مخطوبه من سنتين واهل الخطيب يماطلون في عقد القران
 

مشكله تخص انسانه عزيزه علي انخطبت من واحد ولمن سالوا عنه قالوا عنه ان بار بالوالدين محافظ يخاف الله والحمدلله بس المشكله زي ماهي تقول انه الحين له سنتين خاطب وكل مايسالوا اهل الخطيب عن موعد القران يتعذروا باعذار كثيره البنت طفشت وتبغى تفسخ وتقول جاني خطاب كثير من بعده وانا طفشت من كلام الناس واسالتهم انا نصحتها تصبر كمان شوي والي فيه خير ربي يسهله
انتوا وش رايكم

انا رايي تفصخ الخطوبه والي رب العالمين كاتبه بيصير


والله يقدم الي فيه الخير

سنتين كثيره والله
ياترى ما سألوا ليش هالتأخير كله
لازم تسألون عن سبب التأخييير وقلولهم عشان البنت يجوها خطاب لا يوقفون نصيبها

بالتوفيق

في البداية لازم ناخذ وجهة نظر الطرف الثاني او الخطيب ولازم تسأله ليش سبب التأخير اذا كانوا من أول متفقين على التعجيل !
اذا كانت الاسباب مادية لازم يصارحها ويتفقون اذا ناوية تكمل معاه أو لأ.
وبالنسبة لصاحبتك لا تتشتت بكثير من الآراء خليها تفكر وتستخير وترجع تفكر ثاني مره اذا كان الولد كويس مافيه مانع تنتظره اذا كانت اسبابه معقولة

تفسخ وتتوكل على الله سنتين انتظار ممللللللللللللللللله

ايش هي الأعذار؟

على طول نقولها تفسخ الخطوبة واحنا ما ندري ايش هي الاعذار!!

هذا صراحة ظلم في حق الخاطب اللي هو نفسه يستنى واحنا ما ندري ايش هي أعذاره

ونجي نقول للبنت افسخي الخطوبة والمسكين ينصدم ولا يدري شالسالفة

أعطي يا أختي تفاصيل واضحة عن الأعذار هذي

أعذار مالية طبية فصلي في الكلام

وصراحة أعتب على االأعضاء اللي يقولون لها افسخي الخطوبة بدون ما يعرفون نوع الأعذار

يا ليتهم بس يتخيلون نفسهم في هذا الموقف ويجي الخاطب أو المخطوبة تفسخ الخطوبة عليه لأعذار خارجة عن ارادة الطرف الآخر
فينصدم المسكين بعد ما كان يأمل في نفسه الكثير


وين مراعاة النفسيات؟

الواحد يشوف الأعذار أول وهل هي منطقية ولا لأ ثم بعدين يحكم

انصحهاااااااااااااااااااااا نصيحه وحده مجربه تفسخ الخطوووووووووووووووووووووووبه

نعم الرأي

وبصراحه انا استغرب من الي جالسين سنه وسنتين خاصه بدون عقد القران

انا ثلاث شهور وقلت اذا موافقين والاماعندي استعداد انتضر على سراب

سنتين !! على انتظااار
صعب , كيف صبرت :(

اكيد تفسخ الخطوبه لو عندهم مجرد نيه مآأنتظرو كل هالمده ..
بالعكس يكونوا متحمسين أكثر منهااااا ~!!

الله يعوضها ويوفقنا وياها ..

من رايي ولي امرها يقول لهم البنت تريد تفسخ الخطوبه واذا هم شارين البنت راح يتحركون على طول واذا وافقوا فهو خيره باذن الله

شكري وتقديري للجميع والله صديقتي تقول الاعذار ماديه كان اتفاقهم خطوبه وبعد سته شهور زواج بس مالتزموا والاعذار ماديه وقالت ام الخطيب لام المخطوبه مدام ابوها مستطيع يساعده ويزوجه وبعد كذا يدفع له والبنت من يومها تضايفت وقالت هذا ماله نيه يتزوج الله يفرج هم الجميع

صديقتي المقربة نفس حالتها

لها سنة تقريبآ مخطوبة وسبب التأخير ظروف خطيبها المادية

صدقوني الحاله المادية الضعيفة دمار شامل اسألو مجرب

فلا تظنوا انهم يتلاعبون

هم شارينها ولكن ماباليد حيلة سوى الإنتظار

لتستخير الله تعالى

كلام رجال
 

اختي لازم حد من الرجال ولي امرك يتصل معهم ويتفاهم ويتفق مع اني مش عارف الخطوبه مقصود في عقد وموثق وله كلام بس

قد لا يكون في مساعدة والد الفتاة للخاطب شيء .. هذا بشكل عام .. أما أن تقترح والدة الخاطب مثل هذا الاقتراح فأرى أن موقفها وطلبها غير لائق .... وعيب.

يعني أن يشتري والد الفتاة الخاطب شيء .. وأن تبيعه أمه وهي التي تطلب المساعدة شيء آخر.




رأيي أن تستخير وتنهي الموضوع .. وما دام الأخ غير قادر مادياً لهذه الدرجة فالأفضل ألا يضيع وقت بنت الناس معه.