|
كيف أتعامل مع هذا الرجل ؟
السلام عليكم ورحمة الله وبركاته
مشكلتي عويصة مع واحد نششششششبة 7 سنوات والين اللحين ناشب تضاربت معه تهاوشت معه تلاقطنا وصلت قسم شرطة والين اللحين ناشب فيني ابقولكم القصة من اولها انا شاب عمري 20 سنه خاطب ادرس فالجامعة قصتي مع هالنشبة بدت وانا بأولا متوسط كان عمري 12 كنت اجتماعي وراعي فرفشة يعني كنت معروف بالمدرسة ,,,, المهم يوم من الايام كنت رايح للوكيل عشان عندي اختبار ماختبرته كان فيه واحد جالس فالمكتب كبير شوي كان اكبر مني بسنتين هو بثالث متوسط وانا بولا متوسط المهم قالي وش عندك هنا :d قلت عندي اختبار عند استاذ حسن ماختبرته :d قال بس كذا هههه امش اخليك تختبر عنده اتوسطلك انا موب لازم تكلم الوكيل المهم انا استانست وقلت امششش يالسنايدي كلمة ويروح يكلمه واختبرت ومشت اوضاعي المهم هالولد ذا صار صديقي :d صرت ازحف واحد فالعالم صديقي بثالث متوسط حسيت اني قوي وزاحف وفله وكل شي فالعالم :d المهم صرت اقعد معه بالفسحة دايم انكت وهو يضحك ويعطيني جوي :d يضحك على اي شي حسيت اني مستر بن يوم خاويته ههههههههه عطاني ثقه في نفسي خاويته سنه بعدها صار يتكلم كلام شاذ ووصخ يعني مثلا يقولي اذا صرنا بلحالنا عطني بوسة :d انا من بعدها صرت اكره اني اقعد معه حسيت انه مخاويني مصلحة مدري وشلون سحبت عليه سيفون ونقلت من المدرسة المهم صار كلللللل يوم يتصل على الثابت 3 مرات فطور عشا غدا :d كل شوي متصل زهقني حتى ابوي قال صرف خويك ذا ترا انشب ابو ابونا وعطيته رقم جوالي وصار يتصل 9 مرات :d كل شوي متصل وانا ماودي اقوله ضف خشتك مستحي او خايف مدري كان كبير وشراني وانا توني بزر المهم مرت الايام وكبرت وبلغت وحسيت اني اقوى واحد فالعالم :d خشن صوتي وصرت احس اني قوي اي واحد يتحرش اتهاوش معه :d احاول اسمع الناس صوتي هههههههه اذا دق التلفون ارد عشان يسمعون صوتي قلت ياولد مدام انك اللحين بلغت وصرت قوي ياخي ليش ماتقولة ضفففففف وجهك اطلع من حياتي :d واتخذت القرار وقلت لازم اسدحها بوجهه هالنشبه علما بأني كنت ارد عليه تسليييييييك يعني بشين نفس ودق وقلتله يابو فلان انت انسان نشبة وتدق عشرين مره فالليوم وداشر وراعي دخاخين وانا منيب راعي هالسوالف عشان كذا اطلع من حياتي :d قال هاه وهو منصدم قلت اللي سمعته عاد قال لا ياشيخ :d قلت عاد اللي سمعته :d ويبدا يصيح ههههههههههه قسم بالله يصيح وانا منصدم قلتله يابو فلان وش فيك قال ياخي لاتتركني والله احبك ومدري وشلون انا :d قلت لاااااا ذا مجنون رسمي قلت لعد تدق وسكرت بوجهه ويدق يدق يدق وانا مارد :d لين آخر شي ارسلي رسالة مخيفة شوي قال رد لا اجيك بيتكم والعن خامسك :d انا خفت لانه شراني وراعي مطاقات وفزعات وسكاكين :d قلت الله يكفينا شره وصرت ارد عليه من الخوف كان عمري يمكن 16 بس ماقابله اصرفه المهم صابني تحطيم نفسي ليش ماقدر ادافع عن نفسي............ قلت ابتضارب معه واللي فيها فيها :d يوم دق قلتله ابو فلان لعد تدق تراك اقلقت حياتي ياخي اطلع من مخي ياااااااخي ماصارت ذي والله لو انك زوجتي ماسويت كذا حرام عليك :d 10 مرات تدق فالليوم ياخي والله لو انك زوجتي كان طلقتك بالثلاث ياااااااااخي :d المهم انجرح وقام يصيح وقال كلام مدري وشلون زوجتي لو تقوله طلقتها ههههههههه قال احبك وانت عمري وحياتي ومدري وشلون :d ومن القهر سبيته حسيت بقهر اللحين ليش ولد اللي يحبني ليش مو بنت :d قال اسمع تبي تكلمني كل يوم وترد ولا بلعن خامسك وانا مراهق مندفع قلتله اعلاااااا مافي خيلك اركبه المهم يوم من الايام كنت طالع بروح للمدرسة جايني بجمس ههههههه معه ثلاثة :d ديناصورات ههههههه وانا جسمي صغير مايمديني عليهم ومعي اخوي نزلو علينا كسرونا تكسير هههههههههههه اقسم بالله انطقيت طق موب طبيعي انا واخوي انطقيت طقه على راسي وطحت واخوي انطق انا تقطع قلبي على اخوي حقدت قمت فالمستشفى وابوي يهاوش ومنقهر مننننننننن اللي سوى فيكم كذا :d وانا خااااايف قلتله ابو فلان سوى فيني كذا :d قال وين بيتهم قلت ماعرف بيتهم << خايف قال قلي وين بيتهم لا امصطك بالعقال وعلمته وين بيتهم وراح للشرطة واشتكى عليه وتلوه على اذنه وجابوه للقسم وجا ابوه قام يترجى ابوي وابوي مطير عيونه قال خلاص بنسامحة هالمره بس مايتعرض لعيالي مره ثانية وكتبوه تعهد المهم طلعت من المستشفى سليم قعدت 2 مرتاااااااااااااح مايدق ولا شي حسيت اني سجين واطلق سراحي الله وش هالحياه اخيرا عشت :d فلللللللللللله ابو فلان مايدق علي بعد سنتين جاني اتصال :d رديت بصوتي الخشن الرجولي نعم قال ماعرفتني قلت لا :d قال انا ابو فلان عاد انا :17: قلت وش تبي ؟؟ قال ياخي اشتقتلك قلت تشتاقلك الطواعين لبطنك وش تبي قال الله الله يعني جا ابوك بتسوي قوي علينا قلت ايه بس اتركني بحالي يرحم ابوك ياخي تزوج وفكني تبي ازوجك ههههههه المهر علي بس فكني من بثارتك ياشيخ قال وينك بقابلك قلت همانا تهاوشنا ياخي وش تبي قال اسمع تبي تقابلني ولا بيصيرلك زي ذيك المره قلت هاه قال اللي سمعته قلت يابو فلان وش دعوة انت عارف اننا اخويا من ايام المتوسطة :d جيت بعلم ابوي بس خفت تصير مشاكل لبوي المهم رحت قابلته بلحالنا وانا حاااااااااااااااقد ودي اربطة واجيب العقال وامصطه وهو يسولف وانا اهوجس قلت ياولد ليش ماتصفقه اللحين مامعه احد :d وهو في نص السواليف طبيت عليه كالاسد طق طق طق طق طق وجو عيال الحارة فكونا بردت حرتي يوم انه يطق اخوي المهم ازداد حبه لي وصار يدق 12 مره فالليوم اقسم بالله ياعيال 12 مره يدق يقول وش اخبارك ويسكر واللحين عمري 20 وعلى وجه زواج بيقعد يبثرني كذا ماصارت ذي والله موب حالة ذي اقولة لاتدق يدق مدري وش اسوي ازوجة ظنكم ؟؟؟ شكلي بدبرله مهر وافتك المشكلة رقمي مااقدر اغيره وحتى لو غيرته بيجيبه لان رقمي مسجل عند الجامعة يدق في كل وقت لييييييين اللحين ويجيبلي هدايا ملييييييييييت سويت معه كل شي وش اسوي بظنكم ؟؟؟؟؟؟؟؟ |
ما فهمت إشي :eek:
|
[align=center]متاكد ان هذا اللي صار بس[/align]
|
وشلون متأكد ؟؟
يعني انا نصاب مثلا هههههههه اقسم بالله ان هذا اللي صار وفيه اشياء ماقلتها اعظم واعظم خلها على ربك بس |
[align=center]اقصد متاكد انه مصار بينكم شي
يعني لما طلب منك بوسه ماتجاوبت معه خلك صريح مع احترامي للجميع على هذه العبارات[/align] |
لا والله ماصار شي بس كان يلمح
|
[align=center]طيب انت كيف ترضى بهالكلام والله عيب
ليش ماوريته الادب واخبرت ابوك مباشرة بكلامه هذا استغفرالله هذا شخص لوطي وعقابه عند الله شديد عموما الشباب دايم يفهمون بعض اذا لك عم او خال او قريب منك اكبر منك يعني يكون بسنه او اكبر فهمه السالفه وخله يقابله معك ويقوله وش المطلوب بالظبط الرجال بيتزوج[/align] |
:( اشبك لوطي الرجال الي يكلمك شاذ وش تنتظر بفهم!!!!!!!!
انت اش تتوقع يبغى منك!!!!!! بصمتك وقبولك يعني موافق هالشئ (ممكن يكون هالشئ براسو) استغرب مجاراتك لو بالكلام..لاترد عليه وريح راسك.واظن في خدمه للجوال استخدمها وريح راسك لرقم الي ماتبغاه رقم غريب لاترد وانتهى. |
دي قصه
المهم فعلا اتصرف في الرقم بلاك لست اي شي واضح انو شاذ وناوي على شي لازم تطنش وتبعد |
ياناس اقولكم تضاربت معه رحت للشرطة
وبعدين هو شرااااااااااااااني راعي مشاكل يعني عادي عنده يقتل اكلم خالي اخاف ينشب بخالي ههههههههههه وغير كذا اذا مارديت عليه يدق من رقم ثاني وانا اللحين مارد عليه بس نشب فيني لو مثلا زوجتي شافته يدق كل شوي بتفكرني اغازل ولا شي وهذا اللي انا خايف منه وغير كذا انا ماجاريته بالكلام بس هو نشبة نششششششبة ماعنده كرامة سبيته سكرت بوجهه ويدق |
ونسيت اقول شي
هو يقول انا احبك زي اخوي مابي منك شي يحاول يسوي نفسه شريف عفيف بس يلمح بعض الايام |
اصلا الرجال الحقيقي يستحي يقول حتى مجرد كلمة ان فيه واحد لمح لي
وانت مبسوط الرجال يستكبرونها وانت مستانس وع |
مستانس ؟؟؟
اقول كبار الاسامي شكلك متضايقة او منقهره وحطيتي الحرة فيني انا قاعد اطرح مشكلتي عشان القى حل ؟؟ ومن قال اني مبسوط ؟؟؟ لو اني مبسوط ماحطيت مشكلتي هنا وانبسط ليه ؟ الحمد لله والشكر انا انسان خاطب وبتزوج قريب اقول روحي نومي احسن ولا اقري قرآن عشان تنسين |
لاحول ولاقوة الا بالله
ياخوي ماتقدر تكلم شيخ مثل سليمان الجبيلان دايم قصصه تتكلم عن هالأشكال وانه بفضل الله ثم فضله استطاع ان يحتويهم وان يستهدو على يديه بعد الله رقمه موجود بالنت اكتب اسمه بقوقل واتصل عليه بإذن الله سيحل مشكلتك |
طيب فيه حل ثاني
تعامل معه معاملة رجال اذا دق عليك قله تفضل على القهوه واعزمه بوجود ابوك ولا اي احد خله يستحي على وجهه |
ههههه اجيب ابوي ليه ؟؟؟
انا اقدر اقعد بلحالي لانه لو جا ابوي بيتهاوش معه وبعدين انا اقدر اوقفه عندحده بس يدق هذي المشكلة ويجيني في المسجد ويجيني فالجامعة انا مشكلتي اني بتزوج وهو يدق كثير بس |
من جد هذا غريب اعوذبالله
حالته حاله طلع رقم ثاني مو باسمك بأسم صديقك بأسم امك اي شي اهم شي مايقدر يطلعه واستخدمه احسن ماتجيب لنفسك سالفه مع زوجتك |
طلعت وجابة ابن ال ,,,,,,,,,,,,,,,,
ياخي نشبة بشكل مو طبيعي اقولك يجي المسجد والجامعة |
جيب جوال سوا ماحد يعرفه الا زوجتك
وخلك مقفله طول الوقت لاتفتحه الا لضروره ولا اقعد بدون جوال نهائيا ومالك الا الدعاء بان الله يكفيك شره وحصن نفسك واقرا الاذكار والله يفرج همك |
ماقصرتي جزاك الله خير
|
في خدمات بالجوال ماتقدر تشترك فيها!!!!!!!!!!!!!!!!!!!!!!!!!
بالمسجد اذا جاءك اعتذر وماظن في حكي ينحكى وانتم تصلون ..وانت طالع من المسجد سلم وامش واتركو ع اساس مشغول. بالجامعه اظن محاظرات ..الي اذا بيحظر معك:25:يونسك ويتثقف معك فيلم هندي احسو كذا:) |
لااااااااا هو مايكلمني هههههههه
بس يجي يشوف ويطلع يلاحقني يعني بس لانه يدري اني لو كلمني ابشتري رشاش واثور براسة يدري اني ماطيقة بعيشة الله |
ياخي هذا مريض ولا وش قصته
استغفرالله بس |
اتوقع انه مريض لان حتى اهله مايحبونه
ابوه مايطيقة بعيشة الله اخوه الكبير مايعطيه وجه كلهم يبون الفكة من شرة عاطل باطل عمره 22 والين اللحين مادرس جامعة |
مالها دخل الجامعه
كثير مادرسوا جامعه وناس محترمين وكثير بالجامعه وناس فاسدين بس هذا انسان سيء الله المستعان |
شر البلية مايضحك:d
مدري وش اقول بس منجد صاحبك هذا كأن في واحد مسويله سحر عليك لزقة ابو اسد اعوذ بالله ماعندي حل لانه لو قفلت عليه باب بيجيلك من باب ثاني المشكلة لو علمت عليه الهيئة اخاف على قولتك يطخكم برشاش وانت ماتدري حتى من ورى سيارة وانت طالع من البيت استغفر الله بس الله يكفيك شره ويحفظك منه وتروح لزوجتك سليم معافى طيب هو مايدري انك بتتزوج يمكن يكرهك لو درى :22: الصراحة مالك الا انك تدعي باوقات الاجابة ان الله يبعده عنك ويبليه بنفسه قول آمين |
لابس فيه فرق
هو حتى ابوه مايحبه واخوياه داشرين وتفكيرة مريض مريييييييييييض مثلا من زمااااااااااان على ايام الثانوي مره طلعت معه غصب عشان كنا رايحين مع الحلقة وهو بيرجعني حلو ووقفنا عند مطعم وكان مامعي فلوس قال خلاص انا بدفع عنك قلت اوكي طلبلي شاورما بخمسة ريال كل الحساب مرت الايام وقلتله خلاص لاتكلمني وكذا قال اييييييه انت مخاويني مصلحة هههههههه قلت متى خاويتك اصلا قال تذكر يوم ذيك المرة اشتريلك شاورما هههههههههههههههه بالله وش رايك بالمرض ههههه يمن علي بخمسة ريال مريض وفيه امثلة كثيرة تدل على تفكيرة الشاذ المريض |
ياحول ! والله مع احتـرامي لك قصتك جابتلي المغص ! رجـال وش طووووووووولك ماتقدر تبطحه وتوطى بطنه ؟! مالك غير ترجع ثاني مره للشـرطه ! وتبلغهم بموجب البلاغ الي قبل سنتين وان هالأنسان ماكفاك شـره ويبي يأذيك وانه يهددك ولا اقوووووووووولك عندي فـوكره جوهنميه ! خليه يتصل على بيتكم وجيب تسجيل ! وسجل مكالماته وكل شي يطيحه وانه شاااذ ! بس انت بالبدايه هاوشه وقوله ليش تدق علي وان هالشي حرام ~ وانا بلغت عليك ومو عجزان ابلغ ثاني مره وخليه يهددك احسن عشان يطلع كله بالتسجيل ! يعني سحبه بالكلام لين يروح بخرايطها ~ ووديـ للهيئه نسخه وللشـرطه نسخه ! خلينا نشووووف وش نهايتها ! |
طنشششششششششه! وهو بيطفش! اذا كان كلامك صحيح وانه ما صار بينكم ولااااااااااااشي!!
وخلك جاااااااااااااااااااااامد قدامه! اذا شخصيتك حبوبه لا تظهر هالشي قدامه ابداااااااااا.. خلك جللللللف في تعاملك معه.. وتجاهله تماما.. |
ع العموم اذا صادق مادري كيف ترضى ع نفسك وانت عارف الرجال اش غايتو لوطي
لوطي اصحى:18:انت رجال قوي مو قادر دافع عن نفسك:23: |
وين حنا عااااااااايشييين .........لو ماعطيته وجه من البدايه مانشب لك ......فيه ازعاجات تجينا يالحريم ونقدر نتخلص منها بالتطنيش او تدخل الرجال فيها .........وانت ماتقدر عليه .......قوي فيه اللي اقوى منه ......مريض فيه مصحاات .....مجرم فيه سجن ......
|
عجيبة سالفتك يا أخي
هذا رجل مريض و فاضٍي , و إنسان منبوذ , وفارغ روحياً علشان كذا تعلق فيك كما قال الشاعر : فصادف قلباً خالياً فتكمنا فالقلب إذا كان خاليا تعلق بأي شيء و هذا يسمونه عشق شيطاني, و أعرف هذي الأشكال زين و زي ما قال الإخوة اشتر لك جوال بدون اسم يعني سوا أو غيره و ارتح منه و من غثاه و أنت أحسنت في تطنيشه استمر على هذا الوضع إلى أن يمل و يفقد الأمل و إذا استمرت المسألة على كذا لا بد توقفه عند حده إما بالهيئة أو الشرطة أو تهدده بأحد أقربائك أو أصدقائك يمكن يرتدع و عليك بالدعاء ( اللهم اكفني شر هذا , و اصرفه عني و اصرفني عنه ) و انت مقبل على زواج فلا بد تتخلص من هذي المشكلة قبل ما يعملك سالفة و أنت متزوج يمكن تحصل له غيره إن تزوجت , يعني يغار عليك الله يعنيك يا اخي |
للخيل هيبه وللمواقف رجااااااااااااااااال.................
|
اقتباس:
بعد هذه الخطه من ضرب او قتل لاسمح الله فالتطنيش افضل لك وله ... لاترد لاعلى اتصالات ولا تقف عنده وهو يلاحقك نهائيا ... حتى لاتنظر له من الاساس... وفقك الله اخي في زواجك وكفاك شره .. |
شكرا لكل اللي ردو
اما اللي يقول رجال وش طولك ولا تبطحة ههههههههه هذا ماينفع معه شي واصلا هو مايخلي عليه شي يعني مثلا يدق ويقول وش اخبارك ويسكر ولا يسب ولا شي بس يبان التهديد من نبرة الصوت ثانيا الاماكن العامة يجي مايكلمني بس اشوفة يناظر مايخلي عليه ايييييي شي ثالثا هالانسان هذا مجرررررررررررررررررم نذل مريض عادي عنده يصير سفاك عاااااادي يعني لحد يقولي رجال ومارجال انا تضاربت معه سويت كل شي بس هو انسان نشبة وش اسوي على فكرة الليوم دقيت على ابوه وقلتله السالفة وقلتله لو مايجيبها ولدك على بر انا بروح للشرطة قال خلاص مايكون خاطرك الا طيب ومدري وشلون بس انا اللحين لو رحت للشرطة وش اقول ؟؟ ماعليه اي ممسك هذي المشكلة انا خوفت ابوه و إن شاءالله يجيب نتيجة |
والله هادي مشكلة عويصة صاحبك او الشاب يلي في القصة معك عنده شذوذ جنسي انا اتعرضت لهيك موقف مع بنت خالتي ما فية شي بخوفهم الا الفضيحة هدده انك راح تفضح امره واواجهه لانة ممكن اكون مرض كامن ومو عارف ليه هيك عم بتصرف
|
احتاج مترجم
|
لاتستبق الاحداث...مو حكيت لابوه خلاص ووعدك خير!!!!!
اما وش تحكي لشرطه :25: ماتخيل رجال يروح لشرطه ويسالوه يحكي رجال يتحرش في ههههههههههههههههه انتظر واصبر:) |
من جد شر البليه مايضحك
الله يعينك على ماأبتلاك والله أنها بلوه كبيره تخيلوا كان في واحد معجب بزوج أختي أربع وعشرين ساعه مسنتر قدم محله من جد ناس مرضى ألين جت الشرطة وخذته كان عليه قضيه وأفتك زوج أختي أنقلبت الدنيا صار الرجال يعجبوا بالرجال هههههههههههه الله يعينك أنا الي خايفه عليها الي بتتزوجها دامه شراني تخاف ينتقم منك أذا تزوجت الله يستر |
الله يعين
اللي يده فالنار مو مثل اللي يده فالماي ياللي تضحكون |
| الساعة الآن 04:51 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©