|
ثلاثة شهور ما طلعت منها ولا سالفة او فض فضت علي بكلمة
السلام عليكم ورحمة الله وبركاته
الحمد لله والصلاة والسلام على اشرف الانبياء والمرسلين سيدنا محمد وعلى آله وصحبه اجمعين اما بعد : اخواني و اخواتي ، بالصدفة كنت ادور حل لمشكلتي من خلال محرك البحث قوقل ومن حسن حظي ظهر لي هذا الموقع الرائع اللذي احمد الله على ان دلني عليه وبعد اطلاعي على بعض مواضيعكم الرائعة والمميزة إنبعث لدي امل بأن المشكلة ستحل بعد الله بتوجيهاتكم وإدلائكم بالنصائح لي . بدايتي مع حبيبتي ، نعم حبيبتي اللي حبيتها من اول نظرة يوم شفتها بالصالة ببيتنا اثناء زيارتهم لنا . طبعا كلمت الوالدة وقلت البنت لا تروح طبعا ما قصرت الوالدة وخطبتها لي خطبة شفهية اليوم الثاني ، المهم مالكم بالطويلة . القصة وما فيها انتظرت سنتين لين جاء الوقت اللي قلت لازم املك عليها على شان اشوفها واسولف معها واشوف هالبنت اللي بتعيش معي طول العمررر . طبعا اول مقابلة لنا كانت سوالف عادية فقط لا غير مع غززل مصطنع منها < ما الوم البنت ممكن كانت تفكر بطريقة على شان تكسبني لكن انا على طول حسيت انه مو من قلبها طبعا ما كشفت لها عن حبي لها .. لمدة اسبوعين او ثلاثة من الملكة ... طبعا يوم قلت لها عن حبي ومثلكم عارف ما ينفع تجي من اول يوم تقول للبنت انا احبك .. المهم انا توقعت بعد الملكة إني راح اكون مثل اغلب الشباب كل يوم يكلم خطيبته ساعة الى ساعتين توقعت كذا صراحة .. لكن تفاجأت بإني ما اقعد بالجوال معها ولا خمسس دقايق انقش السوآلف على شان اطول معها لكن للاسف ما نطول حتى ان اغلب السوالف تكون محصورة حول اخبار الاهل ومتى الزواج فقط لا غيررر . [ مره دخلت موقع حق اختبار الشخصية وقلت خلني اكلمها واطرح عليها الاسئلة بس على شان تسولف معي . صدقوني يا ناس لي معها الحين 5 اشهرر ولا اذكر انها قالت لي ولا سالفة ابيها تسولف ما فيه امل .. انا اطلع لها كل سوالفي وكل اللي صار لي باليوم اللي كلمته فيها من باب تسترسل معي لكن ما فيه فايدة .. صراحة آنا مليت يعني حتى لما اقابلها بالبيت عندهم ما تسولف تقعد بس تناظرر تحت واذا قربت منها تضمني وتحط راسها على صدرري لكن ما تتكلم .. < الله يرحم والديكم شوفوا لي حل .. صراحه ابي احس انها انسانة تفض فض لي ابيها تعطيني كل همومها لكن للحين ما قدررت ادخل لها . حتى بديت احس انها ما تحبني مع إني آموت فيهآ آسف على الإطالة .. لكن زي منتوا شايفين ابي افصل لكم على شان تعطوني بعض نصائحكم وجزاكم الله خيرا |
اهلين اخوي ترا موب شرط انها ما تقولك شي يعني تكرهك انا ايام الملكه زيها بالضبط
اذا جا زوجي عندي انزل راسي من الحيا وحتى الحضن ممنوع عندي احمد ربك هي توافق بس المكالمات كنت اطول معاه بس انت تبغاها تسولف معك هي ما تبي تقولك ايش صار عندهم بالعكس احمد ربك هذا دليل انها بعدين ما راح تسولف عن اسرار بيتك لاحد وصدقني هذا كله حيا بس اهم شي لا تنساها من الهدايا لان الهدايا تولد الموده والحب واكتب لها مثلا رسايل زينه او مثلا تبي تعرف غلاتك مثلا خذ عندك هذي الرساله اكتب لها زي كذا ( ........... حبيبتي املأئ الفراغ التالي بكلمه توصفيني فيها وارسليها باسرع وقت واذا ارسلتي اسرع ضاعفتي فرصتك بالفوز بمليون بوسه مثلا او اي شي )وخلك دايما رسايل حب ورومانسيه انتبه تهملها...وسلامتك |
اولا اخوي ... الف مبروك وعقبال الزواج ان شاء الله الواضح ان البنت لسى يماتجرئت عليك مره ... ولاتفكر ابد انها ماتحبك... بالعكس اكبـــــر دليل نومها بحضنك لانها تحس بالراحه معاااااااااك ... ويمكن تكون شخصيتها من النوع القليل الكلام تحب تسمع ... لكن انت ممكن اذا قابلتها يوم او كلمتها تقول لها انا اليوم ماراح اتكلم انا ابغاك انتي تسولفين علي ودي اسمع صوتك وسواليفك ...... ومن هالكلا الحلو وبعد انت اسئلها عن روتينها اليومي وش تسوي ..؟؟ واستشرها في اموركم المستقبليه ان شاء الله ...؟؟ استشير عليها في امور البيت وش تبغى النظام يكون ...؟؟ يعني اخترع لك مليون سوال يحتاج الى اجابات شرح ... مو كلمه ورد غطاها ... والله يوفقكم ياااااارب ويسعدكم دوووووووووم |
لا تستعجل على رزقك
بكرة تتزوجوا و تقول ياربي متى تسكت ؟؟؟؟؟؟؟؟ |
اقتباس:
صدق اخوي روح الطير بكره تتزوج وتتمنى متى تسكت بس هذي فترة الملكه تلاقيها منحرجه شوي مو متعوده على الوضع الجديد وانت افتح معها مواضيع يطول فيها النقاش وحاول تسحب منها الكلام وحاول تناقش معها ما اقول غير الله يوفقك انشاء الله ويرزقك الذريه الصالحه يارب فترة الملكه هذي يسمونها الكبار فترة الكذب لان الواحد يحاول يبين احسن من عانده من الطرفين وبعد الزواج تصير وجهك بوجهها وتجيك السوالف :d ربي يوفقك ان شاء الله |
كلنا كنا كذا فترة الخطوبة لا تفكر ان زوجتك لوحدها كذا
انا كنت لما اطلع مع زوجي يقولي وين تبغي تروحي اقول بكيفك وين تبغي تتعشيء اقول بكيفك يقوم يطفش يقول ما ابي بكيفي اقترحي وانا ساكتة طول الوقت لاكن اليوم ما يتسكر فمي من الحكي حتي اذا سكت في السيارة او اي مكان يقول غريبة اي فيكي زعلانة |
تبيها من اول يوم تطق حنك وتمزح معك ؟! البنت مافيه احيا منها اصبر عليها ولاتستعجل ترا كل البنات كذا وحتى الرجال بأول يوم او ثاني يوم يصير مثلها الا انه يتجرأ قليلاً عشان يفك العقده شوي موفق خير وعسى الله يوفقكم ويتمم عليكم |
الحل الوحيد انك تتعامل معها بنفس أسلوبها , لأ نه غالبا ما يكون ثقل وجفا او شوفة نفسك
|
لماذا لا تتكلم انت معها بهذا الموضوع
أولا ابحث عن مواضيع فيها كلام ونقاش ثانيا كن لطيف المعشر وخفيف الظل ثالثا لو استمرت في السكوت اعطها كلم معسول عن كونك تريد سماع صوتها و أنك كما رأيت جماها تريد ان ترى جمال عقلها وأخيرا صارحها بلطف واسلوب بسيط و جميل كيف أنك تحب كلامها وتريدا أن تتكلم معك وانك لاتحب السكوت لكن إياك إياك ثم غياك أن تغضب عليها وتفقد اعصابك ويتحول الموضوع إلى مشكلة |
أفيدك اخوي مر علي نفس الموضوع تقريبا ، ولكن حضرت دورة مع الاستاذ القدير وليد خزام هذا أستاذ فاضل متخصص
وفي الأمور الأسريه وأستفت منه كثير وأفادني في الموضوع وقال(بعض الفتيات يكون عندها الخجل والحياء زايد ولكن هذا موبيدها وهذه ميزه طيبة ولا تستعجل وأبدأ شوي شوي وعند الزيارة خلك بعيد شوي وكل زيارة قرب شوي وحاول تمسك يدها وشوي شوي تشوف الأمور متطورة ولالالالالالالالا تستعجل ممكن أرتاحت لك ولكن ماتقدر تعبر.، وأذا أرت رقم الاستاذ وليد خزام رد علي أعطيك أياه. |
يااخوي كل اللي قلت عليه يدل على ان البنت مستحيه منك
خليك مثل ما انت وحاول تسالها عشان تتعود عليك وانت بنفسك راح تعرف الله يوفق ما بينكم |
عآتي
حتىآ آنآ لو مكآنهآ مرآح آتكلم آو بتكلم بس بآختصآر متري ليه لآنو آي شخص مآتعودت عليه مآتقدر تتكلم معآه بكل طلآقه وتفضفض وهي بآين عليهآ تستحي منك مآرآ مآرآ حآول آنت بطريقتك .. تخليهآ تآخذ عليك ومآتخجل معك ولآ تصير معآهآ رسمي لآنو هـ الشي يزيد خجلهآإ اذا مآتكلمت آسآلهآ آنت وش سويتي اليوم وش كلتي هعـ يعني بآي طريقه شوف هي وش تحب وسولف معآهآ بالشي الي تحبه ويجذبهآ وهيييييك والله ترىآ البنآت يآحليلهم كلمه كلمتييييين ويصيرون مثل مآتبي لآتحآتي يعني |
اخوي انت قلت شي مهم
اقتباس:
لذلك اخوي انصحك ما تتسرع با الحكم على البنت يمكن انت عندك الجرئه وتقدر تقول كلام حب وغزل بس هي ما تعرف شي ,, لذلك لا تحبطها وحاول تداريها كن معها ولا تكن ضدها انصحك بشي جربه وان شاء الله ينفع معك بدل ما تكلمها با الجوال ارسل لها رسايل ,, مو با الجوال لا اكتبها بخط ايدك واعطيها اياها صدقني راح تتجاوب معك ,, لان الشخص لما يعبر عن مشاعره با الكتابه مو مثل لما يتكلم بها في فرق حاول تتواصل معها با الرسايل وتتفنن في كلمات الحب والغرام عشان تكسب قلبها علمها وكن معها وربنا يوفقكم ان شاء الله ^_^ |
اقتباس:
اوافق اخي ابن المكلا 100% سبحان الله كتب اللي حصل معاي.. اخي كل المخطوبات كدا ... يغلبهم الخجل اول فترة لا هي كبر و لا شوفة نفس و لا عدم حب فقط خجل .. الوحدة ماتعرف ايش تقول . تنحرج و تخاف لا كلامها ما يعجب خطيبها رغم طول ملكتي الا انني كنت مثل خطيبتك لااا اتكلم .... و اخيرا توصلنا لحل الرسائل .. كان يكتب لي رسالة بخط يده فيها اي شي يتمناه مني .. او يعبر عن حبه لي او اي شي ثاني .. و ارد عليه برساله خطيه ثانية ... و بالرسالة الوحدة تقدر تاخذ راحتها بالكلام جدا.. و بعدين تبقى هذه الرسايل ذكرى حلوة بقية العمر ان شاء الله الحين بعد الزواج يتمناني اسكت :) فلا تخاف و لا تقول ماتحبني .. الا تحبك و تموت فيك ... و كفاية انها تحط راسها على صدرك هذا يعني انها تمووووت فيك ... تطمن اخي الكريم ربي يوفقكم و يبعد عنكم شر العيون |
الله يعطيكم العافية . . صراحة ما اخطيت يوم جيتكم بمنتداكم اللي اعبتره من الآن مرجعي في حل كل مشاكلي ومشاكل آسرتي المستقبلية معكم والله يخليكم ويحفظكم من كل شررر عموما اثريتوني بتجاربكم .. [ واذا على طاري الرسايل بحاول اشوف الحل هذا ممكن انه يفك ازمة :) ] عموما اشكركم مره اخرى على الردود اللطيفة .. ولا عدمتكم |
عليكم السلام أخـوي سـكـوتـها ليس دليل على عدم حبها لك،، بل واضح حبها لك لكن هـذه المرحـلة يكون الحياء والخـجـل هـو الغـالب والمسيطر على حالها لذا يا رجال عجـل بالزواج بدل القعـدة هـذه :25: ،،،، وبتلقها بعد كذا ما تسكت في ظل عـزكـم - ادامه الله - ......:d الله يوفقكم ويجمع بينكم على خيـر <<<<<<<<كاثرتن دعاوي في المواضيع .....:d عزوبي:21: بس:d رجل:30: |
اقتباس:
هههههههههههههههآي < لا ياخي .. ورانا الف شغلة وشغلة لين يتم الزوآج .. خلها على ربك بس الله ييسر :) الله لا يهينك |
الحياء شعبة من الايمان اصبر شوئ عليها والبنت مومتعودة تكلم غرباء وهذا دليل على نقاء مخطوبتك
|
| الساعة الآن 01:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©