|
مابي اكلم احد الحين !! (هذا ماقالته خطيبتي)
السلام عليكم ورحمة الله وبركاته ..
اول شيء اشكر راعي هذا الصرح :22: .. وانا ماسجلت فالمنتدى الا يوم شفت ان في مشاكل اجتماعيه تنعرض ويتناقشون الاعضاء في حلها :17: طبعاً انا ماسجلت فالمنتدى بكتب مشكلتي ومابدخل مرة ثانية , ان شاء الله بتجوفون لي مشاركات فعاله وهادفة فالمنتدى بأذن الله .. ندخل في صلب الموضوع واللي مسجل انا عشانه .. __________________________________ الحمد لله من قبل فترة انا خاطب :28: وعلاقتي في خطيبتي والحمد لله ممتازة :26: ، مساعه كنت اكلمها فالتلفون واهي نفسيتها تعبانه وانا مالومها لكن اذا نفسيتها تعبانه ليش ماتبرد الحره الا فيني انا << يمكن لانها تحبك يالدب وانا ساعات افكر انها تحبني وساعات افكر انها ماتحبني بسبب حركاتها معاي قالت لي بالحرف الواحد مابي اكلم احد الحين مادري شنو اسوي طبعاً انا احين زعلان منها انتهت المكالمه يوم قالت لي مابي اكلم احد قلت لها على راحتج مع السلامة , وانا متاكد انها دام قالتها هالمرة بتقولها مرة ثانية يعني شنو اسوي بالظبط اانا احين مابكلمها لا لين ماتحس انها غلطانه يعني مابتصل ولا بسأل عنها لاني ماغلطت في شيء واذا كنت غلطان احد يقولي معني من اول المكالمه ماغلطت في اي شيء .. __________________________________ هاذي مشكلتي وبأختصار وهي مب مشكلة يمكن خلاف بسيط في وجهة النظر لان انا حتى لو كنت تعبان او متملل او معصب وفالعمل والمدير ضاغط علي وهي تتصلي ماقولها مابي اكلم احد بالعكس ارتاح لين اسمع صوتها .. ____________________________________ انتظرر مشاركاتكم وارائكم في موضوعي واذا في شي يديد بيي اكتبه لكم هني .. |
هلا فيك اخوي بين اخوانك وخواتك =)
هي يمكن قالت ماتبي تكلم حد الحين لانها عارفه انها معصبه وعارفه طبيعتها لما تعصب تقط حرتها ع الشخص اللي تكلمه !! :29: فـ هاي شي عادي .. وانت مافي داعي تطنشها تطنيش تام بس اذا كلمتها اسألها ليش قلتي ماتبين تكلمين احد؟ وصدقني بتقولك كنت معصبه .. بس ترى هاي شي طبيعي فيه ناس نفسك لما يعصبون يتحكمون في عصبيتهم بس فيه ناس نفس هالبنت يقطون حرتهم واذااااااااا كنت خايف انها تعيدها مره ثانيه .. قولها بكل صراحه .. انا لما اكون معصب وتتصلين فيني وانا في عز عصبيتــي وقهـــري، ارد عليج واتحكم في عصبيتي لان صوتج يهون كل شي علي .. بس انتي اذا ماتقدرين تتحكمين في عصبيتج .. لا تكلميني الااااا لما تهدا اعصابج عشان ماتقطين حرتج علي .. بس سؤال .. هذي خطيبتك ولا زوجتك؟ يعني انت مالج الحين؟ |
وعليكم السلام ورحمة الله وبركاته حياكم الله في منتدانا ... بخصوص الخلاف البسيط اللي بينكم ... يمكنك كل شوي تتصل يعني بالعربي (طفشتها ) عذرًا ... بس خلاص لا تتصل لحد ما تعتذر لك عشان ما تتعود تقولها لك المرات الجاية برضو شكلها من النوع اللي يتنرفز بسرعة فطول بالك معها .. بس تهدأ بتعرف إنها غلطت الله يوفقكم يارب |
انت بنفسك حاكي وجهات نظر ومو مشكله,,,صح
طيب ليش تبغ خطيبتك تفهم حكيك ذا وهو انت ماحكيت لها الشئ ذا هي ما دخلت بقلبك عشان تعرف انو الشئ ضايقك. طبيعتها كذا ماتبغ تفش خلقها باحد ممكن تكون خافت ع مشاعرك لو ماردت ..مو في ناس اذا مارد الواحد عليهم من اول مره يروحو يسوي نفس الشئ (صغار عقول)هو مارد علي من اول مره انا مارد عليه من اول مره!!!!!! انت لس تتعرف ع نفسية خطبيتك وهي نفس الشئ الشئ الي مو عاجبك نبها عليه وناقشه معو ماتعرف اش الي حدها تحكي الشئ ذا !!!!! صح المفروض طالما انت ماتحمل وتستانس وانت تحكي معها اذا معصب بس لاتنسى انو هي بشر برضو وقدرة تحملها تختلف عن قدرتك. ماحب اكلم احد وانا معصبه وتصرفي ممكن يكون مثل تصرف خطيبتك:25:والي يزعل يزعل طالما ماحكالي شئ ذا انو ضايقو ..وانا ماحكي شئ ذا الا لناس الي اعزهم عشان ماغلط عليهم وبنفس الوقت اذاماردينا مشكله! |
حياك الله أخوي تو مانور المنتدى
بالنسبه لخطيبتك لاتلومها ترى ساعات تكون للواحد ضروف غصب عنه يتصرف تصرفات بدون شعور قدر الوضع ولاتزعل عليها بالعكس كلمهااا بعد ماتهدى وقولهاا وشفيك سلامات عسى ماشر خوفتيني عليك حسسها انك قريب منها وسند لهاا لاتتهرب وتزعل على شي مايسوى أسمع منهاا العذر أول وعقب أحكم عليها وبطريقتك وصلها انك ماتحب الحركه هذي وأن مالك ذنب صدقني بتكبر بعينهاا وبتغليك أكثر من أول الله يهدي بالكم ويوفقكم ويسعدكم ويهنيكم ويبعد المشاكل عنكم |
اهلاً فيك أخوي عناد ومرحبا فيك بين أخوانك وخواتك
اول شي مبروك على الخطوبة والله يتمم لكم ويجمعكم على خير بالنسبة لسوء التفاهم البسيط الي صار بينك وبين خطيبتك .. السبب فيه طبيعة شخصية زوجتك ومن الآن ضروري تعرف أن البشر في مختلف الظروف والمشاكل والمواقف يتصرفون باشكال متعددة تبعاً لطبيعتهم يعني مثلاً خطيبتك ما تحب تكلم أحد وهي نفسيتها تعبانة السبب ؟؟ لأنها يمكن ما تحب تضايق احد .. ولا تحب تنقل تشاؤمها إلى اي انسان ولأنها تعرف انها ما تتحمل اي مزح ولا اي مجاملة لأاي احد ولأنها ما تحب تفضفض لأحد خطيبتك يمكن تكون من هالنوع .. من النوع الي تحب تحل مشاكلها وتريح نفسها بنفسها وبعدين تكلم الناس المهم في الموضوع أنها بعد ما تهدئ نفسيتها وتتعدل تجلس معاها جلسة مصارحة وتقولها عن الشيء الي يضايقك وتعلمها بالاسلوب الي يريحك والي تحب تعبر لك عن رغبتها في الانسحاب والجلوس لوحدها لأنك زوجها مو واحد من أخوانها أو صديقتها بكذا راح يكون عندها علم ان هذا الاسلوب يضايقك وراح تعمل حسابها في المرات القادمة أنها تراعي مشاعرك وربي يوفقكم ويتمم لكم على خير |
اقتباس:
اول شيء احب اشكرج اختي موووج على الرد بصراحة اثلج صدري الرد .. هاذي خطيبتي ومالج من فترة .. اهي فعلن كانت معصبه على اهلها وانا كنت ااحاول اهديها واغير الموضوع لكن اهي قطعة السالفة وقالت لي مابي اكلم احد احين ،، |
اقتباس:
آمين ،، تسلمين اختي على المرور .. |
اقتباس:
اول شيء اشكرج اختي باريسا على الرد الحلو والله يوفقج في حياتج .. ثاني شيء , انا طلبت منها اني اروح باجر بيتهم واقعد معاها ونتفاهم عن هالموضوع وعن حياتا كلها :18: |
تم النقل إلى قسم المقبلين على الزواج |
حياك الله اخوي بين اهلك
اخوي ليش مكبر الموضوع يمكن البنت عندها مشكله في بيت اهلها ومضايقتها وماتبغ تتكلم فيها لاحد يمكن متضايقه من موقف صار لها موضروري تقلك كل شي لانه لها خصوصياتها ولاتقارن نفسك فيها لانه قدرة الاحتمال تختلف من شخص للثاني يااخي الكريم يمكن البنت عندها عذر شرعي وصدقني اغلب البنات في الايام هذي يتعصبوا من اتفه الاسباب |
انا متل خطيبتك تماما, بس عصب مابحب احكي مع حدا لاني ع تعصيبي يمكن اجرح بالحكي من دون م كون قاصدة هالشي. ولما خطيبتك قالتلك مابدها تحكي مع حدا هلأ ف هيدا لانو مش حابة تحكي ع تعصيبها كلمة تجرحك او تضايقك .هيدي كل القصة. وصدقني هيك احسن بألف مرة من انك ترتبط بوحدة بس تعصب بيصير مابيطبقلها فم وبتحكي كلام طالع نازل . فكر فيها
|
اخي عناد
اعذرني لكني لا ارى اي مشكله ابدا ! بعض البشر اذا تضايقوا ما يحبون يحتكون بأحد هذه طبيعتهم .. لازم نحترمها تعلم ان تتعايش مع هالطبع لانه ما رح يتغير واذا هدأت اعصابها بتفضفضلك ! مو احسن ما تكون معصبة على شي وتتفشش فيك ؟؟ انا ما اشوف مشكله ابدا مثل ما انت ذكرت .. هذه مجرد نقاط لازم تتعودوا عليها ببعض كونكم مخطوبين جدد ومازلتم في فترة الاستكشاف الله يتمم لك على خير |
لبنانيه + ملفوف + بكر الشايب
اشكركم على التواجد ، وفعلاً فكرت فيها يمكن اهي ماتبي تزعلني قالت لي مابي اكلم احد احين . المهم ان ماكان بيني وبينها اي خلاف ولين اليوم ماتصلت لي ولا حتى طرشت مسج انا عندي عاده اسويها كل سبت امرهم البيت واقعد مع عمي وعمتي اتقهوى واسولف معاهم وامشي و احين صارلي 4 شهور طول هالاربع شهور كانت تقعد معاي اذا ايي بيتهم لكن اليوم مانزلت ولا حتى سوت لي الحلاوة اللي احبها يعني مب هامها اي شي حتى انها تارضيني تبيني نا اراضيها !! او شنو السالفة ..! مفكر اكلم امها فالموضوع بس مابي ادخل احد بينا مشاكلي مع خطيبتي كثيره وماحب احد يتدخل بينا انا احب مشاكلي انا احلهم بروحي ماحب احد يتدخل شنو الحل .؟؟ |
قلبت الموضوع حزازيات وماتبي تكلمني وماترد علي ولين اتصل على اخونها يقولون لي فالحمام او نايمه وانا من الصبح اتصل واهي فالحمام او نايمه ياعالم اذا هي ماتبيني تقول وتريحني
|
يا اخوي ارتااح ولا تدق خلهاا وقت ما تبيك تدق خلك ثقيل>> تبي تختبارك ان شاء الله ربي يجمعكم علي خير تحيااتي لكـ |
خلها على الله ،،
طلعت روحي فالدوام ابيها تتصل ماتتصل اعصابي على نار |
انحلت المشكلة الحمد لله وانا توني راجع من بيتهم ..
ماخليت شيء في قلبي ماطلعته واهي منزله راسه وكل ساعه تقول انا اسفه |
الحمد لله ..
والله يجمع بينكم على خير يا رب ~ |
بس انو ماعرفت ليش عملت معك هيك و شو يلي خلاها تتصرف معك بهالطريقة؟ الحلو فيك انك صريح وبتلحق الاشيا من بدايتها . خليك هيك مع خطيبتك لانو الخطيبة باوقات كتيرة بتستحي تخبر خطيبها ب يلي حاسة فيه او مضايقها .والله يوفقكن مع بعض .ورح ضل متابعتكن سوا .
|
| الساعة الآن 09:16 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©