|
ما رأيك ان يطلب طليقك من أمك أن تخطب له ؟؟
ما رائيك في طلب طليقك من امك ان تذهب معاه لخطبت فتاه بي حجه ان اخته نفاس وامه ليست لديها اسلوب في الكلام ومقدمات الخطوبه؟؟
عفواً تم تعديل العنوان ليتضح المضمون/ الاشراف |
طلب قاسي و لا أعتقد أن أم تخاف على مشاعر بنتها سوف تقوم بهذا العمل...الا إذا كان ناوي يرجع طليقته بس يحاول يخليها مفاجأة
|
أكيد عنده خالات و عمات
لم يبق له إلا أم طليقته ؟؟؟؟ عذراً نقل لمكانه الأنسب |
غالية نهار ارجو التعليق على مواضيعي لي اني دائما اراكي تقرئين مواضيعي ولا ترردين عليها يهمني ارائك غاليتي
|
لئيم !
|
معقول ؟
لا حول ولا قوة إلا بالله بصراحة شخص وقح جدًا ! وأعتقد أنه رأى من أمك تساهل تجاهه ,,و إلا لما طلب بهذه الوقاحة أسأل الله أن يعوضك بخير منه، والفكاك منه والله غنيمة :) |
هل وصل التبلد لهذا الحد؟
اخساه الله من لئيم والام اذا صدق عندها قلب تعطيه كلام في العظم وتصرفه اما صحيح وقحححححححححححححححححححححح يوه عصصصبت ياربي فيه ناس كذا؟ |
بكل بساطة ممكن تقوله
ياولدي ما أقدر // عشان يفهمها !! |
قد تكون محاوله لاسترجاع طليقته
ولاكن بشكل غير مباشر |
اهلين حبيبتي
اقتباس:
|
اختي داليا
مواضيعك دائما تضرب على الوتر بس بسألك هذا الموضوع صدق ولا افتراض ؟ عاد ردي علينا لأني اشوفك تطنشي ردود كثيرة |
الله قوويه
وربي عديم أحساس الله لايكثر من أمثاله |
حراااام لا تفهمونه غلط
يبغاها تقله أم طليقته خذ بنتي رجعها يعني يبغى يرجع بس مستحي من الطرده :o هههههههههههههههه بتوفيق يا داليا اخطبوا له يثق في ذوقكم |
طبعا مستحيل يحصل هذا الااذا كانت ام الطليقة خالته اوعمته وكانت طليقته هي التي رفضته
|
داليا مواضيعك وراها سر ممكن نعرفه !
|
يا حياتي ....فديتج والله ...
مواضيعك تعور القلب .... ان شاء الله يكون درس ل....طليق داليا .... يا ذا الجلال والاكرام ..يا رحمن يارحيم ... ترزقها من الخير كله ....وتسخر لها .... |
لاتعليق
|
يمكن هيه خالته ولا عمته
ما فيها شي تخطب له |
اقتباس:
:25: |
متبلد الاحساس .. بلا ضمير ..
موقف صعب مرررررررررررررررة ويلة من ربي لانة يقهرررررررر :( |
يعني ضاقت مافي الا ام طليقته ان شاء الله عمره ماتزوج!!< حاقده من قلب
حرام يجرح المسكينه مايكفي جرحه الاول فعلا انسان اناني --------------!!!!!!!!!!!!!!!!!!! |
صحيح شر البليه ما يضحك تفائجت بي مكالمه طليقي اليوم الظهر بطلبه من والدتي ان تذهب معاه بحجه انها خالته واحنا اصلن مو من عيلته ولا من اقاربه ولا صله ابد معاه يقول ان اخته نفاس وامه ليست لديها اسلوب في الكلام ولا مقدمات الخدمه ولي ان امي انسانه راقيه ومتحدثه جيدا للعلم بي اخر مكالمه من اخته قالت لي انها مراح تتورط معاه في اي خطبه لاجل لاتتدعي عيلها بنت الناس وامو اخر مره جت البيت لي ارجاعي لي طليقي جلست تبكي علي وقالتلي بي ان ابني لابستاهلك ويليتني زوجتك واحد من عيالي غيره عشان يعرف قيمتك لاني والله ما قصرت معاهم كنت اخدمهم بعيوني ومعاي اي احد يساعدني كان طليقي مسافر وكنت ارجع من مدرسني وكانت ايام اختبارات نهائيه كنت ارجع واطبخ لهم وانا كلي سعاده لانهم يستحقون اللي اسويه معاهم وكنت العب وانا واخوانه الصغار وكنت احممهم واهتم فيهم لما كانت امه تروح لي مراجعه المستشفى وكنت اعتبرهم مكان الروح وكانت امه ما عتبرها عمتي كنت احبها وكل ما اشوفها احظنها كأنها امي ..
للعلم بأنه ليست المره لاوله لي اني يوم كنت في ذمته انصدمت يوم دخلت ايميله ولقيته مسجل في موقع للزواج انصدمت لي هذي الدرجه وصل موقع زواج يعني ليش ما في بنات ناس وبنات حمايل الى في المواقع كانت صدمتي قويه وكنت زعلانه عند الوالده بسبب مشكله حدثت معي معاه لي ضربه المبرح لي رجعت وكانت اول مره ارجع لي اهلي منذ زواجي وكان بعد شهرين وكنت قبل ضاربني كف على وجهي في سياره قبل لا اسافر رجعت لامي واول ما شفت فرحتهم وفرحت اخواني كتمتها في صدري ورجعت ودقيت عليه كأن شي لم يحصل بيننا .. لاكن كل اللي اقوله قدر الله وما شاء فعل |
اقتباس:
ولبيب بالاشارة يفهم !!! :eek: وش آخرت المكابر والعناد والتغلي |
اقتباس:
الحمد لله على كـل حـال الله يكتب لك الخـيـر ويرضيك بــه عزوبي:21: بس:d رجل:30: |
انا اسفه لعدم ترتيب كلامي اتمنى ان يكون كلامي مفهوم لكم ..
|
اقتباس:
طليقك مريض نفسي والله مايسويها العاقل اجل يطلب من امك : ياجراااااااااااااااااااائتة وربي الله يعوضك الاحسن منة يارب |
على العموم انا ما طرحت مشكلتي عشان ابغى احديتعاطف معاي بس كنت ابغى اعرف اذا اي احد في مكاني وش راح يكون احساسه او موقفه حتى لو ان الشخص ما يعنيله على العموم اتمنى له التوفيق ولي حياته وعوضه الله خيرا مني ..
|
بصراحه موقف صعب جدا
طليقك يا انه عديم احساس او انه يستهبل وامك اش كان ردها عليه ؟! |
لاحول ولاقوة إلا بالله
انتي في قرارة نفسج شنو تشوفين! طليقج منهار من اللي كلماتج اللي قراها...انتي ماقصرتي في المواضيع اللي كتبتيها من اول مادخلتي ! ليش كل هذا ؟؟؟ ليش كل هالقساوة ؟ والله الدنيا ماتســــــــــــــــــــــــوى ! ارجعي وشوفي المواضيع اللي كتبتيها وبتلقين الجواب اكيــــد ! كان عنده أمل انج ترجعين...يمكن هو بنفسه قال لج عن المنتدى علشان تقرين كلماته وتحنين وكنا احنا نتمنى مثله...بس الصدمة لما صار كل هذا..! اعتقد انه يبي يشوف ردة فعلج شنو ؟ لأنج باختصــــار تهمينه ومازلتي في قلبه على الرغم من كل اللي كتبتيه ! لو مو مهتم فيج ماقال لأمج اخطبيلي....لأنه يقدر يخطب ويتزوج بدون حتى لا ياخذ احد وياه اسأل الله ان يردكما لبعضكما ردا جميلا...ان كان في رجوعكما خير ! او يعوضه بامرأة افضل منكِ...ويعوضكِ بمن هو افضل..,,, |
الله يعوضك خير منه طليقك مايستاهل ماطا رجليك وكلي أمرك لله
وادعي ربك أن الله يأجرك في مصيبتك ويخلف لك خيرا منه بصراحه مثل مايقول المثل ( شين وقوي عين ) سبحان الله & اللهم فرج هم أختي ويسر أمرها وعوضها بالرجل الصالح الذي يكون لها سندا و سكنا ورحمة ومودة آمين يارب العالمين & |
اقتباس:
|
صدقيني كل هذا رد على مواضيعك السابقه
ليش المكابره أنتي وياه متأكده مليون بالميه أن كل واحد فيكم له رغبه في الثاني بس كل واحد يكابر ومواضيعكم هنا بالمنتدى راح تزيد العناد والمكابره بينكم الله يكتبلكم الخير وين ماكان بس ماقلتينا أيش كانت ردة فعل الوالده ؟ |
في سؤال ببالي (( ياليت تردي )) وتتحملي لقافتي ؟؟؟؟؟؟؟
. . عاشق داليا <<<<<<<<<< يكون لك شيء ؟؟ . . لانو إذا كان زوجك ارجعيلووووووووووووووووووو |
الى داليا السعيده ..... عزيزتي طليقك بطلبه من امك ان تخطب له اتوقع والله اعلم انه لا يقصد جرحك بل استثارة غيرتك لأنه متأكد بأن أمك ستخبرك. أنا ملاحظه مواضيعك كلها تدور في فلك واحد (ووراء الأكمه ما وراءها)اذا لازال في قلبك متسع اتركي عنك هذه المواضيع التي تزيد الفجوه بينكما بما ان طليقك معروف لدينا. اما اذا لم يعد له مكان في قلبك فضفضي لكي ترتاحي .والأفضل لك ولصحتك النفسيه والجسديه ترك هذ ه الذكريات واعطاءها ظهرك لكي تبدأي من جديد . اما أذا بقيتي تتذكري الماضي وألامه ستبقين مكانك راوح. ولك مني أجمل تحيه ياداليا السعيده
|
اقتباس:
اقتباس:
والله حتى انا ببالي هالسؤال؟؟؟؟؟؟؟؟ظ وامس بحثت عن مواضيع عاشق داليا وبصراااااااااااااااااااااااااااااااااااحة تالمت عشانة وعشانك لو طلعتي انتي داليتة حرام عليكي نفسك وهو كمان لية هالتعذذذذذذذذذذذيب للبعض وبالمنتدى احفظية كان زوجك او طليقك الله يسخركم لبعض بسسس عااااااااااااانى كثير المسكين..كفاية موقف السب لة امام اختك وامك واكرر لو انتي طليقتة ولو انا غلط فكلل الاعتذااااااار لك غاليتي.. |
حسب الطلب
|
نعم انا طليقه عاشق داليا
انا اكتب اللي احس فيه وااشوفه ما اكتب تخيلات او احلام لاني من عرفته وانا احس نفسي في دوامه كنت ابحث عن الرجل العاقل الفاهم لا المتهور اخذته وبينا عشر سنوات يعني رجل في العقد الثالث انا ما اكابر ولا اقصد شي من كلامي وانا لو ابغى اجرحه كنت ارد على مواضيعه اللي فيها تجريح لي وكذب وافتره وتخيلات منه يعني انا ادري انه يحبني بس احنا مناسب بعض انا حاولت معاه بدال المره مليون ما ينفع يعني انا لو كان فيني عيب ما جلس يكتب عني وما جلس يروح للناس ويتكلم ويبغى يرجعني بشتى الطرق لي انه عارف في قرار نفسه انه مراح يلقى وحده مثلي ماهو غرور والله بس هذي حقيقه .. |
داليا
طالما انك تحبيه فلماذا لاتسامحيه ؟؟!! ثم ان طلب طليقك من امك انما هو لاستثارة غيرتك فهو يحبك الرجل الذي يحب لايجازف بالزواج في وقت قصير وفي قلبه امراءه عاشق داليا اعلم انك تحبها ومافعلته انما هو فقط لتحرك مشاعرها هداكما الله واصلح ذات بينكما |
انا سامحت بي ما فيه الكفايه لين خلاص طاب اللي في خاطري لي انه كل شي بشع في العالم سواه معاي كل جروحه لحد الحين انزف منها انسان اناني وما ماعندي استعداد اضيع عمري ورى انسان مو مقدرني..وفي النهايه اتمنى له التوفيق وفي حياته
شوف كم مره جروحي جات تنزف لك اساي وأنت تستعذب نزيفي..وتجرح القلب بصميمه روح معها واترك الاحزان تلعب في حشاي لاتضيع من طريقي فرصة الموت الأليمه روح معها وخلني.. استمتع بنغمة بكاي خلني رمز بحياتك حتى لو ذكرى قديمه روح واذكرني بخير ولاتسبب في اذاي ولاتشمت فيني العذال وأصحاب النميمه كلها أيام وأدري القادم المجهول جاي وش يخبي عمري المحزون باكر اي جريمه احتمال احبك اكثر من هنا لآخر مداي أو يفيض الشوق من قلبي ويتكاثر حميمه واحتمال يزيد لك في داخلي نسبة وفاي واحتمالاتجنسك واصير في حبكمقيمه واحتمال احبها عنك,,ويطول عناي واحتمال اتحملك واصبر على هموم جسيمه واحتمال واحتمال واحتمال,,يامناي لوطرت في خاطري فكره الاقيها وخيمه لاصرت أنت المرض انصاب بك وأنت دواي وش تسوي لوشفتني من سبب حبك سقيمه بكره يلمع في طريقك نوري وبارق ضياي تستعيد ايام عمرك بين اوقاتي الحميمه كل شارع تعبره معها بتسمع بهنداي وكل ليل يمرك بودك اصير لك نديمه لاضواك الليل تستوحش تكون الا معاي ودك انزع من دجاه المر ظلماته وسديمه وكل لمسه تلمسك فيها بتتذكر دفاي وكل وقت يمرك بدوني..بتستعوذ رجيمه كل نظره منها بتجرجرك حتىسماي في عيوني تضيع..ادري من سبب نظره سهيمه صوتها ضحكة شفاها!مابتوصل مستواي كل صفه مني تقابل عندها صفه ذميمه هذا أنا متلخبطه مدري كيف اكسب رضاي هذا انا متناقضه مابين احساسي وجحيمه هذا انا اتلفت الدنيا ولا ألقىسواي بين انياب الحقايق شوفني طفله يتيمه ولني بس انثى عظيمه عفت هالعالم وراي وجيت اسطر اعترافي لأني بس انثى عظيمه |
أختي
داليا طالما أنتِ وطليقك في المنتدى وكل الأسرار تنشر بين صفحات المنتدى ماهو هدفكم ؟؟كأشخاص واعين أرى أن كل شخص منكما يملك الأراده في حل المشكلات وتقريب الوجهات المختلفة بينكم فلماذا هناك تفتقدون هذا الشي وهنا تشارعون فيه ، أختى من الأفضل لك وله أن تبتعدون بمشكلاتكم الخاصة عن صفحات المنتدي ، وذلك حفاظ على خصوصياتكم فلا تنتشر على الملأ قد تضرين نفسك بهذه الطريقة هناك طرق أخرى وأفضل . هناك أشياء بين الزوجين لا ينبغي أن يطلع عليها أحد . نصيحتي يا أختي ولمصلحتكم أن تكفي أنتِ وهو عن هذا الأبتذال الذي ليس له أي مبرر . . |
| الساعة الآن 11:24 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©