|
مشكلتي اليوم مع زوجي اثرت في نفسي
السلام عليييييييييييكم ورحمة الله وبركااته
صار لي موقف مع زوجي وحابه افضفض الحمدلله عدى على خييير بس انا ضاايقه الحيين انا متغررربه مع زوجي ..في بلد اجنبي ..وانا ماعندي لغه ابد وعندي ضروف تمنعني من الدراااسه يعني جالسه بالبييييت طول الاسبووع وزوجي طالب يا بالجامعه يانايم يايدرس وانا مااطلع لوحدي علشان انحرج لاني مامعي لغه كذاا مرره يكلموني وماافهم وش يقوولون فكررررهت اطلع ..يعني فقدت اشيااااء كثيره من تغربت ..احس فقدت الزوج والاهل والترفيييه كلهن اجتمعن مررره وحده ..حتى الرفقه تعرفت على وحده وتركتهاا وفووق كذا زوجي مايحب اكل المطااااعم يعني يوووم اقول ابرتاح اغير الروتيييين لااا وزوجي يطلعني بالويك اند يوم السبت بس اروح للسوق او اي مكان يااطبخ قبل او اطبخ بعد الطلعه وانا اتضايق بس ماابين الييييوم رحنا السوق من جينا قال جوعااان ومصدع قلت اوكييه وسويت القهوه ووجبه خفيييفه وانا اسوي بنتي تبكي جاء زوجي يقول ليش تبكي انا مصدع مو قادر انا زعلت عليه وقلت انا مو سوبر مان اسوي كل شي بوقت وااحد المهم اعتذر وقال مامعي حق اقووولك انا اليييييوم كذا مالي خلق اطبخ يانااس يحق لي اطفش والا لاا ودي اغيييييييييير الروتيييين ملييييييييييييييييت شغل شغل طبخ يوم بالسنه مايضر المهم بعد ساعتين من الوجببببه قال ابي عشاء وانا كنت ملمحه له اني ابي مشاوي من المطعم لان لي سنه مااكلتهن ودايم اقووله وهوو يطنش حتى قلت ان شاء الله اجيييب ولد علشان يجيبهن لي لاكبر على فكرررره بها اللحظه هذي احس بقرف منهن لاني لاشتهيت شي وطول ماجاني اكررررررررررررررهه المهم يووم قال ابي عشاء انا مدررري وش صار فيني ولعت ودخلت المطبخ وانا اسوويه بنتي كالعاده تبكي تبغاني اشيلهااا وانا من الغيييظ صرخت علييها وجاء هو قالي ايش فيييه قلت مدري متى اخذ اجااااااااااازه حتى الخدم لهم اجازه الا انـــــــــــــــــــــــــا وكملت شغلي وهو زعل ولما حطيت العشاء هو زعلااااااااااان المهم انا الي راضيته يعني مو هووو وقال انتي مرتااااحه وقاعده ماعندك مشكله لك ساعتييين جالسه ليش الزعل وانا سكت لاني لو ابتكلم بيكبر الزعل وقالي لو على المشاوي بكرا اجيب لك قلت لاشفتهن ابحرقهن والله مو سالفة مشاااوي ولا كلام بزراااان بس ضغوط من كل الجهااات يعني حكره وشغل حتى بالطلعه مانبسط والله الاوراي شغله والا قبل ماروح اشتغل والحييين يقولي انك خربتي علي كان عندي واجب محتاج تفكييير وضيقتي صدري وراح علي الييييوم ماعليش على الاسلووووب بس والله متضايقه وابلع الغصه وحبييييت افضفض وان شاء الله القى بقلوووبكم متسع مثل ماعهدتكم |
ياقلبي انتي أنا من رأيي .....
اذا جاء يوم أجازته تقولين له قبلها بيومين انا عازمتك برا في مطعم وعندي لك موضوع >>>>>منها.. 1_ انك ماتسوين عشاء ومنها انك تغيرين جوك وتاكلين اللي تشتهين وهو مايقدر يرد عزيمتك 2_ تفضفضين وتطلعين كل اللي بقلبك وعلى فكره حسيت من كلامك انك مو صريحه مع زوجك لأنك ماتبيني ضيقتك او أحساسك ؟؟ ترى هو زوجك وأبو عيالك الى متى المكابره والحياء؟؟ واذا رفض لاتزعلين .. خليه يوعدك مره غير هذي المره انه يقبل عزيمتك وبعد ماتتعشون (عشان ماتتنكدون)>>>>>>> وحده ذكيه بيني له حبك وانك في غربه وانك محتاجته جنبك ووووو الخ وانا انصحك انك تطلعين وتتمشين مو عشان شي ... الا عشان تتعرفين على الكلمات الانجليزيه أكثر وتوسعين صدرك ثانيا او تجيبي لك مدرسه اذا كنتي ماتقدرين تطلعين وتعلمك الكلمات والمحادثه الانجليزيه عشان ماتحسين انه ناقصك شيء وتكبرين بعين نفسك ثم عين زوجك ...>>>>>مااحب اكون زي الأطرش في الزفه وخاصه اذا ماعرفت اللغه وهاتي زوجك بالسياااااسه واللين والكلمات الحلوووه ربي يسعدك طمنينا.............؟ |
ياحياة الشقآ
هدي أعصابك فديتك وربي حاسه فيك ياقلبي الوحده تزهق وتطفش وهي بديرتها بين أهلها وناسهاا كيف بالغربه ! شوفي غلاتي لازم تصارحي زوجك بأي شي يضايقك لاتكتميه بقلبك ترى وربي الكتمان شي على شي يولد الأنفجار قولي له أنك بغربه وأنك محتاجه حد تسولفي معاه وتفضفضيله ويفهمك ويحس فيك بعدين أتفقي معاه يوم بالأسبوع يفسحك برى ويمكن زوجك يكون مضغوط من الدراسه حاولوا تتفاهموا لايجي بينكم حساسيات وأذا على اللغه ياعمري تعلمي بالنت منها تضيعين وقتك ومنهاا تتعلمي اللغه اللي تحتاجينهاا وخذي برأي أختي خفايا صامته ولاتنسي الأستغفار والدعاء وقرأة القرآن < تراها تشرح الصدر وتجلي الهموم الله يفرجها عليك ويحنن قلب زوجك ويبعد المشاكل عنكم ويسخركم لبعض |
بالنسبة للطبيخ ، ليه ما تكثري الكمية يووم الجمعة مثلا ، و الباقي تاكلوه يوم السبت ؟
بطريقة ما تبان إنها أكل أمس ، إذا ما كان يحب الأكل البايت مثلا عملتي دجاج مشوي ، كثري منها و تاني يوم أعملي بها إدام أو أي شئ بسيط أو جهزي كل شئ من يوم الجمعة ، عشان في الويك إند ترتاحي و تنبسطي هو أكيييييييييييييييييد بعد يبغى يرتاح في الويك إند و طفش من الطلعة عشان كذا ما يبغى يخرج و اخرجي الأسواق ، لا تنحرجي تعلمي الجملة هذه و ريحي حالك :D "I can not speak English أنا ما أتكلم انجليزي آي كانت اسبيك انجليش " و الله يسهل لكم |
في البداية الله يوفقك انتي وزوجك
الحياة في الغربة لها ايجابياتها وسلبياتها .. اختي من كلامك حسيت ان زوجك ما يمانع خروجك لوحدك وهذا شي ايجابي جدا .. اشتري " عربية " لبيتك وتمشي في الشوارع في النهار وارجعي قبل مايرجع زوجك علشان تسوين الاكل .. وبرضه منها تغيري جو وتتعرفي على المدينة اللي انتي فيها .. اعتقد انك من السعودية والدولة ما قصرت على المبتعثين اعطتهم مبالغ للي متزوج واللي عنده اطفال وانا اشوف كثير من زملائي هنا زوجاتهم يدرسون واولادهم في الحضانات والدولة تدفع الله يكثر خيرها .. ويمكن انتي ماتبغي تدرسي وهذا شي من حقك .. حل آخر حاولي تحصلي هواية جديدة مثل التصوير ، الرسم ، تطوير مهارا تك في الحاسب .. وبرضه خلي زوجك يتعرف على احد متزوج يرتاح له واطلعوا كعوائل .. بالتوفيق ان شا ءالله |
اقتباس:
والحمدلله الموضووع عدى على خيييييييير امس كنت متضااايقه وقلت ابفضفض وانتي ياقلبي ماقصرررررتي |
اقتباس:
صاااادقه انا اكتتتتتتم وبعدهااا اخرب كل شي بساااااااعه غضب ياقلبي هو يطلعني كل سبت ماقصر بس مايحب المطااااعم ولا اطلعت اول ماارجع قبل انزل عبايتي ادخل المطبخ اسوي قهووووه علشان يكووون مصدع وبعدها انزل عبايتي وارجع للمطبببببخ اطبخ هذا الي مضاااايقني يعني راحه كامله لاااااا وهووو من ناحية السواليف والفضفضه وربي موو مقصر بس ظرووووووووفه يعني غصب علييييه وهو دايم يشكرني ويقوول انتي مضحيييه معااي يعني مو جاحد الحمدلله بس غصب عليييه ودراسته صعببببه وتخصصه طبي يبغى تركيييز وجهد وانا مقدرررته بس احيانا مثل امس اخررررب كل شي بلحظة غضب بصراااحه التعليييم الذاتي انا وياه مو اصحاااب لان عندي التزامات واطفال واذا فتحت النت لهيييت بشي ثاني غير التعليييم ...احاول اجيييب وحده تدرسني .. والف شكرررر لك يالغالييييييييه ماقصرتي الله يفرج لك همك يارررب |
اقتباس:
والله فكررررررره اكثر طبخ يووم الجمعه طبعا زووووجي ماياكل الباااايت وتعتبر جريمه عنده بس حلوو اتبل الدجاج ومن بكرا اسووويه لا حافظه الجمله هذي بس ولووو مايمنع اني انحررررررج احيانا اللله يعييين |
اقتباس:
عندي بدل العربييييه 3 انا كنت اطلع وزوجي يبيني اطلع كل يوووم ويفرح لاطلعت بس انا مااحب الطلعه والمدينه حافظتها عن ظهر قلب بس انا مااحب لاني انحرررج دايم تصير لي مواقف الشي الثاني عندي طفلين صغيريين اعمارهم متقاربه ومتعبييين لابد ان احد يساعدني عليييهم وهالشي يكرهني بالطلعه بروووحي بالنسبه للدرااااسه ودي ومنى عيني بس ياالدراسه يااطفالي والي اعرفهم مقدروو يوازنون وارسلو اطفالهم لاهاليهم انا اخترت اطفالي لان الدراسه تاخذ كل الييييوم هناا والدوله والحكووومه ماقصروووو الله ينصررررهم على من عاداهم .. مشكوووووره يالغاليييييييييييه ماقصررررتي |
السلام عليكم اخواتي انا عندي مشاكل وحاسة اني بموت مو قادرة افهم زوجي واذا قعدت معة مانسولف وهو مايحب السولاف واذا قعدنا مع بعض كاننا غرباء ومايطلع ينام معي احس بموت موعارفة ويش اسوي ولي يسلمكم ساعدوني انا صغيرة ومادر كاننا اخوين مافي كلام حب مافي شي من الي يسوة الازواج ردو لا تطنشو رح اموت من القهر
|
اقتباس:
حبيبتي من اول زواااجك كذاا ؟ ياليت تكتبي مشكلتك بموضووووووع مستقل علشان تاخذ حقهااا والاعضاء ينتبهو لك والله يسخر لك زوووووووووجك يارب |
حبيبتي حاسة بكل كلمة قلتيها والله
بس صدقيني الرضا و السعادة تجي من داخل الانسان كل ما تضايقتي بس تذكري الاشياء الايجابية الحمدلله زوجك طيب و يحبك ...ربي رزقك بنوتة زي القمر ربي يحميها .. انتي و بنتك و اهلك بصحة جيدة تطكري ايجابيات حياتك فضفضي لزوجك و اتفقي معاه يكون الاحد يوم اجازتك ... يعني يوم الراحة ماتعملي فيه اي شغل الفطور خفيف و الغدا من بره و العشا اما هو يسويه او نامو خفيف. المهم يكون لك يوم فرراغ و لازم باقرب فرصة تتعلمي اللغة دا اهم شي ... تدري كمان لو تروحي المسجد الي في مدينتكم راح تتعرفي على بنات كثيرات و بالتالي بتطلعي شوي من جو البيت .. |
اقتباس:
مشكوووووووووووره يالغالييييه على ردك الحلووو والله ودي بيوم اجااازه :( ابقوله يوم بهداوووة وان شاء الله يطييييع والحمدلله هو ايجابياااااته كثيييييييره الله يخليه لي واتمنى اتعرررف على وحده حبوووبه تهون علي الغربه ووان شاء الله اتعلم لغه |
ضغوط الروتين ومشاكله تمر بكل الناس تقريباً اختي الهاجره لكن عليك بذكر الله
اولاً وابحثي ايضاً عن كتب مفيده وتشرح الصدر مثلاً كتب التفسير والحديث وقصص الانبياء انصحك بالقراءه عندما تحسين بالضيق عودي نفسك على القراءه فهي تشرح الصدر من وجهة نظري الشخصيه |
مساكم ورد
انا بعد مغتربه وتصير مواقف معاي كثرك واكثر بس الفرق بينا انا لسى ماعندي عيال اهم شيء بالغربه الصبر والهدوء او مثل مايسمونه صديقاتي البرود في الاعصاب اختي اذا انتي بمدينه كبيره حاولي تتعلمي من النت الكلمات السهله الي غالبا تحتاجينها بالشارع صدقيني العالم هنا بالغربه مايخوف سهل التعامل معهم لانه مااحد يكلمك الا اذا كلمتيه واذا تبين اساعدك بااي شيء انا بالخدمه على فكره انا بعد ماعندي لغه كثير بس تعلمت بنفسي وصرت انزل للسوق وحدي ومع جارتي والدنيا مره سهله وبالنسبه للمطاعم فعندك انتر نت دوري مطاعم حلال بنفس المدينه الي انتي بها بالبحث بجوجل عندك خيار خيارات اللغه دخلي فيه اي شيء في بالك وترجميه واذا على زوجك اقنعيه يصير السبت تغييير كلي طلعه وعشاء وتمشي من الصباح لليل وسهله انك تقنعيه بس انتي هونيها وتهون الله يسعدك ويخليه لك ... |
اقتباس:
مشكووووووووووره عى النصييييحه اكيييد مافي مثل كتب الدين في لنشراااح الصدر جزاك الله خيييييير |
اقتباس:
بالنسبه للحياه سهله هي سهله بس ماتخو من الاحرااج والاطفال متعبييين لاصارو صغيرين واعمارهم متقاربه ..يمكن انما حساسه علشان كذا اتضايق ودايم زوجي يقولها لي اني حساسه بزياده زوجي مايعطيني ولا يعطي نفسه يوووم كامل اجازه نصحى الصباح نفر نطلع ساعتين نرجع هو يدرس وانا اطبخ حتى الجمعه لاجاء ينام ويدرس والاحد نفس الشي دراااااسه الله يوفقه ويصبرنااا على الغرررررربه المطاعم اعرف الحلا الي بمدينتي بس هو ماياكل يكره اكل المطاعم :( |
يا اختى طيب ايه رايك لو تستغلى هذا الوقت فى حفظ القرآن الكريم والله كلما تحفظى صفحة وتبدأ فى الصلاة بها ستشعرى بسعادة لا تحدوها سعادة بأذن الله وكلما مر الوقت وتجدى نفسك وقد انعم الله عليك بحفظ قدر من كتابه الكريم سيكون للحياة طعم آخر لانك تشعرى انك من فضلك الله عز وجل بحمل الكتاب الكريم ولن تشعرى بأى ملل بعدها بأذن الله لان اى وقت فراغ سيكون مقسم ام للحفظ او للمراجعة وفقك الله لما يحب ويرضى |
الاستغفار
استغفر الله في كل الاوقات |
والله حبوبة ادري ان احساس صعب حيل ,,
الا هم من الغربة وهم الا ما عندك اهلك وهم الا عندك اطفال صغار وهم الا زوجك يدرس كل هذا مجتمع مرة وحدة .. اول شي بالنسبة للغة , يعني مثل ما ذكروا الاخوات تقدرين تجيبين لك مدرسة البيت تدرسك او انك تتعلمي من النت او لو انك تحبي القراءة وان اشوف هذا الافضل انك تشتري لك كتاب مترجم اللغة الى العربية وتحدد كل يوم ما بين 2 الى 3 تتعلمي جزء وشوي شوي راح تتعلمي اللغة , ايضا حاولي تشتري لك قصص مبسطة بااللغة الاجنبية وتترجميها صدقيني مع الوقت راح تتعلمي ,,. حاولي انك تدلي الاماكن , الاسواق , وتروحي لحالك تغيري جو , تتمشي شوي ولو كلش كلش قولي له بس نص ساعة من وقتك خل ننزل نتمشى ونرجع حابة اغير جو حااولي تتتعرفي ع احد من بلدك , او ناس عرب بالاحرى يعني مو معقوول مافي احد عربي غيركم !! واما بالنسبة لزووجك فالواضح ان يحبك ولكن ظروف دراسته والضغوط هي السبب انا من رايي انك تتفقي معاه ان يخلي لك يووم الاجازة كله راحة وخصوصا لك لان مو معقوول طوول الاسبوع طبخ انتي محتاجة رااحة واما انه ما يحب اكل بره فالمفروض انه يتعود او ان يحب ع الاقل لو نوع او نوعين اما عاد انك انتي دووم تطبخين شي يجيب الملل صراحة احكيه ان انا احب اطبخ لك لكن احيان اتضايق وودي لو نغير شوي ويااااارب يا كريم يساعدك ويوفقك ويعطيك الصبر ودمتي بالف خير ,,,,,,,, |
اقتباس:
الله يجزاك خييير والله انا مقصره من هالناحيييييه |
اقتباس:
|
استفيدي من كونك في غربة
رح تندمي اذا رجعتي وما استفتدي شي اقولك على شغلة ... اخت جدتي (خالة والدتي) سافرت مع زوجها من زمن الى أمريكا لانه كانت لديه دورة المرأة أمية لا تقرا ولا تكتب , وكبيرة في السن ..لكننا تفاجأنا عند عودتها للوطن بانها بلبل في اللغة الانجليزية ماشاء الله طبعا مازالت لا تقرأ ولا تكتب .. وقد حكتنا لنا تجربتها .. تقول كان زوجي لا يعود الا متأخرا فكنت انا من اقوم بكل شي .. الميزة انه لان زوجها مشغول .. فلابد من ان يقوم احد بمهامه كالتسوق وغيره .. لذلك احضر معلمة لللغة اصبحت ترافقها اينما ذهبت لمدة شهر .. تعلمها ماذا تقول وماذا تفعل اصبحت تسوق .. وتتسوق وتنزه ابناءها وتذهب بهم الى العيادات والمدارس لولا الله ثم الحاجة لما تعلمت واتوقع انك بإذن الله قادرة على ان تتعلمي الكثير اللغة رح تفيدك في وظيفة , في علم , في ثقافة وفي تربية الابناء اسأل الله لك التوفيق |
اقتباس:
مشكووووره يالغاليه ماقصرتي والله يسعدك انتي ويوفقك مثل مادعتيلي |
اقتباس:
مشاء الله على اخت جدتك من جد استثمرت وقتهااا بصراحه شجعتني اكثثثثثثثثثر الله لايحرمك الاجر...الف شكر لك |
| الساعة الآن 05:22 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©