|
ما ادري تأيدوني والا تعارضوني ودي انام ليله بيت اهلي ...
بصراحه من ليله العيد والامور موضابطه معنا انا وزوجي لانه قلت له ليه تتأخر كل ليله عيد وتنكد علينا وليه النظام ساري بس عندنا احس والله كل ليله عيد لازم اتنكد يتأخر وينكد علي عموما مالكم بالطويله من قلت له عن التأخير والامور غير ميسره وما يعطيني وجه واحسه كارهني وكأني مسويه جريمه مع ان الحق لي ذيك الليله مانمت افكر اني اروح بيت اهلي انام ليله احسن لي وله لكن بصراحه خايفه من العواقب قلت لما بروح ماراح اقوله اني بنام عندهم ولما يجيني بالليل ويدق علي بخلي امي تكلمه وتقوله اني بنام عندهم الليله واذا سألها شالسبب بقولها تقول مادري عنها وبظل يوم كامل حتى اذا دق ماراح ارد يوم كامل ما اشوفه ولا اسمع صوته بس السؤال هل بتحمل انام بيت اهلي لكن ودي اروح عشان يمكن اشتاق له وعشان ارحه وارتاح انا بعد بس يوم قلت له في برامج هالاسبوع بنروح مكان قال لا حدنا نتمشي في منطقتنا قلت له عطنا السياره وبروح مع احد من اهلي قال لا اذا انا بروح تروحين معي واذا مو رايح مالك روحه يعني بالديره ونكد والله احس تعبت حابه اريح وخايفه بهالطريقه ازيد المشاكل لان زوجي مايحب اتغيب عن البيت بالنوم عند اهلي بس انا تعبت وابي ارتاح يوم بس هالشيئ يمكن يريحني شوي لان وجودي صاير كله مشاكل وامور كثيره ...... الا اليوم كأنه بدا يتعدل شوي بس برضو حابه اخذ راحه يوم .... شرايكم ..؟؟ |
أختي الغالية هند
اسال الله العظيم أن يصلح شأنك كله آمين مسألة النوم في بيت أهلك لا أحبذها بالطريقة التي تفكرين فيها فربما تحدث أمور لا يحمد عقباها، ولكن إذا أستأذتني من زوجك يكون أفضل جداً، مع توضيح الأمور التي في خاطرك، وإذا كان زوجك من النوع الذي يتفهم أن تصرفك من أجل مصلحت العلاقة الزوجية سوف يأذن لك، عموما يجب عليك أن تعي مسألة أن الرجل يحب أن يفعل ما في رأسه ويحب أن تكون الكلمة الأخيرة له، ولا يحب أن تفرض المرأة رأها عليه، أختي الغالية أن العقل البشري يفكر ويوجد الحلول لكل مشكلة، وعليه إذا جربتي معه طريقة معينة ولم تنفع حاولي في طريقة آخرى، كيف؟؟؟ بدل أن تقولي لزوجك أجلس ولا تسهر أو تذهب إلى الخارج، قومي بعمل جو في البيت وأعداد العشاء وأخبرية أنك قمتي بإعداد العشاء من أجل أن تكونون مع بعض، المهم بدل أن يكون فقط كلام لا بد أن يكون عمل يعزز هذا الكلام من أجل أن يلبي ما في خاطرك، وفقك الله وسدد على طريق الخير خطاك، |
استخدمي السياسة الزوجية
واياكي واستخدام اي امر فية الرد بالمثل لان ذلك يؤجج الامر انصحك انك تستخدمي استدرار عاطفته خصوصا ايام العيد ولا تستخدمي الحزم هذه الايام لان لكل يوم طريقة وايام العيد كلها وناسة وفرح شوفي رغباتة وراح يلبي لكي اكثر من توقعاتك |
لا يا اختي لا تفكرين بهالطريقه ومن ثم تتعقد الامور وتكبر المشكله
الان فكري كيف ترجعي المياه لمجاريها بعدين اطلبي منه انك تنامين ليله عند اهلك عشان تشتاقون لبعض بالتوفيق |
ماشاء الله انتهى العيد وانتي ماشاركتينا بموضوعك
لا يكون زبطتي الامور وتركتينا داخل موضوعك يبدو ان ماعندك مشكلة فاضية ووضعتي هالموضوع |
السلام عليكم
اختي الغالية من رأيي و لن ازيد الكثير على رأي الاخوات .. إذا عندك اطفال لا تروحين لبيت أهلك لان ما يتحمل الاطفال الا امهم و ابوهم .... و أطلبي من زوجك تقعدين معاة جلسة صراحة كل واحد يقول للثاني ايش ودة بدون ذكر مساوئ الاخر او الانفعال ... مرة على مرة على مرة صدقيني بتظبط الامور بأذن الله .... نصيحة متواضعة آخرى قرأتها مرة و كثير فادتني لاني اول كنت مثلك اشيل الهم بس يطلع عني زوجي .. ترا الرجال ما يحبون يحسون انهم مقيدين و هذا الشي يزيدة اصرار على انة يسهر حتى لو ما كان جاي على بالة السهر طولي بالك و خلي ساعات غيابة عن البيت فترة استرخاء لك ... اهتمي بحالك و ببشرتك و لا تشغلين ذهنك ابدا بغيابة و بيكون بالك صافي لما يرجع استقبلية احلى استقبال و بيكون صعب عليك بالبداية لانك بتناقضين نفسك زعلانة لانة سهر و مع هذا تستقبلينة حلو .. بس معليش ما في حلاوة بدون نار دوسي على نفسك شوي و بتلاقينة لما يطول عنك هو من حالة بيشتاق لك و بيجي و مع الوقت بيفضل جلستك ( الخالية من العتب و النكد ) على جلسة اصدقاة .... نصيحة أخيرة و لاكن لها مفعول السحر .. الدعاء ثم الدعاء ثم الدعاء فإنة يرد القدر بأذن الله أختي الله يسعدك و يرزقك أفضل مما تتمني و لا تدخلين اي احد بينك و بين زوجك حتى لو كانت امك و لا تفكرين بالبيات ابدا بعيد عن زوجك حتى لا تتركي للشيطان مدخل و يتعود على غيابك و يصير ما يأثر فية طمنينا عنك و بالتوفيق |
مع
ميني ماوس |
انتبهيييييييييييييي
لا تروحين رااااااااااااح تزيد الفجوة ابدا هذا مو حل لا تقعدين تتدققين في كل صغيرة وكبيرة هو مطنشك لانك زوتي الحنة خلي عندك شووووووووووية صبر |
علياء الرياض انتي تنكتين ليه هو انا فاضيه حتى اكتب
عشان حابه احط موضوع وهو مو صاير لي عموما مشكوره والامور مازالت رسميه بيني وبينه انا اصلا ما كنت متوقعه توصل الامور كذا وحسافه والله ايام العيد تروح بنكد عموما الله يسامحك والله يسامحه ومشكوره على ابداء الراي اتعبتني مشكوره ياعمري وفعلا يسوي الي براسه وهذا الي صار ويصير والله نظامنا كما هو يداوم خارج دوام وصاير كأننا في دوام ملل وطفش ياليت فيه وظايف نشتغل ونعتمد على انفسنا ... نواري فعلا انا تقريبا عدلت عن رايي وكلامك شجعني وبعد بنتي الله يهديها ماتنام الا بسريرها وهذا الي متعبني انها لو يجيها النوم بيت اهلي مستحيل تنام الا لما ارجع شقتي وخايفه الامور تتعقد رغم ان الفكره مازالت براسي ميني ماوس مشكوره عمري على هالرد وكأنك جالسه تقرين شيئ جا في بالي حابه اسوي ليله رومنسيه بس كل افكر ان يجي في باله اني اراضيه واهون ما اسويها انا ابغى اغير شوي بس والله ما احس يشجعني بمعاملته والحمد لله ادعي ربي يألف بين قلبينا وربي كريم عموما الامور على مايرام والحمد لله انا مشغوله بأهلي ناني وام داليا مشكورين رغم اني حابه اسافر عن العالم كله حتى عن اهلي انا انسانه امل بسرعه وهذا طبع شين فيني اعترف فيه |
انا ارفض قكرة النوم عند الأهل بهذه الطريقه مررررره
اي شي بالغصب ما احبه وما اطيقه واعاند زود,, هذا وانا بنت كيف اذا كنت رجال !!!!!!!!!!!!!! اروح عند اهلي وهو راضي واقوله ليه ابي اروح بكل صراحه, ولا اتحجج بأي شي بالعربي اقوله بكل صراحه انا ابي اغير جو ابي ابعد عنك يوم عشان يطيب اللي بخاطري واشتاق لك مشاكلنا ما ابيها تأثر على غلاك عندي ,, وبس ان ما رضا عاد الله يعينه خخخخخخخخخخخخخخخ على النفسيه الزفت |
اعتقد يا اختي انك عدلت عن رأيك والحمد لله .. كان في تصويري سيناريو آخر بعد ما قرأت مشكلتك خصوصا بعدما قلتي انك لم ترد على اتصالاته ولن تتصلي .. فجاء في بالي هذا التصور أن زوجك لم يتصل ولن يتصل فماذا سيكون موقفك ؟! هل فكرتي في هذا الجانب ؟! هل فكرتي هذا الاحتمال .. اختي في الله نصيحة من اخ لك ولجميع الاخوان والاخوات حاولي التفكير في ايجابيات وسلبيات القرار .,, حاولي التفكير في الاحتمالات ووضع حل لكل احتمال ., أما التصرف بعنجهية وبناء على الرغبات والشهوات لا تأتي دائما بخير
|
[ميني ماوس مشكوره عمري على هالرد
وكأنك جالسه تقرين شيئ جا في بالي حابه اسوي ليله رومنسيه بس كل افكر ان يجي في باله اني اراضيه واهون ما اسويها انا ابغى اغير شوي بس والله ما احس يشجعني بمعاملته والحمد لله ادعي ربي يألف بين قلبينا وربي كريم عموما الامور على مايرام والحمد لله انا مشغوله بأهلي السلام عليكم .............. حبيبتي الحياة الزوجية تنازل دائم من الطرفين و معروف ان المأة دايما تضحي اكثر لان طبيعتها عاطفية .... و في مثل قديم ما احبة بس و الله لة معنى ( كوني لو أمة يكون لك عبدا ) معليش سوي الليلة الرومنسية و لا تقولين لة انها اعتذار خليها عادي عشان يبدا يحب قعدتك ... الله يوفقك و يسعدك يا الغالية SIZE="4"][/SIZE] |
بصراحة أنا عملتها قبلك بس أخدت الموافقة قبل ما رحت. المشكلة إن زوجي كان ما يحب يفارقني. كنت رايحة على أساس كم يوم بس خلاني عندهم ٥ أشهر. أحسه استحلى الموضوع وكل ما زادت المشاكل قلي إيش رايك تروحي عند أهلك. يعتمد حسب الزوج طبعا وأنا زوجي ما يحب يتحمل المسؤلية. فإذا من جد كنت مصرة استأذنيه بس تحطي في بالك إنك تتحملي العواقب.
|
|
خواطر مبعثره مشكوره على المشاركه
والعناد كلنا مانحبه لكننا نعاند تناقض بنا عجيب .... شبيه السيل شكر لك على التنبيه رغم انه كان من الامور التي جعلتني افكر كثيرا قبل الذهاب ان لم يتصل ولم يسأل بصراحه راح اجن .... اشكرك ... ميني ماوس فعلا هذا الي صار كل شيئ رميته ورى ظهري واجبرت نفسي وروضتها وبالاخير يوم رجعت بدري وقبل لا يجي من اصحابه ولعت شموع بكل الشقه ولبس وتعطرت وتزينه وصار شكلي و الشقه شيئ اصلا فعلا ماتوقعت شكل الشقه بالشموع كذا خيالي ودخل تفاجئ قال حنا في فندق والا بالبيت والباقى ممنوع عن الوصف عموما حسيت اشوي الا كثير غير والله يهديني ويهديه ... البحر التركوازي وكيف حالكم هالحين قلبي وجعني يوم قرأت ردك فعلا المراه وقت الغضب تخطط بس تنسى ان المسأله لها عواقب .. او يمكن تتجاهل لكن ان شاء الله لا هالحين ولا بعدين اخطو هالخطوه رغم انها تتكرر مرارا على حين تحدث بيننا مشكله وحين الصفو اقول بخاطري صح انا ما افتهم والا في وحده تترك مملكتها وبيتها وتروح لبيت ماتخذ حريتها حتى لو بيت اهلها بيت اهلي كله مشاكل وعوار راس والله بكم ساعه واصدع ادق على زوجي متى تجي ما اقول الا الله يبعد المشاكل ... الحايره مشكوره والله يجبر بخاطرك واشلون حالك اذكر موضوع .. |
صباح الخير
اختي في الله
الله يهديك ويهدينا الله يبعدد عنكم المشاكل بس دايما تعوذي من ابليس خذي الأمور ببساطاتها دايما هذا زوجك حبيبك مااتوقع تتمني بيوم تفقديه بعد عمر طويل والله بتقولي وقتها قابله انسجن مو بس بالعيد طول السنه واشوفه باليوم لو ساعه وحده ولا يصير فيه شي صح ولا لا؟؟ لا تخلي امور زي هذه تعكر عليكم المشاكل بين الزوجين وارده لكن الشطاره كيف نحلها ؟ صح؟ ايش راح تخسري لو سويتي بين فتره والثانيه جو رومانسي وحركات ياشيخه ابدا ولا يجي في بالك سالفة روحت بيت اهلك ويارب يخليكم لبعض ولا تتنكدي كثير ترا الرجال يصير يكره البيت كذا |
وشفيها ادا رحتي لاهلك ونمت عندهم صراحه انا اشوف مافيها شى والمشكله من البدايه عاديه يعنى ماله حق يزعل يابنت الحلال طنشي وارتاحي صدقيني الرجل يحب المرأه اللى طنشه وبالتوفيق
|
من البديهي الرجل عزيز النفس راح يسحب عليك ..
|
| الساعة الآن 11:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
