|
كيف أقنع أهلي بفكرة الزواج ؟
اسعد الله جميع اوقاتكم بكل خير ..
كل عام وانا انتم بخير ^_^ المووهم ماعرف ابدى بالمقدمات بس بقول اللي عندي :( انا شاب ابلغ من العمر واحدن وعشروون عامن << كيف اللغه بس ^_^ متوظف والحمدلله واحوالي الماديه مرره اوكييه واتضح بعد مرور ايام اني فاقد انثى بحياتي لاني دايم مع اصحابي وتعودت عليهم وعلى هبالهم ودلاختهم وماقد حسيت بشيء اسمه انوثه ودلع حتى المزح " اللطيف " ماقد حسيت فيه واغلب مزحنا كفوف حلاقه وترفيع ووووو وصارت تراودني فكره اني اتزوج وصرت انام من الساعه 10 الليل واجلس اتقلب بسريري وافكر باللي اتزوجها واجلس اضحك لحالي واتخيل اني معها ونلعب وننبسط وماتشوفون الا ضروسي طالعه من الفرحه << موسوس ههههه المهم حطيت ببالي اني متزوج يعني متزوج واروح اقول لصديقي وقام يضحك يقول صاحي انت توك صغير وطنشته واروح لاخوي واقوله انا انسان ابي اتزوج وابي تقول لامي وسوا كذا >> هههههاااااااااااااااي بالله رح لا اصكك على عينك << حسيت بتحطيم شدييد :( المهم وراح يوم ورا يوم وانا باقي افكر بزوجتي وضروسي طالعه من الفرحه مدري ليش هههههه حتى الحين اكتب لكم واهي باقي طالعه هههه وتجرئت وقلت لامي يايمه ابي اتزوج وقالت باقي بدري عليك توك صغير والزواج مسؤليه وعيال وجلست تتكلم كثيير وقلت يعني لازم اتزوج وعلى طول عيال :( المهم طنشتني وراحت وقالت خل عمرك عالاقل يصير 25 وماعاد كلمتني.. ومن يومها وانا براطمي تعفطت وحواجبي نزلت على تحت وصرت حزين وشكلي كل من شافه قال ياخي اشفيك واقول ولا شيء وانا لسى حواجبي وبراطمي معفطه :( وادري اني طولت عليكم بالكلام بس احس هالكلام كتبته من صميم قلبي وصرت احس اني فاقد حنان :( اتمنى ماتطنشوني وقولو لي وش اسوي ولا تقولون خل ايمانك قوي واصبر وصوم ترا تعبت من هالكلام ............................. ............................ |
الله يضحك سنونك مثل ما ضحكتنا ياخوي
من زمااااااااااااااااااااااان ما ضحكت و الله ، أسلوبك خطييييير في الكتابة و الوصف ياخي اضحك على أمك و قول لها ( صاحبي ،، عاد جيب لها اسم واحد هي ما تحبه مررررررررررررررة ) قول لها صاحبي فلان بيزوجني أخته من غير مهر ، و لو ما تزوجني بأتزوج أخته و تلاقيها تاني يوم تلفلف البيوت و تدور لك وو خليك جدي و إنت تكلم أمك :D |
أضحك الله سنك على أسلوبك
بالنسبة لك: أصر على موضوع الزواج وكلم الوالدة مرة وثنين وثلاث, وبعدين ماطريت الوالد؟؟!! يمكن يكون بصفك مال أمك عذر نهائيا بالرفض مادمت رجل مقتدر!!! وإذا الوالدة لزّمت على الرفض:( وجه تفكيرك إلى بناء بيت العمر والتجهيز للزواج وانك تبي تتزوج من مالك الخاص ولاتبي ديون وخلافه والسنين تركض ربي يوفقك ويسعدك |
اشكركم على ردوكم والله انكم سريعين ماشاء الله عليكم
والله قلت لامي كثييير لين تعبت ومرات اناديها بالمجلس واصكر بالمفتاح واقول تزوجيني والا والله ما افتح لك وتقرصني وتروح :( طبعا ابوي من النوع اللي يستهبل بالكلام ومره جيت ابي اجس النبض عنده وقلت بالله تخيل اني اتزوج وقال يالله تعال ازوجك << كان يتريق علي :( اخر شيء صرت افكر اتزوج بدون مايدرون بس اخاف يكفشوني ويحجروني بالمجلس ويكفخوني ليين اقول بس :( لاتطنشون موضوعي عشان كتاباتي والله كذا اتكلم حتى مع الناس ماعرف اتكلم بذوق :( لحد يطنشني ابي اتزوااااااااااااج :( وبالنسبه للاخت سوسه يوم تقولي اروح ابني بيت والله مافكر بهالشيء لان كل اللي شاغل بالي الحين بس ابي اتزوج واذا عالمهر وعلى التجاهيز الحمدلله متوفره معاي الماده واقدر افتح لي بيت بالراااااحه :( ابي اعرف تأيدوني اتزوج بدون مايدرون ولا شسوي . وفرضا ابي اتزوج بدون مايدرون بالله من بترضى ؟؟؟ يووه والله توني كنت اطالع بقسم العوانس والارامل وحسيت اني عانس :( |
ماشاء الله ، شكلها روح النكتة من الأم و الأب ، ربي يخليهم لك :D
شوف بأقول لك على شئ بس ماودي أحطمك ، ترى الزواج مسؤولية و من دحين أقول لك الله يعييييينك لكن دامك تبغى تتزوج ، فلا تقول بأتزوج من غير ما يدروا ، لإنه مافي وحدة ترضى تتزوج من غير علم أهلك إلا لو كانت مرخصة من قيمة نفسها أنا أعطيك طريقة ، بس اسمعني : 1 - اجلس مع أمك و أحكي لها عن واحد من أصحابك ( جيب لها أي اسم ، مو شرط يكون بجد ) و أحكيلها أي شئ عنه ( أشياء هي ما تحبها في الإنسان ) ، يعني خلي قلبها يخاف عليك منه بعد كذا ، بين لها إنك معجب فيه و بشخصيته ( أنا بأقول لك كذا عشان أبغاها تكره سيرته ) عشان تروح للنقطة رقم 2 2 - قول لها صاحبي هذا عنده أخت و يبغى يزوجني هي ، و أنا أبي أتزوجها صدقني ، أخوي عملها مع أمي و أمي من يومها تحركت و ما رتاحت غير يوم زوجته كانت أمي تقول لي ، أبغى أزوجه بسرعة قبل لصاحبه يقول له بأزوجك أختي و ينحرج ولدي و يقبل |
والله فكرتك حلوه بس تدرين وش سويت انا ؟؟
رحت لهم معاي جواز السفر حقي كنت فرحان فيه عشان صار عمري 21 وطلعته على طول وقلت بروح ماليزيا من يجي معاي ؟ كنت ابي اقهرها وقالت الطريق قدامك بس والله لو بس تفكر ترجع لهالبيت والله ماتخشه لو هالشعر اللي براسي باقي موجود :( المشكله ماتحب تسمع سواليفي مع اخوياي وتدري انهم كلهم دلوخ بس عاد شسوي مالقيت الا هم واذا جيت اعلمها سالفه تقول هاه بسرعه اخلص << يعني كأنها تقول هاه خلصت سالفتك ولا لا :( طيب حتى انا فكرت انه مافي بنت بتقبل اتزوج من ورا اهلي بس بحاول معها بكل الطرق بس اتمنى تقولون لي اي حل وادري انه اهلي معقدين بس شسوي مامعي الا اهم واذا مانفع معهم بروح لقسم العوانس وبجلس اخرعهم من العنوسه عشان يمكن وحده تخاف تعنس واخليها تتزوجني :17: والله اشكرك ياروح الطير وما استغني عن نصايحك انتي والباقين بس كأنهم قاعدين يطالعون ومحد يرد ترا والله بطفشكم لين اتزوج ^_^ |
ربي يرزقك بالزوجه الصالحه واهم شي ادعي ربك ليل نهار وحافظ على الصلوات وكل يوم كلم امك لعلها تحن وترضى ولاتنسى ادعيلنا
|
معليش أخ إحساس بسألك سؤال ويهمني جوابك وبصراحة وبالتفصيل .. !
كم تبي عمر البنت اللي تبي تتزوجها ؟؟ هذا واحد !! والسؤال الثاني .. هل توافق تتزوج بنت أكبر منك مثلاً بـ 6 إلى 7 سنوات ؟؟ افرض إنو شكلها طفولي وحلوة .. وطبعها فرفوشة وطفولية يعني ماكأنها أكبر منك ومتوافقة معك بالتفكير وماإلى ذلك .. هل توافق ؟ أو إنك توافق لحظة الزواج وبعدين بعد كم سنة تجلس تعايرها لأنها أكبر منك .. وهل انت قادر على تحمّل المسؤولية بهالعمر ؟؟ والله يهمني جوابك على هالسؤال !! وأكون شاكرة لك ,, :24: ! |
اخى الفاضل
روح الدعابه عندك ماشاء الله عاااااااااااااااااااااااااااااااااليه انا كمان هكلمك بالعاميه والدك ووالدتك لسه شايفينك صغير( عادى كلنا بنشوف عيالنا كده حتى لو شيبت روسهم ) المهم انت لازم تثبت لهم انك كبير الكبير مش بالسن الكبير بالفعل اولا انت مرتبك ما اعرفش اذا ببلادكم يعتبر كبير وللا لاء؟ اذا المرتب ده يسمح لك انك تبدأ تشترى بيت الزوجيه حاول انك تشتريه بالتقسيط او بقرض تسدده من مرتبك ايا كان دى خطوه مهمه جدا جدا حاول مثلا تشيل مهر وشبكة العروسه تحوشهم يعنى حاول انك تدخر وعرفهم بأنك بتعمل ده صدقنى قبل ما تنهى مشوار البيت والمهر هم بنفسهم وبعيونهم هيحسوك مسئول.......هم بروحهم هيدوروا لك على عروسه اهدا شويه والله لو عملت اللى بقول لك عليه هتشوف تجاوبهم |
امممم عمرها والله عادي صغيره ولا كبيره مايهمني بس عاد مو عجوز ههههه
بس يعني بصراحه في الايام الاخيره صرت احس اني فااقد حناااااااااااان وفاقد اشياء كثيييييره واتمنى وحده تكون من سني او اكبر بشوي ومابي اصغر مني الا اذا كانت حنونه وطيوبه وبس وانا اكثر شيء يهمني بالبنت طيبة قلبها وبس الله ما اهتم لا لشكل ولا لمال بس اهم شيء تكون مقبوله الشكل مو شينه ^_^ وجواب السؤال الثاني والله اذا توفرت فيها كل الشروط اللي اتمناها ليش لا لو كانت متوافقه معاي شيء حلوو واذا طفوليه اكيد احلى واحلى عشان احب اللي كذا هههه واكره ماعندي اللي يجلس مبوز وخشمه وش كبره ولا يضحك :( وبالنسبه للمعايره انا مو من هالنوع ابد وبالعكس اذا لقيت مناتي بأي شيء والله احافظ عليه الى اخر يوم بحياتي .. امممم بالنسبه لتحمل المسؤليه اكيد قادر عليها ولو شفت اني مو قادر كان مافكرت بهالشيء وانا مو بس ابي اتزوج عشان ابي حنان وابي حد يدلعني لاا ابي انسانه بحياتي تكون توأم لروحي يعني صحيح اني اضحك وانبسط وكل شيء تمام بس كل انسان ينقصه اشياء كثيره وانا احتاج احد معاي بحياتي يساندني واسانده وانا صحيح اني رجال بس برضه احتاج من اثق فيه واكتم عنده اسراري واحتاج من تكون لي الام والاب وكل شيء |
الاخت fatoushi شرفتي الموضوع والله واشكرك على ردك وبالنسبه لمرتبي " الراتب " الحمدلله خير وبركه وممتاز جدا واذا عشان ابني بيت او اشتري لي بيت انا الحمدلله متوفر عندي ومو قاصرني شيء ابداا وكل النواحي الماديه متيسره بس ادعي لي بصلاتك والله لايحرمنا منكم ..
والله يعطيكم الف عافيه عن جد والله ريتني مشارك معكم من زمان والله انكم عسل ^_^ |
لا تتابع أفلام رومناسية
وإذا كملت 25 سنة عرس وتنتهي الحفلة : ) |
اشكرك يا اخت الوان ..
بس خلاص راحت علي ماعاد يجيني نوم اوووف بس متى اتزوج :( |
اجلس مع امك ابوك مرهـ وثنتين وثلاث واربع وبالأخير راح يقتنعوا وحاول تفهم الأسباب غير سالفة توك صغير
ياخي الرجال بعقله وأخذهـ للأمور مو بشكلة ولا جسمه وقلهم انك خايف على نفسك من الحرام بعدين ناس بعمرك فاتحين بيوت وعندهم عيال لاتفكر انك صغير الصغير صغير العقل... الله يرزقك بالزوجة الصالحه بالقريب العاجل |
شوف يا عزيزي
في البداية كل عام وانت بخير .. انت تذكرني فيني .. انا كنت ابي اتزوج من كان عمري 19 وشفني وصلت 27 وداخل على ال28 وتوني عزوبي فاتذكر لما كنت اقول لابوي ابي اتزوج كان يقول ليش؟ قلت له انا رجال ومتوظف وعندي راتب ومستقل في بيت قالت طيب اذا طفشت وزوجتك جنبك وش بتسوي قلت نسافر ونغير جو .. المهم بعد فترة الوالد بدا يقتنع وقال باجرب بشوف انت تتحمل مسئولية بيت أو لأ.. فخلاني اسدد فواتير البيت واتقضى للبيت كله من حسابي وبعد فترة قال روح سدد مصاريف المدرسة حقت اختك الصغيرة وعط امك العيدية وعط اختك الثانية مصروفها للعيد فحسيت ان الميزانية انهزت وبالفعل بديت اتوتر لان الزواج مثل ماهو سعادة ووناسة وتلعبون بليستيشن مع بعض برضه هو مسئولية وهموم ومشاغل وربطة .. يبغالك تبطل من روحة اخوياك وتودي زوجتك للسوق كل فترة وتوديها عند اختها اللي توها والدة وعند خالتها اللي بنتها تطلقت وتصرف لها مبلغ كل شهر وماتاكل برى كثير وتجلس مع زوجتك اغلب الوقت .. عارف بتقول مستعد لكن انصحك تعيد التفكير ثاني مرة وتفكر كذا انه خلال شهر العسل جاك بيبي عبيط كذا وصياح اخر الليل وتوديه المستشفى فبعد سنة او سنتين بتبدى تدور اي عذر علشان تفتك من زوجتك وتبدا تسافر وتجلس مع اخوياك العزابية لحتى الفجر وتصير اول واحد يجي الاستراحة واخر واحد يطلع منها عزيزي انا ما احاول اعطيك الجانب السلبي لكن ترى الزواج مسئولية كبيرة مادية ونفسية ففكر ثاني مرة وثالث مرة ورابع مرة وحاول تشغل نفسك الفترة هذي يعني كمل دراستك او خذلك دورة في اي شي ممكن انك تحبه واحرص الفترة هذه على البناء وتطوير الذات وفهم الطرف الآخر بالتوفيق لك |
صبري نفذ ،، اشكرك على زياره موضوعي ولاتنسى الي قلته لك بموضوعك << بيفضحه ههههههههه
|
شيبه السيل ،،شكرا على ردك يالغالي وماقصرت بس باقي ما اقتنعت ولسى ابي اتزوج :)
وبعدين على فكره ياصاحبي مو شرط اني اتزوجها ومن ثاني يوم راح تحمل ونبدى بتربيه البزران ،،، وبعدين اذا عالمصاريف انا اصرف على اهلي احيانا وعندي اقساط شهريه وعندي مبلغ مستقطع شهريا من راتبي للوالده وماقد شكيت من شي ،،، واذا عالمصاريف والله ماراح تهمني بكثر ما اشوف بزراني وزوجتي مبسوطين ،، وبعدين والله مستعد اترك كل اخوياي واخاوي بس زوجتي لانها هي اللي تستاهل كل شي ،، تخيل انك تعبان ومصخن وحالتك حاله قسم بالله اتحدى لو فيه احد بيجيك ويشوف اشفيك ،، بالله ماتتمنى تكون بحضن زوجتك وتجلس تدلعك لين تطيب وتصير بخير <<< خش جو :( اااه بس متى اتزوج وربي مليت |
طيب يا بطل
بما انك مقتنع ومعزم ودرست الموضوع كويس من جميع الجهات وفي رصيدك المهر وقيمة الشبكة والدبل .. هذي نصيحتي لك كيف تقنع الوالد ... شوف يا بطل .. انت اجلس انت والوالد جلسة بحيث ما يكون فيها الا انت وهو وقله انه ماقصر رباك لحتى ما توظفت واعتمدت على نفسك وان خيره سابق .. ووضح له انك تبي تعف نفسك عن الحرام وانك فكرت في الموضوع من كل جوانبه وانك بتسكن في المكان الفلاني يعني وضح له خطتك الاستراتيجية بعد خمس سنوات كيف راح تكون وانك اذا جلست عزوبي تخاف على نفسك من السفر وان الوقت هذا ماللواحد الا بيته وعياله .. واذا كان رد بالقبول بالفكرة كلم الوالدة او احد خواتك وقلهم خلهم يدورون خصوصا بما ان العيد خلص فاكيد شافوا قريباتكم وعرفوهم ولسه صورتهم في بالهم .. واذا والدتك رفضت الفكرة اتبع الطريقة هذه وتراها فعااالة جدا اولا .. اجلس معها وسولف عن ايام ما كنت طفل وكيف كانت تصرفاتك هي بتستانس وتبدا تعطيك من السوالف اللي مايندرى عن مصدرها واذا وسعت صدرها وضحكت قلها كيف كان عيدكم ومن شفتوا ومن كان فيه وهل فيه احد لفت نظرك هنا والدتك بتتحمس وتبدا تعطيك اللستة حقت البنات طبعا انت خل الاخلاق اولا اهتماماتك وبعدها يجي الجمال والشكل والله يكتب اللي فيه الخير |
طيب حبيبي بأخذ بكلامك واقوله لأمي لأن ابوي مافي امل نتكلم جد انا وياه وأغلب سواليفنا نحش ببعض ولا نتريق ببعض واذا عصب يكفخني ههههه
بس دعواتك بالله :( وما استغنى عن ردودكم ونصايحكم |
عدناا اليكم :)
قبل شوي كنت جالس مع امي ورحت جبت لها الفصفص وشاهي ومدلعها << مصلحجي :) المهم مع السواليف قلت يمه ابيك بموضوع طبعا مع الحكحه وتفقيع الاصابيع قلت والله اني اتكلم جد وما امزح انا ابي اتزوج واكون اسره قالت انت تتكلم بعقلك :( قلت ليش وش فيها شوفي فلان بيتزوج بالصيفيه والثاني بيتزوج بعيد الفطر ليش انا لا قالت ذولي عاقلين مو مصافيق زيك وانت بكره تفشلنا مع بنات الناس قلت والله اني مسكين مابسوي شيء :( قالت انت حتى مع الناس دايم تفشلنا بكره وش تبي نقول لاهلها عنك قلت والله مافيني شيء وكل الناس يحبوني بس عشاني اضحك كثير ودايم طيب مع الناس صرتم تحسبوني غبي ولا افهم وحسيت بقهر بقلبي وقالت وش علي منك تبي تتزوج روح تزوج .. قلت ترا في واحد بيزوجني اخته " هذي من نصايح الاخوان " قالت الله يهني المقرود بمقرودته <<< تحطييييييييييم ادري اقلقتكم بس عاد والله احسكم اخوياي يعني عادي مابتطفشون مني وادري اني قلق بس مافي غيركم |
الله يعينك
حاؤل وحاااااااااااؤل بئي الطرق تكلم معهم بجد بدون لف ودوران قؤل يأامي لاتظنين اني امزح والعب تراااااااااااني جاد بلموضوع ابيك تكلمينين ابؤي وتتفقؤن يأأمي ابي اتزوووووووووووووج تراني رجال واقدر اتحمل مسؤليه واذا مزحت ولا قالت تؤك صغير لاتنهي الموضوع معها لا حاؤل غثها وهي بتفاتح ابؤك وتزوجك وقؤل ياتزوجوني ياأنا اتزووج !!!!!!!!!!!امك بتنهبل وتهاوش وتبدء تفكر بلجد وهو تزويجك .... اثبت لهم انك رجال ساعد ابؤك خفف طالعاتك مع زملائك وساعد اهلك تجيب مستلزمات وووو................. وغثهم بطلبك. ذكرتني ب زوجي خطبني والله وعمره 22 سنه وهو يدرس وانا كان عمري 15 سنه وكان زوجي مستعجل لكن تأخرنا لاجل \ دراستي قعدت سنوات اجل دراستي ملكنا سنتين وعمري 17وكانت اجل لحظات مكالمات ووو.....سؤالف.ورحت معه وعمري19 وهو 25 يعني حط بالك يمكن تتأخر لاجل درستها لكن قؤل ابخليها تكمل درستها معي...واذا رفضؤا فملك عليها وبتغمرك مشاعر وبتمشي السنين قلت بحط ببالك دام عمرك 21 سنه. يمكن تلقئ لك وحده بتوافق وعلئ طول . المهم غث اهلك كلمهم اكثر من مره قؤل اخطبؤلي تراني جاد مااستهبل . وصدقني بيصدقؤنك لكن اذا تخلل النقاش مزح بيظنونك تطلب ومنت جاد. |
ياهمس وربي اليوم كلمتها وانا جاد حتى ماضحكت ولاشيء وكنت اتكلم بكل جديه بس اهي ببالها اني باقي صغير ..
وانا والله من قبل لا اتوظف كنت اشتغل في شركه وكنت اشتغل دوام ثاني وكان عندي محلات يعني كل وقتي شغل بشغل الين الله وفقني وتوظفت بوظيفه حكوميه وهم يدرون اني كنت اتعب واشتغل وانا باقي صغير يعني مو مثل الشباب الباقي اللي لاهين بالسيارات والخرابيط وانا حتى اخوياي اخواني يعرفونهم يعني ناس اجوديين بس دلوخ هههه بس يعني مافيهم حركات شباب هاليومين ولا شيء وكل الخصال اللي فيني حلوه اخلاقي الكل يشهد لها والشكل الخارجي حلو وكل شيء تمااام بس مدري ليش باقي ببالهم اني صغير ههههه وربي قهر :( بس والله بقلها اخر مره وبعدها بتزوج بس من وين اتزوج :( |
والله ما ادري شاقولك يااخوي
ماكو غير الحنة يعني كرر عليهم السالفة مرة ومرتين وثلاث واربع واذا ما رضوا ازعل ومد بوزك ولا تكلمهم او تعال حق امك في نص الليل قولها يما ابيج بموضوع ضروري وقولها ابي اتزوج ماني قادر انام والله يوفقك |
موهبه الكويت ,,, اشكرك على ردك
المهم انا بقلها اليوم مره ثانيه لأأأأأأأأأأأخر مره واذا رفضت والله بتزوج وماعلي منهم |
اخي الكريم
انا جداا مع رأي الوالد والوالده الله يحفظهم الك تره اغلب الوالدين يعرفون ابنائهم حق المعرفه ويكونون اعرف بأبنائهم من انفسهم وانت ماذكرت بالتفصيل رأي والديك بك يعني لو هم شايفيك انت قد المسؤليه تمام ويعرفون شنو انته وشنو عقليتك وشون تصرفاتك ورزانتك كان رحبو بالفكره وباركولك واسرعو لتزوجيك ولكن انت بالفعل مازلت صغير انا لا اتكلم عن روح المرح التي تملكها ولكن من خلال ردودك لم اجد بك انسان واعي تماما ماهو الزواج تره لايغرك المنظر الي شفته بالمسلسل وعبالك الحياه ورديه والدنيه وااااااااااو مع الزواج لااااااااااا الحقيقه انو حياه الزواج تختلف تماماا عن حياتك الحاليه وكلشي بوقته حلو انت ليش مستعجل؟ عيش حياتك وعمرك الحالي اكسب ثقة اهلك بتصرفاتك وتحملك للمسؤليه الزوجه تره ماراح تكون 24 ساعه تضحك وتمزح معك ولاانته راح تبقى كما انت بعد مرور عام او عامين ويمكن من تنضج اكثر راح تعرف بوقتهه معنى كلامي الزواج موحود وهو وراك وراك ,,,جاي جاي راح تزوج وراح تكون لك زوجه واولاد بس المرحله الي انت فيها اذا راحت بعد ماترجع الزوجه تحتاج رجل مسؤول بتفكيره وبصرفاته وبافعاله تحتاج حب وحنان وبعض المرات تحتاج شده وجفاف لتسير الامور بلاتجاه الصحيح هناك جوانب عديده للزواج ولكن هذه الجوانب تحتاج شخص ناضج, ناضج بكل معنى الكلمه حتى اذا صادفك موقف في حياتك الزوجيه ماتجي تقول كنت اتخيل الزواج لعب وضحك وبس لااا لازم تكون حكيم وصبور ,,, انا اقترح عليك تأجل هذه الفكره على الاقل سنه وبخلال هذه السنه سوي شي يثبت انك قد المسؤليه بكل معنى الكلمه ,, ابدء بتأسيس بيت مثلا ,,, غير من نفسك للاحسن انا اقترح عليك ان تجلس مع الوالده وتعرف منها ماينقصك لكٍ تكون زوج ناجح ,,, خليها تقول لك عيوبك وتقبل منها الكلام ,,, لانها احرص الناس عليك ولاتريد لك سوى الخير والتوفيق انت الان تتضجر من رأي والديك بك ولكنهم المرايه الصادقه انا اقول ذلك لان امك ربتك كل هاي السنين واهلك عاشروك يعرفون ما انت على الرغم من انك ترى نفسك عكس ذلك ولهذا انصحك ان تتبع نصائحهم وتتحمل مسؤليه التفكير بهكذا قرار مصيري لان الزواج مو يوم ويومين تره الزواج عشرة عمر وبعد سنه اذا كانت لازالت الفكره تراودك ودرست جميع الجوانب بعدها قم بالتكلم مع الاهل واصر على موقفك الله يوفقك |
انا بنوتة زوجي ,, اشكرك والله بس انا مو بس حياتي لعب وضحك .. لا يا أختي انا بعد اخطط لبناء مستقبل لي ولاولادي وابي اعيش حياه هنيه وميسره ومو شرط انو ردودي بس عشان اضحك احد لا والله بس انا اسلوبي كذا من يوم كنت صغير وانا بطبيعتي اجتماااااعي مرره واحب الوناسه بس وقت الجد جد بس باقي الوقت مثل ما انا ..
وانا درست علم اجتماع ودايم احب استمع للناس ومافيني اي عيب من هالنواحي وبالعكس كل من شافني وسولف معاي يرتاح لي ودايم اسمع هموم الناس واساعدهم بس طفشت من كذا طيب مو من حقي احد يشوف همومي ؟؟ ثاني شيء ادري ان الزواج فيه حلوه ومره وضحك ومزح وزعل وهواش .. بس او متفاهمين ونعرف لبعض تتوقعي بيتم هالهواش ؟؟ اكيد لا ,, وكل انسان وتعامله مع زوجته راح يكسبها ويكسب ودها واحترامها وقلبها ,, وانا من عائله غنيه جدا وماضيعت فلوسنا بالخرابيط وبالسيارات لاا الحمدلله واول ما توظفت اخذت لي قطعة ارض وافكر ابنيها بعد فتره ان شاء الله ,, طيب دام وضع اهلي المادي ممتاز كنت اقدر اعتمد على فلوس ابوي وما اتوظف صح ولا لا ؟ وكنت اقدر اطلب منه يوفر لي سكن بدون ما اتعب صح ولا لا ؟؟ بس انا اخذت كل شيء بتعبي وبجهدي وما اهتميت لوضعنا المادي لاني حطيت نفسي بمكان واحد ماعنده شيء والحمدلله كنت قدها وقدود .. شوفي اللي بعمري وش يسوون وانا وش سويت ووش بسوي .. انا مابي الا اتزوج واعيش حياتي :( |
احساس مشاعر ...
هم كذا الناس يقولون عن الطيب! أصله الطيب في الزمان دا عبيط :23: أخوي مالك إلا المحاولة مرات ومرات ومراااااااااااااارير :d ألحين الولد أسهل :) بس البنت يا عزتي لها :( قسماً بالله لو أقول أبي اتزوج كان ما اشوف الشمس :11: ولا عاد فيه طلعات ولا خرجات ولاشي :29: عققققققد وربي :29::29::29: مايحسون بالواحد انه مشاعر واحاسيس مو الشغله بس ابي أحد والسلام!! لاحول ولا قوة إلا بالله ! ماعليك منهم،،،، اقعد فوق رااااااااااااااسهم لين يزهقون منك ! وربي مجربة :) أخوي مسويها ... بس ما أعرس :D بس عاد يبي لها صبر الشغله :25: ويووووووووووه توك في بداية المشوااااااار يابطل :18: أول شي اصبر على أهلك ــــــــــ وبعدين على أهلها ـــــــــــــــ وبعدييييييييييييين عليها :D الله يكون بعونك يارب وبعونا بعد احنا البنات المساكين المهضومين حقوقياً وكلامياً و سمعياً وحتى تنفسياً :29::29: |
أحساس مشاعر كيفك وربي انا كنت اتصفح المواضيع بس في هذا الموقع وبعد ماقريت موضووعك سجلت .
بصــراحه انا مثلك بالظبظ كـأنك تتكلم عنـي كل شي وأدق التفاصيل انا مثلك لكن ابشرك الوالده بدت تدور لي . وعقبالك |
ابتسامه طفله ... شكرا على ردك وجزاك الله خير << ماوده يكتب ويعلق عالكلام ماله خلق :(
جنتل .. ياهلا فيك حبيبي والف مبروك يالغالي بس ماظنتي بيدورون وقبل شوي قلت ترا بتزوج بدون علمكم وقالت والله بدعي عليك لو عرفت بهالشيء :( يالله بس شنقووول الله يعين وبجلس كذا والله تصدق احس بيتبلد عندي الاحساس :( هذا وانا طالب الحلال عاد كيف لو رحت ادور عالحرام :( يالله شنقول بس .. الله كريم ,, |
بتلين اصبر شوية
خلك وراها الله يوفقك ان شاء الله قريب نلقاء لك موضوع عن الخطوبة |
انا خطيبي مثل حالتك .. مو راضين له اهله .. ليييين قال لهم والله لو ماتزوجوني مابكمل دراسه وبرجع هو يدرس برا
والله اني لـ آرجع واجلس كذا عطال وبكيفكم هههههههه لين اخطبو له .. وهو اكبر منك بسنه مافي فرررق يعني بينكم عاد انت شوف لك طريقه مو معقوووووول اهلك مايقتنعون آبد ! بس استغربت من شي انك تبي وحده اكبر منك ليش عآد ؟ والله حلو لو تآخذ لك وحده بـ 18 والـ 19 يعني اتوقع مو كل بنت ترضى تاخذ اصغر منها مدري كذا اشوف اناا وانت حر والله يوفقك ويعرسك اليوم قبل بكرررىآ |
القانته .. شكر على ردك
ملامح قمر .. اممم انا ماقلت لازم تكون اكبر مني بس يعني قلت عادي اكبر ولااصغر مافرقت معاي اهم شيء بس حنونه مره |
شوف حبيب قلبي خلك وراها وراها ، وبعدين تعال اقولك اجلس معاها لوحدكم وقول يالغاليه ياحلوت اللبن مالي في هالدنياء الا انتي وماراح الاقي وحده تدور لي بنت الحلال الا انتي وما راح ارضى على نفسي اتزوج وحده الا انتي اللي مختارتها لي ومعجبتك قبل تعجبني وتراء يالغاليه انا الحين صرت رجال والحمد لله موظف .وكل مقومات الزواج عندي وامتلكها والحمد لله اني فكرت في الحلال مافكرت في السفر والحرااام وقولها على فكره ترا الحرام مايبغاله ربطه ومايبغاله ملغ وقدره مثل الزواج لكن انا فظلت الحلال على الحراام واعتقد ياغاليه انك ماترضين لي بالحراااااام . وترا انا ما قررت اقدم على هالخطوه الا بعد تفكير عميق وبعد شيل وحط قررت اني افاتحك في الموضووع . فياليت ياغاليه تدورين لي بنت الحلال اللي ان شاء الله بتسعدني . وهذا اللي سويت انا وانت بلغني باللي يحصل معك بعد ماتسوي اللي قلت لك عليه.
|
اقتباس:
بصراحة قريبي عمره 22 سنة و تزوج واحده عمرها 28 :) وماشاء الله مبسوط :) لأنها متفاهمة كثييييييييييير .... يعني تفهم كل شي يبغاه من غير مايحكي... |
جنتل ،، بكره بسوي الي قلت لي عليه وبعلمك وش صار ،، مشكور ياغلاي على حرصك :)
ابتسامه طفله ،، يالله الله يهنيهم يارب :( <<< دمعته بعينه :( |
الحمد لله انك فكرت بالحلال
والمفروض ان اهلك يوقفون معك السن ما يعوق الديرة التي انتمي اليها مجرد مايبلغ الولد عندهم يختارون له البنت ويزوجونهم بس هاااااااااااااااه لاتتزوج ثم اشوفك عقب 6سنين في قسم المتزوجين تبكي وتنوح على شبابك اللي ضاع في مستشفى الولادة ورعاية المواليد شف الحل مع اهلك انك تضرب عن شي معودهم انك تسويه لهم واذا سالوك وشف فيك قولهم ابي اعررررررررررررررررس هم يبيلهم وقت بسيط ويقتنعون هم الحين بس يبون يتاكدون هل انت جاد ولا مجرد نزوة واثبتلهم انك جااااااااد وقل لخواتك يدورون لك على عروس بالمواصفات اللي تبيها |
والله صدقت ام داليا
كنت كل ما افكر اتزوج اخذ لي لفة على قسم المتزوجين يضيق خلقي وارجع اهون عن فكرة الزواج |
انت ادعي وربي ان شاء الله يستجيب ولح على امك على الطلعه والروحه وان شاءالله تقتنع |
ام داليا ,, اشكرك على ردك ولي تعليق على كلامك بس ابي اشكر اللي ردو بالاول ..
شيبة السيل ,, اشكرك على ردك ولي تعليق على كلامك انت بعد ... طامحه الى العلا ,, الله يسعدك يارب يالله نبدا بالتعليقات على ام داليا ,,, اول شيء صدقيني والله لو اتزوج ماعاد تشوفوني اجي اتشكى من شيء بالعكس وربي ونااااااااسه ومو شرط على طول عيال ومستشفيات ولاده :) واذا عالاضراب سويت اضراب عن الاكل وكفشوني وانا راجع من برا ومعاي عشاء ههههههههه وانت ياشيبه انت تقول انك بس تقرى بقسم المتزوجين وتبطل تتزوج صح ؟؟ وبعدين ليش بس تفكر ان حياتكم بتكون مشاكل ؟ ليش ماتكون سعيده ؟؟ واذا فيها عيوب مثلا ليش ماتغيرها وتخلي حياتكم سعيده ؟؟ طيب بوريك مواضيع بقسم المتزوجين وابي ردك ومن نفس هالمنتدى بعد .. http://www.66n.com/forums/showthread.php?t=197509 الله يهنيه مع زوجته ويسعدهم يارب ... http://www.66n.com/forums/showthread.php?t=197199 الله يهنيهم ياااااااارب http://www.66n.com/forums/showthread.php?t=197450 الله يسعدهم دنيا واخره .. http://www.66n.com/forums/showthread.php?t=196603 ياجعل ربي يحفظهم لبعض .. هذي بس من بعض المواضيع اللي انا شفتها .. طيب فيه ناس تحب بعض وناس لا صح ولا لا ؟ وفيه ناس تشكي وفيه ناس مرتاحه صح ولا لا؟ ليش انت حطيت نفسك بالمكان السلبي وانت بعد ماتزوجت ؟؟ انا الحمدلله حاط نفسي مع اللي متهنين بزواجهم لاني لو تزوجت مستحيل اسوي اي شيء من اللي يسوونه الناس بحياتهم وتخرب حياتهم الزوجيه :) وواثق من نفسي بعد اني بسعدها واسعد نفسي معها :) ادعووووو لي |
ما شاء الله عليك يا ابني .. والله الزواج مسؤوووووووليه كبيره .. قد تكون انت قد المسؤوووليه لكن استمتع بالعزوبيه الان .. اقنع امك انها تخطب لك فقط .. يعني البنت اللي تناسب سنك تكون عمرها 18 سنه .. ممكن تنتظر سنتين لحد ما تدرس سنتين او ثلاث من الجامعه وانتم مخطوبين و بعدين تتزوجون قل لامك فقط خطوووبه و كتب كتااااب والزواج بعد سنتين .. بالتوفيق ان شاء الله .. |
| الساعة الآن 03:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©