|
الناس يعايدوني وأنا في مشاكل مع زوجتي
السلام عليكم
سالفتي مع زوجتي طويلة لكني سأحاول سرد الأهم لتساعدوني في حلها نحن متزوجان من حوالي 5 سنوات .. السنة الأولى كانت كالعادة سنة تفاهم وتعارف فكان يشوبها بعض المنغصات لكن السنوات التالية كانت هادئة وجميلة حتى جاء البيبي الأول من حوالي سنة فبدأت زوجتي بالتغير أصبحت دائمة التشكي وتمسك علي أتفه الغلطات وتزعل من (لا شيء) دعوني أصف شخصيتها حتى تفهموها أكثر: هي زوجة طيبة جداً وحنونة جداً .. قد تكون مشكلتها الأساس (كما أراها أنا على الأقل) أنها تحس بالضعف وتحاول أن تغطي ذلك بأن ترفع صوتها علي وترد علي بقسوة أحياناً للأسف فهمت من خلال السنوات الماضية وبالاختلاط مع أهلها أنها تعلمت قبل زواجها أن الزوجة يجب أن لا تكون مطواعة دائماً لزوجها .. حتى إني سمعت من أمها يوماً (أنا ما احب الزوجة اللي تطاوع زوجها دائماً) في الآونة الأخيرة كثرت المشاكل وكلما زادت زاد بخيبة الأمل من مستقبلنا باختصار كيف أتعامل مع زوجة ضعيفة الشخصية تحاول إظهار عكس ذلك بخلق المشاكل وسامحوني عالإطالة.. |
شوف اخوي في بعض الزوجات يحاولون لفت الانظار من خلال اختلاق المشاكل هذي النوعية افضل حل لهم العين الحمرة
او ممكن تكون حاسة بكبر المسئولية عليها يعني الحين ماشالله صار عندكم بيبي واكيد مسئولية ملقاة عليها اكثر منك فممكن اهي تحس بكبر حجم المسئولية بهالحالة اغدق عليها من الحب والحنان ممكن اهي حاسة انها قاعدة تعطي وايد و محتاجة اللي يعطيها اقعد معاها قعده حلوة وصارحها باللي في قلبك |
مسكينه .. عاملها بود أكثر وقل لها اهم شي حياتنا احنا الي نكونها ما أحد يتدخل فينا . .
وذكرها بالايام الحلوه وبين لها كيف هي كانت حلوه في السابق وكيف تغيرت في الايام الاخيره عموما زوجتك محتاجه شوية دلع والله يعين على هالحريم . . مالنا الا ندلعها لأنها تموووت في الي يدلعها . . مشكلتك بسيطه . . شوية مدح وترفيع وعطها جوها شوي . . وتجيك على نافوخها . . يازين السياسه معهن . . |
والله يا نواف تعبت وانا اقول لها اهم شي حياتنا وأذكرها كيف كنا مرتاحين بالأول لكن للأسف تأثرها بالكلام ما ياخذ كم يوم بعدين ترجع تسوي مشكلة ثانية
وهي كل مرة تندم وتقول خلاص ابحاول أعدل من تصرفاتي بس للأسف كله كلام في الهواء |
ياأخـــــــــــــي انا نصيحتي لك تاخذها في مكان هاديء وتحاورها بكل هدوء ....
ترى الوحده بعد الولاده تحس بمسئوليه انت والبيبي والبيت ... انت تقول طيوبه وحنونه...هذي الصفات الحلوه ماتشفع لها في بعض الزلات...؟؟ قول الحمد لله والشكر غيرك في مصايب وترى الحين ليلة عيد خذلها هدية عيديه وتسامحوا ... ربي يسعدكم |
يمكن مصابة بإكتئاب ما بعد الولادة
يا أخي تأكد |
اقتباس:
ممكن تشرحي لي ايش إكتئاب ما بعد الولادة وايش أعراضه؟ |
دامها تعتذر وتعترف بخطاها فيها رجاء . . اصبر وخلك قوي معها . . يمكن حلمك مخليها قويه حبتين . .
|
أخى العزيز كل عام وانت بخير
مشكلتك ممكن تتحل بطريقه ممكن تنفع معاك اذا جت فى مره وزوجتك عصبت من دون سبب وبدأت تقول كلام يضايقك ....... قاطعها وقول لها انا مش قابل ان دى تكون طريقه الكلام بيننا انا اسف مضطر اقطع الحوار ده ، لما يبقى عندك اسلوب افضل للكلام نبقى نتكلم.... وتنزل او تروح اى مكان تانى....ولما ترجع او تخرج من اوضتك ما تتكلمش معاها خالص سيبها ولو حاولت تتهاوش معاك......ماتردش عليها خالص حسسها برفضك وصر على الرفض ده الموضوع محتاج منك صبر واصرار على تقويم السلوك اللى مش عاجبك فيها هتاخد وقت بس هتفهم فى النهايه انها لازم تغير اسلوبها عشان تتسمع عالاقل ويبقى بينكم تواصل يارب نصيحتى تكون مفيده لك سلام |
العزيز فاتوشي .. انا دائماً أقابل صراخها بالصمت وأحياناً اخرج من البيت لأني إذا عصبت يمكن يطلع مني كلام جارح
وبالفعل هي ترجع تعتذر وتحاول تفهمني انها ندمانة بس انا ما أرضى بسرعة يعني يمكن اظل يومين ثلاثة ما أكلمها .. فبالتالي هي تحس انها ذلت نفسها بكثر الاعتذار وتكبر المشكلة |
أنا ما قلتش انك تزعل انا بقول تاخد موقف حازم وتفهمها انك رافض اسلوب الكلام بتاعها ده
ولما تيجى تراضيك قول لها يا بنت الحلال انا مش غضبان عشان تراضينى انا شايف ان طريقتك فى الحوار او فى الكلام بيننا هتؤدى لطريق واحد بس قطع العلاقه والخرس الزوجى وهتفقدى قيمتك عندى حتى لو بتقولى كلام صح لانى هبقى واخد على صراخك دايما ومش هعرف افرق ايه اللى انتى عندك فيه حق وايه اللى لاء ما تخلينيش اهرب منك بعقلى افهمى انى بحبك وعشان كده مهتم باننا نتواصل ارجوكى حرام الحب ده يضيع عشان عصبيه وربنا الهادى |
هو المشكلة انه اليوم واحنا نتجادل بالتلفون استفزتني وسكرت السماعة بوجهها وهي استغلت الغلطة هذي ومسكتها علي
انا على استعداد اني اصلح الأمور بس كيف؟ هل أهديها هدية بالعيد .. بس انا خايف انها تحس بأن أسلوبها نجح وبالتالي تكرر نفس الأسلوب تاني |
سؤالك صعب جدا بصراحه
مش عارفه لو جبت لها هديه ممكن فعلا تحس ان ده اسلوب نافع وتكرره ، انت ممكن كمان لو ما جبتش هديه تحس انها مقهوره منك ممكن تجيب لها هديه بسيطه يعنى مثلا لو كنت متعود فى العيد تجيب هديه بألف مثلا مثلا هات هديه ب300 منها انك جبت هديه ومنها انها تحس انك قللت فى القيمه عشان انت زعلان |
اقتباس:
اذا غلطت بشي وجيت أعتذر له ما يرضى الا بكرا أو بعده .. وأنا قلت له والله لو تهاوشني وترفع الدنيا ولا تقعدها ولا تسوي هالتصرف أهون علي .. لأني أحس ان هالحركة قمة الاهانه .. يعني أراضيه ويهز راسه انه خلاص رضى ولا يرجع لطبيعته الا بعد كم يوم .. ليش طيب والله شي يقهر موت .. هو يقول لاني ما ابي ارد عليك وأغلط بكلامي .. لا والله رد بس لا تزعل يومين ثلاثة .. معليش سامحني تراني انفعلت لاني ابغى اوريك معاناة زوجتك .. .. ورأيي بمشكلتك انك تكتب رسالة طويييييلة وتكتب فيها كل اللي بخاطرك فيها .. مع هديه بسيطة .. مثلا ساعه أول حاجه حلوة .. الله يوفقكم ويسعدكم .. |
ياخوي المرأه بطبيعتها ضعيفه وحساسه
خذها بالكلام الحلوو واللين صدقني ترجع أحسن من اول بعدين ترى تربية الاطفال صعبه يمكن مضغوطه ويكفي انها تتراجع وتعتذر لك يعني فيها رجاء أن شاء الله ولاتنسى ذكرها بالأحاديث اللي تحث على بر الزوج وسمعها اشرطه والله يخليكم لبعض ويبعد عنكم المشاكل وييسر اموركم |
|
|
دراسة تؤكد .. 80% من النساء يُعانين من الاكتئاب بعد الولادة
http://www.66n.com/forums/showthread...E6%E1%C7%CF%C9 ياخوي تراها دراسة صادقة و لا تستهين بها أبدا و تقول كلام جرايد |
اولا :كل عام وانت بخيير ثانياا اعتقد ان زوجتتتتك كثرت مسؤليتها بعد البيبي وتشعر بالضغط من ذلك فتفرغ فيييييييك يمكن ماهي عارفه توازن بين الطفل والبيت من (طبخ _غسيل _كنس ووو.... )وبين الزوج والاهل فتشعر بالضغط اذا كانت كذلك حاول ان تضع لها جدول منظم وان شاء الله تهدأ لان لو ان هذا التغير من الاهل كانت تغيرات فالسنوات الماضيييه وفقك الله |
أشكر الجميع على المشاركة ومحاولة مساعدتي في المشكلة
أبشركم اليوم زوجتي فاجأتني بمسج معايدة جميل يحمل في طياته اعتذار أرجو من الله ان يبعد عنا وعنكم منغصات الحياة ويجمع بين كل زوجين على المحبة والود دوماً:22: |
الله يعينك ويصلح حالكم
|
الله يسعدكم دوم ..
لكن خلك أحسن منها .. وجب لها هديه .. لو كانت ورده صغيرة .. راح تصير حلوة .. الله يوفقكم .. |
الحمد لله ياخوي
ترى طبيعي اللي تمر فيه ، خاصة إنه أول طفل و هي حاسة إنها مشتتة و ماهي عارفة ترتب وضعها و حياتها بعد ما كنتم إنتم الإثنين لوحدكم و بس |
اقتباس:
عفوا .. الله يعين على هالحريم .. لهالدرجة تشوف الحريم عبئ ! لانهم يحتاجون حنان واهتمام .. صارو عبئ !! اذا هالحكي صحيح معناه انتو يالرجال الحمل الي ما ينطاق لانكم تحتاجون اكثر من الحنان والاهتمام تحتاجون احترام + كلام موزون + طبخ يومي + نظافة ملابس الخ الخ الخ .. ما لنا الا ندلعها لانها تموت بالي يدلعها !! اي صح .. بالضبط زي ما انت وكل الرجال .. تبون الي تحترمكم وتحاسب على كلامها وتصرفاتها معكم !! شوية مدح وترفيع وتجيك على نافوخها ! لعلمك .. اذا تسمع بشي اسمه ذكاء عاطفي .. تقدر البنت تميز بين كلمة ( يا غلاي الحقيقية ) .. و( يا غلاي المصطنعة ) .. ولو فرضنا ما عندها ذكاء عاطفي .. وصدقت الكلام المصطنع .. فراح تنكشف حقيقة مشاعرك بتصرفاتك .. لان الكلام سهل .. بس التصرفات هي الي تكشف الواحد على حقيقته .. يا زين السياسة معهن .. هذي ماهي سياسة عفوا .. هذا احتياج معنوي ! اقلها عشان تقدر تربي ولدك بنفسية حلوة وتقدر تتحمله ! والي ما يقدر هالاحتياج .. ولا يبي يشبعه .. يستاهل المعاملة الي تجيه .. السياسة والله الي يفرضها بعض الرجال .. بعقليتهم الي ما تتقبل بعض الامور ( الي ممكن تكون حق بسيط من حقوق الزوجة ) بشكل مباشر .. تضطر الحرمة للكيد والخطط والكر والفر .. عشان تقنعهم فيه ! للتوضيح فقط |
هههههههههههههههههه
روعة المعنى كل سنه وانتي طيبه وش فيك على العيد معصبه!!!! شويه شويه على الرجااال اظن مايقصد^_^ |
اقتباس:
هلا بك يا غلاي انتي وانتي بالف صحة وسلامة يا قمر هذا وهو ما يقصد ! اجل شلون لو كان يقصد:( كلامه فيه استهانة واضحة يا قلبي حياك يا غلاي |
اقتباس:
حياك الله رايت .. ما شاء الله الله يتم عليكم ويرزقكم شكر النعمة يا رب رايت شي طيب انك لا سمعت منها كلام ما جاز لك تطلع برا البيت .. فعلا شي طيب وحكيم بعد لانك بكذا قطعت الفرص قدام الشيطان يولعها زيادة بينكم رايت .. عشان تروق مزاجها اكثر .. اذا في مثلا الوالدة او امها تشيل عنكم البيبي كم ساعة .. حطوه عندهم واطلعو لمطعم ولا جلسة كوفي او شي تحبونه .. شي ثاني .. اذا تقدر .. امسك البيبي عنها اربع ساعات او اكثر وقت تقدر تنام خلاله .. ترى قل النوم له اثره وانت عارف شغلة ثالثة .. يمكن فكرتي ما تجوز لك بس اذا كانت ظروفك تسمح تحط البيبي عند الاهل وتسافرون مع بعض كم يوم .. شي طيب يخلي معنوياتها فوق بالعلالي .. اتمنى لك كل التوفيق والتيسير بكل امورك يا رب دمت بود رايت |
اقتباس:
لكن مو مشكله ممكن فهمت موضوعي من منطوق ضيق او الاندفاع كان قوي حبتين . . لكن كل عام وانت بخير(( ياروعة المعنى )) والله يوفقك وييسر لك أمرك . . وتحلينا على قساوتنا وكلامنا الجارح احيانا . . لكن تأكدي ان الرجال ماهم سوا . . لافي معاملتهم ولا في حبهم . . وأنا أقووول انك قاسيه معي كثير والله يديم الاعياد علينا وعليكم. . تقبل مني هالسطرين . |
نواف ..
وانت بصحة وسلامة .. خلاص ما راح اقرا بين السطور .. لكن بشكل عام كلامك : الله يعين على الحريم .. الخ يحسس الي يقراه .. بالاستخفاف بالزوجات واحتياجهم ! عشان تقدر تحس بهالاحساس اقرا هالجملة : يا شيخة وسعي صدرك عطيه كلمتين حلوات طيريه بالسما هم يحبون الي يمدحهم ويحسسهم انهم شي وااو الله يعيننا بس على هالرجال هذي جملة ممكن وحدة من البنات تقولها لمتزوجة تشتكي من زوجها .. وش شعورك هالحين يوم قريتها ؟ عموما .. انا اسفة ان كان كلامي ضايقك .. لكن ما حبيت كلامك ابد .. ولا حسيته واقعي حتى اقصد الجزئية ( الله يعين على الحريم ) وكتبت تعليقاتي .. حياك الله نواف |
الافضل اخوي ان تصارحها بلي تشوفو منها وان هذه التصرفات سوف تؤدي الى مشاكل كبيره ربما الانفصال، ولازم تحسسها بأنك جازم في كلامك وتخيرها اما أن تغير من هذا التصرفات وترجع مثل أول واحسن واما ان كل واحد يروح لحالو،
ولكن هذا الكلام لاتسويه الا في جلسه هاديه وحسسها انك تحبها وانك لا تسطيع ان تفرط فيها ولكن ان تغير من نفسها واخلاقها ، واعلم اخي ان المراه لا دور الا زوجها ومستحيل تفرط فيك لكن لازم تزيل الغرور من راسها .............. |
أختي روعة المعنى
ترى الرجال ما قصد ، و أنا حرمة مثلك و أخدتها بشكل عادي لا تكوني حساسة مرة |
روعة المعنى
اشكركـــ على إطــــراءك الجميل . . وإثـــراء الموضـــوع . . عموما اعتذر لك في هذا المقام ان سمح لي صاحــب الموضوع ان كنت جــرحت حواء بكلمة او بما فهم من معــنى . . شكرا للجميع |
| الساعة الآن 09:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©