|
حسرة قلبي على سنيني (مستجدات الرد 72 )
ياما دخلت أتصفح و أفرأ المشاكل و آخذ منها الحلول اللي تفيدني
لكن أنا اليوم ابكتب لكم آخر مشكلة صارت بيني و بين أبو عيالي و ياليت تفيدوني أبي أحد يوقف جنبي زوجي إنسان مغرور ما عنده ثقة بنفسه يخاف من المواجهات ما يتناقش في أي شي و غير منظم (خاين - لا يحسن معاشرتي - يمارس العادة السريه ) إذا جيت كلمته بهدوء قال لي قفلي الموضوع و إذا جيت له بالصراخ ضربني و إذا رحت عند أهلي يخليني يوم و بعدها يترجاني أرجع مشكلتي الحاليه إني قبل فترة هددته إذا ماراح يتصلح يطلقني و جلست على هالحال 8 شهور أهدده و في العيد إجازته كانت 6 أيام ما فكر يغير علينا جو وكان يجيب أولاد أخته من الصبح لليل يلعبون مع ولدي وهم أصلا أكبر من ولدي مو مشكله لكن المشكله إني كنت أتمنى هالإجازة و بعدها حتى راحتي ما قدرت آخذها في بيتي في أول يوم جا بيرجع دوامه أتفقت مع صديقاتي نطلع الصبح نفطر بالمجمع و نتسوق قلت له إحنا بطريقك تودينا ؟ قال لا خذو ليموزين قلت له كيف و إنت موجود و إحنا بطريقك قال لي ماأبي جلست أفكر ليش يسوي كذا على الرغم إن صديقتي ياما مرتني و طلعنا جيبت أقول له وش السبب قال يمكن يمكن أحد من أصدقائي يحتاجني أوصله و طبعا وهذا ما يصير إلا بالشهرين مره (غريب الموضوع) بديت أشك يمكن يكون يطلع معاه وحده من خوياته الصبح بعدين غير كلامه وقال ماأبي أتمشور من الصبح بعدين قال لا أنا ماأحب هالطلعات ( تعبني ) كنسلت الطلعه بعدها بيومين جيت أقول له قوم خلنا نروح كوفي و أنا عازمتك قال لي لااا ماأبي يوم الجمعه (يوم الإجازة الوحيد) بطلعك قلت له أنا مخنوقه الحين قال لي ما يخالف كان فيه شي غريب نظرته لي فيها شر مدري ليه المهم جا يوم الخميس بالليل كان زواج صديقتي حظرت الزواج و رديت عرفت إنه مارس العاده السريه سكت عنه جيت جلست جنبه قال لي ابعدي شوي نفسي انقطع ( على طول هو كذا ) بس أقرب جنبه تجيه كل أنواع الأمراض و الضيقات المهم طنشت بينت له إني مره كنت مبسوطه بالعرس و وووو يوم ثاني يوم الجمعه جااااااا المفروض إنه يوم إجازته و بيطلعناااااااا و ماصار قال ما عنده فلوس و كان توه معطيني المصروف قلت له خذ اللفلوس اللي أعطيتني و ياهم و يلا قوم قال لااااااااااااااااااااااا سكت بس لما جت اليل ما قدرت أنام طبعا و إذا شافني مو نايمه بيسألني وش فيك أنا مو قادره هو ليش يسوي فيني كذا أنا مو منقصه عليه شي مدلعته و حاطته بعيوني أحسه مررررره يكرهني وهو يقول إنه ما يطيقني بعدها يوم الأحد قلت أبطلع مع أمي و أستأذنت منه قال لي وين رايحه قلت له السوق الفلاني بيودينا أخوي و إنت راجع من الدوام خذنا قال لي لا اللي يوديك يجيبك قلت له عيب وش فيك قام يصرخ وووو نرفزني مررره طلعت مع أمي وما بينت لها شي بس لما جا الوقت إنه المفروض يجي ياخذنا ماإجا أتصلت عليه قام يقول أنا مو مسؤوول عنك أنا وقتها خلاااااص انهرت ما في تفسير لا لخياناته و لا تقصيره و لا أي شي يسويه فيني بدال ماأرجع بيت زوجي رحت مع أمي البيت أتصل علي وينك قلت له أنا ببيت أبوي قاللي أنا جيت أستحميت و و كنت بطلع لك بجيبك من السوق ( خاف إني أتركه وما أرجع البيت لما عرف إني ببيت أبوي قال لي هالكلام) قلت له لا مو إنت مو مسؤوول عني أبوي مسؤوول عني و تعال تفاهم معه على الطلاق أبوي يستناك جا لأبوي و جلست معهم قال لي قومي أنا ماأبي أتكلم و إنتي موجوده قلت له لا طبعا أبي أسمعك لازم ودي من زمان أسمعك ما قال شي غير لك اللي تبه بطلقك وهو طالع سأل و العيال قلت له بكيفك إما عندي أو عندك قال يبيهم ( روحه فيهم ) قلت له خذهم ولدي الصغير عمره 6 شهور و الكبير 4 سنوات بعد ساعه رجع لي ولدي الصغير و خلا الكبير معه للصبح وهو رايح الدوااام جابه لي بيت أبوي قال يبي يشوف عياله قلت له طلقني و لك اللي تبيه بعدها بـ 5 أيام رجع يبيهم أنا مارضيت وجا بيت أبوي على صوته على أبوي في الحوش يقول له ابوي أدخل نتفاهم قام يصرخ على أبوي إنت مو رجال ...الخ قمت أنا صرخت بوجهه يطلع بره بيتنا و تعبت مررره و نفسيتي بالحظيظ طفشت ما عندي ثقة فيه نهائيا و لا حسيت معه بالأمان و لا ألإستقرار س أنا لازال عندي أمل إنه ينصلح كيف ينصلح هل اللي سويته أنا صح إني جيت بيت أبوي و ابيه يطلقني و أهدده بأولاده يطلقني عشان يشوفهم طولت عليكم أدري بس هذا نقطه من بحر همومي وأنتظر آرائكم |
هلا حبيبتي الله يفرج همك وهمي
بس شلون عرفتي انه يمارس العاده السريه+ هل يشوف افلام اباحيه وبعدين كل هالفتره افهم من كلامك صارلكم متزوجين اكثر من 4 سنوات وكل هالفتره يمارسها ولما فاتحتي بهالموضوع وش يقول لانو انا اعرف انو الرجال يستغني عن زوجته لما تتواجد هالعاده بحياته |
أختي الكريمة واضح أن زوجك متردد بين أنه يريدك ، وبين أنه يبغى يرتاح شوي ، ليجدد حياتكم ، ولازم تشوفي إيش سبب خيانته ، وهل حالته أول الزواج جيدة؟ وكذلك هل هو من النوع اللي يفقد أعصابه وبعدين يتندم على ذلك؟ برأيي أنه يحتاج لمراجعة نفسيته وفهم سبب تغيره ، ممكن ظروف العمل أو الحالة المادية أو ضغوط تجيه من هنا وهناك لدرجة أنه يبحث عن الراحة ، ولذلك لجأ للخيانة وعدم المعاشرة والعادة السرية حاولي تبحثي عن أسباب تغيره ، وبعدها إبدأي العلاج معه خطوة خطوة ، والطلاق ليس بحل وخاصة مع وجود الأولاد ولذلك تعامله معك ومع والدك ورفع صوته عليه خارج عن إرادته ، لأن فيه شئ في نفسه ولازم تكتشفيه أتمنى لك التوفيق والله يردكم إلى أحسن مما كان |
ابي رضاه
عرفت إنه يمارسها اولا شكيت فيه لأنه كان بعيد مررره لما سألته إنت كذا صارحني وقال بيبطل وليومك المشكله ما انحلت عبد العزيز أقول لك هو انسان صعب التفاهم معه ولو جيته بالطيب قال لي قفلي الموضوع أبكي قدامه أنهار ما في فايده أترجا فيه يقول وش اللي فيه وش ناقصه ما يقول ولو جيته بالصراخ و اللوم يضربني |
اقتباس:
من كلامك يوضح أن زوجك أناني وما يهتم بمن حوله وخاصة أقرب الناس له وهي زوجته ، ولذلك حاولي أن تلهي نفسك عنه ، بمعنى خليك كأنك غير مبالية معاه ، ولما يشوف التغير فيك راح يسأل ، وبعدها كلميه بلطف وحاولي يكون أسلوبك هادئ وإصبري على تعنته وقسوته |
شكرا أخي عبد العزيز
لكن أنا الآن في حيرة من أمري أنا الآن ببيت أبوي لو كلمني و قال لي ارجعي هل أرجع له(أتوقع مستحيل)؟ أو أجلس ببيت أبوي لحد ما يمكن يجي يتكلم معاي في حياتنا ؟؟؟؟؟؟ أنا جدا جدا حاقده عليه كل مااتذكر تقصيره العاطفي معي أتعذب ياليت تنصحوني أكثر زوجي من النوع أللي أنا لو بادرت وجيت لحد عنده ومسكت يده بيسحبها مني ولو جيت جنبه قال لي كتمتي على أنفاسي ولو مسحت على شعره يصرخ علي يقول لي ::::::: إنتي حشره مزعجه أقول له حرااام عليك طبعا غير الخيانات ليه يخون و أنا موجوده أحتاج إنه يتكلم معي و يهتم فيني ليه يمارس العاده السريه و أنا موجوده ...نفسيتي تعبت لدرجه إني صرت أشوف حالي قبيحه لما أحد من أخواني يمدح أناقتي أتكدر ليه هو ما يشوفني ليه مو زوجي اللي يمدحني .... الخ أنا حاولت ألهي حالي عنه لكن ما قدرت يعني كثير مرات قلت له بروح أشتغل يرفض بروح النادي يرفض أو يقول بعدين و بعدين هذي ما منها أمل ساعدوني أكثر |
اقتباس:
حبيبتي اهدي شوي اهلا فيك ويانا يا الغلا،،لا يزعلين وتعصبي نفسك ادري انك حزينة من للي قاعد يسويه زوجك بس العصبية ما راح تفيدك باي نتيجة،، من خلال للي قلتيه انا ارى ان هناك شئ في داخل زوجك ما يقدر يقولك عليه ومؤثر جدا على نفسيته،، وينعكس على تصرفاته معاك،،كونه يقول قفلي على الموضوع اذا هناك شئ ما،لما تجيبين سيرته ما يقدر يحكي فيه،،وبذلك فهو يفضل عدم الكلام عنه والدليل على انه مؤثر على نفسيته جدا هو انه يضربك عندما تصرخين،، هناك غموض احس فعلا ان هناك غموض في ما حكيتيه يا ليت توضحين عن زوجك اكثر،،وكيف هي علاقته مع الله،،وهل يصلي ام لا؟؟؟ الله يفرج همك حبيبتي،،في انتظار ردك،،،،، |
أختي الفاضلة هو شايف شئ وعنده حاجة تركته يتغير معاك ومع أهلك ولذلك حاولي قدر المستطاع أن تغضي الطرف عن تقصيره معك عاطفياً وشرعياً ، وحاولي تعرفي سبب تغيره هل كان بداية الزواج كذا؟ هل تصرفاته تغيرت في الفترة الأخيرة؟ هل لما يدخل البيت تكون نفسيته تعبانة وخارج البيت لا؟ زوجك أحد أمرين : إما أنه مستغني عنك وما يبغى عشرتك لسبب - إبحثي عنه - ، أو أن في شئ شاغل نفسه وقلبه لدرجة كرهه وضربه لك وتعامله السئ معك |
اختي الكريمة،تفضلي هذا الرابط عساه يفيدك قليلا فانا اراه شاملا لموضوع العادة السرية..
والله يجزاه الجنة صاحب الموضوع.. والله الموفق http://www.66n.com/forums/showthread.php?t=164931 |
حبيبتى اهدئى أشعر بألامك
بس أجيبى على الاخ عبد العزيز وبإذن الله بنساعدك |
أخي عبد العزيز شكرا على تفاعلك مع مشكلتي
هو شايف شي خلاه يتغير علي و على أهلي ماأقدر أحدد الشيء هذا أبدا كيف ممكن اعرف سبب تغيره وهو ما يحب يتكلم ولا يفتح أي موضوع بس ممكن أقول لك على إستنتاجاتي أنا كثير دلعته لو كان محتاس بريال رحت لأبوي وأخذت منه عشان أسد ضيقته عمري ماأخذت منه موقف حازم يعني يغلط عليي أكتفي إني أبكي أو أصرخ عليه عمري ما شكيته لأبوي أو لأي أحد حبيته دايما يكون بعيون الكل أحسن إنسان أنا متزوجه صار لي 6 سنوات وقبل سنه ونص بس بدأو أهلي يعرفو بمشاكلي مستحيل يكون مستغني ولا ليش لماأجي بيت أبوي بعدها على طوول يرسل لي مسجات و يتصل على أخواني (أخواني3 كلهم أصغر مني) وهو دايما يفضل يتصل عالصغير عمره 16 سنه طبعا هذا من قلة رجولته يستحي من ابوي بشكل مو طبيعي و كان يشكني لأمي بلول بس بعدين لما عرفو أهلي ليش أنا دايما عصبيه و قلقه صارت أمي تعطيه ردود على قد شكاويه مني أنا أبدا ماأنكر إني عيبي الوحيد إني بسرعه أتنرفز و أعصب صار عندي الضغط و زياده في كهرباء المخ من يوم عرفت إنه يخوني كان عنده أصدقاء من أسوأ الناس في المنطقه سمعتهم زفت على مستوا منطقتنا و كانت خناقاتي بلولعشان خياناته وعدم ثقتي فيه والثاني أصدقاء السوء كنت أخاف أحد من أعمامي و لا خوالي يشوفه مع واحد من هذول لحد ماجا يوم سووله مشكله و أبتعد عنهم بس بعد ايش حياتنا صايره كأني الأم اللي جالسه تراقب ولدها المراهق و ليلها ونهارها تقول له مايصير و لا يستوي ... حاولت أبطل هالعاده بس صار يتمادى صار يجاهر بالغلط يعني يخوني ويروح يقول لكل الناس أنا أعرف فلانه و فلانه وووو يوصل الكلام بطريقه مباشره أو غير مباشره الي أتعب أنهار مو حرام كذا؟؟ آخر مره أنا أتصلت على وحده صديقتي (زوجها معاه بالشغل) قلت لها قولي لزوجك كم جوال عند فلان اللي هو زوجي (بعد ما ولدي خبرني إن بابا عنده جوال بالسياره ) ( هذي سالفه غير الأولى) طبعا صديقتي سألت زوجها وزوجها على طووول جاوبها عنده جوالين واجهته قام ضربني بعدها نزلت للسياره و هو نايم و دورت الجهاز ولقيته و أتصلت على كل البنات اللي فيه كانو في بنتين أعمارهم 14 سنه أنا هددتهم إذا ما يقولون كل شي بشتكي عليهم عرفت إنه يبي سكس فون ويبي يشوفهم وووووو تعبت تعبت من جد قمت صحيته من نومه و وريته الجوال بيدي و طردته من الشقه وطلع ساعتين ورجع لي يدق الجرس بعدها راح جاب لي شيخ ينصحني ما يبي يطلقني و جايبه عشان يقنعني لا أتطلق كشفت وجهي للشيخ من حر ما فيني وقلت له أنا قبيحه قول لي أنا قبيحه ليش يسوي فيني كذا و خبرته عن كل شيء وزوجي ساكت و عيونه مررره طالعه لبره تعجب من كلامي أحسه ما تخيل إني ممكن أقول للشيخ اسرارنا وطلع الشيخ وأخذه معاه و رد بعد ساعتين ولا شي بعد كذاااا غير أنه أعتذر وقال آخر مره ومن جد ماشفت بعدها شي بس مو معناها إني أثق فيه لأنه لازال ما يعاشرني صح و هالكلام صار له 5 شهور أخ عبد العزيز أفكاري متضاربه جدا وهذا جزء بسيط من معاناتي وهو تقريبا داخل البيت و خارجه نفس الشي يعني يسب الكل بالشارع وحتى أمه و خواته ما يسلمو من لسانه و أمه لو تغلط علي ممكن يسبها علشاني (غلط) مره همجي مره ما يفكر مره ما عنده أسلوب لكن لو كان واحد شوارعي بيحترمه لو كان واحد عنده منصب بيحترمه لو كان صديقه خانه (ماراح يقطع علاقته فيه) ممكن تفسرو لي أيش يعني وللحديث بقيه |
hermosa
يصلي أكيد ما يفوت ولا فرض لكن مايروح المسجد صلاته بالبيت ويصوم و الحمد لله _____ ما فهمت قصدك بالغموض إذا كان أصلا مشكلتي أساسها غموض زوجي و أسأليني و أنا بجاوبك وش تبين تعرفين عنه ؟؟ وشكرا لإهتمامك و الله لا يحرمني منكم |
معاناتك يا أختي كبيرة ، و الله لايحرمك الأجر على تحملك وصبرك ولكن من خلال سرد معاناتك إتضح أن زوجك شخص صعب المعشر ، والكل يحاول يتجنبه ، لأنه تعود من صغره على الكلام الجلف والغير محسوب حسابه ، وممكن غير واثق من نفسه ، ويحس بالنقص ، وكذلك لأنه إتكل على غيره في مصروف حياته منذ الصغر على ما أظن ، يعني يحاول تكون طلباته مجابة و باردة مبردة ، ولذلك لا أنكر شجاعتك وصبرك وتحملك مع شخص مثله قضية المعاشرة هذه لازم تتأكدي ليش هو ما يقربك ، لأنه بصراحة ما أتوقع شخص يكره المعاشرة بدون سبب ، إلا إذا كان على عادته القديمة ولم يتغير ولذلك صارحي زوجك وقولي ما عاد أتحمل جفاك لي وتعاملك السئ معي ، و إذا ما استجاب لك ، كلمي والدك وخليه يتدخل في الموضوع ، يا إما يمسك بإحسان وطيبة ، أو يعالج نفسه وما عانى منه في بداية حياته ، أو الفراق يعني إذا كان هو رجل على قد المسؤولية فراح يحاول يصلح من حاله ، و إلا ففراقه رحمة لك إن أردتي والله يكتب لك الخير |
شكراااا جزيلا أخي وما قصرت
كلامك هذا هو اللي أنا سويته ألحين و الله إنك جبتها أنا نزعت الحياء و قلت لأبوي كل شي مررره تأزم ابوي لكن هو قال لي أجلسي بالبيت لحد ما نشوف هو ويش بيسوي طبعا أخ عبد العزيز أنا قلت لأبوي الكلام اللي ما ينقال و كشفت أسرارنا وحاسه بالذنب و شرطت على أبوي مهما صار بينه و بين زوجي من كلام لا يجيب له طاري العاده السريه (هذا إذا زوجي تكلم مع ابوي ) طبعا كل شوي يتصل يبي يشوف العيال على الرغم إني كتبت له مسج تبي تشوفهم حدد وقت تجي تشوفهم فيه كل يوم وقت معين مو كل شوي (أنا ماأرد عليه و لا أسمعه صوتي ولدي اللي يرد ) و غير كذا اليوم راسل لي مسج يقوول انه يبي يغير أثاث البيت ويبي رايي أنا مارديت عليه لأني لو رديت عليه معناها أني أعطيه امل إني برجع له هل اللي سويته صح ؟ صح ابوي قال لي بيعطيه مهله 3 اشهر إذا ما يجي بيرفع عليه دعوة طلاق صح ولا غلط؟ |
الحمدلله أنك تكلمت مع والدك ، بس لازم تأكدي عليه أنه ما ينشر الأسرار ، وهو أهل للثقة و أدرى بمصلحة ابنته و أنا أحس أن زوجك متندم لكن مو عارف إيش يسوي ، ولذلك إصبري شوي وخليه يعرف قيمتك و إن كان الموضوع ما تعدل معاه وما فيه فائدة فلازم تفكري قبل كل شئ ، في نفسك و أولادك ، وعواقب الأمور و إن شاء الله أمورك طيبة لأن زوجك يبغاك وما لقى طريقة إلا عن طريق الأثاث حتى يوصل لك إصبري وخلال هذه الفترة إستخيري الله تعالى ، وقيمي نفسك ونفسيتك ونفسية أولادك و بإذن أمورك راح تكون إلى خير |
حبيبتي زوجك اكيد عنده مرض نفسي،،
لازم يتعالج عند طبيب او ممكن انت بتروحين عند اي طبيب تشرحيله كل تصرفات زوجك و انك تبين تعالجيه بطريقة معينة وهو يدلك عليها،،و انت سوي للي يقولك.. كل تصرفاته ناتجة عن شئ بداخله واظنه ضعف كبيييير يحسسه بنقص ما،، للي يضرب يكون حاسس بنقص/للي يمارس العادة السرية كمان عنده نقص وحاسس بضعف/ما يبي يتكلم يحس بضعف،،،، لكني اراه متمسك بيك وهذا جميل..لذلك نصحتك بمعالجته بنفسك ان خفت ان يرفض فكرة الطبيب النفسي و ممكن يضربك،،ولم انصحك بالطلاق لا ادري حبيبتي بس ما حبيت انك تحكي المواضيع الشخصية لابوك و انت مش متأكدة من انك مقررة الطلاق،لانك ممكن تتصالحين مع زوجك ويصير كويس ان شاء الله وتنسين كل شئ،،بس ابوك مستحيل ينسى.. الله يوفقك وياريت تطمنينا عنك |
hermosa
في مره بينت له إني أنا أخونه و خليته يصدق كنت أبي أحسسه بمرارة الخيانه أشتريت شريحه جوال و أعطيتها لأخوي و قلت له بس تلقا زوجي يتصل عليك حول الجوال على عمي فلان هو بيعلمه الأدب طبعا أنا كنت أسوي مكالمات صادره للرقم و كان بدون إسم في جوالي طبعا بما إنه شكاك بياخذ أي رقم عندي(من قبل خجلني مع ثنتين من صديقاتي) المهم وصار و اتصل هو على الرقم و رد عليه صوت ما مميزه و تخانق بقوه سكت ما قال لي شي بعدها بيوم قال لي مين الرقم هذا قلت له صديقتي فلانه قاللي أتصلي عليها اتصلت علي الرقم بكل وقاحه قال لي خليه مع المكبر ما سويتها لأنه اللي بيرد أخوي المهم رد أخوي وصوته عالي هلا خيووو قلت فلانه موجوده قال لااااا المهم طيب مع السلامه قال لي يوم أنه جوال فلانه ليش مارت هي قلت له مدري من جد أستهبلت عليه مثل ما يسويي فيني بعدها أنهار و راح اتصل على أمي قامت أمي تفهمه السالفه اللي أنا مسويتها هو ما صدق وراح المستشفى وتنوم 3 أيام تحت العلاج النفسي أنا زعلت من أمي قلت لها أنا مسويه هذا كله عشان يحس فيني .. قالت لي بتخربي بيتك قلت لها وش معنا هو مااخترب ويوم صار بالمستشفى أنا مازرته بس كلمته بالجوال وقلت له غصبا عني إنا كنت أحتاج رجال يسمعني و يواسيني إنت اللي خليتني ألجأ للغريب وووو طلع من المستشفى رجع البيت ما فتح معي الموضوع أصلا أبيه يسوي أي شي ما سوا ويوم أنا جيت أبي أتكلم قا للي مو أنا سكت خلاص أنا أبي أنسا اللي انتي سويتيه وهو واثق إني أنا خنته صار يروح للدكتور النفسي عشان بس يعطيه إجازه من العمل غير كذا مأأستفدنا شي لحد أنا مارحت عنده وحاولت أفهم منه وش اللي صار بينهم اللي وضح لي إنه ماخذ الدكتور بس عشان يتغيب عن العمل أعطاه الدكتور أدوية و مهدآت فهمت الدكتور عن معاناتي بعدها ما قال لي شي زياده عن اللي كنت أسويه معه بس قال لي الدكتور إنه أول ما جاه زوجي كان منهار مرره و كان يبكي بشده وبس حكيت لأبوي المواضيع الشخصيه يوم جيت بيت أبوي و جا زوجي يتكلم مع ابوي و ما قال شي ما تكلم عن أي مشكله لما طلع قال لي ابوي وش اللي صاير بينكم أنا ضعت مو فاهم شي إما تتكلمو أو ماله داعي هذا كله تكلمت و أنا من جد ماأبي أتطلق بس إذا مايشوف لنفسه حل الطلاق هو الحل شكرا hermosa و أنا لازلت أتابع عند أخصائيه إجتماعية تعطيني بعض النصائح اللي تساعدني بس أنا تعبت |
أختي الكريمة أنت سويتي شئ بحسن نية حتى تبيني له خطر الخيانة ، ولكنه ما راح يستفيد لأنه راح يشك أكثر و أكثر و أنت ما لك ذنب يمكن هو ما نسى اللي سويتي معه لدرجة أنه تعب نفسياً ، و أعتقد أنكم لازم تستمروا عند الطبيب والأخصائي النفسي ، ولازم تجلسوا جلسة مصارحة معه ، وراح يساعدكم والله المستعان |
شكرا أخ عبد العزيز على ردودك والله إنك ما قصرت
يعطيك ألف عافيه و لي عوده |
بإنتظارك أختي الفاضلة |
الله يفرج همك .. عاجلا غير اجلا ..
|
عمري الله يفرج همي وهمك الحال من بعضه وهو صيح يموت علي بس وش الفائده اذاكان خاين بس انا بصراحه لما اجلس جنبه ما يقولي ابد بعدي وبعدين دايم نتابع التلفزيون وانا في حضنه اوبين ارجوله تتوقعين الموضوع فيه سحر انا شاكه في زوجي انه مسحور 80%
|
dant!L ~} شكرا لمرورك
al-raeem حبيبتي لا سحر و لا شيء بس رجال هاليومين عيونهم ما يمليها إلا التراب ياما جا في بالي إن زوجي مسحووور -- لكني رحت عند مشايخ و جبت شيخ يقرأ في بيتي وقال لي يمكن حسد بس مو سحر أنا ماأنكر إني في مرتين شفنا أشياء غريبه المره الأولى كانت بيضة مكسوره عند باب الشقه يوم جا زوجي بيطلع الصبح وكان يوم إجازته يوم الجمعه أول ماشافها على طوول اتصل على شيخ و قال له أقرأ المعوذات و أغسلها بماي مالح أو ماي من البحر و غسلناها كان على القشر المكسر حروف و كلمات غريبه (حياتي كأنها مسلسل كل يوم سالفه و قصة) بس أنا ما عندي يقين في هالأشياء وزوجي من أولها مو أوكي يعني بتجي ألحين على كسر البيض وش بيصير و مره ثانيه شفنا تراب لونه مره أسود منثور بس عند باب شقتنا و الله أعلم اللي متمسك بالصلاة و كتاب الله إن شاء الله ماراح يصيبه سوء وشكرا على مرورك |
اهلا بالجميع
5 أيام غاب عن شغله كان فيهم كل شوي ينط يبي العيال مره الصبح مره العصر مرره الظهر......... حسيته بس يبي يلفت انتباهي ويسوي شي مالقا غير انه يحط العيال سبب في انه يروح و يجي عند بيت ابوي أخواني و ابوي ما يسلمون عليه و لا يسلم عليهم بس أخوي الصغير صار يرسل لي مسجات ردي علي كلميني ضروري وووو وفي مره رديت عليه اول ما قال لي : ما وحشتك ؟؟؟؟ لو انه قدامي ذبحته ليه ما قال لي وحشتيني المهم انا رديت عليه وش اللي بيوحشني فيك حضنك و لا حنانك و لا ... قال لي خلاص يلا مع السلامه كسر قلبي ساعات احس من جد انه مريض نفسي بعدها بيومين جات فاتورة الجوال حقه توصل على صندوق البريد حق ابوي و فتحتها لقيت فيها مكالمات دولية للإمارات كثيره و مسجات بالهبل تعجبت انا ماأعرف ان عنده احد هناك المهم رحت دقيت عالرقم من جوال اخوي و طلعت لي وحده اهو صوتها مررررررررررررررررره مايع على طول سألتها من انتي و صار بيني و بينها كلام بهدوء عرفت انه هي اللي كانت متصله عليه غلطانه وهو قام يراسلها و يكلمها و فهمها مشاكلنا و قال لها انه طلقني وو حسيت وهي تتكلم عنه ان زوجي يروح يدور على جو يعيش فيه خيالاته و اوهامه و يبي احد يصدق كلامه و يواسيه حتى لو كان الموضوع مو صحيح بس المهم انه يكون الرجال اللي حياته سوده و محتاج فيه لبنت تووقف معه في محنته وهذا مو بس كلامها كلام اللي كلمتهم من قبل (عادة اذا اكتشفت رقم لبنت عنده ) اروح اتكلمم معاهم بهدوء و آخذ كل اللي دار بينهم و يهمني اعرف هو وش يبي منهم انا بعد ما قفلتها من عندها دقيت عليه و قلت له جمله وحده ماراح تشوف عيالك الا لما تطلقني قال لي ليش ؟ وش صاير بعد ؟ صارت هوشه مره كبيره فيها كل انواع السب انا اللي سبيته صراحه و قلت له عن سالفة الإماراتيه قام بينكر قمت قلت له انا اللي دازتها عليك :29: كذا سكت و صدق اني انا اللي دزيتها عليه و لا هو يبي يقلب الموضوع علي مدري هو ما قرب بيت ابوي من يوم صار هذا و هددته اذا وصل عند الباب بخلي اخواني يطقونه وبس اعطوني رايكم باللي صاااار |
أختي الكريمة زوجك يعاني من قلق ووحدة قاتلة لدرجة أن الفراغ والشيطان سيطر عليه بإختصار ، إصبري و أتوقع بعد ما كلمتيه بكلام جارح أنه مصدوم كثير ، ولذلك أنصحك بأن تتركيه فترة ، ولما يتصل عليك ، خليك معه وكأن شئ لم يكن هو يريد أحد يسمع له ويفهمه ويصبر عليه ما أنكر صبرك وتحملك ، ولكن هل من الخير أن تعاملي خطأه بخطأ آخر؟ المفترض منك أن تستوعبي وتحوي زوجك بعدما حصل ولكن الأمر الآن ما زال في أوله ، ولذلك تعاملي معه وكأن شئ لم يكن ، و إن كان له رغبة فيك ، وهو يريدك صراحة ، فأتفقي أنت وهو على جلسة مصارحة في جو هادئ وتكلموا بكل ما يعترضكم ، و بإذن الله بعدها إبدأوا بعلاجها ، ولاتغفلي العلاج النفسي لك وله |
كلامك درر يا أخ عبد العزيز
كلامك يا أخ عبد العزيز بيرحني أكيد لو سويت له كذا لأني من جد ماأحب إني أجرح أحد فكيف زوجي من جد أنا أتعب لو قسيت عليه بس أخاف إني لو لنت و جلست أسمع له أخاف بعدها يرجع ماكأني سويت شي (أخاف يوثق في حاله و يزيد جبروته علي يعني يمشي الحال معاي ألحين لأنه محتاجني و بس أصير بين أيديه ...ترجع السواليف)
و هذا اللي صار اتصل في بداية المكالمه كنت مره جافه معه و كنت لازلت مصره عالطلاق لكن هو جلس يقول لي حرام عليك و أنا ماأستغنى عنك و أحيك و أنا مريض و الأيام اللي غبتيها عني ما جلست بالبيت ( طبعا سوا تغييرات بالبيت مو طبيعيه أنا رحت قبل يومين و شفت شقتي غييير مرره كل اللي ابيه سواه)بويه جديده و أرضيات خشب و أثاث جديد كمل كلامه أبيك ترجعين بيتك و أنا عييت أعطيه أمل إني برجع له بس في كلمه أثرت فيني قال لي أنا طول الأيام اللي غبتيها ما سويت شي قصده (العادة السريه) و قال بعالج نفسي و أنه اشترك بنادي رياضي و كمل كلامه عادي و قال لي أنا بجي لأبوك بكره أبيك ترجعين معي ماأعطيته لا أيه و لا لا لكن جا بكره و اليوم و ما جااا أعرفه ما يجب المواجهة بالذات مع أبوي أتوقع هو يقول في باله أروح وش أقول المهم أنا ما هميت حالي و قلت اللي يصير يصير و كل يوم يكلمني و يختلق مواضيع بعيده عن مشاكلنا و يجيب سوالفه بالعمل أبيه يتكلم وش يبي مني أو يسألني أنا وش ابي منه أبدا ومره قلت له فضي لي حالك أبي أكلمك شوي ما كلمني.. كلمني يوم ثاني و لا كأنه مسوي شي طنشت قلت بخليه لحد ما أهو يقول لي أرجعي بيتك من جد و يصر عالموضوع أنا حزتها أقول له كيف أرجع و إنت ما تفاهمت معي أنا حطيت شروط وودي أقولها له بس كيف هل أسلمها على ورقه و لا أجيبه وجها لوجه و لا عالتلفون ؟؟؟؟ |
بالعكس يا أختي ، كل ما قلتيه هو بداية طيبة من جانبه ، وهذا أول الطريق ، بس هو ما زال يعاني من عدم ثقته بنفسه ، وهذه علاجها بسيط بالتشجيع و أنك معاه للآخر وبالنسبة لمواعيده وعدم إيفاءه لها ، فمثل ما قلت لك ومثل كلامك ، ما يقدر يواجه لأنه غير واثق من نفسه هذه الفترة ، وكل هذا بسبب العادة لأنه من نتائجها ، عدم الثقة والتوتر وعدم التركيز ، ولذلك من رأيي إذا كلمك قولي له أبغى أتفاهم أنا و أنت و أختر المكان المناسب لي ، يعني حسسيه أنك راغبة فيه ، وبعدها بكلام هادئ وعبارات حلوة خبريه شروطك بأسلوب طيب إما كتابة في ورقة أو كلام ، وحطي في بالك أنه ممكن يعترض في وقتها ، ولكن قولي له ، لاتعطيني رأيك الآن فكر فيها ، وبعدين لو وافقت عليها رجعت لك وحاولي ما تكون هالشروط فيها جرح لذاته ، وإنما لبيان الواقع ، و أنها من حقك أن تملي شروطك للرجوع ، مثل ما له حق في قبولها أو رفضها وبعدها تناقشوا في كل أموركم وبإذن الله راح تكون خير ، وهذا أولها ، وهو بداية تغيير حاله |
مرحبا من جديد
صارت أتصالات كثيره بيني و بينه هاليومين حسيت من خلالها إنه بس يبي يتطمن و أقول له كلمه أحسسه إني برجع له ويوم طال الكلام معه و حس بهالشي بدأ يهملني مره ثانيه خبرته إن عندي شروط أنبسط مره بس لأني قلت له إن عندي شروط و قلت له من حقك بعد تملي علي شروطك إذا كان عندك شي مزعجك و قلت له إني أنتظره يوم اللي يجهز فيه شروطه راح يكون بيننا حديث مطول من خلاال كلامي معه اليومين اللي طافو قال لي كلام غريب جرحني و تعب قلبي مره قال إنه يحبني و ما يستغنى عني لكن في نفس الوقت ما يطيقني و ما يطيق يقربني تحملت هالكلام و سألته ليش ؟ يقول ما يدري ليش ؟ يقول أنا ساعات أشتاق لك بس مو مررره شوق خفيف ويمكن بس أشوفك يروح الشوق هذا على الرغم إني جميله و هو يقول إني جميله و ما في شي يعيبني لا لبس و لا نظافه بس إنه ما يطيق يلمسني ولا يطيق يسمعني هالكلام خنقني بس ما بينت له إني متضايقه من هالكلام بالعكس قلت له حاول توصل لنقطه الغلط اللي فيني و انا مستعده أصلحها مهما كانت وقلت له بعد اني راح اوقف معه عشان نعرف هو ليش ما يطيقني و حسسته اني ماراح ارجع له اذا هو من جد ما يطيقني أرجع و أقول عيبي الوحيد إني عصبيه و قويه هل هذا يأثر فيه و يخليه بدون ما يحس ما يطيقني ؟؟ |
انتي قلتي عيبك الوحيد
انك قوية وعصبية! اختي العصبية محد سالم منها لكن نحاول جاهدين نريح اعصابنا لكن مب شي لما الحرمة تستقوي ترى فعلا الرجال ما يحبو هالصفه في الزوجة وينفر منها بسبب التصرفات اللي تتصرفها الزوجة من باب انها قوية وما تفوت شي انتي عارفة عيبك اللي قلتيه ليه ما حاولتي انك تتخلصي من هالطبع الله يصلح احوالك |
الله يصلح حالكم
|
لاحول ولاقوة الا بالله العلي العظيم, الله يفرج همك ويسخرلك زوجك
|
الله يهديه ويسخركم لبعض
|
موضوع العادة السرية هذا مو مشكلة بينك وبن زوجك
هذي حاله يعاني منها زوجك ولابد من الوقوف معه لتركها..لانها في المقام الاول والاخير معصيه محسوبه عليه ومالها شغل في خيانة زوجيه او مشكله زوجيه !! ------------- مسألة اخوي يوصلني السوق وانت ترجعني وانه عصب عليك من حقه , يعني اذا ما تضمنين مين بيرجعك ليه تروحي بالاصل ؟ اذا زوجك قال لك مو مرجعك خلاص اتفقي مع اخوك يرجعك وينتهي الموضوع لكن تعصبين علشان بيرجعك هنا كانت المشكلة !!! واذا ما يطلعك ويتمشى فيك..عادي كثير متزوجات حالهم حالك وطبيعي..يعني انتي اهم شي تبين تطلعين من البيت وتتمشين...افرضي لو زوجك طلعك لحديقه او منتزه او ملاهي...مجامله لك راح تتضايقي وتقولي انه موديني وكأنه مغصوب ...يعني في كلا الحالتين انتي متضايقه من تصرفه سواء اذا خلاك تروحين وراح معك مجامله وجلس معاك وهو طفشان وساكت او قال لك لا مافيه روحه !! المشاكل اغلبها تصير من اختلاف في وجهات النظر والرغبات يعني انتي تبين الشيء وزوجك ما يبيه وش الحل؟؟ طبعا ما فيه حل غير مشكله سوف تقع الافضل هو التنازل عن هذه الاشياء واذا على الطلعه اطلعي مع اهلك او اهله وكوني مع النساء والبنات وانبسطي ومو لازم زوجك يكون معك وانتي تبين طلاق؟؟ برأيك هل الكلاق حل للمشاكل اذا زوجك على حسب مقولتك اناني فأنا ارى كذلك انك انانيه لانك فكرتي في حياتك واهملتي حياة اولادك....وش ذنب طفل يعيش منفصل عن ابويه بسبب ان ابوه يمارس العادة السريه وامه زعلانه من هالتصرف..وش ذنب الطفل انه يعيش حياة مؤلمه بسبب ان امه تبغى تروح تتمشى وتنبسط يعني السعادة مو في طلعة حديقه او سوق السعادة في حل هذه الامور بعقل وبدون تفخيم لمشكله بسيطه وفقك الله وسدد خطاك دمتي بخير |
شكرا للجميع
أنا كذا والله لو ترجع لمشكلتي ماراح تلقا طلعة السوق مشكله ولا إنه ما طلعني بالعكس هو يوديني وين ماأبغا أروح ويتركني لوحدي (عشان ياخذ راحته ) مشكلتي الأولى خياناته - و الثانيه تقصيره معي - ومن حقي أفكر بنفسي والأولاد إذا كان أبوهم واحد زي كذا كيف أصلا راح يتربو وليش هو اللي ما يفكر بأولاده أنا مو ناقصه كلام مثل اللي انت تقوله وبعض الأحيان إنفصال الأبوين يكون حل عشان يتربو الأولاد صح بعيد عن أجواء المشاكل . وهل بكون أنانية لو فكرت إني أبغا حقوقي كزوجه و هل بكون أنانيه لأني بغيت زوجي إلي لوحدي ما يطالع بغيري ... ياأخي أنا منهاره وشوف من متى أنا مشتركه بالمنتدى لكن ما حطيت مشكلتي إلا يوم فرغ صبري و أنهرت حسبي الله و نعم الوكيل . |
عزيزتي الأرمله السوداء
بقول لك شي انتي إنسانه رائعه بجد وقويه بس الرجال بطبيعتهم مايحبون المرأه القويه خاصة عليه يحب المرأه اللي تكون (أنثى) بمعنى الكلمه خلي فيك أنوثه مثلا حاولي عنده انك تفكين قارورة مويه أو معلبات وما تقدرين عليها تعطينها إياه وتقولين له ممكن تفكها لي ماقدرت أفكها وشوف أيدي طلعت حمراء ... عندك أمثله كثير تكونين له أنثى وأهم شي تكونين أنثى في السرير .. حسسيه انك محتاجه له على العاده السريه ممكن منها انه اذا صار مشتاق لك يرجع ولايقربك علشانه يحس أنه إنسان أخطأ في حقك ولا يستاهلك... ممكن اطلب منك طلب إرجعي له وفجري أنوثك في حياته من كلام وصفه وشكل هو الآن محتاج لك أنصحك أنك تستشيرين مستشار ثقه على كيفيه أنه يترك العاده السريه وماعليك إلا أنك تختارين الجمعيه اللي يكون فيها إستشارات وخذي رقمها من الإستعلامات يالغاليه أنتي تاكلين حبوب منع حمل تراها هي اللي تجيب العصبيه الزايده ولا تنسين أهم شي الدين خليه يقترب من الله أكثر |
اقتباس:
أي حقوق تتكلمي عنها أنتي حقك في الفراش والنفقة والمسكن دامه موفر لك هذي الاشياء خلاص ما لك حجة عليه يعني لو تروحي للمحاكم وتقولي ان زوجي ما يطلعني ويتمشى فيني ...راح يقول لك القاضي ارجعي من مكان ما جيتي لأن الشرع واضح وبيّن حقوق الزوج على زوجته والزوجة على زوجها وايش هي الخيانة...هل رأيتي زوجك مع بنات غيرك او صور له مع بنات غيرك ؟؟ لأن العادة السرية ليست خيانة ولا تطلق على الخيانة هي معصيه فعلها وذنبه على جنبه طيب لنفرض ان شخص عزوبي ويعمل العادة السرية..وش نقول عنه خاين طيب يخون مين ؟؟؟ مافيه خيانة...إنما فقط هي معصيه وفعلها انتي زوجته وادرى بحالته اذا كان زوجك يفعل العادة السرية ليه؟ وينك عنه ؟؟ ربما انك منشغله عنه...ربما انك مو مهتمه بالعلاقة كما هو مهتم بعض الرجال يريد الجنس يوميا وبعضهم لا يريد وهم القلة المرأة تختلف عن الرجل..اغلب النساء يكفيها ربما الجنس في الاسبوع مرتين فقط بينما زوجها يعاني ويعاني انتي حاولي تعوضيه بكل شي الله يوفقك ويسعدك وترى هالكلام مو دفاع عن زوجك لكن انا رجل وربما افهم حالته وما يعاني منه دمتي بخير |
أختي الكريمة عليكم بالرقية الشرعية واضح جداً أنك تريديه وهو يريدك ، ولكن المسألة أنه لما يشوفك أو تشوفينه ينتهي كل شئ ويقل الشوق إبحثي عما يسعده ويرغبه فيك ، وذلك عن طريق جلسة مصارحة هادئة هو موافق وفرحان أنك راغبة في الرجوع له ، ولكن فيه شئ يمنعه نصيحة لك وله إستمروا على تصحيح وضعكم النفسي ، ولاتنسوا الرقية الشرعية وفقك الله |
شكرا لمتابعتك أخ عبد العزيز
أخ أنا كذا ...... تراني أتكلم عن خيانات مو عن طلعات ولا عن سفر ولا فلوس أتكلم عن تقصيره في الفراش معي بدون ماأدخل في تفاصيل هو مقصر جدا جدا جدا معي بالفراش ولو كان يحاول يجاملني بيكون شي واضح وسريع جدا... وهو يعترف إنه مو قادر يطيقني بالفراش غيره العاده السريه مو خيانه بس إنه أنا أحتاجه وهو يمارس العاده السريه ليش؟؟؟؟؟ أفهمني و أرجع لكلامي الأول و أنتظر ردك واضح إنك نصير الرجال بكل الأحوال جد بقول لك أنا مو مقصره معه بأي شي ولو أنا أسأله وش يعيبني معك يقول ولا شي مدلعته بيته نظيف أنا وعياله ما يجي من الشغل إلا كأننا رايحين عرس من أناقتنا ولو طلب عيوني عطيته ولو صار عنده عجز في الماده رحت لأبوي أركض آخذ منه فلوس و جازاني بإنه يكلم بنات و من بنت لبنت أرجع ياأخي من البدايه وشوف المشكله ---- إذا تبي تساعدني أو تنصحني أنا هنا أبي نصايحكم و حلولكم وأي سؤال أنا حاضره لأني أبي مساعدتكم مو بس كذا |
ولو صار عنده عجز في الماده رحت لأبوي أركض آخذ منه فلوس
شكلك آكله الجو عليه الرجل يحب يحس برجولته الاستغفار يحل كثير من المشاكل اصلح الله حالكم |
شكرا لمرورك ريتال
بس من جد مو قصدي آكل الجو عليه كثر ما يكون قصدي مساعدته كنت أحاول بقدر الإمكان اني اخليه يتورط في عدم حسن تدبيره للأمور لكن تجي ظروف صعبه مثلا عادي انه يخلي فاتوورة الكهرباء ما يسددها شهور لحد ما تنقطع وفي حزة الضيق يتمسكن من وين لي ووووو انا اروح أحلها له بسرعه .... |
| الساعة الآن 11:16 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©