|
مشكلتي مع زوجي وطبخ والدته..
السلام عليكم ورحمة الله السلام عليكم اخواني واخواتي شخبااااركم ؟؟!! بصراحه عجبني المنتدى وايد وحبيت اطرح مشكلتي لعل وعسى القى الحل المناسب لها خاصه اني متزوجه صغيره وعندي ولد عمره 3 اشهر ومابي اخسر زوجي عشان هالمشكله انا بصراحه اعتبرها مشكله كبيره لأني ما اقدر اشوف زوجي زعلان مني او ما خذ بخاطره علي لأني احبه وايد وما اتحمل زعله بقول لكم مشكلتي بصراحه بدون لف ولا دوران مشكلتي مع ام زوجي اهي طيبه وايد وتحبني وتحترمني بس اهي من النوع اللي ما تهتم بنفسها يعني تشك دايماً بنفسها وبالناس ،، عندها غساله اوتوماتيك بس ما تغسل فيها إلا بعد ما تغسل الملابس بالأول على ايدها حوالي 20 مره وبعدين تحطهم بالغساله وبعد تغسلهم تقريباً 7 مرات الموهم تخيلو طول هالوقت وهي تغسل ما تلبس قفازات للغسيل وايدها صايره جافه وحتى جلد ايدها لونه متغير واحس كأنه يتقشر وانا بصراحه صرت ما اطيق آكل من عندها شي اهي طابخته لأني أحس ان جلدها يطيح بالأكل ،، يقول لي زوجي نا ملاحظ انك ما تلكلين من عند امي شي ليش ؟ انا بصراحه كنت متردده بالأول اني اقول له بس الحين صرت ما اقدر قلت لازم بقول له عشان يعذرني وزوجي من النوع الطيب والحبوب يعني ما يزعلني ودوم يوقف بصفي يعني ما يضايقني ولا انا اضايقه بصراحه متفاهمين وصايرين مثل العسل بس هالي يذبحني وانا اعرف اني بزعله لين قلت له بس فكرت وايد وما لقيت حل ... صارحته وقلت له .. انت زوجي وحبيبي لازم بتسمعني صح ؟ قال لي اكيد حبيبتي قولي .. قلت له قلت له بصراحه حبيبي انا نفسيتي ما تتقبل اني آكل من ايد امك لأن شكلها مقرف بصراحه وانا ابيك تاخذ لها موعد عند اخصائي للجلد نعالجها .. قال لي حبيبتي انتي تعرفين ان امي عنيده وما ترضى تروح .. قلت له اوكي عمري نشتري لها كريمات خاصه بالجلد عشان ترجع ايدها مثل قبل .. قال لي اهي ما تبي اي شي ودامها عنيده انا وش اسوي .. بعدين انا صرت ابكي افكي بطفلي لين كبر وصار ياكل لازم بيوم بتأكله وبتعطيه شي انا نفسيتي ما تتقبل اخاف تصير مشكله واتناجر مهاها وتكبر السالفه .. والحين زوجي ماخذ بخاطره على الكلام اللي قلته له .. ويقول اني ما احب امه وما ابيها حتى تلمس طفلي يا ناس بليييز ساعدوني تكفون طلبتكم لا تردوني ابيكم تساعدوني انا ما اقدر اشوف زوجي زعلان او متغير وخاصه اني اشوفه حتى ما يبي يكلمني لأن هالشي مو سهل يشوف زوجته ما تتقبل امه كل واحد مكانه ما بيرضى بس انا نفسيتي كذا ما اقدر اغيرها النفس وما تشتهي تخيليو ايدها سمراء وايد مو شوي وجافه ومتقشره من الصابون وصاير لونها ابيض من عند اصابعها وكأن الجلد يتقشر ياااربييييي احس بقشعريره بجسمي من اذكرها الله يخليكم ساعدوني انا وايد اتعذب |
الله يعينك من جد شي مقزز
ان شاء الله الاعضاء يفيدوكي من خلال تجاربهم الزوجيه |
ياليتك أخترتي عنوان آخر لمشكلتك ...
هذا اللي فيها مرض ... أستغفري ربك لايصيبك ماأصابها .. ياليت لو تتخيلين أمك مكانها .. هل ترضين زوجه أخوك تكتب ماكتبتيه !!! الله يشفيها ويعافيها يارب .. |
اهي اللي ما ترضى تحط بإيدها كريمات وتتعالج اهي من قبل ما كانت كذا بس من كثر الغسال صار فيها لأنها عنيده وما تبي اي شي تقول انها ما تطيق تحط كريمات وبعدين امي الحمد لله نظيفه ودوم تعتني بفسها كل حرمه تبي تغسل سواء ملابس او صحون او اي شي لازم بعدها تحط كريمات ترطب ايدها عشان ما يصيدها كذا بس اهي من النوع العنيد و وسواسيه يعني ما تحب اي شي غير الصابون وبس وبعدين ليش صاير بإيدها بس ؟؟ لأنها ما تهتم استغفر الله لو الصابون أكل كان أكلته فيه اختراع اسمه نظافه يااارب استغفرك واتوب اليك |
هداك الله يا اختي
بس عنوانك يرفع الضغط:29::29::29: |
وانتي مالك ومال ام زوجك عيشي حياتك مع زوجك وخلي احترامك فوق كل شي لاتسيئين لاحد ام زوجك ولا زوجك وجاملي بدلاً من النقد الي ما يودي ولا يجيب هذي حياة ام زوجك وهي حره في تصرفاتها من ناحية الاكل لاتأكلي من ايد احد ومن حسن اسلام المرء تركه ما لا يعنيه انتبهي لحياتك وزوجك اكيد يحب امه ويقدرها لانها امه فلا تخسري حياتك معه ما دام الحب متبادل بيكنم وكأنك ما شفتي شي خلي ام زوجك وشأنها ولا تتابعي تصرفاتها لان من راقب الناس ما تهماً وهذا همك خليك بحالك وعنوانك موضوعك سئ جداً يجب ان تعتبري ام زوجك مثل امك وخصوصاً انها طيبه والا غسلي لها انتي خليها خدمه انسانيه منك وجزاك الله خير
|
لاحول ولاقوة الابالله..اختي الغالية..مش انت بدك نصيحتنا متل خواتك..طيب..
اول شي عيب تقولي عن ام زوجك مقرفة عييييب..لا وقلتيها لزوجك كمان...اسمعي حتى لوكانت حماتك مش نضيفة او منظرها مو عاجبك في مصطلحات تانية افضل اما كلمة مقرررفة...الله يهديك.. طبعا زوجك بدو يزعل وحتى لو ضل زعلان معاه حق هذه امه بتعرفي شويعني امه..تخيلي بكرة بس يكبر ابنك تيجي مرة ابنك تقول عنك مقرفة..... حبيبتي الظاهر انه ام زوجك عندها وسواس وهذا الوسواس مررررض..(.يعني لاتعب احدا بمافيك..فيشفيه الله ويبتليك)..انتبهي يااختي...وهي بضل تغسل ايديها من الوسواس الله يعينها ويشفيها..يعني لو استخدمت كل كريمات الدنيا مارح تفيد..لازم تتعالج من الوسواس...اختي تخيلي انت او امك يصير فيكم هذا المرض..اختي هذا ابتلاء... روحي اعتذري لزوجك بسرعة وبوسي رآسه..وعمرك لاتعييديها هذي الكلمة...وياريت تغيري عنوان موضوعك.. سامحيني على قساوتي..بس لازم تعرفي المزبوط |
اقتباس:
بعدين انا صرت ابكي افكر بطفلي لين كبر وصار ياكل لازم بيوم بتأكله وبتعطيه شي انا نفسيتي ما تتقبل اخاف تصير مشكله واتناجر عندنا مثل يقول الفاضي يعمل قاضي!!! نصيحتي: كبري عقلك, واطلعي على الحياة اكثر, ماتبغي تاكلي اكلها انتي حرة ,بس من غير افلام وازعاج (اخسر زوجي , افكر بطفلي, ونفسيتي, اتعذب) ومافيها شي لو حاولتي تجبري خاطرها , احيان كثيرة نضغط على نفسنا في الحياة , ونجامل الناس اللي نعمل لهم خاطر ,في اشياء اكبر من كذا . |
الله يعينك من جد شي مقزز
|
العنوان صراحة من شدة صدمتي به خلاني اضحك كتير تخيلت داخل الموضوع شي تاني حماتك من نظافتها صارت مقرفة عشان بتصير قشور جلدها تنزل في الاكل هوة اشي مقرف وماحد بنكر بس هية موسوسة ومرض هادا الحمدلله الذي عافانا مما ابتلاهم به وفضلنا على كثير ممن خلق تفضيلا... فراعي هالنقطة ومفروض تحسيها مسكينة وتزعلي عليها مو تتكلمي بالطريقة هاي عيب هالعنوان والله شو ام زوجي مقرفة تخيلي امك عندها مرضها ومرت اخوكي دخلت تحكي هيك حتقولي امي نظيفة انا بقلك تخيلي وماحد محمي من المرض والوسوواس من اسوا الامراض النفسية الي تتعب صاحبها جدا جدا جدا فماتقولي امي غير امك بشر وكان ممكن يكون عندها هالمرض تحبي مرت اخوكي تدخل منتدى وتقول حماتي مقرفة؟ انا بصراحة مش عارفة شو انصحك من جهة معك حق تقرفي مش لانها ام زوجك بالزات بس ماحد بحب ياكل من ايد حد وهوة شايف قشورها تنزل في الاكل يعني لو اختك حتقرفي ومن ناحية هاي حماتك وطيبة وبتحبك وكويسة وموقف صعب جدا تروحي عندها وماتاكلي من ايدها الحل هوة اعترافها بالمشكلة وعلاجها طيب انت روحي عندها احيانا واحكيلها ليش هيك يامرت عمي ولا خالتو ولا (الي بتحكيه لحماتك) ليش هيك ايدك مقشفة بكرة بتلتهب صار معي هيك مرة في بيت اهلي وتعبت كتير صارت تحرقني ليش ياخالتو متلبسي جوانتي والله احسنلك والمرة الجاي جيبي معك جوانتي وهية بتغسل احكيلها البسيه انا خايفة عليكي ومش متحملة شكل ايدك هيك زعلانة عشان حرام عليكي ديري بالك عحالك انت لسة صغيرة ومش منيح ايدك تتبهدل هيك يعني خديها بالسياسة والحب وانك خايفة عليها مو تجيبيلها جوانتي تحكيلها البسيه وخلص ابديلها بجوانتي طبي الي زي تبع العمليات الي رقيق و بلزق في الايد لانو الي مش متعود علبس الجوانتي صعب جدا يلبسو فجوانتي الاستعمال المنزلي ماحتقدر عليه لما تتعود عفكرة الجوانتي جيبي جوانتي من السماك ممممم جربي اهملي ايدك كم يوم من الكريمات .. ولما تحمر وتنشف خديها حجة تروحي دكتور جلدية الله بعينك تحملي وروحيلها زعلانة ومدايقة واحكيلها كل يوم بدير بالي بس شوفي كيف صارو تعالي معي عشان خاطري والله مدايقة وانت زي امي وبالمرة يشوف الدكتور ايدك كمان شكلهم بوجعوكي مو هاين علية يلا نروح سوا خلي حالك من حالها عشان ماتعاند وازا ضلت معاندة شو اقلك الله يعينك ! اتمنى ردي يكون افادك ولو بالقليل |
اساليها يمكن تحس بالم بيديها
حرااااااااااام المسكينه المفروض اذا تحبي زوجك انتي تقنعينها بالحسنى والدلال لتتعالج من النشفاااااااااااان اللي في يديها حراااااااااام اوجعت قلبي اعتذري ازوجك ولا تتكلمي الا بكل احترااام عن امه المعلومه نفسها تصل ولكن بطريقه لبقه مثلا بدل ما تقولي ايدي امك مقرفه تقولي :يا حرااام والله يدي امك من السرسبه ناشفين ولازم نهتم فيهم ونعالجهم لها ويا ريت نتعاون انا وانت باقناعها |
الله يهديكي يااختي دامها طيبه معاكي
في زوجات يتمنون شويه من طيبت حماتك الله يشفيها انتي روحي عندها وكلميها بحب انها تعتني بيدها وتجيبين كريمات وتحطيها بنفسك لها وان شاء الله تتقبل منك وما تعاند واتاسفي من زوجك |
اقتباس:
لا فض فوك انا مع هالجواب الله يشافي ام زوجك يا رب |
عليكم السلام ورحمة الله وبركاته
فعلاً النفس وماتهوى ومعك حق لو ( تقرفتي ) وهذا شي خاص فيك وبنفسيتك لكن ! مو من حقك أبداً تقولي لزوجك عن أمه بالأسلوب هذا !! بصراحة كويس إنه بس زعلان منك هذا دليل إنه يحبك وانتبهي تخسرينه لأنه لو غيره ممكن عمل شي أكبر من الزعل الأسلوب له دور في كل شي بالحياة وانتبهي مره ثانية تقولي عن أهل زوجك أي كلمة شينة لأنه مهما كان يحبك ماراح يرضى تتكلمين عنهم مثل ماأنتِ مارتضين أحد ينتقص أي شي من أهلك نصيحتي .. اعتذري من زوجك وحافظي على حياتك معه بعيداً عن أي مشاكل خارجية .. |
دام أنك متقرفه من ايادي ام زوجك ليش ما تطبخين أنتي وتغسلين
وتقوليلنها لا ارتاحي انتي وانا اشيل عنك الحمل أختي أنا ما أنكر دور النفسيه بأي شئ وحبها وتقرفها من شئ بس كل واحد حر بحياته يعيشها مثل ما يبي بطول ولا بالعرض يعني لا تتعدين حرية الاخرين ودام انها بحالها فخليك أنتي بحالك بعد ولا تتدخلين فيها لا تكررين هذا الكلام لولدها بصراحه شئ يضيق الصدر ولو أنا مكانه والله ثم والله ما ارضاها علي أمي لو أني أخسر حالي ومالي فما بالك بحرمه بتتعوض بأربع أجيبهم تحت رجولها واذا أنتي فيك قوه فهذا الفرس وهذا الميدان أبدعي أنتي علشان ما تحتاجين مساعدتها وحتي ما تضطر ام زوجك توكلك انتي وولدك الحرم قاعده تتعب وتغسل وتطبخ وحضرتها تتقرف منظر ايدين العجوز مو عاجبينها |
صراحه اسلوبك بالكلام هو المقزز
|
ودام انها بحالها فخليك أنتي بحالك بعد ولا تتدخلين فيها لا تكررين هذا الكلام لولدها بصراحه شئ يضيق الصدر
ولو أنا مكانه والله ثم والله ما ارضاها علي أمي لو أني أخسر حالي ومالي فما بالك بحرمه بتتعوض بأربع أجيبهم تحت رجولها كلام جميل..!! |
خايفة على ولدك إنه ياكل من يد جدته ، و ما خفتي على زوجك ياكل من يد أمه ؟؟؟؟؟؟؟؟؟؟؟؟
زوجك مين اللي ربته ؟ مين اللي أكلته ؟ مين اللي رضعته ؟ مين و مين ؟؟؟؟؟؟ تبغي تجي تعلمي ست كبيرة كيف تطبخ ؟ الحمد لله إنها طيبة في تعاملها معاك ، و لو عندي أم زوج زي كذا بأشيلها فوق راسي عنوان موضوعك يدل على ( تربيتك و أخلاقك ) و الله يعين زوجك عليك و يعين أمه عليك |
معليش أختي صراحة مصدومة من كلامك ومصدومة أكثر من بعض الردود
وأسمحيلي الكلام اللي قلتيه ما ينقاااااااااال أبد أبد ) لو عندك حشيمة لأم زوجك ماخليتيها تطبخ لك هذا بالأول وريهاشطارتك وأدخلي بدلها المطبخ ولا تقرفي حآلك ولا شيء والشرهه العظمى على زوجك اللي سمح لك تتكلمين عن أمه بهالشكل .... لو أنا مكانه كان وريتك شغل الله :( غلطك كبير والله الله يهديك بس ....... اعذريني ع الغلظة بس كل شيء إلا الأمهااااااااات هذا جزاته الضعيفة تطبخ وتكرف وناس تقرف :25: اقتباس:
|
المفروض ان زوجك مايسمح لك ان تتكلمي عن امه بهذا الشكل حتى لوخسركي فوالدته هي الداخله وانتي الخارجة واذا انتي مااحترمتي والدة زوجك اكيد انك مااحترمتي زوجك هذه قاعدة معروفة الله يهديك بس من الواجب عليك ان تحاولي مساعدة والدة زوجك بدل ماتتشمتين فيها 0
|
اصحاب العقول في راحه......عجوز ماتستحق الا الرحمه والبر.........خافي ربك واحسبي حساب يوم بتوصلين لنفس عمرها وبتحتاجين ابسط شيء,,,,,,,,, نظرة عطف,,,,,اذا تحبين زوجك تقبليها كما هي ولاتذكرين امامه ما ينقص قدر اممممممممممممممممهههههههههههه.. فهي احب الى قلبه منكي ومن ابنه كوني واثقه من ذلك.... تقبلي مروري واعذريني فهذا موضوع لايجوز فيه المجامله
|
الله يسامحكم محد منكم فاهمني اقول لكم النفس وما تشتهي يعني مو غصب باكل من ايدها وبعدين انا عايشه معاهم بنفس البيت واهي م النوع اللي ما تحب احد يطبخ عشان اطبخ أو اغسل اهي ما ترضى تبي كل شي تسويه بنفسها وتتضايق لما اطلب شي من المطعم تبيني دوم آكل معاهم يا اخواني واخواتي هذي نفس انا ما اقدر اغيرها مو تقولون اسلوب عشان يمكن اغيره هاذا شي ما يتغير لأني تربيت على هالشي ما اطيق اشوف هالاشياء قدامي وبعدين اهي لو تاكل بملاعق ما بقول شي بس دام انها تاكل بإيدها وقدامي شلون تبوني اتقبل هالشي ؟ وايد تكلمت بإسلوب هادئ ومعقول بس محد فهمني تكلمت مع زوجي عدة مرات وغير كذا صارحتها وسويت كل شي اقول يمكن تطيعني وتجي معاي للدكتور بس اهي اللي فيها وسواس ودام اني اعده معاهم في البيت ما اقدر آخذ حريتي وحتى من قبل اقول بدخل المطبخ وبسوي اللي يعجبني اهي توقف على راسي ولازم تحط ايدها ما ترضى اسوي اي شي يا ناس فهموني بدل ما تساعدوني وتعطوني حلول قاعدين تكلموني بهالاسلوب ؟؟؟ والله ما توقعتها منكم سبحانك ربي واستغفرك واتوب اليك |
عبارة مقرفة هذه غير مقبولة أبدا. تقبليها أنت من كنتك عند ما يتزوج أبنائك ؟
|
اقتباس:
|
باين عليك متدلعة وايد
|
الحمد لله الذي عافانا مما ابتلاها
اللي عنده وسواس مرضي مستحيل يعتبره مرض و هو معتبر نفسه صح و الكل غلط لازم تحلو مشكلة مرضها النفسي اول و بعدها كل شي يتصلح ان شاء الله |
لالالالا يااعضاء المنتدى ماكان العشم كدة بالردود البنت لجئت لله ثم لينا والدين النصيحة باسلوب يهدي الموقف الله يهديكم انا عارفة انها غلطت بالعنوان لكن ممكن عشان تجذب القارىء له وبعدين هدي اول تجربة لها مع حماتها المشكلة يااختي انتي مكبرة السالفة كتير وزعلت زوجك منك انا بقولك ايش اتسوي بس بالاول لاتعيبي لان من عاب ابتلى يادافع البلى عشانك والله حبيبتي تاني شي انتي بتاكلي من المطاعم ايش دراك الي يطبخ غسل ايده ولا لا بعد ماخرج من الحمام اكرمك الله نف عطس كح مخاطه دخل بالاكل ولا لا المهم اعتبري انك تاكلي من المطعم وهذا الشي صعب انا عارفة لكن اجلسي معها وقوليلها اليوم صديقتي اد ماتستعمل المنظفات مسكينة جاها بهاق لان بها مبيضات وانا والله اتزكرت انك ما شاء الله عليك تحب النظافة واتمنى اكون متلك بالنظافة ودايم احاول اتعلم منك حبيبتي بس خايفة عليك جبت لك كريم بسيط وسهل ومفعوله سحر بس لازم ياماما تستخدميه بانتظام وشوفي انا استخدم منه اسمه جلسرين لليدين قبل النوم وبعد استخام الصابون الله يرضى عليك انتي زي امي وبخاف عليك واعتذري من زوجك وماتحاولي تغلطي عامه بالكلام واعكسي الموقف بتحبي يعيب على امك ابدا وابغاك تحطي حاقة بودنك الرجال يقدر يجيب بدل المراة عشرة ومية لكن مايقدر يجيب ام تانية لانو هي وحدة ول مااحترمتي امه كل ماحطك عراسه ممكن يعديها اول مرة وتاني وعاشر لكن بعد كده بينفجر وانتي الخرانة الاولى انتبهي حبيبتي حتى بعد كدة مايتمادى عاهلك خدي بالك الله يرضى عليك واتنمى ان اكون افدتك ياغالية وطمنيني ايش حيصير معاك وسامحيني اذا ضايقتك بس لمصلحتك واعذري الاعضاء هنا لانهم اولاد اصول ماهان علي حطوا امهم محلها وانتبهي لاختيار الالفاظ قبل الكتابة حتى تكسبي نصايح الاعضاء المحترمين ودمتي
|
اقتباس:
الله يعينيك |
اختي الكريمة
سبب التشقق بيديها هو من كثر استخدام المنظفات بكل بساطة روحي الصيدلية واسألي الصيدلي عن كريم خاص بالتشققات هذه كلها واجلسي بجانبها بيوم وانتوا تشوفون تلفزيون واعرضي عليها تسوين لها مساج وانتي حطي لها الكريم بشكل يومي على انه مساج وبتشوفين الفرق اعتبريها امك يا اختي وعامليها مثل ما تحبين الناس تعامل والدتك |
اختي لاتظهري الشماته فتبتلي
لان مافيه ام زوجك هو وسواس قهري يعني خارج عن ارادتها ثانيا هل ترضي اي احد يقول عن امك مقرفه مهما كانت ؟؟؟؟ الحل ان تاتي باكلك معك من بيتك اذا زرتيها وتطلب منها ان ترتاح ماتطبخ اذا انتم بتزوروها |
[QUOTE
الحل ان تاتي باكلك معك من بيتك اذا زرتيها وتطلب منها ان ترتاح ماتطبخ اذا انتم بتزوروها][/QUOTE] اخت فيافي المشكله انها عايشة في نفس البيت ومالها اي حريه في اي شي في المنزل اقراي ردودها شكلك ماانتبهتى للردود كويس |
اختي الفاضله قمر14 تعاطفي مع ام زوجك وقولي لها ان منظر يدك وهي تتقشر يؤلمني واخاف الوضع يتأزم وتصبح عندك اكزمه لا سامح الله وانني انقهلا اما ارى يدك هكذا خلي ولدك اي زوجك اوانا اي انت ناخذك الى الطبيب لكي تتعالجي ومن هذا الاسلوب الى ان تقتنع بكلامك فاذا هي امراة كبيره والعناد من طبعها فكم من كلمه طيبه يذيب فيها الصخر ولك الراحه والتوفيف ان شاء الله
|
ياكافي يارب الله يستر علينا لاكبرنا وزوجنا عيالنا ...
اختي المشكله موانك تقرفي المشكله في اسوبك المستهتر .... اسلوبك يدل على قلة احترام وقلة ادب فظيعه .... تخيلي تجيكي مرت اخوكي وتقولك كذا عن امك وش بيكون موقفك ؟؟؟ ماعلموكي اهلك طريقه احسن من هذي تتكلمي فيها عن وحده في مثابة امك ...؟؟؟ |
نحن ما أعترضنا على ( مشاعرها و احساسها ) اللي هو خارج عن إرادتها
لكن فرق يوم أقرف من شخص ، و أجي أعرض المشكلة بأسلوب ( استحقار و استقراف ) أو بأسلوب ( التعاطف و الرحمة ) المهم ، ما عندي حل غير إنها تحاول تكسب أم زوجها و شوي شوي تقنعها بالطريقة الأنسب و مو لازم تقول لزوجها ، عشان لا تبين لزوجها إنها نظيفه و أمه مقرفه ؟؟؟؟ |
عندنا وعندك خيير,, المشكله لما تتربي عند اهلك على شي ,,
ولما تتزوجي تفاجئي بعادات من اهل زوجك نفسك مو قادره تتقبلها ,, مثل اخت زوجي كانت لما تمسك الاكل تلعق اصابعها وترجع تكمل طبخ عااادي وتوزع لنا في الصحون بعد ما تلعق اصابعها ,, وهذي عاده عند كل العائله ,, في البدايه كنت اموووت من القرف ,,لكن مع الوقت اجبرت نفسي على المجاملات ,, علشان ما ياخذوا فكره عني مو كويسه ,, الله يعينك يااارب ,, |
بالعكس ام زوجك نظيفه بشكل ازيد من اللازم
ومابيها مرض ياريت عندي عمه طيبه كان اتقبل كل شيء احترمي زوجك ولاتقولي له امك مقرفه لايصح يااختي |
والله ادعي لك بالهداية والله يوفقك بحياتك مع زوجك
ماشاء الله على زوجك رجل صبور حيث انه تحمل منك كلمة ان امك مقرفه حبيبي انا نفسيتي ما تتقبل اني آكل من ايد امك لأن شكلها مقرف بصراحه بالله من جدك انتي تتكلمين قلتي لزوجك هالكلام عن امه ومسبقتها بكلمة حبيبي يعني أسلوب لطيف الان الكلام ؟؟ لاحول ولا قوة الا بالله يا اختي الكريمة لما تبين تكلمين زوجك عن هالمشكله لا تقولين يد امك شكلها مقرف ولا بيخليك تقرفين من العيشه معاه قولي له قلبي يوجعني على امك يديها متأذيه من كثر الشغل ابكي وخليه يحس انك تبكين عليها مو من قرفك منها تبكين وتتخيلينها تأكل ولدك الحمد الله والشكر مثل ما ذكرت اختا الكريمة بكر الشايب اشتري الكريمات خاصة للتشققات وقولي لها بسوي لك مساج لليدين وادلعك ولا تقولين انها كريمات للتشققات قولي كريم يريح العضلات او اي شئ لانك بتستمر معاك المشكله وبما انك فاتحتي زوجك بالمشكله وقلتي له يد امك مقرفه الله يعينك بيترصد عيونك متى ما ناظرتي امه بيناظرك ويشوف نفسيتك ووجهك واسلوبك خلاص اصبحتي مراقبه من جهته وكل ردة فعل لك محسوبه عليك |
أخوي عاشق الجواهر ، قال اللي ما عرفت أقوله
كلامك درر الله يوفقك ، و لييييييييييييييييت عندي حماة نص حماتك و الله و تطبخ لي كمان يا سلاااااااااااااااااااااااااااااام ،، و الله أبوس يدها كمان هههه |
استغفر الله العظيم
اللي تحرص على نظافة الملابس وتغسلهم 7 مرات اكيد بتحرص على نظافة الاكل |
اقتباس:
اتفق مع كلام اخوي 100% ولا انتي اسأليها قوليلها يمه ليش يدينك كذا فيك شي يوجعونك تحسين بشي؟ وقوليها بجيب لك كريم تخلي يدك زينة ويروح هالجفاف والقشر فيها الف اسلوب مو تبكين على ولدك حرام عليك !! |
| الساعة الآن 07:01 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©