجبته لكنها رفضته هل يتأثر ولا ما يهتم؟؟ فهو يقدر يخطب من ثاني يوم ويدور وحدة غيرها لكن البنت المسكينة مالها حيلة |
اكيد يتأثر لانه بشر .. خصوصا اذا كان الرفض لشي شكلي مو مهم مثل الشكل ، الوظيفة يعني سبحان الله في عوائل يبغون بس مدراء وتحت الثلاثين ؟! والا يكون الراتب 15 وفوق وبيت ملك فهنا الخاطب يحس انه مو جاهز لكن مافيه اسرع من انه يطلع من الحالة هذه ويروح يخطب بنت ثانية وثالثة
اتذكر سالفة صارت لشخص عزيز علي .. كان معجب ببنت معه في الدوام وراح خطبها لكن رفضوه علشان امه الله يشفيها فيها مرض نفسي فزعل فترة لان الولد انا اعرفه ماشاء الله منصبه كويس وتعليمه جدا عالي طبعا بعد فترة تزوج وجاه ولد وعايش حياته مبسوط ومستانس ورجعت البنت اللي كان معجب فيها بعد خمس سنوات تقوله انها موافقة ؟! |
أختي جوهرة أنا مريت بتجربة مريرة لما إتقدمت لأحد الأسر و جاني الرفض و جلست فترة 4 شهور حالتي النفسية مررررره تعبانه :eek: لأنه كانت عندي ثقه كبيرة بنفسي و بعدها صرت أتحاشى موضوع الزواج.. إلى ان يوم صار معاي موقف و هو أنه وحده من قريباتي كانت عندنا بالبيت و بالغلط دخلت عليها الصالة و انا مش عارف أنهم عندنا و تطيح عيني بعينها و تضيع علومي :o و أنهبلت و ما صدقت راحوا إلا أنا ملم الوالده أبي أخطبها و الحمد لله صار فيه موافقة من طرفهم و إن شاء الله الملكة بعد شهرين. :14: فا معليش شكلي طولت عليكم بالكلام <<< أيه يالله خلصنا ههههه :d الخلاصة .. نعم الرجل إيضا يتاثر إذا إنرفض و يمكن تيجيه حالة و يهون من موضوع الزواج |
شيبة السيل
يعني قصدك إذا كان الرفض عشان الشكل يتأثر وإذا سبب ثاني لأ ومثل ما قلت يروح يخطب وينسى اللي كان لكن البنت تعااااني كثيييير لأنها ما تقدر تسوي شي عزوبي متهور 4 شهور !!! سبحان الله ما توقع الشاب يتأثر لهالدرجة قلت يمكن ما يهمه الموضوع او يزعل بنفس اليوم وثاني يوم ولا على باله ويروح يخطب وحده ثانية مبروك على الخطبة الله يتمم لك على خير |
بأي حال من الاحوال سوف يتأثر لانه ادمي زيه زي البنت كتله من الاحاسيس والمشاعر والا ايه اختي بنت الكويت ..................الله يسامحك صديقي دكتور حاصل على دكتوراه في القانون عندما انتهى من الدراسه وحصوله على الدكتوراه تقدم لخطبة احد الفتيات في مجتمعنا وتم رفضه ما كان ينقصه اي شئ شكل وعلم واسره عريقه ولكن كانت الفاجعه يعني ايه الفاجعه يتم رفضه قسماً بالله ضاقت به الدنيا بما رحبت وكانت ردة فعله اصابته باحباط تخيلي بعد هذا المشوار لكن كان هناك سبب جوهري لاهل الفتاه جعلهم يرفضوه هم ملتزمين والرجل كان يخوض في احاديث بالمجالس ما انزل الله بها من سلطان هذا بعد الدكتوراه اما قبله فكان رجل بسيط ذو خلق عالي ولكن بعد السفر الى الولايات المتحده لتحضير الما جستير ومن ثم الى الى المملكه المتحده لتحضير رسالة للدكتوراه تغير كثيراً ولكنه تزوج من فتاه كانت تعيش في المملكه المتحده ورجع الى سابق عهده قبل الدكتوراه والحديث يطول عن الاحاسيس والمشاعر تحيه طيبه بنت الكويت
|
يتأثر بحاله وحده أعتقد
اذا اراد الزواج منها |
انا مو رجل بس شفت وحسيت مع اخواني واقاربي الرجال ، ايوة يتأثرو ولكن بدرجات في منهم الحساسين اللي يتأثرو جدا وفي اللي يتعب اسبوع اسبوعين و بعدين يدور غيرها.
|
اقتباس:
أنا ما قلت هالكلام سامح الله الجميع كنت ابي اعرف هل يتأثر أو لا لأن وضعه يختلف عن وضع البنت تماما لأن الأمر بيده.. يقدر يدور وحده غيرها لكن وضع البنت صعب جدا ورفض الشاب للبنت بعد ما يشوفها يكون غالبا لان شكلها ما عجبه لانه هو ما جاء يخطبها إلا بعد ما عرف عنها وعن اخلاقها وهذا يأثر فيها كثيييير اما رفض البنت للشاب قد يكون لاسباب اخرى |
السلام عليكم ورحمة الله وبركاته اختي الكريمه..
إن كان هذا الشخص قد استخار الله في هذة الخطوة التي سيقدم عليها, وكانت عنده الثقه التامه بالله بما سيحدث بعد اتخاذ هذا القرار.. فأنا ابشره بأن الله قد تلطف به واعانه في اختياره. لانه اذا استخار الله فإن الله لن يعطيه الا ما هو خيرا له مهما كان الرد سواء بالقبول او الرفض. طبعا بعد الاستخارة بالله تعالى علينا ان نعمل بالاسباب ونبادر بها حتى لا تكون علينا حجة. والله ولي التوفيق. |
أعتقد إن بعضهم راح يتأثر ....
خاصة..... اللي كان متعلق في البنت من قبل لكن عن نفسي ...أبدا لن أتأثر لماذا ؟؟؟ لأنه حتما سأجد البديل ..بعد توفيق الله أيضا هذا لايعني أني لست كفؤا ..بمجرد أن رفضتني البنت أو رفضوني الأهل.. لأن مافيه أحد في الدنيا بيرضون به الناس كلهم .. إن رفضتك هذه العائلة ففيه غيرها كثير .. والرجال يعرف كفاءته بنفسه ... مايحتاج يجي أحد يقيمه --------------- أما بالنسبة للبنت .. الوضع غير خاصة بعد الشوفة ...لأنه في جرح لمشاعرها .. وتشكيك في جمالها كذلك ...ممكن لأنها تخاف من شبح العنوسة ... فتخاف تتأخر كثير |
في رأي أنه اكيد راح يتأثر ولكن قد تختلف درجة التأثير يعني لو هو فعلا يريدها ومتمسك فيها وفي الأخير تم رفضه فرق عن إذا كان راح بمجرد ترشيح من أهله للعروسه
أخوي تاثر كثير بعد رفض عمي الله يسامحه له لان أخوي كان يريد بنت عمي وهي تريده كثير والحين وبعد اربع سنين ومع أنه تزوج والحمد لله عنده ولد إلا انه مازال يتأثر أول ما نجيب سالفة بنت عمي. |
بالنسبة لي .. لا أحزن أبدا إذا رفضتني اي فتاة بل اقول إن الله يسر لي ما فيه الخير لي ، و لكن أحزن إذا رفضتني فتاة احببتها بصدق ، فقد يؤلمني ذلك لفترة ليست بالقليلة .
|
انا اخوي خطب بنت عمي قبل لايخطبني اخوها
وجلسوا تقريباً شهرين وردوا علينا قالوا مو راضيه لان في ناس خاطبينها حسيناها كذبه او تصريفه منهم ولما خطبني اخوها ووافقت الا اليوم يقول اخوي المفروض ماوافقنا عليهم عشانهم رفضونا بس امي وابوي قال هذا نصيب وبس فااتوقع اكيد تتاثر نفسياتهم |
ايه يتاثر وعندي مثال اخوي يضييييييق صدره اذارفض بسبب ان معه التهاب الكبد ...كثيييير ناس يجهلونه الاكثييير من عائلتنا فيه وفيه من قرايبي مصاب وقبل الزواج لازم الزوجه تاخذ التطعيمات قبل الزواج وماشاءالله توفقواوجاهم عيال ..الله يشفيهم ويعافيهم..ويوفق اخوي ويرزقه..
|
في حال انه شاف البنت وعجبته (بغض النظر عن إنه يعرفها من قبل أو لا) وجاء الرد بالرفض.. أكيييد بيتأثر وأنا أول واحد ((الله يستر)).. بس ممكن البنت ما عجبته أو حتى ما ارتاح لها تمام أو كان متردد.. إذا جاء الرد بالرفض.. أتوقع يرتاح ويستانس وبيقول جات من الله. |
اكيد الرجال يتاثر وماابالغ لو قلت ان بعض الشباب يتاثرون اكثر من البنات بالذات اذا كان متعلق في البنت وباني آمال عليها. بالنسبة لي كنت احب بنت من طفولتي وكبرت وكبر الحب معاي , الي حببني فيها هو دينها وجمالها ورزانتها وعلماها وعقلها وحسبها وووووو الخ والله ياناس كل صفه فيها تخليني اتعلق فيها و احبها اكثر واكثر. وطبعا الحب كان من طرف واحد (الي هو انا) وهي ماتدري اني احبها ويوم ان الله وفقني وتخرجت وتوظفت قلت حق امي تروح تخطبها, وللأسف رفضوني, وانا من يوم سمعت انهم رفضوني واناعايش حالة نفيسة سيئة وقد مضى على هذا الموضوع سنه كامله بس كل ماتطري على بالي واتذكر انها رفضتني ابدأ اصيح كأني طفل مع اني ماينقصني شي شاب مملوح وموظف ووضعي المادي ممتاز وعلى خلق ودين. مااقول الا الله يجبر خاطر الناس المكسورة |
اقتباس:
أخوي نصيحة إذا البنت ما تقدم لها احد فروح تقدم لها مره ثانية و ثالثة و رابعه بعد لحد ما يطفش منك أبو البنت و يزوجك إياها علشان بس يفتك منك و من خشتك :d ترا هذي مجربه و 90% تنفع و تحسس البنت أنك شاريها و تمووووت فيها و عندي واحد من الشباب تقدم لبنت دة مرات و كل مره أبوها يرفض علشان الولد يعسل بس بعد كم مره من المحاولات واافق و بعد شهرين عرسه :14: |
| الساعة الآن 05:10 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©