|
برود زوجي هل وضعنا طبيعي :(
السلام عليكم ورحمة الله وبركاته
أحس اني مخنوقه وحابه افضفض لكم والله اني تعبت من الوضع اللي انا عايشته واكتب لكم ودمووووعي في عيوني ،، الله يسلمكم زوجي بارد معااااااااااااااي وانا صرت ما اتحمل بروده اقسم بالله اني انسانه متجددة ومهتمة بعمري ودوم الناس تمدح فيني وفي شكلي واناقتي وانقهر لما اشوف نسوان اقل مني جمال واناقه وازواجهم لازقييييييين فيهم لزقة يعني انا ابغى اعرف في شنو مقصرة معاه انا اخبر الزوج يكون متلهف على زوجته وينتظر بفارق الصبر متى ينتهي العذر الشرعي عشان يجامعها اسمحوا لي عالجرأة بس انا زوجي ولا داري عن هوى داري مهو عارف متى جات ولا متى خلصت مني لي 12 يوم ما صار ما بينا شي وتوني مخلصه العذر الشرعي من يومين انتظر اشوف لهفته وشوقه لي للاسف لا مشاعر ولا احاسيس نفسي ان يكون لي الزوج اللي يحسسني بانوثتي والله هالشي وااااااااااااااااااااااااااااااااااايد حاز بخاطري ان زوجي ما يعاملني مثل ما اعامله ان دووم اتودد له وابين له مشاعري اتجاهه بس احسه هو غييييير ,, حتى البوسه والحضن بالطلب انا ابغي الشي يطلع من خاطره ،، يالعالم انا مو ناقصني شي لييييييييييييييش يارب القى هالبرود مو حرام انا ينكسر خاطري ان دوم اقصر على عمري على اساس اشتري لي قمصان النوم واشتري العاب زوجية والله هالحركات اتذوب جبل بس ليش هالبرووود يازوجي هو كتووووم انا خاطري اصارحه واقوله بس اخاف يزعل بس انا مرة سالته انا مقصرة معاك بشي يقولي لا والله وفقلبي اقول عيل ليش جذي تعاملني ان توني صغيرة وما كملت معاك سنه عيل لو صرنا شياب كيف بتعاملني !! زوجي جاته فترة عانى من ضعف الانتصاب وكان شاغل باله هالموضوع والحين صار اوكي تتوقعون ليش يتهرب مني ولا يبيني لي مشاعره هل ما عاد يحبني ؟ على الرغم انه متزوجني لانه كان يحبني من طرفه ,, بالله عليكم اجبروا بخاطري اللي زوجي قضى على قلبي وروحي صرت بيني وبين نفسي مستخسرة كل ريال دفعته على لبسي لانه احس ما يستاهل اللي قاعدة اسوي له ,, |
ناطرتكم والله ان دمووووعي تصب ومو قادرة اشوف الشاشه عدل :(
|
ويييييييييييييينكم معقولة تقرون ولا تردون علي بشي
عالاقل ادعوا لي ان الله يسخر لي زوجي |
السلام عليكم ورحمة الله وبركاته
كل عام وانتي بخير اول شي انا توي مسجل في المنتدى وكله عشانك لاني شفت موضوعك وقلت اسجل وارد وبعد المنتدى عجبني ان شاء الله يسخر لك زوجك مافيه حل الا انك تجلسي معاه وتقولي له على كل شي وتسأله ايش فيه وليه متغير هذا هو رايي والله يوفقك ويسعدك ان شاء الله |
مالك الا المصارحه
تعب من طرف واحد ماينفع انتي قاعده تعذبين نفسك وزوجك مو داري اسأليه وجها لوجه بس انتقي ألفاظ تحسسه بالأمان وتشوفيه كيف يسترسل بالكلام معك اما انك تفكري لوحدك وهامك انه بيزعل من كلامك فماراح تلاقين حل...هذا زوجك اذا ماكلمتيه وصارحتيه وتناقشتوا مع بعض وبحثتوا في سبب المشكله من اللي بيحلها لك |
بما أني رجل راح اقول لك ايش ممكن يسبب هالبرود لدى الزوج
_ ممكن يكون ضغوط العمل ومتاعبه .. وفي هالحالة ممكن تسافرو في إجازة وتشوفين الفرق _ ممكن مشكلة ضعف الانتصاب لا تزال مؤرقته لكن ما يقدر يصارحك فيها .. هنا أتوقع ممكن انتي تساعدينه في حلها بإكثار مداعبته أو حتى اذا لزم الأمر ممكن يستخدم حبوب مقوية (مو عيب حتى لو كان شاب) _ حاولي تسوين تغيير (إما في شكلك أو لبسك أو حتى في ديكور الغرفة وريحتها) إحنا الرجال ندوخ على التغيير :) _أخيراً أرجو ان لا يؤرقكم هالموضوع كثير وتأكدي انه مع مرور الوقت راح تتحسن الأمور بإذن الله |
اقتباس:
|
ياغلاتي صارحيه ليش تكتمينه بقلبك
قولي له كل اللي بخاطرك وتفاهمي وياه على كل صغيره وكبيره ولاتجلسين تتعذبين وهو مو داري عن هوى دارك الله يفرجها عليك ويسخر لك زوجك |
اختي كل عام وانتي بخير ..
أختي من الممكن تكوني كاتمه بقلبك وهو كاتم بقلبه وكل واحد فيكم خايف على مشاعر الثاني ولكن جلسه صريحه تفضفضي فيها له بكلمات غير جارحه .. ممكن تحل لك المشكله ..ويمكن خايف على مشاعرك عشان مشكلة الإنتصاب الي عنده ونفسيته متأثره من موقف حصل وخايف يتكرر .. |
ربنا يسعدك انت وزوجك
|
أسأل الله أن يسعدك وزوجك لكن قديكون هناك قفل لم تصلي له بعدابحثي عن مفتاحه وتنحل أمورك بإذن الله وعمل الرجل أحياناوتفكيرة قديصيبه بالبرود ولاأدري عن مدى التزام زوجك ولكن حاولي أن تتعرفي على مايثيره |
[FONT="Arial Black"][/FONT اختى الفاضلة مع احترامى لكافة الاراء السابقة لكن لى راى اخر طالما فعلتى ما فى وسعك من اهتمام وحديث معه اتركى الموضوع كما هو خاليكى عادية ولا تحاولى انت البدا بالتودد له جربى مع الاهتمام ايضا باناقتك وحاولى ان تلفتى نظره بما تعانيه كسردك مثلا مشكلتك على انها لصديقة لك او سمعتيها بالتليفزيون وشوفى ردة فعله واكثرى من الدعاء والاستغفار وربنا يسعدك
|
لنا الله
أعانك الله على ماانت فيه وتأكدي انكي من النساء القلائل التي تبادر وتتمنى ان زوجها يطالب دائما بالإستمتاع معها لأن الواقع من اغلب الزوجات انها تشكي من كثرة طلب زوجها وتقول كيف اجعله يقلل من طلبه وتاكدي ان ماتعانين منه يعاني منه اغلب الازواج من زوجاتهم فهن لايطلبن العلاقه الحميمه لإعتقاد بعضهن انها قلت حيا وجراه زائده من الزوجه مع ان الزوج يتمنى ان تبادر هي بطلب لكي يتاكد من ان لديها رغبه فيه وليس كذلك فقط فقد لاتعطيه حقه لان لديها عمل الصباح ولاترغب بأخذ شو الصباج او لانها تتكاسل عمل شور او لانه رفض لها طلب بسيط وتريد معاقبته على ذلك وهذه مشكله كبير لاتعلم هي انها تولد لدى الزوج احساس بان هذه الزوجه لاتراعي رغباته وانما همها نفسها فقط وعندها قد يندفع لزواج من اخرى لكي لايضل تحت رحمتها او يبحث عن الحرام اذا لم يخاف الله فحذاري لجميع الزوجااااات من هذه التصرفات لنا الله ان زوجك في نعمه ولكن لايقدر ثمنها اعانك الله على ماانت فيه ولكي خالص شكررري وودي |
طنشيه طيب وشوفي اشغلي نفسك باي شئ عنه وخليه في حاله لين مايطفش يمكن لانك وراه دايما كبر راسه عليك يعني خليك ثقيلة حتى الكلام خليه يطلع منك بالتنقيط ولا تلبسي زي خليك عادية بالبجامة وشعرك عادي وبدون مكياج ولا تعملي حركات ولا شئ خليه يحس بالتغيير
|
حبيبتي كل عام وانت بخير
اولا المشكلة دي مشكلة نساء كتييييييييييييييير انا فعلا استغرب لما اصاب الرجال من هذا البرود لدرجة اني اشك ان في شيء في الهواء او الماء او الاكل يسبب هذا البرود عموما انا عن تجربة حقدم لك بعض النصايح يارب تنتفعي بها اولا لا تتغيري الي الاسوء ابدا بل ظلي علي اناقتك وجمالك بل وطوريها ثانيا لازم تكلميه وتصارحيه بكل مشاعرك ثالثا اتقلي عليه جدا جدا جدا واجعلي الرد علي قدر الطلب ولو حاول يتودد لكي اوعي تدوبي لكن بيني ان بعده وبروده اصابك انت ايضا بالبرود وحاولي تبيني ان هو مش فارق معاكي لكن لو رجع بجد وتقربلك خلاص ارجعي كل الحكاية ان الراجل لما بيحس ان زوجته بتحبه وان هو كل حياتها خلاص بيتخيل انه ملكها مبيعرفش انه كدة بيخسرها انا عايزاكي تحسسيه انه لو تمادي في هجره هيخسر حبك له ربما يكون كلامي قاسي لكن مفيش اقسي من ان المرءة تفقد انوثتها لاني مكوية بنار البرود والهجر ارحموا نسائكم |
لنا الله 2009
أولا الله يبعد عنك كل مكروه . . ويسعدك مع شريك حياتك . . وراح أقولك بعض الامور حصلت لي انا أثناء فتره زواجي مدة ( شهرين ) تقريبا وحصل لي مثل ماحصل لزوجك لكن كان فيه أسباب راح أذكرها لك بإختصار شديد جدا . . كان عندي مشكله مع العمل وظلمت ظلم كبير في دراسة الماجستير وكانت صدمه وكتمتها بخاطري بعدها خسرت خسارة جاااامده في سوق الفلس ( سوق الاسهم ) بعدها حصل مشكله بين أحد أخواني وكنت ما أنام الليل من التفكير ولا أبين لزوجتي كــل هذه المشاكل كي لا تشغل بالها وأفقد ضحكتها الحلوه ومرت علي ايضا في نفس الفتره بعض المطبات او المشاكل البسيطه لكن كنت أخاف الله في زوجتي وأحاول ان ابين اني مشتااق لها وولهااااان و . . .. . . . . . ) المهم كنت ما أفكر في الجماع ولا يطري في بالي شي من هالقبيل . . لكن بعد زوال هالمشاكل رجعت أحسن من أول بكثيييير . . بعد هالمشاكل وبعد مده صارحت زوجتي بالي حصل . . وبينت لها ان عدم رغبتي في الجماع بسبب حالتي النفسيه المتعبه بعدها صارت زوجتي تعاملني كأني طفلها اذا رأتني متكدر أو ضايقه اخلااااقي . .وتعرف ايضا اني مالي رغبه في الفرااش عموما : مصارحة الزوجه في هذه الامور . . لأن الزوجه كلها مشاعر وعواااطف وحنيه . .وقد تأخذ موقف من زوجها بسبب هجرانه لها في الفراااش وهذا الي حبيت اوصله لك . . ان فيه أشياء سواءا مشاكل عائليه او في العمل أو مرضيه لاقدر الله في ضعف الانتصاب قد تتعب نفسية الزوج وتقتل رغبته في الجنس فهناك عوامل كثيره قد تكون السبب في هذه المشكله . . أو قد يكون محسود فيك . . او صابته عين لاقدر الله . . الناس تشوفك كشخه وحلوه وأكيد يتكلمون من وراك وصابت زوجك العين . . لاقدر الله وبعيد الشر عنكم وقد يكون في قراءة القران والادعيه شفاءا له . . عموما الصراحه حلوه . . والاسباب كثيره . . والله يوفقك ويخليك لزوجك . . ويديم عليكم الصحه والمحبه والموده يارب |
| الساعة الآن 08:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©