|
خطيبتي لم تقدم لي هديه
السلام عليكم ورحمة الله وبركاته
كنت أتابع المنتدى لفترة طويلة واستفدت منه كثير والمنتدى من اروع ما يمكن والحمد لله حبيت اعرض لكم اللي في بالي حتى تعطوني رايكم لانكم اهل للمشورة انا شاب كتبت كتابي ولله الحمد قبل شهرين تقريبا ومبسوط مع خطيبتي وشايف اننا حابين بعضنا الحمد لله حاجة وحدة انتقدتها على خطيبتي انها من يوم كتبنا كتابنا ما اهدت لي ولا هدية حتى هدية الملكة ما وصلتني :( انا اهديت لها اكثر من هدية واجيب لها ورد وحركات حلوة وهدية الملكة لحالها كلفتني حوالي عشرة آلاف ريال ما بين دبلة وجوال وساعة وعطورات وشي فخم مرة والله ما فكرت في المبلغ ابدا لانها تستاهل واكثر لكن كان في بالي انها راح تهديني هدية للملكة ولا اهدتني شي ابدا وفي كل مرة ازورها اتوقع انها بتهديني لكن لسا ما اهدتني شي .. انا ما افكر ان الهدية لازم تكون من النوع الفلاني ولازم تكون غالية بالعكس ابغى منها اي شي .. بس احب اتكشخ بهدية زوجتي. لما تكون اهدتني عطر مثلا استخدمه واي واحد يسالني اقول هذا من خطيبتي وشي زي كذا خصوصا اني انسان رومانسي واحب الهدية بمعناها لا بقيمتها انا طبعا ساكن في خارج الرياض وهي في الرياض وازورها دايما حتى والله المشوار يرخص لعيونها . لكن استغرب بقوة من انها ما تهديني مع اني عارف انها تحبني مرة ومتوافقين الحمد لله .. احيانا اقول لانها اكبر اخواتها ما تعرف كيف تتصرف واحيانا اقول ممكن تبغاها في وقت حلو لكن اشوف الوقت راااح وهي لسا ما اهدتني شي .. حتى حالتهم المادية ممتازة جدا يعني مو قاصر عليهم يشترون هدية وناس متحضرين وعايشين في الرياض طول حياتهم :( انا بصراحة كنت مصدوم لما قابلتها يوم الملكة واهديتها الهدية ولا قدمت لي شي ابدا :(:( ايش رايكم اصارحها والا لا .. كيف ممكن اصارحها هل برسالة او أكلمها او ايش .. هل في ناس ما تعودت تهدي للزوج هدية وان الهدية بس تجي من الزوج للزوجة !! ساعدوني الله يخليكم .. زواجي قرب ولسا في شي ناقص .. مو متصور كيف إني من شهرين متملك ولا قدمت لي خطيبتي شي .. حتى أهلي لما سألوني عن الهدية يوم ملكتي كذبت عليهم وقلت لهم كذا وكذا كذا والحمد لله انها ما قالوا لي بنشوفها .. لاني ما حبيت تكون صورة خطيبتي عندهم مش حلوة :( افيدوني بسرعة الله يخليكم |
عليكم السلام ورحمـة الله
حياك الله بين إخـوانك وأخـواتـك وعسى دائما تستمر معنا عضو فعـال ومتـألق مـمـكـن أنك مثـل ما ذكـرت بأنها اكـبـر خـواتـها وما تـعـرف مثل هـذه الأمـور او ما تـجـرأت،،،او ممكن عائق مالـي،،، لـكـن مـمـكـن تـخـلي وحده من خـواتـك تـزورها وتسولف معهـا، وتقترح عليها بـإهـداء هديـة... أو مثلاً تـهـدي من جـهـتـك امك واهلك لأهـلها،،، وهـم بالمقابل يـهـدون لـكـم،، وبتـكـون هـي من ضمـن المهديـن لك..... وممكن تجـرب مـرة انـك تقـطـع الهـديـة،،،، لعـلها تـنـتـبـه...... وتـذكـر المداوم على العـطاء أي كــان شكله هدية، حـقـوق،،،، هـو الكسبان بالنهاية بعيد عن حسابات العطاء بالمقابل.....!!!! وعلى العـمـوم ما عندي زود معـرفة بهذه الأمـور لكن حبيت اشارك وأبارك وأدعـي..... ومبرووووووك مقدمـاً يا عـريـس.......:14: بارك الله لك وبارك عليك وجمع بينكما على خـيـر عزوبي:21: بس:d رجل:30: |
امممم
أنا أول مرة أسمع عن هدية الملكة من الخطيبة محد علمني بهالشي أنا مالقيت منها إلا هدية وحدة يوم عيد ميلادي بس الباقي تعوضه بالكلام الحلو و الرسايل الأحلى على الرغم من إني مغرقها هدايامن كل الانواع لكن تكفيني كلمة حلوة منها تسدد بها كل اللي عليها ما تدري شو ظروفها يمكن ماتلقى حد يوصلها للسوق كل مرة أو عندها ظروف ثانية ( دراسة أو ماشابه) و الله يوفقكم و يخليكم لبعض |
والله اللي اشوفه وفي مجتمعي إنها مو ضرورية !!
العادة عندنا أن الزوج فقط منه الهدايا والزوجة على حسب اختيارها أو على حسب طبعها لكن ضع في بالك عدة أعذار لربما مثل ماقلت إنها البنت الكبيرة وماعندها خوات كبار تستفيد من خبرتهم .. وإلا إنه مو من عاداتهم البنت تهدي زوجها هدية قبل الزواج ويمكن بعض الناس يعتبرونه عيب ماأجزم ولكن أقول ربما ! :) طيب ماجربت تلمح لها بإسلوب مزاح مثلاً ,, يعني وش رأيك وش تحبين أستخدم من عطور .. أبي عطر من ذوقك ويمكن هي تفهم وتشتري لك عطر على ذوقها كـ هدية لك .. أنا متأكدة 100 % إنها مسكينة غافلة عن هذا الموضوع ويمكن مع دوشة تجهيزات الزواج وطلعة الأسواق والخرابيط اللي ماتنتهي نست هالموضوع تماماً فإعذرها .. !! لا تخاف ولايهمك هذا الموضوع نهائياً وحاول تتجاهله !! والله يوفقكم ,, ! |
والله اسمحلي اخـوي مشكلتك مرررررررررررررره عاديـه واصلا لاهي مشكله ؟! انصحك لاتسوي سالفه لخطيبتك عشـان هديـه ومادري شوو ؟! وبعدين انت قلت انها اكبـر خواتها ... حط تحتها مليون خط ! اكيـد انها ماراح تعرف ولا تدري وش يجاب للزوج ؟! واحتمال بعد .. انه ماجا ببالها ان هالشي ضرووري لأن الصراحه .. الهدايا متعودين منها تكون من الرجل ؟! والمـرأه .. كل ماحسستتها بالحب هي بتعطيك اغلى من الهدايا قلبها وحبها ووفااائها لك وتفايناها بحبك ~ يعني لاتخرب حياتك عشان هديـه وهالحكي ~ صح حلوووووووو ان الأنسـان يحتفظ بشي من الشخص الي يحبـه .. بس لاتخلي هالشي هااااااااااااجس يشغل بالك ويعني هو من باب الذوووق ان بالملكه العروس تجيب هديـه لخطيبها وهالشي صاير عندنا كثير ومعترف فيـه بعد بس كل ناس لهم طبايعهم . الله اعلم يمكن انه في بالها تهديك بس تحس انه مافي مناسبه .. الله يووووووووووووووفقك يارب ويسخركم لبعض ~ |
اقتباس:
;) سبحان الله!! يعني كنا في الماضي نحاول أن ننصح ونعقّل المرأة التي تعيش وهم الهدايا وتعمل منها مشكلة عويصة .. والآن أصبحنا نرى الرجال يعيشون نفس الوهم ويضخمون الأمر لدرجة شعورهم (بالصدمة) لأن المخطوبة لم تقدم هدية!!!!!!! هداك الله يا أخي!!!! الأمر لا يحتاج منك كل هذه الصدمة .. بل هو أمر بسيط وعادي .. وأزعم أنه من السابق لأوانه أصلاً أن تقدم لك خطيبتك أية هدية .. وأول مرة أسمع أن المخطوبة (ملزمة) بتقديم هدية الملكة لخطيبها!!!! أما عن مصارحتها .. فإياك ثم إياك .... فبصراحة سيكون موقفك سخيفاً جداً .. وسيكون شكلك سيئاً للغاية .. وستبدو مثل الطفل الذي يشتكي لأن أحداً لم يقدم له الحلوى!!!!! |
قد تكون كلمة احبك في وقت انت تحتاجه اكبر هديه
ليس بالضروره ان تكون الهديه عينيه .. احيانا الهدايا المعنويه افضل مليون مررررره من الهدايا الماديه |
آنآ الصرآحه توني آعرف آنو البنت تعطي خطيبهآ هديه يوم الملكه .؟؟
يعني يمكن هذه عآده عند آهلك .. بس عندهم لآ مدري والله .. بس آختي مآعطت خطيبهآ هديه في ملكتهآ .. بس بعدين لمآ تعودت عليه صآرت تشتري له ومو دآيم بـ المنآسبآت فقط ! يعني مآحس آنه شررط .. |
شوي شوي علي يا جماعة :D
الهدية في مجتمعنا تكون متبادلة .. يعني الزوج يهدي والزوجة تهدي .. غير كذا الرسول صلى الله عليه وسلم قال (تهادوا تحابوا) فليش تنتقدوني يا جماعة !! الهدية قلت لكم بالنسبة لي بمعناها لا بقيمتها .. أحب تعطيني خطيبتي شي من ذوقها .. معه كرت تكتب فيه عبارات أحتفظ به طول عمري .. ذكريات لا تنسى يا ناس .. ليش مخلينها غير مهمة !!!!! أهم مناسبة في حياة الزوجين هي مناسبة ارتباطهم .. إذا ما صار فيه تبادل للهدايا فكل المناسبات بعدها أقل أهمية :11: أنا أسألكم عن حل وأنتم هجمتوا علي :( |
اول مره اسمع فيها
الى اعرفه انه الرجل يعطي البنت ونادر البنت ماتهدي شي رمزي في عيد او مناسبه وماهو ظروري انت مكبر السالفه لاتنتظر منها هديه ولاتشغل بالك بالتفكير بهالاشياء السطحيه الله يجمعكم على خير وتكون لك احلى هديه |
ماشاء الله عليك اخوي الله يديم المحبه بينكم يارب....
انا العكس منك سبحان الله .. كنت دايم في فترة الملكه اهدي زوجي لما يجي يزورني وهو حتى الورد والله ماجابه لي.. ودايم على هالحال لين انا ملييت وتفشلت من اهلي كل شوي اقولهم فشله زوجي بيزورني بعد كم يوم لازم اشتريله شي.. عاد اهلي تفشلت منهم يقولون ليه انتي تهديله وهو لااااا... ومرره تجرأت وسألته قالي الحب والغلا في القلوب مو بالهدايا.........خخخخخخخ صدق طاح وجهي..ومن بعدها ما عادت تهمني هالمواضيع.. ماتت الرومانسيه ودفنتها بعد.... اتوقع زوجتك مبسوووووطه كثير على الهدايا ويمكن مجتمعها ماعندهم ان الوحده تهدي زوجها والحركات هذي مثل ومجتمع زوجي.. ولو تقطعها عنها بتزعل وبتاخذ على خاطرها لانها تعودت تاخذ منك ما تعطي.. والحل انك تطلب منها انها تعطيك ذكرى حلوه منها علشان تتذكرها وانت بعيد عنها..لانك تشتاق لها .. ويمكن مع الوقت راح تفهم وتتعود.. اتمنى لك حياه سعيده |
الهديه يا اخى اكيد بتكون فى عيد ميلادك او عيد الجواز ان شاء الله .....ساعتها اكيد هتهديك
لكن هديه لكتب الكتاب ( الملكه) من العروسه ؟؟؟؟؟ اللى اعرفه ان العريس هو اللى بيعطى الهديه لزوجته لان ربنا اعطاله اجمل هديه وهى الزوجه ...يعنى الزوجه هى نفسها اجمل هديه ليك عزيزى انت فاهم الموضوع غلط .....وبعدين لسه بقالك شهرين يعنى اكيد ما مر عليكم عيد ميلاد او حتى عيد الحب عشان تختبرها اذا كانت بتعطيك هديه ام لا وأياك ان تطلب منها او تصارحها ......انت كده بتحسسها انك بتعطيها هديه لأجل انك منتظر هديتها فقط لا لأأجل حبك وتقديرك لها انا اعلم ان هذا ليس قصدك ولكنها ممكن ان تفهم هذا بشكل خاطى وتعمل مشكله من لا شئ |
شوف عزيزي
أهنئك على رومانسيتك وذوقك بس أنا أقولك شغلة صارت معي أنا شخصياً خطيبي جاب هدايا يوم الملكة وطول فترة الملكة وهو يهديني وأنا ماأعطيته ولاشي (حياء وربي لا أقل ولا أكثر) بس اشتريتله هدية وأهديته إياها يوم الزواج بعد مارحنا الفندق ومن يومها لي سنة الحين متزوج وأنا أهديه بدون مناسبة بس كل مااشتهيت له شغلة حلوة شفتها في السوق اشتريتها له وبس ياعزيزي.. وانـــــــــــــــــــــــــــــــــــــــــــتــــــــــــــــــــــــــــــــــــــــ ــــــــــبـــــــــــــــــــــــــــــــــــــــ ــــــــــــــــــه تعاتبها عشان ماأهدتك هدية أحس شكلك بيطلع غللللللللللللط وسلامتك أخوي |
ياشيخ لاتشيل هم شكلها تحبك بس تستحي تعطيك هدية ولا ماعندها خبره لانها أكبر أخواتها واذا جات لك يوم
الزواج ان شاء الله هي أكبر هديه.... |
انا متزوج اكبر اخواتها .. والله العائله كلها ماهي داريه وين الله حاطهم ولا عندهم خبره بها الامور ابداً .. :d والله يا اخوي الموضوع جداً عادي :d ولا تشيل هم انا لي الآن خاطب ومتزوج تقريباً سنتين ومررره وحده جابت لي هديه عطر انت اللي تجيب هدايا وانت اللي تدفع وانت اللي تكع بكل مكان ولاتنسى انك بفترة ملكه يعني لاتخلي هالاشياء التافه تأثر على جو هالفتره . انا عندي لك فكره .. مره قولها بروح السوق .. وادخل مثلاً بودي شوب .. نكتار .. اي مكان معروف وعطوره حلوه وقولها انا بالمكان الفلاني وابي اخذ لنفسي عطر وابعتبره هديه منك وخليها هي تختاره وعلى ذوقها . كذا تكون اخذت لنفسك هديه على ذوقها وعلى حسابك .. :d وحاول كل ماتروح عندها تتعطر بنفس العطر اللي اختارته وقولها شوفي العطر اللي على ذوقك ريحته الله والله ماكنت ادري ان ذوقك حلو لها الدرجه حتى لو العطر ماعجبك بس عشان تعلمها فاهمني .. والله راح تتعلم . :22: وصدقني مره ثانيه هي من حالها بتجيب لك عطر احلى منه . هذي فكره وانت كيفك .. والف الف مبروك مقدماً والله يكتب لك الخير ويجعلها زواجة الدنيا والآخره .. |
اقتباس:
أخي الفاضل.. لا يقول أحد إن الهدية غير مهمة .. وبالتأكيد لن نلومك أو نستنكر عليك أن تقبل هديةً من خطيبتك ـ إن قدمتها لك ـ ولكننا نقول إن الأمر لا يستحق أن يتحول إلى موضوع أو مشكلة أو صدمة كما قلت أنت. (تهادوا تحابوا) صحيح ... ولكن هل سينتفي الحب أو يصيبه خلل إن لم تكن هناك هدية؟!!!! تريد حلاً؟ ليس هناك حل يا أخي .. فالهدية في النهاية يجب أن تكون بدافع ذاتي من خطيبتك .. وليس من اللائق أن تطلبها أو حتى تلمح لها مجرد تلميح. |
| الساعة الآن 04:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©