|
عن ماذا يبحث الرجال ؟؟
السلام عليكم ... :29:بصراحه انا ودي افهم شي واحد محيرني !!!!!!!!!! الحين انا وزوجي مرتاحين مع بعض والحمدلله وانا قاايمه بحقوقه على اكمل وجه بشهادته هو حتى من دون ما اسئله .. وهو بعد مو مقصر معي بشي الله يحفظه لي ويهديه .. طيب وش اللي يخلي الرجال يلف ويدور ويلعب من ورى زوجته ؟؟؟؟؟ يعني انا كذا مره اكتشف ان زوجي له اضافات بنات على الماسنجر , ومسجل في موقع تعارف , طيب وش الاسباب ؟؟ اذا كان كل شي متوفر له في البيت والحمدلله ؟؟؟؟؟؟؟؟؟؟؟؟ فعلا الرجال غريبين ...!!!! |
قلة الدين الي عنده دين ويخاف من الله حتى لو لم يكن متزوج لا يلتفت للحرام خوافاً من الله
|
مايعانية زوجك قلة دين وعدم خوف وحياء من الله
لكن في المقايل يجب ان تعرف النساء أن الرجل لايكتفي بزوجه واحده وهذا ما يصدقه قول الله تعالى والسنة كما أثبث هذا مانراه في أيامنا الحالية فطبيعي وسط كوم المغريات اللي يراها الرجل الا يكتفي بزوجته (خاصة لو كان لايغض البصر ولايراقب الله) فنصيحة أهلكيه وأشبعيه لحد التخمة عاطفيا وجسمانيا وفي نفس الوقت يجب ان تقوي صلتك وصلته بالله وتشعريه مراقبة الله ونظرة له خاصة ونحن في موسم فضيل وقصي عليه مثلا عن دنائة نفس من يعمل هذه الأشياء واستحقار الناس له وهكذا وأعيد للمرة المائة تقريبا اختاروا الزوج الصالح لكي لا تعودوا وتشتكوا... هذه نتيجة التنازل عن الدين والخلق في البداية أرجو الا تقولي زوجي ملتزم ويخاف الله و و و فكلامك لايشير لا من قريب ولا من بعيد لهذا. |
Shark.. هلا اخوي .. شكرا لمرورك.. وكلامك صحيح وانا ماراح اقول زوجي ملتزم لا والله انه فيه تقصير الله يهديه بس .. بس هو فيه جانب ديني يعني يتاثر كثير وهذا هو اللي جالسه احااول قد ما اقدر اني ااثر عليه عن طريقه .. والحمدلله في استجاابه بس ومستمره .. حتى له فتره الحين بدا يبطل الدخان .. وفي رمضان الحمدلله كان يروح يصلي التراويح صحيح مو كل يوم بس افضل من قبل .. بس المشكله هم ربع السوووووء الله يكفينا شرهم واياكم .. ما ادري وش الحل معاهم ؟؟ يعني زوجي لما يكون معاي بالعكس ما اشوف عليه اي شي واصلا هو بيتوتي ويميل لجلسة البيت كثير .. بس المشكله لما اروح عنه .. خصوصا الحين انا عند اهلي وهو في مدينه ثانيه .. الله يصرف قلبه عن الحرام ؟؟ ما ادري كيف اسيطر عليه الحين ؟؟ .. |
ضعف الوازع الديني والفراغ
هما في رأيي السبب الرئيسي التي تجعل الرجل يقوم بمثل هذه التصرفات والله اعلم |
راجعي نفسك
أختي الفاضلة تقبلي مروري
أرجو انك تراجعي نفسك يمكن فيه شيء انتي مقصره فيه وانتي مو حاسه او ان زوجك مو قادر يصارحك انتي بيديك امور كثيره راجعي نفسك زوجك محتاج لك والواضح من كلامك انه فيه خير وانه يصللي |
النساء فتنة
يعني مهما كان الرجل ما يقدر يصبر عن النساء لأنهن أشد فتنة على الرجال ---------- الله يوفقكم ويسعدكم ..عليك بالصبر والرزانة.. |
في البداية اقول الله يهنيكم ان شاء الله بما انكم مرتاحين مع بعض وفاهمين بعض
اختي كرجل ليس من الضروري ان يوجد سبب للخيانة ولكن من الممكن أن تكون " نزوة " لعدم الملل او التكرار فعدم وجود مشاكل وتلبيتك لمطالبه ليست كافية لضبط تصرفاته الحمقاء في رأيي الشخصي .. فيا أختي حاولي التغيير من شكلك الخارجي بتغير قصة الشعر او شراء لبس جديد او " ستايلك بشكل عام " وبما أنه في خارج المدينة .. فلا تزعجيه بالطلبات أو المطالبات وعليك بالرسائل العاطفية النابعة من بنات افكارك وليست رسائل صديقاتك فاجعليها صادقة وتفاعليه كسؤاله عن مدى اشتياقه لك او بما ترغبينه بالتوفيق |
اختي لا تذهبي إلى اهلك هذه الفترة
والتزمي أنت قبله بالشرع واعتبريها حالة طواريء وهي كذلك فعلا حاولي أن تشغلي وقته وتكوني معه ولو كان مع أصحابة أتصلي عليه أو أرسلي له رسائل تذكرة بمراقبة الله وعقابه وهكذا |
وانا هيك بشوف مهما كانت الزوجة حلوة وتحبه الا ما يدخل النت او يتكلم بالجوال طيب ليش ما يعمل هالشي مع زوجته حتى الكلام الحلو بيروح لغيرها
|
الذووق ..
والله يا اخوي اني مو مقصره معاه ومتفرغه له على الاخر .. وزجي من النوع الصريح يعني اي تقصير مني يقولي على طوول واانا بعد يعني بينا صراحه او بالعربي الميانه طايحه .. |
شبيه السيل ..
تغيير الشكل برضوا الحمدلله من فتره لفتره اصبغ شعري ولا اقصه قصه جديده واي شي يقولي انه يحبه او يجذبه اسويه وما اقصر فيه .. وهو اساسا يحب اني اكون على طبيعتي اكثر شي وما يحب االمبالغه في اللبس او الزينه .. (( بس انا بعد ما احب تحميل الزوجه كل شي وكانها هي السبب الخيانه شي كبير مو بالسهوله هذي تصير يعني مو معقوله عشان ما قصيت شعري ولا ما غيرت الاستايل يخوني << منطق غريب ؟؟)) |
اخوي shark ..
والله ياخوي شارك انها حالة طوارئ فعلا .. الله يعديها على خير .. وروحتي لاهلي تقدر تقول انها لاازم لان زوجي عسكري والفتره هذي مرابطات عندهم تعرف عشان الوضع اللي ساير وغير كذا عندنا مناسبه عند اهلي .. وانا الحين عند اهلي واحس في دااخلي ناار شابه يعني اذا وانا موجوده شفت اشياء عليه وشلوون واانا بعييده ..؟؟؟ كيف اتصرف وانا بيعده عنه ؟؟؟ على فكره انا من فتره واجهته باللي شفته وزعلنا من بعض كم يوم طبعا انكر في البداايه بعدين قام يقول واحد من ربعي (( العذر المعتااد )) بس بعدها جا واعتذر مني وحلف انه ما يعيدها ولا عاد يدخل النت وانه غلطان بس للاسف رجع مثل قبل .. وعشاان ما تحطوون اللوم علي انا بكلمكم شوي عن علاقتنا اكثر .. الحمدلله انا من النوع الفرفووشي في االبيت يعني ضحك وسوالف معاه حتى هو يقول انا ما احس اني اضحك من قلب الا معاك .. ما اخليه يجلس لحاله داايما معاه حتى تعود هو على كذا وصار هو يناديني اذا كنت مشغوله شوي .. الحمدلله في الشكل الخارجي مهتمه في نفسي واللي يطلبه اسويه .. يعني بشهاادته هو بنفسه يقولي انا احسد نفسي عليك قولوا ماشاءالله .. حتى قبل لا اسافر كان فيه مناسبه خاصه فيه وفاجاته ببوكيه ورد في البيت وعزمته على عشا برى .. حتى والله يقول انا ما قد احد اهتم فيني كذا ابدااا .. هذي يعني بعض الاشياء من حياتنا .. طيب هل انا لسى مقصره الى الحين ؟؟؟؟؟؟؟؟؟؟ |
أسأل الله تعالى لكى أختى أن يهدى قلب زوجك ويسخره لكى وييسر لكما أمركما وأن يجعله قرة عين لك ويجعلكى قرة عين له ويبارك لكما ويجمعكما على خير دائما فى الدنيا والآخرة وأن يصرف عنه وعن شباب المسلمين جميعا الفتن ما ظهر منها وما بطن وأن يحفظهم ويجعلهم يتقوه وكأنما يرونه..آمين آمين آمين
|
قلة الخوف من الله وضعف الدين مع وجود الفتن من ابابهم الاس
|
فتاه حالمه ..
الله يجزااك كل خير على الدعوه الحلوه هذي والله يسمع منك .. سحابة الصحراء .. ضعف الدين سبب كل بلى .. |
طبعاً بعد دينه وخوفه من الله سبحانه وتعالى
الدش ( القنوات الفضائية ) إللي مليانة نساء فاتنات تزغلل العين وتلعب بالدماغ الإنترنت الغير مقنن والمفتوح على البحري لأي موقع ماهب ودب إذا قدرتي أن تكون القنوات إسلامية من غير ظهور النساء والإنترنت على المفيد عندها مبروك عليك زوج لن يرى ولن يفكر بغيرك |
هلا اخوي الرسمي ..
والله كلامك صحيح ياخوي بس وش الحل مع ربع السووء اللي ماتجي البلاوي الا من وراهم .. مع اني صرت احاول اعوضه في البيت واوفر له كل الاجواء اللي ممكن يلقاها عند ربعه واشغله بالطلعات والروحات والحمدلله احسه صار يرتاح في البيت اكثر .. بس المشكله الحين اني بعيده عنه وما ادري وش يسوي من وراي هذا اللي ذاابحني .. ((((اماانه من كل من يقرا موضوعي انه يدعيلي في ظهر الغيب ان الله يهدي زوجي ويصرف قلبه عن الحرام يااارب )))) دعوتك لاخيك في ظهر الغيب مستجاابه .. |
راجعي نفسك
فيه حاجة لم تشبعيه فيها ولا تنسي الدعاء فخير سلاح من الله |
بس عاد
قمتوا ترقعون حق بعض وتشككون البنت في نفسها..!! ياحبيبتي القذر قذر ولو حاول يجمل نفسه امام الناس.. واصحاب السوء المستسهلين الحرام وعذرهم القنوات الفضائيه مليانه فاتنات او النساء فتنه ما شاء الله عليكم الاعذار جاهزه ..زين ماقلتولها روحي لبنان سوي عميات تجميل صغري الخشم .. وكبري الشفايف والشهر اللي بعده كبري الخشم وفشي الشفايف .. عشان مايمل .. الرجل الوسيم .!! كلامي عام .. مولشخص معين..!! لان لاحظت كل ماوحده اشتكت من الخيانه .. قلتولها راجعي نفسك وتجملي..!! |
اقتباس:
خلاص لاتشاهدون قنوات فضائية غير دينية إذا الإيمان ضعيف لها الدرجة عند البعض عذر أقبح من ذنب و لاحول و لاقوة إلابالله |
مافي الا الدعــــــــــــــــــــــــــــــــــاء له وكثرة الأستغفاااار
الله يهديه ويهدي زوجي وكل مســـــــلم والله أصحاااااااااااااااااب السوووووووء هم السسبب الله يهدي الجميع |
لا فض فوك الاخت ناااني
كلامك عين العقل بارك الله فيك الاخت ريااانه.... الله يصلح لك زوجك ويبعده عن الحرام وعن رفقاء السوء يا حبيبتي الي يسويه زوجك مش بسبب تقصيرك وانما بسبب ضعف الوازع الديني عنده وببعدين كل ما وحدة تيجي تشتكي من خيانة زوجها ...يقاللها نفس الكلام لكن الحمد لله الذي قال وقوله الحق: (وَلَا تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ تَعْمَلُونَ إِنَّهُ عَلِيمٌ بِذَاتِ الصُّدُورِ{7}سورة الزمر وقال تعالى (كُلُّ امْرِئٍ بِمَا كَسَبَ رهين ) 21 سورة الطور |
هلا اختي نااني ..
والله يااختي حيروونا الرجال !!!!!! لا وكلهم واقفين في صف بعض الا يطلعون الغلط من المراه حتى لو كانت شابه اصابعها العشرع شمع !!! كانهم يبررون للرجل الخياانه !! على العكس مع المراه اللي لو تغلط غلطه صغيره تشوفي الكل وااقف ضدها ومع الرجل فعلا مجتمعنا ذكوووووووري ... يعني بالله وش اسوي اكثر ممن اللي اسويه اموت نفسي عشان يرضى ..؟؟ اللي جالس يسويه من وراي بينه وبين ربه وفوقه رب كبير مطلع وراح ياخذ جزااه .. بس انا الحمدلله وااااااااثقه من نفسي مليون في الميه و ماراح يمسك علي مجال اني مقصره ولا شي .. بس القهر بعد كل هذا اللي تسويه يطلعوونك الناس انتي المقصره ودوري زين على النقص اللي فيك وحاولي تملي عيون زوجك !!!!!!!! خير وش ذا الكلام ؟؟ مع احترامي لكل الاعضاء من الرجال اللي ردوا على موضوعي |
المسداني ..
شكرا لمرورك الكريم وفعلا عذر اقبح من ذنب والله .. خفايا صامته .. الله يجزاك خير فعلا مالنا الا الاستغفار والدعاء وهو سهام الليل .. اميرة موناكو .. شكرا لمرورك الحلووو .. وفعلا انا الحمدلله رااضيه عن نفسي وعن اهتمامي في نفسي وزوجي كل الرضى وما اتوقع اني مقصره في اي شي ان شاءالله وبشهادته هو ... بس القهر من بعض الردود .. كيف يعني اهتم اكثر ؟؟ ولا اتجمل اكثر ؟؟ يعني وش اوي اكثر من اللي اسويه ؟؟ يعني الرجال مافيه جوانب نقص ؟؟ ليه مايفكر يصلحها في نفسه هذا احنا راضيين والامور ماشيه وماقلنا شي ليش اذا جا الكلام عند المراه قالوا انتي المقصره وانتبهي ودوري زين على جوانب النقص اللي فيك يعني يشككون الوحده في نفسها والله .. الله المستعااااااان بس .. |
دلحين سار ت القنوات الفضائية ومايبث فيها من تعري وإنحطاط وفيديو كليبات تثير الغرائز ومسلسلات تدعو إلى الإنحلال ( عذر أقبح من ذنب )
( وما لميس عنا ببعيد ) وهل ياترى من يملك قنوات المجد أو مايشابها في المسلك كمن يملك أي قناة على غير منهج وشريعة عجبي ..!!! لو نظرنا لنصف مشاكل النساء مع أزواجهم في هذا المنتدى لرئينا أنها لا تخرج عن رؤية القنوات أو المواقع الإباحية + الماسنجر ومواقع التعارف وللأسف أن النساء إلى الآن إلا من رحم الله من لازالت لا تفهم طبيعة الرجل وتعتقد أنها لو كانت أجمل الجميلات ومولعة صوابعها العشرة وغير مقصرة بحقه أنه لن ينظر لغيرها إلا إذا كان الرجل غير صاحب دين أو مبدأ أو عفاف وكرامة وحياء تمنعه من رؤية غير زوجته ويقصر النظر لغيرها خوفاً من الله وخوفاً على عرضه ورفعة في النفس وبعداً عن الدنائة |
دلحين سار ت القنوات الفضائية ومايبث فيها من تعري وإنحطاط وفيديو كليبات تثير الغرائز ومسلسلات تدعو إلى الإنحلال ( عذر أقبح من ذنب )
( وما لميس عنا ببعيد ) ياسلام .. سلم اصبحت لميس من ضمن لستة اسباب الخيانه اذا السالفه جذي لاتنسا تضيف مهند..!! استغفرالله بس!! اذا القنوات الفضائيه سبب .. في انحلال الازواج .. اجل المراهقين والعزاب .. معذورين ولا نشره عليهم..!! الله يجعلنا سدا منيعا لأزواجنا...!!! |
من هي لميس لاتكون بنتي:)
الله يهديهم بس |
اذا المرة توفر لزوجها كل مايحتاجة لية يسوون هلاشياء الله يهديهم بس انا زوجي مايصلي ومايحب يقد بلبيت مليت بس لازم اصبر
|
اختي ناني احنا واثقين منك ومن كلامك
الرجال احين غسلي يدك منهم بس الوحده اسم تاخذ زوج عن العنوسه يعني كل هالحريم الي ازواجهم خونه مقصرينننننننن زوجاتهم؟؟؟؟؟؟؟ لا والف لا!!!!!!!! اخذيها قاعده الرجال اما يخونون او يتزوجون على حريمهم الا مارحم ربك هذه الحقيقه المره ولازم تتقبلينها ومثلك كثثثييييييييير يعانون على الرغم ان الازواج يزعمون انهم يحبون زوجاتهم بس الحقيقه هم خلقو للتعدد |
سبحان الله لو تشعلي اصابعك العشره شمع مافي فايده مو كل الرجال بعضهم الله يهديهم
|
| الساعة الآن 11:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©