|
اريد اشتري دهن عود وبحاجة لخبرتكم
ابي اعرف وش افضل محل اجيب منة دهن عود
عبدالصمد القرشي العربية للعود أجمل سيد جنيد الماجد للعود اللي شرا منهم يخبرنا |
عبد الصمد القرشي حلو وغالي
والماجد للعود حلو وسعره معقول وبالتخفيض معقول جداً سيد جنيد حلو ورخيص .. |
الماجد حلو واسعارهم معقوله خصوصا بالتخفيض
والعربيه بعد حلو والباقي بصراحه ما جربت بس مخلطات اجمل وجنيد حلوه كثير سواء للرجال والنساء |
مشكورين ويعطيكم العافية ع الردود
|
جميع الامكن جيدة
بالتوفيق |
نبي رد ياجماعة صار لي اسبوع انتظر ردود
وينكم يااهل العود نبي خبرتكم |
القرشي حلو حق المناسبات
وجنيد حق الاستخدام اليومي وفيه دهن عود يجنن اسمه امل الكويت في كويت :22: |
أنا وزوجي نشتري من حرمه هي تعرف في العود ودهن العود والمخلطات
أنا أخذت منها دهن عود توله بـ250 ريال بس الصراحه يجلس في الجسم يوم كامل واذا بغيت الشي الزين يزيد السعر والصراحه إنها مضمونه وتعلمك بالصدق في دهن عودها وإذا كان ماطلع على كلامها تقول لك رجعه وانا قد شميت دهن العود حق القرشي حلو |
المخلط الملكي من أجمل أكثر من رائع
|
|
والله انا اخبر واحد في العوك الاصلي بس كل المحلات الي ذكرتها ما احبها لانها روايح مصطنعه
انا اروح السوامري والخبيتي والحركات هذي او اعرف العود الاصلي من الي مو اصلي هذا الي اقدر اخدمك في كل المحلات الي تبيهم مو كل شي عندهم اصلي بس في عود يسمونه الرحاب غرشه عود رش والله موب صاحيه جربها وانت تدعيلي |
طيب وين السومري والخبيتي هذولي عشان نروح لهم ونجيب العود الاصلي اللي تقول عنه |
العربيه للعود مرررره روعه
|
مشكورين جميعااااااااااااا ع الردود
|
اخوي احسن شي سيد جنيد من وجهت نظري
|
مشكورين جميعااااااااااااا ع الردود
|
روح عند اجمل وقوله ابا شي من الكرتون او عود طلبيه خاصه من الهند مرات تكون لهم طلبيات خاصه
وارخص من المعروض وجرب دهون العود السيوفي حلو احلى من الهندي المحلات اللى ذكرتها انا اصنفها بحسب افضليتها اول شي ياس طبعا ياس اللى موجود بالامارات مب السعوديه بعدين عبد الصمد واجمل والرصاصي العربيه وغيرهم عندهم اشياء تنفع للبيت مش مره حلو طبعا دهن العود حاليا نصه مخلوط بزيت صعب تلاقي اصلي لو اصلي السعر غااالي يعني لوتجيبه من الهند او ماليزيا بيطلع ارخص بكثير او تجار يجيبون من برع احسن |
فيه محل عود في أول شارع الخزان على اليمين ( بين مسجد الجوهرة وطريق الملك فهد )
بصراحة شريت منه أكثر من مرة ممتاز وموثوق وسعر حلو وممتاز |
من خلال خبرتي المتواضعه في العود
انصح بمايلي: دهون العود المعتق الهندي - عند اجمل دهن العود الهندي - عند باشماخ في سويقة دهن عود كلاكاسي - عند عبدالصمد القرشي دهن العود الكمبودي - عند الجويعي على طريق الملك فهد وكل ماكان دهن العود قديم جدا ومعتق يكون اروع واحلى مع التقدير |
مشكورين جميعاااااااااااااا ع الردود
وانا شريت دهن عود كمبودي معتق من العربية للعود ربع تولة ب 150 ريال سعودي |
ياغالي العربيه انا مجربهم اذا شميت العطر عندهم ياسلام عليه لكن مجرد ماتشري العطر وتاخذ يوم العطر يطلع خايس مره نصيحتي لاتاخذ
واما اجمل اخذت من عندهم مسك ابيض والله ممتاز طبعا المسك الابيض للاهل وعبدالصمد احيانا يصير عندهم عرض تشري توله تاخذ نصف توله معه هديه والعود عندهم لابأس لكن عندي نصيحه لاتاخذ العود الاومعك واحد خبره من جد لان الغش فيه كثير والله من زمان وانا اكثر مااشتري العود وانغشيت كثير يمكن 90% من اللي يبيعون عطور شرقيه غشاشين والكلام هذا عن تجربه طويله وعندي لك راي خذ لك ورد والله فواح وحلو واذا بغيت ورد عندك الماجد عندهم ورد اسمه ورد الماجد انا جربته والله جيد وسعره معقول واسف على الاطاله |
فيه محل في سوق الزل أسمة الدغيم للعود
بصراحه عنده دهن عود فاخر ومميز حق شيوخ ، وبخور أروع لايعلى عليه |
عبد الصمد القرشي
عنده دهن مخلط ملكي روووووعه والصراحه دهونه حلوة رغم اسعاره العاليه |
عبدالصمد القرشي هو الافضل لكن غالي
|
دهن عود معتق الهندي عند اجمل جدا حلوو وسعره مناسب
عن نفسي اخذ كنز اجمل "اجمل تريجور" ومن بعده الصراحه عفت اي دهن عود ثاني وللعلم مب موجود الا عند فرع اجمل في مركز مدينه زايد في ابوظبي،، البياع مايطلعه الا للي يعرف انهم بيشترونه.. يقول اييبونه طلبيه خاصه لشيخ والباقي يبيعونه وقد قالي مابتحصلينه الا عندنا بس حتى فالهند مابتحصلينه! <-- والله اعلم سألت عنه فالافرع الثانيه ومالقيته والغريب انهم مايعرفون عنه شي!! يستغربون يوم اطري اسمه وصيت ناس تتخبر عنه فالهند ومالقوه >_< مايبيعون منه اقل من توله والتوله بـ 4500 درهم اماراتي على مااعتقد <-- ناسيه السعر حبيت افيدكم.. وماننسى انه الاذواق تختلف :25: |
| الساعة الآن 04:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©