|
أروح أشوفها (النظرة الشرعية) وإلا أعتذر ؟
السلام عليكم
خطبت الخميس اللي راح من عائلة كريمة وفاضلة ورحبوا بي جدًا وأكرموني وتكلمت مع أبوها عن الموصفات الشكلية التي أريدها في الزوجة فكانت المفاجأة أنها غير مواصفات اللي ببنته (حسب كلام أبوها) فخرجت من عندهم وأنا مبيت النية أني أدور غيرها يوم رجعت البيت وبديت أقلب كلام أبوها في راسي ,, فتغيرت شوي نظرتي . والآن أنا محتار أروح أشوفها عشان أقطع الشك باليقين بالموفقة أو الرفض أفيدوني ,, |
شوفها ..
انما الارواح جنود مجنده ما تآلف منها ائتلف صدقني ليس الشكل هو كل شي صحيح انه معيار وان الزوجه الجميله رغبة الجميع ولكن .. بما ان اهلها طيبين و اكرموك .. وبما ان ابوها اعبجك كلامه فأنت اجتزت الـ 60 % من الموافقه لان اهل الزوجه هم الراحه بعد زواجك لو كانوا يحبونك راح تجد كل الخير و الجود منهم توكل على الله .. قد تعجبك البنت الى درجة التعلق بها (( لا يكون الظاهر هو كل شي بالنسبه لك )) ابتسامه |
مثل ما قالك اخوي مستر سمايل
ربما تتغير نظرتك للبنت من مجرد شوفتك لها بالنسبه لي انا خاطب قريبه لي وشكلها غير عن رغبتي ولكن اقتنعت بحمد من الله اهم شيء اخلاق البنت استخر وتوكل على الله موفق يالغالي |
اخوي الله يوفقك ان شالله لما فيه الخير
بالعكس روح لانه يمكن مافيها المواصفات اللي تبيها لكن من النظر اليها ترتاح نفسيا وهي بعد وتشوف فيها شي يعلقك بها والعكس صحيح ممكن ابوها يقولك فيها كل اللي تبي ولما تشوفها وواثق ماترتاح نفسيا لها وتكش صدقني النظره الشرعيه مهمه جدا وكل شي بالاخر قسمه ونصيب اذا مو مكتوب لها محد راح يجبرك على شي |
انظر اليها
انصحك اخي ان تذهب وتشاهدها وتجلس معها وتحاورها ايضا بوجود محرم
فقد تشاهد منها ما يسرك او تكرهه كما يمكن ان تجد فيها عيبا واضحا او تجد في كلامها رشد فالزواج لا يحكم عليه بالنقل |
روح وتوكل على الله واترك المواصفات اللي تريدها صدقني يمكن المواصفات اللي تريدها تكون سبب دمار حياتك
اعقلها وتوكل وقبل ماتروح استعد نفسيا للنظرة واترك شروطك على جنب الله يوفقك |
اقتباس:
لا اخوي روح شوفـهـا واقـطع الشك باليقيـن فـرفضـك لها بشوفـة شرعيـة بريـحـك لو رفضتها بدون ما تراهـا.... هـذا بـتـعـرف أثـره بـعدين لو تقدمت لغيـرهـا ....؟؟؟؟!!!!! وحـتـى تقـطع على الشيطان اي وسيلة ليـبـث الحـزن والقلق بنفسك إذا ما رأيتـها واعتذرت عن الرؤيـة.... ولعـل نفسك ترتـاح لها وتـكـون هـي شريـكـة العـمـر ... وكلم أبـوهـا واسعـى للنظرة الشرعيـة والله يـرزقـك الزوجـة الصـالحـة .... عزوبي:21: بس:d رجل:30: |
مثل ما قالوا روح شوفها حتى ترتاح لقرارك بعدها
والله يوفقك ويتمم بخير يااااارب |
اذهب لرويتها بدون اي تردد هذا سيساعدك على ان تتخذ القرار الصحيح لا يجوز ان تتركها لاجل الجمال الخارجي الجمال الداخلي هو اسمى واعلى من الجمال الخارجي ف الاخير انت ستحتاج لها كزوجه لك وليس كعارضة ازياء الله يوفقك اخوي والله يكتبلك الي فيه الحير |
الله يكتبلك مافيه الخير ياما شباب زيك بس بعد النظرة الشرعيه ارتاحوا والله وفقهم
الله يسهل امورك |
حرااااااااااام عليكم
هذا دمار للبنت وكسر لها انك تشوفها ثم ترفضها وانت عارف انها بغير المواصفات اللي تبيها احسن قول لامك او اختك تشوفها وتعلمك |
اقتباس:
مع أن الجوهر(الدين والخلق) هو الأهم اقتباس:
شكرًا اقتباس:
اقتباس:
اقتباس:
شكرًا لدعائك اقتباس:
شكرًا لدعائك اقتباس:
شكرًا لدعائك اقتباس:
والجمال الروحي صحيح كما قلت أسمى من جمال المظهر ويفضل الجمع بين الإثنين شكرًا لدعائك اقتباس:
|
اقتباس:
أبوها ما يبي الحريم يجون يشوفون يبيني أنا بس أشوفها ,, وأقرر |
اذن اعتذر
وصف ابوها كافي وبليز لاتجرح البنت وتشوفها ثم ترفضها |
اخوي كومبو انا مع ابوها
انه رفض ان اهلك يشوفونها لان نضرت الرجل غيييييير عن الحريم يعني ممكن تعجب اهلك وماتعجبك وممكن ماتعجب اهلك وتعجبك لاكن فيه صفات لو كنت تبيها وقالك الأب عنها وانت متمسك فيها ومش موجوده بالبنت لاتروح تشوفها اتركها من غير شوفه اخف عليها من انك تتركها بعد ماشفتها وانصحك استخير اكثر من مررره والله يكتب لك اللي فيه الخير ويوفقك يااارب |
ام داليا .. يعني البنت تنجرح و الولد لا ..
حتى الولد اذا انرفض بنجرح |
.
يؤ يؤ يؤ حرام تشوفها وترفضها وتجرحها !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!! انا ادرى القصد ماهو تحريم بحد ذاته تنجرح يوم يومين وترضى بالواقع ولا تعيش عمرك بين شك وندم او ماترضى رضى كامل ولافضل كلام ابوها وانا معاه انك تشوفها انت بنفسك احسن عشان تقتنع فيها اما الرفض لها عندك الف عذر وعذر تقدر تمررها عليهم بدون ماتجرح مشاعرها والله يوفقك ويكتب لك الخير |
مع الاخ عنيد برائ روح شوفها ماعجبتك انسحب :22:
بس ياريت لو انسحبت لا تحكي رائيك لا لاهلك ولا لحولك احتفظ لنفسك سبب واحكي مارتحت وانتهى:25: |
سأذهب غدًا (الجمعة) بإذن الله للنظرة الشرعية .. نصائحكم
السلام عليكم سأذهب غدًا للنظرة الشرعية أدعو لي بالتوفيق وأريد منكم أسئلة أسألها للبنت تساعدني بالكشف عن شخصيتها وأريد منكم نصائح لنجاح هذه النظرة الشرعية شكرًا لكم |
الله يسهل امرك ويوفقك ..ويجعلها من نصيبك.. اذاكانت صالحة وهي التي ستعينك في دينك.
|
أولاً : اتمنى لك التوفيق يالغالي
وعسى ربي يكتب لك الخير بكل خطوه ويغنيك بحلاله ثآنيا : ما ادري كم عمرك ..؟ وكم عمر خطيبتك ..؟ عشان نعرف نرتب لك كلآم .. :d |
شكرًا عمري 22 سنه وهي 19 سنه |
المهم تكون طبيعي وتلقائي
وصدقني وش ما سالت ماراح تجاوب لانها متقطعة من الحياء انت حاول تفهمها من وجهها و شف نفسيتك هل ارتحت لها وفقك الله |
الله يسهل امورك ويكتبلك مافي الخير
|
لاتنسى تدعي اللهم لاسهل الاماجعلته سهلا وانت تجعل الحزن اذا شئت سهلا والحزن هو الصعب سهل الله امرك ووفقك واسالها شو حابة تعملي بعد التوجيه شو رايك بالنت والكلام بجيب بعضوا المهم انت تكون واثق من حالك من كلامك من عطرك من لبسك واناقتك تمام لان هي اول شي حتشوفوا وحيلفت نظرها ك وخصوصا لمى تقدملك المشروب قلها بكل احساس يسلموا ايديك والله يوفقك
|
الله يـوفـقـك أخـوي ويسـهـل لك أمـرك ويـكـتـب لك الخيـر عزوبي:21: بس:d رجل:30: |
تم دمج الموضوعين .. وفقك الله ويسر لك أمرك |
اهم شي تاخذ سيارتك ههههههههههههههههههههههههههههههههههه
|
خبرنا شو صار معك :)
|
دخلت لادعو لك بالتوفيق والسداد واسال الله لك القبول
|
الله يوفقك
وطمنا عليك عاد عندي احساس انك بترتاح لها |
الله يوفقك يارب
وان شاء الله تعجبك ننتظرك :) |
بعدما قررت النظرة الشرعية ,, مستجداتي
بعد أن قررت الذهاب بعد التردد الواضح لكم ذهبت وصليت صلاة الإستخارة وما أن انتهيت حتى أسمع صوت جوالي يرن المتصل أبوها أبوها : السلام عليكم كومبو11: وعليكم السلام ورحمة الله أبوها: كيف الحال أخوي كومبو11 كومبو11: أبشرك بخير ونعمة وشلونك أنت عساك بخير أبوها : بخير أخوي كومبو11 على موعدنا اليوم كومبو11: إيه نعم أبوها: أسمع أخوي كومبو11 أنا شاورت البنت والبنت تقول مهوب وقته ألحين كومبو11: يعني أنتهى الموضوع ؟ أبوها : إيه كومبو11 : جزاك الله خير والله يوفقها إن شاء الله ويرزقها بواحد أحسن مني أبوها: وأنت بعد الله يرزقك بواحدة أحسن منها كومبو11: شكرًا جزيلًا على إستقبالك الرائع في الخطبة أبوها: الله يسلمك كومبو11 : يالله في أمان الله مع السلامة أبوها: مع السلامة الله يوفقك ----------------------------------------------------------------------------------- الشيء الوحيد الذي لم يعجبني جدًا أن والدتي كلمت أمها وقالت لها إسألي البنت إن كان لديها رغبة بالزواج قبل كل شيء ,, والخيرة فيما إختاره الله ملاحظة : شكرًا جزيلاً لكل من إهتم بأمري ودعالي وناصحني وساندني من الأعضاء |
يمكن البنت مشتركة هنا و شافت سيارتك
أمزح :D عالعموم ، خيرة من ربنا |
الله يرزقك اللي احسن منها ويرقها باللي احسن منك
الله يقدم لك الخير |
الله يكتب لك الخير حيث كان
وبالأخير الزواج قسمة ونصيب وفقك الله ورزقك بالزوجه الصالحه |
مدري مو كأنك فسرت كلام والدها خطأ
يوم قالك إن البنت تقول موب وقته جاء ببالي إنها تبي تأجل الزواج مو قصدها إنها ما تبيك عمومًا الله يوفقك ويرزقك بأخير منها ويعطيك على قد نيتك وهي بعد عسى ربي يرزقها بالرجل الصالح |
رزقك الله بخير منها ووفقك بالزوجة الصالحة
|
:21:
ماادرى ليه جانى احساس ان البنت قرات موضوعك فى منتدانا هذا وهونت الخطبة ؟؟؟؟ ماادرى عادى تصير الدنيا صغيرة |
كل واحد ميآخذ الآ نصيبه
و إن شاءالله امك تدور لك وحده ثآنيه ويمكن هآلشي خيره لك ربي يوفقك يرجى كتابة لفظ ( إن شاء الله ) كما بين الأقواس .. الإشراف |
| الساعة الآن 11:30 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©