|
ماهي الحدود التي لايتجاوزها خطيبي في هذه الفترة ؟
السلام عليكم ورحمة الله وبركاته
عندي سؤال محيرني الان أنا مملكة وزوجي بين كل فترة والثانية يزورني بالبيت ماأدري كيف اوضح لكم أنا استحي من مرررررررررررررررة بس هو دايم يحاول يحضن و ..... وأنا ارفض زعل اكثر من مرة ويقول انا زوجك وكذا :rolleyes: وهذا شيء عادي يحصل بين اي متزوجين بس دايم اقوله احنا مملكين والمفروض مايصير شيء ؟ وهو يتكدر ويشيل بخاطرة لو ماخليته أنا خايفة كثيييييير واشيل همً كل مرة يجي فيها عندي أخاف حتى لو خليته عادي ياخذ فكرة اني جرئية او شي بسألكم وش الحدود اللي مفروض مايتجاوزها هالفترة ؟ وهل كل المملكات يصير لهم مثلي ؟ على فكرة عُمري 21 وهو 32 سنة وصار لنا خمس شهور مملكين وأنا الكبيرة بين خواتي ولا اتجرأ اسأل احد من قريباتي ريحووووووووووووووووووني |
مبروك الملكه يا نواره
انتي الصح حبيبة قلبي تمنعي عنه لانه هذه ملكه فقط برغم انها شرعا زواج ولكن بحكم الخطبة تخيلي تعطينه الي يبي ولأي سبب من الاسباب لا قدر الله ما يصير الزفاف ! خلك ثابتة على موقفك وعجلوا بالزفاف |
عااادي اختي اول مره تجلسين مع رجال غريب وتحتاجين وقت علشان تتعودين عليه
انا ما اشوف انه طلب شئ غلط كل هالامور من حقه لكن لا يتمادى ويطلب المزيد خلي الباب مفتوح لا تسكرين باب المجلس اذا زاركم وانا فيه مره جايب لزوجتي هدية ايام الملكة وقلت لها غمضي عيونك وطلعت لها الهاديه وغمضت بستها على خدها صفقتني كف لا ارادياً وهربت من المجلس وساعة جالس الحالي انتظرها تجي ماجات طلعت وسكرت الباب وراي <<< عاادي ردة فعل لشئ مستغرب عليها وخافت منه بس كل ما اذكرها الان باللي حصل تمووووووووووت ضحك |
اقتباس:
انتي بيني له قولي له انا هالحين في بيت اهلي اذا طلعت من عندهم (قصدي الزواج) لك اللي تبغى حطي بينك وبينه حدود في لقائكم مع بعض ... لأنه هالحين يكون وراك بعدين اذا عطيتيه اللي يبغى راح وصرتي وراه بيطفش منك.. وبعدين اذا حضن و...و... ماراح تطلع لها حلاة بعدين اقصد بعد الزواج ههههههههه انا اذكر بعد ماتملكت كان هو في آخر المجلس وانا في اول المجلس حاسبه حسابي اذا خطط لأي حركه راح اكون قرب الباب هههههههههه |
السلام عليكم اختي الكريمه الحضن والبوس واشياء اخرى كثيره عادي في هذه الفتره لانه زوجك شرعا ولكن لحد معين اقصد عدم الدخول على الزوجه لان هذا يكون ليلة الدخله او "البناء" ولكن انتي يمكن ما تعودتي عليه شوي شوي تتعودين عليه وهو اعطيه اللي يبيه ولكن ضمن حدود الشرع كما قلت سابقا بدون دخول على الزوجه ، كما قلت لك الحضن والبوس واشياء اخرى كثيره عادي في هذه الفتره ولكن دون الدخول، والف الف الف مبروووووووووووووووووووووووووووك :14::14::14::14::14::14: اخوكم "شمعه تحترق" سابقا |
عادي اختي كلنا صار معانا مثلك ولاتخافين ماراح يقول عنك جريئه بس لكل شي حدوووووووووود
يعني البوسات والاحضان مافيه مشكله اكثر من كذا لا احذري حبيبتي هو زوجك بس حلاوتها ليلة الدخله ولاتزعليه اعطيه بس بحدود |
انتوا مملكين من خمس شهور
وأعماركم ما شاء الله مو صغيرة أقصد ما انتو مراهقين و هو شرعا زوجك اذا زواجكم قريب فطبيعي اللي يصير بينكم البنت تستحي و تقول مو وقته بس لو فكرت بتلاقي أن يتدرج معاها, حضن, قبلة و غيره في فترة الملكة قبل الزفاف افضل حتى تقترب منه بالتدريج و ما تلاقي نفسها بليلة الزفاف مع رجل مازال غريب عنها على سرير واحد! لو فكرت الفتاة بهذه الطريقة ستجد أن التقارب الجسدي مهم في هذه المرحلة.. إلا إذا كان الزفاف بعد سنوات أو كان هناك أي مشاكل معينة و طبعا شوي شوي مو كل شي بيوم واحد يعني حضن قبلة أكتر من كذا صعب... و يضيع حلاوة يوم الزفاف.. بالتوفيق |
اقتباس:
آهلين اختي الله يبارك فيكي ان شاء الله أنا قلت اني ارفض قد ماأقدر بس هو يزعل ويشيل بخاطره محآولاته ماتصًل للي راح له بألك ومستحيل اعطيه هالشيء ! زواجنا بعد تسع شهور ان شاء الله والله ييسر مشكورة اختي |
اقتباس:
ح اخذ بنصيحتك شكرا اخووووووووي ماقصرت |
أختي
هذا زوجك شرعا ، مافيها شئ اللي قلتي عليه و من حقه و أنا كنت مثلك و دحين أضحك على المواقف اللي مرينا بها |
قولي آمين .. الله يهديك ويردك إلى صوابك
زوجك يطلبك .. ويتمنى تحققين له رغبة تعتبر حقه له بالكامل .. وتجين تشاورين الناس فيها !! صار لكم خمس شهور عاقدين قرانكم .. وعمرك ما خليته يضمك .. معقول ؟؟ ودي أفهم وش الهدف من الامتناع عن هذا .. هو زوجك شرعا وعرفا .. ويحق له طلب الأمور هذي وأنتي تمتنعين بلا سبب .. زوجك من خمس شهور يحس إنه متزوج ومو متزوج .. يجلس معك ويكلمك بس ما يقربك بسببك أنتي ؟؟ ترفعوا عن مثل التفكير هذا .. وأعطي زوجك ما يريد .. ما راح يطب في الغويط إن شاء الله فلا تخافي .. لا تحرمي نفسك ولا زوجك لذة العناق والقبلات .. بل ربما يأخذ منك موقف .. ربما إنه كان يعف نفسه عن الحرام انتظارا لفتاة مثلك يضع فيها رومانسيته .. ثم تحريمنه بسبب إنك ممملكين ؟ وش معنى مملكين .. يعني زوجك .. يعني لو قال لك تعالي معي نطلع برا .. أمرا لا اختيارا .. لوجب عليك الخروج لأنه زوجك وتجب عليك طاعته .. أنا رجل وأعرف وش يفكر فيه زوجك .. الشغلة مو شهوة يبغى يفرغها .. لكن يبغى يحسس نفسه إنه فعلا أصبح زوجك وأصبح له شريكة حياة .. يبغى يحس بالفرق بين الجلسة معك والجلسة مع أمه أو أخته .. لكن ابتعادك عنده بالطريقة هذي ربما تنفره منك يوم من الأيام لا قدر الله .. اتصفي بالحياء والخجل الشديد .. لا مانع من ذلك .. بالعكس ربما يغرق في حبك أكثر وأكثر .. لكن لا تمتنعي .. أعطيه فرصته .. بل حقه الشرعي وفقكم الله |
هذي سلبيات فترة الملكة الطويلة ....
بعض الأهالي ما يملكون إلا بيوم الزواج أو قبله بيوم يرتاحون ويريحون |
| الساعة الآن 09:28 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©