|
آه من زوجي يغضب إذا لبيت دعوة أقاربي و أهلي
الــــــســــــــــلام عليــــكــــــــــــم و رحــمـــــــــةالــــلــــه و بــركــــاتــــه
انا متزوجه من خمس سنوات و6 اشهر عندي طفلين زوجي من تزوجني مو من بداية الزواج بعد مرور سنة تغير يبيني اجلس بالبيت مايبيني البي دعوات اهلي واقاربي للزياره مايبيني اطلع مع اهلي اذا احتفلو اهلي بإي مناسبة اترجى واترجى واترجى حتى يخليني اروحويمكن يوافق ويمكن ما يوافق اااااااااااااااااااااااااااااااااااااااااااااااااا اااااااااااااااااااااااااااااااااااااه يحطمني نفسيا حتى لا انغر على حسب ما فهمت المشكلة حدثت قبل يومين ذهبت لزواج" خالتي اسبوع اقنع واحبب ايدينه عشان يوافق ومايحطني بموقف محرج لان مواقفي المحرجه كثرة" المهم وافق نمت عند اهلي قبل الزواج بيوم وهو طلب مني اني انام واروح معهم المهم قبل ان نخرج من الزواج اتصلت وقلت له ياليت تفتح الباب عشان شوي وبجي قال لاتجين اقعدي عند اهلك لين تشبعين من الطلعات شلتها بقلبي وسكت بعد ما رجعت ارسلت له حبيبي ليش زعلان؟؟؟؟؟؟ ماارد الظهر ارسلت قلت تبي تجينا ولا اخلي واحد من اخواني يجيبني مارد بعده قررت اني خلااااااااااااااااااااااااااااااااااص تحملت منه مافيه الكفايه بيجي حياه الله موجاي كيفه كل مااروح لمناسبه القاه زعلاااااااااااااااااااان ولازم اراضي وابوس اليدين حتى يرضى لي؟؟ ماادري وش السوات معاه من جد تعبت نفسيتي وهذا غيض من فيض:30: الكام مو مرتب بس من ماني قادره اركز عذرا |
[gdwl]أهلين أختي ........
الله يكون في عونك..... اللي فهمته ان زوجك يغار شوي من أهتمامك في أهلك ؟؟ ويحس انك تهتمين فيهم أكثر لذلك أقولك حاولي ماتبنين له اهتمامك ...فمثلا // اذا جتك حفله او مناسبه فاتحيه بالموضوع قبله بيومين بأسلوب حلو يعني اول شي امدحيه وبيني له حبك وانك ماتقصر ..ووو.. ومن هذا الكلام بعدين قولي له (اذا ودك اروح رحت واذا ماودك خلاص ماأروح بس انا عارفه انك ماراح تردني وانك تدور وناستي ) ومن هذا القبيل يعني بأسلووووووووووب.... والحين مشكلتك حلها ... بأذن الله انك ترسلين له مسج أخير .. تقولين فيه وش فيك تردني أني اجيك مرتين ؟؟؟ فيك شي؟؟ اذا في شي قولي لاتخليني كذا يا.......؟؟ واذا ماودك أجي خلاص انا ماراح أجي لين تشتاق لي وتقولي تعالي؟؟ بعدها طنشي لين يدق...... الله يفرج همك[/gdwl] |
ولو اقعد 24 ساعه امدح فيه مافيه نتيجه والله اني من كثر ماامدح واترجاه مايبقى الا اني احب رجوله
ماادري سالفة المسج ماودي ارسله خلاااااااااص كفايه المسجين ماابي اركض وراه خمس سنيين وانا اركض تعبت بشوف هو بيركض وراي ولا لا |
بصراحة متعب الوضع كذا
طيب هو ما يطلع معك و يتمشى كنوع من التعويض !! |
يطلع معي ويتمشى مايقصر
بس اهلي واقاربي لهم حق بعد علي والمشكله الاكبر انه قريبي يعني قرايبي قرايبه؟؟؟؟؟ |
الله يعينكِ حبيبتي ...فعلا الوضع متعب اقترح انك تجلسين معاه وتكلمينه وتفهمين منه شو هو سبب هالزعل المستمر لانه موقف زوجكِ غريب لابد من وجود سبب لتصرفه ..فحاولي غاليتي انك تعرفينه...والله يوفقكِ ويسعدكِ ويفرج همكِ .. اختكِ ---- لمني بشوق |
صدقيني الموضوع فيه غيره
حاولي انك تخففينها عنه......... بمعنى لاتورينه اهتمامك الزايد لشوفتهم انا زوجي كان كذا بس بديت ابين اني تراني معزومه اذا ودك اروح رحت ولا أبين ان ودي بالروحه وصار يوديني والحين يقولي بنفسه ومن نفسه ودك تروحين ل......؟؟ |
اقتباس:
الله يسلمك اختي على الدعوه بس صدقيني حاولت وحاولت وحاولت مافيه سبب المشكله اذا ماعرف يجاوب يقفل الموضوع على لاشيء |
[
quote=خفايا صامته;2287938]صدقيني الموضوع فيه غيره حاولي انك تخففينها عنه......... بمعنى لاتورينه اهتمامك الزايد لشوفتهم انا زوجي كان كذا بس بديت ابين اني تراني معزومه اذا ودك اروح رحت ولا أبين ان ودي بالروحه وصار يوديني والحين يقولي بنفسه ومن نفسه ودك تروحين ل......؟؟[/quote] مشكوره اختي على اهتمامك بموضوعي الله يجزاك خير بجرب واشوف المشكله انه يحس بغلطته يعني اذا منعني اني اروح وشافني تضايقت يحاول يرضيني بس المشكله مايرضى نناقش الموضوع |
وعليكم السلام ورحمة الله وبركاته
يابنت الحلال بما أن الصفات الحلوة كلها في زوجك ولله الحمد فتعوذي بالله من الشيطان وشيلي قشك وروحي لبيتك وفاجئيه ومعاك تورتة صغيرونة ولاتبيني زعلك بالعكس قولي له : افاااااا عليك مطنشني علشان رحت زواج خالتي؟؟ والله رضاك عندي أهم من الدنيا ومافيها وأنا رحت ياغالي وأنت راضي وموافق وأنا ماأقدر أروح بدون رضاك وتدلعي عليه وبيني له انه اغلى شخص على قلبك وانت مستعدة تتركي العالم كله علشانه زوجك يبغى يشوف مكانته في قلبك بتجري وراه ولا بتبيعيه علشان الطلعات ....فاستغليها فرصة وارجعي واثبتي له انه اغلى عندك من العالم وبعدين لما ترجعي بهدوء اسأليه ليش ماودك أروح؟؟ أنت مو واثق فيني والا تغار عليّ وماتبغى أحد يشوفني وأنا حلوة ومتزينة غيرك....(قوليها بأسلوب مرح علشان يتقبلها) ومرة ثانية إذا عندك عزيمة قولي له قبلها بكم يوم (اليوم الفلاني معزومة عند بيت فلان وإذا ماتبغاني أروح على راحتك أنت أهم عندي من العالم) ,,,واتركيه ولا تساليه بعدها ويوم الوعد اسأليه : ها يالغالي اش رأيك أروح ولا لا؟؟ إذا قال : لا لا تزعلي ولاتلحي بس قولي وكأنك مسكينة تكسري الخاطر : أبشر ولايهمك مع ان كان ودي أروح بس علشان خاطرك مابروح وصدقيني بإذن الله لو كررتي هذا الأسلوب في كم زيارة بعدها بيخجل انك تطيعيه وبيوافق أهم شيء ماتستعجلي النتيجة وتعصبي وتقولي مافيه فائدة وتعصبي عليه وترجعي تلحي ترى الطريقة هذه مجربة وبإذن الله بتشوفي النتيجة بنفسك (نصيحتي زوجك كنز ويستحق أن تراضيه فلا تتركي بيتك لعيب بسيط فيه ... ....ولو كان به عيوب كبيرة لما نصحتك بهذه النصيحة) |
اقتباس:
اهلين اختي ام جمانه بفكر بكلامك بس احس انها ثقيله شوي اني اروح |
خمس سنوات وانا متحمله واجي على نفسي كثير
رجعت مره قبل كذا بس المره هذي لا ودي ولو مره يجي على نفسه دايم يقول انتي مخليه زواجنا ينجح بنسبة 80% هالمره ودي اشوف بيجي على نفسه ويراضيني خصوصا اني ماسويت شي عشان يزعل ليش دايم اضحي انا باشياء كثيره عشانه .... |
مو ثقيلة ولاشيء لاتجعلي للشيطان عليك سبيل
هذا زوجك وأبو عيالك ويستحق منك التكريم صدقيني الشيطان يبغى يخرب بينكم وأنت زوجك مو مقصر مدلعك ويخرجك واحمدي ربك غيرك زوجها يحرمها من الخروج ويحرمها من الزيارات ويحرمها كمان من الكلمة الحلوة وبعدهم فوق كذا يخونون زوجاتهم فاحمدي الله أنت في نعمة ولاتخلي زيارات تهدم حياتك طاعتك لزوجك أهم من الناس حتى لو طلب منك ماتزوري أمك وأبوك لازم تطيعيه لانه هو جنتك ونارك قال عليه افضل الصلاة والسلام ( لو كنت آمرا أحدا أن يسجد لأحد لأمرت المرأة أن تسجد لزوجها). اخرجه الترمذي وقال رسول الله صلى الله عليه وسلم: "إذا صلت المرأة خمسها وصامت شهرها وحفظت فرجها وأطاعت زوجها دخلت من أي أبواب الجنة شاءت" وفي رواية قيل لها: "أدخلي الجنة من أي أبواب الجنة شئت". وعن حصين بن محصن قال: حدثتني عمتي قالت: أتيت النبي صلى الله عليه وسلم في بعض حاجة. فقال: "أي هذه، أذات بعل أنت؟" قالت: نعم. قال: "كيف أنت له؟" قالت: ما آلوه إلا ما عجزت عنه. قال: "فأين أنت منه، فإنما هو جنتك ونارك" رواه مالك والحاكم وغيرهما هيا تعوذي بالله من الشيطان وصدقيني برجعتك هذه بتكسبي قلب زوجك وبيعرف قيمته وانه عندك أهم من العالم كله. روحي لبيتك اليوم وتعالي في الليل بشرينا بالخير:14: ولاتنسي نحنا في أيام العشر من ذي الحجة أيام تتضاعف فيها الحسنات فقولي (يارب برجع لبيتي ابتغاء وجهك فتقبل مني واهدي لي زوجي) وروحي لبيتك واسعدي زوجك واقضوا العيد في سعادة وهناء بحول الله ولا تتبطري على النعمة |
بفكر بكلامك و بستخير وبشوف
الله يجزاك كل الخير على اهتمامك |
مايحتاج تفكير هذا الصح روحي اليوم وبشريني في الليل
وأنا جالسة منتظرة بشارتك:17: بس لاتنسيني من التورتة:22: |
نسيت أقول لك : روحي لبيتك وقت يكون زوجك مو في البيت
ولو عندك أولاد اتركيهم عند أهلك روحي لوحدك وجهزي غرفتك وحطي التورتة والعصير والشموع وطفي لمبات البيت بس خلي الشموع مولعة في غرفة النوم علشان لما يفتح باب غرفة النوم يتفاجأ بالشموع وتفاجئيه من وراه وأنت متزينة ومتكشخة راح تهدأ نفسيته ويفرح برجوعك. حتى لو بين انه زعلان راضيه وتذكري الأجر وأن زوجك يستحق ذلك صدقيني ماراح ينسى زوجك هذه الليلة أبداااا وإذا شفتي انه رضي وخلاص صار يدلعك لازم تنبهي عليه بدلع ورقة انه مرة ثانية لايتركك كذا في بيت أهلك و لأنك واثقة من حبه لك رجعتي.... لكن مرة ثانية قولي له ماتنحل الأمور كذا لو تركتني ماراح أرجع. واقضوا ليلة سعيدة وثاني يوم هاتوا عيالكم |
انا متردده اذا رجعت بتكون كاني راضيه عن تصرفاته
وغير كذا ماراح تنحل المشكله صدقيني انا اعرف زوجي لو رجعت بيسكت على الموضوع وماراح يناقشني وبتستمر المشكله كل مره يعني كل مناسبه بيكرر نفس الحكايه لانه عارف اني احبه ومااقوى على فراقه لو تشوفين وشلون اشيل هم لما تصير مناسبه عند اهلي ماانام اسبوع واسبوعين وانا افكر ماوافق طيب اعتذر لهم بإيش زوجي ماوافق ماودي احطه بموقف محرج قدام اهلي وهو يدري اني ماراح اقول شي عنه تصوري احيانا اتمنى ادخل المستشفى عشان يكون عذر قوي اني ماحضرت المناسبه والله اني تعبانه يمكن تشوفون انها صغيره بس صدقيني بالنسبه لي كبيره |
اقتباس:
اسمعي كلام ام جمانة والله انه لمصلحتك بعدين شفيها اذا قلتي لأهلك زوجي ما وافق ؟ عادي الاهل يتقبلون العذر هذا وبالعكس محد فيهم بيقولك كلمة عقبها انتي بس لا تكبريها ولا تعاندين اقولي الحمد الله انه يطلعني ويرفه عني حبيبتي .. خلي عقلك اكبر من كذا وفكري بالاسوأ والله ما تستاهل تخربي بيتك علشان طلعات وحفلات ومناسبات. اجلسي مع زوجك وناقشيه عن اسبابه المنطقية اللي يمنعك فيها وفكري بغيرك اللي ما يشوف اهله إلا مرة كل سنتين وثلاث وقولي الحمد الله :) تعوذي من الشيطان وارجعي بيتك |
اقتباس:
طيب وش رايك ان هالشي بصالحك :d مابي اخرب غليكي بس بقولك قصة وحدة نفس وضعك بالظبط وقريبة مني شوي كان زوجها كذا وهو اصلا غيور حتى تجمعات ومناسبات اهلة يسوي لها نفس الشي والمسكينة ماتقول تسوي مثلك مشكلة بكل مناسبة وتترجى لين مللللللللللت ويحق لها لان مناسباتنا ياكثررررررررررررها بالنهاية كان الكل يتوقع هالشي منها انها ماتحب الناس وتلبي لهم خلوها مغرورة :d:25: وشايفففة حالها والعكس صح هي مثلك ياقلبي فصارت لو سالها حد مثلا من اهلة وينك ماشفناكي تقول لامة زوجي مو راضي وبس وماتقول اكثر ولاحظي تقول لهم زوجي مايرضى مو ولدكم :30: واستمر الوضع بينت للكل ان هي تلبي رغبة زوجها وفقط من دون اي تفصيل تدرين وش صار ؟؟؟؟؟؟؟:dط صارت الام والاخوات يقولون لزوجها ماشالله علي زوجتك حارمة نفسها الطلعات والمنناسبات عشانك حرام خليها تطلع وتحضر وتروح هي تقول لنا لما نسالها وينك ؟ تقول مع زوجي ماقدر اتركة وهو مايرضى يخليني وتسكت فصار هو الان يوديها كل مكان والله حتى العيال يخليهم عندة ويمسكهم لها ويساعدها بس تروح ومايخلي مناسبة الا ويوديها لانها ماقالت للكل بس للقريبات وماشاء الله تبارك الله مبسوطة الان حتى اخواتة صارو يقولون لة خليها وكذا يعني لاتقولي ينحرج واهلة واقربة مو هو االي يرفض خلاص وين كيد النساء :22: ان كيدهن عظيم . اسفة لو طولت بس حبيت انقل لك تجربة من وضعك :18: |
بتقولين مو متغير 5 سنوات
بقولك قريبتي لها 8 سنوات وهالسنة تغير وتعدل لاتيااااااااااااسي |
صباح الخير...
اشكر كل من رد علي واهتم في موضوعي ماقدرت ارجع لبيتي لإن مامعي مفتاح للبيت وخفت اروح وارجع لإن احتمال زوجي مو بالبيت.. على العموم ارسلت له رساله" وش فيك تردني أني اجيك مرتين ؟؟؟ فيك شي؟؟ اذا في شي قولي لاتخليني كذا يا.......؟؟ واذا ماودك أجي خلاص انا ماراح أجي" وبإنتظار الرد ... |
صباح الخير...
اشكر كل من رد علي واهتم في موضوعي ماقدرت ارجع لبيتي لإن مامعي مفتاح للبيت وخفت اروح وارجع لإن احتمال زوجي مو بالبيت.. على العموم ارسلت له رساله" وش فيك تردني أني اجيك مرتين ؟؟؟ فيك شي؟؟ اذا في شي قولي لاتخليني كذا يا.......؟؟ واذا ماودك أجي خلاص انا ماراح أجي" وبإنتظار الرد ... |
وربي عقلي معك الله يفرجها لك
طمنينا |
الله يهدي زوجك ويسخرة لك
|
والله كأنك تتكلمين عني بحدود عمر زواجي وعندي طفلين نفس طريقة زوجي وحتى لو خلاني اروح لازم ارجع القاه زعلان وكثير يخلني لين اواعد اهلي واواعد الناس ولين البس عبايتي يقوم يقول انا ماني راضي !!!!!!!!!! رغم اني اكون مستأذنته وماوعدت احد الا بعد رضاه........او ينكد عليه ويسوي مشكله ويوصلني وانا ابكي لاااااااازم ومهما احاول التكلم معه مافي فايده ولأن كثير قوله ها موافق يقول ايه اقوله الله يرضى عليك بدون توابع وزعل وغيره يقول روحي دربك اخضر بس برضه مايتغير وحتى لو مسك نفس يوم يومين لازم يرجع يعطيني شوط على المشوار اللي رحته (خليك انتي بروحاتك وجياتك وسعي صدرك لا تخلين مشوار خلي عباتك زاهبه) ومن هلكلام واللي يسمهعه يقول ماني مقصره اخذراحتي بروحات والجيات وماكأني حارمه نفسي من المشاوير كله دوره لرضاه وراحته والشي الجديد ان الموال هذا صار ينقال على روحت اهلي الاسبوعيه ومادري ايش الحل
|
الله يكون بعونك ياقلبي
والله مالك الا الصبر وباللين أن شاء الله أنه يتغير أصبري عند أهلك ولاتكلمينه لين هو يكلمك أنتي ماسويتي شي غلط خليه زعلان لين يصفى اللي براسه بعدين أبي أسألك ؟ ترى بعض الأزواج ماينفع معهم الدلع يتخققون زياده أخاف أنتي معودته كل مازعل تراضينه وتبوسين يدينه عشان يرضى خليك شوي شديده ولك كلمه لاتصيرين مالك كلمه ولا رأي بعدين صارحيه قولي مليت طقت كبدي ماهي حاله كل ما أبي اطلع تنشب لي وتزعل ولاتنسين حتى أنتي راجعي نفسك أخاف طلعاتك كثيره !! |
انتي السبب
اختي انتي السبب
لانك اظهرتي نقطة ضعفك امامه فهو كل ما تريدين تروحي عند اهلك يعمل كذا وانتي تقعدين تترجينه لا مش لازم تترجينه لانه من واجبه ياخذك عند اهلك عليكي بثلاث امور اولا ذكرينه بالله وانه الله يبعث لبنتك مين يعاملها مثل ما يعاملك ثانيا لا تروحين عند اهله السن بالسن ثالثا لا تترجينه |
اخواتيahf8090100 ...المهمومه
تصدقون فعلا كلامكم صحيح دائم اراضي زوجي حتى لو ماكنت غلطانه ماخليه ينام وهو زعلان:rolleyes:.... بطبق نصايحكم وان شاء الله تجيب نتيجه ...جزاكم الله خير |
اشكر كل من رد علي ونصحني
وحبيت اقولكم اني الحين في بيتي وعند زوجي وحلت مشكلتي ولله الحمد |
الحمد لله كيف وش صار خبرينا
|
يا اختي أم مشموشه
عسا الله يفرج عنك بس حبيت اقولك لا تحسبين وتقولين انا لي 5 سنين صابره ومن هذاهالحتسي صدقيني بهل الطريقه تتعبين اكثر واكثر بالعكس احتسبي الي سويته عند ربك واستخيري ربك بالرجعه له والله يكتبك الي فيه الخير |
اللهم لك الحمد والشكر وماشاء الله تبارك الرحمن
ألف مبروووووووووك فرحت لك من كل قلبي وربي يجمعك ولايفرقكم وعسى عيدكم سعيد بس يااختي خبرينا كيف تم الصلح بفضل الله علشان نستفيد وكل عام وأنتم بخير |
اقتباس:
الله يوفقك ياأم جمانه . . . قمه وعذوبه في التوجيه الصحيح ومابقى لنا كلااام . . لكن فيه نوعيات من الازواج والله مايسوى ريااال ماقصده غيره ولا شي قصده : شكاك ويرى الناس بعين طبعه سبق وان جلست مع احد اصدقائي . . وهو نفس اسلوب زوجك . . قاسي . .عديم مشاعر . . شكاك . . مع ان زوجته معروفه بالدين والاخلاق العاليه . . لكن لاصار في الزوج مرض عضال وهو الشك والله ماتنطاق العيشه معه أنا تهاوشت معه على حركاته الي زي وجهه وبينت ان الزوجه محتاجه ثقه وحنان ودلع وتشوف العجايب من السعاده معها . . لكن بعض الرجال متحجر ومتغطرس ولا يرى الجنس اللطيف شيء . . ومن خبرتي في الحياة اكتشفت ان الظباط هم أكثر الازواج مشاكل . . ويتصفون بغيره في غير محلها . . شك رهيب !!! هكذا علمتني الحياة الله يوفقك ويسر أمرك . . دعواتي لك ولزوجك بحياة هانئه . . |
| الساعة الآن 01:53 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©