|
رساله لكل الامهات للاهميه
بسم الله الرحمن الرحيم
كيفيكم يااحلى اعضاااء حبيت اقولكم شي خطييييير جدا بما انى كنت معلمة في روضه للامانه والاهميه احب اقولكم ايش بيسير في معظم الروضات اصحاب الروضات الخاصه على فكرة مفترين جداااا طبعا هدفهم قبل التعليم الفلوس غرض مادى اتمنى من كل ام لديها طفل في روضه انها تتابعوا وتسالوا ايش ياكل وايش يشرب ويلعب في ايش كل شي لاتتركوا اطفالكم وماتسالوا عن شي اقولكم ابسط شي من خلال عملى وراح تستغربوا كانوا اصحاب الروضه يجيبوا الحليب في اول الايام معلب امام الامهات وبعد كده هما يحلو بنفسهم في المدرسه ويارايت ينغلى على النار والله وربنا شاهد عليا بدون غليان بماء بارد والعصير نفس الشي بماء عادى حتى مو مبرد والسندوتشات من اي زوايد في بيتهم حلاوة طحنيه مخلوطة بشكولاته جبنه زايده اي شي طبعا كتير حايقولوا انى باابالغ في الكلام بس دا الوضع تحت شعار ((ابنائكم امانه في اعناقنا)) انتبهوا لاطفالكم وتابعوهم طبعا ماكنا نقدر نسوي شي نحنا المعلمات وانا في الاخر تركت الشغل والله دي اماااااانة المهم تابعوا اولادكم والله على مااقول شهيد |
حسبي الله عليهم ~ هذي مو روضـه ! خير ؟ بس ليش المدرسـه ماتطلب من كل ام ترسل وجبة ابنها ! معاه ؟! ويريحـون راسهم ؟! انا كنت اشتغل بمركز معوقين وكنا نطلب من الأمهات يرسلون وجبات اولادهم .. معاهم . قرررف ... المفروض بما انك طلعتي ! كان تكلمتي بدال ماسكتي وطلعتي بدون اي نتيجه ؟! |
الله يجزاك خير اختي على هذا التنبيه ....والله يرزقك الزوج الصالح عاجل ياااااااااااارب وتشوفين عيالك وتهتمين فيهم,,,بصراحه حسيت فيك حنيه واهتمام بالاطفال الله يرزقك من وين ماتروحين
|
اقتباس:
اكلم ميييين حاولت الجا لمواجهه في مشكله كبيرة ليا بسب الرواتب والظلم طنشت وكل واحده ترمى على التانيه والامهات مايسالوا على اولادهم واحيانا ام تجيب ولدها وتروح تدرس في جده وفي اطفال ايتام وفي امهاتهم مطلقين اكلم ميييين لمن كنا نكلم المديرة تقول كفايه وجبه صغيره دا كرم من اصحاب المدرسه بيقدموا وجبه والله مايشبعوا واذا طلبوا زياده مايوفروا تانى اذا كان العدد كبير |
اقتباس:
تسلمى على دعائك |
نقل قسم التربية والحوار الاسري مكااانة الانسب
|
الله يسلمك يارب ....
بس جد وش صار على سالفة خطوبتك بشرينا ؟؟؟؟ |
الله يجزاك خير بنت مكة ذكرتيني ببنت أختي أيام ماكانت في الروضة
ملبستها أمها ذهب ( غوايش ) ورجعت البنت بدونها ويوم تسأل أختي قالوا يمكن طاحت منها !! عارفين الغوايش مو بالسهولة تنزل بس الله عليهم أما عن الروضة اللي تحكي عنها من جد ما يخافون الله مايشفون الأمهات وش قد يعانون عشان أطفالهم تعجبني الروضات اللي تبع دور التحفيظ الموظفات فيهم خير وذمه الله لا يحيجنا لعباده يعطيك العافية ياقلبي |
اقتباس:
الحمدلله على كل حااااال تسلمى على مشاركتك |
اقتباس:
وصلت للسرقه ياساتر لا احنا كانوا قلة امانه من جد مايخافوا الله لازم المتابعه:30: اول ايام الدراسه يجيبوا افضل شي عشان وجود الامهات وبعد كده خلاص |
شكرا لك يالغاليه
من جد تنبيه مهم راح اقول للي عندهم اطفال يدرسون في الروضه |
مشكوره عالتنبيه ياختي ...بس الشرهه على الامهات اللي تعتمد عليهم حتى بالاكل ...ماقول الا حسبنا الله ونعم والوكيل
|
مدام المختار
وداع تسلمووووو على مروركم انا كتبت الرساله تنبيه ويااااارب الامهات مايغفلوا عن اطفالهم |
وانا قول هالبنوته طيبه وحبوبه
اتاري كانت تعمل بالروضه وقلبها طفل زي الاطفاااااااال اللي كانت تلعبهم حبيبتي اخبركم عن الروضه هنا انما خايفه يجيكم احباااااااط كانت بنت سلفي مسؤله عن المطبخ وتقول فجأه ويحضر المراقب من غير انذار وخصوصا للمطبخ وكنت اشوف بعيني الشوبن هي تتسوق للحضاانه وتقول كل يوم بدها 35 كباية رز غير الخضروات والفواكه والصبح الترويقه وبالاخير تزوجت عقبالك وانجبت ولد ولكن تقووووووول ولا ممكن اضع اولادي بالحضاااانه |
اقتباس:
بس مافهمت ايش يعنى تشوف الشوبن مافهمت الحكايه ايش:30: صح دا كان مستوى الاكل لكن تعليم ممتاز طبعا عشان احنا ابلات شطورين كانوا الاطفال يتخرجوا وهما يقروا ويكتبوا بالعكس الروضه مفيده جداااااا بس انا قصدي لازم الام تتابع اطفالها في الوجبات او تعطي وجبه من البيت افضل |
بارك الله فيكي يا الغلا, والله يكملك بعقلك...
صراحة إحنا في زمن إنعدم فيه الضمير.. |
اقتباس:
يارب تتزوجي وربنا يرزقك بالذريه الصالحه ولمن تدخلى اولادك الروضه اتذكرينى وانتبهيلهم :28: |
لا حول ولا قوة الا بالله
شكرا اخيتى على التنبيه الله يعطيكى ما تتمنى وزيادة تحياتى |
حبيبتي في الصالح وفي الطالح والي علينا كماهات اننا نسعى ونحاول افضل السبل لراحة اولادنا وبناتنا
|
متعبه
mano_moom تسلمو على مروركم |
الله يجزاك الخير بنت مكه على هالتنويه
اناعندبنتي اول اسبوع كانوايعطولهم وجبات هرفي معلبه والاسبوع التاني كل واحد يجيب وجبته احسن كدا وانا مع الخاله جرين المشاركة الأصلية كتبت بواسطة GREEN222 وانا قول هالبنوته طيبه وحبوبه اتاري كانت تعمل بالروضه وقلبها طفل زي الاطفاااااااال اللي كانت تلعبهم الله يارب يرزقك بالزوج الصالح ااامين |
اقتباس:
تسلمى على مرورك ودعائك :22:ممتاز تابعى بنتك احسن واعطيها الوجبه وريحى نفسك |
مشكوره اختي على التنبيه
ولكن على الامهات المتابعه الدائمه لاطفالهن سواء في الروضه او في المدرسه لانه اذا كنت انت لاتهتمين باطفالك وتتابعينهم فلا تتوقعي من الاخرين الكثير لانهم يرون اهمالك لاطفالك فلا يابهون لامرهم |
اقتباس:
صح كلامك خصوصا الا ماعندهم ضمير والا مايخافوا الله حسبي الله فيهم |
لاحظت بعض الاهمال وقت اشتغلت فترة بسيطة في روضة أطفال
لكن الحمد لله في روضه رحت لها كانت الوجبات تجي من بره يعني السندويتشات مغلفه من مخبز والعصير المعلمات اللي يصبوه لهم في الكاس يحطون لهم نص كاسه بعضهم تكفيهم وأطفال ما تكمل وأطفال مرات يحتاجون مزيد يطلبون يا ابله لو سمحتي بعد يهاوشونهم وقولون لهم بس خلاص كنت أحس بعضهم يغصون في اللقمة وما يعطوهم وفي روضة ثانية كان الوضع نفس اللي قلتيه في الأكل أحس قرف لأنه العدد كبير مو مثل البيت وغير كذا يبيعون عليهم حلاوه ومصاصات وشوكولاتات المفروض ما يصير كذا في روضة الأطفال وأكثر شيء لاحظته انهم يصرخون على الأطفال ويخوفونهم وقت أمهاتهم مو موجودين أنا أخاف من بعض المعلمات وإذا صارت الأم موجودة ياسلام تصير المعلمة وحده ثانية هو صحيح الواحد يفقد أعصابه وممكن يهاوش ويصرخ ويصير كذا بين الأم وعيالها لكن يبقون عيالها ولها حق عليهم حتى لو تمادت وضربت أحيانا أما إنه عيال الناس يهاوشونهم ويسبونهم وهم أطفال مساكين وأهلهم مو موجودين مشكلة شكرا على التنبيه عزيزتي |
عذرا غاليتي ممنوع فتح المواضيع القديمة
|
| الساعة الآن 10:35 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©