|
زوجتي ماتحترمني كيف اتصرف معها و الله تعبت (مستجدات الرد 22)
السلام عليكم ورحمة الله وبركاته,,,
أتمنى انكم تتقبلوني اخا لكم في الله... إليكم قصتي::: مر على زواجي فترة بسيطه ماتتعدى الاشهر كانت ككل البدايات تصير مشاكل وتنتهي و نرجع نتصالح لاكن الشي الي اتعبني وقتل فيني كل شي حلو هو عناد زوجتي وعدم احترامها وتقديرها لي من وقت الملكه وكنت امني نفسي انها بعد الزواج راح تتعدل وطبعا هالشي يصير غالبا اثناء المشكلة ولما نكون نتناقش تعاندي وترفع صوتها الا الي تبيه يصير,,, والله ياأخوان اني اجلس معها واقولها ترا هالشي بيدمر حياتنا وينهينا وتجلس تتأسف وتعتذر وتوعدني انها راح تعدل نفسها ولاكن لاحياة لمن تنادي والله اني اجلس معها واقولها اذا انا مقصر معك بشي قولي لي صحيح اني ازعلها احيان لاكن ارجع اعتذر لها وارضيها قدر الإمكان,,, اللي حاصل الأن صارت بينا مشكلة وقامت تعاند وترفع صوتها و رجعت مثل اول بل اسوء والان افكر اني انفصل عنها لاني تعبت ونفسي طابت منها ومليت من وعودها لما علمتها قامت تبكي وتقول انا غلطانة وما قدرت النعمه الي انا فيها وكل شي بيتصلح نفس كلامها اول معي وهذي هي تتعدل يومين وترجع حليمه لعادتها القديمه والله اني احبها واموت فيها لاكن بدا حبي ينتهي من تصرفاتها معي والله اني كل ماتذكرت تعاملها معي انسى كل شي حلو معها,,, والله استنفذت معها كل الطرق بالتفاهم مانفع بالهواش مانفع مدري وش اسوي؟؟؟؟ الان هي عند اهلها ولها يومين مادقت ولا ارسلت لي لو رسالة تطمن علي,,, صحيح ان الإنسان لازم يتنازل او يتغاضى عن اشياء حتى تمشي الحياة لكن مااتصور الحياة بدون تقدير واحترام من الطرفين تكفون محتاج نصايحكم وتحملوني لو طولت عليكم تـــقــبــلــونـــي... |
لاتزعـــــــــــل أخـــــــــــــــــوي ماأحس انها مشكله ابدا ..........؟؟
انا مثل طبـــــــع زوجتك عنييده واحيانا ارفع صوتي ورربي غصب عني هذا طبعي ماأقدر أغيره كل ماحاولت ارجع له لأني اتنرفز بسرعه ..... لكن لو تجيها بالتفاهم والأقناع كان ماسوت كذا أو انك شكلك انت اللي تنرفزها وتوريها انه غصب عليها تسوي كذا؟؟ انا احس اذا سوى كذا زوجي بمووووت واعاند وأسوي نفس الحاله بس بسرعه أتحسف ودايما اقوله لاتحاول انك تحسسني انك تأمرني .. حاول انك تجيني بالسياااااايه والأقنااع وراح امشي بكل سهوله ... انت ارسل رسالة شوق لزوجتك مع (شوية عتب) لأنها شكلهاا حساسه وتكاابر وراح تمشي معك واتبع النصايح اللي قلتها لك وشوف النتيجه ؟؟ طمنا عليك؟؟ ونسيت أقولك أنسى انك تهددها بالطلاق او تخوفها فيه ؟؟ لأنه مو من مصلحتك صدقني والطلاق أبغض الحلال عند الله وترا هذا السبب مرررررررره مايسوى ؟؟؟ |
الله يهديكم
أخوي مالك الا شهر ومليت عجيبه ! أنت توك متزوج ومعروف أول سنه زواج بالطق تعدي على خير يكون كل شخص متمسك برأيه ويبغى يمشي الثاني على كيفه يخوي أخر شي تفكر فيه هو الطلاق أن أبغض الحلال عند الله الطلاق تفاهم معها وأذا مانفع كلم أهلها باللين بالشده ترى كل شي بالدنياء له حل أما علطول مافيك صبر مره وحده تقول أبي أطلق !! الله يهديك بس |
أخوي
أول سنة زواج أصعب سنة في الزواج عااااااااااااااااااااااااادي جدا اللي بتعيشه ، و لحد ما تعودها على طبعك و تتعود عليها دامها تعتذر ، فلا تستعجل تذكر قصة الصحابي اللي راح يشتكي لسيدنا عمر الخليفة عن زوجته و سمع صوت زوجة سيدنا عمر و هي تصرخ عليه هذا و سيدنا عمر تترعد منه الشياطين دقيقة أجيب لك القصة من النت : اقتباس:
|
اخوي كل شي بالسياسه وطولة البال بيجي
طول باللك وخذ نفـــــــــــــــــــس طويل اول سنه وماتحملت اجل وش بتسوي عقب سمنتن وثلاثه والعيال ومشاكلهم ... اذا هي من النوع اللي يعاند حاول انك انت اتكبر عقللك وتسياسها الحياه اخذ وعطا واذا هي اتحس بغلطتها وتحاول انها تعدل من نفسها ساعدها ولاتضغط عليها يعني هي حاسه بنفسها ومن اول سنه صعبب انها تتغير الله يهديكم |
اوكي العناد امره هين كذا ولا كذا بيروح لاكن اني اقولها قومي سوي كذا ماتقوم غير بهواش
لاتسوين كذا تروح تسويه من وراي اجي طالع من البيت تقولي اذا ماجيت الوقت الفلاني لاترجع وتلقا اغراضك عند اهلك هذا لما تزاعلنا,,, هذي سوايا زوجة؟؟؟ اشكر لكم تفاعلكم معي... |
طبيعي انه تصير مشاكل بين المتزوجين خاصه في اولى سنوات الزواج .. لكن بشرط ان لا يتعدى احد الزوجين على الاخر و يقلل من احترامه او يجرحه .. يعني بالمعنى العربي يصير الخلاف بشكل رااااقي جدا و بعدها يتم التفاهم و المصارحه بكل هدوء واحترام حتى يتم التوصل الي حل وسط .. لكن زوجتك هذه الله يهديها مو عامله لك حساب و لا تحترمك و هذا ليس اسلوب الانثى الرقيقه يجب ان تعلم زوجتك انها تتعامل مع زوجها وليس مع اخيها الصغير او شخص اخر .. الزوج له احترامه .. السؤال كيف هي اخلاق البيت التي خرجت منه زوجتك هل يتعاملون مع بعضهم مثل ما تعاملك زوجتك يعني كيف ابوها يعامل امها والعكس ؟؟ الان زوجتك في بيت اهلها وانت زعلان من تصرفاتها لماذا تريد منها ان ترسل لك رساله او تتصل عليك هي الغلطانه عليك المفروض انك تثقل عليها و تطنشها و لا ترد على اتصالاتها و رسايلها عشان تعرف انك زعلالالالالان و زعلك صعب ارضاؤه .. هي في بيت اهلها عشان تأدبها مو عشان تتصل عليك و ش الفايده اذاً. طووول بالك .. لكن ابعد الطلاق من تفكيرك .. |
اقتباس:
كلامك عين العقل وهذا مربط الفرس بشرط ان لا يتعدى احد الزوجين على الاخر و يقلل من احترامه او يجرحه .. وهذا الي كنت اسويه لاكن لما شفتها ماتحترمني ولا تضرب لي حساب غيرت تعاملي معها العكس.. وهذا الي مضايقني بهالسالفه انها ماهي ضاربه لي حساب ولا تحترمني وجلست معها وعلمتها ان معاملتك معي تختلف عن اخوانك واخواتك وحتى اهلها قالوا لهاهالشي لاكن للاسف؟؟؟ بالنسبة لجواب سؤالك عن كيفية التعامل ماني عارف شلون يتعاملون مع بعض؟؟؟ |
اقتباس:
اخي الكريم معاملة اهل الزوجه مع بعضهم من الامور المهمه التي يجب معرفتها اثناء الخطوبه من قبل الزوج حتى تعرف في اي بيئة تربت زوجتك .. هذا انت تزوجتها و تخاصمتوا و ارجعتها الي بيت اهلها وانت لا تعلم ما هي البيئه اللي عايشه فيها زوجتك .. في مثل يقول ( اقلب القدر على فمها تطلع البنت لامها ) او قد تكون زوجتك مدلله في بيت اهلها لا احد يستطيع ان يطلب منها طلب او يأمرها بأمر عشان كذا لا تستجيب لطلباتك الا بعد ما تضغط عليها .. سؤال : كم عمرك و كم عمر زوجتك .. |
انا 23 هي 24
|
زوجتك مثل كثير من الناس .. يتزوجون وهم ما تعلمو
سياسة السيطرة على الغضب .. اهمية الاحترام بين الزوجين اذا انت شاك ان حياتك معها بتستمر وشاك بقدرتك على الصبر على المدى الطويل .. فاول شي لازم تسويه .. تحرص ما تحمل منك ليش ؟ عشان تعطيها فرصة وفرصتين وثلاث تتادب وتكون حكيمة اكثر بالحياة .. عشان تثبت لك انها كفؤ وانها من الناس الي تتقدم لقدام مو ترجع لورا .. او تبقى بنفس مكانها ! واذا ما قدرت خلال عدة فرص تقدر تطلقها وبالك مرتاح .. ما تشيل هم طفل يتربى بعيد عنك .. وتكون وفرت على نفسك حياة طويييييلة فيها اهانات كثير .. انتقي الاوقات الي تتكلم فيها معها لا تتكلم معها بوقت تكون انت او هي مزاجكم ما يساعد ولما تتكلم معها انتبه لاسلوبك لازم ما يكون فيه فرض سخرية تسخيف سلبية .. يعني مثلا بدل ما تقول : اسلوبك غبي .. تقول: اسلوبك ابد مايساعدني اتقبلك انتبه اخوي .. انتبه لنفسك لا تنحاس حياتك |
[[SIZE="5"]COLOR="Teal"]اخوي صبرك نفذ
بأشهر انا رأيي ترجع لاساس مشكلتك وليس للمشكله نفسها المرأه لا يستطيع التعامل معهاا الا من يفهمها فقط واذا من الان تفكر بالطلاق الله يعينها المسكينه وتقول تحبها؟؟؟؟؟؟؟؟؟؟؟؟؟؟؟؟؟؟؟؟؟؟ الحياه أخذ وعطى واذا ما عطيت لا تتوقع ان الغير يعطيك انا أشوف انك تتكلم معها اكثر وتحاول تفهم ليش تتصرف معك كذا وانا أأكد لك انه لا بد من وجود سبب ورى كل هالعناد[/size][/color]:22: |
اني اقولها قومي سوي كذا ماتقوم غير بهواش
لاتسوين كذا تروح تسويه من وراي اجي طالع من البيت تقولي اذا ماجيت الوقت الفلاني لاترجع وتلقا اغراضك عند اهلك هذا لما تزاعلنا,,, هذي سوايا زوجة؟؟؟ أخوي أسألك كم سؤال بما إننا نسوان و نفهم بعض : هل هي تصرف على البيت ؟ هل إنت تاخذ راتبها ؟ هل أهلها يصرفوا عليك أو يساعدوك في الناحية المادية ؟ إذا كانت إجابتك ( ايوة ) فهنا السبب الزوجة تقلل من احترام زوجها ، لو كانت هذه الأسباب موجودة ، ما تحس بالقوامة و تحس بإستغلاله لها -------------------------------------------------------------------- إذا ما كانت الأسباب هذيك موجودة ، و مافي أي سبب يخليها تعاملك كذا فمثل ما نصحك أحد الأخوان ، لا تخليها تحمل الفترة هذه الوحدة ممكن تعاند بداية الزواج ، بس ما توصل لقلة الإحترام و الذوق إلا إذا كان فيه سبب قوي مؤثر على نفسيتها ، مثل ما قلت ممكن سبب مادي و الله يصلح حالكم ، فينك أيام الملكة ما شفت الأشياء هذه ؟ |
الله يعينك من رأيي انك تثقفها اكثر من حقوق الزوج والحياه الزوجيه
وتأدبها اكثر يعني تخليها عند اهلها لين فعلا تحس بغلطتها وماتتوصل معاها لين ماهي تتصل او اهلها وابعد فكره الطلاق الطلاق ااااااااااااااخر الحلول واصبر سويلك جو ثاني عيش فيه لين ماتخلص مشكلتك هذي. |
اهملها
اتركها خوي اذا انت على حق اتركها لتعود لحاله اصبر
|
اقتباس:
انا من رأيي انك تسفهها لفتره لين تحس بأفعالها ولاترد من اول اتصال لين تحس انها فعلا بترجع وهي متغييييره الله يسهل عليك |
اقتباس:
أسفها وطنشها ولاترد على اتصالاتها من أول مره الله يعينك........ |
هذي المشكله تحصل مع كل المتزوجين بالسنه الأولى
ومريت بهالمشكله في مشكله مع زوجتي لكن لحظتها لما رفعت صوتها في المشكله قلت لها اذا انا غلطان لك الاعتذار واذا انتي غلطانه لي الاعتذار وقالت خلاص اخر مررره وسوتها مره ثانيه ورفعت صوتها لقطتها وديتها لبيت اهلها وكلمت ابوها وقلت له شف لك حل معاها المره الجايه تجيكم طالق وتركتها اسبوعين عندهم الى ما اعتذرت والان تحصل اي مشكله بيننا سواء انا غلطان او هي غلطانه ما ترفع صوتها ابد لابد تفهمها ان رفعة الصوت وعدم الاحترام اولوية بالنسبه لك مو شئ ثانوي اما انها تعاند لما تطلب منها شئ حقيقة انا ما ادري كيف تطلب منها هذا الشئ لاني احياننا اقول لزوجتي سوي لي كذا وكذا وكذا الله يعافيك ويخليك لي ولا يحرمني منك ترد من عيوني وبعدها بكم يوم طلبت منها نفس الشئ بس بأسلوب ثاني وجاف وبصيغة امر لا يرد ولا يناقش وردت مابي اسويه تعبانه اليوم اخوي اذا تبي نصيحتي لازم تعطيها درس قوي وتتوب ولكن فيه طرق اخرى اذا ما تبي توديها لبيت اهلها وتخليهم يكلمونها لانك انفقعت مرارتك مثلاً لما ترفع صوتها خلاص اقطع النقاش وقولها ترا انا ما اسمع الصوت العالي بتتكلمين بهدوء اهلا وسهلا ماتبين تتكلمين بهدوء مع السلامه واطلع ومعليش وشو تلقى اغراضك عند اهلك ؟ هي اللي مستاجره البيت البيت بيتها يعني ؟ |
مشكورين على تفاعلكم معي والله يجزاكم كل خير,,,
|
اخي المبارك
ربما زوجتك حامل لذلك احيانا يزيد العناد في الوحم . اما اذا لم تكن حامل فانا انصحك بالتالي : اولا : الصبر ثم الصبر ثم الصبر ثانيا : حل مشاكلك قدر المستطاع بينك وبينها . ثالثا : من أساليب التأديب للزوجة الهجر اتركها تبقى عند أهلها حتى تعتذر ولاتقبل العذر بسرعه بل ضع النقاط على الحروف انا أريد كذا وكذا قبل ان ترجعها لبيت الزوجية . رابعا : كن حازم معها حتى تتعدل. اخي ابذل جميع الطرق والوسائل في سبيل اصلاح زوجتك واذا بذلتها كلها فان . . . . . . . . آخر العلاج الكي وهو الطلاق ولذلك شرعه الله للناس(امساك بمعروف اوتسريح باحسان) . |
والله يا خوي ابو طبع ما يغير طبعه والله يعينك على ما بلاك بس ها النوعيه ما ينفع معهم الا العين الحمرا
|
هل هذا التصرف يصدر من زوجة او على الأقل انثى!!؟؟
السلام عليكم ورحمة الله وبركاته,,, كل عام وأنتم بخير
اذا تذكرون مشكلتي مع زوجتي وقلة أدبها معي وعدم إحترامها لي تخيلوا يا اخوان مع انها غلطت بحقي ماكلفت نفسها تدق وتعايدني بهالعيد أو على الأقل رسالة حتى أهلي ماكلفت نفسها تكلمهم وتعايدهم بهالعيد المبارك والله والله ياأخوان ماتوقعتها كذا,,, والله ياأخوان ماشافت مني الا كل خير وكنت أعاملها بإحسان مادري ليش معاملتها معي كذا كلمت ابوها وأمها بالعيد وعايدتهم ولما سألت الوالد والولدة اتصلت عليكم قالوا لي لا ما اتصلت والله ماأذكر ان في سبب يخليها توصل لها الدرجة لو في سبب يمكن اقول عشان هالشي خلاهاتسوي كذ بالعكس هي الي غلطت بحقي وهي معترفه بهاالشي,,, ياليت لين هنا وانتهينا لا ارسلت رسالة بسألها عن أغراض لي بالبيت ماردت رجعت دقيت الا مغلقه جوالها ودقيت على اخوها وصرفني ودقيت على امها وصرفتني ورجعت كلمت اخوها قلت انا طالب زوجتي ومن حقي اكلمها لا تصرفوني وبعدين اعترف لي انها هي ماتبغا تكلمني وقالي مغيرهـ رقمها انا هنا خلاص ثرت غضب كل هذا تسويه ولا هي حاسبه لي حساب تغير رقمها بدون علمي الى هنا قررت ان هالإنسانه ماتصلح تكون زوجة وماأقدر أكمل حياتي معها بعد كل الي سوته معي... وش رايكم ياأخوان بهاالتعامل هل هذا ماحثنا عليه ديننا الحنيف في طريقة التعامل بين الزوجين لاوالله... لاكن ماأقول الا حسبي الله ونعم الوكيل عليها والله اني انام واصحى وانا مقهور منها وكل ماتذكرتها أقول حسبي الله ونعم الوكيل عليها... لاكن الحمدلله على كل حال واللهم لك الحمد ان مابيننا شي يربطنا بعد كل هالي سوته والله ماأحس لها بقلبي ذرة غلا اترك لكم التعليق |
لا حول و لا قوة إلا بالله اخي لا تتسرع في اخد القرار امهلها بعض الشيء هددها بالطلاق عس ترجع المياه ال مجاريها الله يصلح بيناتكم
|
وعليكم السلام ورحمة الله وبركاته
زوجتك تبي صفعة تصحيها من غيبوبتها مع الأسف الناس صاروا مايربون عيالهم بنين و بنات على المسؤولية وهذي النتيجة عموماً زي ماقلت لك زوجتك تبي صفعة قوية أفضل حل في نظري ترسل لأخوها رسالة نصية فحواها : ( السلام عليم ، أبوفلان علم فلانة إنها طالق ) طبعاً طلقة وحدة و يمكن تقول الطلاق ماهو علاج ، لكن الحقيقة هو أفضل علاج لحالة زوجتك صدقني راح تصحى وتعيد حساباتها كلياً إن شاء الله واسأل أميرات ولا يهونون الباقي أسأل الله أن يعجل لك بالفرج |
الله يعينك على بلوتك اخوي
اقترح عليك اقتراح وجربه منتب خسران اجلس اسبوعين الى ثلاثه ولاتكلمها ابد ابد رح سافر انت واصدقاك بعيد في الخارج خذ نزهه لنفسك اطرد همومك وراجع جميع حساباتك وكل شي ولاترجع الا وانت متخذ قرار افهمني زين متخذ قرار اولا / تجلس مع ابوها وتحدثها بمشكلتك من بدايتها الين نهايتها وذلك وفقا للكتاب والسنه في ادخال اطراف من اهلها لحل مشكلتك ثم بعد ذلك تريث قليلاً اذا تعدلت معك ورجعت لك فالحمد لله انصحك توديها لحد المشائخ الثقات يقرأ عليها ربما انها مصابة بالعين واذا هي مصابة بالعين فلها اختلافات كثيرة حيث بعض المصابين بالعين لاتزول منهم العين بالسهولة الا بعد الاستمرار بالقراءه واخذ من العاين اثر ربما لايكفي مره او مرتين فخذ بكلامي ولن تخسر باذن الله اذا لم ينفع معها كل التجارب فطلقة واحدة لعل ان يحدث بعد ذلك امرا وبالله التوفيق نصيحة : لاتستعجل بالطلاق فكر مراراً وتكرارا |
اشكر لكم تفاعلكم لاكن كل اللي قلتوه اتبعته بمعنى اني هددتها بالطلاق قبل تمشي لاكن مانفع معها
وبالنسبة لابوها عارف كل شي بس الظاهر انه واقف معها لانها قبل تمشي قال اذا ماحجزلك انا احجز لك؟؟ والظاهر خلاص ماينفع معها شي لانها ماهي مقدره الحياة الزوجية ولاهي عارفه معناها لاكن بيجي اليوم الي تصحى فيه,,, وبالنسبة للعين وديتها لشيخ وقرا عليها وقال مافيها الا العافية واتمنى باقي الأعضاء يعطونا تعليقاتهم |
الله يبارك فيك يا صبري نفذ
طيب ليه ماتجرب حلي ؟ صدقني أكثر الي مثلها ماتصحى إلا إذا انصفعت وفقدت الي بيدها . |
راي اخوي " انسان ثاني" سديد 100%
والله يعينك على ما بلاك ارجو في الزواج الثاني اختيار الزوجة الصالحة ادعو ربك ان يسوق لك الخير مثلما ساق لبلادنا المطر |
مشكورين اخواني على مروركم الجميل
واتمنى من باقي الأعضاء ابداء ارائهم بإنتظار باقي الأعضاء |
اقتباس:
أنا مع هذا الرأي لأن زوجتك شافيه نفسها عليك ، والمصيبة إن أهلها معها يعني العائلة كلها ضدك اسئل العلي القدير أن يصلح أحوالكم |
اخي "صبري نفذ" .. أري أنك اخطأت خطأين .. الأول : سوء إختيارك من البداية ، و قد اعطاك الله إنذارات في فترة الملكة لكنك لم تستجيب الثاني : عذرا .. ضعف شخصيتك .. أثبت لها اولا انك قوي و تستطيع إيلامها بطرق عديدة دون ان تؤثر فيك افعالها و اعلم ان ذلك سيكلفك كثيرا جدا جدا من وقت و جهد و تفكير و لكن للضرورة احكام ثم اذا تالمت و صرخت .. فسارع بمد يدك لها بالسلام لتعلم و تتاكد انك تحب السلام لا لانك ضعيف و لكن لانك علي خلق و لتعلم انها لابد ان تجاهد نفسها و تحملها علي الادب و الالتزام و الا رد فعلك سيكون مؤلما لها جدا جدا و لا اعني هنا الايلام الجسدي بل ربما الايلام النفسي يكون اشد و اقسي ، في كثير من الاحيان يخرج الانسان من فطرته و طبيعته فربما تقابل طفلا في عمر الاطفال و تجده بلطجي يشتم اقذر الالفاظ و ربما يحمل سكينا ايضا و لا يتردد في استخدامه .. ففي هذه الحالة هل تتعامل معه كانه طفل ام ستتعامل معه علي انه مجرم يجب القسوة عليه و كذلك المراة قد تتخلي عن انوثتها و رقتها و تتحول الي وحش كاسر فكيف ستتعامل معها ؟ ان لنت معها اكلتك و افترستك و كذلك الرجل العجوز المسن الذي لابد ان نعامله باحترام و لكن قد يخرج عن طبيعته الوقورة المحترمه و يتحول الي بلطجي فهل يجدي توقيره و احترامه في هذه الحالة ، و هل يفهم كل هؤلاء لغة الشرع و الحلال و الحرام ام هم لا يفهمون الا لغة واحدة هي لفة القوة و البطش و الالم ، كل فئة من الناس لهم لغتهم الخاصة التي يفهمونها و يستجيبون لها و لا يفهمون غيرها و الكيس من فهم لغة كل فئة من هؤلاء الفئات و علم كيف يتعامل بها جيدا . أرجو ان تكون فهمت قصدي و مغزي كلامي .. و ان وافق الشرعفهو خير و ان خالف فالشرع احق ان يتبع . |
أنت من البداية شخصيتك ضعيفة
ولو من أول مره غلطت فيك وريتها العين الحمراء ما تجرأت مره ثانية ولا وديتها لأهلها لا تكلمها خلها تقعد فترة حتى تتأدب وحتى اتصالك لها تسأل عن أغراضك أكبر خطأ سويته لأنها الحين تبي تقول ما يقدر يستغني عني اتركها اسمع كلامي لمين تمل لأن البنت مو مثل الرجال أنت لو تبي تخطب تأخذ بنت بنوت والزوجة لو هي أم 16 سنة ما راح تأخذ إلا رجال كبير ولا واحد معه زوجة وبالنهاية هي الخسرانة وأنت الكسبان سواء برجعتها لك من نفسها أو تتزوج ونصيحة مني لا تستعجل بالطلاق لأن بداية الزواج معروف إنه مشاكل خاصة إذا كنت البنت تحت 20 سنة |
شوف ياحبيبي انا استغرب من كتابات بعض الاخوان اللي فيها تحريض عليك لكن اسمعني انت الله يهديك مو كل شيء على طول هواش ..
تخيل يجيك واحد يقول لو سمحت عطني كذا وانت قلت لا ويهاوشك وانت قمت تسوي له هالشيء بالله مابتقوم وانت بتسبه داخل نفسك ؟؟ انت بكذا ترا تكرهها بنفسك لكن شووف حالة زوجتك هذي والله سهله دامها تعتذر وتوعدك يعني تتفهم لكن ترا حلو لو كان الرجال فيه نوع من الطفوله والدلع ومو شرط ان الرجال لازم يكون جدي ومايمزح ومايضحك لا ياحبيبي هذاك اول انت بس جرب تكون طفولي معها حتى باسلوبك يعني لو مثلا قلت لها ابي مويه وقالت لا قول لها انا اوريك وروح اشرب مويه واذا رجعت رش عليها مويه شويه وقلها تستاهلي ومد لسانك عشان تضحكها واهي بتفهمها مزحه مو جد .. بصراحه انا مع اختلاطي بالرجال والله اشوف ان البنت احلى مخلوق ومايبيلها الا بس اسلووووووب حلو وبتعيش معها زي العسل بس الرجال بطبعه دايم خنافره وش كبرها .. " خنافره = خشمه " ودايم مبوز ودايم يبي كلامه يمشي ويبي هو الصح والبنت تكون الخطا ويبي بس يأمر وينهي .. ترا مافيها شيء لو دلعت نفسك معها وتنازلت عن بعض الاشيتء لها وصدقني قسم بالله اهي بتجيك تحبي على يدينها لين عندك وبتحبك بعد .. وبالنسبه للاحترام وسالفة الكرامه << ترا ماخرب بيوت الازواج الا كلمة احترام وكرامه .. ياحبيبي مافي كرمه بين الزوجين لانهم روح وحده وانت تمثلها واهي تمثلك وانت تنازل عن اشياء لفتره وصدقني راح تشوف اللي يسرك بعد فتره ثانيه .. وخلك سمح وحنون ولاترفع صوتك وحاول تنعم بصوتك لو كلمتها وماودي اطول عليك بالكلام بس انت جرب لو بس شيء واحد من اللي قلته وشوف .. ولا تزعل مني بس كلمتك مثل ماكلم اخوي وانصحه .. ولا يهمونك اللي يحرضونك على زوجتك تراها حبيبتك مو عدوتك ولا تفكر تمد يدك ترا وربي بتكرهك بس طبق اللي قلته لك وماعليك من كلام احد |
اقتباس:
وبالنسبه للمعلومة وصلت الله يعطيك العافية,,, بعدين والله اني موريها العين الحمراء وماأعدي الأشياء الي مثل هذي بسهوله لاكن هذي انسانه مايفيد معها شي وهذا الي مخليني اقرر الطلاق |
اقتباس:
لاكن من يرضى يتنازل عن كرامته واحترامة لا بد يكون الاحترام والتقدير متبادل من الطرفين والأشياء الثانيه ممكن الواحد يتنازل عنها عادي,,, بعدين الأخوان الله يجزاهم كل خير مايحرضون على الطلاق بالعكس كل يعطيني رأيه وبالأخير القرار لي وحدي وانا مانزلت هالموضوع الا وابغى الأخوان ينصحوني والله يوفقهم على مرورهم بعدين المعاملة الي قلتها مو مع اي انسانة نقدر نطبق هالكلام بالعكس أصابعك مو سوا والحريم ماهن واحد . شكرا لمرورك |
مراحب
ردي طويييل اللي ماله خلق يطمره (: انا اتكلم من تجربتي,, انا بحكيك قصتي وانت احكم على زوجتك,, انا ما اعرف انت كيف معاها ,, بس هي عناديه زيي ,, اوكي؟ اول سنه كانت عذاب بسالفة الاحترام لا والله الى ثاني سنه كمان هو عصبي وانا عناديه يالله حلوووووووووووووها عااااااااد البيئه اللي انا تربيت فيها ان ما حد يرفه صوته على احد ,, ومن جد قمه بالاحترام الحمدالله,, ابوي ما عممممممممري سمعت صوته الا وهو يسولف او يضحك,, وان زعل قط كلمة تهد جبل بس بهدوء والغطلان يعتذر له ويستسمح منه ,, حتى اخواني محد يرفع صوته عالثاني لا على الكبير ولا على الصغير ولمممممممممما تزووووووجت انصدممممممممممممممممممممممممممممممت انصدمت طبعه= عصبي بيئته ابوه الله يصلحه عصبي + بس يلجلج بالبيت ومه بس تسكت وما تقول شي وتركض تسوي اللي يبي مثال بسيط: المغرب يبي شاهي: يدخل وووواااالله بصراخ : وين الشاهي؟ جاهز؟؟؟ ؟؟؟؟؟؟؟؟ !!!!!!!!!!!!! تقوم هي بسرعه وتجيبه !!!!! انا تنننننننننننننحت قسم بالله ايش الاسلوب الزفت ايش تصرخ عليها وكمان قدامي؟؟؟؟ وربي مسكينه ان عيونها دمعت تفشلت مني لاني اصير زوجة ولدها !! وكيف زوجها يهزء عالطالع والنازل وحتى قدامي وقدام عيالها = رجال ولا همه طبعا زوجي على باله هذه الحياة عند كل الناس واول زواجي هذا اسلوبه بس يصارخ علي وين الغدا؟؟ يقومني بصراخ ويمسي علي بصراخ طبعا انا امممممممم العناااااااااااااااااااااااااااااااااااااااااااااا ااااااااااااااااااااااااااااد اول شي كنت اسكت من الصدمه واكلمه بهدووووووء ,,, بس الظاهر هالناس ما عندها هدوء على طول تنقلب هوشه وصراخ وتهزيئ؟؟ قلت شوف انا تربيت ببيت كذا وكذا ..... ادق بكلامي اني مو زيك وزي المواقف اللي اشوفها من ابوه وفهم طبعا ويزعل علي ,, ولا يكلمني ولا ولا بس ما نفع معاي شي قلت له ايام الملكه كيف كاننت؟؟؟؟؟ اححححححححلى من العسل لاني ما كنت اسمع صوت عالي ولا تهزئ.. واخدمك بعيوني اما كذا انا ما يمشي معاي ,, طبعا مو مصدقني ولا متخيل اصلا قد ايش الموضوع يضايقني,, لانه متربي ان هذا الوضع ,, الرجال ينفخ والحرمه بس سم وامر تدلل وعلى فكره اذا عناديه التهديد بالطلاق ما اظن ينفع انا كنت اقوله بوجهه طلق انت الخسران ودور لك وحده ترضا باسلوبك ,, ما اتعودت ولا تربيت احد يعاملني كذا مع الوقت ويوم بدأ يجرب الاسلوب الثاني والصوت الطبيعي لمن يطلب اي شي ويلقى اللي بغاه بأحلى ما يكون ,, واخدمه وانا مبسوطه بدأ يفهم وتحسن كثير ما انكر ان تعبني وما زال يتعبني لان ابو طبيع صعب يغير من طبعه,, لكن الحمدالله هدت الامور كثثثثثثثثثثثثثثثثثثثثثثثثثثثثير كثثثييييير عن أول,, ورجعت المويه لمجاريها بأغب أمورنا بس زي ما هو صعب يغير طبعه انا كمان صعب اغير طبعي الزبـــــــــــــــــــــــدة - اذا عناديه يمكن التهديد بالطلاق ما يفيدك,, من عنادها ممكن تكابر حتى لو تموت فيك ,, - راجع اسلوبك معاها يمكن يكون هو السبب انها تعاملك كذا,, لا انا هذا اللي كان غصب عني اغلط وارفع صوتي لاني انا من جهتي كمان مو حاسه بأي أي أي تقدير ,, ولمن هو تعدل انا تعدلت كمان. بس بجد لا تستعجب بالطلاق,, هذه من جد اصعب فتره وزي ما انت تسمع كلام كثير ناس انت الرجال وريها العين الحمرا ووووو يمكن هي تسمع كلام زي كذا وخايفه تصير من نوع ( ام زوجي مثلا) فطول باااااالك وبتنحل ان شالله |
أنا مع الأخت خواطر مبعثرة ، لإني مثلها عنادية :D
ما أحب الإنسان اللي يتعامل معاي بهمجية ، و لو عاملني بذوق و أسلوب بأعامله بأجمل و أحلى و أحن طريقة و نظرتي نفس نظرتها |
روح الطير (:
بسطتيني خخخخخخخخخخخخخ عندي احساس ان المنتدى بيقلب علي خخخخخخخخخخخ ويسوي لي محاضرات احترام الزوج خخخخخخخخخخ لاحظت هنا فيه تحيز للرجل حبتين (؛ |
أختي خواطر مبعثرة ، لا تهتمي أنا معاك
ما أحب الإنسانة الضعيفة اللي تنسى حقوقها و تسترخص نفسها و تنسى هويتها و أكره الرجال اللي يستعبد زوجته كأنها جارية عنده و يعاملها بإستحقار ربي أكرمنا و الحمد لله و خلقنا أحرار ،، احترم زوجي و أقدره و أدلعه و كل شئ أعمل له ، بنفس الوقت يحترم كياني و شخصيتي و ما يهضم حقوقي و لو بيهددني لا سمح الله بالطلاق ، أهدده بالخلع ههههههههه حلوة هذه ، كل ما صار شئ ، جاء الرجال و هدد زوجته بالطلاق و لا بالزواج ؟؟؟؟؟؟؟ أي احترام و أي تعامل بالشكل هذا ؟؟؟؟؟؟؟ لا و تعالي شوفيه كيف يعامل الحريم الأجنبيات ، قمة الإحترام و إذلال النفس شفت كثير منهم هنا :D ( طبعا بأستثني بكلامي الحريم المسترجلات و اللي ما اتربت أصلا في بيت أهلها ) و كلامي ماله دخل في صاحب الموضوع ، بس بأعلق على كلامك و في حالة لو كان صاحب الموضوع كذا بيتعامل مع زوجته فرضا |
اقتباس:
كلامك بمجمله اوافقك عليه .. لكن هل تشوفين ان مشكلة الاسلوب الي ماشية عليه زوجة صاحب الموضوع .. يدخل بقائمة ( اي شي )؟؟ يعني تحسينه شي بسيط ولا يستاهل الطلاق ؟؟ |
| الساعة الآن 05:49 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©