|
هل أعذاري مقنعه لطلب الطلاق (المستجدات في الرد 19)
بسم الله الرحمن الرحيم أنا في هـم وحيره وضيقه مايعلم بهـآ إلا الله .. انا بيضا وتملكت على واحد اسمر يعني في البداية قبل ملكتي كنت مستصغرة الموضوع وقلت اهم شي الدين والاخلاق خصوصا انو سمارة طبيعي يعني مثل راشد الماجد بس بعد الملكة احس اني مو قامدرة اتقبله ولا اتقبل شكلة ولا حتي اقدر اجلس معة لدرجة اني دايم اصرفة حتى مايجي البيت ولا حتى اقدر اسمعة كلام حلو وهو دايم يعاتبني لاني مقصرة معة ودايم يقولي خلينا ننبسط بفترة الملكه لانفوت علينا فرحتنا بس بداخلي موقادرة مع انو حنون ووطيب وكل مازارني لازم بيدة هديه لي بس مادري ايش صايبني ، ولاهم من هذا اني لما عرفت انو مو مكمل تعليمة يعني جااهل ودخلة محدود محدود جداً حتى اجار الشقة اخته اللي تدفعه مو هو صرت افكر بالطلاق بشكل جدي لاني ماحس بالأمان معاه، مع اني ماحب اطنش مكلاماته ولا احب اردة اي طلب مو لاني اكن له شعور لا لانو بس طيب معي وميستاهل اي موقف سيء مني ، تصدقون احس اني ماتقبلته لانو اسمر ومرات اقول لانو مو مكمل تعليمة ، واحس فيه فجوة بيني وبينه ثقافتي وبيئتي تختلف كثير عنه ، والله من جد نفسيتي عدم بقوووووووه لدرجه يوم كامل ماوقفت دموع وبكاء والله مادري وشو اسوي انواع الكئابة والهم والغم ، لو اي شخص في مكاني هل بتطلبون الطلاق هل هذي اعذار مقنعه لطلاق خصوصا انا من بيئه متعلمه تقدر العلم ، تكفووون تكفووووووووووووووووون ساعدوني ساعدوني اللي يفرج همومكم وكربكم لاتتركوني |
بأكون مثالية و أقول لك كملي معاه و خذوهم فقراء يغنهم الله من فضله
و هذه يبغالها طاقة و قوة تحمل و صبر ، بس النتيجة إنه زوجك راح يحبك و إنت راح تشوفي حالك عليه مهما عمل و راح أكون واقعية و أقول لك اتركيه ، لإنه الشئ هذا راح يجلس في بالك على طول و بتجلسي تقارني بينه و بين غيره على طووووووووووووووول و تعيشي في حالة و ما راح تحسي بمحبته لك مهما عمل و في الأخير راح يكرهك |
حبيبتي وش يفيدك صاحب البشره البيضا
اذا كان مغرور او اخلاقه مش ولابد او راعي غزل وخرابيط..!! وش يعني اسمر !! ومن كلامك احسه مقبول يعني مو شين بس عيبه لووونه!! ولو اني مو شايفه انه عيب ابدددد وبعدين قلتي مثل راشد الماجد يعني قمحي مو اسمررر !! مو مهم اللووووووون اهم شي انه دين و اخلاق ومصلي والرسول قال إذا أتاكم من ترضون دينه وخلقه فزوجوه ماقال لون بشرته وعيونه !! ودامه يحبك وشاريك مايستاهل انك تتركينه :( واذا ع الغنى ماادري بس ممكن تاخذي غني ويبتليه ربك بفقر وممكن تاخذي فقير وربك يغنيه سبحان الله اهم شي الحب والتفاهم والانسجام لو توفرو لو تعيشي معه بخيمه رح تكوني مبسوطه باذن الله اوقبل ماتتخذي اي قرار لاتنسي تستخيري ياقلبي وماقووووول الااا الله يوفقك ويكتب لك مافيه خير ويصرف عنك مافيه شر |
اقتباس:
اقتباس:
بس لما صار يزورني بالبيت ماتقبلت لا لون بشرته ولا حتى شكله احس بنفوووووور مو طبيعي ماحب يحط يدة علي يدي حتى مااشوف الفرق عموما مشكوووووور وراح استخير مره ومرتين وثلاث |
أختي أنا ما عترضت على سماره ، لإنها نقطة ممكن طبيعة المرأة تتقبلها بعد فترة
مع إني أحب السمار على الرجال :) المهم ، نقطة التعليم تراها مهمة مررررررررررررررررررررة مو شرط يكون معاه عالية مررررررررررررررة ، بس تقولي حتى الأرقام الإنجليزية ما يعرفها و الشئ هذا راح يسبب لكم تصادم في المستقبل ، و لا تضحكي على نفسك و تقولي بأتقبله ، تراها صعبة جدا و راح تحسي إنك تتكلمي مع شخص مو فاهم إنت عن إيش تتكلمي و اللي يقول لك راح تغيريه ، فيا تقبليه كذا و تعيشي كذا معاه و لا الأفضل من البداية كل واحد في طريق ، لا نضحك على نفسنا بالمثاليات و بعد الزواج نقول ياليت اللي جرالي ما جرى هذه نصيحتي من نظرة واقعية و من اللي شايفته بالمجتمع |
ياغلاتي غيرك تتمنى تتزوج وأنتي النعمه بين أيديك وترفسيهاا
وربي لوني مكانك ما أطلب الطلاق عشان الأمور هذي يا أختي الرسول صلى الله عليه وسلم قال : " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره ماقال أسمر والا حالته الماديه ضعيفه وأذا على التعليم ياما مدرسات أجيال تزوجوا من أشخاص مامعهم غير أبتدائي والحمدلله عايشين أحلا عيشه ومو ناقصهم شي ولاتظني بأن اللي معاهم شهادات عليا ثقافتهم أعلا من اللي مامعه شهاده ياما أشخاص شهاداتهم توصل لسحاب ومايجون نقطه من بحر بثقافة شخص ماتعلم بعدين أنتي تقولين مايقصر مدلعك ويجيب لك هدايا وباين عليه يحبك أرفعي يدينك وقولي الحمدلله ولاتحطي فكرة الطلاق براسك نهائي ولاتخلي بليس يلعب عليك الله يوفقك ويكتب لك اللي فيه الخير |
انا ابي افهم
وين هالمعلومات ما سالتمعنها قبل كتب الكتاب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هذي نتيجة التسرع مافيه اي تكافؤ بينكم ابد خصوصا انتي اللي احسن منه .. مثل ما انتي كاتبه .. ومن تجارب واقعيه الرجل ما يحب زوجته تكون احسن منه ولو بينهم حب !!! ومن ناحية الماده من يتحمل انه ما يقدر على الناحيه الماديه وحرمه اللي شايله عنه المسأله؟ اما اللون فالسمار حلو بس مو هنا المشكله المشكله حتى ارقام انقليزي على قولتك ما يعرف ابغى اعرف من جد ما سألتو عن تعليمه؟ ولا الناحيه الماديه؟ عن ايش سألتو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لأن الدين ياما يتظاهرون فيه بس هالنواحي علنيه مافيه مجال للغش فيها |
اقتباس:
بس ادعيلي ان ربي يكتب لي الخير و مشكوره ياقلبي ربي يسعدك اقتباس:
وترا الدلع والهدايا ماتعني شي عند التعليم والمستقبل يعني الدلع له فتره وبتزول لكن اللي بيبقى هو ثقافته وتعليمه وماديته وبعدين لما اتذكر انو ياخذ الاجار من اخته تهتز صورته قدامي كارجل واحس العيشة معه مافيها أمان ابداً ومشكوره اختي والله يسعدك |
اقتباس:
آآآآآه من جد كلامك عور قلبي والله انا اكثر وحده كنت حريصه انو اسئل وأاكد على اهلي ايش تعليمه وماديته والله يهدي امي كانت تقول عيب انو نسئل عن هالشي وكانت تسكتني تقولي ايه سئلت ومن هالحكي عموما انا ماحمل اهلي نتيجه الي صار لانو الي صار صار وماحب اتذكر شي ماضي واقول لو كان تدريت لو مادريت مشكوره ياقلي وربي ويسعدك |
هذا خطاك من الأول اذا مو عاجبك ليش توافقين عليه والتعليم ماهو ذنبه انتي رضيتي بهالشي من الأساس
وأتمنى انك تركزين على إيجابياته قبل السلبيات ومافي إنسان الا وفيه إجابيات وسلبيات ودامه يحبك ويقدرك لا تخسريييييييييه ومن وجهة نظري ماأشوف في شي يستاهل الطلاق |
أختي صبري نفذ
بياخد إيجار البيت من أخته ؟؟؟؟؟ فيه وحدة ترضاها على نفسها ؟؟؟؟ الهدايا و الحب ، بيختفوا بعد الزواج ، و إن كانت هي تنظر له نظرة عدم احترام و تقدير ،، فصعب يتغير الشئ هذا .. أنا بأتكلم عن تجربة مشابهة لتجربتها |
مملكة حزن ،
خطأ كبير انك ترتبطي بإنسان بدون ما تعرفي عنه معلومات اساسية مثل تعليمه ووضعه المادي ، اعتقد اذا كملتي معه رح تقلبي حياتك وحياته لجحيم .. على فكرة مش بالضرورة تكوني احسن منه لأنك متعلمة او وضعك المادي افضل أو لأنه لونك أبيض.. كل هالأمور ممكن تكون مقبولة بين المحبين .. ولكن باحساسك انك افضل منه رح تظلمي نفسك وتظلميه .. الشاب ما غلط معك .. كل اللي طلبه خطوبة وزواج ولا صدر منه شيء سيء.. انصحك تنهي الموضوع ولا تعذبي هالإنسان ولا تعذبي نفسك وربنا رح ييسرلك وييسر له. |
ياختى اسمعيها نصيحه منى اذا انتى مومقتنعه من اول مره مستحيل راح تقتنعين فيه
انا كنت مملكه على واحد كنت مترردده كثير وقلت خلاص لازم اوافق واتوكل على الله وكان طيب مره ويحبني وشارينى لاكن مافيه مجال للاستمرار لاسباب كثيره وهذه النهايه طلاق بعد ملكه استمرت شهر فقط والحمد لله انه على كل حال عشان كذا لاتضغطين على نفسك ابد ابد اذا حاسه انك مومستقره وحاسه بالامان صعب مره واستخيري كثير والله يسهل امرك |
الله يعينك ويوفقك صلي الاستخاره مشكلة صراحه بعد ماتزوجتي اكتشفتي انه مش متعلم وحالته
الماديه سيئه شي غريب هذا اجل على ايش سألتو اللون مش مشكله والتعليم يمكن الرجال ناوي يكمل تعليمه وفيه ناس ثالث اعدادي ومتزوجين دكتوره او مهندسه وحياتهم زينه لانه الزوج مرات تكون فيه اشياء ايجابيه تغطي على سلبياته وبيكمل تعليمه اما حالته الماديه بتتحسن وربي يغنيه بس اذا كان ودك تكملين فكري كذه واذا ودك تفترقين لاتجرحينه واعطيه مهره واغراضه وتسريح باحسان لاحول ولا قوة الا بالله مسكين هالآدمي. |
أختي ، لو إنك متقبلة الرجال و حابته كنت شجعتك بالإستمرار
عشان أبري ذمتي بأوضح لك قصدي بالتفصيل : السمار مو عيب أولا ، و قلة المادة ماهي عيب أيضا ، و أنا زوجي كان ياخد من أخواته و بعد ما تزوج عرف إنه ما يصير الشئ هذا و ما صار يرضى ياخد منهم ، فإحتمال هو نفس الشئ ، متعودين و شايفه عادي مرة ؟؟؟؟؟؟؟؟؟؟؟؟؟ و إنه تعليمه جدا بسيط ، برضو مو عيب فأنا شجعتك على الإنفصال ليييييييييييييييه ؟؟؟؟؟؟؟؟؟؟؟ لإنك أصلا مانت متقبلته و تنظري لعيوبه كل شوي ، و شايفة إنك أفضل منه في أشياء كثيييييييييييييييييرة فأنا ما أعيب على الرجال ، بس لإنه مشاعرك هذه راح تهدم حياتك عاجلا أم آجلا و قلت لك ، إلا في حالة وحددددددددددددددة ، إذا عندك طولة بال و صبر ، فاستمري و خذي اللي يحبك و لا تاخذي اللي تحبيه و إنت أدرى بنفسك مننا |
حبيبتي انت قلتي غير متعلم يعني شنو عنده .... جاهل لا يقرا ولا يكتب ام عنده شهادة ابتدائي؟؟؟
|
أطلبي الطلاق وريحي ملاءكت أهلك
|
السلام عليكم ورحمة الله وبركاته
اختي انتي في مشكلة وهذي المشكلة حلها بيدك انتي في القران قال الله تعالى : {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. حبيبتي نصيحة لوجه الله لا تتورطي اذا انه ما دخل بالك ابد مرة وخلاص انصكت الابواب في وجهك إن شاء الله انه اختار لك ربي الخير لاتقولين هدايا وطيبة وماني عارفة ترى الزواج مولعبة بعدين يجيكي عيال ومستقبل وعمر وهدايا واعياد ومناسبات ويمكن المسكين تكون مامعه وتجلسي بكرة وبعده تقولين اسمر وتعليم وغيره كثيييييييييييير بتتعبين وتتعبيه معاكي وتعبي اهلك كمان في هالحالة اختي انصحك تنسيه والله يعوضك خير ويعوضه خير بس لمن توافقي وتكملي حياتك الله ييسر لك وترى فيه حريم كثيير صبروا وعاشوا والله عوضهم خير ولازم وتصبرين ولا تطالعين لغيرك وتقولي اش معنى فلانه والثانية والثالثة لازم تقدري ظروف زوجك وتعينيه وتعاونيه وترى فيه ناس كثيير ما يجي الحب الا بعد الزواج والعشرة وارجع اقلك استخيري واحب اذكرك انه ابغض الحلا ل عند الله الطلاق دعواتي لك واتمنى اني اكون افدتك |
حابة اشكر كل عضو دخل موضوعي وابداء بنصيحه لي الف شكر لكم لانكم بجد حسستنوني باهتمامكم وفعلاً انا مو قتنعه فيه وطلعت اعذار كثيره في حقه لمجرد اني اتخلص منه . عموماً انا خلاص اتخذت القرار النهائي الطلاق واكيد فاتحت اهلي بالموضوع طبعاً اكيد حاولوا يثنوني عن قراري وانو الاسباب غير مقنعة مع انو ماودري احملهم المسؤلية اللي انا فيه ،بس انا اخذت قراري ولا يمكن اني اتراجع عنه . ووارجع اشكر كل عضووو ابداء برأيه ونصحني والله يجزاكم الف خير |
اخيتي زوجك ليس كل مافيه سلبيات .. فكري اكثر و استخيري ثم استخيري .. ادخلي قسم المتزوجين و اقرأي مشاكل غيرك لتحكمي .. حتى انا مريت في نفس مرحلتك هذي لكن لما طبقت الي قلت لك عليه لقيت ايجابيات كثيرة في زوجي وبعضها صعب تلاقيه في اي زوج .. والحمد لله مبسوطة معاه وكل ماتذكر تفكيري ايام الملكة اضحك على نفسي..
الله يوفقك |
| الساعة الآن 09:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©