|
ما هي نصائحكم لي ؟
اهلين فيكم جميع
بالامس كنت بقسم المتزوجين والان اصبحت بقسم المطلقات الحمد لله..سبحان من يغير ولا يتغير ابي نصايحكم لحد الحين مااستلمت ورقة طلاقي لكن جايه قريب لحد الحين ماانتشر خبر طلاقي على مستوى العائله كلها بس المقربين لحد الحين ماطلعت وواجهت المجتمع ولكن بالطريق لحد الحين مااعرف وش موقفي بالضبط ولكن متاكده ان الطلاق ليس الا حل لا بصمة عار تقبلوني بينكم الإشراف/تم تغيير العنوان بما يناسب المضمون |
عآر !! وشو بالضبط اللي "عار " يالغآلية !!!!!!!!!! الله يشرح لك صدرك وييسر لك أمرك ،، رددي : إنا لله وإنا إليه رآجعون اللهم آجرني في مصيبتي وإخلفني خيرآ منها ،، أنصحك بقراءة كتاب : لا تحزن ، للشيخ الدكتور عآئض القرني وكتآب آخر : هكذا حدثني الزمان ، أيضآ لنفس الكآتب,, حتى وإن كنتي قد اطلعتي عليهما من قبل قرائتك الآن مختلفة ستغسل بإذن الله مابك من ضيق وحيرة وتبعثر أفكآر ،، |
نصيحتي لكِ اختي: 1.كوني دائما متمسكة بحبل الله 2.كوني دائما المرأة المؤمنة بقضاء الله وقدره...قوية وصلبة 3.ثقي بأن الله بيده كل شيء وهو قادر على تغيير الحال من حال الى حال 4.لا تفقدي ثقتك بما حولك من اشخاص ومجتمع 5.الحياة مستمرة فلن تتوقف ههنا فابدئي من جديد صحيح ان ابغض الحلال عند الله الطلاق ولكن قدر الله وما شاء فعل الله يقويكي ويقوي ايمانك اختي بدعيلك من قلبي :21: تحياتي الحائرة85 |
اول شي الله يعـوضك بكـل خير .. ويرزقك بالي احسـن من زوجك السـابق .. ثانيـا .. لاتفكـرين بمجتمع تواجهينه ولاتشيلين هم الي ماوصلهم الخبـر .. راح يجيونك ناس حشـرين وملاقيف .. يبـون بس يشمون اخبارك وينقلونها ! وماهمهم كيف تنقل .. عشـان كذا انصحك ... ان اي شخص شفتي منه هالشي وانتي عارفه انه من الناس الي تحب تنقل الهرج وماراح يفيـدك الا يضرك .. لاتعلمينه تفاصيل طلاقـك واسبابه .. واي احـد يسٍألك خلي كلمة { مافي نصيب } على لسـانك .. لأن الي يظهرلك التعاطف مو عشـان شي بس .. حبهم في اخذ الأخبار ونشرها يجبرهم يظهرون التعاطف عشان يوصلون للي يبونه .. خليك واثقه من نفسـك .. ومن ذاتك .. وتأكدي ان الله بيعوضك خير .. ياما في بنات سمعنا عنهم تطلقوا وربي رزقهم .. من واسع رزقه .. سـواء بزوج او وظيفه او علم .. قريبتـي تطلقت .. وماجلست تندب حظها .. بالعكس ماشاءالله نفضت ثوب الهم .. ورجعت كملت دراستها .. ومااااااااشاءالله جابت درجات ماجابوها البنات .. والآن سجلت بالجامعه .. وهذا اكبر انتصار لها .. ان الطلاق ماكان عائق لها ولا عمـره فراق الرجل يكون عائق للمـرأه !! اختـي قبل اسبوع وصلت ورقتها .. والآن هي مااااااااااااشاءالله من المقبولا في البعثه .. رايـحه تكمل ماجستير الله يتمم لها يااااااااااارب يعني عمـره الطلاق مايكون عار او ذل للمـرأه !! يمكن هو بحد ذاتـه انطلاااااااااااقه لها وخيره كبيررررررره وعظيمه ... بحياتها .. توكلي على الله انسي خوفك من مواجهة العالم لأنك مطلقه ... فيه متزوجات عايشين العار والهم وهم متزوجات !!! ابحثي لك عن شي يشغلك سواء وظيفه او دراسـه ... اثبتي حالك وقوي عزيمتك ورددي دااااااااائما { اللهم آجرني في مصيبتي هذه واخلفلي خيرا منها } :: الله يوووووووووفقك وييسرلك الخيـر .,, تقبلي ردي ... ولكل اكبـــر باقة ورد روز لعيـونك ... :: |
لاحول ولا قوة إلا بالله المطلقات في إزدياد أهلاً بك يا أختي بيننا .. نصيحتي لك أنظري لطلاق بداية حياة جديدة وليس نهاية ... لا يكسرك الطلاق أنتبهي واجهي الحياة الآن لن تشعرين بصعوبة هذا التغير لأنك في البداية لكن مع مرور الأيام تشعرين بحجم هذا التغير وكيف أنه أثر فيك لكن أرجو منك أن تكوني على ثقة بأن الله لا يخذل عبده المؤمن وما مضى مضى غير مأسوف علية القادم أجمل بإذن الله ,. اسأل الله أن يرزقك بمن يستحقك ويسعدك ويعوضك خير آمين تحياتي |
الله يعوضك خير
بس الطلاق مو عار انتى ماسويتى فضيحه دا شي حلال الله يفرج همك يارب |
[QUOTE]
اقتباس:
اختي هي تقولك الطلاق حل لابصمة عار يعني هي ماقالت عااار قالت ماهي بصمة عااار حبيبتي فهمتيهااا غلط احسك متفااائله الله معك ويعوضك خير يارب |
اسفه ياااااااصاحبة الموضووووع قرات غلط شكرا نورين على التنبه
الله يعوضها خير يااارب |
الله ياجرك بمصيبتك ويخلف عليك بالزوج الصالح
|
قدر الله وماشاء فعل
الله يعوضك خير منه إن شاء الله من تجربه مطلقة حبيبتي وبتحسي انك اسعد إمرأة في العالم انصحك حبيبتي بالتوكل على الله وكل ماقدره الله لك خير الجئي إلى الله واشكي له همك وفضفضي له مافي جوفك حذاري وحذاري من الشكوى للخلق اشكي لخالقك فهو يراك وبيده تفريج همك تحري أوقات استجابة الدعاء مثل الثلث الأخير من الليل وبين الأذان والإقامة ووقت نزول المطر ووقت السفر وغيره اكثري من الإستغفار ليل نهار فبالإستغفار زوال للهموم وتفريج للكربات اكثري من قول ( حسبي الله لاإله إلا هو عليه توكلت وهو رب العرش العظيم ) ( لاحول ولاقوة إلا بالله ) ( لاإله إلا انت سبحانك اني كنت من الظالمين ) لاتنسين أن يكون لك يوميا ورد من القران بتلاوته فهو ربيع القلوب وجلاء للهموم والكروب وسورة البقرة ففيها البركة صدقيني اختي اذا عملتي بذلك مع الإستمرار عليه بتتفاجئين من الراحة النفسية والسعادة وبيتفاجئون كل إلي حولك من السعادة وراحة البال إلي أنت فيها في حين انهم متوقعين انك بتكوني حزينة كسيرة وفيه ناس تحب تصطاد في الماء العكر وتسحبك في الكلام وتسألك عن الأسباب وش صار ؟ وليش ؟ انتبهي وحذاري واذا سألك أحد قولي ماكان نصيب أو قولي مقدر ومكتوب وردي وراسك مرفوع وبكل ثقة عشان مايكثر القيل والقال وزيادة لللألام والجراح وماتدرين وش يكتب الله بعدها ! انتظري لاتنشرين خبر طلاقك ألا بعد نهاية العدة وبعد أن تهدأ النفوس احتمال يقدر الله لك رجعة ( وكفى الله المؤمنين شر القتال ) ياليتك تطلعين على موضوع أخي ابو حكيم عن ( أخطاء المطلقين ) بصراحه الموضوع مهم واكثر من رائع وبيفيدك اطلعي عليه واعملي به & الله يفرج همك وييسر أمورك ويعوضك خير ويسعدك & |
هونيها اخيتي
لقد كنت مثلك تمامآ اما الآن فالحمدلله ورقتي استلمتها اليوم قرأتها ولا اعلم لماذا ابتسمت ولكن صدقيني مناجاتك مع الله في ثلث الليل تشعري معها بأن الله يسمعك ومعك صدقيني الله اذا احب عبدآ ابتلاه فاصبري واثبتي لله انك قادرة على الصبر وارضاءه تعالى ليعوضك بخير مما رأيتي |
أخطأ المطلقين (شئ من تجربتي )
http://www.66n.com/forums/showthread.php?t=192927 هذا الرابط لموضوع أخي ابو حكيم جزاه الله خير الجزاء ونفع بما كتب إن شاء الله اتمنى تطلعين عليه وتستفيدين منه ولاتنسيني من صالح دعواتك & |
شكرا"
اكيد اغلبكم تابع موضوعي بقسم المتزوجين انا ابي رضاه..هناك كانت البدابه وهنا معاكم وبينكم ستكون رحله مليئه بالتفائل والرضاء وبكره ان شاء الله اجمل واحلى اسال الله تباشير الخير لي ولكم |
اقتباس:
. يا حبيبة قلبي .... مدري ايش أقول الله يعوضك خيرررررررررررررررررررررررررررررر!!! |
اقتباس:
وربي يسعدك |
قلبي معاكي يا ندى ربي يسعد قلبك ... وينور دربك :21::21: |
اقتباس:
|
[gdwl]يابعدقلبي
زي ماقالوالك البنات لايهمك احد اطلعي وانبسطي ولاانتي اول وحدة وطنشي انشغلي بدراسة اواي شيء يفيدك وانسي تجربتك وتوكلي على الله وربي يعوضك كل خير وكل منطلقة ياكريم [/gdwl] |
الحمد لله..انتشر الخبر بعايلتنا كثير كثير متاثرين حتى خالاتي يبكون عشاني شوي كدروا خاطري كنت ابيهم اكثر تماسك امامي |
أختي *ندى* أنتِ إنسانة إندفاعية صح ؟ إقرأي هذا الرابط http://www.66n.com/forums/showthread.php?t=195736 مشاركة رقم 17 ومشاركة رقم 40 كنت أقرأ لك وكانت لى وجهة نظر في تصرفك !!!!!!!! ولكن إندفاعك لم يسمح بذلك . إجعلى الطلاق تجربة خذي منها خبره لحياتك الزوجية القادمة بإذن الله اتمنى لك حياة سعيده |
صباح الخير جميع انا عارفه انو العدة مدتها 3 شهور بس متى تبدا بالضبط من وصول الورقه لي او من نفس اليوم اللي يروح المحكمه ويطلق؟ والشي الثاني اشلون اعرف واتاكد انه طلق من المحكمه من غير مايعرف؟؟ ملاحظه: انا بمنطقه غير المنطقه اللي هو فيها يعني المحكمه بنفس منطقته. |
حبيبتي طمنيني ............. ايش سار بالموضوع ...
. . العده انك تحسبي 3 حيضات لكي ..... بعد انتهاء الحيضة الاخيرة تنتهي عدتك والله اعلم . . المفروض انه يبلغكم انو طلق عند القاضي الفلاني حتى تستلمي ورقتك .... أو يرسلها لك ... . . لازززززززززززززززززم يقلكم ... |
اقتباس:
اليوم موعده مع المحكمه وقال بياخذ معاه شاهدين بس رفض يعلمني اي وقت بيروح من اليوم اقدر استفسر من المحكمه نفسها يعني اتصل عليهم اسالهم...لحد الحين ماقالي شي |
والله ياقلبي ماعندي ..........خلفية انو المحمكة راح تقلك .. اعتقد راح تسألك عند اي قاضي معاملتكم أو رقم المعاملة .. جربي ممكن أحد يفيدك .................
. . ابغاكي تهوني على قلبك ... ما تعرفي الخير خليه هو يتصل .... . . الله يريح بالك ... |
اقتباس:
تقدرين تتأكدين بالإتصال على المحكمة والسؤال بإسمه أنا سبق وسألت |
اقتباس:
ما شاء الله ، قوية :18: يا ما عدت أنا كيف قدرتي تسألين ؟؟؟؟ :27: أختي *ندى* الله يعوضك خير ويرزقك الزوج الصالح قريباً ..ورقة الطلاق أطلبيها يجيبها لك . . . |
احسن شى تفكرين اسود ايامك مع زوجك وتقارنيها بوضعم الحالى فى بيت اهلك وتقولين الحمد لله انا الان فى قمة السعادة
حاولى تسوين الاشياء الى ماكنتى تقدرين تسويها يوم كنت متزوجة مثلا قيام الليل المشى ساعة واذكرك بالمشى وفوائده فى ازلة معظم المشاكل النفسية الاستغفار والاسترخاء قراءة كتب مفيدة زيارات للاقارب ولاتنسى ان صلة الرحم فيهااجر كبير جدا وزيادة فى الرزق ودائما تذكرن انك مخلوقة عشان طاعة الله بس ربى يفرج همك |
الله يعوضك خير يالغلا
وعسى أن تكرهوا شيءً وهو خيراً لكم |
بصراحة اتوقعّ أنه ماطلقك !!
انتِ استعجلتي مره وتوقعتي الطلاق مباشرة !! عدة وماعدة .. وعلطول نقلتي للمطلقات .. استني !! يمكن ماراح للمحكمة أصلاً !! أنا متفائلة إنك بترجعين له يوم من الايام .. بس اصبري ! ! |
الله يعوضك خير
|
وش صار ياندى اتصلتي عالمحكمة سألتي..؟
احساسي انه ماطلق ولا بعد صار شي بس احسك فعلآ مستعجلة |
مشكله والله//ماعدت انا ياحبي لكم اولا" كنتوا معاي بمشكلتي تتذكرون التفاصيل الاخيره اذا لا حذكركم بالتفاصيل الممله ابيكم تستوعبون ان الشغله منتهيه بالنسبه لي انتهت بكل حذافيرها والله كاني صارلي مطلقه سنه ونص ماكانوا الاحد اللي راح يله نرجع للتفاصيل تذكرون يوم الاحد وش كان؟؟ موعده بالمحكمه طيب قلت ياندى هذا اخر يوم لك زوجه له والعشره و و و من مجاميعه ارسليله رساله تودعي صحيت الفجر صليت صلاة ربي اتجهت لشريحته مسكتها وقمت اكتب الاتي قلبي يتالم.ليس لما هو قادم لا بل لما يحمله هذا القلب لك من مشاعر.ستظل بقلبي دائما" وابدا" هنا وفي كل مكان.احبك من الاعماق من الفجر الين تقريبا" 8 المساء سكوووووووووووون كنت اقلب بايميلي ولقيت منه رساله يقول وصلتني رسالتك.شكرا" عمري ماشكيت بمشاعرك تجاهي.ارجوك دائما" حافظي على هالمشاعر لي بقلبك طوووووووووول ماتقدرين. دائما" حتكونين جزء مني وانا كذلك جزء منك.ولايوجد عيب في هذا. اصبحنا الان افضل بكثير منما كنا.وراح نتعلم الكثير من هالتجربه. ندى تذكري دائما" راح احترمك.وراح اكون دائما" موجود لك اذا احتجتيني. يعني خلاص وااااااااضح الكلام ولا عليه غبار مايحتاج اتصل بالمحكمه عموما" على حسب اخر مكالمه بيننا يوم السبت اللي فات قال اغراضي حيجيبهم اليوم او بكره واكيد ورقتي معاهم عاد هو واخوي يتفاهمون صحيح هو طلبني اتمسك بشريحته يقول احتمال احتاج اكلمك اقولك شي ابي اتواصل معاك حتى لو ماكنا زوج وزوجه .. خليها معاك لفتره وراح افصلها بالاخير(لاني قطعت كل صلتي باهله مو زعل لا بس ماابي شي يذكرني بالماضي وبكذا مايقدر يوصلني واهلي ماراح يعطونه وجه) بس ماقدرت قفلتها (لحد الحين مافصلها .. مصيره يلقاها مقفله كم يوم ويفصلها) اهم شي ابي اغراضي وحشوووووووووني حيل وهذي كل السالفه |
طيب ياندى اذا انتي مو متصله خلي اخوك لا راح ياخذ اغراضك يسأله هل طلق ووين الورقة ؟
|
اقتباس:
لا ياعيوني المساله مو كذا انا بمنطقه وهو بمنطقه راح يضطر يسافر بر من مكانه لهنا عشان يجيب اغراضي واكيد الورقه معاه يعني احنا مو رايحين نجيبهم لا هو راح يجيبهم ويتصل على اخوي يقابله عند الباب ويسلم امانته |
اي صح تذكرت
طيب انتي وش بيضرك اذا اتصلتي عالمحكمة ياندى انا سبق وسألت عااادي اصلآ ماحد يدري وهم مايسألون ولا شي بس يعطونك الإجابة نفسي نتأكد لأن السالفه فيه طلقة 3 مثل ماقلتي معقول يدري ويطلق ؟؟ |
اقتباس:
والله عشان خاطرك راح اتصل انا مقتنعه بس عشان انتي تقتنعين بس المحكمه بالدمام مو هنا(؟؟؟) طيب راح اتصل بس مااعرف اسم القاضي علمني شلون وش ينقال بهالمواقف؟؟:27: ههههههههه بس حطي فبالك احتمال كبير مايردون مشغولين بقضايا المجتمع الله يعينا وياهم واذا ماردوا يجينا الرد بكره مع اغراضي |
قولي
السلام عليكم اخوي بغيت اسأل عن فلان الفلاني هل انتهى موضوعه و استخرج صك طلاق عاد بيقولك اذا اصلآ فيه احد رافع دعوة طلاق بهالإسم و اذا ايه واذا لا المهم انك تتأكدي |
اقتباس:
حاضر |
صبـــــــــــــاح الـــــــــــورد يا نـــــــــــــــدى الورقة لا تستعجليها راح تيجي وقت ما تيجي ... عزيزتي عيشي حياتك بفــــــــــــــــرح نصيحة |
هههههههههههههه
ندى حسيت اني قاضي على اجابتك السؤال فقط لكي تتاكدي ولا تعلقي نفسك بين المطلقة والمتزوجة فهذا امر وأصعب موفقه غناتي ولا يضيق صدرك حنا مرينا بهالتجربة والحمدلله اجتزناها بتوفيق الله الله يعوضنا خير |
| الساعة الآن 05:30 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©