|
طفلتي وتعلقها الشديد بالبطانية القديمة
الاخوه والاخوات الاعزاء عندي طفله عمرها ثلاث سنوات ونصف
ومنذ ولادتها جت لها بطانيه هديه وهي موجوده الى الان يعني البطانيه راحت فيه وكثر ما نشتري لها من بطانيات ترفضها ولا تنام ابداً الا بهذي البطانيه واذا نامت لاتريد ان تتغطى باي غطاء حتى البطانيه السحريه الي تمتلكها والله بهتت البطانيه وكمان اذا اخذت البطانيه السحريه وضعت الاصبع السبابه والوسطى اليمين في فمها ولا يمكن ان تنام الابهذه البطانيه ووضع الاصبعين السالفتي الذكر في فمها لكن ما يميز ابنتي انها طبيعيه في كل شئ الاهذا الامر لاحظوا هذا الامر من ثلاث سنوات ونصف واخوها عمره سنتين اصبح ينافسها على البطانيه لكن ابني يضع الرضاعه في فمه بدل الاصابع وعمره سنتين وشهرين ان شاءالله اجد حلاً من احد الاخصائيين النفسيين او الاجتماعيين في هذا المنتدى عاجل عاجل عاجل لاني احترت انا ولبؤتي الغاليه(زوجتي) اخوكم قسوره قسوره(الاسد) |
الله يحفظهم يا رب
لكن الوضع طبيعي جدا وكثير من الاطفال يشعرون بالأمان مع البطانية ابحث في المواقع عن ظاهرة التعلق بالبطانية ومص الابهام Blankie and and thumb sucking وهما مرتبطان بالعادة ببعض اذا كنت تعمل ومشغول عن الاولاد كثيرا انت وزوجتك قد تكون هذه طريقة ابنتك بالارتباط بشيء يشعرها بالأمان لغيابكما. كما أنه لوحظ بأن تعلق الاطفال بالبطانية يخف إذا تم غسل البطانية وتغيير رائحتها، والدمى المحشوة نفس الشيء اذا تم غسلها ستلاحظ انه التعلق خف عموما .. هذه ظاهرة اعتبرها الاطباء صحية بالنسبة للأطفال في هالسن وباذن الله لن تستمر مطولا فقط اعطوهم المزيد من الوقت والحنان والاهتمام .. وسيخف التعلق باشياءهم المادية. |
تجربه
اذا كنت الاخت عامله خارج المنزل وتتركين ابنتك لفترات طويله فانها ابنتك ستبحث عن بديل للامان
|
اخي بكر الشايب انا موظف وزوجتي موظفه لكن بعد نهاية الدوام لانفترق
ابداً الا نادراً لظروف هامه غالباً ولكن ما دام انك تقول ان الحاله طبيعيه هذا اهم شئ بالنسبه لي وهذي بنتي امامي الان تمص اصابعها والبطانيه السحريه ثلاث ارباعها بعيد عن جسمها وجزء منها ماسكته بيدها وحاطه رجل على رجل واشكر اهتمامك وردك السريع |
اخي الكريم..
خروج الأبوين من البيت للعمل وترك الاطفال مدة طويله سيدفعهم للتعلق باي شي للبحث عن الأمان وتخفيف حدة التوتر والخوف حاولا منحهما المزيد من الاهتمام (بلاش انشغال بالتلفزيون) واقضوا وقتا عائليا سويا باللعب والضحك اختك / بكر الشايب |
الله يحميهم ان شاء الله , أما بخصوص البطانية فلقد قرأت اقتراح أحد أخصائيي الأطفال أن يتم قص جزء صغير كل يوم من البطانية حتى يخف التعلق بها ويوما بعد يوم تصغر أكثر فأكثر و يخف تعلقهم بها تلقائيا بالأضافة لما قالت الأخت بكر الشايب عن تعويضهم بالمزيد من الحنان و الاهتمام. |
عادي وش المشكلة !!!!
أنا أخوي لما كان صغير ماينام إلا ومعاه مخدة صغيررررررررررررررة حقت مواليد ولونها أحمر .. وحتى إذا سافرنا المخدة طبعا قبل العفش... وألحين هو جامعي وشخصيته إجتماعي ومحبوب وقيادي.. فالمسألة ممكن تعود عليها.. وألحين بنتي لا يمكن تنام إلا ولازم بيدينها مصاصة وبفمها مصاصة وحوالين سريرها مصاصات.. وتقعد طول الليل وهي تبدل فيهم.. فخلاص مدام هي تبي هذا الشي ويريحها بكيفها.. ونفس الشي بالنسبة لولدك.. |
شكراً لكل من مر على موضوعي وافادني
|
ينقل إلى ركن الطفل حيث مكانه الأنسب .. |
اقتباس:
اقتباس:
اخوي ولو قلت لك ان حالة بنتك كانت نفس حالة بنت عمي وتدري كيف تركتها ؟؟؟؟؟؟؟؟:d لما وصل عمرها 19 سنة يعني قبل سنة تورينا البطانية ماباقي منها الاخيوط وربي من كثر ماخلاااااااااااااااص تحلللللللللت وللان محتفظة فيها ونفس الحركة تحط اصباعها بفمها تخيل 19 سنة عمر وبنتك 3 سنين شي وبيطول ولكن انبهك لنقطة الاصباع ترى بنت عمي اصباعها تغير شكلة واسمر من الباقي وشكلة ملفت حركة الاصباع حاولو فيهها توقفها اما البطانية فعادي ممكن اطفال دبدوب او لعبة او دمى وبنتك جاء خاطرها ببطانية:22: وبنت عمي الحمد الله لاتعاني من اي شي طبيعية جدا ماعدا الخجل الشديد :) |
اولاد خالى كلهم نفس الشي واصغر واحد الان 3 سنوات تسير مشكله وحاله من البكاء اذا مافي والبطانيه مسكينة مااتت من كتر الغسيل في الاخر اشتروا واحده جديده نفس الشكل بعد بحث طويل
كم سنة ان شاء الله وتنهتى المشكله مع ازدياد العمر |
عندك وعندنا خييييير..بنتي عمرها سنتين وتمص اصبعها ومعها بطانيه تدور بها ...وسمعت بحاجه تباع بالصيدليه تحط على الاصبع وهو طعمه مررر يحط بشكل مستمر الى ان يترك الطفل هالعاده ...بس اهم شي يكون الطفل تعدى السنتين...
|
بنتي نفس الحاله
احذروا تحرموها منها ومافيها اي تاثير نفسي فيما بعد مجرد تعلق انا كنت استفيد من البطانيه لما تكون مريضه بنتي تبكي كثير فلما اعطيها البطانيه تجلس تلمسها وتنسى كل اللي حولها وماكنت اخجل بنقلها معي للناس اهم شئ نظيفه وعلى العكس الكل متعاطف معها ويسال عن بطانيتها قبلها الحين بدات تخف عنها يعن مانشيلها معنا برا عمرها الله يحفظها 4 سنوات |
فعلاً المشكله في مص الاصابع مو في البطانيه اكثر شئ يضايقني اشكر مروركم
جميعاً على الموضوع واشوف الصيدليه لهذي الاصابع واوريكم فيها |
اقتباس:
اقتباس:
:d:d:d ربي يخليها لك يارب .. ولايحرمك من هالقعدة اجل رجل علي رجل ,ماشالله عليها تتربى بعزك وخيرك ,, فديت قلبها ياناس يخليها ربي وتشوفها عروس :14: |
شكراً لك احساس وتسلمي على مرورك على الموضوع
|
| الساعة الآن 12:06 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©