|
صديق زوجي تاجر مخدرات هل ابلغ ام ماذا افعل؟
السلااام عليكم ورحمه الله وبركااااته
احب ادخل في الموضوع على طوول ....... واحد من زملاء زوجي راعي مخدرات ويبع ودائماداخل السجن طالع..صح علاقته في زوجي مو ذيك العلاقه بس ها اليومين ناشب لنا وانا بصراحه متضايقه كثيييييييييييييييير وبصراحه جاي على بالي ابلغ الشرطه عنه وفي نفس الوقت احس بتأنيبه ضمير لان عنده بنات وعيال ومحتاررره وش اسوي ..تكفون ردوا علي لاني والله تعبانه ها اليومين منه وزوجي كل الوقت ها اليومين معاه...اليوم كنت ببلغ بس خفت مكافحه المخدرات تاخذ رقمي ويبلشوني .... |
لو مابلغتى راح يدمر اولاد الناس والشباب مدام يبيع بلغي عنو بالعكس كده بتنقذي ارواح ممكن تضيع
حسبي الله فيه وفي امثالوا يالطيف يارب الله لايبتلينا |
مش فاهمه .. !!!
هل تحسين بشيء مريب بين زوجك وبينه وإلا بس لازق فيكم ؟؟ هل حاسة أن في شي مو طبيعي .. واهم شيء تتأكدين يا تشوفين شيء بعينك أو تسمعينه بأذنك زوجك ايش موقفه منه .. هل زوجك سريع الانجراف لمثل هؤلاء الناس حتى وهو عارف عنه هالفضايح هل زوجك ما يخاف على سمعته وممكن يخترب من هذا ويورطه في مخدرات اذا زوجك مو قدها وما يقدر يوزن الامور و سريع الانحراف فأنقذيه .. بس الخوف يكون متورط معه بشيء أما اذا زوجك قد المسؤولية وقوي الشخصية ويعرف يدبر اموره لا تخافين عليه اهم شيء تتأكدين الحين قبل تفكرين تعملين شيء لأن يمكن زوجك يبي يتفكك منه بطريقة معينة .. تكلمي مع زوجك في هالموضوع .. لا تقعدين تهوجسين لحالك .. هذا زوجك مو رجال غريب حياتكم وحدة ومصلحتكم وحدة وسمعتكم وحدة والي يجرى عليه يجرى عليكِ لا تقعدين تخططين لحالك وانتي ما تدرين زوجك .. قولي له انك تحافين على سمعتكم من هالرجال الي داخل طالع السجن قولي له .. ايش سالفة هذا لازق فينا ؟؟ شوفي ايش يقول |
مشكوره اختي بنت مكه على المرور.....اخت باريسا من ناحيه لزقه فهو لزقه وانا متأكده انه راعي بلاوي وسمعته صراحه في الحطيط هو واخوانه وزوجي يعرف بس ماادري ليش يروح له واذا فاتحته في ها الموضوع يسكره ويقول مالك دخل فيهم وانااعرف اتصرف وبيني وبينهم صداقه من زمان مااقدر ابعد عنهم ..وهذا الرجل مو صغير شايب يمكن اكبر عياله عمره ثلاثين
بس الحمدلله والشكر على نعمه العقل والثبات ...وماعنده وظيفه شكل اكله واكل عياله من الحرام الله لايبلنا ويهديه ويمسك طريق الصواب |
المشكله يااختي لو زوجك مشترك معاه بتصريف شي ولا بيع ولا اي شي ولاتوزيع ايش بيكون ردة فعلك بماانك من الناس الي يأنبهم ضميرهم ومسكو زوجك معاه
الافضل انك تستخيرين اول شي بعدها ترومحين لزوجك وتكلمينه بك=ل ادب واحترام وتفهمينه ان هلاشكال بكرة بشوهون صورته مو بس هوة حتى اولادكم ويصير الناس تعايرهم والله يوفقك ويستر عليكي |
تم النقل إلى قسم المتزوجين .. |
لو بتبلغين عنه يمكن يشيلونه هو وزوجك ويمكن والله اعلم ان بينه وبين زوجك الأمور هذي حاولي تحلين المشكله بطريقه ثانيه وخلي التبليغ آخر الحلول |
بلغي...
|
اختي اذا خايفة على زوجك وعلى بنات الرجل هذا بلغي عنه
وفكي زوجك و المسلمين من شره اختي لانه لو لاسمح الله طاح زوجك بالمخدرات راح تنهار حياتك وحتى لو قال اعرف اتصرف يمكن يحطو له من دون مايدري وهذي البداية الله يحميه ويحفظه ويخليه لك |
حبيبتي قال الرسول صلى الله عليه وسلم فيمامعناه الساكت عن الحق شيطان اخرس وقال المتل قل لي من تصاحب اقل لك من انت هذا من جهة وجهة اخرى بكرة لاسمح الله يبلي زوجك بشربها وزوجك يبيعك له مقابل شمة او ابرة لاسمح الله انا بوضحلك صورة المستقبل اذا بتفضلي ساكتة خلي احد من اخوانك من خط خارجي يكلم المباحث او انتي اشتري خط زين كلمي منه وارميه بعدين ولاتقولي انتي مين خليهم يراقبوا تحركاتوا بس ياريت زوجك يكون بعيد عنه او انتي قولي لهم انك خايفة عزوجك منه واتمنى انك تكوني فهمت صح ايش اقصد بكلامي وبالمتل وبالحديث الله يفرج همك وهمي وهم المسلمين يارب العالمين
|
اسألي نفسك هذه الاسئله قبل التبليغ
1- هل انت متأكده 100% انه مازال يتعاطى او يتاجر بالمخدرات ؟ أم انه قد يكون تاب؟ 2- متأكده من كلام الناس التي تمس سمعته بأنه غير مبني على ماضيه فقط وقد يكون حاضره تغير؟ 3- متأكده 100% ان زوجك لا دخل له في هذا التعاطي أو الاتجار ؟ 4- رغبتك بالتبليغ بسبب انه لازق لكم ؟ أم شفتي عليه شي مشبوه ؟ يا أختي لا تتسرعي فقد تظلمين رجلا تائب أو تزجين بزوجك وراء القضبان اذا ما كنتي عاقله بمثل هذه الامور نصيحتي اجلسي مع زوجك وقوليله ماني مرتاحه له ويا ليت تقطع علاقتك فيه وبس |
السلام عليكم اختي شوفي بصراحة الحكومة ماهي غبية لدرجه هذي دام على حد قولك الرجال انه اكثر من مرة انسجن بيكون مراقب هو وكل من يمشي معهم باستمرار اي زوجك ولا كن نصيحتي لك انك تحاول تنصحي زوجك وقولي له لو صار لك شي لا سمح الله من بيعولنا بعد الله غيرك حوالي تكبرين راسة شوي ويبعد عن الرجال واذا مانفع مالك الى تبلغي على الشخص هذا بس حاولي انك تتاكدين ان زوجك ماله اي صله معاه بالمخدارات ولا بيسحبونه معاه .
ولاتنسين ان هذا يدمر فلذات كبدنا والله حرام عليهم مايخفون الله . اللى يكون بعونك . |
إذا متأكدة 100% طبعا بلغي
|
| الساعة الآن 08:40 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©